~*¤ô§ô¤*~البارت السادسـ~*¤ô§ô¤*~
الفصل الأول ..


من بعد ما صلت .. وقرأت صفحات من القرآن .. حست بالراحه شوي .. اللي من امس وهي تبي تحصلها .. وكانت تبي تتكلم مع احد يسليها في هذا الوقت .. ويطلعها من دوامة افكارها اللي مو تاركتنها بحالها اليوم !!.. فتحت قبضة باب غرفتها .. ومشت بين ممرات البيت اللي كان عامنهم السكون .. وراحت تاخذ لها جوله بالبيت من الصبح! .. ووصلت المطبخ وفتحت الثلاجة واخذت لها عنب .. وشافت الباب اللي بالمطبخ واللي يطل على الحوش .. قالت تطلع بره تشوف عشقها الياسمين وباقي الورد اللي هناك مزروع!..
×.×
كانت تتمشى بين غصون الياسمين .. مره تقطف لها منهم .. ومرة تقعد تتأمل شكله .. ومره تذوب بريحته !..
بسيل: آخ .. ياليتني بس ياسمينه .. واعيش بينهم ..!
وقفت وهي متسانده على سور الزرع .. تشوف شلون الشمس تشرق .. وهي تتابع بدقه .. تفاجأت لما شافت ايد تمسكها من كتفها ..
شهقت بسيل بصوت مسموع .!
باسل: هههه صباح الياسمين ..
بسيل بتنهيدة: باسل!
باسل: شفيج من الصبح طالعه لي الحوش .. ماعندج غرفة تقعدين فيها
بسيل: والله مليت من الغرفه .. قلت انزل اشوف البيت اللي مافي شيء متغير !!.. وتذكرت الياسمين اللي من زمان ما شفته .. فـ قلت اطلع الحووش
باسل وهو يقطف له ياسمين: بسج تقولين قصة حياتج انتي
بسيل وهي تطلع له لسانها: انت اللي قلت لي شتسوين بالحوش من الصبح!
باسل: وانتي ردج جاهز في كل شيء ! .. الا ما قلتي لي شخبارج بشغلج ..؟
بسيل: الحمد لله .. شغلي عال العال .. وآنه راضيه عن شغلي وراضية عن نفسي فيه لأني احس إني مو مقصرة ابد !..
باسل: بالتوفيق
بسيل: للجميع ان شاء الله .. بسول
باسل: بسول بعينج
بسيل: بــــــــــاسل
باسل: عيونه
بسيل: تسلم عيونك .. بس ما اشوفك سألتني عن ساره ؟!
باسل وهو يوجه نظره للأرض: لأني سمعت انها انخطبت !!
بسيل وهي متفاجأه: من قال لك ان هي انخطبت ؟!
باسل ارتسمت على محياه تقاسيم الحزن !: ...
بسيل: اوه باسل اتكلم من قال لك؟!
باسل بإبتسامة باهته وهو يلتفت لها: واحد من ولاد خالتها .. وهو اللي راح يخطبها !
بسيل: يعني انت تعرفه؟
باسل: أي !!.. وياي بالشغل !
بسيل: زين وانت ماتبيها؟!
باسل: ...
بسيل اللي تفاجأت: باسل ما تبي سارة؟!
باسل: بسيل بليز سكري الموضوع .. واذا انا ابيها .. شفيد الحين ؟! .. ولد خالتها وانا اعرفه ما فيه عيب .. وما اتوقع انها ترفضه ..!
بسيل: واذا قلت لك انها بترفض
باسل وهو يرمي الياسمين من ايده ويلتفت الى بسيل: والله؟!
بسيل هزت رأسها بمعنى أي !
باسل: والسبب؟!
بسيل بإرتباك: هـ ـااإآ !.
باسل وهو عاقد حواجة: السبب؟!
بسيل: لأني قلت لها انك تبيها ؟!
باسل: شلون يعني
بسيل: يعني بإختصار للسالفه ان ساره بعد تبيك !
باسل وهو يتقرب من بسيل: لحظـه .. لحظه .! .. شوي شوي .. شلون يعني ساره تبيني !.
بسيل: باسل .. ما اقدر اقول لك شيء اكثر .. بس ابيك توعدني إنك ما تعلق البنت جذي .. وانك تخطبها بأقرب فرصة تسمح لك !...
باسل بإبتسامة خفيفه: وهذا اللي بسويه !!.. لأنج ما تدرين شصار فيني لما دريت ان ولد خالتها خطبها !..
بسيل: قول تقدم لخطبتها مو خطبها !!.. افففف منك بس تعقد الامور انت !.
باسل: هههه ما يهمني انا المهم انج ريحتيني الحين !!.
ارتاحت بسيل لأنها تأكدت من ان باسل يبي ساره !. وارتاحت اكثر لأنها بكلامها الحين مع اخوها ريحته ..!!.
باسل: بسيــــل .. بسيــل
بسيل: ها
باسل: ها بعيونج قولي نعم .. وبعدين وينج صار لي ساعه اناديج .؟
بسيل بإبتسامة: وياك !
باسل: اخليج .. بروح اتجهز للدوام .!
راح عنها باسل .. من غير ما ترد عليه !.. وهو في باله كلمة بسيل " سارة تبيك .. سارة تبيك " .. ياااه شكثر هالكلمتين ريحوه !..
وبسيل الثانية راحت تشوف امها اللي للحين ما شافتها اليوم!..,’
×.×
طقت الباب بكل نعومهـ .. ووصلها الرد .!!
ام باسم: الباب مفتوح ..
بسيل وهي تدخل: صباح الخير لأحلى ام بالدنيا كلهااااا
ام باسم: صباحج سكر يا احلى بنت بالدنيا كلها
تقربت بسيل الى امها ولمحتها تمسح دمعه خانتها ونزلت !!. وهي تتأمل الصورة اللي ردتها مكانها ..
بسيل: الله يرحمه!.
ام باسم: الله يرحمه..
بسيل وهي تقعد صوب امها على السرير: وآنه اقول شفيها الغاليه اليوم ما بانت .. تتأمل بحبيب القلب ..
ام باسم وتمثل العصبية: استحي على ويهج بسيلو ..
بسيل بشوية خوف: يمـه !.. الحين آنه شقلت .. مو هو حبيب قلبج وقلوبنا كلنا ..
ام باسم بتنهيدة: زين .. اخوج قعد من نومه والله للحين ؟!
بسيل: قام من نووومه .. والحين يتجهز لدوامه ..!
ام باسم: زين وانتي مو ناوية تروحين الدوام اليوم؟
بسيل: لا بروووح .. وليش مو ناوية اروح !!
ام باسم: اشوفج للحين ما جهزتي شيء ..
بسيل وهي توقف: الحين اروح اتجهز لا اتأخر .. بس قلت امر عليج قبل كل شيء .. واصبح عليج ..
ام باسم بإبتسامة وهي توقف الثانية: وآنه بعد انزل اجهز لكم الريوق ..
وكل وحدة منهم راحت تقضي شغلها !.,’

×
.
×

وصلت .. وياليتها ما وصلت !!.. اول ما شافته على الباب .. كأن معاناتها البارحة وألمها اللي لمسته يتجدد .. حاولت تبعد نظراتها عنه .. وتبعد هي عن نظراته !.. دخلت هي من لفت عشان تتابع طريقها لمكتبها .. ودخل هو من لفت ثاني !.. اخذت نفس عميق لما تفتح باب اللفت وطلعت منه الى مكتبها ..
بسيل: السلام عليكم
ريم: عليكم السلام
بسيل: الا ترنيم وينها ؟!
ريم: للحين ما وصلت
بسيل وهي ترتب اغراضها على المكتب: شخبارج
ريم: بخير الحمد لله .. ماتبين نسخه من العدد الجديد من المجله؟
بسيل: اكيييد ابي
ريم وهي تبسط ايدها وفيها المجله: هذا هوو
بسيل اخذتها وقعدت تتصفحها .. وهي تتصفحها طاحت منها صورة ياهل صغير عمره يقارب الشهور !..
بسيل وهي تسأل ريم: هذا من ؟
ريم تلتفت لها وتشوف الصورة !..
ريم بصدمة: هـ ــاأ!.. بسوله فديتج عطيني الصورة واقول لج بعدين !..
بسيل عطتها الصورة لكن ببالها هذا من!..
دخلت عليهم ترنيم .. واللي كسرت الجو اللي هم كانوا فيه ..
ترنيم بشوي صراخ: سلام علييييكم .. شخباااااااركم شمسوين .. شلون اصبحتوا؟!
بسيل وريم: عليكم السلام
بسيل: احنا بخير وانتي؟!
ترنيم: بخير يوم انكم بخير ..
قعدت ترنيم .. ووقفت وقتها بسيل ..
ترنيم: شفيج واقفة؟!
بسيل: بروح اتابع القضية من الحين .. عشان ما ارد الدوام متأخره ..
والتفتت بسيل الى ريم: بعدين كلامنا!
طلعت بسيل وتركت وراها ترنيم ضايعه !..
ترنيم: شصاير ريمو؟
ريم بغصه: اذا ردت بسيل اقول لج وياها كل شيء !..
ترنيم هزت رأسها بمعنى اوكي!..

اما بسيل قالت للسكرتيرة تقول الى المدير "فراس" انها بتطلع تتابع قضية أمس !.. وما صار وقت تقول له!.. طبعاً كل هذا عشان انها ما تبي تتقابل معاه !.. وراحت بسرعة البرق الى مستشفى الايدز .!.. يمكن عشان انها تبي تعرف باقي أحداث قضية حوراء !.. لكن السبب الرئيسي يمكن لأنها تبي ترد بنفس السرعه عشان تعرف من ريم من هذا الياهل اللي قلب كيانها وملامحها بس سألتها عنه .. وحست ان وراء هالياهل سالفه مالها نهايه !..,,
×
.
×
وصلت .. وسكرت السيارة .. ومشت الى بوابة المستشفى .. ومن بعد ما استأذنت من الدكتورة راحت الى حوراء غرفتها ..
بسيل طقت الباب ..!
حوراء: ادخل!
بسيل بإبتسامة: صباح الخير
حوراء اللي استانست لما شافت بسيل: صباح النور ..
بسيل: شخبارج اليوم
حوراء بإبتسامة: الحمد لله على كل حال !..
بسيل: الحمد لله ..
تقربت بسيل وقعدت على نفس الكرسي اللي قعدت عليه أمس: سوري عشان إني افتح جروحج من جديد .. واخليج تعيشين مأساتج من جديد ..!..
حوراء: بالعكس .. آنه لما أقولها يمكن اتألم وقتها .. لكـني أحس براحة بعدها .. لأني طلعت اللي كاتمته بقلبي!
بسيل: زين عجل نكمل مسيرتنا ؟!
حوراء: نكمل ..
تركت بسيل اغراضها على الطاولة الصغيرة اللي قدامها .. وبدأت تتجهز عشان تنسجم مع باقي احداث قضية حوراء .,’
حوراء: نرجع الى شذى اللي كانت تهددني .. بصوري !.. بحالتي !.. شنو فيه اكثر عشان تهددني فيه !!.. اضطريت اركب سيارة طلال من جديد ومعانا شذى! .. اللي كانت بترجعني للبيت من جديد !.. طلعت من البيت بكامل شرفي ورجعت بـ ولا شيء منه !!.. وصلنا لباب البيت تحديداً وكنت بنزل بس وقفني صوت شذى ..
شذى: باجر نتقابل ان شاء الله بالمدرسة .. وان شاء الله الدروس اللي اليوم درسناها مع بعض تكون فادتج .. ولا تنسين .. باجر آخر امتحان .. يعني اللي بعده ما بكون عندج شيء !!.. جهزي روحج على نفس موعد اليوم وامرج ونروح للمكان نفسه ..
كنت أوجه لها نظرات بمعنى كملتي كلامج!.
شذى: أي صح .. لا تنسين إني مصورتج فيديو !!.. وإذا يوم واحد بس قلت لج نروح ورفضتي .. الفيديو عندي!. اوكي؟ ..
فتحت الباب بكل قوة ونزلت بسرعه للبيت ودموعي على خدي .. شنو بصير بحياتي مر اكثر من اللي صار فيها ؟!.. ما دريت ان اللي ضقته بذاك اليوم بداية طعم المرارة بس !!..,,
×؛؛؛؛×
رحت اليوم اللي بعده المدرسة .. لو وحدة مكاني ما اتوقعها كانت تروح !.. الالم بذاك اليوم ذابحني .. وشرفي اللي نزل القاع مفشلني !!.. قدمت الامتحان وآنه أشوف الورقه قدامي كلها سواد بسواد .. قدمته وآنه معتمدة على معلوماتي اللي في بالي ..!!. اللي يا دوب اقدر أجاوب على سؤال بها .. تقابلت مع شذى بذاك اليوم بس حاولت ابتعد عنها .. لأني ما اقدر أشوفها .. لأني كل ما شفتها يزيد تعبي وتعب نفسيتي !.. ما اقدر !.. كنت بنت صغيرة شنو بتحمل عشان اتحمل !!.. اللي سووه فيني عمره ما كان قليل ..!!..,,
مرت ايام .. وحالي مثل ما هو ما اتغير .. لأن الماضي بصمته وين ما اروح تلاحقني !.. كنت في كل الليالي اخضع لطلب شذى .. ما عندي حل غيره بذاك الوقت !.. مو فضيحة ضياع شرفي صارت بإيدها ؟! .. في ليالي كنت أتهرب .. لكن في ليالي ما كانت تتركني بحالي !.. تعبت وآنه امشي على هذاك الدرب .. ليما وصل اليوم اللي انقلبت موازين حياتي كلها 180 درجة ..! ..
سمعت صوت الهرن كالعادة .. وطلعت لهم وركبت بالسيارة اللي صارت من رماد حياتي ..! .. وكملنا طريقنا للمكان نفسه .. وكأني اروح له للمرة الألف !.. من كثر ما زرته .. وصرت أتراوده بكل ليله !.. صرت إنسانه ولا شيء بهذي الحياة .. كنت أسوي اللي أسويه وآنه مستغربه !.. مجرد تهديد هدم كياني .. وعفس حياتي كلها !.,,
×
.
×
وصلنا للمكان .. ونزلنا على أصوات الأغاني اللي كانت أصواتها الصاخبة موصله إلى وين !.. ودخلنا عشان نشوف الدعارة اللي نشوفها كل ليله.. وأكون بنفس الوقت لعبه لأحد المتسلين هناكـ!..

دخلت الغرفة اللي حطمتني من اول يوم زرت هذا المكان من غير وعي .. وبدأ " حمد " نفسه اللي كان يبيني لعبه له بس ما حصل له بذاك اليوم !.. واليوم تحقق مراده!.. بدأ يلعب لعبته فيني .. بس وقتها حسيت بتعب !.. بس عمره ما يعلى على تعب نفسيتي بذاك اليوم !.. رحت للحمام وكنت ارجع !.. وراسي مو راضي يطيعني ويوقف ألمهـ! ..
كلهم استغربوا من حالتي بذاك اليوم!.. بس اكيد إنهم معتادين عليها !!.. خفت يومها أكون حامل !.. ومو بعيد هذا الشيء على وحدة مثلي ..!.. أخذوني المستشفى .. حمد!.. وشذى !.. وأخذت فحوصات .. بس نتيجتها !..
×
.
×
انتظرنا النتائج .. كانت نتيجتي بالدنيا اسوأ نتيجة .. عجل شلون بتكون نتيجتي بالآخره !.. دخل علينا الدكتور وهو يقول !؟؟.
الدكتور: انتي مصابة بمرض الايدز !!
الايدز !.. الايدز!!.. الايدز!!
كلمة صارت ترن وترن بأذوني .. آنه فيني الايدز .. صرخت وقتها صرخه هزت المستشفى .. لكن قلوبهم عمرها ما اهتزت !!
تقربت من حمد!..
حوراء: ليييييييييييييييييييييييش؟!
تقربت من شذى: ليييييييييييييييييييييش؟!
حوراء: ما تخبروني لييييييييش؟؟؟؟؟؟!!!! .. نهايتي يكون فيني الايدز !!. مو حرااااام !!. حياتي كلها قضيتها بالحراااااااااام .. وجهت نظراتي كلها لشذى .. ارتحتي الحييييييييين ارتحتي ؟! .. صرت اوطى من القاع .. مو بشووووووي.. بواااايد .. بواااايد .. تقربت من حمد الثاني .. وقعدت اطقه .. بس ما يؤثر فيه شيء !.. وانت؟! .. يوم ان فيك الايدز .. آنه شذنبي تبليني فيه !.. قول لي شذنبي !! .. شذنبنيييييي من الحياة كلها !.. يا ربيييييييي شذنبي يوم إني ولدت على الدنيا .. شذنبييييييي !..

حوراء: ساعتها .. عطوني منوم بالمستشفى .. ومن ذاك اليوم حياتي خلاص !.. ابوي من سمع الخبر .. طاح بالمستشفى سكته قلبيه .!.. وشلون تبينه يتحمل بنته اللي كان يفتخر فيها .. ويفتخر كوني بنته تربيته .. آخرته يكون هذا نصيبه وجزاه مني! .. كانت الصدمة اكثر من قويه عليه .. مما سببت له السكتة القلبية لموته ..!.. كل اهلي راح !.. والسبب هي آنه .. آنه اللي تسببت بموت ابوي !.. وبموت نفسي قبله !.. هذي آنه قدامج !.. عايشة ومو عايشة !.. والموت يسري بعروقي .. وكل يوم يقرب علي اكثر .. عشان مو بس اكون ميته من الداخل .. عشان اكون ميته كلياً .. قدام عيون الكل .. حتى بالاسم !.. وبصورتي بالقبر .!.

بسيل ما كانت عارفه شلون تتعامل مع حوراء كل اللي قالته: انتي ساهمتي بخراب حياتج !.. يوم رضيتي بإن شذى تكمل لعبها فيج يا حوراء !.. المفروض كل شيء صار لج يكون عبره لج وعبره لغيرج .. وانتي كثر ما ارتكبتي اخطاء بهذي الدنيا .. المفروض تعوضينها بشيء يصححها !.. مو تزيدينها بصياحج ولومج لنفسج !..
حوراء: بس يا بسيل اللي انكسر عمره ما يتصلح .. خايفه .. خايفه شلون بقابل ربي يا بسيل شلون ؟!
بسيل: الله يسامح .. بس انتي جربتي تطلبي منه المغفره ؟!.. الله يسامح .. بس جربتي من بعدها تقرأين من كتابه شيء ؟؟ .. وتتقربين منه ؟؟ .. جربتين بيوم انج تدعينه ..! .. هذا كل شيء عليج تسوينه يا حوراء .. والذنب الاول والاخير على شذى !.. صح ما ننسى انج صار لج دور باللي صار .. بس ماننسى رحمة ربنا ..

مرت عليهم فترة صمت .. كل وحدة مو عارفة بشنو تتكلم !.. لما كسرت حوراء جو الصمت .!
حوراء: بسيل .. الله بسامحني ؟!.. اذا ابوي مو مسامحني !! .. شلون ربي!
بسيل: شدراج ان ابوج مو مسامحج؟ .. وبعدين قلت لج الله يسامح .. بس يسامح اللي يتوب له بنيه صافيه .. ويدعيه ..
حوراء: ..
بسيل: يالله حوراء اخليج .. صار لازم ارجع للمجلة الحين .. لأن موضوع شاغل بالي .. وشكراً عشان تعبناج ويانا وانتي تقولين قصتج من جديد ..!
حوراء: انتي اللي مشكورة عشان كنتي تسمعيني .. وبتتركين القصة بين ايد الناس عشان تقرأها وتاخذها عبره!
هزت لها بسيل رأسها: يالله مع السلامة .. وتحملي بروحج .. وفرصة سعيدة عشان ان عرفناج ..

×
.
×
طلعت بسيل .. بس تركت بصمتها بمستشفى الايدز .. وبنظره اخيره منها.. ودعت حوراء اللي تركتها وراها مثل ما زارتها .. وردة ذبلانه!.. ودعت المستشفى من بعدها .. وودعت المبنى اللي استقبلها يومين .. بس ما اتمنت يستقبلها ثاني !! .. ركبت سيارتها وطرت على بالها سيارة طلال!.. ما تدري ليش !!.. وتجددت احداث قصة حوراء قدامها ..
بسيل: الله يعينج يا حوراء ويعين كل من كان حالته مثلج !؟.

وصلت المجله .. ويوم وصلت تذكرت صورة الياهل وريم !.. وتجدد السؤال في بالها .. من بكون هذا الياهل ؟!!.. حملت اغراضها معاها .. ونزلت عشان تروح لمكتبها .,’
×
.
×
دخلت عليهم .. وشافتهم عكس كل يوم !.. وان كل وحدة كانت ساكته وقاعدة بحالها !... تصورت هذا حالهم من اول ما طلعت للحين !..
بسيل: شفيكم ؟ .. كأن احد ميت من عندكم ؟؟؟
ترنيم وهي تحط ايدها على قلبها: شفييج انتي فال الله ولا فالج .. عسى يموت عدوووج قولي آمين ..
بسيل: ولو ان ما عندي عدواااان بس يالله آمين !.. زين شفيكم جذي .. كأنكم بؤساء ؟؟
ترنيم وهي تلوي بوزها: ريم اكلمها من الصبح للحين ما ترد علي .. قلت اشتغل وآنه ساكته ابرك لي !..
بسيل اللي وجهت نظرها الى ريم: ريمو شفيج؟
ريم اكتفت بتنهيدة !..
تقربت بسيل منها وبصوت همس: ريم اذا ما تبين تقولين شفيج عادي ..! .. عمري ما بجبرج على شيء .. لكني ما يهون علي اشوفج جذي !.. وبصراحة من الصبح وآنه خايفة من صورة الياهل ومن يكون !!.. وشنو يعني لج .!
ريم: آنه تعبانه !
ترنيم تقربت منهم: فديتج .. من شنو؟ ..
بسيل: قولي لنا وآنه وترنيم بنحاول نساعدج في اللي متعبج؟!
ريم: بس ما اعرف شلون اشكي حالي !
بسيل: شلون يعني؟
ريم بحزن: مدري شلون اقول اللي فيني !.. طول عمري معتادة ببيتنا إني اكتم همومي فيني .. ولا عمرهم احد فيهم اهتم فيني وفي مشاعري .. حتى بأصعب المواقف اللي مريت فيها .. محد تقرب مني وواساني .. ما تدرون شكثر تحركت مشاعر بداخلي لما قلتون لي شفيج ؟!.. وكأني محتاجه هذا السؤال من زمان .. بس يوم لقيته مو عارفه افسر لكم شيء !
بسيل: انتي اهدأي الحين شوي .. وريحي حالج .. وترنيم قولي لأبو محمد يجهز لنا شاي نشربة وبعدين ريم تقول كل شيء تبيه !
قامت ترنيم ووصت ابو محمد يجهز لهم شاء .. ووصل بعد دقائق .. وقعدوا كلهم حوالي طاولة ريم .. يشربون الشاي بإرتباك .. وقعدوا يحاولون يطلعونها من الحاله اللي هي كانت فيها بسوالفهم .. عشان تبدأ تقول اللي تبي ونفستها شوي مرتاحه !..
×
.
×
ومن بعد السوالف .. وصل الوقت اللي بتتكلم في ريم وبتقول الشيء اللي كاتمته بقلبها !.. ووصلت اللحظة المناسبة عشان تبوح فيه .. وعشان تريح قلبها ولو بشوي !.,’


سوري على التأخير ..
بس الأيام كلش ما تساعدني اكتب ..
اترككم مع ..

الفصل الثاني ..
~*¤ô§ô¤*~البارت السادسـ~*¤ô§ô¤*~

طلعت ريم الصورة اللي شاقتها بسيل!!
ترنيم اللي كانت مستغربه: شنو هذا ؟
ريم: صورة ياهل!
بسيل: زين الحين السالفه كلها تتعلق بهذا الياهل؟
ريم هزت رأسها بمعنى أي !..
ترنيم: زين من هو هذا الياهل؟؟؟؟
ريم: هذا روح امه
ترنيم وبسيل يطالعونها بنظرات استغراب:...!
ريم: هذا ولدي!!!
بسيل وترنيم بصدمه: ولــــــدج؟
هزت لهم ريم رأسها وهي تشوف الساعه: انتهى الدوام!
بسيل: ماعليج كملي ..
ترنيم: أي صح كملي يعني انتي متزوجة؟
ريم: كنت !
بسيل: والحين؟
ريم: تطلقت !
بسيل: شلون؟.
ريم وهي تسرح بالصورة: هذا اللي قدامكم بالصورة ولدي " فهد " .. عمره بالصورة شهرين .. والحين يمكن وصل عمره سنتين !.. كنت متزوجة بأبو فهد .. وقضينا سنة تقريباً مع بعض .. عشنا مع بعض احلى ايام عمرنا .. وكنا يمكن نشكل احلى زوجين .. دخلوا للحياة الزوجية مع بعض !.. وصل يوم .. استغربت طلب ابو فهد!..
ابو فهد: يا ام فهد جهزي نفسج اليوم باخذج بيت ابوج
ريم: ليش ؟ ..
ابو فهد: لأن مسافر مع امي!
ريم: تسافر مع امك .. وآنه وفهودي نهون عليك تتركنا هني بروحنا !
ابو فهد: فديتج .. شسوي اذا امي طلبت مني ان نسافر مع بعض !
ريم: زين الله تروحون وترجعون بالسلامة
ابو فهد: ما زعلتي؟
ريم: وليش ازعل؟
ابو فهد: عشان إني بسافر؟
ريم: لا ليش ازعل ! .. وبعدين انت بتسافر مع عمووو .. وما اقدر اقول لك لا ..!
ابو فهد: فديتج .. اوعدج ان لما ارجع وافضى آخذج ونروح نسافر مكان اللي تبين .. وفهودي معانا !..
رديت عليه: ان شاء الله !..
ما دريت إني بذاك اليوم .. ربي كتب لي ارجع بيتنا وللأبد .. جهزت له شنطته .. وجهزت شنطة لي ولفهودي .. ولبست عبايتي وقعدت انتظره وهو يتجهز!..
ريم: زين حبي متى بترجعون؟!
ابو فهد: حوالي اسبوعين واحنا رادين
ريم بأسى: وايــد
ابو فهد: ريمي شفيج !
ريم: ما ادري بس خايفة .. بتتركني اسبوعين مو يومين !..
ابو فهد بإبتسامة غمز لها: عشان تشتاقين لي ..
ابتسمت له من وراء خوفي ..
ابو فهد كان كاشخ كعادته .. وفي النهاية كان يحط له العطر .. تقربت منه وآنه اسحبها: لا لا لا بس شنو انت .. كاشخ .. وريحة العطر تبيها توصل لوين بعد .. وبتروح تسافر بروحك .. وآنه مو وياك .. أخاف وحدة تعجب فيك .. وتنسانا آنه وفهد وتاخذها ..
ابو فهد وهو يتقرب مني .. وتمنيت هاللحظة ما تنتهي!: افا يا ام فهودي .. انساكم انتي وفهودي؟! .. انتي الروح .. وهو القلب .. وبعدين عيني ما تشوف غيرج بهذي الدنيا .. مستحيل انها بيوم تروح لغيرج ..
ارتميت بحظنة ودموعي على خدي .. ما انكر إني كنت خايفه .. وخووف ما بعده خوف! ..
ابو فهد: يالله عاد ريمي .. بسج دموع وصياح .. وقومي لا نتأخر !..
قمت من حضنه .. وحملت فهودي بين ايدي بفراشه الصغيره .. وحملت شنطته .. وهو الثاني حمل شنطتي وشنطته .. ولحقنا الى السيارة ..
×
.
×
وصلنا لبيتنا .. ونزلت آنه ومع فهودي .. وهو نزل معانا عشان يسلم على أهلي .. من بعدها توادعنا انا وياه!..
×
.
×
ابتسمت ريم وعضت على شفاتها: بعد اسبوعين .. لا اكثر ولا اقل!. تفارقنا انا وياه!. بس فراق واشبه بإن يكون للأبد .. عمرنا ما تفرقنا مثله ..! .. وهو الطلاق ..!
×
انفجرت ريم بالكلام اللي كانت كاتمته من سنتين تقريباً !.. وكان يواسيه الدموع: عمري ما قصرت بحقه وهو عارف .. عمري ما سويت شيء يغضب ربي ويغضبه .. كنت ونعم الزوجه له .. حتى في اصعب الاوقات اللي اواجهها احاول إني ما اكون مقصرة بحقه .. عيشته ببساط الراحه .. وابتسمت!.. وهو مثل الشيء .. كنا احلى طيور دخلوا قفص الزواج .. وقلتها لكم من قبل !.. لكن الله يسامح اللي كان السبب !..
ابتلعت ريم غصتها: عمتـي !
بسيل: عمتــج؟!!
ريم هزت رأسها بمعنى أي ..
ريم: من اول زواجنا وهي ما حابتني .. مع إني احاول احببها فيني بس ما يفيد !.. كانت تبيه يتزوج علي .. وياخذ بنت اختها بحكم انها يتيمه .. بس هو كان يحبني وكان رافض لأبعد حدود لتخطيط عمتي .. لأني ما فيني قصور !.. وهذا كلامه .. بس لما سافروا مع بعض .. عمتي استغلت الفرصة وسوت له سحر!.. عشان نفترق آنه وياه .. ما اجذب عليكم ان في اول يوم ردوا من السفر طرش لي ورقة الطلاق على بيت ابوي !.. ومن غير سبب .. قابلته مرة!.. وياليت ما قابلته .. ابو فهد اللى اعرفه ماعاد ابو فهد .. تغير يا بسيل .. تغير يا ترنيم .. كلامه بذاك اليوم كان سم على قلبي .. قطع حشاي بكل كلمه يقولها لي ..
×
ابو فهد: انا ما ادري شلون كنت عايش معاج؟!
رفعت ريم عيونها له!:...
ابو فهد: انا اكيد ما كنت احبج !.. لأني احس بإحساس غير .. يمكن مشاعري الحين حسيت لها بس انا متأكد إني بيوم ما حبيتج .. لأنج ما تناسبيني .. وكل الايام اللي قضيناها مع بعض انسيها !
ريم: انساها .. بكل سهوله عندك ! .. انساها !..
ابو فهد: ياااااه شكثر انتي مكبره الموضوع .. أي انسيها .. عجل ليش ربي خلق نعمة النسيان !!
فتحت عيوني .. مو مصدقة إن اللي واقف قدامي هو ابو فهد نفسه!..
ريم: واللي بيني وبينك؟ .. شنو تسميه ؟.!
ابو فهد: اسميه ماضي !
ريم: ماضي؟
هز رأسه ابو فهد بمعنى أي!
ضحكت له بإستهزاء: وليش ما اكتشفت مشاعرك من قبل لا نبقى مع بعض بالشهور .. يمكن تعدينا مع بعض سنة ونص .. ليش ما اكتشفت إني ما اناسبك من قبل لا نولد بفهد !.. ليش خليتني احس انك كل وجودي .. والحين تقول لي بنفسك انك ماضي من وجودي .. ليش خليتني اعيش معاك .. واتحملك بمرك وحلوك .. اليوم بس عرفت تحدد مشاعرك!
ابو فهد ببرود: ريم هذا شعوري .. واذا انا عارف إني ما بقدر اعيش معاج .. وإن انتي ما تستاهليني .. شسوي !..
ريم بندم: للأسف انت اللي ما تستاهلني ! ..
كنت بطلع عنه من مجلس بيت ابوي عشان اروح واندثر وسط مخدتي .. واقعد انثر عليها كل دموعي وآلامي بذاك الوقت .. لكنـه وقفني بصوته الرجولي ..
ابو فهد: ريم!
التفتت له: وعندك كلام يسم البدن وماقلته بعد؟
ابو فهد: ابي ولدي فهد!
ريم: مو فهد صار من ماضيك؟ ليش تبيه؟؟
ابو فهد: فهد هو الماضي والحاضر والمستقبل ..
ريم: الماضي والحاضر والمستقبل بالنسبة لي آنه .. لكن انت .. مجرد ماضي بالنسبه لك .! .. والى هني وخلاص .. فهد ولدي آنه .. ولدي آنه .. كفاية انك تغيرت .. وصرت ابو فهد .. بس انسان قاسي .. انسان غير غييير .. وغيروك .. واخذوك مني .. لكن ولدي محد بغيره على قلب امه .. محد بياخذه .. محد .. فهـد ولدي .. وآنه امه .. فهـد ولدي وآنه امه .. فهـ ـ ـــ ـــد ولـ ــدي وآنـ ـ ـه امـ ــ ــه ..
×
صح ان اللحظة كانت قاسيه .. بس قدرت اتخطاها .. بنفسي!.. لا امي ولا حتى ابوي واخواني اهتموا لحالي .. وكل اللي يهمهم كلام الناس .. المفروض كانوا يواسوني بذاك الوقت .. بس للأسف كانوا يزيدوني على اللي آنه فيه .. اتخيلوا !.. كانوا يعاتبوني ليش آنه صرت مطلقه !.. وشلون ما عرفت احافظ على بيتي .. وشلون الناس الحين بتتكلم علي !.. صعبه على الانسان يواجه كل هذا بروحه .. رجله .. او بالاصح طليقي !.. من صوب .. واهلي من صوب ثاني .. كانوا يطعنوني .. ولا كأنهم يعرفون عواقب هذي الطعنات علي !.. اتحملت كل شيء .. مو عشاني .. عشان ولدي .. اللي بصير شتات مع ايام الحياة .. يا من غير ام .. او من غير اب !.. كانت الحضانة ببادئ الأمر من صالحي .. وهذا اللي ريحني !.. وترك جروحي تتطهر ولو شوي!.. بس بعد 9شهور .. بدأت مواجهتهم لي من جديد .. ووصل الأمر للمحاكم .. وفي النهاية ابو فهد كسب حضانة فهد !.. وكأنه يبي يحرمني من كل شيء .. والاسباب اللي دعت لهذا الشيء .. هي إني تزوجت ولد عمي .. ولما اتزوج ما يكون لي الحق بالحضانه .. ابتسمت وسط اوجاعها .. شنو تبون اقول لكم .. الله عوضني بولد عمي اللي يمكن يكون نادر بهذا الوجود .. كان لي مثل البلسم لحياتي ومعاناتي وآلامي .. كان يعوضني عن كل حنان فاقدته من صغري .. بوجوده .. وبكلامه لي ومواساته .. بتصرفاته معاي .. بحبه .. لكن بجهة ثانية خسرت اعز انسان على قلبي .. وهو روحي .. فهد .. مانعيني من زيارته !.. مانعيني من كل شيء .. حتى إني اسمع انفاسه .. تعبت وآنه بعيدة عنه .. وتعبت وآنه وزوجي نحاول نرده لي .. لكن!.. كل من كان فهذا الشيء ضدي .. الناس والزمن .. وكل شيء ..
ترنيم كانت تحاول تهدي ريم: ريم .. الله وياج لو من كان ضدج .. ادعي ربج يرد لج ولدج .. صح ان فراق الضنا غالي .. بس شنو نقول اذا في ناس قلوبهم ما تعرف الرحمه !..
بسيل اللي راحت بفكرها لبعيد وهي تقول بخاطرها: قضية الطلاق بمجتمعنا صارت قضية كبيره .. وعواقبها اكبر منها .. معقوله في ناس جذي!.. توصل في عمتها انها تشوف ولدها غارق بالسعادة وتخسره كل شيء ؟!.. تخسره حياته .. مستقبله .. زوجته .. عشان من !. عشان بنت خالته اليتيمة !.. صح ان الله وصانا باليتيم بس مو لهذي الدرجة ان نخرب بيوت عشان نبني بيوت مكان اللي خربت وساهمنا في فشلها .. شنو ذنب فهد الصغير اللي من عمره شهور والحياة ما رحمته .. ليش ربي ولده على هالدنيا عشان يشقى .. وتشقى معاه امه !.. اللي من يوم تركها واكيد الشوق له ذابحها !.. رجعت من سرحانها على صوت ترنيم ..
ترنيم: بسيل لحقي علي ريم مدري شفيها!
قامت بسيل من غير ولا كلمه وراحت تاخذ كاس ماء .. وفي طريقها انصدمت بفراس !.. انكب الماء .. وصرخت معاه ..
بسيل: لاا ..
الاثنين اخذوا نصيبهم من الماء .. وكل واحد تبللت ثيابه من صوب ..
بسيل وهي متفشله: سوري! ..
فراس وهو رافع حاجب ومنزل الثاني: وليش للحين بالدوام!.. الدوام من زمان كمل!
تذكرت بسيل ان ريم مو بوعيها .. والمفروض تقوم بواجبها .. وتوصل الماء عشان ترجع للوعي مرة ثانية .. تركت فراس ومشت مرة ثانية تاخذ ماء وراحت المكتب .. ورشت على ويه ريم ماء بخوف .. وبإيد ترتجف .. اللي كانت بحضن ترنيم !..
×
هو الثاني مستغرب من حركتها !.. يسألها وما ترد عليه !.. وسالفة الماء !.. خخخخ .. كان يبي يروح يشوف شالسالفه .. وهي رايحة المكتب !.. يمكن احد طالب منها ماء وابومحمد مو هني!.. بس من بزورها نهاية الدوام !.. لآخر لحظة تراجع عن قراره .. ومشى بإتجاه اللفت عشان ينزل .. ويكمل دربه لبيته .. بس ما يمنعه هذا الشيء بإن يفكر باللي صار !..
×
رجعت ريم لوعيها .. الحمــد لله .. وبسيل وترنيم قعدوا صوبها بكسل ..
ترنيم: خوفتيني عليج ريمو .. اول مرة احد يطيح قدام عيني !.
ريم بإبتسامه خفيفه: عجل بطيح عليج كل يوم عشان تعتادين!
ترنيم: فال الله ولا فالج .. مالت عليج بس
ريم: ههه
كل هذا وبسيل ساكته!..
ترنيم: شفيج يا بسيل؟!
بسيل: هـ ــ ــااإآ !!
ترنيم وهي عاقدة حواجبها: اقول لج شفيييييج؟
بسيل: ولا شيء بس منصدمة من الموقف !
ترنيم: متأكدة مافيج شيء ثاني ؟!
قبل لا ترد بسيل رن تلفونها!.. وقامت ترد عليه
بسيل: هلا يمه
ام باسم: وينج يمه تأخرتي ؟؟
بسيل: اخذتني السوالف مع البنات .. بس الحين برجع
ام باسم: حسبي الله عليج .. زين جان اتصلتي قلتي بتأخر
بسيل بدلع: يمـه
ام باسم: محد يتكلم لج بكلمه انتي
بسيل: نسيت اتصل !
ام باسم: زين يالله وبسج اعذار .. وربع ساعه ابي اشوفج قدام عيني زين؟!
بسيل: ان شاء الله يمه .. تآمرين على شيء ثاني؟
ام باسم: هالله هالله بالسياقة .. ولا تسرعين !
بسيل: عجل شلون تبيني اوصل بربع ساعه وما اسرع بالشارع ؟!
ام باسم: ردج جاهز على كل شيء .. ما اقدر آنه عليج .. زين لج نص ساعه ..
بسيل: ههههه ان شاء الله يمه .. وربع ساعه بالكثير وآنه بالبيت .. تآمرين على شيء اجيبه لج بطريقي؟
ام باسم: لا !.
بسيل: يالله عجل اخليج .. بيباي
ام باسم: مع السلامه ..
من بعد ما سكرت التلفون: بنات بمشي آنه!
ترنيم: وين؟
بسيل: امي داقة علي لأني اتأخرت عن البيت ..
ريم وهي تفتح موبايلها اللي كان سايلنت وما تنتبه له: وآنه بعد 6 مسكولات من رجلي .. الحين بحصل لي زفة على التأخير ..
ترنيم وهي تطق على صدرها: يا حسرة قلبي .. لا عندي ام ولا رجل يحاتوني بالبيت ..
ضحكوا ريم وبسيل عليها ..
بسيل: افا عليج امي هي امج ..
ترنيم وهي تطالع ريم عشان تتكلم:.....!
ريم بشهقة: لا حبيبتي .. ما بقولها .. زوجي ما هو زوجج !
ضحكوا كلهم على سوالفهم .. وابتسمت بسيل عشان انهم قدروا يغيرون مزاج ريم شوي .. وطلعت كل وحدة منهم والابتسامه عنوانها !..
×
دخلت بسيل البيت وشافت امها على النار قاعدة في الصاله وتنتظر .. وباسل اخوها قاعد وايده على خده من الملل !..
بسيل: السلام يا اهل الكرام!
ام باسم: عليكم السلام .. وينج انتي .. صار لنا ساعه ننتظرج .. خوفتينا عليج ..
بسيل ببراءة: يمه قالوا لج آنه ياهل عشان تخافين علي
ام باسم: أي ياهل .. طول ما كبرتوا بتظلون بعيني ياهل .. ومرة ثانية اذا بتتأخرين اتصلي وعطينا خبر .. لا تخلينا نقعد على نار !
مشت عنهم ام باسم وراحت تجهز الغذاء بالمطبخ!..
بسيل تناظر باسل بمعنى شسوي!..
باسل حرك لها كتوفه بإبتسامه .. بمعنى ما ادري! ..
تركت بسيل اغراضها بالصاله .. ولحقت وراء امها المطبخ ..
بسيل: يمـه ..
ام باسم: .....
بسيل: يمـه انا ما استاهل كل هذا ..
ام باسم: اعرف تستاهلين اكثر
بسيل: يمـه الحين كل هذا عشان إني تأخرت ساعه إلا شوي !
ام باسم: ساعه الا شوي .. على الاقل اتصلتي وقلتي
بسيل: نسيت يمه والله نسيت .. وبعدين لج مني آخر مرة اسويها ..!
ام باسم: يعني كنتي ناوية تعيديها مرة ثانية !..
بسيل: ومن قاااال !!!!
ام باسم: على بالي بعد .. وروحي غيري ملابسج .. ونزلي اتغذي .. بنقول لج خبر يفرحج بعد الغذاء ..
بسيل: وما يصير تقولون لي الخبر قبل الغذاااء؟
ام باسم: لا
ابتسمت بسيل .. هذا هي امي !.. تزعل دقائق .. وترضى عنه في ثواني .. وترجع معانا ولا كأن صار شيء !.. فديتها .. تركتها من غير ما ارد عليها .. وهي استغربت ؟! .. مو من عادتي في مثل هذي السوالف .. انها تقول بتقول لي خبر واتركها بحالها !.. وركبت تغير ثيابها وتصلي ..,’
×
.
×
نزلت بسيل بالسرعه .. وكأن احد قاعد يلاحقها .. باسل وامها من شافوها قاموا وقفوا! << هذي البنية كل مرة تخبل فيهم هه
ام باسم: شفيج يمه؟
بسيل وصلت لآخر درجة وقعدت عليها: تعبــــت ..
ام باسم: شصاير؟
بسيل بنظرات بريئة: خفت تغذيتون عني .. وآنه جوعانه !
ام باسم: الله يخلف عليج بعقل قولي آمين ..
بسيل وهي تنشر كفينها: آميـ .. وقفت للحظة يوم تداركت الموضوع .. والتفتت الى امها ..
بسيل: يمـه .. الحين آنه يعني مافيني عقل .. كل عقلي وبعد مو مالي عينج ..
هزت ام باسم رأسها بيأس من حال ولادها .. اللي انكتب عليهم ما يكبرون !! ..
باسل: هههههه طنشوها .. ويووو
قامت بسيل وهي تطلع له لسانها: مالت .. اشوف فيك يوم قول آمين ..
باسل: آميــن يا بسوله
ضحكت عليه بسيل لأن الظاهر ان ما فهم معنى شنو قالت !.. ومشت راحت وراء امها المطبخ .. لأن اليوم الجوووع لاعب لعبته ببطنها !..
×
.
×
اجتمعوا بعد الغذاء .. مثل عادتهم بالصاله !.. وهم يشربون الشاي .. وياكلون حب ..,
بسيل: أي يمـه ..
باسل يطالعها بنظرة: اليوم حشرتينا انتي كل يمه كل يمه !!
بسيل: كيفي .. زييييين
باسل: خيخيخي كيفج ببيتج ..
بسيل: هذا بيتي ..
ام باسم وهي تمثل عليهم العصبية: ولا كأني قدامكم .. ابد ما فيه حشيمة يعني ؟؟
بسيل وهي تبوس راس امها: افا يمه .. الحشيمة كلها لج ..
وبعد فترة ..
بسيل: الا ما قلتي لي يمه !
باسل اللي مل من كلمة يمه طالعها بنظره !..
وبسيل ماقدرت ما تضحك: هههههه
ام باسم: بسم الله على بنيتي شفيج؟
بسيل: ولا شيء يمـه .. بس ما قلتي لي شنو الموضوع اللي قلتي انتي وبسوووول بتقولونة لي !
باسل: بسول بعينج
بسيل بإبتسامة: باسل ولا يهمك !
باسل: احم
ام باسم: الموضوع واللي فيه ان ..
باسل: ان باسم بزورنه بالبحرين !!
ام باسم بافتحه عينها: متى؟؟
بسيل: احلللللللللف ؟
باسل وهو يغمز لأمة: بجي عشان موضوعنا !..
ام باسم: فديته ولدي ..
باسل: شكراً شكراً ادري انج تقصديني !
بسيل اللي ضايعه بالطوشة: شصاير؟
ام باسم: باسل قرر يخطب !
بسيل وهي توقف: احللللللف
باسل: انتي شفيج اليوم احلف قال احلف .. من متى تشوفيني جذااااب !
بسيل: حاشاك ..
غمزت له بسيل: وبتاخذ من ؟؟؟
باسل اللي انحرج: بنت الجيران!
بسيل وايدها على قلبها: يا حسرة قلبي .. احلللللللف؟
عطاها باسل نظره على كلمه احلف: وبعدين معاج ؟!
بسيل: لا بسوول صج صج بتاخذ بنت الجيران؟
ام باسم: وبنت الجيران شفيها ؟!
بسيل هني انصدمت!
باسل: هههههه بسيلوووو شفيج؟
بسيل وهي تقعد وتتظاهر ان مافيها شيء!: ولا شيء!
ام باسم بإبتسامة وكأنها عرفت اللي في بسيل: ما بناخذ له بنت الجيران .. بناخذ له شيخة البنات ساره ..
بسيل وهي تلتفت لأمها: قولي والله !
باسل: الحمد لله غيرتين حلفي خخخخخ
بسيل وهي تقط عليه المخده: ماااااالت .. بس ماااااااالت
×
.
×
اليوم اللي بعده .. كان الجمعه !.. ومافي دوامات .. والكل في عز نومه !.. مافي الا باسل .. قاعد من الفجر وما نام .. وينتظر المغرب !.. لأن اليوم بزورون اهل سارة .. " بس سمع باسل ان سارة رفضت ولد خالتها .. قال الى امه .. وخلاها تتصل من رجع من الدوام!! .. كل هذا خايف انها ما تكون من نصيبه .. مسكين شنو يضمنه من بعد اللي صار ؟! .. مو كفاية انها كانت بتكون لولد خالتها .! .. " .. وسط هذي الافكار .. تفاجأ يوم سمع صوت دق على الباب !..
باسل: ادخل ........!
ما وصل باسل رد! .. ولا احد دخل !..
بس سمع طق على الباب مرة ثانية !..
باسل قال اقوم اشوف بروحي من اللي عند الباب !!.. بس فتح الباب وما لقى احد !..
اضطرب اكثر على ما هو فيه !.. وخاف من الافكار اللي وصلت بباله !.. سمع مرة ثالثه طق على الباب .. وفتحة بأقوى ما عنده ..
بسيل: بوووووو
باسل اللي طفرت اعصابه منه: بسيلوووووووووووو
بسيل: عيونها !
باسل وهو يرجع يقعد على سريرة: شفيج من الصبح؟!
بسيل وهي تدخل الغرفة: ابي اسوي فلم رعب لأخوي العاشق الولهان ..
باسل: عاشق ولهان بعينج ..
بسيل وهي تقعد على الأرض: الا ما قلت لي .. متى قررت انك تتقدم لخطبتها ؟؟
باسل ضحك على اخته اللي دخلت بالموضوع دايركت: امس من الدوام ..
بسيل: شلون يعني .. هي رفضت ولد خالتها؟
باسل: اكييد .. عجل شلون بتقدم لها وولد خالتها للحين ما رفضته؟! ..
بسيل وهي تطق جبينها: أي صح ! ..
بسيل بنظرات خبيثة: خخخ الا ما قلت لي شنو مقعدك من الصبح؟!
باسل: آآآخ من قعدت الفجر مافيني نوم !
بسيل بنبرة حنية: الله يساعدك .. ويساعد قلب كل عاشق وولهان يا اخوي
باسل يطالعها بنظرة: لا يكون بس تكونين عاشقة ولهانه !
بسيل اللي تلعثمت: لا لا لا مستحيل!!!!.... شسوي بالحب وعوار الراس!
باسل وهو فاتح عينه ع الآخر: الحين الحب صار عوار راس !!
بسيل هزت كتوفها بمعنى مدري!.
بسيل: الا ما قلت لي باسم متى بزورنا؟!
باسل: اذا صار نصيب !.. عشان يحضر ملكتي وزفافي !..
بسيل بإبتسامة: آآآآخ يا باسل ما تتصور شكثر مشتاقة لجوانووو
ام باسم وهي تطق الباب: وآنه ما اشتقتوا لي؟
بسيل وقفت لأمها وراحت باستها: فديتج انتي تغيبين ثانية نشتاق لج .. مو ايام وشهوور !..
ام باسم: انتي وايد تبيعين كلام .. وتلعبين علينا بكلامج العسل !!
بسيل: افااااااا بس افا يمه ..
سوت حركة بسيل بإيدها: آنه كلامي من القلب للقلب ..
باسل وهو يطقها على خفيف فوق راسها: فديتج يا ام قلب ..
ام باسم: شعندكم قاعدين هني !
بسيل: نسولف بحكايات طقوس الاعراس !
ام باسم: ههه الله يساعدكم عجل!.. يالله ننزل عشان نتريق ..
نزلوا ثلاثتهم عشان يتريقون .. وطبعاً طول ما هم نازلين على الدرج بسيل وباسل مسوين ضرابه ..
ام باسم: افففففف انتوا شفيكم هالايام !.. رادين لي بيبي ؟!
بسيل: هذا باسل !
باسل: آنه والله انتي ؟!
ام باسم: اسكت انت وهي ..
قعدت ام باسم تجهز الريوق .. وبسيل جهزت معاها شوي .. وقعدوا من بعدها يتريقون !..
×
.
×
المغرب .. بغرفة بسيل !.. رن الموبايل ..! .. تركت بسيل الثياب اللي كانت تجهزهم لها عشان تلبسهم الليله .. وراحت تشوف من ! .. وابتسمت اول ما شافت الشاشة ..
بسيل: هلا والله بالعروس
سارة ودموعها بوسط رمشها: بسيلو خايفة
بسيل: افا من شنو؟
سارة: ما ادري ..
بسيل: سارة شفيج؟؟
سارة: ما ادري
بسيل بشوية صراخ: سارة روحي تجهزي وبلا دلع بنات علينا يالله .. واشوفج الليلة زين؟
سارة وهي تمسح دموعها: زين زين .. وآنه موناقصة الا صراخج !..
بسيل بضحكة: فديتج .. بس اعرفج الحين مو مجهزة ولا شيء !.. من خوفج اللي ماله داعي .. مو انتي من يوم يومج تتمنين باسلوو .. والحين تقولين لي خايفة ؟
سارة: باسلو بعينج !
بسيل تذكرت باسل لما يرد عليها اذا تناديه باسلو! وهو نفس الرد: هههههه
سارة: شفيج؟
بسيل: الحين من بين كل الكلام !.. ما رديتي الا على باسلو؟!
سارة واللي تعرف حركات بسيل: اخليج الحين .. ما جهزت ولا شيء !.. أخاف اتأخر .. يالله بسوله بااااي
بسيل: تيك كير حياتي .. وها ما اوصيج .. صيري حلووووة الليلة .. لا نتخرع آنه وامي من شكلج !
سارة: ما ولدته امه اللي يتخرع من شكلي !..
بسيل: فديت الواثقة آنه ..
سارة: ههه يالله اخليج !.. مع السلامة
بسيل: الله يسلمج ..
سكرت بسيل التلفون .. وقعدت تضحك على سارة وباسل !.. ما اقول الا الله يجمعكم !.. ويتمم حياتكم على خير !.. وقامت تكمل تجهيز ثيابها ..
×
من صوب ثاني باسل مطلع كل الثياب .!. عل وعسى يعرف شنو يلبس اليوم !.. آخر شيء استقر على ثوب باللون الابيض .. ولبس الغترة باللون الابيض والاحمر .. وراح الى امه عشان تعدل له الغتره !..
×
باسل وهو يطق باب غرفة امه: يمـه !..
ام باسم: ....
باسل اللي كان خايف دخل الغرفة وشاف امه تقرأ قرآن وابتسم .. وراح قعد صوبها ينتظرها ...
ام باسم انتهت الصفحة اللي في ايدها والتفتت الى باسل: صدق الله العلي العظيم .. شنو عندك؟!
باسل: ما عرفت البس الغتره !
ام باسم ضحكت عليه .. وقعدت تضبط الى باسل الغتره ..وتذكرت رجلها .. اللي كانت هي بنفسها تلبسه الغتره وتعدلها له !.. تذكرته !.. لأن باسل ياخذ شبه من ابوه وايد وايد .. وابتسمت !..,’
باسل: اوه اوه لهذي الدرجة آنه حلو .. اشوفج ابتسمتي ؟!
ام باسم: فديتك .. احلى من الحلو نفسه .. كفاية انك ولد الغالي ..
باسل وهو يبوسها على راسها: وولد الغاليه ..
باسل راح يشوف نفسه بالمنظرة: الا ما جهزتي يمه؟
ام باسم وهي توقف: الا جهزت وباقي بس عبايتي .. كنت انتظركم تخلصون .. قلت اقعد اقرأ لي شوي من القرءان ..
باسل: الله يعطيج العافيه ان شاء الله .. يالله نتلاقى بالصاله .. آنه بروح احط لي عطر ..
ام باسم: لا لا شنو عطر .. انزل تحت .. تبخر ببخور العود !.. انت اليوم معرس ..
باسل بمزح: عجل نطري بلبس البشت بعد !
ام باسم: هههه عشان ما تعرف تمشي لي !!
باسل بغمزة: افا يمه .. آنه اعجبج!
ام باسم وهي تلبس عبايتها: اشوفك امش قدامي بس لا نتأخر على الناس ..
طلعت بسيل من غرفتها .. وسمعت حشرتهم وهم طالعين من غرفة امها !..

باسل وهو يطلع قداها: الا بسيلو وينها؟
ام باسم:قول بسيل .. وبعدين اكيد بتلاقيها بغرفتها ..
بسيل: فديت امي اللي اخذت حقي منك!
باسل: هههه خلاص .. الظاهر برجع برفض اليوم ! دام ان امي واختي متآمرين علي !..
بسيل وهي واثقة: ما عاش الا يرفضك وآنه اختك !
باسل: عاشت الثقة !
×
نزلوا كلهم تحت في الصاله .. واتبخروا .. وكل واحد كان اكشخ من الثاني .. باسل كاشخ بثوبه !.. وام بسيل كاشخه بجلابية من الطراز القديم باللون البني والذهبي !.. وبسيل كانت لابسة تنورة طويله باللون الاسود .. ولابسه عليها تي شيرت باللون الاسود كات .. وفوقه تي شيرت في كم باللون الابيض .. ولبست الاكسسوارات باللونين .. الابيض والاسود !.. ولبست الشيلة باللونين .. والشنطة كانت سوداء .. والنعال باللون الابيض وفيه شريطة سوداء .. كانت ناعمه .. وستايل !.. مشوا كلهم الى سيارة باسل .. عشان يروحون الى بيت سارة !..
×
بسيل اللي من شافت السيارة استغربت ..
بسيل: باسلووو ووجعه
باسل: توجع العدو ! .. احترميني اليوم على الاقل .. انا معرس !
بسيل: من اللي عفس السيارة جذي!
باسل: هههههه يمكن انتي !
بسيل: صج ما تستاهل احد ينظف لك سيارتك !
باسل: اللي يقول امس نظفتيها ! .. صار لها سنة من نظفتيها !!
بسيل: وانت ما تعرف تنظفها !
ام باسم وهي تلوي بوزها: انزل آنه يعني من السيارة ؟!
سكتوا الاثنين .. ومشى باسل السيارة بهدوء .. بس من داخل قلبه .. دقاته مضطربة

قصة قضايا قرأها الزمنـ قبلـ كتابتها ... 6