مرت الايام بسرعه .. عبد الملك متفهم طلب ابو ياسر ,, وعاذره على انانيته .. ! بس ماقدر يرده مع انه لسه ماستعد نفسيا .. وقال اللي تبيه يصير ..!

حتى الكل استغرب هالسرعه المفاجئة ..

هنوف .. باقي لها كم يوم وتطلع من الاربعين .. نايف يمر عليها بيت خالته اسماء ..

اسماء : هي بالغرفه رح لها ,, لاتستحي عادي .. (ودفته ) رح زوجي مو موجود

ابتسم نايف : وينه ابو اصيل بسلم عليه .. ؟ اييييييه مارجع من السفر لسه ؟

.... : لا والله , ان شاء الله اليوم .. يللا رح لها لاتنهبل علينا , امس بغت تصيح

انصدم نايف وبان على وجهه اهتمام كبير : ليه ؟

ضحكت : من هالعيال

رد لها الضحكه بارتياح : الله يهديك ياخالتي خوفتيني .. انا طالع لها الحين

دخل نايف وابتسم على شكلها فايخه .. واصيل الثاني فايخ وهو شايل احمد يقال له يهزه يبيه يسكت

اصيل : مستر نايف ,, تعال تيك يور سن ..

ضحكوا ثنينهم عليه وهو يخرف بالكلمات , فقالت هنوف وهي بتشيل حمود من يده : انت اللي قايل جيبيه ,,, لاتخضه كذا .. الحين بيصحى

ضحك اصيل وهو يترك احمد على سريره باهتمام .. ويغطيه بكل سعاده .. وياخذ من اخته ليان بنفس الهدوء .. ويكرر نفس الحركه .. وهنوف ونايف يراقبونه

نايف وهو متكتف بضحك : ماشاء الله تعرف للبزارين

اصيل ويضرب على صدره : قايل لكم فيني أبوبه

ضحك نايف : اسمها أبوّه ..

طلع لسانه : طيييييييييب , اقول وش تبي كابتشينو ولا شاهي .. ترا (والتفت على هنوف ) صاير اضبطه وووووالله سويت لابوي ذاك اليوم واعجبه (ورفع ابهامه ) اوكيييييي

ضحكت له : كفو والله , خلاص ابي واحد انا .. وانت نايف ؟

ابتسم وهو يفكر : والله مالي نفس بقهوه ,, بس خلاص اذوقها معاك

اصيل بسخريه : ترا عندنا اكواب زياده على فكره , ماله داعي تقطون ثنينكم سوا ..

ضحك عليه نايف وهو يمسك بلوزته من ورا ويطلعه : مالك شغل جبه وخلاص , وانت جاي جب معاك كتابك الانجليزي ..

تغير وجهه وانقهر : لا نايف تكفى مالي خلق

...... : لا يكثر يلااااااا

التفت اصيل لهنوف وقال بترجي مضحك : pleeeeeeeeeeeeeese tell him please

هنوف بخبث : no, you deserve that

...... : I hate you , alllll

طلع اصيل يخبط الارض برجوله وسكر الباب وراه , والتفت نايف على هنوف يضحك لها ضحكه مافهمت معناها ..

..... : نايف هنوف .. شاللي يضحك ؟

..... : حلوه وانتي تتكلمين انجليزي

ولع وجهها وقالت تصرف : اول مره تسمعني اتكلم انجليزي ؟

ببراءه : ايه .. بهالطلاقه .. والله العظيم ..

ضحكت وهي ترتب اغراض التوأم : هههه عادي انجليزي .. كلام يعني كله كلام مايفرق

سحب كرسي وقابلها : لا لا .. حلوه الآكسنت .. قولي كلمه ثانيه

انحرجت : وش اقووول .. نايف يللا عاد اعقل

ماعطاها وجه ورفع راسه يفكر بكلمه صعبه تبان فيها نطق الحروف : امممممم طيب قولي (وغنى بداية الأغنية ) no promises . now I need you all the time

ضحكت بعناد : لااا ويلحنها بعد .. من زين صوتي يبيني اغنيها له

.... : هنوفي يللاااااا عاد قولي أي شي

..... بعناد اكبر : نو

...... : ترا والله ما أطلع من البيت اليوم , وأفشلك قدام خالتي الحين .. (وقرب منها )

علطول رجعت على وراها وأشرت بصبعها تهدده : stop, don’t come closer,we ara not in our house ok,

ضحك ببراءه وكنه خذ اللي يبيه : لازم نقرب عشان تخافين ..

بعناد : ايه

.... : تدرين انتي ان المرأه تكون اجمل في نظر الرجل اذا كانت مثقه وفاهمه ..

ضحكت باحراج : وهالكلام .. بأي مجله قاريه ..؟

..... ضرب على صدره : أنا أقوله ..

ابتسمت : طيب ..(وسكتت ثواني ) نايف تذكر مره .. من زمان يعني .. كان عند امي طيبه صور لنا .. وحده منهم ببيت خالي مازن ..

..... : ايه .. اللي رسمها خالي راشد بالعرس

اتسعت ابتسامتها وهي تتذكر : ايه وينها الرسمه ؟ ماشفتها .. ؟

...... : حطيناها عند امي طيبه , وكنت باخذها منها بس ما أضمن احطها باي مكان , قلت اخليها عندها مؤقت

ضحكت : اها

حس نايف انها تخبي شي .. : شعندك ؟

زادت ضحكتها وهي تنزل جسمها لتحت السرير تطلع الصوره وتمدها له : من زمان باعترف لك ان عندي نسخه من الصوره

شهق نايف وهو يتأمل الصوره ويضحك : والله ونعرف نكذب .. اثاري عندك مثلها

..... : لا والله .. ! اجل انت اللي ماعندك .. (وضحكت بقوه ) ما أنسى وجهك يوم طحت عليك وانت تطلعها من تحت السرير ذاك اليوم .. يقال لك ماتبيني اكشفك .. خلاص احنا متعادلين الحين ..

ظلت ابتسامته تتسع وهو يمرر صبعه على الشخصين اللي بالصوره .. واخيرا يقلبها ويشوف انعكاسها وهم كبار .. ويضحك بكل سعاده وهو يتذكر يوم يصورون ببيت خالهم ..

كانت تراقبه وهو يطالع الصوره .. والتفت لها يتنهد بحب .. ولما سمع صوت اصيل يقرب .. انقهر .. بس قرب الصوره لوجهه وباسها بخفه عشان مايخربها .. ويرجع يطالع ابتسامة هنوف بالصوره .. ويلقى نفسه يغني : انا حبيبي بسمته تخــــجل الضي .. تكسف سنا بدر الدجا من جبينه
راعي العيون الناعسه رمشها في .. لاسلهمت ذاب الهوا من حنينه

دخل اصيل وهو يدور بالكوب في يده يقال له يرقص ..

ويضحكون الثلاثه سوا ..


اليوم .. ملكة ولاء وعبد الملك .. شي ينتظره الكل .. على احر من الجمر ..

بنوقف الساعه على 6 المغرب .. وندور على ابطالنا ..

- بندر وضاوي يدخلون الشقه .. ويضحكون على منظر عبد الملك اللي سرحان ويدور بالصاله .. وباين مرتبك ..
-
ضاوي يبتسم وبيده كرتون بيتزا هت : يللا تراك ماتغديت

بندر هو الثاني : بنراقبك .. تاكل على الاقل ثلاث قطع ..

انصرع عبد الملك : خاف ربك ...

ضحكوا على شكله وتركهم ضاوي رايح للمطبخ لما حس بأنهم بيتكلمون..

بندر بصوت واطي : منتيب صاحيه يامنيره ..

قرب له عبد الملك وبصوت واطي : شسوي .. والله محتاس وأبوها هو اللي طلب مني انها تكون بأقرب وقت يبي يفرح ببنته .. واذا انا مستعد نفسيا مدري شلون بتصرف مع البنت .. وبعدين امي طيبه خوفتني ..

ربت على كتفه : ماعليك من امي طيبه تبالغ , البنت مافيها شي .. هي ماوافقت الا برغبتها مستحيل يغصبها ابوها .. وهو قال لك هالكلام بنفسه ..

تنهد عبد الملك .. وهو يتذكر كلام ابو ياسر .. وكيف ان ولاء كانت رافضه فكرة الزواج نهائيا .. واكيد بسبب مرضها .. والحين الحمد لله ..

.. احساسك وليد اللحظه على قولتهم , كل شي بيكون اوكي ان شاء الله ..

ابتسم عبد الملك وهو يفرك يدينه ببعض : طيب

..... : قدامي يامنيره .. يلااااا !

- سلمى جالسه وعزوز قدامها .. داخله جو تقول له قصه .

امممم , فيه فيل .. وذبانه .. يتسابقون

ضربها عزوز وهو معصب : لأ .. للللللللللللللللأ

انقهرت سلمى : هاااي ليه تضرب ..؟ منتب كفو احد يقول لك قصه

سالم من عند الباب : سلمى الله يهداك .. هذي قصه ؟ ع الاقل قلتي له قصة ليلى والذيب

ضحكت سلمى بغباء : تغيير

ابتسم وجلس جمبها : مارديتي علي , وش اقول للرجال ؟

يقال لها سلمى استحت ونزلت راسها : عادي انا مايفرق معاي اذا انت تبي مو مشكله

بدا سالم يعصب شوي : سلمى هذا زواج ,, واحد خاطبك اقول لك شرايك وتردين هالرد ؟

..... : مدري (وسكتت )

.... دارت عينه على وجهها : يعني موافقه ؟

هزت راسها بإيه .. وابتسم لها سالم وطلع من الغرفه , اما هي راحت لامها علطول


ناديه بنعومه : سلوم شرايك هذا ولا هذا ؟ (وترفع الفستانين لوجهه )

ابتسم سالم وتنهد بحب : الأصفر .. احب هاللون ..

ابتسمت ناديه وعلقت الفستان .. والتفتت تتأمل عزوز وهو بحضن ابوه , وضحكت له ..

عزوز ببراءة ابوه : ماما .. أمّه (عمه) يييع .. لللللللأ

ضحكوا ثنينهم .. فقربت ناديه له وجلست جمبهم : لا عيب حبيبي هذي عمه سلمى حلوه

عصب عزوز واكفهر وجهه الصغير بطريقه مضحكه : للللللأ .. ييييع لألألأ

ضحكت نادية مع سالم .. وهي بزياااااده ماقدرت تمسك نفسها .. استغرب سالم شكلها تذكرت شي ..

....... : من زمان عن هالضحكه الحلوه ..

ضحكت وهي تبعد عنه : تدري .. بقول لك شي بس لاتعصب

ابتسم سالم : قولي

..... : عزوز .. (وتأشر عليه ) راقبه ودقق فيه .. مايذكرك بشي اذا عصب ؟

..... حاول يعرف : امممم لا ..

...... : برئ ,, ونظراته بريئة .. زي ابوه عيونه معبره .. واذا عصب (ضحكت ) اذا عصب يصير سالم الثاني ههههههههههههههههههه سالم مصغر والله العظيم

ضحك سالم وهو يتوعدها : لا ؟ طيب تشوفين شغلك بعدين ..

اخذت ناديه فستانها وتوجهت لغرفة التبديل وهي تضحك

.... : وين ؟

..... : بروح ابدل

ضحك : طيب بدلي هنا عادي ..

بعناد : لا .. مابي .. (وتأشر على عزوز )

..... : آآآخ منك اصبري تجين اليوم , شغلك عندي

راحت بسرعه وهي تضحك ووجهها مولع

- عذبه ..مازال مخها يشتغل .. اخيرا لقت فكره جنونيه .. ! فكره متهوره ..! وخطيره وجريئه بعد .. بس الحين الوقت مو مناسب .. لازم تتزوج روعه عشان تضمن انها ماتعرف وتخرب عليها ,, حتى لو ماكانت ساكنه عندهم .. وبرضوعشان لاصار شي يصير لهم سوا ..!
-
- روعه .. في بيت ابو نايف .. ماسكه احمد وليان .. حاضنه الاثنين بحنان .. هنوف راحت المشغل تغير شوي بتسريحة شعرها وقصته .. ونايف اكيد مشغول .. وحتى اعتدال .. فعرضت هي عليهم انها تمسكهم وتنتبه لهم .. يمكن كذا ترد شوي من جمايلهم عليها .. دق الباب وطل منه ابو نايف باحلى ابتسامه

روعه بنعومه : هلا خالي .. حياك

ابو نايف دخل بهدوء عشان مايصحون التوأم : ناموا ؟

.... ابتسمت : ايه الحمد لله , مايخافون مني

رد لها الابتسامه وجلس جمبها : روعه بنتي .. انتي مرتاحه ؟

ابتسمت وهي تزم شفتها : خالي كل يوم تسألني نفس السؤال .. قلت لك والله مرتاحه بوجودي هنا .. واحسن من بيتنا .. ولولا الله ثم انتم كان انا متعذبه من زمان

قرب ابو نايف لها : طيب .. راشد مكلمني

انتفضت روعه وسكتت .. ماقدرت ترد ..

...... : يبي يتفق معاك .. على كم شي ..

..... : عادي .. انتوا سووا اللي تبون ..

...... بحزم : لا ! مو ناقصك شي عشان احد يتصرف فيك .. !

انحرجت : طيب ..
..... : شوفي هو قد قال لي عن العرس

روعه علطول : لا ,, عرس لا

..... : شفيك ؟ ليه ماتبين ؟

نزلت راسها باحراج وعيونها على اللي بيدها : خالي .. افهموني .. تخيل شكلي انزفّ بكرسيي ..

سكت ابو نايف لما حس ان هالشي بيجرحها وهي ضعيفه ,, قلبها مو قوي يتحمل كلام الناس وتعليقاتهم . وماتبي تحس بالشفقه من احد

انتبه لها تصيح فقام لها رفع راسها له : خلاص روعه .. اللي تبينه يصير , اكلم راشد بكره ان شاء الله واقول له

..... : ......

..... : روعه ,, خلاص.. لاتصيحين طيب ؟

ابتسمت وهي تمسح دموعها برقه , ورد لها الابتسامه .. ومشى للباب بيطلع

.... بصوت مبحوح : خالي

انتبه لها ولف جسمه ناحيتها .. قبل ما يسأل شافها منزله راسها ...

.... : خالي .. انا احبك , احبكم كلكم

ظل واقف بمكانه .. ومبتسم من براءة كلمتها ومشاعرها .. وقرب لها .. باسها على جبينها : واحنا كلنا نحبك

الهنوف وصلت من المشغل .. راحت تفتح شعرها وتنفضه في الهواء بحيويه .. بعد ماقصته وصبغته .. تغير شكلها وعطاها ستايل حلو

دخل نايف وصفر : اشوى انك زوجتي

ضحكت وهي تلفح شعرها بدلع : حلووو صح ؟ اشوى كنت خايفه ماتضبطه لي ..

ابتسم لها بحب : احنا مو قادرين عليك .. وانتي كل يوم تعذبيننا زياده , والحين تصبغ لي هالشعر وتبيني ما انهبل

ضحكت هنوف وهي تميل راسها بدلع : بسم الله عليك .. لاتنهبل .. بس ..غني لي

..... ضحك وعطلول جات في باله هالاغنيه : عارفه احلى حاجه فيكي إيه .. بتحلّي أي شيء عينيكي تجي فيه .. قمر ده إيه اللي تتساوي بيـــــــــــــــــــه .. تعالي أقول لك احلى حاجه فيكي إيه .. ولا انتي فاهمه قصدي واللي بالي فيه ..

- ولاء : شوفي وقسم بالله لو تضحكين مره ثانيه بتطلعين برا وكلكم وياها

بنت خالتها : ههههههههه شسوي شكلج يموت ضحك وانتي تحوطين بالغرفه

..... : اقول قوموا مو ناقصتهم كفايه اني خايفه ,, وهذيك الشي اللي اسمها كوافيره مدري وشو مابعد تبدا بمكياجي .. , اقول .. قوموا قوموا طلعوا برا

....شهقت : نهون عليج واحنا متعنين من الدمام عشانج اليوم ؟

...... زفرت : لا ماتهونون ,, بس بصراحه انتي بالذات زدتي قلقي وتوتري .. بس تطلين في وجهي وشلون شعورج وش تحسين فيه .. وكل ماسويت حركه ضحكتي .. والمشكله (تلتفت على بنات خالتها ) حماره كل شوي تذكرني بعبد الملك وبفشلتي الاخيره قدامه ..

..... : لا انتي مو فاهمه , بهالطريقه اخليج اوكي وبتحسين ان كل شي طبيعي ..

...... قالت بوجه معصب : شوفي .. لانخسر بعض اوكيه ؟

ضحكت وراحت تهج عند البنات : اوكييييييييييييييييييييييي

- روان بعناد : بروح
-
امها : مو على كيفك منتيب رايحه

روان بعصبيه وبدت تنقهر : ماما حرام عليك ملكة اخوي وابي اروح ومافيها شي

.... : لا , فيها .. هذا اللي انا خايفه منه انك تتعلقين فيهم , بس شسوي في أبوك يعاندني وياخذك لهم من وراي ..
..... : ماما ,, اخواني هذول

..... : قلت لك لا .. يعني لا ..

انقهرت روان .. واول ماطلعت امها من الغرفه اتصلت ببندر وهي كاتمه صيحتها : الو بندر

بندر بضحكه : يااهلا .. شخبارك روان ؟ (وانتبه لصوتها ) ليه ضايقه فيك شي ؟

..... : بندر امي مو راضيه اجي ملكة عبد الملك اليوم

..... : شنهو ! مو على كيفها .. انتي عندك ملابس ؟

..... وسط صياحها : عندي .. ويمديني ارتب نفسي بس هي مو راضيه

...... زفر : لاحووول , وابوي شقال ؟

..... : ماكلمته بس هو طالع اكيد مشغول مع ترتيبات الملكه

طالع بندر ساعته : الساعه 8 تكونين جاهزه , بمر عليك واخذك

خافت روان من ردة فعل امها : وامي ؟

..... : روان , امك لو درت اقل شي بتسويه وشو ؟ تضربك مثلا

..... ارتبكت : مدري .. بس بتتخانق مع بابا , لكن ضرب هي ماتضربنا ابد ..

..... : شوفي , بنقول لها ابوك مايدري .. وان كانها تقدر تطلع الشارع وراي .. تجي تتهاوش معاي انا ..

سكتت ,, فكمل بندر : يللا روحي البسي لاتتأخرين ,, ترا امشي واخليك ..!

ضحكت : طيب , شكرا

وراحت تررركض تتجهز


الاستراحه مليانه .. والجو حلو .. والكل حضر هالمناسبة الحلوه .. الليله قمرا .. والهوا يهب بهدوء حلو ..
هنوف دخلت الغرفه اللي فيها ولاء , وقالت بسخريه : اخبار (العانسه ولاء .. المحترمه ؟ )

ضحكت ولاء وقالت وصبعها يهدد هنوف : كل شي من ورا ولد خالتج هذا .. يمه يمه .. ويمه بعد .. يازين العنوسه

........ : ههههههههه تراه مايعض .. يللا انزلي

انصرعت ولاء ورجعت ورا : انزل وين ؟

.... : البقاله ,, وين يعني .. يللا ملوكي وصل

ارتجفت : لاتقولين اسمه طيب ؟ لاتقولين ..

ضحكت عليها .. ونزلت على طق رايق شوي .. وهادي بنفس الوقت .. وبكل ارتباك جلست بين الحريم .. ونظرات الكل تتفحصها , كانت جذابه بفستانها العنابي الطويل .. وشعرها الاسود اللي يفرض مفسه .. صح مافيه غير بيت طيبه , وبيتهم يعني بنات خالاتها .. بس ولو الموقف يربك ..

ابتسمت لما تذكرت انهم قبل ساعه .. جابوا لها الدفتر توقع .. طيحت القلم خمس مرات تقريبا .. لين اخر شي وقعت ..

< مابغينا .. !

قصة عشانك بس ...42