علمتني كيف أحب علمني كيف أنسى ... 32 - القصص الطويلة , القصص و الروايات story
 |
 |
 |
 |
|
 |
تابع حالة الطقس في اكبر و اشهر مدن المملكة العربية السعودية | منتديات | مقاطع فيديو تحميل افلام موقع يوتيوب youtube العاب بنات hguhf fkhj | تحميل صور jpldg w,v | بلاك بيري | بنات السعودية | قصص بنات
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (262,649 مشاهدات)
فتاة تستأذن امها فى ممارسة الجنس (168,150 مشاهدات) قصة واقعية حدثت في ليلة الدخلة (112,072 مشاهدات) الملائكة تنقذ فتاة من الإغتصاب ... سبحان الله (73,068 مشاهدات) دخلت الفتاه الشاليه قصه يقف لها شعر الراس (71,471 مشاهدات) اغتصاب بنت ميته (71,163 مشاهدات) ركبت عبير مع خالد اللكزس وطلعو الشقه (54,020 مشاهدات) قصة حب محزنة عبر الانترنيت والله تبكى الحجر (47,727 مشاهدات)
جديد مواد مع عشوائي
زوج نجاه الله من الغرق (8,861 مشاهدات)
ضحت بذراعها لتنقذ شقيقها (10,419 مشاهدات) خرجت رائحته بعد موته (14,105 مشاهدات) آهٍ........ لو أعود (5,264 مشاهدات) توبة اشهر عارضة ازياء (10,133 مشاهدات) توبة الشيخ سعيد بن مسفر (8,133 مشاهدات) توبة أب على يد ابنه (5,216 مشاهدات) توبه فتاه ادمنت الشات (10,011 مشاهدات) |
القصص و الروايات story > القصص الطويلة > علمتني كيف أحب علمني كيف أنسى ... 32
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية علمتني كيف أحب علمني كيف أنسى ... 32
في اليوم التالي في منزل ابو راشد
ام راشد وابو راشد في جناحهم ام راشد: بصراحة انا ما صدقت يوم ام عمر قالتلي انه ان عمر يبي مريم ابو راشد: انتي تعرفين معزة عمر عندي بس يام راشد هيه رفظته مرة وانا ما ابي اظغط عليها ام راشد: ما حد قالك تغصبها انت كلمها بالسالفة و شوف شرايها ابو راشد: لا انا بسالها شرايها بهزاع واذا رفظته بكلمها عن عمر ام راشد: انزين خلاص انا الحين بزقرها وانت كلمها ابو راشد: تعالي هني مب انتي كنتي تبين تخطبيله بنت بو هزاع ام راشد: انزين هو ما يبيها. تبي الصراحة انا كنت زعلانة منها لانها رفظته وكنت ابي اخطبله . بس والله انا بكون مستانسة اذا وافقت عليه ابو راشد: انشالله . يلا قومي زقريها في منزل ابو منصور في غرفة ميرة ميرة: ندى شو السالفة ندى: الله يخليج لا تردين للسالفة . انا اشتقت لكم وييت اشوفكم بس ميرة: و ما ظنتي السالفة تحتاي ترقدين عندنا . احنا مب ساكنين فامريكا بيتنا يمب بيتكم كلها فرة حصى ندى: ميرو يوزي عني الله يخليج ميرة: ندى انتي من يوم عرستي وانتي وحدة ثانية . تغيرتي وايد ما تظحكين ولا تتكلمين مثل قبل ندى: يعني البنت يوم تعرس تصير غير ميرة: بس انا ما ابي اتغير ابي اتم مثل ماانا ندى: خالد غير فيصل . يحب يتغشمر و يستانس و يطلع ميرة: فيصل بعد احسه يحب يتغشمر و يظحك ندى.......ليت فيصل يحبني كثر ما يحبك خالد ندى: صحيح متى عرسكم ميرة: الله يخليج لا تييبين هذا الطاري كل ما اسمع كلمة عرس احس عمري بموت ندى: يلا عاد اللي يسمعج الحين يقول هذي يتاخذ وحش ميرة: يعني هو ما يفرق عن الوحش بوايد ندى: انتي متاكدة انج تتكلمين عن خالد ميرة: هيه ندى: ما يغرج انه عصبي بس هو صدقيني وايد طيب و دمه خفيف ميرة: واذا عصب ندى: كلهم اذا عصبو يخرعون مب بس هو ميرة: بس هو اذا عصب ما يفكر . يصير مثل المينون ندى: ميرة افهم من كلامج انج ما ما تحبينه ميرة: انا ما قلت جي ندى: ميرة ما حد خالي من العيوب . وانتي بعد حساسة وايد و تصيحين لاي سبب ميرة: بس هو يخوفني ندى: يلا عاد عن الدلع . صدقيني انه طيب و قلبه مثل الثلج ميرة: انشالله يكون كلامج صحيح في منزل ابو راشد ابو راشد: ها شقلتي مريم: يبى هزاع مثل اخوي ابو راشد: متاكدة مريم: هيه يبى متاكدة ابو راشد: انزين انا بكلم بو هزاع و اعتذرله مريم: انزين انا بسير حجرتي عن اذنكم ام راشد: لحظة انتظري شفيك يا بو راشد ليش ما كلمتها عن الموظوع الثاني ابو راشد: بعدين ام راشد: ليش الحين يلا يا بو راشد ابو راشد: انزين يلسي شوي يا مريم مريم: خير يبى ابو راشد: عمر يبي يطلبج . بس يبى انا ما ابي اغصبج اذا ما تبينه خلاص مريم منصدمة الفرحة لا تسعها مريم...........اكيد موافقة ام راشد :ها شقلتي ابو راشد: شفيج على البنية خليها تفكر مريم: يبى انا....... ابو راشد: لا مب الحين فكري بالسالفة و رديلي خبر بعدين ام راشد: ليش بعدين ابو راشد: شفيج يام راشد هذي زواج مب لعب مريم تكاد تطير من الفرح و لكنها لا تريد ان تظهر مشاعرها امامهم ام راشد: باجر انا بسالج وابي ردج انزين مريم بخجل: انشالله عن اذنكم خرجت من الغرفة مسرعة واتجهت الى غرفتها لتتصل بامل و تخبرها عن الموضوع ام راشد: شرايك بتوافق ابو راشد: اظن . يعني انا حسيت انها موافقة بس مستحية تقول ام راشد: وانا بعد سبحان مغير الاحوال قبل شهرين رفظته و الحين موافقة . الله يتمم على خير ابو راشد: انشالله والله اذا وافقت انا بكون اسعد انسان بالكون . ام راشد: انشالله في الهافانا خالد و فيصل و يوسف خالد: ياخي اذا هالكثر السالفة ماذيتنك ليش خليتها تروح فيصل: ليش انا شقلت خالد: المشكلة انك ما قلت شي . من البارحة وانت زعلان و متظايج ليش خليتها تسير فيصل: هي تبي تسير وانا ما ابي امنعها عن اهلها يوسف: اللي يسمع يقول انت ما تخليها تشوفهم. بس ماله داعي تبات عندهم تسير تشوفهم وترد خالد: والله لو انا بمكانك ما خلي حرمتي تسير بروحها ريلي على ريلها يوسف: يا سلام على الحب خالد: وانا ما انكر اني احب حرمتي يوسف: هههههه حرمتك مرة وحدة الحبيب صدق عمره خالد: ليش مب مالج عليها . خلاص تصير حرمتي يوسف: صحيح انت متى ناوي تعرس خالد: مب قبل شهرين يوسف: ليش خالد: لين يخلص البيت اللي قاعد يبنيه الوالد يوسف: احسن بعد عسب اسوي عرسي بروحي انا ما احب اسوي عرس جماعي خالد: الله يغربل ابليسك ويعين ريم عليك والله انها غامظتني يوسف: خلود مب جنك زودتها خالد: اقول يوسف شرايك تنزل تسبح شوي يوسف: ياخي امزح وياك خالد: مزحك بايخ فيصل كان في عالم اخر . فهو مستغرب من نفسه . لم يكن يعتقد ان بعد ندى عنه سيؤثر به بهذا الشكل . انه لا يرغب حتى بالذهاب الى المنزل لانه لا يتخيل جناحهم من دونها . لا يتخيل ان يدخل الغرفة فلا يجدها هناك . فيصل........يا رب شسويت انا خليتها تكره حياتها وياي في اليوم التالي في شركة المقاولات ابو راشد في مكتبه عندما رن هاتفه ابو راشد: الو : الو الاستاذ سلطان ابو راشد: هيه منو معاي : ما اقدر اقولك منو انا بس انا ابي اقولك شي مهم ابو راشد: اختي منو اللي يتكلم : لو كنت اقدر اقول جان ما تاخرت بس والله اذا درى اني كلمتك يمكن يذبحني ابو راشد باستغراب: اختي انتي تتكلمين عن منو : عن عمر خليفة ريلي ابو راشد بانصدام: منو عمر خليفة ريلج :هيه ومن 6 شهور وانا الحين حامل منه بعد ابو راشد: وممكن افهم ليش تكلميني : لانه البارحة قالي انه طلب بنتك وانا بغيت اعلمك انا واحد جذاب ابو راشد: اختي زواجج منه موضوع ما يخصني : بس يخص بنتك ابور اشد: مالج شغل ببنتي : صدقني انا اعرف نه لو درى اني كلمتك يمكن يذبحني او على الاقل يعقني بالشارع بس انا ما ارظى ان بنتك تاخذ واحد مثله لاني اعرف انك ريال طيب والكل يتكلم عنك وعن سمعتك الزينه و ما تستاهل تناسب واحد شراته ابو راشد وهو منصدم من كلامها: انزين مشكورة : ارجوك ما تعلم حد عن السالفة لانه لو درى بيعرف اني انا اللي كلمتك . الله يخليك لا تقله . والله بيظربني وهو اصلا يسويها من دون سبب و بيلاقيها حجة عسب انزل اللي فبطني لانه ما يبيه ابو راشد: لا تخافين اختي انا ما بقله :مشكور اخوي مشكور اغلقت الهاتف و تركت ابو راشد يضرب اخماس باسداس . للحظة اعتقد ان الموضوع كله كذبة ولكن ما مصلحة اي انسان في هذا الكون ان يقول هذا الكلام عن عمر . ثم لا احد يعرف عن موضوع خطبة عمر لمريم حتى ابناء ابو راشد نفسهم لا يعرفون اذا من اخبر هذه المراة عن الموضوع لا يمكن ان يكون الا عمر ابو راشد.........ليش يا عمر والله انك بحسبة عيالي في منزل ابو راشد في الغرفة ام راشد: شفيك يا بو راشد من رديت من الشركة وانت متظايج ابو راشد: ما فيني شي ام راشد: انزين انا بكلم مريم عسب اعرف رايها ابو راشد: ماله داعي ام راشد: ليش انت كلمتها ابو راشد: لا بس انا مب موافق ام راشد: شو ابو راشد: انا مب موافق ام راشد: وليش ابو راشد: لاني احس انها بتوافق عسب ما تسوي زعل بينا وبين بو عمر ام راشد: انزين انت كلمها بعدين قول هذا الكلام ابو راشد: مريم بنتي و اعرفها زين . هي كانت بتوافق عليه اول مرة عسب احنا ما نزعل و الحين اكيد بتوافق عليه عسب ما نزعل ام راشد: بس يا بوراشد شو بنقول للعرب ابو راشد: لا تحاتين انا بكلمهم ام راشد: لا اله الا الله انا ابي اعرف انت شلي غير رايك البارحة كنت موافق الحين شصار ابو راشد: فكرت بالسالفة و شفت ان سعادة بنتي اهم عندي من زعل الناس. لان الناس بيزعلون الحين بس بعدين بيرظون بس بنتي اذا عرست مرة ما بتعرس مرة ثانية ام راشد: والله انا حاسة ان هذا كلامها و انت تبي تتحمل السالفة عسب ما نزعل منها ابو راشد بغضب: يعني انا جذاب ام راشد: حاشاك بس اللي يسمعك الحين يقول هذا واحد ثاني غير اللي كان البارحة مستانس على السالفة ابو راشد: الله خلق لنا العقل عسب نفكر فيه وهذي بنتي . انا الحين بكلم بو عمر و فهمه السالفة ام راشد: وا حسرة قلبي عليك يا عمر . والله اخاف يصير له شي من يسمع هذا الكلام خرجت ام راشد من الغرفة الى المجلس وهي تشعر بضيق و تفكر ماذا ستكون ردة فعل ام عمر اذا علمت ان ابو راشد غير موافق على زواج عمر من مريم. مريم في غرفتها سعيدة وتتنظر ان يناديها والدها ليعرف رايها . مريم..يا رب تمم على خير واسعدنا بعد ساعتين خرجت مريم من غرفتها الى غرفة والدها. طرقت الباب و دخلت لتجد والدها يجلس على السرير وهو يبدو منزعجا مريم : يبى خير شصاير ابو راشد: ييتي بوقتج تعالي يلسي جلست مريم بجانب والدها مريم: خير يبى ابو راشد: انا الحين كلمت عمج بو عمر و قلتله اني مب موافق على سالفة الخطوبة بقيت مريم تحدق بوالدها وهي لا تعي ما تسمع ابو راشد: انا اعرف انج مب موافقة مريم وهي تحاول ان تستوعب ما يحدث: بس انا موافقة ابو راشد: ماله داعي هذا الكلام يا بنيتي انا اعرف انج بتوافقن عسب احنا ما نزعل و ....... مريم ودموعها تنهمر: لا يبى انا موافقة لاني ابي عمر ابو راشد وقلبه يعتصر الما على ابنته: لا يا بنيتي انتي ما تهونين علي مريم : والله يبى انا موافقة ابو راشد: خلاص يا بنيتي انا كلمت بو عمر و قلتله خلاص لا تخافين انا قلتلهم اني انا اللي مب موافق لا تخافين ما حد بيلومج مريم وهي تشعر انه بكابوس : يبى انا موافقة والله موافقة كلم عمي بو عمر قله اني موافقة ابو راشد: مريم السالفة انتهت خلاص مريم وهي تشعر بالدوار و كل ما تفكر فيه هو عمر وكيف سيفكر فيها عندما يعلم انها رفضته . مجرد التفكير بالموضوع جعلها ترتجف مريم: يبى والله اني موافقة ابو راشد: وانا مب موافق مريم: ليش يبى انت تحب عمر ابو راشد: عمر ما يناسبج مريم بصدمة: الحين ما يناسبني ليش يبى ابو راشد: انا ابوج وادرى بمصلحتج مريم: يبى حرام عليك عمر بيحسب اني انا اللي رفظته ما بيصدق انك انت اللي رفظته ابو راشد: ما عليج من عمر انا بكلمه لم تعد مريم قادرة على التفكير اكثر . شعرت برغبة بالموت . لم تفهم لما رفض والدها عمر لماذا الان لماذا عندما احبته رفضه لماذا ابو راشد: خلاص يا بنيتي خلاص مريم: يبى ليش ليش بس علمني ليش ابو راشد.........ليتني اقدر اعلمج جان ارتحت وريحتج بس السالفة فيها مصير انسانة و طفل بعده ما انولد مريم : يبى ارجوك كلم عمي بو عمر ايو راشد: لا يعني لا , خلاص السالفة انتهت . مريم يمكن انتي مب قادرة تفهميني الحين بس لازم تعرفين اني ابوج و ابي مصلحتج وقت مريم وخرجت من الغرفة وهي تكاد تسقط من شدة الالم الذي تشعر به في قلبها . سيعرف عمر وسيعتقد انها كانت تكذب عليه وتتسلى بمشاعره عندما جعلته يعتقد انها تحبه. دخات غرفتها وتهاوت على السرير وهي تشعر انها تموت ببطء. في منزل ابو عمر في غرفة ابو عمر ام عمر: لا ما صدق . هذي البنت ما تحس ترفظة مرة ثانية ابو عمر: يا ام عمر وحدي ربج . بو راشد قال انه ما كلمها وانه هو رفظ السالفة عسب البنت ما تحس عمرها مغصوبة تاخذه ام عمر: وانت صدقت هذا الكلام . بو راشد يحب عمر مثل ما يحب عياله . بس يبي يغطي على بنته . يا ويل قلبي عليك يا عمر والله اخاف يصيبه شي اذا درى ابو عمر: شهل الكلام عمر ريال و يقدر يتحمل ام عمر: وشكثر بيتحمل ابو عمر: انا بكلمه ام عمر: لا تقله على طول مهده السالفة . الله لا يبارك فيج يا مريم على اللي سويته بولدي ابو عمر: حرام عليج لا تتدعين على البنت ام عمر: واللي سوته بولدي مب حرام . عند الساعة 9 مساءا دخل عمر الى المجلس حيث كان يجلس الجميع عمر: السلام عليكم الكل: وعليكم السلام ام سالم: تعال يا وليدي ايلس ابو عمر: لا تعال ابيك بسالفة دخل عمر و ابو عمر الى المجلس الاخر يوسف: يمى شو السالفة ام عمر: السالفة انا بنت بو راشد بتذبح اخوكم هند: ليش يمى ام عمر: لانها رفظته مرة ثانية انصدم الكل يوسف: مريم رفظته ام عمر: ابوكم يقول ان بو راشد ما كلمها و انه هو اللي رفظ عسب ما تحس عمرها مغصوبة بس انا متاكدة انها هي اللي رفظته سارة: يمى يمكن كلام عمي بوراشد صحيح ام عمر: حتى لو كان صحيح ما تفرق . بو راشد ماكلمها لانه يعرف انها بترفظ . طلال لم يستطع ان يقول شيء فهو يعرف اكثر منهم مقدار حب عمر لمريم . وهو يعلم مقدار الالم الذي سيشعر به عمر اذا علم في المجلس عمر و ابو عمر ابو عمر: صدقني يا وليدي . ربك هو اللي يعرف الخير لعباده ولو كان في خير من زواجك منها جان صار نصيب ( هل شعرتم يوما ان قلوبكم توقفت عن النبض . وانا كل ما تشعرون به هو خناجر تزرع في ظهوركم من قبل من . من قبل اناس احببتوهم وتفانيتم في حبهم . هل شعرتم ان العالم حولكم يتلاشى وان اخر امل تشبثتم فيه رحل بلا رجعة. هل شعرتم بذلك الشعور القاسي القاتل الذي يتسلل الى احشائكم ليقتلعها بلا رحمة باختصار هل شعرتم يوما بالغدر) هذا ما شعر به عمر لقد كان يقف مذهولا وهو يستمع لكلمات والده . كل كلمة عن رفضهم له كانت تقتل جزء منه وعندما شعر انه قد مات ولم يعد هناك ما يمكن ان يموت فيه عمر: يبى يعني هي رفظتني ابو عمر: لا يا وليدي عمك بو را...... عمر: عمي بو راشد ما بيرفظني بس هو ما يبي حد يلومها ابو عمر: عمر اسمعني عمر: يبى لا تخاف انا ما فيني شي . انا اقوى مما تتصور عن اذنك ابو عمر : وين بتسير عمر: ما اعرف بس لا تخاف انا ما فيني شي خرج عمر من المنزل وركب سيارته الى حيث لا يعرف في منزل ابو راشد مريم في غرفتها تبكي منذ ساعات و شعورها بمدى الالم الذي سيشعر به عمر عندما يعرف يقتلها بعد ثلاثة ايام مريم على حالها ترفض ان تخرج من الغرفة . وتقضي الوقت في بكاء مستمر . ام راشد تحاول ان تخفف عنها وبدات تصدق ان مريم تحب عمر وان الرفض جاء من ابو راشد ام راشد: اللي قاعد يصير هذا حرام البنية ما وقفت صياح من ثلاث ايام ابو راشد: يام راشد لو انا ما اعرف ان اللي سويته هو الصح جان ما سويته ام راشد: انزين فهمني . انت ليش رفظته . البنية و تبيه و ما حد غصبها ابو راشد: بيي يوم بتعرفين الموظوع بس مب الحين في منزل ابو عمر الجميع يحس بعمر الذي يحاول ان يبدو طبيعيا و كان شيء لم يحدث ام عمر: من يوم يت هذي البنية والمشاكل يت وراها سارة: يمى حرام عليج البنية مالها ذنب ام عمر: مالها ذنب . اختي اللي كان ما يمر يوم من غير ما شوفها لها ثلاث ايام ما يتني .مب قادرة تحط عينها بعيني من اللي سوته بنت ريلها . اخوج وحالته حاله . ابوج مب قادر يكلم ربيع عمره و شريكه عسب اللي صار . عيال خالتج واولهم خطيبج مالهم ويه يوون عندنا . كل هذا وتقولين مالها ذنب سارة: يمى الزواج مب بالغصب ام عمر: انتي غبية او تستغبين . اخوج ما تقدملها الا عسب هي جشعته سارة: شلون يعني ام عمر: ما في ريال يطلب بنت رفظته مرة. مرة ثانية الا اذا هو سالها وهي وافقت . وانا اعرف ولدي نفسه عزيزة عليه وانا متاكدة انه كلمها وهي وافقت . وانا اذكر انه يوم قال انه يبيها كان يتكلم وهو متاكد انها موافقة سارة: يمى انا بكلمها و بشوف شو السالفة ام عمر: لا تكلمينها بشي . اخوج مب عاقق عمره عليها اذا هي ما تبيه الف وحدة تتمناه في منزل ابو منصور ميرة: والله انا مب فاهمة شي ندى: مريم تحب عمر انا متاكدة انها ما رفظته ميرة: بس الكل يقول انها رفظته ندى: انا احس ان الموظوع فيه شي ميرة: انزين ليش ما تسيرين تكلمينها ندى: ما اقدر ميرة: ليش ما تقدرين . مب جنج ناسية ان هذاك بيتج وتقدرين تسيرين باي وقت ندى: ميرة الله يخليج ميرة: ندى انت محسبة اني مب حاسة فيج . انتي من يوم ييتي ما شفتج رفعتي السماعة تكلمين فيصل . من يوم ييتي وانتي قاعدة بروحج زعلانة و متظايجة و اكثر من مرة سمعتج تصيحين كل هذا وتقولين ما في شي ندى: ميرة الله يرحم والديج انا ما ابي اتكلم بالسالفة ما بي ميرة: ليمتى . يمكن فيصل زعلج بشي بس ما ظنتي السالفة تستاهل انج تهدين البيت . ندى: ليش ما تلومين فيصل هو بعد ما اتصل فيني . وجنه غيابي ريحه ميرة: انتي اللي هديتي البيت مب هو ندى: ميرة كافي الله يخليج كلامج يذبحني ميرة: انتي ما تحبين فيصل ندى: ما حبه انا اموت على الارظ اللي يمشي عليها و عسب جي بس انا تركت البيت ميرة: تحبينه وتتركنيه شلون يعني ندى: ميرة في ساعات الوحدة تعرف ان سعادة ريلها مب معاها . واذا كانت تحب ريلها بتتركه عسب يشوف سعادته ميرة: هذا منطق غريب . اذا كنت احب واحد ما بهده بتم وياه ندى: صدقيني ما بتفهمين كلامي الا اذا مريتي بتجربتي وانا اتمنى ان حياتج تكون احس من حياتي قصة علمتني كيف أحب علمني كيف أنسى ... 32
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
