علمتني كيف أحب علمني كيف أنسى ...23
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (132,091 مشاهدات)
فتاة تستأذن امها فى ممارسة الجنس (81,630 مشاهدات) قصة واقعية حدثت في ليلة الدخلة (64,567 مشاهدات) اغتصاب بنت ميته (43,941 مشاهدات) دخلت الفتاه الشاليه قصه يقف لها شعر الراس (41,263 مشاهدات) الملائكة تنقذ فتاة من الإغتصاب ... سبحان الله (36,185 مشاهدات) ركبت عبير مع خالد اللكزس وطلعو الشقه (28,444 مشاهدات) قصة حب محزنة عبر الانترنيت والله تبكى الحجر (28,079 مشاهدات)
جديد مواد مع عشوائي
زوج نجاه الله من الغرق (3,840 مشاهدات)
ضحت بذراعها لتنقذ شقيقها (4,306 مشاهدات) خرجت رائحته بعد موته (5,794 مشاهدات) آهٍ........ لو أعود (2,099 مشاهدات) توبة اشهر عارضة ازياء (4,470 مشاهدات) توبة الشيخ سعيد بن مسفر (3,787 مشاهدات) توبة أب على يد ابنه (2,088 مشاهدات) توبه فتاه ادمنت الشات (4,649 مشاهدات) |
القصص و الروايات story > القصص الطويلة > علمتني كيف أحب علمني كيف أنسى ...23
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
علمتني كيف أحب علمني كيف أنسى ...23
يوم تتزوجها, بتذبحها
خالد: ريم انتي شقاعدة تقولين انا اذبح عمري قبل لا افكر اني اذيها بس الكلام اللي قالته جارح و انا ما حسيت بعمري شقاعد اسوي. ريم ارجوج فهميها ريم: خالد حبيبي انا بكلمها بس لين تهدى بعدين لا تنسى البنية عندها امتحانات الحين خالد يشعر بمرارة كبيرة . فما ان حل مشكلة والده و اقنعه يفاجئ برفض ميرة و اتهامها له بالقسوة. في لندن في جناح ام مايد الساعة العاشرة صباحا ام مايد: مريم شفيها عيونج جي الظاهر انج ما نمتي مريم: ها لا ما نمت ام مايد: و كل ها عسب ان عمر هني مريم......لا كل ها عسب اني عرفت شكثر اذيته ام مايد: تصدقين يا بنيتي انا ما توقعت ان عمر ريال سنع و صاحب و اجب جذي.بس يعني شفتي شلون يراعي يدته و شلون سار يسلم على عمج بو مايد و يقعد معاه مريم........ااااااااه يا ربي صبرني مريم: خالتي انا ما قلت ان عمر عكس جذي ام مايد: عيل ليش انتي ما تبينه مريم: خالتي ممكن تسكرين السالفة. خلينا نسير نشوف عمي بو مايد ام مايد: مايد اتصل و قال انه بيي باجر انشالله مريم:يوصل بالسلامة انشالله . انا بسير ابدل ثيابي ام مايد: اقول مريم شرايج نعزم خالتج وعمر وام هزاع و عيالها يتعشون عندنا صدمت مريم من اقتراح خالتها مريم: خالتي على شو بتعزمينهم ام مايد: اكيد على اكل مريم: ادري اكل بس من وين ام مايد: انا بطبخ .من زمان ما طبخت. و بشوف بالمستشفى اذا بيسمحون لبو مايد انه يطلع من حجرته شوي . المسكين مل قلبه من القعدة و بعدين مايد فديت قلبه بيكون هني مريم: ما اعرف خالتي مثل ما تبين اخر ما ترغب به مريم ان ترى عمر بعد ما حصل بينهما في اليوم السابق. كلماته و اعترافه بحبه لها و مدى المرارة والالم التي يشعر بهما بسببه آلمتها . في جناح ام راشد و عمر ام راشد: انت اي ساعة رديت الجناح البارحة عمر: ما اعرف ام راشد: الحين شصار البارحة انا دشيت الحجرة و طلعت ما قليت حد انت وين سرت عمر: خالتي انا بغيت اخليها بروحها هي كانت متظايجة مني و انا.... ام راشد: عمر انت تحبها عمر: ما له داعي هذا الكلام الحين . انا طلبتها وهي رفظتني ام راشد: عمر يا وليدي انت حالك معتفس فوق تحت , ليمتى بتم جذي عمر: وشو الحل ام راشد: الحل انك تبعد عمر: ابعد ام راشد: هيه تبعد انت محسب اني ما اعرف ليش احنا يينا لندن و ليش نزلنا بنفس الفندق ابعد عنها سافر روح انت لك مدة ما خذيت اجازة كلنا نسافر بالصيف وانت اتم تعابل الشغل واذا سافرت تسافر عسب شغل عمر: تشوفين ان السفر هو الحل ام راشد: البعد هو الحل , طالما هي جدامك و تشوفها ما بتنسى عمر: خالتي انت ليش تبيني انسى ام راشد: ليش . مريم والله يشهد اني احبها مثل بنتي بس انت يا وليدي اغلى عندي وانا ما ارظى اشوفك جذي واتم ساكتة . ما قمنا نشوفك تظحك ودايما متظايج ومعصب يعني و بعدين. عمر...........لو فيني ابعد جان بعدت بس والله ماقدرت في الامارات في منزل ابو راشد وصل فيصل و ندى الى المنزل في المجلس ريم: والله لكم وحشة ندى: وانتو بعد فيصل: وين خالد ندى: طلع قبل ساعة راشد: انزين انا بسير الحين تبون شي فيصل: وين بعدنا ما شفناك راشد: لازم اسير الشركة , وانتو اكيد تعبانين اليوم فالليل انشالله بنقعد مع بعظ . عند الباب الخارجي كان راشد يهم بركوب سيارته عندما دخلت سيارة يوسف البيت راشد: هلا والله يوسف: هلا فيك ها وصلو راشد: هيه هم داخل يوسف: وانت وين ساير راشد: الشركة, شحالكم بنات هند: بنات او سارة راشد: بنات و سارة سارة: بخير الله يسلمك راشد: اقول يوسف ليش ما ادشون البيت ابي اكلم حرمتي يوسف: وين ما شوف حرمتك راشد: اقول يوسف مب جنج بتاخذ اختي يوسف: هيييييه حرمتك يلا هند عايشة دشوا البيت راشد:هههههههههه والله انك خواف دخلو الى المنزل راشد: شحالك سارة: بخير من شفتك راشد: انا كلمت ابوي اليوم عسب نسوي الملجة عقب ما ترد يدتي بالسلامة شرايج سارة: انشالله راشد: انزين شفيج تقولينها بدون نفس سارة: راشد كل ما تنحل مشكلة تطلع غيرها راشد: سارة هذي ارادة ربج سارة: انا خايفة يا راشد خايفة يصير شي يبعدنا راشد: سارة حبيبتي الله يخليج لا تقولين هذا الكلام سارة: راشد اوعدني انه مهما يصير انت ما بتخليني راشد: اوعدج اني ما بخليج ابدا سارة: اعذرني راشد بس اللي قاعد يصير متعبني راشد: لا تشيلين هم دام انا معاج . يلا دشي داخل و انا بحاول ما اتاخر بالشركة وارد قبل لا تسيرون في المجلس ريم: الحين هذيل اللي بيون يساعدوني هند: حبيبتي خطيبج هو السبب احنا من الساعة اربع متزهبين , لين تعطف علينا ويابنا ريم: اذا السالفة جذي مب مشكلة يوسف: فديتها والله حرمتي فيصل: يوسف جربت هذي المزهرية على الراس يوسف: شفيك انت قاعد اتفدى بحرمتي فيصل: لين تصير حرمتك ما تكلمها يوسف: لا والله اقول انت واخوك ما عندكم سالفة غيري فيصل: لا ما عندنا هند: ندى يبتي معاج ثياب من فرنسا فيصل: ما طاعت تييب شي كل ما قلتها ييبي تقول لا عندنا مثله و احلى ريم: فيصل الظاهر ان حرمتك خبلة . الحين تكونين بباريس وتردين بدون ما تشترين ثياب عل الاقل ثوب واحد عسب ملجة حصة تغيرت تعابير فيصل و لاحظت ندى ذلك هند: ليش متى الملجة ريم: عقب ثلاث ايام فيصل بعصبية شعرت بها ندى: و شلون بيسوون الملجة و يدتي مريظة و امي مب هني ريم: فيصل يدتي ما تصير لهم شي بعدين عمتي ام حمدان كلمت امي وخالتي و هم قالولها انه ما في داعي ياجلون الملجة عسب انهم جانو محددين الموعد وعازمين العرب قبل لا تمرظ يدتي. آلمت ندى رؤية فيصل غاضب بهذا الشكل فرغم كل محاولاتها مازال يفكر بحصة . فيصل وهو يقف: انا بسير اتسبح عن اذنكم يوسف: وانا بسير تبون شي ريم: سلامتك يوسف: لا ما اقدر ابيها ريم: هههههه يوسف: فديت الظحكة هند: هيه الحين اقعد تفدى مثل ما تبي ما حد بكلمك يوسف: انتي بس صبري علي لين تلمجين اذا ما لعوزته هذا سيفو ما بكون يوسف ريم: هند انتي وافقتي هند: هيه واافقت ريم: مبروك يوسف: شفتي من ملجنا الكل قلدنا سارة: اقول يوسف مب جنك من ساعة قلت بتسير يوسف: وانتي بعد اذا ما لعوزته رشود هذا ما كون يوسف سارة: شو رشود اصغر عيالك هو ريم: وينك يا خوي تسمع شلون يدافعون عنك خرج يوسف هند: ندى شفيه فيصل ندى: ما اعرف ريم: ندى في شي قولي ندى: ما في شي بس الظاهر ان السفر تاعبه شوي هند: استانستو هناك ندى: هيه الحمدلله ريم: شلون ما تبينها تستانس وهي يالسة في باريس مع حبيب القلب ندى.......هيه والله انه حبيب القلب والروح بس هو لو يحس فيني شوي عايشة: ودي اسير فرنسا ندى: ليش انتي ما سرتي عايشة: لا انا عمري ما سافرت ندى: ليش عايشة: ما اقدر اسافر من دون موافقة ابوي هند: انشالله بتاخذين واحد يوديج العالم كله عايشة.....انا مستعدة ايلس بكوخ و ما اطلع منه بس اكون ويى طلال في لندن في جناح عائلة ابو هزاع ام هزاع: خالتكم ام مايد عازمتنا على العشا باجر عبدالله: يعني بناكل عيش ام هزاع : اللي يسمعك الحين يقول هذا له سنه مب ماكل عيش مب جنه كل يوم ياكل عيش عبدالله: لا هذا غير هذا عيش مال البيت مب مال المطاعم هي اللي بتطبخ صح ام هزاع : اعتقد , انزين يا بنات قمن البسن بنسير نسلم على خالة مريم امل: يمى انا شفتها البارحة و سلمت عليها خولة وهي تامل ان ترى عمر: انا بسير ابدل ثيابي ام هزاع : افهم من جذي انج ما تبين تسيرين ويانا امل: لا بسير ايلس مع مريم ام هزاع: على راحتج يمى عبدالله قوم ويانا عبدالله: هزاع وينه ام هزاع: عند ابوك عبدالله: هو شفيه البارحة رد معتفس ويهه امل: البارحة تظارب ويى عمر ام هزاع: شو تظارب وياه عبدالله: لحظة منو هذا عمر و ليش تظارب و ياه امل: عمر يكون ولد خالة اخوان مريم وهو ما تظارب وياه بس البارحة عمر شافنا يوم كنا نتمشى تحت انا و هزاع و مريم جان يقول لمريم يلا وصلج بس هزاع قله انا بوصلها فقاله عمر وانت شو تصير لها عبدالله: والله انه ريال امل : تقصد هزاع عبدالله: اخوي ريال بس انا اقصد عمر هذا امل: لا والله عبدالله: يعني الريال ما عيبه ان هزاع يوصلها . يمى يلا نسير نسلم عليهم عيبني هذا عمر ابي اتعرف عليه امل: شفيك انت عبدالله: ما فيني شي يلا يمى ام هزاع: يعني ما فهمت الحين هم متظاربين امل: لا يمى ما صار شي ام هزاع: مب حلوة احنا هني بغربة ولازم نكون مع بعظ مب تنظارب ذهبت امل الى جناح مريم امل: شفيج ليش جذي عيونج مريم: ما نمت البارحة امل: ليش بدات مريم بالبكاء امل: شفيج مريم خرعتيني مريم: ما كنت اتصور انه يحبني جذي . اااااااه يا امل والله اني اذيته و تعبته امل: انت عن منو تتكلمين مريم: عمر امل: هو قالج مريم: هيه و تدرين شو قال بعد . قالي انه رغم كل شي ما قدر يكرهني كانت مريم تبكي بمرارة و احساس بتانيب الضمير . امل: مريم خلاص كافي الدموع ما بتفيدج مريم: انا ذبحته يا امل ذبحته و مب مرة وحدة امل: انزين كلميه مريم: شقول . انا اسفة عمر السموحة منك اني جرحتك و رفظتك و انت تحبني امل: ما اعرف بس مريم: يا رب سامحني علي سويته فيه امل: مريم انتي ما تنلامين بعد , يعني هو جان يتصرف بطريقة غريبة وياج بدون ما يقولج هو ليش يسوي جذي مريم: كل ما اتذكر الكلام القاسي اللي قلته له وهو جان يحبني احس عمري بموت امل: بسم الله عليج . مريم حبيبتي خلاص كافي لا تعذبين نفسج مريم: امل انا قلتله اكرهك و قلتله اذا كنت اخر ريال بالكون ما اخذك . يا ربي شو كان شعوره وقتها مب قادرة اتخيل حتى . في جناح عمر ام راشد: يا هلا فيج والله ام مايد: الله يسلمج شخبارها ام سالم انشالله بخير ام راشد: الحمدلله بيسوولها العملية باجر عبدالله: انزين عن اذنكم دام انه عمر مب هني بمركم مرة ثانية انشالله ام راشد: السموحة منك يا وليدي بس هو طلع اييب شوية اغراظ عبدالله: لا خالتي مب مشكلة . يلا عن اذنكم خرج عبدالله من الجناح ام راشد: شرايكم تذوقون قهوتنا يايبينها من البلاد ام هزاع: هي والله اشتقنى لقهوة البلاد خولة: خالتي انا بييبها ام راشد: لا يا بنيتي خولة: لا خالتي ما فيها شي هي وين ام راشد: الدلة بالمطبخ و بتلاقين الفيانيل هناك دخلت خولة الى المطبخ دخل عمر الى الجناح و سمع صوت بالمطبخ فاعتقد انها خالته عمر: خالتي...... التفت خولة لترى عمر وما ان راته حتى بدات قلبها بالخفقان بسرعة عمر: السموحة منج اختي حسبت ان خالتي هني خولة: لا اخوي مب مشكلة لم يعرف عمر ماذا يفعل هل يخرج من المطبخ الى الغرفة فربما هناك نساء عند خالته رات خولة تردده خولة: اخوي تبيني ازقر خالتي ام راشد عمر: هيه اختي لو سمحتي دخلت خولة الى الغرفة حيث امها و ام راشد و دقات قلبها تتسارع بسبب رؤيتها لعمر و كلامها معه خولة: خالتي يبونج ام راشد: منو خولة: عمر ام راشد: فديت قلبه هو هني خولة: هيه خالتي في الامارات في منزل ابو راشد في جناح فيصل وندى خرج فيصل من الحمام ليرى ندى جالسة على الارض تخرج الثياب من الحقيبة و كانت ندى قد اخرجت ثيابه و بدات بترتيبها فيصل: انتي شو تسوين ندى: ارتب الثياب فيصل: والخدامين شو يسوون ندى: ما فيها شي فيصل: ندى تركي كل شي ندى: فيصل ما فيها شي فيصل : اقولج تركي الاغراظ لم تفهم ندى سبب غضبه و بقيت تنظر اليه فيصل: شو انتي ما تسمعين سحب فيصل ما كانت تمسكه و القاه على الارض بعصبية بقيت ندى تحدق فيه وهي تشعر ان كل هذا الغضب بسبب ما سمعه عن حصة ندى وهي تحاول الا تبكي: فيصل انا..... فيصل وهو يشعر انها ستبكي: الحين انا شو سويت عسب تصيحين والله انج ياهل خرج فيصل من الغرفة تارك ندى في حزن قاتل فهذه اول مرة يقسو عليها فيصل هكذا و لكنها ادركت انها لن تكون الاخيرة. في حجرة ريم عايشة و ريم ريم: عايشة شو السالفة عايشة: ريم ابيج تكلمين خالتي ام عمر و تقوليلها انج تبيني ارقد عندكم هني ريم: عايشة شو السالفة حد مزعلج عايشة: ريم انتي قوليلها جذي و بعدين انا بعملج ريم: انزين ليش انتي ما تقولين لها عايشة: اذا انا قلتلها بتحسب اني زعلانه ريم: رغم اني مب فاهمة شي بس مب مشكلة انا بكلمها اذا هذا اللي تبينه بعد نصف ساعة هند: يلا الدرويل برع سارة: يلا عايشة ريم: لا عايشة بتم هني انا كلمت خالتي و قلتلها هند: وين ندى نبي نسلم عليها سارة: اكيد نامت حليلها تعبانة هند: انزين ريم سلمي عليها . يلا مع السلامة سارة: مع السلامة ريم: فامان الله بعد ان خرجت هند و سارة ريم: الحين ممكن تعلميني شو السالفة عايشة: طلال بيرد باجر ريم: انزين عايشة: باختصار انا احب طلال و هو يحبني بس خالتي و عمي بو عمر مب موافقين عسب احنا ما نليق للبعظ ريم: شو . شو يعني ما تليقون لبعظ عايشة: معاهم حق يا ريم انا وين وطلال وين ريم: عايشة انتي ما تقلين عن طلال بشي يعني عسب انه معاه ماجستير عايشة: ريم الله يخليج السالفة منتهية بس انا ما ابي اتم بنفس المكان اللي هو فيه ريم: وشلون السالفة منتهية دام انج بعدج تحبينه عايشة: ريم الله ي والديج خلاص ريم: لا مب خلاص بس بنتكلم عقب قصة علمتني كيف أحب علمني كيف أنسى ...23
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
