الجزء الثاني..!!

يوم الاربعاء بتاريخ 5/6

عشان اعياد هالورد سنين تطول تعالوا نعد من واحد الى خمسة واحد اثنين ثلاثة اربع خمسه ومن خمسه الى ماله نهايه نقول لها عقبال مية عاام يا اريج..!!

الكل يهنيها بميلادها بعد ماحطموها ومحد عطاها وجه ولا حد عشمها بشي لكن احتاجوا مساعدة ماجد والياس وطلعوا ارووجه من بيتها وبالتحديد في غرفتها ..
اخذوها ارضوها بشي بسيط لكنها لازالت من الداخل مجروحه لانو محد ذكرها بكلمة كل عام وانتي بخير او عيد ميلاد سعيد والكل كان مبتعد..
والشي اللي كان الكل متوقع ان الاغلبيه ناسيه اليوم بعد يصادف عيد ميلاد حمد طبعا محد نسااه والكل يفكر كيف يسعده حتى وهو رافض هالشي فتغيرت فكرتهم من انه يكون بغرفة اريج الى انها تكوون بالمجلس الكبير اللي يكون بالوسط بين بيوتهم اللي محجوزه بسور ملكي كبير وراقي..
وتم تحضير كل حاجه وعند وصول اريج دخلت المجلس جافت الانوار مطفيه وحزنت وتوجهت لداخل بيتهم كان ينطرها حمد وقال :: اريج..
اريج بإبتسامه : لبـيه ياخوي وتوامي ..
حمد بإبتسامه : كل عام وانتي الخير للبيت.. >>وقدم لها هديه عباره عن سلسال الماس مكتوب حرفها وحرفه بالالماس بحركه نعوميه خياليه..
اريج بفرح كبير وهي تقدم لاخوها هدي بسيطه عباره عن ساعة وعطر:: وانت بمليون خير يا توأمي وانت بعد كل عام وانت الخير ومصدر الابتسامه لي..
حمد: وانتي بخير اريج..
اريج: لبيه حمد
حمد: يلا مشينا بنروح المجلس العود قالوا بنتجمع هونيك نغير جو عن بيت جدتي ..
اريج بغير اقتناع:: اوكي يلا مشينا ..
ومسكت حمد من ايده وتوجهوا للمجلس واول ما فتحت البوابه سمعت صوت اغنية حب وغزل لـ سلمان حميد وطاحت دمعتها
وتقدمت خطوه بخطوه ويماشيها حمد وتقدم الكل لـ حمد واريج وجلسوا يغنون مع المغني ..
وقدموا الهدايا لهم وباركوا لهم ..
ومضى اليووم بسلام ومع احلى ابتسامه وراحه بالقلووب..

.
.
.
.



كل عام وانتي اجمل غاليه في هالوجود
كل عام وانتي حسنج في عيوني يكتمل
انتضر في كل عام عيدج الغالي يعود
لجل اضوي لج حروفي وانتثر شعر وغزل
قرت عيوني حياتي فرحتي دنيا السعود
عيدج وفرحج وشوقي مع شموعج يشتعل
اسمحي لي يامناتي ياشذى كل الورود
اعزم نجوم الليالي واحتفي بج واحتفل
قرت عيوني حياتي فرحتي دنيا السعود
عيدج وفرحج وشوقي مع شموعج يشتعل
كل عام وانتي اجمل غاليه في هالوجود
كل عام وانتي حسنج في عيوني يكتمل
انتضر في كل عام عيدج الغالي يعود
لجل اضوي لج حروفي وانتثر شعر وغزل

.
.
.



والكل نام مبسوط على امل انهم يصحوون بدري لانهم بينزلون الخميس والجمعه بيقضونهم بالاحساء..

.
.


يانااسـ طلعتـ امي مني كسيــرهـ
اجاوبـها بدمعــه ولا بحزنـ اسيــر
ودي ودي اقوم واحضـن الضعيفـه
لكـن انا انســــاان عاجز صغير
ودي ودي اتأسف من الحبيبـه
حبيـ لأمي صدقووني كبيــــر
الدموعـ تنزل من عيوني غصيبـه
ودي بس ابيـن كبريااء كثيــر
لأجل اميـ هي الحبيبه الغاليــه
ياامي بوقف على رجليني الصغار
وبجي لك اركض واقول ..
اســف يالحبيبــــــه
.
.
.


لكن في قلبين بالبيت مهزوزين قلب مهمو يناجي امه وقلب مطعون بسبب افعال ولده..
وقرر حمد بكل اصرار وانه بيحسم هالامر اليوم وطلع من غرفته ودموعه تنزل يمااا يمااا وينك يالغاليه..
ام ماجد بقلب يرتجف وينزف:: لبيه ياوليدي
حمد بقلبه الكسير وعينه الدامعه:: يماا سامحيني ونزل حمد من كرسيه صدق انه تألم وحاول يبوس رجول امه ويطلب السماح لكن امه رفعته
وقالت بقلبها الحنون :: ياوليدي قلبي مايشيل عليك انا كنت خايفه عليك ورفعته وقالت مقامك ياولدي مايوصل لرجولي يالغالي..
طاحت دمعة حمد غصب عنه وقال بصوته الشجي..
يمه .. منتهي جيتك وطالب منك الغفران
أقبل قاعة أقدامك وغسلها بدمعاتي

يايمه .. كل مافيني يناديلك أنا ندمان
طلبتك ؟ .. قولي سامحتك وردي لوجهي بسمتي

أنا أدري قلبك الطيب كسرته بصدمة النكران
غلطت .. وغلطتي هذي تغير كل غلطاتي

ونام الكل بسلام وكان في بال حمد انه يسوي حاجه راح تصدم الكل لكنه قر انها تكون بعد رجعتهم من الاحساء وطلع احلى صبااح عم على الشرقيه كلها وتوجهوا للاحساء الكل كان منصدم اول حاجه ان حمد تفطر معهم وانه مرحب بالروحه للاحسااء والكل كان منصدم ومرتاح من الخاطر بنفس الوقت..
ومروا الخميس والجمعه مابين السعاده و الفرح وكل امل جديد لاستقبال سنه جديده.. وبعدها في عصر يوم الجمعه قرروا يردون للدمام

وتم وصولهم الدمام المغرب الكل توضأ وصلى وبعدها تجمعوا بالمجلس الكبير ومابيت السوالف والضحك والاكل والشرب وكل حاجه استوقفهم حمد بطلب انه يبا يخبرهم بخبر..

قصة وريـقـاتـ مـمـزقــهـ ... 2