شيخه والدموع ف عينها : فديتك .. تعال .. تعال انا بعوضك عن كل شي ... تعال عند امك اللي ولهت عليك ... امك اللي ربتك وكبرتك ...تعال فديتك ... بعيش انا وياك رواحنا ... بدون محد يأذينا ... صدقيني بعوضك عن كل شي بس تعال ... تعال حبيبي ... تعال عند امك ... ما بتحصل وحده تحن عليك كثري ... تعال بضمك لصدري تعال ...لا . لا تسير ... تعال .. دخيلك تعال ... مالي غيرك يا ولدي .. مالي غيرك يا سندي ...

تم خالد يشوف الموقف وهو مصدوم ... شيخه تتخيل عبدالله ... تتخيله جدامها ... اكيد هيه تشوفه ..!!تشوفه بس هو ما يشوفه

تم خالد يشوفها وهو يحس انه قلبه بيظهر من مكانه ...خاف .. ارتبك ..!! يمكن شفق عليها ..!!! بس اللي يعرفه ...انه للحظه حس انه اللي جدامه امه ... حس انه يشوف امه ...مايدري شو سبب هالاحساس الغريب اللي انتابه ...

تجدم خالد صوبها ... وبدون ما يحس زقرها
خالد : امايه ...!

صدت شيخه بسرعه صوب خالد ... واول ما شافت ... قامت وركضت صوبه بلهفه ...واول ما وصلت ويودت ويهه بحنان وهو استغرب من هالحركه ...

شيخه والدموع تنهمر: عبادي ... فديييتك يالغالي ... انا كنت ادري انك بتي ... كنت ادري انك ما بتخليني بروحي ...كنت ادري انك ما بتردلي طلب فديتك حبيبي ... تعال تعال عند امك ... امك اللي مالها غيرك ...

انا ادري اني غلطت بحقك ... بس صدقني .. صدقني الحين بعتدل ... صدقني انا تبت خلاص ... والحين مابا منك الا انك تردلي .... عبودي حبيبي ... انا ادري انهم قصوا عليه .. وقالولي انك مت ..انا ماصدقت .. هيه فديتك ما صدقت ..... ... انته ما مت ... انته حي ... انته الحين واقف جدامي ... تعالي فديتك خلنا نسير عند هنوده ... هيه تصيح تبا تشوفك ... تباك تردلها ... وانته تحبها صح ... تعال بنسير نفاجأها ... تعال يالله بلاك واقف حبيبي ....

نزلت اهنيه دموع خالد ولاول مره على الوضع المأساوي ... شيخه وموقفها وياه ذكراه بأمه .. امه اللي ودعتهم من خمس سنين ... حس خالد انه يشوفها من يديد .. يشوفها بصورة ثانيه ....
وقفة شيخه هاي أثرت فيه وايد ...كلماتها عورتله قلبه ... حس شكثر هيه كانت تحب ولدها ... بس ما عندا القدره انها تبين .. يمكن هو ما ساعدها ... ويمكن هيه ما عرفتله ..!!! بس اللي يعرفه انها تموت فيه ... وانها بتموت بدونه ..!!!

وبدت دموعه تنزل ...تنزل على الحال المأساوي ..!

شيخه : بلاك حبيبي ... تصيح ... منو مضايجنك ... قولي منو وانا براويه ... فديتك لا تصيح ... لا تعورلي قلبي ...!! دخيلك ...! انا اهنيه حذالك وما بخليك لو شو ما صار ..!!

خالد بصوت مبحوح : خالوه

شيخه باستغراب : انا امك حبيبي ...انا مب خالوتك ...!!
خالد : خالوه انا خالد ..
شيخه هزت راسها بالنفي ... لا ...لا انتي عبادي ... انتي ولدي .. انته ضناي ..!!
خالد :خالوه عبدالله مات .. مات وما بيرد ...

شيخه ردت على ورا ... مثل اللي يتها ضربه ع راسها خلت توازنها يختل .. وتمت تأشر على خالد وهيه خايفه

شيخه : انته ... انته وين وديت ولدي .... وين وديته ...! ولدي توه كان واقف جدامي ....!! وين وديت ولدي يا خالد ...! خله يرد ... قوله خل يرد ... قوله امك تباك ... صدقني هو بيسمع كلامي ... وبيرد ...

خالد تجدم صوب شيخه ويودها من ايدها بحنيه : خالوه ... عبدالله خلاص مات وما بيرد ... ما بيرد ...

صرخت شيخه بصوت عالي : لاااااااااااا ... لا لا ... انته جذاب ... ولدي ما مات ... ولدي ما مات يا خالد صدقني .. انا شفته ورمسته من شوي ... شفته يا خالد .. والله العظيم شفته بعيني ... بس بس هو يوم شافك سار ... يمكن سار عند هند .. هو وايد يحبها ... ويموت عليها .... تعال نسير نشوفه .. تعال ...تعال عشان تتأكد

سحبته من ايده ومشت ... بس هو سحب ايده ...

خالد بصوت عالي : خالوه اصحي ... خالوه عبدالله ما ياج ... انتي تتخيلين ...تتخيلين يا خالوه .. ولا هو ما يا ولا شبر هالبيت ...!! عبدالله مات يا خالوه مات ...!!

قال خالد هالكلمه من صوب ويلست شيخه ع الارض بصوب يلست وحست انها ردت للواقع ... الواقع اللي حرمها شوفة عبدالله ... ....الواقع اللي لازم تتقبله غصبا عليها

وهالشي خوّف خالد اللي ركض صوبها


خالد بقلق: خالوه ..!
شيخه شافته وبهدوء قالت : يعني خلاص ...!! الولد ضاع من ايدي ..!! ما بشوفه مره ثانيه ...!!

خالد نزل راسه ....و شيخه تمت تشوفه بنظرة بليده ...

شيخه : رد عليه يا خالد ..!! خلاص ما بشوفه ..!! راح ... راح وخلاني ..!!

خالد : خالوه تعالي ويايه خليني اوديج غرفتج !

دزته شيخه
شيخه : رد عليه ..!!! قولي وين ولدي ..!! قولّي اذا كنت بشوفه ولا خلاص ..!! قولّي يا خالد

خالد : خالوه الموت مكتوب على كل انسان ..!! مكتوب عليج وعليه وعلي الكل .. دخيلج اصحي ..


شيخه رفعت راسها وتمت تشوف خالد ودموعها تنزل بغزاره ...
شيخه : يا حسرتي عليك يا ولدي .. يا حسرة قلبي عليك يا عبدالله ... اااااااه يا خالد ااااااااه ... قلبي من داخل يتقطع على اللي راح وخلاني ...
خالد : خالوه ... في كل شي حكمه ... وموت عبداله يمكن كان احسن من حياته ... والحياه بتستمر ... و نحن بنعيش فيها مثل الغرب وبنلحق عبدالله ...

شيخه : يا ليتني مت قبله
خالد : لا .. لا تقولين هالكلام ..!! هذا اجله ..!!

شيخه نزلت راسها عقب ما صحت من صدمتها .. وبدت تفهم الوضع
شيخه : الله يرحمك يا ولدي ويغند روحك الجنه .. انا اشهد اني راضيه عنك دنيا واخره .. واشه اني قلبي ما شل عليك ولا يوم .. وبتم في قلبي الغالي اللي مستحيل انساه ....

التسم خالد ومح دمعته ... ويود مرت عمه من ايدها ... عشان يساعدها ع المشي ....

بس هيه كانت تشوفه بنظرات غريبه ... تجاهلها خالد وحاول ما يفهمها ... عشان ما يحس بأحاسيس هو بغنى عنها ....

شيخه : انتي من شوي قلت .. قلت امايه صح...!!

استغرب خالد سؤالها .. وما عرف كيف يرد عليها ..!!

شيخه : خالد ... عبدالله راح ... ومايد مسافر... بس انته انته بتم صح ..! ما بتخلينا وبتسير !! رد عليه يا خالد ..! انته بتم عندي متى ما بغيتك ..! قول هيه دخيلك قول هيه

شافها خالد بنظرة المذهول ..!! شيخه اللي طول حياتها ما تواطنه ولا تحبه... اللي تحقره دوم تحسسه انه ما يسوى بيزه ..!! شيخه اللي بحياتها ما قدرته ولا قدرت خواته ..!!! اليوم تباه يكون وياها ... كل اللي ف هالبيت يطلبون منه هالطلب ..!! كلهم يشوفونه الملجأ الاخير اللي تملهم ...!!


ابتسم خالد ودموعه سالت هالمره ...
خالد : بإذن الله بكون وياج وو يا كل اللي يحتاجوني ...

***
بعد اسبوع
كانت متردده تدخل العمارة و لا لآ .... هيه من يوم عرفت انه عمر يسكن اهنيه وهيه تسير و ترد على هالمكان ... بس اليوم لازم تشوفه ...لازم تشوفه وترتاح ... وما كانت تدري كيف بتخبره .. وكيف بتوضحله ولا بتبررله ....كيف اصلا بتتجرأ وبتسيرله فوق

شحنت عمرها بجرعة قوة وشجاعه .... وخذت نفس عميق ... وتوكلت ع رب العالمين ... ودخلت العماره ... ومن دخلت ... حست انه ريولها ثجيله .. وانه 100 كيلو انضافوا لوزنها وما عادت ريلها تتحمل ....
" شوفيج يا نوره ..؟! وين شجاعتج وقوتج ؟! ... هو لازم يعرف بكل شي ويتصرف ولا انتي اللي بتخسرين كل شي ... توكلي على ربج .. وحطيه جدام الامر الواقع ... واللي فيها فيها ..."

بلعت ريجها .. وحست انه اللي بتسويه غلط في غلط .. وبوقت غير مناسب ابدا . اليوم مر أشبوع على موت عبدالله ... اسبوع واحد بس ...!!!

سارت صوب الاصنيصير بخطوات شبه ثابته ... بس يوم وصلت عنده تذكرت انها ما تعرف هو ف أي طابق ...وشورقم شقته ..!!؟

فردت كم خطوة على ورا وسألت اللي يالسين في الريسبشن ...

نوره : excuse me
الريال : yes madam ?
نوره : can I ask about something ?
الريال : sure madam … how can I help u ?
نوره : My husband live here in ur hotel and I want to ask about his flat
الريال : what is the name of ur husband plz ?
نوره : Omer Mohammed
الريال : wait for a second plz
نوره : okay

ترييت نورة لثواني .. وعقبها عطاها رقم الشقه .. شكرته وركبت المصعد ... وسارت للطابق المطلوب ...

يوم وصلت حست انه معركتها بدت الحين .. وانه اليوم يوم مصيري في حياتها

" الله يستر بس "

خذت نورة نفس عميق .. وسارت صوب شقة عمر .. ورفعت ايدها ...وبصبعها المرتجف ضغطت ع الجرس ....

ومن سمعت صوت الجرس بدت تتنافض بكبرها ... وبدت انفاسها تتوالى ...

وما مرت دقايق الا وانفتح الباب .. وحست نوره بخوف مب طبيعي من عمر اللي بحياتها ما خافت منه ...!!

عمر طبعا ما عرفها لانها كانت معطتنه بالظهر ...
عمر : نعم اختـــيه ..!؟

ببطئ شديد .. صدت نورة صوبه ... ومن شافها ردت على ورا ...
عمر وهو مذهول : نـ ... نوره ..!!!
نورة نزلت راسها : هيه .. هيه نعم نورة ....
عمر : انتي شو تسوين اهنيه ...!!!
نورة : يايــه بشوفك ...!! فيها شي ..!!
عمر : انتي تخبلتي .. يايه تشوفيني اهنيه ..!!!
نوره : عمر لا تصرخ .. الموضوع اللي يايتنك فيه مهم .. ولازم نرمس فيه الحين ... وانته حضرتك ما كنت ترد على مكالماتي ... فكيف تباني اتواصل وياك يعني ..!!!!

عمر سحبها من ايدها بالقو .. ودخلها الشقه وقفل الباب ...

عمر بعصبيه : يعني ما يتأجل موضوعج هذا ليوم ثاني .!! لازم تييني الشقه اهنييه وتفضحيني ..!!!!
نورة : بفضحج جدام منو يعني ..!! وبعدين الموضوع ما يتأجل ...
عمر وما زال يصرخ : نوروه انتي تبين تخبليني ... تبيني استخف ...! شو هالحركات اللي عليج ..!! وبعدين شو تبين الناس يقولون عنج ...! ما صدقت يموت اخوها عشان تلعب لعبها ...!

نورة اهنيه فارت .. وانقهرت من كلام عمر ...
نورة : عمر ما اسمحلك تقول هالكلام .. وانته تدري انه ولا حد ف هالدوله كلها يقدر يقول عني شي ..!! تفهم ... وبعدين تعال اهنيه ... من متى تعلمت تصرخ عليه ....!! من متى ها ..!!!
عمر : من يوم ما بديتي تتهورين وما تحسبين لتصرفاتج أي حساب ...!
نورة : اسمعني يا عمر .. لولا انه الموضوع كبير جان ما ييتك اهنيه ولا شبرت الشقه اصلا ...!
عمر : وشو هو موضوعج يا ست الحسن والدلال ..!! شو هو الموضوع ..!
نورة : اذا بتم معصب جيه ما بقدر اقولك...!!

عمر خذا نفس عميق وعض شفايفه بالقو ...
عمر : مب معصب .. قولي شو عندج .. خلصيني ...

نوره وصلت للحظه الحاسمه ... وحست الحين بنيران عند ويهها .. واتمنت لو الارض تنشق وتبلعها ... بس كان لازم انها تقول وتفك عمرها من هالسالفه ....
نورة : عمر ... انا ...انا يا عمر ..شوف بييبلك اياها من الاخر انا اليوم سرت المستشفى .. وقالتلي الدكتوره اني .. اني حامل ...

يلس عمر ع القنفه يوم سمع كلمة حامل ...وحس انه الدنيا تدور فيه ... !!
عمر : انتي شو ..!!! ... حامل ..!!!

نورة بلعت ريجها : هيه نعم حامل ...!!
عمر : كيف يعني حامل ...!!
نورة : عمر لا تستخف دمك ... حامل يعني حامل بعد شو ....!!!
عمر : انتي ما كنتي تاخذين حبوب الحمل ...!! مب قلتيلي انج ما ودرتيهم ...!

نورة ترددت شوي قبل ما تجاوبه
نورة : امبلا ... كنت اخذهم .. بس قطعتهم من فتره جريبه .. لانها تعبتلي جسمي ...
عمر : خير ان شالله ؟ تعبتلج جسمج ....!
نورة : هيه ..تعبتلي جسمي ...

عمر وقف وكان صاك ضروسه بالقو وسار صوب نوره .. وهيه من بدا يتقرب خافت وبدت هيه الثانيه تتنافض .. وحست انه بيرتكب فيها جريمه

نورة : ع عمر انا ..انا مالي ذنب .. هذا اللي كتبه ربك ... و و
قاطعها عمر : جب ولا كلمه .... تفهمين ولا كلمه ..!

انصدمت نوره من رمسة عمر .. اول مره بحياته يسكتها بهالطريقه ....! بحياته ما تجرأ وسواها ...!!

نورة : عمر انا ....

عمر حط ايده على حلجها ...
عمر : قتلج جب ولا كلمه يا نوروه .. ولج ويه بعد ترمسين ...!! لج ويهه ....!!!!!

مسكت نورة ايده ودزتها بعيد ...
نورة : عمر انا ما اسمحلك انك ترمسني بهالطريقه .. تسمع ..!! ما اسمحلك ...

عمر بصوت عالي : تسمحين ولا ما تسمحين ... هاي مشكلتج ..!! هاي مشكلتج يا الخبله يا المينونه ... تقدرين تقوليلي الحين نحن كيف بنتصرف ..!! شو بنسوي ....!!!!

نورة : ما في غير شي واحد بس ...!!

عمر : وشو هو يا ست الحسن والدلال ...!!!
نورة : انه نعلن زواجنا واللي فيها فيها ...
عمر : لا والله ...!!! قولي والله انتي بس .!
نوره : عمر لا ترمسني جيه ....!!
عمر : نوروه انتي تتحرين عمرج في مسلسل مصري ..!! تبينا نعلن زواجنا ..!! تبيني اخسر كل شي ..!! وبعدين انتي ما فكرتي بعمرج ..! ما فكرتي فاللي بيسوونه فيج اهلج يوم بيعرفون ...!! انتي ضامنه تعيشين عقبها ...!!!

نورة : عيل شو تباانا نسوي !!! عمر انته تدري انه محد بياكلها غيري ...!

عمر بحزم: نوره ....

خافت نورة من هالحزم ... وحست انه وراه بتي قنبله

عمر : هالجنين لازم يموت ... تفهمين لازم يموت ...!!!

شهقت نورة وحطت ايددها على شفايفها ...
نورة : تباني ... تباني اذبح ولدي يا عمر ..!! تباني اذبحه بإيدي ..!!
عمر : دام انه ف الشهور الاولى فما عليج ولا عليه أي خطر ...!!
نورة : أي خطر واي بطيخ ...!! انا مستحيل اذبح ولدي .. وبإيدي ز.. مستحيل يا عمر ..! انته تطلب المستحيل ...!!!

عمر يودها من ايدها ...
عمر : عيل تبينا ننفضح جدام العرب كلهم ..!! تبين تفضحين ابوج وعايلتج ...!! تبين الولد هذا يعيش بدون ام وابو .... نورة هالولد لازم يموت ... ولازم تتخلصين منه ...

نوره دمعت : مستحيل .. ها ولدي ... وما بذبحه بإيدي ... لو شو ما صار ....
عمر : بس عاد ... بسج دلع زايد ... الولد ماله عيشه .. وان ما سرتي الحين وشفتيلج صرفه ويا هالجنين اللي ما دري من وين يا ... صدقيني انا بنهييه بطريقتي ...

دزته نوره وسارت بعيد ... وتمت تشوفه باحتقار

نورة : انته مستحيل تكون الانسان اللي حبيته ... مستحيل تكون الانسان اللي عرفته ودخل قلبي ... انته .. انته ما تخاف من ربك ...!!! ما تخاف !! تباني انهي حياة جنيني عشان خاطرك ..!!

عمر : انتي غبيه ولا تستغبين ..!! شو عشاني وما عشاني ..!! نوره انتي مب مقدره صعوبة الموقف اللي بتحطيني وبتحطين عمرج فيه ..!! انتي تعرفين لو حد عرف شو بيسوون فيج ..!؟ اقل شي بيسوونه انهم بيذبحونج ..!!

نوره مسحت دمعتها : عمر نحن لازم نعلن زواجنا ... لازم نسير عند ابويه ونقوله كل شي ... وصدقني بيزعل شوي وعقب بيرضى ... بس اني اذبح ولدي ... اتخلص من شي فيني ...لا ما اقدر ..!! ما اقدر يا عمر .. دخيلك افهمني ...

عمر : شو اللي تبيني افهمه ..!! هالخبال ...!! نورة نحن ما نقدر نعلن زواجنا خلاص ... افهميها عاد ...!! الموضوع اكبر من الي انتي متصورتنه ..!!

نوره : بس هذا ما كان كلامك قبل ..!! انته كنت تقول انك مستعد تسوي أي شي عشاني ....! وين سار كلامك ... ولا كله كان دهان سير ...!!

عمر : بس عاد يا نوره ... انا لو كنت ادري انه الموضوع بيوصل لهالدرجه .. جان ما ....

" سكت عمر وما كمل "

نورة : كملها ... كملها ... قول جان ما تزوجتني .. ولا ورطت عمرك فيني ... يكون ف علمك عاد .. وخلها ف بالك ع طول ... انته اللي ركضت ورايه مب انا ..!! انته اللي دخلت الفكره ف بالي ... انته السبب ف كل شي ... وانته اللي لازم تطلعني من هالورطه والحين ...

عمر : الحل انتي تعرفينه ... وما عندي غيره .... سيري عند أي دكتوره خلها تشوف كيف بتقدر تخلصج من هالياهل ... وبسرعه ..! تفهمين ..!

نورة باحتقار : وشو اقوللها عاد ..!! اقولها ريلي ما يبا ولده ..! ريلي متفضح منه ..!! وبعدين حبيبي ... هيه ما بتطيع تجهضه الا اذا انته ييت وتأكدوا انك ريلي ...

عمر : نوره لا تخبليبي ... انا مستعد اسير وياج ... وبوقع عاللي يبونه .. بس فكيني من هالسالفه ....

نورة باستهزاء: بتاخذلهم الورقه اللي بصمتني عليها !!

عمر فار دمه ... وويهه حمر من طريقه نورة ... وكان على شوك انه يرفع ايده لولا انه مسك اعصابه ...

عمر :.. لا تحاولين تهدديني بكلامج هذا ...!!

نوره : انا ما اهددك بس احط ف الصوره يا عمر ..! دامك تبا تعقني بهالورطه .. لازم ترتبلها زين ...

عمر : اسمعيني زين ... نحن اللي سويناه ف عمارنا كان غلطه من البدايه ...

نورة انصدمت وحست انه عمر جرحها بهالكلام ..!و ما توقعت منه انه يوصل لهالدرجه من عدم المبالاه .. ردت دموع نورة تنزل لمره الثانيه من الطعنه اللي تلقتها ...

نورة : الحين ياي تقول انها غلطه ..!! الحين عقب ما صار الي صار ...!! عمر انته كل يوم عن يوم تصدمني ..!! انا يحياتي ما توقعتك تكون بهالحاله .. بحياتي ما توقعت انك اناني ..!! عمر الحين تقول انها غلطه .. وقبل ,,!! ما فكرت ف النتايج ..!! ما فكرت فيني !! ما فكرت فينا ..!

عمر : شوفي عاد .. لا تحمليني المسؤولية كامله ..!! انتي بعد كان لج ايد ف الموضوع ... وانا خيرتج ..! وانتي اللي اخترتي انج تتزوجيني بالسر ... يعني انتي بعد مسؤوولة ... وهاي مشكلتج

نوره شافته من فوق لتحت ... وحست بالاشمئزاز من هالشخص ...

نورة : دام انها مشكلتي ... انا بعرف كيف احلها ... واعرف يا عمر انه الثقه اللي مبينا ما عادت موجوده .. وانا احمد ربي اني عرفتك على حقيقتك قبل ما اتورط اكثر ...

صدت نوره وكانت بتظهر من الشقه بس عمر سحبها من ايدها وسحبها صوبه لين ما استوت جريبه منه وايد

عمر : لا تحاولين تلفين وتدورين يا نوروه ... باجر انا بمر عليج وبنسير عند الدكتوره وبنهي المووضوع كله ..!! تسمعين ...!

نوره دزته بعيد وقالت : هذي امال وما اظن انها بتتحقق ...


طلعت نورة من شقة عمر والدموع ماليه عينها ... اليوم عمر طلع على حقيقته .. انسان ما يهمه الا نفسه ... انسان ما عنده أي حس للمسؤولية ...!! .. يباها تجهض .. يباها تجتل ولدها بإيدها ..!! ...وفوق هذا كله يعتبرها السبب ف اللي هم فيه

عمر اليوم كان وحشي .. وجارح .. ما عبرها ولا عبر مشاعرها ... عق عليها قنابل ما تتحملها وحده مثل نوره ....


حست نورة انها في محنه ... محنه عويصه وحلها صعب ...

ما عرفت كيف بتظهر منها بسلام ....كيف بترقع السالفه وبتعديها على خير ..

الفضيحه ولا انها تنهي حياة جنينها ..!!!
الخيار صعب ...!!! و التفكير فيه مرهق ..!!




نوره كانت تمشي صوب الاصنصير .. ومخها مب وياها ... والحزن مبين على ويهها .. اللي صار اليوم مثل الكابوس ...!!

نوره كانت تمشي وتفكر بالغد المجهول ..لدرجة انها ما حست بالشخص اللي كان نازل من الاصنصير ودعمته ...

نوره : سوري ...

مشت بدون ما تشوفه ولا حتى تعطيه فرصه بإنه يرد عليها ... ركبت الاصنصير .... وضغطت ع الطابق الارضي ...

" ماعليه يا عمر ... انا براويك ... تباني اجتل وولدي و أأذي نفسي وانته مرتاح ... تباني اتحمل المسؤوليه كامله . ..! لاو الله ما بريحك .. الولد بيعيش ... وبتعترف فيه غصبا عليك ... وما اكون نوره لو ما رديت اعتباري ... وخليتك تمشي على رايي... واحمد ربك اني متحملتنك لهاللحظه ... "

وصل الاصنصير ... وطلعت نوره منه ... وهيه حاسه بحزن وغضب بنفس الوقت ....

طلعت من العماره .. ومنها لسيارتها ... وحست انها محتاجه تحوط شوي .. يمكن تفرغ شحنة الغضب اللي ف داخلها

من جهه ثانيه كان في شخص واقف ومصدوم وفي عيونه مليون سؤال وسؤال ...!! اللي شافه من شوي مستحيل يكون واقعي ..!! ... اللي شافه كان اقرب للحلم .... شو علاقة الموضوعين بعض ..!! ...

غمض عيونه مرتين بالقو وفتحهن ... كان يبا يستوعب االي شافه من شوي ..! .. نوره في عمارتهم ..!! ... ليش ؟! شو تسوي اهنيه ...!

مرر خالد نظراته بين باب شقة عمر وبين الاصنصير ... ما كان يبا يربط بين المكانين ... بس ماشي اصلا أي تفسير ثاني ... !!

خذا خالد نفس عميق .. وحس انه تلقى اكبر صدمه في حياته ... من يومين بس كان يحس انه فيه مصيبه اكبر بتحل عليهم ... بس ما توقع انها بتكون بهالحجم ...!!

نورة عند عمر .!؟ ليش؟ شو اللي ممكن تسويه !!! .... الافكار السودا بدت تسيطر على مخ خالد ... بس ما صدقها ف بنت عمه ولا ف ربيعه ... حس انه النيران بدت تغلي في راسه .. وانه براكين الغضب بتشتعل بعد شوي ....

رص خالد على ايده بالقو .. وقرر انه يواجه عمر ويشوف شو رده ع الموضوع ..!!..

مشى بخطوات سريعه ... ومن وصل عند الباب جهز عمره لحربه اليديده


نهاية الجزء الثلاثين
الجزء التاسع و العشرون

سافر مايد بعد وداع مؤثر .. ترك فيه أمه وابوه واخته .. تركهم والحيره تتملكهم .. كيف ما بيحسون ولا بيستهمون وهو مودعنهم موادع الراحل الذي لن يعود ..ودعهم بدموع الألم والحسره على شي هم ما يعرفونه ...سافر مايد وترك عايلة حميد تكمل مشوار الدرب بروحها .. ودعها وودع مشاكلها .. وانفرد بأكبر مشكلة تواجهه .... سافر بقلب المؤمن الموكل أمره لرب العالمين .. سافر وودع وراه أرض الامارات اللي شملته و ترعرع فيها من صغره ... بلاده وعزه و تاج راسه ... ركب مايد طيارته وهو مستعد للجولة الاولى في صراع المرض ... ودعى من ربه انه يكتبله رجعه لأرض الوطن

###########################

بعد شهرين من سفر مايد ...

حميد بدا يفكر بشكل عملي انه يرجع كل شي لعيال احمد بدون ما يحسسهم بشي ... سوا احصائية دقيقه على خساير احمد و الارباح اللي ترتب عليهم و حطها في حساب هند الخاص بدون ما تدري ... لكنه كان مخطط انه يعطيها خبر في اقرب وقت ممكن .... وبجييه بدا يحس شوي براحه في ضميره ... بالذات عقب حلم شيخه اللي لعب فيه لعب ...

شيخه ردت لحياتها الطبيعيه بس الكل لاحظ انها هدت شوي من بعد سفر مايد .. اللي قلبها كان ناغزنها عليه .. وحاسه انه فيه شي بالذات يوم ترمسه ف التيلفون .. تحس انه تعبان وميهود بس هو ينكر هالشي ...

نورة عقب ما رخي حميد وعطاها مفتاح السياره خلت يمعاتها في عمر وقت العصر او لمغرب وبجذيه ما بتتأخر ولا بيحس فيها ابوها ... وهبه بنفس الوقت خبرت عمر عن الموضوع وهو قدر هالشي و صار الاتفاق على انه يمعاتهم تكون بشكل مرتب وسري عشان ما يحس حميد ولا يحس خالد ....

ريم للحين مكسوره من عقب صواعق القتره الاخيره ... مرض وسفر مايد ... فقدان ثقة حميد .. بالرغم من انه حميد بدا شوي يرضى عنهم بالذات عقب ما قاله خالد انه ريم كانت مريضه وهو وداها المستشفى .. ومشت على العم العزيز ... بس هيه بطبيعتها الحساسه ما زالت تفكر بالموضوع وما زال يألمها .... اما بالنسبه لعلاقتها بخالد فما زالت بين مد وجزر ... وعقب سفر مايد ما عاد رضى خالد يشغلها مثل قبل وهو حس بهالشي .. وانقهر منه . وهذا هو سبب المد و الجزر مبينهم ....

هند وعبدالله ردوا لارض الوطن من شهرين ... وكان لردتهم انتكاسه فظيعه في سلوك عبدالله الي وعدها انه يودر الخمر ... بس كالعاده كان كلام وبس ... رد يسكر ويدمن دوم ادنى مراعاه لهند .... وكان يرد اخر الليل وهو سكران ومب حاس بعمره وينهد على هند المسكينه ... وهيه ساكته .. ما كانت تبا تقول ولا تشكي لحد .. عشان ما تزيد الطين بله ... سكر عبدالله واهاناته لها حسسها بكره كبير لهالانسان ... اللي ما توفعت انها ترتبط فيه للحظة .. وبين فتره وفتره كان راشد يشغل تفكيرها ... بس خلاص راشد انتهى وانتهت ذكرياتها الحلوه وياه .....

ميره ومحمد ... بعد ردتهم من شهر العسل مباشره .. اكتشفوا انه ميره حامل وهالشي كان بشاره خير ع الكل ... وبالذات ام محمد اللي ما صدقت انها بتسوي يده عقب السنين الطويله هاي ... الكل استانس لها ... بعدها بفتره بدا محمد يرتب لامور سفره وكان من حسن حظه انه ميره اتنازلت عن موضوع الدراسه و عزمت تسير وياه .. وطبعا هالشي اسعده وايد ... وحس انه الدنيا تمشي صح وياه .... سافرت ميره ويا ريلها للولايات المتحده وودعت هيه الثانيه ارض الامارات ...

###########################

ساءت حالته في الفتره الاخيره ..بالرغم من انتهاء العلاج الصعب للتخلص من اخطر سم يحارب جسم الانسان واللي هو " المخدرات بأنواعها " ...

ناصر يعيش حاله من الحرب النفسيه الشرسه .... وهالشي كان متعبنه ومدر عليه عيشته ....

يشتري راحته ولا حريته ... الكل يمكن يقول طبعا راحته ... بس الحرية وحده من اهم احتياجات الانسان ..! .. الانسان الحبيس مب مثل الحر ... ما عنده ادنى امتياز ..!! ...

احتار شو يسوي .. وبدا الهم يبين عليه ..وعلى شكله ووزنه واكل وكل مظاهر حياته !!!

وحمد ربيعه اليديد بدا يخاف عليه ... ويحاول يعرف شو فيه .. بس بدون فايده ناصر ما يبا يقول شي .. اكثر من شهرين وناصر كاتم وكاتم ..وما يعيد غير نفس الجمله ... " اللي في داخلي صعب اني اقوله ولا افصح عنه .!!"


بس اليوم حمد أصر انه يعرف شو اللي يشغل باله ... ويطلع كل اللي في مكنون قلب ناصر ... خلاص حالة ناصر ما عاد يتحملها حمد ... ولا بيسكت عنها اكثر من جيه ....

يلس حمد جدا ناصر وعينه عليه وفيها نظرة تحدي واصرار ...
حمد : واخرتها يعني يا ناصر ..؟

انتبه ناصر وشاف ربيعه بنظرة خاليه من أي تعبير ...
ناصر : اخرتها بشو ..؟

حمد حط ايده على جتف ربيعه ...
حمد : واخرتها وياك يا اخويه ... لين متى بتّم على هالحاله يعني ..؟

ناصر نزل راسه ..
ناصر : شكلك مليت مني ومن همومي ... اسمحلي يا اخويه ... انا ادري اني مثقل عليك ... بس مالي غيرك والله ....

حمد ابتسم : افا يا ناصر ...! منك انته يظهر هالكلام ..! انتي اخويه ... تعرف شو يعني اخويه ..!! يعني مني وفيني ... مستحيل اتضير منك ... بس انا مااقدر اشوفك ضعيف وحزين وما اسوي شي .. ..ما اقدر ..!!
ناصر : ويعني انا عايبتني حالتي ..!! بس الشقا مكتوب عليه ... لا ... لا انا اللي اخترته .. انا اللي طيحت عمري بهالمصايب .. واخرتها ما رمت اطلع منها ..
حمد : ايد وحده ما تصفق ... بنتعاون وبنحاول نتجاوز هالمصايب
ناصر : لا تستين فيها .. تراها تهد اليبال ....
حمد : قولّي وانا بحكم ....

ناصر : اه يا حمد ... لو كنت اقدر .. لو كنت اقدر بس ... جان ارتحت من زمان

ما كمل ناصر كلمته وحط ايده على راسه وهو متندم على كل اللي سواه ...

حمد : كمل يا خويه ... لا تخش عني شي .... صدقني انا بساعدك .... احساسي يقول انه مشكلتك متعلقه بربيعك اللي اسمه عبدالله ... وبديت احس انه هو سبب همك وغمك ... صح ولا ؟

رفع ناصر راسه وتم يشوف ربيعه لحظات ... وعقب رمس بصوت واطي ...
ناصر : اه عبدالله هو السبب فاللي انا فيه ... هو السبب ... تصدق اني سرتله .. وقلته انه لازم كل شي يرد مثل قبل ... ولازم نصلح غلطاتنا اللي جنينا فيها على ناس مالهم ادنى علاقه بهالمشاكل .. بس رفض .. رفض وهددني يا حمد ... هددني
حمد : شو قالك ؟

غمض ناصر عيونه وتذكر لقائه الاخير بعبدالله ....

" ناصر : عبدالله انا ياينك في موضوع ولازم تسمعني زين ...
عبدالله وهو بحالة وعي ولا وعي : اوه اوه يا ناصر ... اشوفك استويت مطوع ... وطولت اللحيه ... هههههههه سبحان ربي مغير الاحوال
ناصر : الحمدلله ع كل حال ... والله يهديك انته بعد ...
عبدالله : انا ..!! هههههههههه ليش انا شو مسوي ..!!! الحمدلله مب مسوي شي ....
ناصر : انته ماكل حق غيرك و تقول ما سويت شي ...!!!!

عبدالله : انا ..!! هههههههههههههههههاي .. حبيبي .. قول هالرمسه حق عمرك ... انا ما سويت اللي انته سويته ... انا ما سرت و حطيت المخدرات في سيارة انسان مظلوم و تبريت ...

ناصر حاول يسيطر على اعصابه : انا ما سويت هالشي الا عقب تعليمات منك انته ... انته والدنيا غريتوني ...

عبدالله : هيه هيه ردها على غيرك ... حبيبي اسمع .. انا ما سويت شي ... وان كان فيه مجرم .. فهو واحد بس ... انته ..!!

ناصر : لا يا عبدالله لا ... لا تحاول تعقها فوق راسي ... انا وانته غلطنا ولازم نصلح الغلطه ... عشان رب العالمين يغفرلنا ... ويسامحنا ... ويدخلنا جنته يا عبدالله ...

عبدالله : انزين يا مطوع زمانك ... وكيف تبانا نصلح غلطتنا ..!!

ناصر : نعترف ...

وقف عبدالله : شو ..!! نعترف ..!! انته تخبلت ...! تبانا نسلم عمارنا للشرطه ..!!!
ناصر : هيه نعم .. ونطلع الانسان البريء اللي كلاها من ورا لعبنا ولهونا ... لازم يا عبدالله نسير ونسلم عمرنا للعداله .. لازم ...
عبدالله : هههههههههه اقول ... انته شكلك من التزمت انجلب حال مخك .. سر سر فديتك ... انا ما عدت اتنزل ارمس ميانيين ..!!
ناصر : يا عبدالله انا ما برتاح الا يوم بطلع راشد من السجن ...
عبدالله : هالكلام فات اوانه
ناصر : لا ما فات ... شي وقت نصلح كل شي ...
عبدالله : ناصر اعقل ولا تكثر رمسه ف الموضوع
ناصر : انا عقلت من يوم ما ودرت هالسم وفكرت ارد حق الناس اللي ع رقبتي .... وانته ربيعي وما يهون عليه اخليك تمشي في درب غلط ... وانا واقف اشوفك ...
عبدالله : هه .!! وقمنا نقول حكم ..!
ناصر : اعتبرها حكم مواعظ سوالف اللي تباه ... المهم نصلح غلطتنا ... ولا صدقني انا بسير وما عليه منك ... وفي النهايه بتخسر وايد يا عبدلله ... وايد .!

عبدالله : اسمع يا ناصر ... هيه كلمه وحده ... بغيت اتوب وترد لصوابك .. توب محد بييودك ... وبغيت تسلم عمرك سلّم .. محد بيطيح فيها غيرك ... بس احذرك .. احذرك انك تلعب بذيلك .. ولا تحاول تطيحني لاني اعرف كيف اطلع منها بسهوله ... وساعتها بيكون حسابك عندي مب هين ... تفهم ..!! .. واللي ما تطوله بايدك .. طوله بريولك ... والحين يلا ..يلا برع ما بغي اشوف رقعه ويهك في هالشقه مره ثانيه ... وصدقني انا اقدر اخليك تندم على ييتك هاذي ..بس انا بحافظ على عشرة العمر اللي كانت مبينا .. وبتغاضى عن كلامك ...يلا فارج ..فارج!"

صحصح ناصر ورد لارض الواقع عقب ما هزه ربيعه بالقو

حمد : وين وصلت يا ناصر .. من الصبح وانا ارمسك ولا ترد ...
ناصر : آ آ كنت .. كنت افكر ..
حمد : بشو يا خويه .. بشو تفكر .. قولّ وريح عمرك ... وانا اوعدك اني اساعدك ... واوقف وياك لاخر لحظه ...
ناصر : خايف .. خايف
حمد : من شو خايف يا ناصر .. مني ؟
ناصر : خايف اطيح من عينك وتودرني واتم بروحي واضيع مره ثانيه ....
حمد : مستحيل اودرك ... انته ربيعي .. واخويه ... ومستحيل افرط بأخوتك ....

تم ناصر يشوفه بعين حزينه ... وعقبها توكل على الله .. وبدا يسرد القصه من اول ويديد ...
في سياره ريم ....

قصة انتقام خالد ...31