الجزء الــــ(6)ــسـادس ..
.
.

شمسة رمست : احمد ميرة عرســـت ..

فج احمد عينه بصدمة : اشوووووه !!!!

الكل ارتبـــك من صدمة احمد ..

احمد و عيونه محمرين من الغيظ : الشيبة اللي كان في الميلس .. هو نفسه ريل ميرة ؟؟

" الله يســـتر "

.
.
شمسـة طالعتـه بلا اهتمام : هيـه ..

أحمد غيظ : وتقولينهــا بكــل بروووود ؟؟؟!!!

شمسة : اوووه يعني شو فرقت ان قلتها بغيظ ولا ببرود ترا البنت خلاص ياها نصيبها وعرست ..

أحمـد : وانا .. ؟؟

شمسة : الله يوفقك ويا بنت الحلال اللي تستاهلك ..

أحمد صـد على ام ميرة بألم : وانــا يا خالتي ؟؟

ام ميـرة ارتبكـت وبخوف ردت عليـه : أحمد الله يخليـك هد شوي ..

موجـة الغضـب العارمة كانت مجتاحة اوصـال أحمد اللي كان ما يجوف الا السواد فـ عينه، والله ما نلومك يا احمد، صح ان المصـاب كبير، وضـاعت عليك ميرة، بس شو بتســـــــوي ؟؟!! أمـــــر الله أكبـر من كـل شي ..

أحمد بغيظ :كيف تبوني اهدي وانا خطيبتي متزوجة من شيبة بينه وبين القبـر شبر ..

شمسـة غيظت : وانته شدراك انه بيموت قريب ؟ ولا ناوي عليه بعد ؟

أحمـد بقهر : انتي سكتي يالعانس ..سكــــــتي ..

شمسة تفاجأت : انا عانس يا الغبي ؟؟ ع الأقل عانس بس ما ذليت نفسي ولا جبرت دمعــتي انهـا تنـزل جدام اي حد انزين ؟؟

شيمـــا تهمس لشمسة : جوفي جوفي صــور ميرووووه تهبل تهبببببل ..

شمسة تعمدت تعلي صوتها : فديتج يا ميرة أكيد مرتاحة ويا ريلج ..

أحمد غيـظ عليها : جب انتي سكتي ..

شمسـة تراويه صورة ميـرة وهي يالسة في القصر : جوف جوف .. الحين لو كانت ماخذتنك كنت بتعيشها جيه ؟؟ هه ولا في الأحلام ..

أم احمد بغيظ : يعني شو قصدج ؟؟

شمسة : ما اقصد شي خالو بس كلام الحق دومه يزعل ..

أم احمد صدت على ام ميرة بكراهية : يا حسافة يا اختي .. يا بنت امي وابوي .. لهالدرجة هنت عليج وفضلتي الغريب الشايب العايب على ولدي ؟؟

أم ميرة نزلت راسها بحزن وبدون ما تعرف بـ شو ترد عليه ..

عهود بقهر : اكيـــد لازم .. طمعانين في فلوسـه ..

أحمد دموعه بدت تنزل : حسبي الله عليكم ..

أم احمد غيظت : ويييه احمد شحقه تصيح ؟ والله لأخطب لك شيختها وعمة عمتها بعد .. مالت هالأشكال نحن ما نصيحها ..

شمـسة طالعتها بقهر : وبلاها اشكالنا ان شا الله ؟؟

أم احمد : اوهوووو .. نش نش احمد ما لنا يلسة فهالمكان مرة ثانية ..

أم شمسة : يا ام احمد لا تحطين فـ بالج وكل شي قسمة ونصيب ..

أم أحمد : قسمة ونصيب ها ؟؟ دام القسمة والنصيب هي كل شي .. عيل انسي ان عندج اخــت انزين ؟؟

ام شمسـة طالعتها بصــدمة ..

أم أحمد بسخط : نشوا نشوا .. ما عاد لهم في القلب مكـــان ..

ما عاد لهم في القلب مكـــان

ما عاد لهم في القلب مكـــان

ما عاد لهم في القلب مكـــان

" أصعــــــب شيء في هذه الدنيــــا ..
فراق الأحبـــة وكل من يعــز علينا ..
فكيف لنا ان نقطع الرحم وهو الحبـل الذي نعده كـ شريان الدم ..
هل يمكننا أن نقطع حبل الوريد ؟؟ "
.
.
أم شمـسة ركضــت وراهم تبا تثنيهم عن قرارهم الصعـب ..
كفاية انهم ما يجوفون بعض الا بالحسرة ..
والحين ؟؟؟ خلاص ؟
كل شـــــي انتهـــــى !!
.
.
شيمـــا برعب : ليكون كل اللي جفته أنا صدق ؟؟

شمسة : لا تصدقين فلم كان ينعرض ع التلفزيون ..

شيما : ايه شموس لا تستهبلين والله قلبي يدق بالقو ..

شمسة : شسويبج دامج ذكية وايد وتحبين تبرهنين لي انج اذكى وحدة في الدنيا خخخ ..

شيما : طاعوا هاي .. امي وخالو متزاعلات وهاي تضحك ..

شمسة : خالو روحها بدت الضرابة .. اونه ما عاد لنا في القلب مكان .. جيه كاراج وانا مادري ؟؟ خخخخخ ..

شيما : اييييييه ..

شمسة : شووووو !

شيما : يعني احمد ما بياخذني ؟

شمسة : طبيعي انه ما ياخذج .. يعني متخيلة انه بيي بيتنا بيقولوله ميرة عرست يقول عادي باخذ شيما ؟؟

شيما : يا هالويه ادري انه يحب ميرو .. بس خلاص البنت خذت نصيبها ..

شمسة : والله مادريبه روحج اقنعيه ..

شيما : اووووه يعني .. يعني احمد ما بياخذني؟؟

شمسة : بالمشمش هههههههه ..

شيما : سخييييفة ..

.
.

فـي السيـــارة ..
عند ميرة وبو محمد ..

بومحمد باستغراب : غريــبة ما تميتي هناك ..

ميرة ارتبكت : ما عرف ..

بومحمد : انا قلت بتمين يومين ع الاقل هناك ..

ميرة بلعت ريجها بصعوبة : ما قدرت ..

بو محمد صد عليها : شو فيج ؟؟

ميرة برعب : ما فيه شي ..

بو محمد : الا فيج شي .. قولي ..

ميرة بحزن : احمد ولد خالتي كان خاطبني ..

بومحمد بصدمة خفيفة : شو يعني ؟؟

ميرة : تواجده كان السبب في اتصالي بك ..

بو محمد : ليش ؟؟

ميرة : خفت يغيظ ويجلب الدنيا عليهم وانا اعرفه عصبي شوي ..

بومحمد بغيرة : ليش هو وين كان حضرته يوم ييت انا اخطبج ؟

ميرة : كان مسـافر ..

بومحمد : وامه ما خبرته يعني ؟!!

ميرة : محد كان يدري من هلنا .. انته ما سويت لا حفلة ولا شي ..

بو محمد غيظ : الحين يعني احمد كان بيسويلج ؟؟

ميرة : اوووه وانا شو قلت الحين عسب تغيظ ؟؟

بو محمد : سكتي سكتي خل احمد ينفعج ..

ميرة غيظت : اصلاً انته النقاش وياك عقيم .. اسكت احسن لي ..

بومحمد : احســن ..

.
.

" لماذا يعاملني هكذا ؟؟
ولماذا يكرهني ويبغضني ؟؟
حسنــاً ،، وما الجديد في الأمر ؟؟
ولكن ،، ألست زوجته ؟
لا أريد منه الحب ..
فقـــط الاحترام ..
والاحتــرام ..
وكذلك الاحتـرام .. "

.
.
حمــــى أغاثا كريستي تلاشى مفعولها من ذاك اليوم وتبدلت العاطفة لعاطفة حزن وقهر ..

ميـرة من غـير ما تحس كانت تتمنى رضــا بـو محمد عليـــها ..

يمكــن ما كانت تدور الحب .. كثر الحنــان .. الأمان .. الاستقرار ..

بس وين بتحصــله وهي وبو محمد دايــــماً يتضــــاربون ..

!!! ..

.
.
بو محمد : نشـي شو تتريين ..

ميرة باستنكار : ما بتنزل ؟

بومحمد : عندي كم شغلة بسيطة بحاول اخلصها وبرد ..

ميرة : بتتأخر ؟

بومحمد طالعهـا باستغراب : فيج شي ؟؟

ميرة طالعته بحزن : لا ..

بومحمد بتردد : تبين شي ؟؟

ميرة : سلامتك ..

بومحمد تنهـد : خلاص عيـل .. انا رايح الحين ..

ميرة : الله يحفـظك ..

كانت لحــظات غريبة ..
وتصرفات اغرب من ميرة ..
اللي كانت حريصة انها تبين غلاته ..
شو ؟!!
غلاته ؟؟
ميرة : قلب دبي لا تظهرين رمسة من عندج ولا بييج بكـف ع ويهج الحين ..
>
>
لا تعليــق !! خخخ ..

.
.
دخـــلت ميــرة القصــر وهي حاسة بمشاعر غريبة تجتاحها ..

ما كانت مشاعر الحب أبداً ..
بل كـــانت مشاعر غير ..
!! ..

انصدمــت بوجود خــــالد ..

ميرة بصدمة : خالد ؟!!

خالد : هي خالد .. بلاج ؟؟

ميرة طالعته بارتباك : لا بس استغربت من وجودك هنيه ..

خالد بخبث : وفيها شي اذا ييت ازور اخويــه ؟؟

ميرة بخوف : لالا ما فيـها شي .. اخوك محد بس ..

خالد بصوت واطي : ادري ..

ميرة : شو ؟؟

خالد : ماشي .. الا ما قلتيلي شحالج وشخبارج ؟؟

ميرة : الحمدلله بخير ..

خالد بفضـول : وين كنتوا سايريـــن ؟؟

ميرة طالعته باستغراب : ليش ؟؟

خالد : ها .. مجرد سؤال بس ..

ميرة : كنت سايرة بيت ابويه ..

خالد ابتسم لها : اكيد استانستي هناك ؟

ميرة تذكرت أحمد : الحمدلله ..

خالد : وااايد احلويتي عن آخر مرة جفتج فيها ..

ميرة تنهدت : مشكور وما قصرت .. عيونك الحلوة ..

خالد : ادري انها حلوة .. لو مب حلوة جان ما جافت هالحلا كله ..

ميرة طالعته بركبة : في شي ؟؟

خالد : ها لا بس بتريى اخويه ..

ميرة : ناصر ؟

خالد : هه .. ناصر؟؟ اسمه بو محمد ..

ميرة : كله واحد ..

خالد بخبث : لا فرقت .. ناصر جنه واحد صغير .. مب جنه ريال طاف الخمسين ! ..

ميرة : عادي .. المهم انه ريلي ..

خالد باستنكار : تحبينه ؟؟

ميرة باستغراب : ليش هالسؤال ؟؟

خالد : مجرد سؤال !! ..

ميرة تبلع ريجها : ما عرف ..

خالد يتقرب : شو اللي ما تعرفينه ؟؟

ميرة ردت ع ورا : ما عرف ولا شي ..

خالد وهو لازال يحاول يتقرب : ميرة انا احبج ..

ميرة طالعته بصدمة ..

خالد : انا ادري ان نصور تزوجج غضب عنج .. وانج لي انا ..

ميرة قلبها طاح ف بطنها من الزيغة : ايه انته سير بعيد .. سييير

خالد يزخ ايدينها : ارجـــــوووج لا تحاولين تنكرين حبــج ..

ميرة تصارخ : ايه انته يا المينون ودرني .. ودرنييييييي ..

خالد يحاول يتقرب زيادة ..

وميرة تحاول تبــعد عنــه ..

الين ما تمت تصارخ بقوة ..

لمــحت بومحمد توه داش القصـــر ..

على طول انتبهت لـ خالد وهو يبتعد عنها ..

وهي ركضـــت صوب بو محمد واحتمت فيه ..

بومحمد بغيظ : شو تسوي انته هنيه ؟؟

خالد بخوف : ما سوي شي .. ييت أجوفك ..

بومحمد : تستهبل يعني ؟؟

ميرة زاخة ايدين بومحمد : قولــه يظهر برع ..

خالد : ايه يالجذابة انا ما سويت بــج شي انزين ؟؟

ميرة : والله انه يا صوبي و يلس يقول احبج ومادري شو ..

بومحمد بصدمة : يا الهرررررم .. يا جليل الحيـــا .. اظهر برع ..

خالد بانتقام : اوكيه يالشيبة .. وايد ماخذ مقلب على عمرك ولاعب الدور .. اونك شاب ؟؟ يا بوك لو خذت وحدة عمرها سنتين بتم شيبة ..

ميرة بغيظ : شيبــة فـ عينك انزين ؟؟

خالد : اوكيه اوكيه .. مب مشـــكلة .. بنجــوف .. جيه انته كم بتعيش .. يوم ولا يومين وبتموت وبتكون لــي أنـــا ..

ميرة يلست تصارخ وهي تصيح : ان شا الله انته مب هو ..

طالعها خالد بانتقـام : والله بتندموون ..

وظهر عنـــهم خالد وهو يهدد ويتوعـــد ..

بو محمد زخ ميرة من ايدها ويلسها عسب تهدى ..

ميرة تصيح بقــوة : حقيــــر !! جبـــان .. والله انه جبــان ..

بومحمد بعطف : خلاص يا ميرة لا تصيحين خليه يولي ..

ميرة بقهر : اشحقه يقولك شيبة ؟؟

بو محمد : لاني شيبة صدق يا ميرة .. الحين انتي ما عليج منه ..

ميرة شهقت بقهر : اكرهـــــــه !! ..

بومحمد : خلاص الحين شحقه مهتمة .. خله يولي..

ميرة : انزين لييييش يغلط عليك انته شو يخصك ؟؟

بومحمد ابتسم لها : اموت واعرف شي واحد ..

ميرة طالعته باستفهام : شو ؟؟

بومحمد : شو سـر هالاهتمام المفاجىء ها ؟؟؟

ميرة ابتسمت ومسحت دموعها : لانك تعنيلي وايد يـا ناصر ..

ناصر حس بربكة فـ مشـــاعرهـ ..
أواصـر القســوة كلــها بدت تتلاشى تجاه ميرة ..
ميرة كل الحب والعاطفــة الحــلوة ..
ميـــرة .. تنحط ع الجرح يبـــرى ..

نــاصر ابتسم براحه : خلاص يا ميرة سيري نامي الحين الوقـت تأخر ..

ميرة بخوف : بتظهر ؟؟

ناصر : هيه .. بعدني ما قضيت اشغالي .. جفت سيارة خالد جان ارد القصر وضاع الشغل ..

ميرة بتوسل : دخييييلك لا تسير اليوم .. والله اخاف اتم روحي ..

ناصر : انزين هديل موجودة ! ..

ميرة : لا انت غير .. ( ارتبكــت ) اقصد يعني خالد ما يروم ايي ..

ابتسم ناصر بحب لها : خلاص .. بتم هني ولا يهمج .. كم ميرة عندنا ؟؟

مرت هالأيــــام ومشاعر الكــره بدت تتلاشى بين أحلى عدوين فهالكون ..
بومحمـــد اكتشــف ان زواجــه من ميرة ما كان مرحلة طيش وتحدي وبس ..
بل كان تجربـة فريدة علمته حب الحياة وحسن التعامل مع الغيــر ..
وميــرة اكتشفت ان العز كلـه يولي اذا كان صاحبه سـم على غيره ..
القصــور والمال والجــاه كلها مآلها لـ زوال ..
لكــن صاحب القلب الطيب ..
حتى لــو زال واندفن بالتراب ..
تظـــل ذكراه تعطــر كل الأجواء ..
بالمســك والعنـــبر ..

.
.
.

فـي بيـت بو ميرة ..

بوعادل : نحن يايينك خاطبين يــا بو شمسة ..

بو شمسة والفرحة مب سايعتنه : هاي الساعة المباركة والله يوم ان عادل ياخذ وحدة من بناتي .. بس ما قلتولي منو تبون فيهم ؟؟

عادل باندفاع : شمســة .. ( انتبه لنفسه ) اقصد بنتك العودة ..

بو شمسة ابتسم له : انا عن نفســي ما عندي أي مانع .. بس شور البنت لازم فـ هالأمور صح ولا غلط يا بو عادل ؟

بوعادل : لا والله انا اشهد ان كل اللي قلته صحيح ..

بو شمسة : حاب تجوفها الحين ؟؟

عادل بحب : يا ريــت يا عمـــي ..

بو شمسة : خلاص ولا يهمك .. بسير ارمسهـم وبييك ..

.
.

من بعد ما يـت شمســة للميـــلس ..

شمســة بحيـا : السلام عليكم ..

عادل وهو يتأملها بإعجاب : وعليييكم السلاااام ورحمة الله وبركاته ..شحالج يا شمسة ؟؟

شمسة والحيا زاد عندها : بخير الحمدلله .. ( بعد ثواني ) انته شحالك ؟؟

عادل بحب : دام جفتج فأنا بخير والحمدلله ..

احمـــرن خدود شمســة ..

عادل : شمســة انا من اول يوم جفتج فيــه حسيت بشعور غريب تجاهج .. كنت دايماً أفكــر فيج واحس انج انتي تعنيلي شي معين ..صدقيني لو اختج ما كانت زاقرتنج هاك اليوم جان ما عرفتج ولا كان لي نصيب اني اعرف حتى انتي بنت منو ..

ابتسمت لــه شمسة بحيا ..

عادل : وحتى يوم يينا بيتكم كنا مدبرين هالشي عشان امي تعرفج عدل .. وتقرر اذا انتي كنتي صج تصلحين لي او لا ..

شمسة بحيا : صدقني ما كنت اعرف ان امك هي نفسـها ام اللي فريت عليــه الملابس ..

عادل : ههههههههه ان شــا الله تكون دفعـة خير ..

شمسة : ههههههه ان شا الله ..
.
.

تحددت ملجة شمسة وعـادل بـعد أسبوعــين ..
صحيــح ان شمسة ما كانت حاطة فـ بالها السالفة ..
لكن بمـــجرد ما ان عادل اختارها كـ زوجة لـه استانســت ..
وحســـت بعمـــرهــا ملــكة ..
فوق السحاب ..

شيما : هي هي شعليج .. من بعد حب الغسيل ما ايي الا الزواج ..

شمسة : شو قصدج يا ام لسانين ها ؟؟

شيما : قصدي ان لوووولاي .. جان ما فكر يخطبج ..

شمسة : ليش حبيبتي انتي اللي قلتيله دخيلك تزوج اختي ؟؟

شيما : هيه .. تصدقين عاد ؟؟ كنتي علة طاااايحـة فـ جبدي استغــفر الله ..

شمسة : سكتي سكتي .. ع الاقل انا لا حبيته ولا فكرت فيه وهو اختار الدرب الصح وخطبني على طول من ابويه ..

شيما : شو قصدج تعايريني ؟؟

شمسة : ما اعايرج ولا عندي خبر .. بس يعني اخبرج ان انا ما تعلقت بوهـم شراااتج ..

شيما : اكيد تقصدين احمد صح ؟؟

شمسة : انتي ادرى ..

شيما : مالت عليج ..

شمسة : ههههههههههههههههه .. ويا هالويه ..

.
.
.

فـ بيـــت العمـــه مريــم ..

العمة مريم بصدمة : معقــــــولة !!!!

خالد بكره : شو اقولج يا عمتي .. واكثر بعد ..

العمة مريم : هاي سواة تسويها يا ناصر ؟؟؟ من بعد الثقة تسوي فينا جيييييه ؟؟

خالد بحقـد : اتخيلوا قال لي مالت عليكم و هالـ ميرة هي اللي بتورثني وانتوا مالكم حق .. وعمتي مريم خلها تولي مالها مكان بيننا ..

العمة مريم : اتخسى وتهبى هالخايسة لو الموت ما تحصل لها فلس حمر ..

سيف باستغراب : معقولة هاي رمسة ناصر ؟؟ مستحيييل !!

خالد : اجذب عليك انا يعني ؟؟

سيف : بلاك انزين مجرد سؤال ..

خالد : لا رمستك يعني انا جذاب ؟؟ قول قول ..

سيف : اوووه بلاكم انتوا .. اقوم احسـن لي ..

وظهــر عنــهم ..

العمة مريم : خربت عقله هالسوسة .. صج قليلة ادب ..

نزلــت نوال ( أم محمد ) وهــي تطالع خالد والعمة مريم باحتقار : والله حرام عليكم اللي تسوونه انتوا .. بسج طمع يا مريم .. بســج !

العمة مريم بغيظ : جب انتي تأدبي انزين ؟؟ تعالي شو نزلج من فوق .. ردي صعدي بسرعة ولا اجوف ويهج مرة ثانية ..

نوال : والله مــب زيــن اللي تسوونه ..

العمة مريم : جب جب سكتي .. وذلفي عن ويهي ..

نوال بقهر : انا بذلف .. بس تذكروا ان كل ظالم فهالدنيا ولــه يوم .. وين بتسيرون من عقــاب ربكم ..

وســــارت عنــهم ..

خـالد : هاي بلاها ؟؟

العمــة مريم بغيظ : خلها هاي من التقت بويه النحس ميرو وهي متغيرة ولسانها مستوي طويل علينا ..

خـالد : والحين شو نسوي يا عمتي ؟؟

العمة مريم بخبث : الا قـــول شو اللي ما بنســويه .. انا براويــج يــا بنت الفقر ..

وبدت العمــة مريــم تشغــل مخهــا لتنفيــذ فكرتــها الإجرامية ..

والله يستر !! ..

.
.

عنــــد ميـــرة ..

ميــــرة : ههههههههههههههههههههههه احلف بــس ؟؟

بو محمد : واللــــه ..

ميرة نشــت من مكانها وطالعته بكبرياء : جوف جوف كيف كان شكلك ( تغلظ صوتها ) ذلفي عن ويهي .. ويــه الفقر ههههههههه ..

بو محمد : صدق انج هههههههههههههه ..

ميرة بدلع : ياهل ؟؟ عادي بس ياهل حلــــــــوة ..

بومحمد ابتسم لها : يالمراااهقة ..

ميرة : فدييييتني والله .. احلى مراهقة ..

بومحمد : بس ودي اعرف شي واحد لا غير ..

ميرة : شووووه ؟!!

بومحمد : يالفضووووول !!!

ميرة حاست بوزها : عادي .. لازم اكون فضولية ولا ما بيستوي اسمي ميرة هههههههه ..

بومحمد : هههههه انزين .. ليش كنتي تشهقيــن ونحن فـ دربنا للقصــر بعد ما سرنا المحكمة ..

ميرة تذكرت : هههههههههههه ولا شي .. مجرد حمى بس ..

بومحمد باستغراب : حمــــى ؟!!

ميرة : حمـــى أغاثــا كريستي فقط لا غير ههههههه ..

.
.
ومــع مرور الوقـــت
.
.
دق الجــــرس بصوت عالي ومتواصل ..

ميرة برعب : بلاهم يدقون الجرس جيه ؟؟

بومحمد : يمكن يبوني بشي ضروري .. ( يزاقر ) هديـــل سيري خبري الحارس يفج البـــاب ..

هــديل طالعتهم بابتسامة : ان شـــا الله ..

وخذتــهم الســـوالف مرة ثــانية ..
الين ما حسوا ان هديل تأخرت شوي ..

ميرة بخوف : شو بلاها هديل تأخرت جيــه ؟!

بومحمد : مادري ..

ميرة برعب : اخاف استوى بها شــــي !!!!!

بومحمد : بسم اللــه .. ( نش ) بسير اجوف شو الســـالفة ..

ميرة زخته من ايده : لالالالالا تم هنيييه ..

بومحمد : بلاج يا ميرة بسير اجوف هديل شو استوى بـها ..

ميرة : والله قلبي مب متطمن ..

بومحمد ابتسم لهـا : لا تحاتين ميرة ان شــا الله ما بيستوي الا الخيــر ..

ميرة بخوف : متأكد ..

بو محمد : بإذن الله ..

ميرة : لالالالالا دخيييلك اخاف يسوون بك شي

بومحمد : عادي خلهم يسوون امون وانا عندي اغلى زوجة ..

ميرة : فال الله ولا فالك .. لا تقول جيييه !! ..

بومحمد : هههههههه يلا بسير وبرد ..

ومشـــى بـومحمد بصوب بوابـة القصـر ..

وميرة حاســة بشعـور الرعب يلهب كل المشاعر فيـــها ..

دقـــايق ..

الا وهـديل يايـــة ملطخـــة بالدم .. وتصارخ : عمـــتي لحقي عمي بومحمد ..

لا شعورياً بدت ميرة تركض ودموعهــا تسبــق ريولها ..

ويوم وصلت هـــــالها منظـــر بو محمد وهو ملطخ بالدم من كل جانب ..

صرخـــــــت بقــــــــوة : نــــــــــــاصـــــــر !!!

قصة شموع ميرهـ ... 6