دنيتيـ وهيـ دنيتيـ منيـ اكتفتـ ...10 - القصص القصيرة , القصص و الروايات story
 |
 |
 |
 |
|
 |
تابع حالة الطقس في اكبر و اشهر مدن المملكة العربية السعودية | منتديات | مقاطع فيديو تحميل افلام موقع يوتيوب youtube العاب بنات hguhf fkhj | تحميل صور jpldg w,v | بلاك بيري | بنات السعودية | قصص بنات
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (261,954 مشاهدات)
فتاة تستأذن امها فى ممارسة الجنس (167,697 مشاهدات) قصة واقعية حدثت في ليلة الدخلة (111,850 مشاهدات) الملائكة تنقذ فتاة من الإغتصاب ... سبحان الله (72,894 مشاهدات) دخلت الفتاه الشاليه قصه يقف لها شعر الراس (71,353 مشاهدات) اغتصاب بنت ميته (71,026 مشاهدات) ركبت عبير مع خالد اللكزس وطلعو الشقه (53,887 مشاهدات) قصة حب محزنة عبر الانترنيت والله تبكى الحجر (47,631 مشاهدات)
جديد مواد مع عشوائي
زوج نجاه الله من الغرق (8,844 مشاهدات)
ضحت بذراعها لتنقذ شقيقها (10,397 مشاهدات) خرجت رائحته بعد موته (14,059 مشاهدات) آهٍ........ لو أعود (5,256 مشاهدات) توبة اشهر عارضة ازياء (10,108 مشاهدات) توبة الشيخ سعيد بن مسفر (8,116 مشاهدات) توبة أب على يد ابنه (5,204 مشاهدات) توبه فتاه ادمنت الشات (9,994 مشاهدات) |
القصص و الروايات story > القصص القصيرة > دنيتيـ وهيـ دنيتيـ منيـ اكتفتـ ...10
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية دنيتيـ وهيـ دنيتيـ منيـ اكتفتـ ...10
البارت العاشر والاخير
. . . اول ما وصلنا مطار الملك خالد كنت متوووتره مره واحمد اول مره اشووفه بالوضع اللي هو في الحين ولما وصلنا صالة الاستقبال كان علي ينتظرنا وكانت ملامحه مررره مو طبيعيه واول ما شافنا قرب وسلم علينا احمد بتووتر : علي بشر علي : مافي الا الخير انت امش بس الوقت مو معنا انا كنت اطالع ومو فاهمه شي : علي احمد بليييز علموني شصاير احمد: امشي يا جوود الوقت مو معنا وطوول ما كنا بالسياره كان الهدوء سيد الموقف وقطع هالهدوء صوت جوال علي علي : الو ..... علي : ها بشر كيف الاوضاع ..... علي : افااا لا تقووول طيب وعمتي شصار عليها ...... كنت انا واحمد كل انتباهنا لعلي وكلامه سكر علي الجوال والتفت على احمد : طيف سقطت اللي في بطنها احمد : لا اله الا الله الله يعووظها طيب وامي ومحمد شصار عليهم علي : وعيوونه علي لان كنت مصدوومه : ما في جديد الحين بنودي جود للبيت وبنروح نشوف شصار عليهم انا خلاص ما قدرت اتحمل اكثر : علي علمني شصااااااااير علمني احمد التفت علي وكان يهديني : جود يا قلبي مو صاير الا كل خير بس امي ومحمد وطيف صار لهم حادث وطيف سقطت اللي في بطنها وامي ومحمد ما ندري عنهم انا طالعت احمد وانا مو مصدقه اللي يصير : احمد الله يخليك خذني معكم لا تخليني لحالي ابي اشوف عمتي احمد : خلاص يا الغاليه باخذك بس بلاها الدموع هاذي وادعي ربكـ وصلنا المستشفى واول ما وصلنا شفنا الكل بحاله صياح و انهيار واول ما شاف احمد الوضع راح بسررعه لعمي عاصم احمد : خالي شفييكم شصاااير عمي عاصم كان نفسه مو قادر يتكلم فتدخل عمي عادل وقال : احمد انت انسان مؤمن وتعرف ان الموت حق ع الجميع ادع لامك بالرحمه وان الله يجمعنا معها في مستقر رحمته انا من سمعت الكلام حسيت ان الدنيا انتهت ولما طالعت احمد كان ساكت وما طلع منه أي شي وكان اهدأ من الكل كل اللي قاله : لا حول ولا قوة الا بالله وعلي قرب من احمد اللي كان الكل مو متوقع ان ردة فعله تكون كذا ومن بكرا العصر دفنووها وكان اول ايام العزا كان الكل بنفسيه ما يعلم فيها الا رب العالمين وكان العزا في بيت عمتي الله يغفر لها ويرحمها لان احمد رفض يكون العزا بغير بيته وبعد صلاة العشاء اتصلت على علي اشوف كيف احمد علي : هلا جود رديت عليه : هلابك علي .. ها علي بشر كيف احمد علي : انا مو مخوفني الا انه كلمه وحده او دمعه وحده ما نزلت من عينه وضاقت فيني الدنيا وعلي يقول لي كيف احمد : علي الله يخليك خلك معاه طول الوقت لا تخليه علي يطمنني : ابشري يا الغاليه بس انت خلك مع طيف وتذكرت طيف المسكينه : الله يكون بعونها حالتها مرره صعبه تعب نفسي وجسدي بوقت واحد وانتهى العزا وكنت انتظر احمد يطلع من مجلس الرجال لان الكل راح لبيته ما عدا عمي فهد وخالتي وعلي اللي كانو بينامون عندنا وطالعت خالتي وهي ناظرتني وقالت : روحي له بالمجلس ما في احد عمك يقول الكل راح وقفت وانا متوتره مره وقالت لي خالتي : جود هذا وقتك يا يمه خلك بجنب رجلك ولا تخلينه واي شي يصير منه اعذريه وانا عارفه انك مقدره وحاسه بكل اللي يصير هذي الجوهره الغاليه ..ودمعت عين خالتي .. وطالعت خالتي وقلت لها : ان شاء الله يا خالتي ادعي لي ردت علي : ربي يحفظك ويهون عليكم كل صعب ولما دخلت مجلس الرجال شفت احمد حاط راسه بين رجلينه وكان علي قاعد جنبه وساكت ومن شافني علي طلع من المجلس وقربت من احمد وحطيت يدي على كتفه : احمد رفع راسه لي و هموم الدنيا بعيونه وظل ساكت يطالعني وقلت له : احمد حبيبي شرايك تاكل شوي وتروح تنام ترتاح اكيد انت تعبان ومافي أي جواب منه غير تنهيييده طويله وقلت له : احمد حبيبي يالله قوم معي عشان ترتاح اذا ما ودك تاكل ورجع بعد نظرته عني وقال : جود روحي وخليني لحالي طالعته برجا : بس احمد قال لي بإصرار : جود شوي وجاي خلاص طالعته وابتسمت له وطلعت وشفت عمي فهد وخالتي وعلي بالصاله قاعدين ام علي : ها يا يمه شلوونه رجلك طالعتها : ما ادري يا خالتي ما ادري ابو علي : فتره وتعدي يا بنتي الا شخبار طيف ام علي : الله يكون بعونها اخذها محمد يوديها المستشفى لانها تتألم من الظهر ومو راضيه ترجع للمستشفى واخذها محمد بالغصب علي : الله يعين رحت المطبخ واخذت اكل ورقيته للغرفه وجهزت لاحمد ملابس وكانت الساعه 12 وظليت انتظره وما جاني نوم وهو بحالته هذي ولما صارت الساعه 2 دخل الغرفه واول ماشفته قمت له واخذت منه شماغه وقلت له : حبيبي جهزت لك ملابسك عشان تاخذ لك شور وتاكل العشا و تنام طالعني احمد : مشكوره بس بدخل اخذ لي شور بس لا تجهزين اكل مو مشتهي شي طالعته برجا : احمد حبيبي لازم تاكل من امس ما اكلت شي احمد : جود خليني على راحتي ومرت ايام العزا متعبه للكل والكل لاحظ نفسية احمد اللي ابدا ما تغيرت لدرجة ان طيف هدت شوي وهو على حالته ساكت طوول الوقت جتني طيف وقالت لي : جود خذي بالك على احمد انا اليوم بروح لبيتي رديت : ان شاء الله يا طيف وربي ان حالته لا عاجبتني ولا عاجبه الكل بس الله يعين ويعدي هالايام على خير نوف وريما و منار اللي جو وقفو معنا طيف : الله يعديها ويرجع اخوي لحالته مثل اول نوف : كلها فتره وبيرجع كل شي زي ما كان الدنيا تمشي وكلنا للهطريق الله يعيننا عليه منار : طيف بتروحين اليوم لبيتك مو لو تقعدين الى نهاية الاسبوع افضل طيف : ودي بس مو معقوله بترك محمد لان حاسته محتاجني مع انه قال خلك هنا انا قلت : ارجعي لبيتك لان قعدتك ما بتقدم ولا تأخر شي ريما : صادقه جود يا طيف انت ارجعي وخلي الباقي على رب العالمين والامور كلها بتتيسر طيف وهي تلبس عبايتها : يالله اشووفكم على خير وجود مثل ما وصيتك واي شي تبغينه او تبين تسألين عنه لا يردك الا التلفون طالعتها وانا مبتسمه : ربي يحفظك وانت انتبهي على نفسك تراك توك طالعه من تعب وبعد ما راح الكل انا دخلت المطبخ اخذ كوب عصير لاحمد ولما طلعت حصلت احمد توه داخل الصاله وقعد على الكنب ورمى شماغه جنبه وقربت منه وعطيته العصير وقلت له : شخبارك حبيبي طالعني : الحمد لله وعطيته الكوب واخذه مني وبغيت اطير من الفرحه لان كنت يائسه ياكل لان طول الايام اللي راحت كان رافض ياكل أو يشرب أي شي وقلت له : بالعافيه على قلبك شرايك اسوي لك عشا خفيف احمد : لا جود مو مشتهي شي ومر شهرين واحمد على نفس حالته حتى الدوام ما كان يداوم ساكت طول الوقت حتى انه ما عاد يهتم فيني كأني لا شي او شخص مو موجود بالبيت وكان علي دايم يحاول انه يطلعه من مزاجه بس احمد نفس ما هو ما تغير حتى ان جمعة العايله ما صار يحضرها وانا ما كنت اطلع كنت احاول اكون معه على طول وكانو عماني يزورنا في البيت ويوم اتصلت خالتي علي تقول انهم بيجتمعون كلهم عندنا في البيت انا فرحت قلت يمكن اللمه تونس احمد ورحت اقوله وانا مبتسمه وقربت منه ومسكت يده وهو كان يطالعني بنظره تختلف كل الاختلاف عن نظراته لي اول ما تزوجنا وهذا الشي دايم كان يتعبني ويكدر خاطري بس كنت اقول الوقت بيغيره وطالعني وقال : شبغيتي جود قلت له وانا ابتسامتي للحين على وجهي : احمد اتصلت خالتي تقول انهم بيجتمعون عندنا كلهم يوم الاربعاء تنهد احمد : الله يحيهم رده كان سلبي كالعاده كانت ردوده لي كله مختصره وانا ما ادري كيف ارجعه احمد الاول اللي كانت سوالفه ما تنتهي وضحكاته الحلوه اللي الكل انحرم منها وكلامه لي اللي مره اشتقت له ونظرة الحب والحنان اللي كانت تفيض من عينه لي كلها اختفت وطالعته واختفت ابتاسمتي عن وجهي : احمد لين متى بتظل كذا طالعني : اظل على ايش طالعته والدموع ملت عيوني : احمد حبيبي اشتقنا لك اشتقنا لاحمد الاول الى متى بتظل ساكت احمد انت انسان مؤمن ولا تظن ان عمتي بترجع بأسلوبك هذا احمد انت تخسر الحين كل شي بحياتك عمرك صحتك اهلك شغلك كل شي انت تخسره وكل هذا ما يفيدك ونزلت دموعي اللي كنت احاول انها ما تنزل طالعني وقال : احمد الاول هو احمد الحين ما قدرت اتحمل بروده بالكلام وطلعت بالصاله وقعدت صيح بقلة حيله الى متى بنظل على الحال هذا ومن بكرا كنت قايمه بدري ولما قمت التفت حصلت احمد نايم فطلعت بصوت هادي عشان ما ازعجه ورحت المطبخ وجهزت كل الاشياء اللي بسويها وشوي الا اسمع نغمة جوالي ورحت حصلتها نوف نوف : صبــاح الورد لاحلا جوود رديت عليها : صباح الفل لاحلا نووفااا ههههههه نوف : هي انت لا تقلديني ترا بعلم سعود انا هنا قعدت اضحك : ههههههههههههه والله وبدينا نهدد يا نوف يالله ربي يسعدكم نوف تضحك : أي شخصيه بعلي المصون الا اقول خلينا منه الحين ترا انا ومنووو نبي نجيك الحين عشان نساعدك رديت عليها : نوفااا يا قلبي ما يحتاج في الشغاله لا تتعبون انفسكم نوف : اوووووص ولا كلمه جاييينك جايينك الله لا يعوق بشر منها نتساعد ومنها نقعد نسوولف ونخلص الشغل بسرعه رديت عليها وعرفت انها مصره على رايها : خلاص انتظركم يالله نوف : خلاص انا اصلا جاهزه بس بكلم منوو وبنجيكـ اووكيشن رديت عليها : هههههه اوكيشن طال عمركييشن نوف : هههههههههههههه تعجبنيييشن يالله باااايوو سكرت من نوف وانا اضحك ورحت للغرفه حصلت احمد توه طالع من الحمام ماخذ له شوور ابتسمت له : صباااح الخير حبيبي احمد : صباح النور طالعته وقربت منه ومسكت يده : نعيما الله يزيل عنك كل اذى احمد : الله ينعم عليك وطالعته ابي كلمه زياده ابي يخلي رده يكون افضل من كذا بس شكل الامل مقطوع من هالناحيه تنهدت ولما تنهدت عقد حواجبه بس ما علق وانا تذكرت ان البنات بيجون : حبيبي نوف ومنار بيجوني الحين احمد : الله يحيهم انا بطلع اجل بروح اشوف الشغل شصار عليه انا طررررت من الفرح يوم قال انه بيشوف الشغل يعني بيرجع : ربي يسهلك حبيبي كل امر وييسر طريقك وينولك اللي بخاطرك ولا يحرمني منك طالعني واخذ شماغه وطلع بس كنت مستااانسه مرره للهتغير و نزلت سويت لاحمد فطور واكل شوي وطلع وبعدها جو البنات واول ما دخلت منار : يااااااااااللله متى جو الريااض بيكون بارد نوف : هههههههههه احلمي هذي من سابع المستحيلات ضحكت على شكل منار اللي وجهها قالب احمر من حرارة الشمس : هههههههههههه منوو اللي يشوف وجهك يقول هذي تمشي بالشارع مو راكبه سياره والمكيف عليها منار : يا اختي شسوي اصلا انا ادري اني بشتري لم تخلق لتكوون هنا يا عزيزاتي نوف طالعتها بطرف عين : اذن اين يا ايتها الفتاة الحمقاء انا مت ضحك تذكرت هلا وغلا : ههههههههههههههههههههههههههه وين هلوو وغلوو يكملونها نوف : بلا جد حنا وين وهذي وين قال لم تخلق قال منار فاطسه ضحك على نوف : ههههههههههههه ادري انك غيرانه مني نوف : على وشوو اغار هااا عاد انا قلت : بنوتات لو بتركم الى بكرا بتظلون على حالكم تعالو المطبخ معي خليني اوريكم وش بسوي نوف : ههههههههههههههه أي يا سنعه منار :ههههههههههههه عروووس لازم تصير سنعه قعدت اطالع منار : عاد انت اخر من يتكلم حالا حالا تقولين لي وش صاير بينك انت ونواف نوف : يا اختي اسمعي السالفه وبعدها بترتكبين فيها جريمه منار وتغيرت نبرة صوتها : اففففف هذا وقته رديت بإصرار : أي هذا وقته ولما دخلنا المطبخ جلسنا ع الطاوله وقالت نوف : يالله يا منوو قوولي لها سبب زعلك من نواف منو : امممممممم طالعتها وحسيتها مو قادره تتكلم بس كان لازم اعرف لانها ساعات ما تعرف تتصرف : يالله قولي منوو منار : انا ما عندي استعداد ارتبط مع شخص ما يصونني مثل ما اصونه طول عمري وانا اتمنى شخص يحفظني مثل ما احفظه نوف كانت ساكته انا قلت : طيب كيف ما يصونك يا منوو منار : نواف ما حفظني مثل ما حفظته قلت لها وانا مستغربه منها لان نواف معروفه اخلاقه : طيب وش اللي اثبت لك انها ما صانك زي ما قلتي منار ودموعها مجتمعه بعيونها : بقولكم السالفه .. كنت نايمه ذاك اليوم واسمع جوالي يرن و الرقم كان غريب رديت وكان الصوت صوت بنت وفي صوتها دلع ماصخ قرفني وقالت : صباح الخيرات انا استغربت من الصوت لاني ما عرفته : صباح النور من معي البنت بدلع وقالت لي : ممكن اكلم مناااار سألتها مين : من تبيها؟؟ البنت : انا ولو سمحتي عطيني هي بسرعه انا مستعجله انا عصبت من اسلوبها الماصخ : اخلصي انا منار وش تبين ومن انتي!!! البنت : واااااو منار شخصيا معي ما اصدق ..قعدت تضحك بدلع .. انا فاعله خير وابي اقول لك شي انا فقدت اعصابي لاني من جد كنت قرفانه منها ومن صوتها ولانها نكدت علي نومتي : فاعله خير على ايش ؟!اقوول شكلك غلطانه البنت : لا مو انتي منار الـ..... وخطيبيك نواف انا هنا ولعت منها لاني استغربت كيف تعرف نواف : ممكن اعرف انت مين و وش السالفه قبل اسكر الخط البنت : no please manar ...don’t be angry وانا قرفت من اسلووبها بقوووه : اصلا بسكر الخط البنت: ههههههه لا انتظري وانا بفهم انتي ليش معصبه اجل لو اقول وش كنت ابي بتطلعين تذبحيني انا بديت اتوتر من طريقتها لاني مو عارفه وش تبي هي بالضبط : بسرعه وش السالفه البنت : والله ما دري شقووول بس انا فاعله خير وبدون اسماء وانا اكتشفت ان زوجك يكلم وحده من البنات اللي اعرفهم ونصيحه مني خذي بالك عليه لانها ممكن تشيلك من راسه بجمالها ورقتها ونعومتها وطبعا في غيرها مو بس هي انا من الصدمه ما قلت شي على كلامها البنت : واذا مو مصدقتني لك هذا الاثبات بس انا قلت تلحقين على خطيبك ودليلي هو اني قدرت اجيب رقمه من كذا بنت وكان نفس الرقم اللي هو ؟؟؟؟؟؟0555 ..... مو هذا هو رقم خطيبك المصوون سألتها مره ثانيه هي مين وما جاوبتني .. وش تبين اكثر من كذا يا جود تتوقعين سهل علي اللي امر فيه الحين وطالعت نوف اللي الكلام ابد مو عاجبها بس علقت وهذا الي ما توقعته : منوو انا بتكلم بس لا تظنيني ادافع عن نواف نواف الكل يعرف اخلاقه و احترامه للكل وما قد شاف عليه أي احد غلطه لان اخلاقياته ترفعه عن كذا وانت مو كل من اتصل عليك تصديقنه يعني لو انا مثلا مكان اللي اتصلت عليك اقدر اخذ الرقم من أي احد واقول انه مع بنات يعني انت لا تضيعين مستقبلك على اثبات ضعيف انا ما كنت حابه اتكلم بس انت و نواف تهموني حرام يروح كل اللي بينكم بسهوله والا شرايك جود انا طالعت نوف بنظرة تأيد وقلت : ما بعد كلامك شي اقوله يا نوف فكري بعقلك يا منو لا تضيعين نواف منك بسهوله لا تخلين احد يضحك عليك وانت فاهمه قصدي مضبوط هنا منار كشرت : هيام انا ونوف استغربنا وش جاب هيام لسالفتنا : هيام شدخلها منار : أي هيام وربي انها ممكن تسويها نوف : لا تحطين شي بذمتك منوو قلت : صادقه نوف منوو انت الحين رووحي واستهدي بالله وخوذي جوالك وروحي كلمي نواف هالمسكين اللي تاركته بسبب مجهول بالنسبه له منار ونظرات التردد على عيونها نوف : خلك واثقه بنواف منوو انا قلت : يالله منوو بلا تغلي رووحي كلمي نواف منار ودموعها على خدها : مالي وجه اكلمه بعد اللي قلت له انا طالعت بإستغراب : وش قلتي له نوف ضحكت : هههههههههههه قوولي وش ما قالت الرجال جاني منهبل بعد ما كلمته ذاك اليوم منار : نوووف لا تضحكين يا الدووبا انا ما قدرت امسك نفسي وضحكت : ههههههههههههههههههههههههههه منار يرحم امك روحي كلمي نواف احسن لك يالله قوومي بلا دلع وقامت منار وهي متردده مررررره منار .. يا ربي وش هالاحراج كيف بكلمه الحين وانا غبيه ليش ما فكرت شوي وطلعت رقم نواف وقعدت شوي اطالعه ولما اخيرا حسيت اني قادره اكلمه ضغطت ع الاتصال نواف : الوو منار : مرحبا نواف سكت شوي وبعد تنهيده تكلم : منار لا تحاولين لو تنقلب الدنيا فوق تحت طلاق ما راح اطلق شيلي هالفكره من راسك انا قلت لك كلمتي وما راح اغيرها منار : نواف انا ... نواف : انت ايش يا منار من جد انا تعبت مو قادر افهمك منار والدمعه نزلت من خدها وهي تحس صوت نواف كئيب : نواف انا اسف وربي ما كان ..... وصووتها انقطع من الصياح ونواف كان مو مصدق اللي يسمعه كان متوقع انها بتطلب منه يطلقها زي كل مره يتصل فيها عليها نواف : منار حبيبتي لا تتأسفين كافي يا الغلا ما ابي دمووع حبيبتي تنزل منار قعدت شوي لين هدت وكان نواف يواسيها بحنان نواف : منوو منار : سم نواف : سم الله عدوك بغيت اكلم عمي بقوله باخذك نتغدا منار : انا مو في البيت انا ونوف عند جود نواف : اهاا أي شلونها وشخبار احمد منار : والله شكله ما في أي تغير والدليل ان جود ما حبت تتكلم ابد نواف : الله يعين اهم شي حبي بتصل على عمي بقوله بمر اخذك من بيت احمد اووكي منار وهي مستحيه : اللي يريحك نواف : يا بعد قلبي ورووحي انت يالله بكلم عمي و ارجع اتصل عليك منار : خلاص نواف : بس منار استغربت : بس ايش نواف : مع السلامه حبيبي لا تطول لاني بشتاق لك ما تعرفينهم منار ضحكت بس حبت تغايضه : ههههههههه الا اعرفهم بس مو قايله نواف حس ان مزاجها صار افضل من قبل : منوووو لا تتحدييني لا اجي الحين واعلمك صدق كيف تقووولينهم منار : ههههههه لا خلاص يالله ربي يحفظك نواف : وياك قلبي ويا ويلك لو عدتيها مفهوم كنت اكلم نوف : تتوقعين منو شصار عليها نوف : والله يا جود هالبنت ما ادري وش فيها ونسمع صوت منوو تغني : نسيني الدنيا نسيني العالم دووبني حبيبي وسبني أؤلك احلا كلام .. لو الف الدنيا لو الف العالم مش ممكن زي غرامك انت الآي غرام انا نووف متنا ضحك : ههههههههههههههههههههههههههههههه منوو هذي اللي تو رايحه والدمووع وراجعة تغني وين راغب عنك بس نوف : ههههههههههههههههههههه اتركيها قالت انا خلاص عفته قال والله يا نواف طلعت خطييير ولك تأثييييرك ههههههههههه منار مسويه معصبه : هييييييي انت لا تقولين عن حبيبي كذا انا كنت اضحك التفتت علي منار : وانت هيي لا تضحكين تراني ما قلت نكته وتراني بطلع بعد شوي نوف : على وين ان شاء الله مو طالعين الا بالليل منار وهي مستحيه : لا بطلع مع نواف انا ونوف رجعنا نضحك وقعدنا شوي نعلق على منوو اللي مكالمه وحده قلبت كيانها وطلعت مع نواف وظليت انا ونوف وقعدنا نشتغل وسوينا الحلا والسلطات ولما خلصنا طلعنا قعدنا بالصاله نوف : جود كيف احمد الى الحين على حاله انا من جابت سيرة احمد خانتني دمعتي : ما ادري الى متى يا نوف ما ادري تعبت من هالوضع المتعب نوف : طيب انت حاولتي معه تنهدت : وربي ما ادري وش اسوي احمد مو احمد اللي اعررفه فررق كبير بينهم وصراحه ما الومه هذي امه وعمتي االلي ما شفت منها الا كل خير الله يرحمها بس ما ودي يظل احمد كذا نوف : طيب علي قرييب منه مررره رديت : حتى علي المسكين مرره تعب معاه نووفا داريه انه من ماتت عمتي الجوهره دمعه منه ما نزلت حتى كلام ما تكلم عن وفاتها يا خوووفي يكون ضاغط على نفسه طوول هالفتره ويجيه شي بعقله نوف : لا ان شاء الله تفائلي خير وانت حاولي ولا تملين انت عارفه ان احمد يحبك وشاريك بس هالفتره مو بيده اللي يصير معه دمعت عيوني : وربي عارفه بس انا ما يهون علي اشووفه كذا ولا اسوي له شي حتى انه مو راضي يتكلم مو راضي يسوي أي شي نوف : هونيها وتهوون وزي ما قلت لك كلها فتررره رديت وانا مبتسمه : بس عاارفه اليووم راح الدوام مرره فرحني لما قال لي انه بيداوم نوف وهي مبسوطه من كلامي : طيب حلوووو هذا بحد ذاته تقدم اليوم بدا يشتغل بكرا بيرجع احمد المزووحي اللي يملا المكان بسوالفه طالعتها وانا متشوووقه لهاليووم : الله يسمع منك وعلى المغرب جهزنا اغلب الاشياء ما باقي الا الاطباق الرئيسيه اللي كلمتني خالتي وقالت انها هي بتجيبها معها ولما رجع احمد تغدا ونام على طول ونوف راحت على اذان المغرب عشان تلبس وبتجي مع عمي ونواف ولما تأكدت ان كل شي صار اووكي رقيت فوق وشفت احمد للحين نايم قربت منه وكنت اتمنى اشووفه يقووم ويضحك لي زي اول قعدت شوي اطالعه بعدها رحت اخذ شور لي وطلعت ولبست فستان يوصل لتحت الركبه بشوي وكان لونه زيتي بتطريز خفيف وردي واستشورت شعري و حطيت مييك اب خفييف مره ولما خلصت نزلت اشوف الشغاله وش مسويه و بخرت البيت واخذت معاي بخور عشان ابخر احمد ولما رقيت حصلت احمد قام من النوم وكان لابس ثوبه واول ما التفت قعدت يطالعني شووي وانا استحيت منه وبنفس الوقت فرحت اني لفتت انتباهه يعني خف برووده شوي وتوقعت اسمع منه كلمه بس خيب املي احمد وكان يطالعني : جا احد ابتسمت له : لا يا الغالي ما احد جا للحين بس قبل شوي كلمني علي يقول انه بيجي قبل عمي فهد وخالتي احمد : اهااا قربت منه ومعي البخور : خلني ابخرك حبيبي وبخرته ولما نزلنا سوا وطبعا كان ساكت جا علي وقعدنا بالصاله علي كان يضحك ويحاول يطلع احمد من مزاجه علي : اييييييي يا احمد من قدك هالحلا كله عندك انا طالعت علي وضحكت احمد : احد ماسكك تزوج علي يطالعه بطرف عين : اعصااابك شوي ويطق فيك عرق مب وجه نعمه يا اخي احمد : احلف انت بس علي : وقسم باللي خلقني انك صاير ماصخ بالله جودي كيف متحملته انا هنا استحيت ما ادري وش ارد علي : شفت حتى جوودي مستحيه تقول انك مللتها طالعت علي : عليييييي علي : ههههههههههه يا عيون علي احمد كان يطالع وساكت قلت له : خلاص علي خل احمد على راحته علي : الله يعقل هالاحمد اللي شايل الدنيا على راسه ونص ساعه الا الكل مجمتع كان الجو حلو وضحك ومرررره اشتقت لهالمه وتمنيت من كل خاطري انها تغير بأحمد شي واللي بسطني اكثر ام سعوود جت هلا : ايييييييي يا شوووشوو في ناس مستحين ومصلبين شوق : ههههههههههههه الله يكون بعوونهم بس ما قلتي لي مين غلا : الناس اللي هناك وكانو يقصدوون نوف اللي وجهها احمر من كلامهم منار : هههههههههههههههههههههههه بعذرها والله اهل حبيب القلب عندنا لازم الحيا غلا : هيييي انت يعني انت ما تستحين من عمي عادل منار : لا طالعت منوو : عيني بعييينك منووو منار استحت ونوف ماتت ضحك : ههههههههههههههههههههه أي مسوين جريئين وهم من جنبها هههههههههههههه شوق نطت هنا وهي معصبه : ايييييييي نووفا اخوك السخيف قوولي له يبعد عني لا استاثم فيه نوف : نايف شوق : وفي عله بحياتي غيره غلا : ههههههههههههههههههه شووق وربي انك تحفه قسم بالله تضحكيني لما تقولين هكر جهاااااازك هلا : هههههههههههههههههههههه شوق وهي منقهررررره موت من نايف : لا تضحكوون ترا فيني شياطين الدنيا اي نوووفا قوووولي له تقولك شووق لو ما تعدلت يا وييلك مني قلت لها : شوشو طيب انت وش مسويه له شوق : وربي ما سويت شي بس هو هوايه عنده التنكيد 4 مرات يهكر جهازي ومن قلة حياه يتصل على جوالي يقوول لي والا يرسل لي مسج وربي اني ودي اقتله نوف : هههههههههههههه يا اختي اخووي ما ادري وش به صاير مفترررس هلا : هههههههههههههههه لا واللي يعافيك حديقة حيوانات حنا الا صاير اكشن عارف يلووووي شووق يالذراع اللي تعورها هع هع شوق وترمي المخده على هلا : انطمي يا الدووبا منار : اعصااابك شوشو شوق : انا اليووم بعلمه الادب عشان مره ثانيه يعرف كيف يطاالع لفوق كلنا طارت عيونا لشوق اللي كانت تتكلم بجد لانها اذا نوت شي بتسويه لو تعرف تخسر كل شي بحياتها انا حاولت اعرف وس بتسوي : شوشو ترى ما تسوى تعصبين عشانه شوق اخلاقها واصله H : لا تسوى ونص هنا دخلت ريما علينا : سلااااااااااااااا.... وقعدت تطالع شوووق وتناظرنا بعيونها تسأل وش صاير هلا : هلا هلا هلا برييييما زييييينة البنات ابد طال عمرك ما صار شي مجرد سوووء تفاهم مع السيد نايف بن عادل ريما ضحكت وراحت باست شووق : يؤ يؤ الحلووه زعلانه ما تسوى ترى هنا نظت غلا وقعدت تغني اغنيه من عهد نوح : هيلااا يا رمانه الحلوه زعلانه مييين يراضيييها انا ارااضيها عاااااااشو كوووولووووليييييييييش وهلا بدت تطق وشوق ضحكت ع الوضع وكلمنا الجلسه طق ورقص ونست شوق السالفه بعدين انا نقزت : اييييييييي حسبي الله على بلييسكم نسيت لا اروح اشيييك ع المطبخ ومن زين شغلنا تاركين عمتي وحريم عماني لحالهم الله من زين الدبره عندي منار : ههههههههههههههههه يا شيخه تلقين امي والباقين دبروو الموضوع طالعتها : اووووص بروح انا واذا بتجون حياكم والا اقول انطقوو هنا منعا للازعاج ريما : لاااا انا بجي معك مالي دخل فيهم طالعتها : يالله طيب تعالي ومريت ع المجلس وقعدت مع حريم عماني وسلمت على ام سعود ولما اخذنا الاخبار رحنا المطبخ ريما : جوجو وين السفره بتكون رديت عليها : بالمقلط لان الحريم بنحط اكلهم برا بالحدييقه الجو حلو اما الرجال جوا ريما : خلاص اجل واخذت ريما السفره وراحت وحده من الشغالات معها ورن جوال ريما اخذته ووديته لها ريما : يوو سعود شعنده داق الحين انا ضحكت : ليييت نوفااا هنا عشان نشوووف الوان الطيف على وجهها ريما : هههههههههههههه اسكتي سعود موب صاحي هاليومين ضحكت وسألتها ليه ريما : مشتب يبي يعرررس وامي قايله له انتظر ليييين كل شي يرجع طبيعي واحمد نفسيته تزين ونسووي الزواج قبله لا تفكر انا تضايقت لان احمد يأست من حالته ترجع زي قبل : ريما لا لا تطيعين امك حاولي معها واقنعيها خلاص الله يرحم عمتي بس مو معقوله تتوقف الدنيا واحمد ماحد يدري متى بيرجع زي اول ريما : يا شيخه يصبر شوراه خليه ينتظر طالعتها : بروح اشوف المدخل والمغاسل بشيك عليهم قبل ما اكلم احمد ولما رحت كانت المغاسل مرتبه وويوم جيت اطلع اتفاجئ بعلي طالع لي علي : هههههههههههههههه تعالي انا علي انا من الروعه صنمت : يا الدوووووب خوفتني علي : هههههههههههه احسن بعد وش جايبك هنا رديت علي : جايه اشووف المغاسل لان العشا حطيناه علي : ههههههههههههه وجهك لوونه رايح تنهدت وطالعته : كيف احمد يسوولف والا ساكت علي : اسكتي قسم بالله يبغاله تأديب نسحب الكلام منه تسحيب رديت عليه : لا تلومه يا علي علي : وش الومه بس هو رجال وين احمد اللي ما كان يطيع ويخلي زملاءه الا وهو مخلينهم مؤمنين ان هذا قدر اللي يشوفه الحين يقول هذا يبي يموت نفسه حبيت اغير الموضوع : علي يالله قلهم العشاء جاهز علي : طيب يالله روحي وحطينا العشاء للرجال وانتهينا من عشا الحريم والكل راح بعدها الا علي اللي كالعاده قعد شوي معي انا واحمد علي : احمد شرايك تخاويني بروح الامارات يومين بخلص شغل لبوي وبرجع احمد : لا ما اظن عندي شغل علي : شغلك اللي وقفه طول هالفتره بيوقفه يومين احمد : يا اخي قلت لك لا مووب رايح علي عصب وطالعني : جود انا طالع تامريني بشي طالعته : لا سلامتك ورحت اوصله لعند الباب وقلت له : علي لا تزعل منه علي : انا ما زعلت منه بس هو اللي ينرفزني شوي حتى عماني اليوم مرره متضايقين من حاله طالعته وهو يطلع لاني ما كان عندي شي ارد عليه ولما رجعت حصلت احمد معه ملفات وقاعد يشتغل انا رقيت فوق واخذت لي شور وبدلت ملابسي وتكحلت وحطيت قلووس ونزلت واحمد على حاله كان قاعد ع الملفات رحت سويت له كوب شاهي و لما دخلت عليه رفع راسه وعطيته الكوب احمد طالعني وتنهد : مشكوره ابتسمت له : العفوو .. طالعت الملفات الكثيره وقلت : احمد شرايك اساعدك رد بدون لا يرفع راسه : لا مشكوره مو محتاج ولو تبغين روحي نامي لاني مطول حسيت انه مو راغب بوجودي قمت وانا دمعتي بتنزل ومر الاسبوع و شهر وشهرين وحال احمد نفس ما هو بس الجديد ان تمت خطبة ريما وعلي وملكوو وتحدد زواجهم بعد شهر ومنار ونواف تزجو وهم مسافرين شهر العسل و نوف وسعود برضو ملكو وزواجهم بعد زواج علي وريما كل الامور كانت حلوه وتونس الا شي واحد كان مكدرني وهو ان خالتي بدت تسألني عن الحمل وهذا الشي اللي ما كنت حاسبه له حساب واحمد مره ما يتكلم وصار كأنه مو مع الدنيا ويوم كان طالع للدوام وقال انه بيتأخر وانا ما ادري وش اسوي من الفراغ حتى الجامعه اعتذرت الترم ثاني وكنت اتأمل ان وجودي بالبيت بيغير احمد لكن للاسف ما في أي تغير واتصل علي وقال انه معه ريما وانهم بيمرون علي انا طرت من الوناسه رحت بدلت ملابسي ونزلت زينت القهوه وكنت مسويه حلا لاحمد بس ما جاء فحطيته لهم ويوم فتحت لهم الباب : حيالله المعااااريس علي و ريما : الله يحيييييييك ويبيقيك طالعتهم وابتسمت : تو ما نور البيت ريما : يا حركات يا جوود سنعه علي : ههههههههه اي من زمان وجود سنعه تعلمي منها ريما استحت وانا ضحكت : هههههههههههه علي من الحين خلوونا نتفق ممنوع شغل الاحراجات خلني استانس بجيتكم علي يضحك : ههههههههههه تامرين امر طال عمرك واول ما قهويتهم واكلو الحلا رحت اجيب الشاهي ويوم رجعت كانو يطالعون بعض ويطالعوني وحسيت ان براسهم شي يقولونه : شفيكم تطالعووني كذا ترى شكيييت بروحي ريما : ابد ما في شي علي : الا في اصلا احنا جايينك نبي نكلمك بموضوع ولازم توافقين عليه انا مستغربه : طيب بأيش تبغاني اوافق ريما تطالع علي : امممممم جود انت مو عاجبك وضع احمد ولا عاجب الكل و لو تبغين تساعدينه سوي اللي يقوله لك علي كنت اطالع علي انتظره يعلق علي : شووفي جود اللي ابي اقولك عليه هو شي واحد انا ابي اخذك كم يوم بدون لا يدري احمد انا هنا صنمت ومن كلام علي كيف يبغاني اترك احمد بدون لا اقوله ريما : جوودي يمكن بالطريقه يرجع زي ما كان اول طالعتهم : بس انا ما ابي اترك احمد علي : يا الغاليه انا ما قلت اتركيييه بس مو معقوووله انه مطنشك للدرجه هذي لا تقولين انه مو مقصر معاك بشي ادري ماديا ايه غيره لا ما اشووف صراحه وعشان كذا اسمعي كلامي وتعالي كم يوم بحيث انه ما يدري انت وين ريما : لا تخافين خالي فهد يدري بالموضوع يعني ما دام عمك داري انت اسمعي الكلام حتى انه ايد الفكره كنت ساكته افكر بكلامهم مع اني حاسه انه ما بيتغير شي علي : ها جوودي شرايك انت وافقي وبتشوفين اذا تغير او ان نشوف لك حل ثاني لان مو معقوله بتظلين على وضعك هذا لا انت اللي متزوجه ولا انت اللي مطلقه انا هنا خفت لاني ما ابغى انفصل من احمد : بس انا ما ابغى اطلق مستعده اعيش طول عمري كذا بس اهم شي ما انفصل عن احمد ريما : جود يا قلبي مو معقوله بتظلين عايشه مع شخص مو حاس بوجودك علي : اسمعي كلامي يا جود ونشوف اخرتها رديت بقلة حيله : طيب وش اسوي علي : اسمعيني باخذك وبحجز لك بفندق ابغاك تقعدين اسبوع واحد هناك بشرط انك تقفلين جوالك لانا بنووهم احمد انا ما ندري انت وين وطبعا ابوي داري فلا تشيلين هم عماني لانا بنحاول نخفي الموضوع عن الكل وبنشوف اذا صحى من حالته هذي او لا طالعته وحسيت الفكره مو داخله مخي : علي ترانا مو فلم عشان اختفي والبطل يدور علي فكر فيها علي علي يضحك : هههههههه شدراك يمكن هالفلم يصحي اخوونا بالله اللي راااافع ضغطي بتطنييشه ريما : جوودي وافقي تراها تجربه يا تصييب يا تخيب رديت وانا مررره مو مقتنعه : طيب واذا خابت شلون بيصير لي وجه ارجع له مو شغل بزران المسأله علي : عندي امل انها بتغيره بس انت اجزمي وبكرا باخذك اذا راح احمد الدوام بس انتبهي لا يحس فيك مع اني داري انه مطنش رديت عليه : طيب علي خليني افكر شوي علي : لا انا الحين اقول لا تراني مأجل سفرتي كله عشانك انت واحمد وببدا من السنه الجديده لا تخليني اندم اني ضيعت على نفسي وقت كلام علي ما خلا لي مجال اني ارفض : خلاص شورك وهداية الله ريما ضمتني بفرح : حبيييبتي جوودي ولا تخافين بقول لامي بمر عليك كل يوم ولو حدت بنام معاك علي وهو يضحك : احم احم تراني ناوي انام هناك هنا وجه ريما انقلب احمر وانا ضحكت : ههههههههههههههههههههه علي قلبت كيان البنت علي : ههههههه شسوي قلت اعطيها خبر مو لما تشووفني هناك تنهبل ريما : علييييي خلاص علي يضحك : ههههههههه خلاص خلاص كم ريما عندي الا صح جووودي ما دريتي فيصل بيسافر يكمل ماجستير..التفت على ريما .. اخوك حاس انه متأثر بسالفة احمد و شكله موووب جايز لي ابدا ريما وملامحها تغيرت وما ندري وش السبب : والله ما ادري بس هو من زمان خاطره يكمل برا علي : يالله ربي يسهل عليه بس مافي رووحه قبل لا يحضر زواجنا الا صح ليش ما تزوجونه قبل ما يسافر ريما : ورينا همتك واقنعه راسه يابس انا قلت : طيب ليش ما تسألونه يمكن في بنت بباله ريما بقووه تغيريت ملامحها : هو كان في بس هي تزووجت فعشان كذا حالته حاله انا حزنت علييه مررره : يالله الله يعوووضه باللي احسن منها علي : امين يا رب اقول على وعدنا بكرا بعد ما يطلع احمد للدوام بتصل عليك تجهزين نفسك بمر باخذك طيب طالعته ورديت : ان شاء الله علي : يالله ريما تأخرنا الله يعين على اخوووك هالعله ريما ضحكت :ههههههههههه اسكت لا يسمعك انا وجههي علامة استفهام طالعني علي ورد : يا اختي منرررفزني ناااشب لي شكل هذي حوووبة احمد فيني وطلعو علي وريما وحسيييتهم مره متفاهمين وفرحت لهم من قلبي الله يديم عليهم و ع الساعه 9 جا احمد ولما قلت له اسوي لك عشا ما رضا وراح وقعد بالصاله ومعه ملفاته كالعاده وطوول الوقت كنت اطالعه لاني بشتاااق له صح انه ما كان يتكلم بس وجوده يخليني بعالم ثاني كله احمد وبس ومن بكرا بعد ما راح احمد اتصل علي مع اني كنت برفض بس ما عطاني مجال جهزت شنطتي ونزلت وانا كنت اطالع كل شي بالبيت ويوم جيت اطلع شفت صوره لاحمد ببرواز اخذتها لاني حااسه اني بنحرم من شي غالي علي ويوم طلعت اخذ مني الشنطه وشاف البرواز علي : يا الله يا جوودي وشوووله اخذه صوورته وربي انه ما يستاهل انا ما احب احد يتكلم على احمد : علييي ترى ما ارضى لا تقووول شي علي : اسفييييين طال عمرك كذا حلو طالعته وابتسمت : اي حلو علي : طيب تفضلي اركبي وركبت ولما وصلنا الفندق حصلت عمي فهد ينتظرنا هناك والتفت علي وقال : هو اللي قال بيجي يطمن عليك انا حسيت كل اللي يصييير ماله داعي بس علي راكب راسه ويوم دخلنا الجناح وقعدنا عمي فهد : ادري انك مو راضيه بالموضوع بس لا تخافين مو مخلينك لحالك ابد وبنظل معاك لان احمد يبغاله صدمه جديده عشان يرجع زي اول علي : علمها يا بووووي ذبحتني مرررره طالعتهم : طيب كم بقعد هنا عمي فهد : لييين نشوووف الوضع كيف وطووووول ما الوقت يمشي احس بتوتر اكثر من قبل واحس الوقت يمشي شوي شوي عمي فهد راح و علي كان قاعد عندي ويسووولف بس بالي ابد مو معاه جا المغرب احمد ما دق وهذا اللي حز بخاطري يعني معقوله ما اعني له شي وما حس اني مو موجوده في البيت علي : يا بنت الحلال روووقي خلاص ادري مستغربه ليش ما اتصل بس يمكن اتوووقع انك عندنا في البيت طالعته : بس انا عمري ما طلعت بدون لا اقوله مو معقوله ما حس اني مو موجوده ودمعت عيوني وعلي قرب مني علي : افااا وشووله الصياح الحين هذا وحنا اول يوم تنهدت وسكت لاني حتى الكلام ما كنت مشتهيه اني اتكلم وبعد العشاء رن جوال علي وكان المتصل احمد ورد علي عليه علي : هلا والله احمد : هلا بكـ شخبارك علي علي : تمام وانت علوومك غرييبه مو العاده تتصل احمد :ما الغريب الا الشيطان بس بغيت اسألك جود عندكم علي ومسوووي مستغرب : جود احمد : أي جود لانها مو في البيت من رجعت من الدوام ما شفتها علي : احمد من جدك والا تستهبل احمد : علي مو وقت استهبال على ما اظن جود عندكم والا لا علي : لا يالشاطر مو فيه احمد متووتر : يعني ويييين راحت وجوالها مقفل علي مسوي انه خايف : يا الله يا احمد في احد ما يعرف زووجته راحت وين احمد : علي لا تخوووفني زياده مو بالعاده جود تطلع بدون لا تقوول لي علي : لا حول ولا قوة الا بالله اهم شي لا تكلم احد لين اجيك واشووف وش السالفه فاهم احمد : اي بس بسرررعه لا تتأخر علي : خلاص جايك الحين مع السلامه سكر علي الجوال وهو يضحك علي : هههههههههههههههههههههههه رجلك توووووووحفه وهو متووتر انا اطالعه : ما يضحك يا علي علي : لا والله يضحك هالجلييييييد بدا يذوووب بس خليه نترررركه كم يوم لييين يطيح اللي براسه ويرجع لعقله لفيت وجهي لان كلامه موو عاجبني علي : بكلم ريما تجيك الحين وانا برووح لحبيب الالب طالعته برجا : علي هده مو تخليه يفقد اعصااابه علي : ابشرررري يا ماما اوامر ثانيه هزيت براسي بنفي وثلث ساعه وريما جايه عندي لما دخلت علي على طول طلع ريما : جوود خووذي هالعصير رووقي ترى ما يصير كذا شووفي لونك شلوون باهت ما في حياة طالعتها : ريما والله ما يهوون علي انا راضيه بوضعي بس لا تتعبون احمد ريما : يؤ يؤ يا جوود ترى اللي نسويه يمكن يرجعه زي ما كان واحسن ويعني ما تبيييين تعرفين غلاتك عنده رديت عليها : مو بهالاسلوب يا رييما ريما : اسكتي انا امي ما وافقت الا يوم قلت لها السالفه حتى هي تراها ناويه تمر علي تاخذني وبتسلم عليك طالعتها وانا متفشله : يووووو يا رييما فشيله من امك احس اني مالي داعي على هالتصرف ريما : هيييييييي انت اعقلي عاد تصدقين اول شي امي عارضت بس بعدين قالت يمكن صدمه تفك صدمه يا جود رديت عليها : الله يسمع منك وع الساعه 10 جت ام سعود ودخلت ام سعود : هلا والله ببنيتي شخبارك يا جود عساك بخير رديت عليها وانا مبتسمه : بخييير دامك بخيييير يا خالتي ام سعود : الله يديم عليك وعسى ما ازعجتك هالملسوونه ريما طارت عيونها : يمااااااااه حرااااااام عليك انا ملسووووونه انا حبيت اغااايظها : ملسوووونه وبقووه بعد ام سعود : انا ما ادري وين يختفي هاللسان يوم انها تشووف علي انا ضحكت وريما وجهها انقلب : هههههههههههههههه خالتي لازم شغل الحيا ريما : شف من يتكلم بس وشوي ويجي علي ويوم دخل سلم على ام سعود وقعدنا شوي وطلعو واول ما دخل علي علي : بقووووولك داري انك بتسأليني طالعته : طيب يالله تكلم وقلي عسى ما صار فيه شي علي : انا بقووولك بالتفصيل اول ما رحت له كان الرجال مختبص وحالته حاله وسألني اذا كلمتك اليوم او لا وطبعا قلت له لا وانا مسووي مو عارف شي وكنت احسسه بالذنب كل شوي لدرجه اني حسيته بيصيح وكان طوول الوقت يحاول انه يتماسك وتدرين قال يمكن راحت لخالي اللي هو ابوك وانا قلت له لا ما اتوقع وقلت له بعذرها يوم طلعت من بيتك ما دام حضرتك مو مهتم ولا مقدر ولا محسسها انك عايش معها طول الوقت ساكت وما تتكلم وين تبيها تصبر عليك وانت على هالحال اللي متعب الكل وطول الوقت كان متوتر وقال نبلغ الشرطه وانا عارضت وقلت له تبي تفضحنا وظل على حاله صراحه احس ان هالحركه بتجيييب نتيجه يا جود لو تشوفين شكله ما تقولين هذا احمد اللي له كم شهر مطنش الدنيا كنت اشوف بعيوونه خووف الدنيا انا دموعي كانت تنزل : علي حرام من جد حرام اللي نسويه علي : أي حرام يا جود اقتنعي ان كل اللي يصييير من صالحك انت ولنا كلنا ومن صالحه هو نفسه جوودي جد لو تشوفينه تحسين ان قناع التطنيش والصمت اللي كان لابسه راح وانشااااال عنه طالعته وانا ادعي من خاطري ان الموضوه ينتهي على خير : علي بدخل انام تبي شي علي : لا سلامتك وانا بتفرج ع التلفزيوون شوي ومر يومييييين وكان علي طوول الوقت ضاغط على احمد اللي كان يوووصل لي عنه انه منهار مررره علي : جود انا وابوي اليوم بنجي هنا بالفندق وبنخلي احمد يجي هنا خلاص رديت والتعب والتفكير والصياح خلا صوتي يروح : علي خلاص انهي الموضوع انا تعبت منه علي بحنان : خلاص يالغاليه اللي كنا نبغاه حصل واليوم بتشوووفين احمد القديم رجع مررره ثانيه تنهدت وقلت : الله يسمع منك وجا المغرب ودخل احمد وعمي وعلي وقعدو بالصاله وانا كنت اطالعهم من الغرفه ولما شفت احمد حسيت اني لي عهد ما شفته كان خاطري ارتمي بحضنه واقوووله مشتااقه لك حييييييل بس احمد كان ناحف وباين عليه الارهاق والتعب وكنت اسمع نقاشهم احمد : خالي مو معقووله بنظل ساكتين كذا علي : يعني وش براايك نسوي وصراحه انا لو تسوي جود اللي تسويه انا معها لانك من جد انسان لا تطاااااااق يا احمد طوول الفتره اللي راحت احمد ونزلت دمووعه : وربي اني اتمنى المووووت بس ترجع جود عارف اني مقصر معها بس وربي اني احبها وانا ما ادري وش صار فيني طول الفتره اللي راحت خالي الله يخلييييييك لازم جود تررررجع لازم انا ما اقدر اتخيل حياتي بدونها علي خلنا نبلغ يمكن نحصلها او يمكن عند خالي حمد لييش انت مستبعد هالشي عمي فهد : احمد انت رجال وشووله الدمووع الحين اذكر الله احمد : لا اله الا الله عمي فهد : احمد تذكر يوم وافقت لك على جود وش قلت لك احمد بنظرات مو مفهوومه عمي فهد : انا قلت لك حطها بعيوونك واحفظها ورااااعيها مو بعد وفاة امك الله يرحمها ينقلب كل شي انت رجال لازم تصبر وترجع حياتك زي ما كانت لان كل اللي قاعد تسويه تتعب نفسك وتتعبنا معاك وجود اولنا احمد بندم فضيييع : سامحني يا عمي وربي اني مقصر عارف هالشي بس الحين وش نسوي عمي فهد : لو ترجع لك جود ترجع احمد اللي قبل احمد بتحسر : لو ااااااه يا خالي انت بس خلها ترررجع وبعدها بسووي اللي تامر فيه عمي فهد كان يطالع علي علي : توعدني يا احمد احمد مستغرب : اوعدك ؟! علي : انا وابوي بنطلع الحين واذا تبي جود شفها بالغرفه هناك وحالتها مثلك انا اللي قلت لابوي انا ناخذها عنك كم يوم ليت تصحى وترجع لعقلك احمد وهو مو مستووعب شي : يعني جود هنا علي مبتسم : أي هنا ويالله عش حياتك من جديد وارجع احمد الاول اللي الكل مشتاق له عمي فهد : انا طالع الحين جود عندك وزي ما قلنا لك مو عايدين الكلام يا احمد علي : احمد هيييييييي احمد وكأنه تنبه لعلي اللي كان يكلمه : هلا علي : احنا طالعيييين الحين احمد : طيب بسرررررعه ممكن علي طارت عيوونه : حشاااا طرررده اشووف احمد وضحك : أي طرده يالله اخلص بسرررعه علي : ههههههههههههههههههه يا حوووبي لك يا اخي وانت تضحك وضم علي احمد وابتسم له وطلع انا كنت سامعه وشايفه كل اللي صار و شوي الا احمد يطق الباب ويدخل انا كنت منزله راسي لاني ما كان لي وجه اطالعه احمد وقرب مني وقعد على ركبه ومسك يديني احمد : سامحيني يا الغاليه رفعت راسي وشفت النظره اللي لي شهوووور ما شفتها مسك يديني وخلاني اقووم وكان يطالعني بشووق وحب ومررره كنت حاسه اني بحلم احمد : جود يا الغلا سامحيني عارف اني مقصر وكل شي بس سامحيني طالعته بحب : مافي شي اسامحك عليه يا احمد احمد : وكل اللي سويته لك ومو زعلانه رديت عليه بحيا : ما اقدر ازعل علييك يا احمد لاني احـ ـ ـ ـ احمد ابتسم : انت اييييش يا قلب ورووح وعيوون وكل شي بأحمد انا ذبت من كلامه اللي مشتاااقه له حيل احمد وضمني وهمس بإذني احبك يا جود واووعدك اني بعووضك عن الايام اللي فاتت طالعته بحب : حبيبي يكفيني انك معي هذا الشي الوحيد الي ابغاه احمد وباسني على خدي : حبيبتي والله ربي لا يحرمني منك ومرت الليله وكانت احلا ليييله بعمري لان حبيبي كان معي كان معي برووحيه وكل شي فيه وبالصباااح كان جوال احمد يرن فقمت انا وياه ورد احمد وهو يتأفف احمد : يا نعم علي : ههههههههههههههه يا اخي رد السلام طيب احمد : ممكن اعررف وش مشكلتك الحييين في احد يتصل من صباااح ربي علي ميت ضحك : يا اخي شدراااااني بعد انك نايم بالعسل احسبك بتجي الدوام احمد : ها ها ها ما يضحك لا مووب جاي للدوام وارفع لي اجازه شهر لاني ناوي اسافر زين انك اتصلت علي : يا حركاااااات يا حموووود كأنك ما صدقت خبر تشوووف القمر عشان تسحب ع الشغل احمد يضحك : هههههههههههههه أي في احد عنده جود ويجي الدوام انا استحيت من كلامه ورجعت انسدحت وتغطيت علي : ههههههههههه وين هالكلام قبل كم شهر احمد : ايي اسكت لا تذكرني يالله ورى ما تسكر الحين علي : اسفين طال عمرك ونعتذر عن هذا الازعاج الفني احمد : ههههههههههههههه طيب اقلب وجهك علي : على أي صفحه احمد : ها ها ها ما يضحك يالله علي بناااااام علي : خلاص رحمتك يالله نام نووووم العوااافي لما سكر احمد من علي سحب اللحاف احمد بضحكه : داري انك ما نمت يالله قووومي خلاص يكفي طالعته : احمااااد تونا بدري احمد : أي معلييش قومي بدلي وخلينا نرووح نفطر بأي مكان ابتسمت له : على امرك ي الغالي احمد قرب مني وضمني : وربي انك احلا شي بحيااااااتي يا غلاهم ربي حفظك لي ويسخرني لك داااااااااائما وابدا وطالعته : احمد انا امممممممم احبك احمد وضحك : انا اموووووووووووووت فيك يا قلب احمد ومــــــرت الايـــام وكانت احلا ايام حياتي وجا الخبر اللي اسعد قلبي وقلب احمد خبر حملي اللي الكل فرح لنا وبنفس الوقت جاني خبر اتعبني فتره بس وجود احمد جنبي خلاني اتعدا هالمرحله جاني خبر ان ابووي بالمستشفى وانه مصاب بالايدز وانصدمت لما عرفت بالشي وزياده على كذا رفضه اني ازوره تعبني مره لكن زي ما قلت لكم وجود احمد كان هو اللي خلاني ارجع اشوف الحياة من جديد و خالد مسكوه بقضيه اخلاقيه زياده على الاختلاس وكان ملفه مليان قضايا وعلي تزوج ريما وسافر يكمل دراسته و سعود تزوج نوف وكان الكل مبسووط بحياته وانا بعد كنت احس اني شي ثاني لا صرت مع حبيب قلبي احمد وحسيـــــت ان الدنيا عكس ما كنت اتصور انها ما تكتفي من احد لان لكل الم نهايه ولكل مشكله حل اذا صار عندنا اراده والفرحه نقدر نزرعها ونساهم كلنا بنمووها واحلا شي نزرعه هو الحب لان الحياة بتستمر فيه و بتظل حياتنا مشعه بكل الوان الحياة اللي تدفعنا للاستمرار والعطاء واهم شي الحب .. , , تـ م ـت , , سطور لقرائي في البدايهـ اشكر الكل لتفاعلهم معي واعتذر عن تقصيري الدائم وعدم انتظامي الفتره الاخيره وكانت .. دنيتيـ وهيـ دنيتيـ منيـ اكتفتـ .. تجربتي الاولى واتمنى اني اكون اتقنت هذي التجربهـ وكل الحب والاخلاص لامي الغاليهـ اللي دفعتني للامام و حمستني للكتابهـ ويعوود الشكر لكم قرائي الغاليــن ولمنتدى الم الامارات الذي يحتضن مبدعين كبار وكلمة ابداع قد تكون اقل مما يستحقونه او يليق بهم واخيــرا وليس اخرا عشت مع ردودكم لحظات حلوه حمستني دفعتني للامام وبفضل الله ثم فضلكم قدرت اكمل الروايهـ للاخر تقبلوا روايتي البسيطهـ ودعاوتكم لي ولجميع طلاب ثالث ثانوي اختكم بنت نـ ج ـد قصة دنيتيـ وهيـ دنيتيـ منيـ اكتفتـ ...10
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
