انتقام خالد ... 33 - القصص الطويلة , القصص و الروايات story
 |
 |
 |
 |
 |
 |
 |
 |
|
|
|
 |
|
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (138,726 مشاهدات)
فتاة تستأذن امها فى ممارسة الجنس (86,825 مشاهدات) قصة واقعية حدثت في ليلة الدخلة (67,751 مشاهدات) اغتصاب بنت ميته (45,838 مشاهدات) دخلت الفتاه الشاليه قصه يقف لها شعر الراس (43,434 مشاهدات) الملائكة تنقذ فتاة من الإغتصاب ... سبحان الله (38,718 مشاهدات) ركبت عبير مع خالد اللكزس وطلعو الشقه (30,202 مشاهدات) قصة حب محزنة عبر الانترنيت والله تبكى الحجر (29,525 مشاهدات)
جديد مواد مع عشوائي
زوج نجاه الله من الغرق (4,260 مشاهدات)
ضحت بذراعها لتنقذ شقيقها (4,783 مشاهدات) خرجت رائحته بعد موته (6,390 مشاهدات) آهٍ........ لو أعود (2,336 مشاهدات) توبة اشهر عارضة ازياء (4,928 مشاهدات) توبة الشيخ سعيد بن مسفر (4,142 مشاهدات) توبة أب على يد ابنه (2,334 مشاهدات) توبه فتاه ادمنت الشات (5,126 مشاهدات)
روابط ذات صلة
روابط دليل وصلات
خطوط منتديات مدرسة المشاغبين افلام مقاطع يوتيوب بروكسي proxy ماسنجر مسنجر العاب فلاش اغاني اناشيد مسجات رسائل sms جوال موبايل بلوتوث صور جديدة برامج جديدة خطوط بث مباشر مشاهدة قنوات فضائية على النت تلفزيون راديو television radio tv live منتديات فراشة حواء - للبنات للنساء للستات للحريم |
القصص و الروايات story > القصص الطويلة > انتقام خالد ... 33
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية انتقام خالد ... 33
فتح حميد عيونه وهو يسمع كلام ولده ...!! اول مره يسمعّه هالرمسه القويه ... كلنة عبدالله كان فيها تهديد .. جنه مب هو ولده اللي عرفه .. واللي رباه بإيده ...
حميد : انته ما تستحي على ويهك ..!! عبدالله : ما اسمحلك تقولي هالكلام ..!! وبعدين شوف ... لك انته اسبوع . اسبوع واحد .. ان ما نزلتلي البيزات اللي احتاجهم خلال هالاسبوع .. صدقني .. صدقني بسوي شي ما بيعيبك مول ..!! حميد وهو منصدم : تهدد ابوك يا مسود الويه ... عبدالله : عشان اخذ حقي بسوي كل شي ...!!! حميد : حقوقك ...!!! أي حقوق يالجلب ..!؟! عبدالله : انا مب جلب ... وبعدين بييلك اياها من الاخر ... انا اعترف اني مالي حق ... وانته الثاني مالك حق ... تعرف ليش ..!! لانك سرقت بيزات اخوك ... هيه نعم ... تتحراني ما ادري عن سواياك ... وعليك انحلبت الدنيا ... انا اعرف كل شي عنك وعن اللي سويته ... اروم بثانيه وحده اجلب حالك جدام عيال اخوك وعيالك .... فاحسلك تسوي الي اباه منك عشان تسلم من شري ... ما قدر حميد يتحمل اكثر ... كلام عبدالله جاسه في الصميم ... حس انه كشف المستور ... وانه طاح من عين اكبر عياله .. رفع حميد ايده وكان بيمدها على ولده ..لولا انه عبدالله يود ايده ودزه ع الارض عبدالله : بكفيك شري هالمره ... بس اعرف انك بتسوي اللي قتلك عنه ... طلع عبدالله من الصاله عقب ما عق كل قنابله على ابوه اللي يلس على الارض مصدوم ومب حاس بالدنيا اللي حوله ...!! "عبدالله عارف كل شي ...!!! عارف اللي سويته في اخويه ...!! عارف من زمان وساكت ..!!! ... " حط حميد ايده على راسه وهو ما زال يالس على الارض ومفجوع من كلمات وتصرف ولده ... دخلت شيخه ي حزتها وشافت ريلها ع الارض وحالته مب طبيعيه ... شيخه : بسم الله عليك يا حميد .. شو تسوي ع الارض ... رفع حميد راسه وويهه مليان هم وغم ... وحرك شفايفه بس الكلام ما طلع ... شيخه : بسم الله عليك يا حميد .. شو مستوي ..!؟! .. مايد فيه شي ... حميد : سكري الباب يا شيخه ... شيخه تمت تشوف ريلها مبهته .... وجنها ما استوعبت اللي قاله ... حميد بصوت عالي : اقولج سكري الباب ... قامت شيخه بسرعه وبندت الباب .. وردت يلست حذال ريلها ... شيخه : خير يا حميد .. خوفتني ... حميد : الجلب ولدج... شيخه بخوف : أي ولد ..؟! حميد : عبووود شيخه : بلاه عبدالله ..!!!! حميد : عرف كل شي عن سالفة بيزات عمه ... وهددني .. هددني يا شيخه .... شيخه نغزها قلبها ... والسبب انها هيه اللي خبرت عبدالله اشي من هالقبيل ... بس ابدا ما بينتله انه ابوه هو اللي سرق بيزات اخوه .. بالعكس تمام .. هيه حلبت الموضوع كله على احمد ...!!! حميد : كيف عرف يا شيخه ... اكيد فيه حد خبراه ... اكيد ..!! شيخه بتردد : ي يعني م منو بيخبره ..!!!؟ وكيف بيعرف اصلا !! حميد : شيخه فيه حد غيري وغيرج يدري بهالموضوع ! شيخه ارتبكت اكثر : محد يا حميد ... صدقني محد يدري بالسالفه غيرنا .. وانا ما طلعتها حق حد ..! حميد رفع صوته : عيل كيف عرف .!!!! قوليلي كيف ..!!! شيخه ردت على ورا شوي : وانا شدراني يا حميد ..!! يمكن .. يمكن .. مادري والله حتى مب رايمه افكر بشي ... حميد : والغرفه ؟؟......الغرفه حد دخلها ؟ شيخه بسرعه : لالالا ... الغرفه محد دخلها مول .. اصلا نسوها العيال .. وبعدين كيف بيدخلونها بدون مفتاح .... حميد : بس .. بس يرومون يدخلونها في المفتاح السبير ... صح ولا لآ !!!! شيخه : هيه بس المفتاح عندي .. حميد : يمكن حد خذاه ..!! شيخه : وليش ياخذه ..!!!!! حميد : ريحيي بالي وخلينا نسير نشوف المفتاح ... شيخه : معني متأكده انه ماشي فايده .. بس يلا .... طلعت شيخه ويا ريلها من الصاله .. وساروا بسرعه صوب غرفتهم .... شيخه توجهت سيده صوب الكبت اللي تخش فيه بالعاده المفاتيح ... وطلعت كل المفاتيح .. وسلست تدور عن المفتاح السبير اللي يفتح كل غرف البيت ... وحميد فوقها يترقب بحذر ... بعد دقايق من البحث رفعت شيخه راسها بويه مرعوب .... شيخه : ال ... المفتاح مب موجود ..!! ########################### اليوم الثاني .... في بيت بو راشد الصغير .. كانت فاطمه يالسه في الصاله متملله ... تحس انها وحيده بدون ميره .. وضايعه بدون راشد ... ومرهقة وتعبانه كم حالة اهل البيت وخاصة امها .. تنهدت فاطمه وتمت تجلب المجله اللي حفظت كل صفحه فيها من زود ما تعيد وتزيد فيها .... تمت تفكر شو تسوي .. تطبخ ؟! .. حق منوه ؟؟! ما عاد حد يتيمع على وجبه .....عيل شو تسوي .....ماشي غير طريقه وحده تجتل فيها مللها .. تتصل في حد ...بس منو ... هيه انسانه وحده .. انسانه وحده بس اللي تقدر تسليها وتنسيها همومها .... شلت فاطمه الموبايل وضغطت ع الرقم ... واتصلت .....شوي و رد الطرف الثاني ... ميره : هلا والله .. هلا وغلا ... فاطمه : فدييييييييييت هالحس انا .. فديت روحج وقلبج وكلج ع بعضج ميره : حبيبتي والله ... شخبارج .. شو مسويه ..؟ فاطمه : الحمدلله ع كل حال ... ومن صوبج ...؟ ميره : بخير بخير حبيبتي ... ولهانه عليكم وايد .... فاطمه : ونحن اكثر ... ما تتصورين شكثر احس بالوحده من غيرج ميره : فديت روحج والله ... يعني انا بحصل وحده شراتج!! فاطمه : هيه حصلتي حمود ميره : هههههههههه اسمه محمد لو سمحتي فاطمه : هيه طبعا الحب تحول ميره : هههههههه لا انتي مكانتج غير غير غير الكل ... وما تصدقين شكثر انا فرحانه باتصالج ... فاطمه : فديت روحج ميره : شحال الوالده والوالد ؟ فاطمه : اه يا ميره ... ادعيلهم بس ميره : بسم الله ...! شو مستوي ..!؟ فاطمه : حبس راشد معذبنهم .... ومعذبني اكثر منهم ... ميره : فديتج والله فاطمه : ميره امايه وايد تعبانه ... من تنش لين ما ترقد وهيه تصيح عليه ... وصحتها ما تتحمل ... انا لو راحت عني امي بموت ... صدقيني بموت ميره : سلامتج حبيبتي .. وبعيد الشر ..!!! فاطمه : هيه مول ما تفكر بصحتها ...! ولو يدريبها راشد ما بيرتاح وبيتم يفكر ميره : ما تقدرين تلومينها ... هذا ولدها ..!! فاطمه : الله يلوم اللي يلومها ... بس انا بعد احتاج اللي يسمعني وافضفضله ميره ابتسمت : وقتي كله لج ... ومتسعده اسمعج الدهر كله ولا احس بضوت نبرة الضيج ها ي فاطمه دمعت: فيج الخير ... ميره : وان شالله ان شالله ان شالله بيي الي يعوضج عن هالايام ... ويسعدج والله بيجبر بخاطرج شرا ما جبر بخاطري ... فاطمه : الله يسمع منج ... والله يردلنا راشد بالسلامه ميره : صدقيني يا فطامي ... البريء لازم بيتظهر براءته .... والظلم عمره ما انتصر على الحق فاطمه : وهذا اللي مصبرني .. وراشد قدها ان شالله ميره : حبيبتي والله ... وايد مستانسه لاني رمستج ... فاطمه : الا شحال ريلج ؟! ميره : فديت روحه .. مب مقصر ويايه وحاطني فوق راسه فاطمه : والحمل ؟ ميره : هههههههههه حلو حلو الحمل ... متى بييب حماده ....الله ! كشخه يوم تستوين ام فاطمه : ههههههههه ما تخيل تربين ياهل ...اسميه بيخترب ميره : مسودة الويه .. بتشوفين انه عيالي احسن عيالج .. فاطمه : ههههههه الله يكتبلج الذرية الصالحه ميره : امين يا رب ... يلا عيل عمري بخليج ... محمد وصل ... وشكله يوعان ويبا يتغدا فاطمه : اوكيه حبي ... يلا تيك كير ميره : يو تو ... يلا باي فاطمه : حافظنج الله .... ابتسمت فاطمه من خاطرها يوم رمست ميره وحست انه روح من الامل انبعثتلها من اول ويديد بالرغم من المحادثه القصيره ... خذت نفس عميق .. وسارت صوب امها ... ########################### كان يالس على شط البحر اللي عشقه ف الفتره الاخيره ... وحس انه فيه ينسى كل اللي يشغل باله ... ويحس بصفاء ذهني مريح .... اهنيه عند البحر يذكر انه فضفض همه لشخص يمكن ما كان ثقه .. بس اهم شي انه سمعه .. وقدر مشاعره .... دايما البحر يكون له ذكرى خاصه في حياة الناس ... زينه او شينه ... البحر غدار .... بس بنس الوقت هو الملجأ من الاحزان ... اليوم كان بخاطره ياخذ علاوي وياه .. ويلعبه ... بس رد من الدوام متأخر ... ومن وصل حس انه تعبان وماله بارض للطلعه .. ويوم بغى يطلعه امس نطت ريم وخذتع " يلا ما عليه ... مره ثانيه ..." تذكر خالد في هاللحظة عمر ربيعه ... واللقاء اللي دار في هالمكان بالضبط من شهرين تقريبا ... للحين الموضوع في باله ... شو كان يسوي اهنيه ..؟ ومنو هالحرمه اللي كانت وياه ...؟ مستحيل تكون من اهله ... عيل منو بتكون ؟؟؟ ... خالد يدري انه ربيعه مب راعي حركات .. بس اللي استوى بدا يغير شوي من انطباع خالد اتجاه ربيعه ... الي استوى هاك اليوم و تصرفات عمر هالايام كلها تكون انطباع سلبي في نفس خالد .... ما يدري ليش يحس انه عمر ما قطع نوره .... وانها لعبه تنلعب من وراه .... بس وين الدليل ؟؟ .... ما شي دليل .... نوره .. هالانسانه اللي حس في لحظه انه يحبها ... على شوي مايدري ؟؟ .. هل في دلايل على حبه ؟ لا ..!!! هل هو يكابر ..؟ بعد لا ..! ... عيل شو سبب هالمشاعر الدفينه .. اللي ما تظهر ولا تتطبق على ارض الواقع ... بعد ما يدري ....؟! تفكير خالد في امور بعيده عن معركته الاصليه كان يقهره ... معركه بدت ولا ما بدت ..!!؟ .. ما يدري ... بس الي يعرفه انه بدا يرخى شوي ... وهالشي قاهرنه ... يمكن يتريا شي يثيره عشان يطلع غضبه ...!!؟ ... بس شو بيصير اكثر من الي صار ..!؟ شو هو الشي اللي يترياه خالد .. ومن عقبه بيعلنها جدام عمه وعياله عن كل مستمسكاته ؟؟؟ شو هو الشي ؟؟؟! ..... " الله العالم ..." .. رن موبايل خالد ف هالاثناء .. وعكر صفوة التفكير .... وشاف الرقم .. " اوه رقم غريب ..!" توكل على الله ورد .... خالد : نعم ؟ حمد : السلام عليكم ورحمة الله ... خالد : وعليكم السلام ... حمد : شخبارك يا اخويه ...؟ خالد : الحمدلله .. منو ويايه ؟ حمد : ما تعرفني خالد : كيف يعني ما اعرفك ؟؟؟ حمد : انا بغيت اشوفك لو سمحت وعقبها بخبرك كل شي خالد : تشوفني ؟ وليش تشوفني وانته ما تعرفني ؟ حمد : فيه رسالة حاب اوصللك اياها .. خالد : رساله ؟؟؟ ... شو رسالته ؟؟؟ حمد : بتعرف كل شي ... بس لو تسمح وين ممكن اشوفك ؟ خالد : مممم انا فاضي الحين .. ويالس ع البحر ... حمد : ع الكاسر ؟ خالد : هيه نعم ... حمد : خلاص مسافه الدرب واكون عندك ... خالد : ما بتقولي من منو هالرساله ؟؟؟ حمد : ما بطول عليك .. بتعرف كل شي يوم بييك .... خالد : خلاص برايك ... حمد : مع السلامه خالد : مع السلامه بند خالد عن حمد وهو مستغرب من هالاتصال المفاجئ .... " رسالة ؟ شو رسالته ؟ يمكن .. يمكن تكون من مايد ؟ .... لالا مايد ما بيطرش واحد غريب عشان يوصلي رساله ..!! ... عيل شو السالفه ... الله يجعله خير . " ########################### في بيت نورة.... نورة وعمر يالسين يشوفون التلفزيون ... واصبحت حياتهم كحياة أي زوجين بعد مرور فتره من زواجهم .... نوره اليوم تحس بتعب ووهن في جسمها ... ما تعرف شو السبب .. بس ارجعته لقلة الاكل هاليومين ... و شهيتها المسدودة .... وما كان لها خاطر ترمس حد .. بس بالرغم من هذا كانت تضغط على عمرها .... نوره بتعب : عمر ..؟ عمر وهو عينه ع التلفزيون : هممممم نورة : عمر ابا ارد البيت .... عمر صد صوبها : ليش عاد ؟ توه الناس ؟! نورة : بس جيه تمللت من شوفة التلفزيون .... عمر : قصدج تبين تشوفيني ... ههههه ها نو نو ... قمتي تغارين من التلفزيون اشوفج .... نورة ابتسمت بدون نفس : لا .. بس انته مجابلنه وانا مالي خاطر اشوفه ... ويالسه متملله .... عمر : خلاص ببنده ... نوره : لالالا ..كمّل المسلسل ... انا بسير البيت وعقب بشوفك .. عمر : متى عقب بعد ؟؟؟ تراه ابوج بيعصب لو تأخرتي نوره : مادري عمر ... المهم انا برتب اموري .... عمر : بلاج نوره ؟؟؟ احسج مب طبيعيه ..؟ نورة : لالا ما فيني شي .... عمر : لا تخشين عني ... قولي شو فيج ؟ نورة : ماشي بس احس انه جسمي متكسر ولايعه جبدي ...ومالي خاطر لشي عمر شوي ارتبك : ليكون ....!!!! نوره : شو ليكون ؟!! عمر : ليكون انتي حامل ..!! نزلت نوره راسها لانه هالفكره صدق راودتها ... بس ماتدري ليش كانت مستبعدتها شوي نورة : لا لا ما ظن ... عمر : تاخذين حبوب منع الحمل انتي ؟ نوره اضطرت تجذب لانها من فتره ودرتهم : آآ هيه اخذها ... المهم اقدر اسير الحين ؟ عمر : لا انا بوديج العياده بتطمن عليج ... نوره : لا تخاف مب حامل .... يعني اطمن ما بفضحك .... عمر : ليش ترمسين بهالطريقه يا نورة ..!؟ انا قتلج بطمن عليج ...!!! نوره : مشكور حبيبي .. بس انا ادرى بصحتي ... وانا ما احتاج عياده ....انا بسير الحينه ... وو .. شو بعد ؟؟ هيه صح ... وخليتلك فلوس في الغرفه .. اذا احتجتهم يعني .... عمر : منو قالج اني ابغي فلوس يعني ؟ نورة : احيدك من يومين تقول انه معاشك خلص .... خذهم يمكن تحتاجلهم عمر : نوره انا مابغي منج فلوس ... نوره : حبيبي ما شي فرق مبينا .. وبعدين قتلك لو احتجتلهم .... عمر : مابا اتعود اني اخذ منج شي ... نوره بعصبيه : ليش مصر انه تحط عوائق يعني ... البيزات هاي حقك يا عمر واذا ما بغيتهم فرهم في الزباله .... عمر وقف : بلاج انزين عصبتي ..!!! نورة انتبهت لعمرها : انا ما عصبت ... اقولك عمر صدق انا اليوم تعبانه .. بسير البيت .... وعقب برمسك ... عمر : ما بخليج تسوقين وانتي تعبانه ..!! سيري ارقدي فوق .. نورة : لا حبيبي ما فينا على حشرة الوالد ... وبعدين ليكون ناوي توصلني ..!!! عمر : هيه شو فيها ... لو دخلتج من الباب الوراني محد بيحس ... نورة : ليش احسك ساعات تستخف دمك في اوقات ما تسمح ..!! عمر : خلاص خلاص يبوج سيري .. ومن توصلين طمنيني عليج ... نورة : اوكيه .... عمر : لا تنسييين .!!! نوره : انزين ما بنسى ... يلا باي .. عمر : باي طلعت نوره وتم عمر يشوفها من الدريشه وهو منقهر من اسلوبها وياه هالفتره .... " ما كنتي جيه قبل العرس " ... بس اقتنع عمر في داخله انه هو اللي جنى على عمره .... بيتحمل نورة هالفتره وبيشوف اخرتها وياها ... بس كان خايف انها تكون حامل ...! عقبها خلاص ما بيعود شي مستور .. وبينفضح وبتنفضح وياه ... وقرر انه يحن عليها خلاف ويقنعها انه تسير العياده عشان يرتاح قلبه ويطمن .. طلع عمر موبايله وكان بيتصل في خالد عشان اييه ... بس خط خالد كان مشغول .. وقرر انه يتصل عقب ....!! ########################### عند البحر كان خالد يالس ع الارض يتريا صاحب الرساله المجهوله ... ويفكر بمحتواها .. ومنو صاحبها ... توقع اسوأ النتايج .. وهيه انه يكون مايد فارق الحياه ... بس قلبه كان ناغزنه انه في شي اكبر من جيه ... بس شو اكبر من الموت .... وفجأة سمع صوت من وراه .... حمد : الاخ خالد ؟ خالد صد وشاف حمد للحظات .. وعقبها استوعب ووقف خالد : هيه نعم .. مرحبابك حمد : مرحبابك زود ... خالد : علومك يا الخوي ؟ حمد : يسرك الحال .. ومن صوبك يا خالد ؟ خالد: ما نشكي باس ... حمد تم يفرك ايده ومب عارف شو يقول حمد : آآآآآ ... انا الريال اللي رمستك من شوي ... خالد : هيه عرفتك ... رمستني وزلزلتني حمد : سلامتك .. خالد : شو الموضوع يا خويه .. حاس انك مب على بعضك خوفتني ... حمد : لالا اطمن .. خالد : كيف اطمن !! قول اللي عندك حمد : مممم ...ممكن تنمشى شوي ؟ يعني من باب التغيير خالد : اوكيه نتمشى .. بس تراني تعبت من التفكير .. يعني ريحني بسرعه بدوا الشباب يتمشون ...وخالد متحرقص يبا يعرف شو السالفه حمد : شوف يا اخويه ..الموضوع مب هين ... يعني يباله طولة بال وتحمل اعصاب .. واتمنى انك تسمعني للآخر خالد : تفضل قول .. حمد : انته تعرف يا خالد انه كل انسان يغلط .. وساعات تكون الغلطات كبيره يكون ضحاياها ناس مالهم ذنب ... صح ولا لا ..؟ خالد باستغراب : هيه اكيد ... حمد : وانا ياينك بهالخصوص ... خالد : وضح يا اخويه بخصوص شو ؟ حمد : انا ياي اقولك انه في شخص انته تعرفه زين ... لعب لعبة خسيسه .. وساروا ضحيتها ناس ... ناس مالهم ايد في الموضوع ... وقف خالد يشوفه .. وهو يحس انه مخه افتر ...وما قدر يستوعب شي خالد : شو تقول يا اخويه ؟؟! دخيلك وضح .. ناس اعرفهم ..! ناس مالهم ايد ..؟ شو السالفه ؟!! حمد بعد شوي وخذا نفس : راشد نسيبك ... خالد قاطعه : راشد ؟؟ شبلاه راشد ؟؟ ارمس يا ريال طفرتبي ..!! حمد : راشد كان ضحية لعبة ... لعبة لعبها اثنين .. واحد منهم هو اللي مطرشني ... والثاني .. والثاني للاسف من اهلك ورفض انه يعترف ...! خالد يود حمد من كندورته ... وقال بصوت عالي : شوووووووو ..!! شو تقول ؟؟ انته شو تخربط ..! حمد ارتبك : هد اعصابك يا ريال ... انا قتلك الموضوع كبير ويباله طولة بال خالد : أي طولة بال يا ريال ... !!! عقب طول هالفتره ياي بهالبرود وتقول انه راشد ضحيه ...!!! حمد : اسمعي يا خويه .. وهد كندورتي عشان اعرف ارمس .. هد خالد وكان في عيونه مليون شراره ... خالد : قول كمل ..!!!! حمد : ياخويه انا ما دريت بالموضوع الا من جريب .... واللي خبرني كان في حالة يرثى لها ... ما قدرت ارمسك الا عقب ما فهمت ملابسات الموضوع كامله خالد تم يشوفه .. وكانت نظراته ابلغ من الكلام ... حمد : شوف يا اخويه خالد .... انا برمسك بكل صراحه ... واباك تهدا شوي ... خالد : هدينا ... قول شو عندك ... تردد حمد وحس انه بيعق قنابل كبيره على خالد ... خالد : قول ريحني ..!!! حمد : الموضوع وما فيه انه ..... (( وبدا حمد يسرد تفاصيل الحادثه من البدايه لتوبة ناصر ...)) خالد تم مبهت في حمد .. حاول يرتب كلماته في مخه بس ما قدر ... عبدالله السبب في سجن راشد ؟؟!!!.. كيف ... كيف استوت هاي .... خالد من هول صدمته يلس ع الارض وحس انه ريوله ما عادت تشله ... التفكير انشل عنده وفاق التوقعات ... ما فكر ولا شك في يوم انه عبدالله يكون ورا مصايبهم ...!! ما حس للحظة انه عبدالله يملك العقل اللي ممكن يوصله لهالمستويات .... انصدم خالد .. هاي ابلغ كلمة نقدر نقولها .... يلس يردد كلمات مبهمه ما فهمها حمد .... حمد اللي يلس يتلوم في الي سواه .. بس كان لازك خالد يعرف ويحل الاشكال ... حمد : ياخويه انا ... ما ز. ما كان خالد بصوت واطي : انته متأكد من الكلام اللي تقوله ؟! حمد يلس حذال خالد وحط ايده ع جتفه حمد : ادري انه الكلام صعب ... صعب انك تستوعبه ...بس ..هذا الواقع .. وانا سلمت الرساله .. وانته تصرف ... خالد كان مبهت في الرمل اللي جدامه : اتصرف ؟ كيف اتصرف وانا ..... يا ليتك ما قلتلي شي ... يا ليتك خليتني على عمايه ولا سمعتني هالكلام ...! حمد : ويتم راشد ف السجن ؟؟ خالد : آآآه كيف فاتتني هاي ..!! .... كيف ما قدرت افهمها في حزتها .... طول عمري غبي غبي ....عبود النذل جدام عيني من شهور وانا مب عارف ... كيف كيف استغفلني وسوى الي ف راسه .. كيف ..!!! حمد : لازم تحسن التصرف خالد : ممكن اعرف من هو الشخص الثاني اللي وصلّك كل هالمعلومات ؟ حمد ابتسم : الشخص الثاني بيسلم نفسه بمجرد انك ترمس عبدالله خالد : وش يضمن لي انه كل شي تقوله صحيح ؟ حمد : رمّس عبدالله وانته بتحكم ... خالد : واذا انكر !!! حمد : بيضطر ربيعي يسلم عمره ويقول كل مستمسكاته .. خالد وقف .. : انا بسير الحين ... وبراويه مسود الويه ....والله لاذبحه ولاخليه يندم عى الي سواه ... والله حمد وهو يمشي وراه : دخيلك يا خالد .. حافظ على هدوء اعصاب ... رمس خالد هالمره وهو يمشي صوب سيارته : أي اعصاب أي بطيييخ ....!!! انا بروايك يا عبود يا الخسيس ... انا براويك ....والله لتندم ... والله حمد وقف في مكانه وحس انه ارتكب جريمه ... بس عبدالله رفض أي طريقه للاعتراف وما في أي سبيل ثاني لتخليص راشد من السجن ... ########################### في بيت حميد ... حميد وشيخه من امس معتفسين ... يدورون المفتاح السبير اللي اختفى في يوم وليله بدون ما يحسون .... وهالشي كان مسببلهم صداع و ضغط واعصاب .... وبالذات حميد اللي حلف انه ما يرتاح الا يوم يعرف المصدر اللي عرف منه عبدالله ... شيخه : يا حميد يمكن يكون المفتاح عند عبدالله ...؟ حميد : وكيف بنتأكد ...!! شيخه : وانا شدراني يا حميد ..!!!! حميد بصوت عالي : شو شدراج .!! شيخه نطت : بلاك يا حميد معصب عليه ...!! جني انا الي ضيعت المفتاح ..!!! حميد : ضاع بسبة اهمالج للموضوع شيخه : الحين بتردها عليه انا ..!!!! حميد : شوفي يا شيخه انا واصلتلي لفوق راسي ... المفتاح يطلع يطلع ... تفهمين ..!!! شيخه : اوهووو يا حميد ... تصرخ وجني انا اعرف وين مكانه ... صدقني ما ادري ..! حميد : طوفي جدامي ... شيخه : على وين ؟؟! حميد : بنسير بنفتش غرف عيالج غرفة غرفه .... شيخه : انته تخبلت يا حميد ...!! حميد : لا .. بس ماظن انه بتم صاحي عقب الكلام اللي سمعته من ولدج شيخه : هد اعصابك ... حميد : كيف اهدي اعصابي ..!!!! شيخه : اسمعني ..انا بسير اتخبر ريم ... يمكن شافته ... حميد : سيري بس لا توضحيلها شي ... شيخه : تطمن ... سارت شيخه صوب غرفة ريم وهيه تحس انه راسها داير ومب عارفه بشو تفكر ... وصلت للغرفة وحصلت الباب شوي مفتوح ... ويوم طلت شافت بنتها وهيه مجابله اللابتوب وتهز ريلها ... شيخه : ريم ... ريموه ازقرج ليش ما تردين ..!. ما ردت عليها ريم .. وهالشي رفع ضغط شيخه اللي قربت منها وشافت السماعه وشلتها عن اذنها ... ريم : اوف اوف اوف امايه بلاج تضاربين .. شوي شوي على اذني ... شيخه : انا مب ناقصتنج انتي الثانيه ... ريم ابتسم : اه ... خير يا امايه ..؟ بشو بغيتيني ...؟ شيخه : المفتاح السبير ... وين سار ؟! ريم ما استوعبت : أي مفتاح ؟؟!! شيخه طفرت : أي مفتاح يعني ... كم سبير عدنا حق البيت ..!!! ريم : هيييه قولي جيه ... وانا شدراني ..!!؟ شيخه : ما تذكرين في يوم انج خذتيه ولا انا عطيتج اياه ..!! ريم : لا والله يا امايه ما اذكر ... شيخه : افففففففففف يعني ما منج فايده ريم : هههههههه ما ظنتي ... شيخه : انا الغبيه اللي ييت وسألتج ... ريم : فديت روحج انا ... لا غبيه ولا هم يحزنون ... بس انتي داير راسج ز. فكري وتذكري زين ويمكن تعرفين وينه .. يقولج المخ يوم يكون مشوش يأثر على سلوك الانسان .... شيخه : اقول ... وفري فلسفتج حق عمرج ... يلا انا بسير عند ابوج ... ريم : تيك كير مام ... طلعت شيخه ولا ردت على ريم اللي تمت تضحك على امها وكرهها للفلسفه ....أما شيخه فردت لحميد بويه خايب .... حميد : ها بشري ؟ شيخه : ما تدري .!.!! ضرب حميد ايده ع الطاوله من الغصه ... حميد : شو يعني ما تدري ..!! عيل منو يدري ..!!! شيخه : وانا شدراني يا حميد ...!!! حميد : وانتي ما عندج غير هالكلمه ...!!!!! شيخه : شوف انا بخلي هندوه تدور في غرفتهم .... وانا بشوف جناحه اللي اهنه .. وان شالله نحصله ... حميد : سوي اللي بتسوينه ... المهم احصله .... شيخه : لا تشغل بالك وايد .. حميد : كيف ما اشغل باللي ..!!!يا خوفي يطيح في ايد خالد وعقب بينخرب بيتنا .... شيخه : لا ان شالله ما بيطيح .... بس انته هد اعصابك .... حميد : أي اعصاب هاي شيخه هيه اللي بهديها ... اقولج كل اللي بنيته في قلوب عيالي بينهار في لحظه ... وتبيني اهدي ....! شيخه : عيّن خير .. وان شالله ربنا بيعطيك ع قد نيتك ... حميد : طوفي نسير نفتش غرفة عبود ومايد ... يمكن نحصل .... شيخه : يلا نسير ... وطبعا ساروا وكان تفتيشهم بدون نتيجه ... وسألوا هند اذا كانت تعرف عن وجود مفتاح غريب عندها بس نفت ووعدتهم انها تدور ... بس النتيجه كانت سلبيه ########################### كانت منسدحه ع الشبرية تحلل الفكره اللي يت في بالها ... صح بتكون مغامرة ... يمكن تكون نتايجها وخيمة .. بس كان لازم تاخذ موقف .. وتبين حق عبدالله انها كاشفتنه ...وانها فاهمه كل اللي يدور حواليها .... بدت تحلف ف داخلها انه عبدالله مدمن ... وانه مب مثل ما تصورته نشت هند من الشبريه وهيه تحس بطبول تدق في داخلها .. بس ما عليه ... هيه بس بتفتش عن مكان المخدر ... وان شالله هو ما بيدش ولا بطيب الغرفة ف هالوقت ... عبدالله بالعاده يتردد على اماكن معينه ف الحجره ويوم يشوفها يرتبك ويحاول يخش الي في ايده .. اليوم لازم تنسف كل مخدر في هالبيت .. لازم ما تخلي قسمها ملجأ لهالسموم ... عطت هند نفسها جرعة من القوة والجرأة ... وجرعة من الايمان انه اللي بتسويه بيكون في صالحها .. وتوكلت ع رب العالمين سارت اول شي صوب غرفة الملابس .. وبدت تفتش بشكل دقيق ... رفعت ثياب عبدالله ونزلتهن ...بس ما حصلت شي .. " هو مب غبي يحطها اهنيه .. انا بين فتره وفتره ارتب الثياب ..!!" .. صدت هند صوب ركن المكتب ... حست انه احتمالية وجود السم هناك أكبر ... لانه ما ترتب هالزاويه بالعاده ...وو امس كان هناك وارتبك يوم شافها ... اكيد فيه شي ... سارت صوب المكتب .. وبدت تفتش بهدوء ... وبعد ربع ساعه من رفع الكتب وتنزيلها و من الترتيب الدقيق نوعا ما ""ما حصلت شي .. مشت عقب ووقفت في نص الغرفه وحطت ايدينها على خصرها ... " وين بيحطها يعني ...!! ....وين بيخشها عني ..!!؟؟؟؟.... انا ما برتاح لين ما احصلها وافرها وادوسها بعد... ما بتنطفي ناري الا اذا عرفت وين المكان اللي يدس فيه عبدالله هالسم... واليوم بخلي التفتيش شغلي الشاغل " حست انه المخدرات والخمور استوت من الد اعدائها .. خطرت لها فكره .. يمكن ما تكون معقولة .. بس ليش لا ... بتجرب وبتشوف ....سارت صوب شبريتها ... و وخّت وكانت حاسه انه يمكن يكون المكان اللي تدوره من مساعه تحت الشبريه ... وخّت وتمت تفتش تحت الشبريه بطريقة عشوائيه ..واييدها تتحسس اهنيه وهناك ... حست عقبها هند بجسم صغير طاحت عليه ايدها .... تحسسته شوي بس ما ميزته ... وعقبها طلعته وتمت تتأمله ... وظهر بريق في عينها لوهله .. هذا هو .. هذا هو مطلبها اكيد ... بس كان شكله مستعمل ... يعني احتمال كبير انه يكون عبدالله استخدمه وفره تحت الشبريه عقب ما حس انه هند بتجكه ....! .. احتمال ؟؟! يوده هند بكل حقد ... " انته السبب في كل اللي انا فيه .... انته السبب " استغرفت هند في حدثها الداخلي والانتقامي ضد الجيس الصغير المحتوي على بقايا من المخدر الابيض ... لدرجة انها ما حست انه عبدالله دخل من ثواني ومن شافها وهيه يالسه على الارض وماسكه الجيس الصغير حس بنيران في داخله تشتعل .... سار صوبها ووقف جريب منها ... وفي عيونه شرر عبدالله بعصبيه : انتي شو تسوين ؟؟! هند نقزت و حطت ايدها على صدرها وما قدرت ترد ... عبدالله : بلاج ما ترمسين ... اقولج شو تسوين ... ما تسمعين انتي ...!!!! هند وقفت وما عادت تحس بريلها ..: أ أنا ...!! ما أسوي شي ... يعني شسوي ..!.!!! عبدالله وهو يشوف ايدها : شو اللي ف ايدج ؟ هند ردت على ورا : م ماشي .. ماشي !!! عبدالله : جذابه .. طلعي اللي ف ايدج اشوف !؟ هند : ماشي يا عبدالله مشى عبدالله صوبها ويودها من ايدها .. بس هيه كانت صاكه ايدها بالقو وهو يحاول يشوف اللي فيها ... عبدالله بصوت عالي : افتحي ايدج اشوف هند : مابا ... و وو بعدين هالشي يخصني ... هد ايدي يا عبدالله ... عبدالله يودها من شعرها ... عبدالله: هندوه خليني اشوف شو اللي ف ايدج لاكسرها الحين هند : عبدالله هد شعري .. بس كفايه ضرب واهانات عبدالله : جب ولا كلمه ... خليني اشوف شو هالشي اللي خاشتنه هند : هد شعري قبل وعقب بقولك ... قصة انتقام خالد ... 33
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
