الجـــــــزء الثــــاني والعشــ22ــرون
"مـقــــــــــــبرة الاحــــــــــــــلام"
ركب السياره وهو ماهو مستوعب المشهد الي مر قدامه والطيف الي لمحه عن قرب.. والابتسامه الي
اخذت مجراها بمجرد ما التقت العيون وكلمتها الي لسه تدوي باذنه وعقله بقى عاجز انه يترجمها " خالي
يللا مافي شيء اعجبني " هز راسه وهز معه عقله وكأنه يستعطفه انه ينقذه من دوامته صحا من الصراع الي بداخله على رنة الجوال
فيصل وحاول انه يكون طبيعي .." هلا عمي "
اسامه بمزحه غير مقصوده .. "وين اختفيت وللا يوم شفت الريم استخفيت.."
فيصل وخاف انه انفضح.." هاااه اصلا انا مااعرفها"
اسامه .." انت وش تخربط وش قاعد تقول .. فيصل يابوي صحصح انا اسامه عارف مين انا ولا العقل صار فيه شيء .."
فيصل وانتبه لغبائه ..."السموحه عمي بس شفتك مشغول قلت يوم ثاني"
اسامه .."لا خمس دقائق اوصل ريم لبيتهم ونتقابل "
فيصل .."اوكيه"
وقفل الجوال ودخله بجيبه وهو يحمد ربه انه ماانفضح
طالع بالشارع الي قدامه.. واسترجع كلمه عمه .."يوم شفت الريم استخفيت"
ضحك على غباءه يوم كان يبي يفضح نفسه معقوله تكون هذي الريم الي شهور وانا ادور عليها وشهور
وهي حارمتني النوم ابتسم ابتسامه جانبيه ولمت بعقله فكرة سريعه .. ضحك ومسح على دقنه وضرب الدركسون على الخفيف ولازم يضرب الحديد وهو حامي
=============***============
الساعة الثانية والنصف ظهرا
في بيت ابو سعود مجتمعن على الغداء وكل شخص شارد بهمومهومن بينهم رغد الي تلعب بالملعقة
بطريقه عشوائية والضيق واضح على معالم وجها والسرحان ماخذ طريقه لعقلها ..حست امها فيها
وقربت لها رغيف الخبز وبدل ما تأكل منه صارت تقطع الخبز قطع صغيره بكبر حبات القمح الى صارت شيء شاذ على السفرة طالعت بالملتفين حول الطاوله ورجعت نزلت عيونها بعد ما لاحظت ان الكل يطالع فيها ومستغرب من تصرفاتها
سعود .. "رغد كيف صحتك الحين"
رغد بدون ما ترفع عينها .. " الحمد الله انا بخير "
سعود .. ان شاء الله دوم تصرين لا احسن " ورجع تشاغل بالاكل
استغربت رغد نبرة صوته وحست ان في داخله كلام مانع ان لسانها يترجمه
ورفعت عينها عليه وشافته منشغل بالاكل ورجعت تشاغلت بالخبز
انتبهت لها امها و بنبرة لاتخلو من الحنان .." كلي يابنتي من يوم ماجلستي على
وأنت ما أكلتي شيء".. وبنظرة اشفاق.. "ولا تقلقيني عليك واذا تحسي شيء خبريني "
رغد بنظرة قويه طالعت في امها .." الحمد الله انا بخير عشرين مره قلتها"
سعود ويتجاهل نظراتها.." ترا كلمت عبدالله ولد جارنا انه يقرا عليك"
ام سعود بفرح .." ايه والله ياوليدي زين سويت وعبدالله الكل يمدح بقراءته "
رغد والصدمه الجمتها .." انت ايش قاعد تقول "
سعود ويقوم من السفرة .."اظن اعطيتك خبر "
=============***============
سلم من صلاته وتعوذ من الشيطان الرجيم ..واخذ المصحف وبدا بقراءةالقران ..مر عليه الحلم وتذكر شكل ابوه وهو غضبان عليه وامه وهي معرضه ومعطته ظهرها وسكر المصحف وصار يطالع بالفراغ الي قدامه تنهدت بقهر وعض على شفته لما مر بباله طيف داليا وانها كسرت كلمته ولا عبرته ولها اكثر من يومين جالسه عند اهلها .. وحتى الاتصال مااتصلته قام ورفع السجاده وحطها بصندوقها وفتح باب غرفته وسمع صوت التلفزيون وتذكر اخته الي من يوم ما دخلت داليا البيت وهو منشغل عنها
انتبهت اريام لنظراته وقفلت التلفزيون وقامت
تركي.." اريام"
اريام وهي ماشيه .. "انا داخله انام الغداء جاهز وماعليك الا انك تسخنه "
تركي وسحبها من يدها وجلسها جنبه .." انا ماجالس اسألك عن
الاكل..وحاول يتمالك نفسه .." ايش فيك كل مااكلمك تسفهيني وتمشي عني "
اريام بضيق اثر على حركتها.. "لاني مالي خلق بوجع الراس"
تركي.." الحين كلامي مايجي منه غير وجع الراس ..وبضحكة مصطنعه
يللا نعديها لك وتجهزي عشان نطلع انا وياك العصر نبي نمر خالتي ام وليد زمان مارحنا لها.."
اريام وتذكرت وليد وحست بالم بصدرها وغثيان من يوم انذكر اسمه..روح بروحك انا مالي خلق اروح معاك "
تركي .."طيب والله عجزت معاك قولي كيف ارضيك "
ابتسمت اريام ابتسامه صفراء ولفت عليه.." ومن متى يهمك رضاي "
تركي .." حرام عليك اذا انت ماتهميني مين يهمني .. يمكن الفتره الاخيرة انشغلت عنك او بالاحرى تشاغلت.. بس صديقني مهما ادور وانشغل بالي حولك مصيري راجع لك..
وتنهد بتنهيده تبعتها كحة خفيفه .." كنت طول عمري ادعي ربي انه يرزقني بوحده مثل رجاحة عقلك .. بوحده تعاملني مثل تعامك لي بس ربي كتب انه يرزقني بوحده اهتمامه بنفسه مقدمه على اولويات غيرها واذا على داليا انا بذاتي مليت من تصرفاتها
اريام وماهان عليها تشوف اخوها بالضيق والتعب .. "انا ماقصدت شيء..ومهما كان داليا فيها جوانب طيبه تقدر تكسبها "
تركي وهو يقوم .."هو شيء واحد تقصدي الي هو الطفل الي بطنها"
=============***============
دخلت غرفتها وضربت الباب وراها بكل قوتها وصوتها من كثر ما تصارخ وتصيح تغير وحلقها جف
وصارت تسعفه بريقها وتحاول تبلع قدر المستطاع من اللعاب وترطبه ..دفنت وجها بيدها وهي تبكي
وتتشاهق وصوت تردده بداخلها انا ماني مجنونه .. انا ماني مجنونه ..عشان تجيبوا عبدالله يقرا علي
عشان يشمت في.. عشان يقول مصيرك ترجعي لي..مردك لو طال الزمان ولو قصر لي
وبصوت محب ومعاتب يصرخ بداخلها ..وينك يانواف .. ولا الوقت الي احتاج لك تتخلى عني.. وتتركني لعبدالله وبلحظة مقاومه منها وعزم قدر تمنع سيل دموعها .."مستحيل اسمح لنفسي
اني اضعف لعبدالله او اني استسلم لك..وعمرك ماهمتيني ولا راح تهمني .. وتذكرت شيء وتقوس فمها وكتمت صوت شهقاتها ...تذكرت انها لغابت عن الوعي تبقى ساعات طويله وهي ماتصحى ومستحيل تحس نفسها.. قتها ماتدري القدر وين يرميها
رفعت يديها بخجل لباريها وانكبت على ركبها.." يارب الا عبدالله .. الا عبدالله .. وبقت على حالها وهي تردد هالكلمات
=============***===========
منسدح على السرير وحاط يديه وراء راسه وهو يسمع لرهف بكل شغف وبنات اخوه ملتفين حوله
رهف .."احلف ياعم انك ماتغير رايك"
اسامه بطولة بال ويزفر .."لا اله الا الله .. انا من الصبح ايش قاعد اقول"
دلال وتجلس على طرف السرير .."طيب عازم مين "
اسامه .. "مافي احد غريب .. بس احنا واحتمال عمي عبد اللطيف"
دلال بفرحه .. "يعني ساره بتجي ووااوو اجل زان البحر "
اسامه ويشد الغطاء على جسمه لما حس ببرودة التكيف .. "والبحر ماتزينه غير ساره واحنا وين رحنا .."
دلال باحراج .."لا ما قصدت بس ....وقطع كلامها الصوت الداخل
خالد وهو داخل ..."ترا كلمت ابو ماجد انه يطلع معانا وافق بعد طول إلحاح"
اسامه ويجلس على السرير .."طيب احنا نباها طلعه عائليه "
خالد .. "احلم اصلا تكون عائليه عزمت تركي زوج داليا وليد بس النذل اعتذر وجاري البحث عن بديل مكانه ..
دلال .. "ماله داعي عزمتهم .. وساره الحين كيف تقدر تاخذ راحتها من العله حنين وزودتها باريام لا والله كملت اجل .."
خالد بنفاخ .. "احترمي نفسك واظنها زوجتي مثل ماساره زوجتي "
رهف .." طيب مين اول تبي تزوج .. وضحكة ببراءه .. طيب انا عندي لك اقتراح وش رايك تسوي عرسك واحد وتجلس بوسطهن وحده عن يمينك وحده عن يسارك .. وتغيرت ملامح وجها.. بس الكوشه مافيها الا كرسين ..وبسرعه جاوبت نفسها ..لا عادي نكلمهم ونخليهم يحطوا كرسي ثالث بس صح مين الاول الي تفسخك الدبله وتحطها بيدك السيارة يعني تضطر انك تلبس دبلتين عشان ترضيهن وبحــيرة حطت يدها بفمها ..بس كيف الحل وانت ماعندك الا اصبع واحد ..وابتسمت بمكر ..اممم عادي لبس اول حنين وبعدها اقهر ساره وطنشها ..وتغيرت نبرة صوتها .. لا حرام فشله قدام خلق الله تكسحها ..طيب وش الحل .. ايه احسن شيء انك ماتتدخل وتريح راسك من السالفه كلها وووو......
وانتبهت وان عمها اسامه مغطي راسه وشكله نام وخالد ودلال مالهم اثرقربت من عمها ورفعت الحاف عنه وابتسمت يوم شافته نايمه وباسته على الطائر وغطته وطلعت وهي تكمل السالفه بخيالها
=============***===========
على الارجوحه وهي تهتز مع رياح السموم الحاره رمت الجوال بحظنها وتمتمت بكلامات مبهمه وحركات متضايقه
دلال بحيره وطالع فيها .." وش فيك"
داليا وتكلم نفسها .."طيب يا تركي اكلمه ويقول لي انا جالس اتعشى بمطعم" وتقلد نبرة صوته " انا عازم اريامي "
دلال .." ومااحد قالك تكسري كلمته وتركبي راسك "
داليا وتدفع بالارجوحه بقوة .."اصلا هو طيب بس لو يسلم من السوسه الي عنده.. اكيد استغلت غيابي وملت راسه علي.."
دلال.." المهم هو وافق انك تروحي البحر معنا"
داليا وبنص عين .." هذا الي ناقص اشاوره "
ام نواف وهي داخله وبنبرة غضب.." بنت وش هالكلام عيب تراه زوجك وابو هالولد الي بطنك "
واخذت الجوال واعطته ياها " وبلهجة امره .."يللا اتصلي عليه وخبريه انك تروحي البحر مع اهلك"
دلال بخوف من ردة فعله .." واذا ماوافق "
ام نواف وطالع بداليا وهي تتصل .."تنطق في البيت"
داليا وتناظر بامها .." هلا تركي "
تركي .. "اهلين نعم"
داليا بدون نفس .." تركي انا طالعه مع اهلي الشرقيه واتمنى مايكون عندك مانع.."
تركي باستغراب ممزوج بسخريه .." اها ماتلاحضي انك غريبه تستأذني "
داليا ..ماهو وقته هالكلام هاااا اروح .."
تركي .." خلاص روحي وانا واريام نلحقك هناك"
=============***============
يوم الاربعاء ..دخلت البيت وهي تتذمر من حرارة الشمس ونتفض ببلوزتها من شدة الضيق
رمت شنطتها على اول مقعد ولحقتها بعباتها وطرحتها .. وقامت وقفت عند التكيف وفكت ازارير بلوزتها وخلت الهواء يدخل لكامل جسمها وهي تنفض شعرها وتحاول تبرد النيران المنفجره بداخلها بمجرد سمعاها لتعليقات ساره عليها وشماتتها فيها ... وفجأة انتبهت ان التكيف قفل والتفت على وراء
رحمه .. "وان اقول وش هالريحه الي معطره المكان طالعه الاخت حنين مشرفه.." قالتها بسخريه مضحكة
حنين سفهتها ومدت يدها بكل ثقه .."هاتي الريموت"
رحمه وتهز راسها بالنفي.."هااا احلمي واذا ميته حرا ادخلي تسبحي"
طنشتها حنين ودخلت المطبخ ودور الغداء ونادت عليها من الشباك "..وين الغداء" .. وسكت والتفت في انحاء البيت .. "وجدتي وينها مااشوفها"
رحمه .. "الله واكبر الحين فيه وحده تسال عن الاكل قبل ماتسال عن جدتها"
حنين بضيق ونفس عند طرف خشمها ... اقول خلصينا ترا مليت منك واذا
انت فاضيه غيرك واصله معاه .."
وقامت ولمت اغراضها وطلعت لغرفتها ...ضحكة رحمة على عصبيتها وبنفس الوقت اشفقة على حالها ..رن جرس التلفون ومنعها انها تسترسل بالسرحان
ورفعت بسماعه ببرودة ورددت الـو .. الـو ..وبضيق واضح.. مين
وليد بضحكة .. انا ولـيــد ولا امداك تنسي صوتي
=============***============
في داخل ذلك القصر القابع خلف تلك الأشجار الكثيفه والمترابطة ببعضها البعض .. وكأنها تحجب الحياة عن اصحابها وتحرمهم من شعاع الشمس ...وبالدور الثاني تحديدا وداخل عالمه الجديد
فتح عينيه بصعوبة وهو يقاوم سلطان النوم تثاوب بكسل .. وعبس وجهه تلقائيا وهو يشوف النور
المتسلل من الشباك رغم سماكة الستاره الا انها قدرت تعكر عليه نومه.. حجب الضوء براحته الغليظة..والتفت عليها التفاته بسيطه ..وانفرجت شفائفه عن ابتسامه جانبيه وهو يشوفها غرقانه بالنوم...قام من سريره بهدواء وبدون مايصدر صوت فتح دولابه وطلع ملابس واتجه لحمام وقبل مايدخل رجع..والتفت عليها وتنهد على حاله وهو على الطريق الي سلكه كان هذا اقرب طريق يسلكه يمكن يحس انه صحيح واقرب طريق يريح قلبه.. ويحقق مبتغاه ازاح من عقله فكرة ان احد مسحيل يشك فيه او يدري انه ماسافر لعمل كان مجرد انتقالهم لبيت ثاني اكبر عقبه بطريقه ومستحيل يقدر يصبر عنها اكثرمن كذا وبخلال يومين قدر يشتري بيت ويتزوج ويطرد العيون من حوله
=============***============
سكر الخط وبقت ماسكه السماعه وضغطتها بقوة .. اول مره تخاف من وليد .. تخاف من الي تحمله هالزيارته المفاجئه .. تشاهقت من داخلها وتقطع قلبها خوف من المواجهه ..عكر صفوها وجود حنين عندها في البيت انتبهت لسماعه ورجعت سكرتها وطلعت وهي تجمع افكار جديده براسها
رحمه وهي داخله وتنادي ".. حنين.. حنين .."
حنين بداخل الحمام وتتسبح .." خير ياطير حتى بالحمام تلاحقيني "
ابتسمت ابتسامه باهته وجلست على السرير وصارت تهز رجولها بتوتر
انفتح الحمام واطلت حنين وهي رافعه شعرها بالفوطه
حنين وترفع حاجبه بحيرة .. "رحمه ايش فيك لاتكوني زعلتي مني ترا انا خبله وكمان طينه ومااحد يستحمل مزحي غيرك .."
رحمه .."هاااا لا بس ترانا معزومين "
حنين باستفهام .."عند مين "
رحمه .. "ام نواف اتصلت على جدتي وعزمتها على البحر... وخالد اتصل على ابوك وكلمه بخصوص هالطلعه وعلى مااظن فهد كمان معزوم
حنين .."وش فيك تقوليها بدون نفس"
رحمه .."ماهو هذا المهم .. هااا تروحي"
حنين وتجفف شعرها بالمجفف.." لرحتي اكيد بروح واذا لا بجلس معاك اونسك واغثك بثقالة دمي وبسوالفي البطاله .."
رحمه وتهز راسها بقوة .. "لا انا ماراح اروح بجلس عند امي وانت روحي
مع ابوك وزوجته وان شاء الله ماراح امـل بعدك ..وابتسمت مجامله ..يمكن ارتاح منك ...
حنين ..بس مااقدر اروح وانت ماانت معاي .. وصعبة كمان تبقي بروحك بالبيت
رحمه وتحاول تصرفها باي طريقه .. خلاص قلت روحي وماعليك في ..
=============***============
واخيرا وصلوا كورنيش الدمام وبعد جهد جهيد حجز ثلاث شاليهاتالاول وكان مخصص للحريم والثاني لرجال والأخير والصغير بالنسبه لباقين كان لتركي واهله
وبعدما ارخى الجميع العنان لنوم من اثار النهار الشاق واستسلموا بكل طواعيه له ..تسللن البنات من الباب الخلفي مع تسلل ضوء القمر عليهن وبعد ماتاكدن ان الكل ناموا طلعن من الشاليه واكتفت كل وحده بطرحه لفتها حول رقبتها
وبكتمال البدر المتربع فوق السماء والمتكرم بضؤء الي معطي منظري بديعي يستدعي ان الواحد يتأمل
بملكوت السموات والارض
رغد والموج يداعب اسفل رجليها .. "تخيلن لو صحو وكشفونا"
دلال.." لا ماعليكم كل واحد واثقل من الثاني بالنوم ..وبعدين احنا ماسوين غلط عشان نخاف
ودخلو كلهم البحر ..دلال ببرمودتها التركوازيه الي اتحدت مع البحر..
ورغد برمودتها الموجه بالألوان غجرية وساره بالجنز المشجر
وبدا يتراشقوا بالمويا بين ضحكات وهمسات طائره ..انتبهن لعين الي طالع فيهن من بعيسكنت اجسامهم
رغد بخوف .. "ياولنا شكل نسينا ان واحد برا وما نام "
ساره .."بس ماهو منا .. هذا غاوي طالعي شكله.." واشرت بيدها عليه
دلال .. "والله انك فاضيه" .. وبتفكير...." مين تتوقعون يكون "
في المقابل فهد الي ماقدر يقاوم لمعان البحر وهجانه والي شجعه اكثر ان النوم ودعه بمجرد استنشاقه
لنسيم البحر وبثواني غير ملابسه ونزل يسبح وهو يغوص ويقاوم شدة الامواج العاتيه وبعدها خرج
ورمى نفسه على الرمل بارتياح تارك الموج يغطى نصف جسمه
قربن البنات من المكان الموجود فيه فهد وحبن يستكشفن ويعرفن مين الي بقى صاحي ومانام واصوات ضحكاتهن تدوي في آلاذان وانحرج فهد منهم وخاصه وهو ملابس السباحه ومافي حل الا انه يرجع وسبح بالبحر مره ثانيه وبقى فترة وهو يغوص وكل مارفع راسه شافن بمكانهن رجع وغاص في البحر وبقى على هذا الحال فترة طويله ..وفي الاخير مل وطلع بعيد عنهموطالع الساعه وشافها الثالثه بعد منتصف الليل واستغرب انهن لسه بمكانهن واصواتهن كل ماهي تزيد تنشف ولبس ملابسه واتجه لهن
فهد ومركز عينه على البحر .."اظن كفايه لعب ويللا الوقت تاخر "
دلال بخوف يوم شافته قرب منهن .."ومين حظرتك عشان تنافخ ..وتعطي الأوامر.."
فهد .. "ماهو المهم تعرفي المهم تسمعي ويللا بلا قلة حياء "
سارة .."لا كنت ولي علينا ذاك الوقت تكلم ..ورجعت تشاغلت بالمويا
فهد ويزفر بضيق .. " الله يطولك ياروح ..شكل الليله بتكون طويله معكن"
دلال وحاولت تلم الطرحه على وجهها.." بللا قلت حياء وضف وجهك عنا احسن لك .."
فهد بتهديد .. "شوفن بتمشوا قدامي ولا اتصال واحد مني اخبر فيه عمكم عن
طلعاتكم وضغط على كلمة عمكم وكانه شاك فيهن .."
شهقت رغد .. وتبعها شهقات من دلال وساره
رغد.. احنا ماشيات بس ما هو خوف من اشكالك بس لانا مانامن روحنا حولك

=============***============
في المغرفه المطله على البحر
حنين .."والله انك غشاشه الحين انا ساعه بالمطبخ واسوي بالحلى والمعجنات واخرتها انتي جايه الحلى والمعجنات من المخبز.."
ريم.." وش فيها وبعدين انا ماني مثلك اعرف اطبخ.."
حنين .."طيب انا مااحب اكل المطاعم .. وتاخذ قطعه من الفطائر وتفتحهابتقزز مدري كيف عجنها ملعقه ولا باصابعه.. واذا باصابعه هو لابس جونتي ولا بأظافره وإذا عجنها بأظافره هي نظيفة ولا طويلة ومليانه سواد من تحتها
ريم وتضرب فيها .." تراك علتيني.. وأنا مااجيب الا من مخابزمعروفه .. وبعدين هاتي الصواني الي عندك ..ولا تقولي انك ماسويتي حلى السنكرس ترا بذبحك.."
حنين بنذاله وتنزع التغليف عن الصواني .. "سويت ثلاث انواع حلى بس الاهالحلى مااحبه.."
ريم بزعل واضح.." ماهو شرط انك تحبيه المهم اني اكله"
حنين .. "الحين مين المفروض تزعل انا ولا انت"
ريم .. "بلا حركة بزران ..وترا عزمت اريام عندنا وبسرعه طلعي الحلىوزعيه وانا ابي اوزع الفطائر
حنين باستفسار ..مين اريام
ريم .." اخت تركي"
حنين وعبست وجها.." ومين تركي"
ريم .." زوج داليا "
وقبل ماتسالني عن داليا اعطك نبذة موجزه عن داليا فتاة نشئت وترعرت في الرياض..حصلت على شهادة الابتدائية من مدرسه الثالثه والعشرون واكملت دراستها العليا في المتوسطه العاشره وحصلت على امتياز مع مرتبه الشرف في تخصص الفنيه
حنين وتضربها على كتفها .." حشا ماتنعطي وجهه وتقوم قولي لي وين ودك تجلسي البنت.."
ريم .."اكيد بغرفتنا ماابي احد يدري انا عندنا حلى ويزعلوا لانا ماوزعناه عليهم .."
حنين .."تقصد ماتبي احد يدري انا عندك حلى وفطائر ويأكلوها عنك"
اندق الباب بقوة وقطع كلامهن
ريم .." هذي اريام قومي افتحي لها"
حنين .." اشوف من يوم خطبك فيصل صار لك صوت"
قامت ريم بقهر.. وابتسمت يوم فتحت وطالعت بحنين ..."هلا خالي جيت بوقتك"
=============***============
جالسه على الدرج ورجلها تحت بالمويا رمت قطع من الطعم وضحكة بهدواء وهي تشوف الاسماك الصغيره كيف تجتمع عليها وتتصارع من اجل البقاء
تركي بابتسامه ويقطع سرحانها .."هااا اريام جاهزه تروحي "
اريام .. "والله استحي وريم مااعرفها .. وكمان البنات ما يحبوني"
تركي .."لا تحتكي فيهم كثير .. وبما انا البنت هي عازمتك خلاص تلاقيها طيبه وحبوبه.."
اريام وتفرك اصابعه بتوتر.."اخاف اندم على روحتي"
تركي .. "ابي اعرف انتي ليش دائما متشائمة تفائلي يوم بالحياة ويمكن تلاقيها صديقه وفيه لك .."
اريام وتذكرت لميس.. "مااظن بس على قولك نتفائل "
وقامت ولبست عبائتها وطلعت مع اخوها
=============***============
طالع بشكلها وكيف الدنيا لعبت فيها وخلتها انسانه محطمه ومجرده من المشاعر والأحاسيس انسانه
غارقه بلجة الماضي وتتخبط بالحياة بدون معين ولا مساعد .. طول عمره يحبها ويفتخر فيها طول عمرها زهرة الكل يتمنى ان يستنشق عبيرها ... انتبه على ابتسامتها الباهته
وقام وجلس جنبها و فتح محفظته وطلع بطاقه صرافه..خذي هذي لاحتجتي شيء فيه مبلغ لا بس فيه ينفعك وقت الحاجه .."
رحمه وتمد يدها بنهي""لا وليد انا ماني محتاجه فلوس.." وبغصه اثرت على صوتها.." وكل الي احتاجه انك تصدقني وتاقف معاي .."
وليد وهز راسه بأسى.. "ماقلنا خلاص فكينا من هالموضوع "
رحمه وعيونها بدت تدمع..." طيب وابوي وش اقوله "
=============***===========
بملابس السباحه .. وقطرات المويا الي تنساب من وجنتيه..وبأصوات معدته الغاضبه جالس على اطراف اصابعه بين الصواني والتعب مأثر عليه خالد ويأكل بنهم..والملعقة صارت تطيش بالصواني..وفمه مليان اكل وينااادي بصوت غير مفهوم .." اسامه تعال فيه حلى هنا "
ريم وعينيه دور بن خالد والملعقه وشفافها يبست و لسانها بن لحظه ولحظه يطلع يرطبها وفتحت عينها على الأخر وبلعت ريقها يوم سمعته ينادي على اسامه
خالد ويمد فنجال القهوة.." ريم من سوت هالاكل"
ريم وطالع بالصنيه .." هذي حنين"
خالد وفمه مليان اكل .." والله انها ماهي بصاحه تبني اطلقها واحرم نفس هالنعمه.."
ريم وطالع في البلكونه المتخفيه فيه حنين ورجعت طالعت بخالد .." يعني انت ماتبي طلقها بس عشانها تعرف تسوي حلى.."
خالد ومن الجوع صار مايعرف ايش يقول .." ايه اهم شيء عندي بطني..وبعدين أفكر بالأشياء الثانية
=============***============
بعد العصر طلعت من غرفتها ونزلت تحت شافت امها تدرس اخوها احمد ومحمد فرحان بالبلاي ستيشن الي اهداه له سعود ومافارقه من جاه
فرح وتحب راس امها وبحياء صبغ وجها باحمرار .." شلونك يمه "
ام محمد وبعينيها حزن يتوارى وبألم يعصر قلبها .." الحمد الله ..."
وبلحظة صمت تشاغلت فرح بمتابعه التلفزيون وامها بتدريس ولدها احمد
وبصوت اقرب لهمس نطقت ام محمد ..."سعود وينه "
فرح وتهز اكتوفها وبنظره خجوله " مدري طلع يقول عنده مشوار "
وابتسمت على وراء وهي تشوفه داخل وتشيعه ابتسامه مرسومه على وجهه باتقان وملامح وجهه انقلبن وانفجرن فيهن الحياة من هذي الابتسامه
سعود دخل وجلس جنب فرح .." شلونك ياخاله "
ام محمد وتجمع اكبر نفس ممكن .."محمد بخير دامكم مبسوطين ومرتاحين"
سعود ورمى العقال والشماغ واخذ بيد فرح عن اذنك خالتي احنا طالعين فوق .."
طالعت بخطواتهم الي من السعاده ماهي قادره الارض انهم تشيلهم ابتسمت بمراره ومسحت دمعة تعلقت بطرف عينها.. ماكانت راضيه بهالزواج بس جمايل سعود غطتها ..وافعاله منعتها انه ترده تمنت مثل كل ام ماتتمنى ان بنتها تزوج زواج شرعي زواج تعم فيه الفرحه والانس والسعاده وانها هي بيدها تزف بنتها لزوجها بعد ماتطبع على خدها قبلة رضاحزنت بالم على بنتها فرح يوم تسالها يمه وش معنا زواج مسـيـار وهي ماتعرف انها بهذا الزواج دفنت احلامها معها
=============***============

ابتسمت حنين وقامت وطالعت بالموج من الشباك وهو هادي وحطت يدها تحت خدها .. تتأمل زرقه البحر وهي متحده مع زرقة السماء ... "تسألوني عن احلامي ...ومرت لحظة صمت بينهم وكل وحده تشاغلت عن الثانيه بالنظرا الى الفراغ .."كانت عندي احلام كثيره حالي مثل حال أي بنت
واكبر سعادتي ويوم يكون لي بيت وزوج واطفال ومانكر ان كان عندي احلام ثانويه مثل
اني احـج واحفظ القران و اخذ الماجستير والدكتوراه .. كبرت وكبرت معي احلامي
وصارت هاجس تورقني وتؤنس على وحدتي وهي ملاذي الوحيد يوم احزن وأصير امني حالي واقول
بكره لكبرت وتزوجت انسى كل شيء .. كان اكبر شيء يعذبني يوم اشوف التفريق بيني وبين اختي وانها لها النصيب الاكبر من الدلع والحنان وانا مالي غير الاسم .. ويقدر الله ان يكون بينا موقف انا وفايز يمكن الحين لو اوزنها اقول انها مواقف عاديه ومافيها أي دليل على الحب والاعجاب ويمكن كان
المقصود فيها اختي ماهو انا بس قلت الاماني بلاش وخليني اعيش السعاده ولو بالوهم .. توقعته انه
يبادني الحب ومستحيل انسى ذاك اليوم الي حطمني ورفضني بس لاني سمره.. وسكت ومسحت على خدها بطريقه دائرية.... ويمكن هذا اول حلم انتحر لي بعدها جيت الرياض وسكنت بين اهلها .. وتعرفت على ريم وحبيتهاوغمزة لريم بضحكة..."ولو اعرف انها كذا ماكان صادقتها من الاول"
تزوجت خالد وبما انه كان اعمى حسيته هو بر الامان لي وخاصه انه مستحيل يقول عني سمره مثل فايز وماانكر انه هو الوحيد الي خلاني احس بالسعاده خلاني احس اني بيوم بجنة وان كل الي حولي محرموني منها ويكتب الله لخالد الشفاء عشان يجي بيوم ويقول لي "توقعتك احلى من كذا بكثير الحين عرفت ليه رضيتي تاخذي واحد اعمى..." وبكلمته هذي انتحرت كل احلامي وماصار عندي احلام ولا بعدها فكرت اني ابني احلام جديده عشان يكون مصيرها الانتحار واذا فيه امنيه فهي ان الله يرزقني بوظيفه اقدر منها ادفع لخالد كل مهره .. ولفت لبنات وبضحكة عاليه وهذا انا خاصت وش رايكم بالسيناريو اصلح اكون مخرجه
ريم وتصفق وتاشر بقد مقلوبه.." ناقصك الدموع والاهات والحسرات "
طنشتها حنين ولفت على اريام ..."وانت اريام لا تقولي انا مصير احلامك كمان الانتحار مثلي
اريام وتضم يديها بعض .." يمكن طفولتي تختلف عن طفولة حنين لان الله حرمي من ولديني من يوم
وانا صغيره بس الله عوضني بخالتي ام وليد وبنتها كانت بالسبه لي اغلى من روحي.. كنا نمني انفسنا انا وياها ببراءة الاطفال ان كل وحده ماراح تتنازل عن اخو الثانيه وانا لازم نربط بعضنا
اكثر والعلاقه لازم تكون اوثق من كذا وحددنا حلمنا بالحياة ان ندخل كلية الطب مع بعض ونتخرج مع بعض وبعدها نزوج مع بعض وماكنت اتخيل بيوم انها راح تموت وان الاحلام الي بنيناها مع بعض كانت سراب وبهذا انتحر لي اول حلم انا نتزوج بليلة وحده ونتخرج بيوم واحد
وتنهدت تنهيده مسموعة ..."بس الحمد الله قضاء وقدر ...بعدها ثابرت وعزمت اني اكمل همتي وادخل كلية الطب واحقق الي كنا نسعى له وفي ثالث ثانوي اجتهد وتعبت وحرمت نفس من كل شيء بس والحمدالله حصدت نتائج تعبي واخذت الاولى على دفعتي قدمت بشهاداتي واوراقي لجامعه والحمد الله تم القبول وما بقى الا اجتياز الاختبار وماكنت ادري ان اخوي كان كاره هالميول وانه كان متعمد انه
مايصحيني لاختبار القبول وراحت على نومه وماصحيت الا على اذان الظهر وفي النهايه رضيت اني اكسب اخوي وخاصه ان المجتمع الي حولي عنده نظره سلبيه للي تشتغل داخل المستشفى وبهذا انتحر لي ثاني حلم دخلت الجامعه بدون ميول لاي تخصص والحمد الله توفقنا ومع هذا بقيت متحفظه على بعض الاحلام ومنها اني كنت اتمنى اني اتزوج بالي حلمت فيه طول عمري وانصدمت بانه خطب غيري وانه ماله رغبه ..ويمكن كانت هذي اخف صدمه علي لان الاحلام مصيره الانتحار بالنسبة لي .. واذا كانت عندي امنيه فهي اني اصمم موقع اسلامي عربي وانجليزي يكون لي وقف انتفع فيه بعد موتي رمت ريم نفسها على السرير .. ورمت المخده على بطنها ..ورفعت رجولها
ترفرف بالجوا واخذت خصله صغيره وصارت تلعب فيها بطرف اصبعها
" امممم انا عن نفسي اشوف حياااتي عاديه او اني ماعندي احلام مثلكم
تمنيت الكليه ودخلتها تمنيت ان خالي ربي يشفيه من عماها وان الله يرزقني باخت وصديقه وفيه مثل حنين وبادلتها الابتسامه وجربت الحب مره وحده ولفظته بعد ماكتشفت انه علقم ومايستصاغ
وهذي كل حياتي بكل بساطه ورمت المخده بوجه حنين وهربت منها
=======================***===============*======== ====

على غروب وراء الشمس وانحلال الضلام وبزوغ الشفق وامام هالمنظر الرباني الي يعجز احد ان يصوره او يرسمه
ام ريان .."اقول يام نواف مااشوف نواف هالايام وليش ماطلع البحر معانا"
ام نواف .. "والله مدري عنه من يوم ماطرده ابوه من البيت واحنا مانشوفه "
ام سعود .. "لا يكون من ذاك اليوم ماله حس ولا خبر "
ام نواف وتنهدت .. "لا يتصل من فتره لفتره وان شاء الله هو بخير"
ام سعود بدعاء .. "الله يهديه هو متى يترك عنه حركاته "
ام نواف وتغير السالفه .."الا اقولك هو صحيح ان فيصل خطب ريم "
ام سعود .. "ايه والله ومن ساعته مكلمني يبي اشوفك رايك يام ريان"
ام ريان بسعاده تخفيها .."والله هذي الساعه المباركه ..وانا ماراح احصل احسن من ولد اخوي بس لازم تعرفوا ان الراي مع البنت وابوها"
ام سعود.." انتم تشاور وردو عيلنا باقرب فرصه"
كان هذا اخر كلمه سمعتها ريم مشت ومشت الين ماقادتها رجولها على الدرج نزلت رجلها بالبحر
وحركت المويا بطريقه عشوائية .. عقلها يقول وقلبها يقول استغربت خطبته المفاجئه لها ومشاعرها الي تفجرت بمجرد خطبته لها وشوقها الفضيع لشوفة فيصل .. حست بنظرات الكل حولها وانهم
مالهم سالفه الا عن خطبت فيصل لها
رهف قطعت سرحانها .. "وش فيك يامدام "
ريم وتلف وجها.." مافيني شيء بس طفشانه عندك مانع
رهف والحين كل الموجودين ماعجبوك الا حنين

قصة انتحار الاحلام اخر الليل ...22