الجزء الثالث



يوم الاربعاء الصباح ام علي وجود في المطبخ
جود تسولف مع خالتها : خالتي متى ناوين تجتمعون هناك على الساعه كم تقريبا
ام علي : والله ما ادري يا بنتي بس دايم يكون الكل مجتمع على نص العصر جود يا يمه روحي قومي علي هذا من ينام ما يقوم الا بحرب الله يعين حرمته عليييه
جود : خلاص بجرب مع اني ما اظن يقوم ما نمنا امس الا الساعه 4 الفجر
ام علي : انت حاولي معاااه وان شااء الله يقووم

وراحت جود لغرفة علي
جود بهدووء : علــي
علي ولا كأن احد فوووق رااسه يكلمه ــــــــــــــــــ
جود ورفعت صوتها شووي : علي قوم يالله
علي : ممممممممممم
وبعد محاولااااااااات..
جود وملت منه : علي تراك مصختها قوم خالتي تقولك قوم لا تنسى ورانا روحه للمزرعه
علي بملل : اووووف جود ابغى انام قولي لامي اذا اذن الظهر بقوم حرااام خلووني انااام
جود : علي حرام علييك قوم ساعد عمي
علي : يا جوود ارحميييني في بدال السواق اربعه
جود : علي انت تعرف عمي ما يعتمد على السواويييق
علي : لا اله الا الله الله يهدييييك يا ابوووي لازم تتعب نفسك
جود : طيب خلاص يالله قووم
علي : خلاص بقوم امري لله
جود : يا اخي كان قمت من زمان وفكيتني
علي : ما اقووول الا الله يعييين جود ربي يسعدك سويلي نسكافه يعدل راسي
جود : ابشر بس لا تتأخر عشان ما تبرد
علي : اووكي يالله وريني عرض كتافك ابغى اخذ لي شوووور على السرييييع
جوود : اووكي بس لا تطول سي يووو

وخلصو جامعين اغراضهم و تحركو للمزرعه بسيارتين سياره فهد وزوجته وسياره علي وجود وطبعا سيارة الخدم
بسيارة علي الرنج ..
جود وراسها بينفجر من سماعات سيارة علي : حرام عليك علي قصر الصوت بيجيني صمم والسبه سماعاتك
علي وهو يقصر الصوت : ههههههههه بصراحه انت ما تنفعين تركبين معي انا من شروطي زوجتي تصير تحب الازعاج لاني اعشق الازعاج
جود : هذا وانت دكتور تبي تخلي العالم ينصمون بس اللي اقوله شي واحد الله يكون بعون مرتك
علي يضحك: ههههههه وانت قبلها بس لا تخاافين حبيبتي هي بتحب سماعاتي زي ما تحبني
جود : ههههههه الله يا الثقه مررره وااااثق الا ان شاااء الله تهجدك وتخليييك تثقل
علي : اقووول احس اني طااايح من عيييينك تراني جراااااح قد الدوووونيا وتقولييين لي اهجد
جود : ما اقوول الا الله يعييين المرضى اللي بيعااالجون عندك
علي بهبااال : تصدقيين افكر احط في غرفة العمليااات استريو كبييير ههههههههههه
جود : هههههههههه وتحط في الموجات الصوتيه بنج ههههههههههههه
علي : جبتيها وانا اخوووك يبغالي اختررررع هذا اذا ما كاان اخترعوووه
جود : والله جد التطور عند الغرب مستمر واحنا للأسف كل يووم طالعيين لهم ببرنامج شكل من هالخراابيط بدال ما يعطوونهم دروس عن التقنيه الحديثه فالحين لك بدرووس اغاني ورقص وقلة حيا وبعض شبابنا عااد ما يصدقوون خبر الله يهديهم
علي : الله يهدييينا جميعا ..


في المزرعه .....

اول ما دخلو المزرعه علي اخذ جود وداها عند المسبح اللي كان على جوانبه زرع وجنبه بركة صغيره للبط وكااان تصميمها فخم و رااااائع
علي والتفت لجوود : ها شرايك باللي تشووفينه
جود مبتسمه : يجنن ياعلي كل شي في المزرعه يجنن
علي يضحك: شفتي حنا الصحراوين ما نلعب
وانتبه علي ان جود سرحانه
علي : يا هووو نحن هنا بأيش تفكرين
جود : ما ادري شلون بقابلهم احس اني ما لي داعي طوول عمري ما شفتهم والحييين بشوووفهم حاستها شوي صعبه
علي : ليش حضرتك مب من العايله وانا ما ادري ترى لك مثل مالهم هنا
جود : مو عن لي او مو لي طول السنين ما كنت اشوف الا عمي فهد وعماني بعض الاحيان وفجأه بشوفهم كلهم مره وحده احس اني متوتره شوي وما ادري كيف بقابلهم
علي : اولا واخيرا حنا اهلك واطردي الوساوس اللي ما لها داعي من راسك وعيشي لحظاتك وانا اضمن لك انك بتنبسطيين مع البنااات تراااهم فللله يعجبوونكم
جود وحست براحه من كلام علي : ونااااااسه اجل شووف انا بروح غرفتي ابدل ملابسي الحين تلقاهم بيجون وانا توي ما لبست
علي : اوووكي اجل يالله نروح للفله شووفي تسابقييين من يوصل اول للفله
جود: يعني تتوقع اني بسبقك اكيييد انت بتوصل قبلي ما راح ادخل نفسي بشي ضامنه خسارتي فيه
علي : هههههههههههه الاعتراف بالحق فضيله اجل امشي يالله
جود : ههههههههههه يالله


في الوقت اللي كانت جود بغرفتها وصل سلمان ومرته وبناته منار وشوق
استقبلهم علي وابوه وسلمو البنات على عمهم وعلي
فهد : عاش من شافك يا ابو منار
سلمان : زانت ايامك وشلونك يا ابو علي عساك بخير
فهد : بخير جعلك بخير وانت شخبارك
سلمان : حمد لله ها وين جود ما اشوفها
فهد : الحين تنزل
سلمان : بشر وشلون نفسيتها الحين
فهد : احسن من اول بكثيير الله يديم عليها
منار وجت لعمها ابو علي : اقول عمي
فهد : نعم يا منارة العايله
منار: يا زينك يا عمي انت وحكيك اللي يرفع المعنويااات جود بأي غرفه من الدوور الثااني
فهد : اللي جنب الصاله على طول تحصلينها على اليمين
منار : يا سعدي يا نااااااس اخيرا لقيت وحده بعمري تشاركني طموحاتي وافكااري
شوق : امشي بلا كلام فاضي خلينا نرووح نشووف البنت مرره متشوقه لشوفتها
منار : ليش فلم هي يالله بس مشيناا

غرفة جود .. جود كانت لابسه بنطلون جينز وبلوزه حرير اورنج توصل لحد الركبه وكانت رافعه شعرها بربطها اورنج وكان شكلها مرره كيووت ..
عرفت جود ان عمها سلمان وصل بس كانت مستحيه تنزل ومتردده ( يا ربي استحي انزل يا ليت يجي علي عشان يجزمني وانزل )
فجأه سمعت الباب يطق توقعته علي لأنها استبعدت ان البنااات هم اللي جاااين
جود : تفضل
دخلت منار و شوق : سلام يا بنت العم
جود وهي شوي منحرجه منهم لأنها ما تعرف من هم : وعليكم السلام..لحظة صمت ..ممكن سؤال قبل كل شي
منار : امري اسئلي زي ما تبغييين
جود : انتم بنات عمي سلمان
شوق : ايه حنا حنا بنات سلمان انا شوق وهاذي منار
جود : اعذروني ما عرفتكم
منار : من وين بتعرفيننا وحنا اول مره نشوفك بس مو مهم انت شخبارك
جود : حمد لله وانت احوالكم
شوق : تمام
منار برجتها المعتاااده : شوفي تراني ما احب الرسميات وشلونكم شخباركم وبنظل كذا عشااان كذا خليييييييك ايزي وفري اتفقنا
جود : هههههههههه اتفقنا وانا مثلك ما احب الرسمياااات كذا حلو
منار : ما يهم اهم شي نستانس بعد الثنويه اللي حبستنا الله ياااخذها كرفتنا كررف
شوق : جود انت بأي سنه
جود : مثل منار
منار : نايس اوكي اتفقنا من الحين اقولك بندخل قسم واحد
شوق : هييي يا ام الشبااااب انت بتدخلين البنت قسم ما تبغاه
منار : لا اللي بتدخله بدخله ايزي الموضوع هم شي نكوون سوا
جود بدت تنسجم مع منار : اوكي حلو القى احد يشد من ازري تعرفين بندخل عالم كبيييير
وسمعو الباب يطق
علي : جود افتحي الباب
بعد ما تغطو البنات جود : تفضل
علي : اشوف القعده عجبتكم انزلو الكل وصل
جود بتوتر بسيط : ان شاء الله شوي وننزل
ومرت على المرااايه تشووف اللوك حقها قبل ما تنزل
شوق تكلم جود : قمر وربي قمر يكفي ههههههههه
منار : والله انك صااادقه قمر ما شاء الله علييك يا جوود
جود : تسلموون حبايب قلبي بعض مما عندكم يا حلواااات


وكان ترتيبهم الرجال على جنب والحريم في الجنب الثااني
اول ما نزلو جود وشوق ومنار في الصاله لقو البنات كلهم قاعدين
هلا : انظري من الاتي يا اختاه انها ابنت عمنا حمد
غلا : اني اشوف يا اختاه هل قالو لك حولى
نوف : سلمو زي الناس مالت عليكم تقول فلم تاريخي سلام يا بنت العم
جود : وعليكم السلام
وسلمو البنات على بعض
منار : الحين ليش قاعدين جوا افهم يعني
طيف : يا بنت الحلال موووووت حر برى
جود : زينة المزرعه انا نطلع من الغرف مو نقعد فيها
شوق : صادقه جود يالله وبالمره نمر نسلم على عماني
غلا : لا مو اللحين العيال كلهم موجودين ما لي خلق اتغطى
جود : انا لازم اروح اسلم
غلا : انت لازم بس حنا ملينا من كثر ما نسلم عليهم
طيف : غلا احشمي عمانك هالبنت ما ادري وش هاللسان اللي عليها
جود : طيب من يبي يروح معي
نوف : انا بجي معاك
منار : مو لله رايحه تشوف حبيب القلب
نوف : وانت شحارق رزك والا غيراانه
طيف : ريحي نفسك بيجي بعد صلاة العشا محمد هو اللي جابنا
نوف و كشرت : اوف انا الله باليني برجال غبي ما يفهم
جود : اول مره اشوف وحده تحب وتقول عن اللي تحبه غبي
منار : زياد طول عمره رافع خشمه واكبر دليل شوفي محمد تزوج وهو توه ما ادري يحسب نفسه في اول عمره بيصك الثلاثين وهو توه
نوف : حرام عليك زياد رافع خشمه
هلا : شف من يشهد لمين اقول امشي يا جود نسلم على عماني لو تسمعين هذرهم ما خلصنا
جود : اوكي يالله
و لما وصلو قسم الرجال
جود : بكلم علي اخلي عماني يطلعون استحي ادخل وفي العيال
هلا : كيفك اللي يريحك سويه احسن عشان ما تنغطى
ولما سكرت جود من علي كان احمد طالع من المجلس ولما انتبه ان في بنات تنحنح
و تغطو البنات
احمد : مساء الخير يا بنات
هلا : هلا احمد وشلونك اخبارك زمااااان عنك
احمد : حمد لله تمام واي زمان ترى قبل يومين مار بيتكم الله يا النصب اقول عرفي عن اللي جنبك أي وحده من افراد عصابتكم
هلا : هذا جزاي لأني اسئل عنك مالت على عدوك واللي جنبي يا طويل العمر بنت عمي حمد جود
احمد : هلا جود وشلونك
جود مستحيه : بخير وانت احوالك
احمد وحس انها مستحيه منه : حمد لله يالله استأذن
وسلمت جود على عمانها ورجعت قعدت عند الحريم

الجوهره : يا حليلك يا جود احلويتي اخر خبري فيك يوم عمرك 3 سنين
منار : عمتي اسمحيلي يعني هذا شي طبيعي انها بتتغير اجل تبغينها تبتل طول عمرها نفس الشكل
جود : منار امنيتي احد يقول شي ما تعلقين عليه
شوق : شفتي هذا وانت اول مررره شفتيها لاحظتي لو منو ما تعلق اشك انها اختي
الجوهره : ما همني لا منها و لامن كلامها
غلا وقفت : يا جماعه الشابات شرايكم نروح نتمشى
جود : انا ما عندي مانع
هلا : اختي الغاليه يا توأم روحي كم تعرفين ما يدور بخاطري
نوف : خالتي ليلي انت متوحمه بحمل هلا وغلا بفلم تاريخي قسم بالله حومو كبدي
ليلى : والله ما ادري هم تجيهم هالحاله شبه شهري
طيف : عادي يا نوف هذا شي طبيعي تعرفين سن المراهقه وسواياه
جود : شدخل سن المراهقه
منار : لا تدققين يعنى تبي تسوي لي فيها محلل شخصيات
جود : ههههههههه اها فهمت
غلا : بتقومون والا اقعد ترى تعبت من الوقفه
شوق : الا بنقوم يالله
وقامو البنات يتمشون الى ما وصلو مكان في اخر المزرعه يطل على المزرعه كلها
نوف : هذا احنا وصلنا
جود : واااااااو اشوف المزرعه كلها من هنا
منار : مو هاذي ميزة هذا المكان انا نشوف كل الاوضاع
هلا : طيف شوفي رجلك يكلم بالجوال ويتضحك واثقه فيه انتبهي لنفسك
جود : ترى اللي سمعته انه اخوك
هلا : ايه بس برضه لازم اخاف على مصلحة بنت عمتي
طيف : ريحي نفسك واثقه منه
منار : طول عمرك سوسه يا هلا
شوق : خلاص اكلتو البنت
غلا : بنات شوفو العيال كلهم برى اكيد فيه شي اكشن
جود : بصراحه انا ما اعرف منهم الا علي واحمد
طيف : وش عرفك باخوي
هلا : صادفناه وحنا رايحين نسلم على عماني
طيف : بالله عليك يا جود شفتي احلى من اخوي
جود حبت تقهر طيف : ايه شفت
منار : ها ها ها لقطي وجهك
طيف : خليني اشوف مين بعدين اقرر القط والا لا
جود : علي شوفو محلاه
منار : بصراحه وبدون زعل علي احلى ولد في العايله
طيف : والله ان احمد وش ملحه
جود : لكل واحد مساوء ومحاسن
غلا : افهمي يا نوف لكل شخص مساوء ومحاسن تذكري هالشي
جود : بنات مو كأن العيال جايين عندنا
هلا : اوف بدينا
جود : تراني مو فاهمه بدينا بإيش
نوف : ليته معاهم
شوق : كل على همه سرى يعني هم لازم يسيرون علينا ويستخفون دمهم ويروحون كالعاده
نايف : من اللي يستخفون دمهم يا شوق
شوق ومكشررررره : ما لك خص
نواف : كيفكن صبايا
هلا : يا شين السرج على البقر
احمد :شبلاكم علينا ماكلين حلالكم
منار : يعني الوحده ما تعرف تقعد مروقه مع بنت عمها
علي : جودي وير ار يو
نواف : بنت العم هنا يا مرحبا يا مرحبا حياك الله
جود : الله يحيك
علي : هي انت لا تكلم اختي اغار
احمد : تصدق نسيت
علي : جود اذا العصابه اللي حولك ازعجوك عطيني خبر
جود : ليش شايفني قاعده مع سفاحين وانا ما ادري
منار : ههههههههههههههههههههه تعجبيني
علي : مسرع صرتي بصفهم
احمد : البنات دايركت يتأقلمون مع بعض وتبدا حميتهم تشتغل
شوق : عشان تعرفون انا يد واحده
نايف : ضد الارهاب هههههههههههههه
شوق : ما يضحك
نايف : الحين انا وش مسويلك
شوق : يا اخي ما احبك مو يقولون في حب في الله انا اكرهك في الله
نايف : عاد انا اللي متقطع عليك بس ترى مرادي اني اعبرك فقط لا اكثر لان راحمك تعرفين مو حلو كسر الخواطر واخاف تنحرفين بعدين
شوق : شكرا مو محتاجه منك تجبر بخاطري
علي : خلصتو اتمنى اشوفكم مره ما تتهاوشون
جود : عادي بهارات الحياة
نايف بطريقة استفزاز : اقول علي
احمد : سكنهم مساكنهم شفيك توك وش ملحك
طيف : شكل كلام شوق جاب نتيجه
علي : قل يا نايف
نايف : والا خلاص ما ينفع اقول قدام البنات
علي : عادي قل
احمد : اهم شي انه لا يخدش بالحياء
نواف : ههههههههههه حلوه يخدش من وين جايبها شعندك اليوم
احمد : سلامت راسك بس مشتهي اصير برستيج اليوم
نوف : نرجع لمحور حديثنا تكلم يا نايف
علي : يا اللقافه
نوف : دكتور ممكن تحسن الفاظك
علي : ابشري حب استطلاع كذا حلوه
نوف : ايه حلوه
منار : نايف اخلص
نايف : اوكي اوكي اوكي رحمتكم
شوق : شكرا مستغنين
نايف : محد كلمك
علي : عندك كلام تكلم ما عندك اسكت
نايف : لا عندي خلني افضحك قدام البنات علشان يعرفون الدكتور على حقيقته من اللي كانت معك في السوق امس اعترف
علي : تصدق وش خاطري اسوي فيك
نايف : لك وجه تحكي يا قليل الحيا وماسك يدها من زين الوجه
علي ومرررره ما يحب اسلووب نايف : نايف احترم نفسك هاذي جود
جود : حنا امس كنا في السوق ليش فيها شي
نواف : هههههههههههههههه لقط وجهك
منار : اسمع وافضحك والله انك ماصخ
شوق : حتى لو كان رايح مع وحده وانا استبعد
علي : تسلمين يا بنت العم
شوق : ما اظن انه شي يخصك فيك خير رح انصحه بلحاله مو قدام الناس العوج عوج ما كذب من قال ذيل الكلب ما يتعدل
نايف : ما يخصك ولا طلبت رايك
غلا : نايف رح الله يستر علينا وعليك
احمد : اوكي ننسى الموضوع وتعال يا نايف
جود : يا جماعه حصل خير
احمد : صح كلامها ايزي ريمبر فن
نواف : اقوووووووووووول
علي : و ش تبي
نواف : خلونا نروح نسبح الجو حار
هلا : وناسه
جود : علي ابغى اسبح
علي : تعرفين تسبحين
جود : بصراحه لا
منار : ولا يهمك انا اعلمك
علي : لا الله يخليك الحين تموت علينا ما صدقت ان عندي اخت
الكل ضحك عليه
احمد : ههههههههههههه ما شفت خير
نواف : يا ناس يالله خلونا نروح نسبح اونس
وراحو العيال للمسبح
وقعدو البنات
جود : شوق
شوق : نعم
منار : انا عرفت وش تبي تقول
جود : عرفتي
منار : شوق ليش ما تحبين نايف
جود طارت عيونها : شدراك
منار : هههههههههههه الحاسه السادسه
طيف : هاذي مشعوذه
نوف : من تبين تقولين شي تقولك عرفته
غلا : قولو ما شاءالله تخلي الواحد يشك بنفسه
جود : طيب ليش ما تقولون عنها نبيهه
منار : تسلميييييييييييين يا عسل شوفو النااس اللي تقدر
شوق : تبين تعرفين ليش ما احب الغبي نايف اسمحيلي نوف بسوي هجوم
نوف : لا وش دعوه خوذي راحتك
غلا : ههههههه حلوه اللي يسمعها يقول مو اخوها
نوف : لانه من جد يقهر ماعداه نواف يا حليله ما ادري على مييييين طالع هالولد
هلا : شوق كملي
شوق : اللي يسمعك يقول ما تعرفين لان الغبي هذا ما عنده اسلوب ثقيل دم مغرور متكبر صايع عبيط القعده معاه تجيب لي القرف يجيني غثيان اذا قعدت معاه اوف اكرهه
جود : يا كاااافي كل هذا بنايف
هلا : انت ما تعرفين شوق اذا كرهت الواحد طلعت فيه عيوب الدنيا
شوق : خلاص سكرو الموضوع لا يجيني غثيان
جود : يقولون ما بعد الكره الا الموده
منار: هههههههه اتخيل شكل شوق قاعده مع نايف وتبستم وتضحك
شوق : الله لا يقووول بسم الله علي من يصييير كذا على طووول ودوني شهاار
ويرن جوال طيف
منار : الله يساعدك روحي لرجلك
جود : وش دراك
نوف : هاذي نغمته روحي الله يساعدك
طيف : بااااااااااااااااااااي بروح لرجلي
نوف : قولو امين
امييييييين
نوف :عقبالي
جود : توك على الغثا
منار : سوري جود بس تكلمي عن زواجك اذا ماكان عند مانع ولا يضايقك نبي نكتسب شوية خبرات
جود سكتت شوي : تقدرين تقولين زواج فاشل هذا احسن تعبير تقدرين تقولين ما حصل تفاهم
غلا : عادي الله يعوضك باللي احسن منه
جود : بلييييييييييييييييييز لا احد يدعيلي بالزواج ادعو باي شي الا الزواج
هلا : اجل ابشري بالخير ما راح ادعيلك الا شي واحد انك تعرسين بقوم بالليل وادعيلك
شوق : بالنجاسه لا توصين هلا
جود : هههههههههههه شكرا مستغنيه
منار تفكرررر: بنات ابي ارقص
غلا : ايه بخاطري ارقص مصري
جود : اموت على شي اسمه رقص
نوف : بس نبي استريو يسولينا طرب
هلا : لا لا لا عشان يجي ابوي وعمي عادل يعطونا تهزيئه محترمه
منار : مالي دخل دبرولي حل ابي ارقص
نوف بعد تفكير : لقيتها
منار : الحقيني فيها
نوف : كم تعطوني
هلا : هيييييي استحي على دمك ترى مصيرك بيدنا لا تخلينا نهدم اللي خططنا له
جود : الله يا المذله الله يعينك يا نوووف
نوف : حراااااااااام تعبت خلاص اجري على الله بقولكم مع اني كنت بتنيحس حبتين بس مادام الحبيب فيها عشان عين تكرم مدينه
شوق : خبيرنا شو اللي كان بدك تؤوووليه تئبرييني
نوف : اخلي نواف يجيب لنا سيارته
منار : مالت عليك عشان ما يقومون من عندنا يا خسارة يا ناس حسو فيني ابغى
ا ر ق ص
شوق : ما في الا حل واحد
البنات بلهفه : وشو
شوق : نروح لبوي وعمي فهد
جود : وبعدين
شوق : نتمسكن عندهم شويتين
غلا : كملي
شوق : طبيعي بيقولون وش فيكم نقولهم طفشانين وفينا طاقه نبي نفرغها
هلا : اخاف يقول نظفو المخزن
نوف : لا لا لا لا كله ولا انظف مخزن المزرعه
منار : هههههه تذكرين الصارور اللي طلعلك يا نوف كان شكلك نكته وانت تناقزين
غلا : يا حبكم لتغير السالفه وبعدين يا شوق
شوق : بعدها تقول منار ابي انطط
منار تناظر اختها بطرف عين : ليش مجنونه
شوق : ماتبين ترقصين
منار : الا
جود : اجل تحملي
شوق : واعيد واكرر تمسكنو على سنع ولاتضحكون بينو انكم حزينين
جود : ههههههههههههه ليش بعزا
شوق : ليش عندك حل ثاني يا جوجو
جود : انا اقولك يا شوشو عادي نروح لعماني ونقولهم نبي الاستريو وانتهينا
نوف : صادقه جود وشوله نمثل ونتعب ارواحنا قومو يالله نروح
وراحو البنات في مجلس الرجال ومرو من عند المسبح
نواف : اموت واعرف ليش رايحين كلهم للمجلس مو بالعاده
احمد : يمكن جود تبي تقعد مع خوالي
علي : احساسي يقول غير كذا اشم فيها ريحة هبال بنات
نايف : اهم شي عندي ان نخرب عليهم
علي : حرام خلهم يستانسون تصدق انك صاير شرير نايف طالعلك قرون
نواف : ويبغالهم قص
احمد : تبون تعرفون السالفه
الكل بحماس : ايه
احمد : اوكي يااااااااااااااااسر
ياسر قاعد مع مشعل عندالدباب
ياسر : نعم
احمد : تعال ومشعل بعد
بعد ماجا ياسر ومشعل
احمد : ممكن اطلب خدمه
ياسر : تفضل
احمد : زاد فضلك بس بغينا نعرف البنات وش موديهم عند خوالي
ياسر : وش شايفني قاعد الاحقهم
احمد : طيب روحو وشوفو
مشعل : ليش شايف هالحركه فيها مرجله
طاح وجه احمد من كلام مشعل والباقين فيهم الضحكه
علي يدارك الموقف: لا تفهمه غلط هو يبي يشوف اذا كانو يبون رجال يساعدونهم فحنا نقوم بدالهم تعرف اخف منهم
مشعل : انا اقول احمد مو راعي ملاحق بنات مثل بعض الناس
نواف : ومين بعض الناس
ياسر : خلي الطابق مستور ابرك
احمد : خلاص مشكورين وما قصرتو
ورجعو لدبابهم
احمد : الله يا الفشيله طاح وجهي مشكوووووووووووووور يا علي
نواف : مالت علينا هالبزر احسن منا
نايف : ما ينلام تربية عمتي العنود طبيعي بيطلع كذا
احمد : بس من جد فشييييييييييله احس طحت من عين نفسي
نواف :هههههههههه حلوه من عين نفسي
احمد : من جد بديت احتقر روحي
علي : شكل الرجال ضميره صحى
الكل يضحك على حالة احمد
عند الرجال
غلا : ها عمي شقلت
سلمان : والله اللي يريحكم سووه
جود : يعني نعتمد خلاص
منار : يبه ترى على مسؤليتك
فهد : على مسؤليتي خذو الاستريو وروحو استانسو
جود تحب راس عمها فهد : مشكور ياعمي

عند الحريم
الجوهره : ازوجه
العنود : ايه وليش لا
ام علي : اذا تزوج بيكون موجود في البيت اكثر من قبل
ام منار : جربي وفاتحيه بالموضوع
الجوهره : مليت كل ما اقوله اعرس قال توي على الغثا
العنود : يمكن في وحده باله
الجوهره : ما اتوقع تعرفين قلتله مره ان كان في بالك وحده مستعده اروح اخطبها لك
وبرضه رفض
العنود : طيب شرايك بجود احسها مناسبه له مره من النوع الهادي اللي يعجب احمد
ام علي : لا تحاولون لان جود رافضه الموضوع مو نهائيا ابديا
الجوهره : يا لييييت والله ابسئل احمد يمكن يوافق عليها
ام علي : وش الفايده اذا وافق وهي عيت بصراحه يا ام احمد ان كنت تبين جود انتظري خليها ترتاح ما بعد استقرت نفسيتها الى اللحين
الجوهره : خلاص حتى قد اقنعته على العرس

عند البنات
نوف : اقول الساعه 9 وبصراحه جوعانه
شوق : اتوقع تدلين المطبخ
منار : شكل الاخت تبينا نسويلها اكل
جود : انا عن نفسي لا
غلا : وانا مثلها لا ولا
هلا : لا تناظريني ما راح اقوم الا اذا قالو تعالو العشا اما اللحين لا
نوف : والله ما فيكم خير انا بروح اكل تبون شي
الكل : لا سلامتك
وراحت عنهم
جود : حرام بروح معها اسليها شوي
منار : مشتهيه غثا روحيلها
جود تنادي نوف : نوووووووووف
نوف التفتت : نعم
جود : انتظري بجي معك
نوف : حلو تسليني وانا اكل بس وش اللي غير رايك
جود : قلت اجي معاك عشان ما تقعدين بروحك
نوف : مشكوره على التفكير النبيل الشريف
جود : ههههههههههههه حلوه نبيل


في المطبخ نوف فاتحه الثلاجه وجود واقفه عند الشباك
جود : نوف
نوف : سمي
جود : تعالي شوفي من هذا
نوف : وين
جود : اللي مع مشعل وياسر
نوف ومن شافت اللي واقف باااااااست جود
جود التفتت تطالعها: بسم الله عليك شعندك
نوف : تسلمين لي يا احلى بنت عم بالدنيا هذا زياد وااااااااااااااو لولا الله ثم انت كان ماشفته
جود : حمدلله على العقل اثقلي شوي لا احد يشووفك شوفي الخدامات كيف يطالعونك
نوف : لا تزيدين همي هم
جود استغربت : ليه
نوف : احس تعبت منه معقوله ما يحس والله لو انه حجر كان حس
جود : انت متعبه روحك يا نوف
نوف : انا
جود : اجل انا من جد تحبين واحد حتى بنظره ما يعبرك خليه اتركيه تتعبين نفسك بالتفكير فيه وهو ولا يدري حاولي انك تنسينه وحب من طرف واحد ما راح يمشي
نوف : لو بيدي كان من زمان
جود : خلي عندك اراده وبتحصلين أي شي تتمنينه
نوف : ساعديني
جود تضحك : هههههههه يضرب الحب شو بيزل
نوف : هههههه حسبي الله على بليسك هذا وقته
جود : نصيحه وفري مشاعرك لشخص صار قدام الكل زوجك هذا اخر شي عندي
نوف : اوكي بحاول والله يعين
جود : هذا الكلام الحلو نوف الباب هذا يطلع على وين
نوف : يطلع على جلسه صغنونه مررره نااايس
جود : تعالي معاي ابي اشوفها
نوف : لا خليني اكل اطلعي بلحالك ترى قليل ما يقعد احد هناك الا نادر
جود : يعني ما اخذ شالي معي
نوف : مو لازم
وفتحت جود الباب وليتها ما فتحت الباب
تيبست مكانها
احمد يفكر وتفاجئ بجود ولا نزل عينه منها : يا ربي من هالملاك اللي انا اشوفه
مو قادر انزل عيوني
ولما استوعبت جود اللي حصل دخلت بسرعه
احمد يحاكي نفسه بصوت مسموع : حرام ليتني قلتلها لا تدخل
علي طايره عيووونه : من اللي قلتلها لا تدخل
احمد التفت : بسم الله انت من وين طلعت
علي : ما جاوبتني
احمد وهو يناظ باب المطبخ : وحده قمر طلعتلي من هالباب
علي : استح على دمك تراهم محارمنا يا الدووووووووب
احمد : والله جد حلوه الا ملاك تصدق عجزت انزل عيني منها
علي وما يبغى احمد يسترسل : خلاص يكفي ما يقى الا توصفها لي
احمد يتنهد: لو اعرف من هي من البنات لاروح لامي واقول اخطبيها لي
علي : عاد هاذي صعبه
احمد : لقيتها ما في الا طيف
علي : عاد كيفك بس اموت واعرف من تعيسة الحظ اللي طلعتلك
احمد : الا يا سعدها من وين بتحصل واحد مثلي جمال ودلال
علي : هههههه اقول لا يكثر بس خلنا نروح عند الاسطبل ابرك
احمد : اآاآاآاه يا البي
علي يستهبببل : مالك حاسس بإييييه انت عياااااان اطلبلك الدكتوووور
احمد : لئه ما يصحش كده ما تؤووولييش انك بتكزب وانك مش دكتوووور
علي: أي الكلام ده دنا دكتوووووور اد الدووونيا بس اؤوؤوؤولي مالك يا رووح مامتك
احمد : ههههههههههههه اقوووول تراني تعبت يا زين هرجنا بس
علي : هههههههههههه والله انك صادق
احمد : دعواااااتك لي يا علي
علي : شكلك طحت ومحد سمى علييييك ههههههههههه
احمد : تضحك انت وجهك ابي اعرف من هي
علي : احمد ترااك صدعت رااااسي مو قلت بتسأل طيف
احمد : اخاااااااف تتنييذل ولا تقوووولي
علي : اتكل على ربك ولو عيت انا اسئل جووود
احمد : اقوووول امش وزي ما يقولون فلها وربك يحلها
علي : ههههههههههه انت وامثالك اللي ما ادري من وين تجيبها

في المطبخ..
دخلت جود وجهها منقلب لووونه واول ما شافتها نوف خافت
نوف : يا بنت الحلال شفيك
بعد لحظات صمت
جود : شفت احمد وانا من غبائي واقفه
نوف : ماااااالت على بليييسك يا الدووووبا عادي طيب
جود : يا ويل حالي اقولها شافني تقول عادي
نوف ايزي الموضوع لا تكبرينه
جود : والله مالي وجه اكلمه وش بيقووول عني من اولها تدوور بدوون شالها
نوف : جود فوووورقت ولو انت قاصده كان معقوله بس انت طلعتي وانت ما تدرين ان في احد والحييين امشي ابرك
جود : عاد لا اوصيييك لا تعلمين احد ما ابي فشاااايل
نوف : لا توصين حريص ما راح اخلي احد في المزرعه الا بعلمه حتى محيي الدين الحارس بعلمه
جود : تسوينها مو بعيده عنك
نوف وهي تضحك : اسكتي لا اقول للبنات
جود : لا خلاص ابسكت
نوف : يا حلو المذله
جود : امشي الله يحفظك ولمي لساااانك

على الساعه 3 الكل نايم الا علي وجود كانو قاعدين على الطاوله اللي جنب المسبح
علي : تصدقين وش نفسي فيه
جود تناظر علي اللي كان هاااادي واوضح انه يفكر : وشو
علي : ابي اتزوج
جود : امممممممم تتزوج
علي : ايه اتزوج
جود : طيب حلو انك نويييت بس مو قبل فتره كنت تقول تبي تريح بعد الدراسه
علي : بصراحه ناوي ارجع اكمل ماجستير ولا ودي ارجع لحالي ابي اكون مستقر ولا ودي ابتل عزوبي
جود : ما امداك يا علي ترجع لهلك و لديرتك عشااان ترجع تتغرب مره ثانيه ما اقول الا الله يوفقك .. طيب تبي احد معين
علي : لا بس ابي وحده صغيره ابغاها كبرك او اكبر بشوي مو مشكله
جود تفكر : طيب من العايله والا برى
علي : ما تفرق عندي كلها واحد
جود بإبتسااامه حلوه : ومتى طلع القرار السامي
علي : اليوم بعد ما شفت محمد حسيته مستقر قلت يا ولد الحقه وتوكل على ربك
جود : حلو طيب متى ودك
علي : نهاية الاجازه ابغى اتزوج
جود : يوووو يا علي مو كأنك مستعجل
علي : عشان الحق اسفرها شهر عسل وبعدها بيبدى الكورس
جود : الله يكتب اللي فيه الخير
علي : امين
........: يا ولد
علي : تعال ياللزقه
احمد : الحين انا لزقه
علي : اجل وش مقومك
احمد : تعرف ما اتحمل فراقك من زود الحب
علي : اسكت لا جود تحسدنا
احمد : اثر عينك حاره يا بنت العم
جود تذكرت الموقف اللي صار معها مع احمد وحبت ترووح: شكلكم والله اعلم بتقلبون علي فعشان كذا انسحب
علي : ههههههههه صادقه الشرده نص المرجله
جود : تصبحون على خير
احمد وعلي : وانت من اهله

وصلت جود غرفتها اللي كانت منار نايمه معها واخذت لها شور ولبست بجامتها وجلست على الكنبه وقعدت تفكر في احمد ( جد اللي صااار معاااي اليوووم مررره فشله مررره احمد معاملته حلووه مع الكل وحبوووب عكس خالد ومعاملته ..يا ربي انا شقاعده افكر فيه خليني انااام لا اروووح بتفكييري لأكثر من كذا.... )

اعذروني راح اغير طريقة السرد بحيث بتكون على لسان افراد قصتي عشان تتعرفون عليهم اكثر بناءً على طلبكم .......

قصة دنيتيـ وهيـ دنيتيـ منيـ اكتفتـ ... 3