هذي قصه قديمه تدل على طهاره ودهاء الباديه واهلها


فيه رجال جالي عن ديرته ( متغرب) ويقولون السبب مشكله بينه وبين اخوان زوجته

الوكاد (جلا) لحاله وزوجته عند اخوانها

في يوم من الايام اشتاق لاهله ورجع بالليل ودرق البيت ونادى حرمته وهي بعد مشتاقه لرجالها وقابلته وسدو العلم وسولفوا مع بعض واخذوا علوم بعض ويوم اقبل الصبح عوّد وجلا عن الديره مره ثانيه وهي رجعت لبيتها ولاعاد شافها ولاشافته وهي ماعلمت احد


بعد شهور ظهر الحمل على المرأه واستغربوا اخوانها شلون حامل وزوجها من سنتين جالي عن الديره بغوا يذبحونها واستدخلتهم بالله وقالت والله ان زوجي جاني هنا وانتم في غفله وعوّد من ليله

ذكروا الله قالوا بنصيب العلم الوكاد
ارسل الاخ الكبير اخوه اللي ادون منه قال روح ولاتعوّد الا بعلم قال تم

راح اخوه الصغير وسأل وسأل لين لقاه داخلٍ عند ربع وقلط عندهم ولاكأنه يبي احد
اخو زوجته موجود عند هالقبيله اللي وصلها واستضافهم
عرفوا بعض ولكن سووا انفسهم مايعرفون بعض


قالوا العلوم ياضيف يقولونه اهل المحل قال العلم عندي بيتين
يقولها انت يالاخو اللي راح يدور زوج اخته


زوج اخته ايقن ان فيه علم وسكت ينتظر هالبيتين !!

قالوا هات البيتين



قال :





doPoem(0)

ياذيب ياللي تالي الليـل جريـتثلاث عويـاتٍ قويّـات وصـلاب
ادخل على الله بعدهن ويش سويتيوم الثريّا ثلجّت والقمـر غـاب




الثريا : اخته ثلجّت يعني حملت
والقمر هو وغايب عن الديره



فهمها على طول زوج اخته ورد عليه وقال:




doPoem(0)

انشهد اني مـن قراكـم تعشيـتواخذت شات البيت من بين الاطناب
على النقاء والا الردى ماتهقويـتردوا نسبنـا ياعريبيـن الانسـاب



فهم الرجال ان اخته طاهره وان هالولد بناخيهم على حلال وسدوا العلم

عاد بعدها مدري فيه رواة قالوا رفعوا عنه الدم وردوه سالم وفيه من قال ماعاد شيف بعدها

قصة الحرمه حامل ورجالها غايب له سنتين