ما كنت اصدق في دموع الرجاجيل ...9 - القصص القصيرة , القصص و الروايات story
 |
 |
 |
 |
 |
 |
 |
 |
|
|
|
 |
|
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (137,552 مشاهدات)
فتاة تستأذن امها فى ممارسة الجنس (85,931 مشاهدات) قصة واقعية حدثت في ليلة الدخلة (67,262 مشاهدات) اغتصاب بنت ميته (45,507 مشاهدات) دخلت الفتاه الشاليه قصه يقف لها شعر الراس (43,028 مشاهدات) الملائكة تنقذ فتاة من الإغتصاب ... سبحان الله (38,370 مشاهدات) ركبت عبير مع خالد اللكزس وطلعو الشقه (29,912 مشاهدات) قصة حب محزنة عبر الانترنيت والله تبكى الحجر (29,329 مشاهدات)
جديد مواد مع عشوائي
زوج نجاه الله من الغرق (4,206 مشاهدات)
ضحت بذراعها لتنقذ شقيقها (4,720 مشاهدات) خرجت رائحته بعد موته (6,279 مشاهدات) آهٍ........ لو أعود (2,293 مشاهدات) توبة اشهر عارضة ازياء (4,859 مشاهدات) توبة الشيخ سعيد بن مسفر (4,096 مشاهدات) توبة أب على يد ابنه (2,288 مشاهدات) توبه فتاه ادمنت الشات (5,046 مشاهدات)
روابط ذات صلة
روابط دليل وصلات
خطوط منتديات مدرسة المشاغبين افلام مقاطع يوتيوب بروكسي proxy ماسنجر مسنجر العاب فلاش اغاني اناشيد مسجات رسائل sms جوال موبايل بلوتوث صور جديدة برامج جديدة خطوط بث مباشر مشاهدة قنوات فضائية على النت تلفزيون راديو television radio tv live منتديات فراشة حواء - للبنات للنساء للستات للحريم |
القصص و الروايات story > القصص القصيرة > ما كنت اصدق في دموع الرجاجيل ...9
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية ما كنت اصدق في دموع الرجاجيل ...9
الــــجزـ التاســـع والأخـــيـــر
2:20 ليلا أم معضد ما يهنى لها رقاد الا عقب ما تدخل غرفة عيالها تتاكد بانهم راقدين ومتلحفين عدل مرت على الكل اللى راقد لحفته وغطته عدل واللي صاحي تخليه يرقد لان الوقت تأخر وآخر شي مرت على غرفة حارب سمعت صوت نحيب ,,أم معضد تروعت على ولدها فجت بابه لقت حارب متسدح على الشبريه وحاط راسه على المخده ويصيح أم معضد قعدت عدّاله وهي خايفه عليه حارب تأثر بحادث سلطان ام معضد تمسح شعر سلطان أم معضد: يا وليديه احمد الله بأنه بخير ما يستوي تسوي بروحك جيه انت ريال امسك عمرك حارب قام وحط راسه فحظن امه ويصيح بحراره: اميه انا السبب أنا السبب يا اميه انا خليته أم معضد تقطع كلامه: حارب شو ها الكلام فديتك ربك كاتبلّه جيه انت مالك خص حارب حس براحه يوم أمه تطبطب عليه وتخفف عليه من حزنه على ربيعه ,,,وبعد فتره رقد حارب في حظن امه ,,وهي تمنت في هاي اللحظه بأن يهدى و ينسى اللي صار في بوظبي 4:15 كما تعودت عايشه انها تقوم من بدري وتجهز الريوق وبعد مرور ساعه الكل قام ويتريق في الصاله ضاعن: مصوف أي جامعه تبين تدخلينها مصيفه: والله يا خويه ما اعرف محتاره ضاعن: جامعه الامارات لا تفكرين فيها ما اباج تكونين بعيده عنيه اباج هنيه عايشه: انزين شرايج بالجامعه اليديده جامعه بوظبي مصيفه: اقولكو شي !!ماليه خاطر ادرس ضاعن: برايج مصوف بس ملل صدقينيه عايشه: وانا ضاعن: انتي شوه حبيبي عايشه: ابا ارد للدوام و اشتغل ضاعن: ليش تبين اتعبين عمرج ,,,حبيبي هب ناقصنا شي انا أسد ,,,وبعدين شرايج تاخذين مصيفه تاخذلها دورات في الكمبيوتر والشغلات اليدويه وهكذا مصيفه: زين يت منك شي حلو ضاعن: خلاص عيل وديها بسايرتج ولا اخلي الدريول يوصلها عايشه: لا لا انا بودي مصوف شورايه مرت الايام و عايشه توصل مصيفه تسجلها في كمن مركز واحد للكمبيوتر والثاني تاخذ لها دورات "محاظرات متنوعه" وفي اليوم التالي " وقت العصر" قامت مصيفه صوب المطبخ وقالت للخدامه تسويلها عصير برتقال وهيه ماسكه تلفونها وتقرى المسجات وتتحوط في الحوش دخلت الميلس بس ويهها كان صوب المطبخ وتزقر الخدّامه عشان تيب العصير في الميلس قالت أنها بتتقهوى شويه وترتب الكبت من فتره محد رتبه بس انصدمت شافت حد فيه تبست في مكانها كان الريال قاعد بس عاطنّها ظهره مصيفه استحت لأنها علت صوتها أكيد الريال سمعها بس ما حب انه يحرجها مصيفه بخطوات سريعه وهي تظهر من الميلس حارب: ههههههههههه تعالي ايه انا هذا مصيفه : حويرب الله يسامحك فلخت يا خي كفك كفك علومك يا بو الشباب حارب: الحمدلله بخير مصيفه: ليش ما قلت انك هنيه هاااااااااا حارب: تونيه ياي قلت بسلم عليكم لأنيه ياي أحم أحم باخذليه فتك من داركو مصيفه:والله عجييييييييييييييييييب وأنا أول وحده طبعا اركب فيها اوكيه حارب: افا كم بنت عم عنديه الا وحده أنتي تامرين أمر بس عرب بيغارون مصيفه: هههههههههههه هيه شما ابا اغايضها اصلن هههههههههه مصيفه مستانسه على حارب وكلامه بس حست أنه شويه متغير,,ما يضحك وينكت شرات أول مصيفه: حارب وبعدين معاك بعدك متكدر بسبة ربيعك حارب: خليها على الله يا مصوف مصيفه: بقولك شي يا حويرب ها الحزن اللي فيك كان من المحتمل انه اذا مات بتكون جيه في ها الحزن ,,,بس دامنّه حي خلاص انت كأنك وديته للدرب الصح لولا الله ثم الحادث ما بيعتبر انا جيه افكر حارب يفكر في كلامها: صدقتي يا مصوف ويت الخادمه يابت العصير مصيفه: اندوك اشرب حارب: لا افا اشربيه في خاطرج تراه مصيفه تاشر له بأن يصبلها في فنيال ويشرب هو لانها كانت تتصل على ضاعن تخبره أن حارب في الميلس يا ضاعن وقعد معاهم وسوالف ومصيفه بعد كانت معاهم يسولفون ويضحكون وهي كانت تتمنى ان خليفه كان معاهم حارب: اقولك ضاعن اباك ترخص مصوف عشان تظهر معايه ضاعن: وين تبون حارب: مثل ما قلتلك بشوف السيايير يمكن تعجبنيه سياره و نخطف على كورنيش تدري عاد ولد عمك ياي من العين ما عندنا بحر هناك ضاعن: ههههههههههههه خير بس لا تتأخر احاتي ترانيه حارب: من هاي العين ياالله قومي مصوف قبل لا يهون خوج وتربع مصيفه تيب عباتها وتركب مع حارب السياره وهي مستانسه انها بتتونس بالطلعه صحيح ضاعن ما يقصر يحوط حرمته ومصيفه بس مصيفه ما تحب تضيع مثل هاي الفرص وفي السياره حارب: هاتي تلفونج مصوف مصيفه: اندوك حارب يبا يدق على خليفه اونه يبا يغايضه لانه ما كان يدري ان حارب في بوظبي خليفه: مررررررررررحبا حارب :........................ خليفه: مصوف والله تولهت عليج ,,,زين دقيتي بخبرج شي حارب يقلد صوت بنيه وبسخريه: حتى ،أنا فديتك خليفه: حووووووووويرب يا الهرم يا الخمام حارب ميت ضحك على خوه : هههههههههههههههههههههههههههههههه خليفه: شيايبنك بوظبي ولا تخبرنيه هااااا حارب: كيفيه كيفيه ما ابا خليفه: الله يسامحك حارب انت في بيت ضاعن حارب: ما بتصدق انا ساير آخذ ليه سياره وقلت بتمشى على الكورنيش شويه وخذت مصوف عقب الحنه على ضاعن خليفه: احلف أحلف حارب: برايك ما تبى تصدق يالله بسكر خليفه: ايييييييه شوه تسكر صبر تبانيه ايي واساعدك في اختيار السياره حارب: اونك عاد بتي عشان سيارتيه هب عليه يالله يالله اركد خليفه : اففففففففففففففففف شو ها الحظ عطنيه مصيفه حارب: ماابا خليفه يبى يسوي عمره معصب: حوييييييييرب حارب: هههههههههههههههه خلاص خلاص اندوك مصيفه تأشر له عشان ما تبى ترمسه حارب: مصيفه ماتبى وهنيه مصيفه تضربه في جتفه مصيفه: صدق انك دب قل أي شي هب تعطيه في الويه عاد ههههههههههههه حارب: رمسيه انزين ضاعن: .................... مصيفه:................... ضاعن: اشحالج مصوف مصيفه: الحمدلله بخير ضاعن: ابا اقولج شي بس بعدين يوم بتكونين بروحج ممكن مصيفه: بفكر ضاعن: مصووووووووف مصيفه: انزين اوكيه وسكر عنها ضاعن ,, مصيفه سمعت رنة رساله وعلى طول بطلتها كانت من ضاعن العز ما هو لمة الناس بالناس العز لم قلوبنا مع بعضها يا غالي معزتك على العين والراس معزتك ربي بقلبي فرضهـــا أقولها من كل قلبي والإحساس {{ أ ح ب ك }} قلبـــــي اللي نطقهــــا ... مصيفه احمر ويهها و هي مستانسه على ضاعن وشعوره لها طبعا الملقوف حارب ما يخلي شي قرى الراسله وطول الوقت يحرجها بطاري خليفه وواستمر هذا اليوم وكان حارب مستانس وخاصه يوم كلمته مصيفه في الميلس ,,وقضوا أوقات ممتعه وجميله في ارجاء بوظبي ,,, اما ضاعن ما فوت الفرصه أول ما ظهر حارب ومصيفه ,شل حرمته وراحوا يتحوطون وآخر شي قال بأنه بيوديها البحر بيقعدون شويه ,,, كان المكان فاضي محد من الناس في نفس مكانهم ضاعن فرش الحصير واتسدح أما عايشه كانت عند البحر رافعه عباتها وهي تتمشى ومستانسه كل شويه اطالع ضاعن و يبتسمون لبعض وصلت رساله لعايشه من ضاعن "أبى أعرف شكثرغلاتي عندك وشكثر حبك لي" وعايه تمت تفكر بوه ترد عليه وردت بــــــــــــــ أحبــك ايــه أحبــك ولجلـك اشتعـل نيـران عسـانـي احتـرق يمـك ولا تقـول بـردان فـداك الـروح يـاروحـي وقلـب العـاشـق الهيمــان لعينـك بسهـر ايـامــي ولا تبـات سهـران البـلا انـي اشعـر انـي مـا وحشتـك وانـت واللـه كـل شـي بـك وحشنـي كـان صـدرك ضـاق مـن قلبـي وبلشتـك واللـه ان الشـوق [ لتـرابـك بلشنـي ] ليتنـي وبـس عشتـك والا ليـت العمــر [ فـي قـربـك نصفنـي ] استانس ضاعن لرسالتها وعلى طول سار عندها وهي ناسيه عمرها وتمشى ببطىء ضاعن كان يمشي صوبها وهي ما حست به ضاعن: احم عايشه: شيايبنك سر حط راسك وارتاح ضاعن يمسك خصرها بيدينه وكأنه يحظنها من ورى: ما اتحمل فرقاج عايشه: ايه عيب شو بيقولون عنا العرب ضاعن: عادي اللي بيقولونه حرام يعني انتي حرمتيه وبعدين محد هنيه عايشه: ههههههههههههه انزين تعال عدّاليه مدت يدها وضاعن مسك يدها ويتمشون ضاعن: عوووووشي عايشه: عيونها ضاعن : الله لا يحرمنيه من شوفت عيونها ,,,عووش انا اموووووووت فيج عايشه طاعته بظره كلها حياء وخجل : وانا بعد ضاعن: يالله محد بيذبحنيه غير هاي النظرات عايشه: هههههههههههه هب كأننا تأخرنا عن البيت ضاعن: هيه صدقتي اقول تعالي شويه عايشه على غفلتها ويت صوبه: ها ضاعن ضاعن مسكها ودفرها على البحر وطاحت فيه وهو يضحك عليها ميت ضحك على شكلها اما عايشه شويه و بتصيح ما درت ان ضاعن كان يبى يطيحها في البحر عايشه طلعته بنظره حتى ان ضاعن خاف منها فمد يده عشان يقومها بس ما سلم منها مسكته بقوه لين ما طلح عدالها وهي تضحك عليه ضاعن يضحك على عايشه وحركاتها: لا زم تاخذيت بثارج ها عايشه: هيه عيل هههههههههه في بيت ضاعن حارب رقد في الميلس ومن الفير عقب الصلاه قال انه بيرد العين مصيفه حطت راسها تبى ترقد شافت" ولد عمج" يتصل بك مصيفه: الوه خليفه: مسّاج الله بالخير مصيفه: مسّاك الله بنوره خليفه: بدخل في الموضوع على طول مصيفه: اوكيه اسمعك خليفه: انا رمست اميه وقلت لها بأن تعجل في ملجتنا يعني اسبوع اسبوعين تقريبا مصيفه مستانسه على الخبر اللي تسمعه خليفه: ياخي ابا ارمسج على راحتيه الحين ما اقدر ارمسج ولا اشوفج الا عقب الشين ها شرياج والعرس مثل ماقلتلج بعد شهرين مصيفه: اللي تشوفه ,,,وبعدين انا خبرت ضاعن انيه ما بدخل أي جامعه باخذليه كمن دوره عن الكمبيوتر وجيه خليفه: شي طيب ,,ما ابى اطول عليج امرينيه بشي مصيفه: لا سلامتك خليفه:تصبحين على خير يا بنت العم مصيفه:وانت من هله ,,, ,, , وبعد مرور اسبوع حددوا ملجه خليفه على مصيفه بيكون يوم الخميس هذا الاسبوع يعني باقي 5 ايام والفرحه عمت الجميع وكانت أسعد اللحظات لخليفه ومصيفه مصيفه مرتبشه ادور لها شي جاهز لحفلة الملجه وكل مره عايشه توديها للمحلات عشان مصيفه تاخذ اللي يعجبها,,, وعقب الموت مصيفه لقت اللبسه اللي بتلبسها في يوم الملجه وهيه عباره عن تنوره وقميص على هيئه فستان هادي ولونه ودري فاتح وعليه شغل خفيف الساعه 12 ليلا ضاعن: حبيبي عوش شفيج تعبانه؟! عايشه: شويه ضاعن تعالي قعدي عداليه ,,,قعدت عايشه وهي مستانسه ,,ضاعن ماسك يدها ضاعن: تبينيه اوديج المستشفى عايشه: لا انا سويت الفحص في البيت و و ضاعن: و و شوه عايشه: انا حامل ضاعن يحب يدها : عوش أحلى خبر سمعته يعني بستوي ابو عايشه مبتسمه: ان شاء الله بس ما اعرف أي شهر ضاعن: خلاص باجر بسير معاج المستشفى و بتفحصين عايشه: لالا داوم يا ضاعن السالفه ما تحتاي غياب يوم كامل ضاعن: خلاص بدوام نص الدوام وبسير معاج ابا اكون معاج عوش افهمينيه عايشه: خلاص الساعه عشر انا بسير مب لازم تخطف عليه ضاعن: خلاص تم انا بسير المستشفى الساعه عشر وبلاقيج هناك يالله الحينه ارقدي وارتاحي عايشه: يالله تصبح على خير يا الغالي ضاعن مبتسم لها,,, شعور جميل اجتاح ضاعن كان يتمنى أن يذوق طعم الأبوه ,,, ,, , في الصباح التالي اتجه ضاعن لدوامه وكان يتريا الموعد بفارغ الصبر اما عايشه قاعده مع مصيفه يسولفن ويتضاحكن عايشه: مصوف خلاص كبرتي وبتعرسين مصيفه: والله انيه مستانسه ميته من الفرحه عايشه: انتي تحبينه صح مصيفه تهز راسها وهي مستحيه عايشه: هيه انا حسيت اصلن مصيفه مستغربه: والله!!! كيــــــف؟ عايشه: من حركاتكوا يا حلوه ما يطوفنيه شي هههههه مصيفه: فديــــــــــــته يا ربي عايشه: الله يهنيكم مع بعض وهالله هالله فيه لا تخلينه يتلفّت هنيه ولا هنيه مصيفه: اعيبج أنا ههههههههههه تدرين عوش انا احبج عايشه مبتسمه لها: وانا بعد مصوف انتي غاليه على قلبيه صح بتستوين عمه مصيفه: والله انتي حامل عايشه: هيه حامل وبعد شويه بسير المستشفى وبلاقي ضاعن هناك مصيفه: ياااااااااا سلام يا فرحة خويه ضاعن عايشه: الساعه كم عندج مصيفه : تسع ونص عايشه وتفز من مكانها: اووووووووووه تأخرت مصيفه :ابا ايي معاج عوش عايشه: لا فديتج ما بتأخر ساعه وايي يالله مع السلامه سارت عايشه تلبس العباه بسرعه وركبت السياره وفي الطريق ضاعن: هلا عوش عايشه: هلا بك ضاعن: انتي وين انا وصلت المستشفى عايشه: فدييييييييتك والله لهاي الدرجه مستعيل تو الناس باقي نص ساعه ضاعن: هههههههه ما حسيت بعمريه يالله اترياج لا تسرعين بالسياره حبيبي عايشه: أنت تامر حبيبي يالله مع السلامه ,,, ,, , خليفه يداوم من اسبوع تقريبا في شركه خاصه ,,,هو مسؤول عن كل شي يخص الكمبيوترات من تصليح و عمل صفات الويب كان يشتغل بجهد مع ان الشركه ما تدفع له الا شي بسيط ,,بس طبعا ابوه بيتكفل بتكاليف العرس اما شمسه وبخيته خذن لهن تنانيير وقمصان للملجه وجهزن كل شي خليفه فصل له كندوره سودا مع نعال ابيص و سفره حمرا اما عتيج وحارب كندوره بنيه وسفره على نفس لون الكندوره في غرفه بخيته بخيته ترتب الحيره وتنظفها عتيج يدق الباب بخيته: حياك عتيج: وينج بخوت ليش ما نزلتي تحت بخيته: قلت انظف الحيره ,,,ها شو بالخاطر عتيج: ابا اعرس بخيته: اها زين زين ومن تبا تاخذ عتيج: ما اعرف والله ما حد في باليه اباج انتي تختارين ليه ,,اهم شي انها تخاف ربها والجمال امممممممم مهم بس عادي اذا كانت مقبوله بخيته: خلاص خل السالفه عليه ,,,انزين عتيج كيف الحينه هذاك اللي سوا الحادث ربيع حارب عتيج: ماشاء الله عليه يا بخوت والنعم فيه,,ما يأس من الحياه بالعكس تمسك فيها اكثر واكثر والحينه استوى ريال راعي دين واصطلب بخيته: الحمدلله الله يثبته ان شاء الله ,,حارب وايد متعلق فيه عتيج: هيه صحيح بس الحين بعد وعلاقتهم تحسنت اكثر ,,انا احس ان حارب ما بيتغير الا بيد سلطان بخيته: هيه اسمه سلطان يالله ان شاء الله ,,, ,, , في المستشفى مرت نص ساعه وعايشه بعدها ما يت المستشفى وضاعن مستهم عليها ما حب انه يزعجها بالاتصال قال انه بينتظر شويه قام ضاعن وهو يتمشى في ارجاء المستشفى ينتظر حرمته سار وقف عند البوابه كان يشوف سيارات الاسعاف تيب المرضى وتوديهم لغرف العمليات أو غرف ثانيه و هو متالم لهذي المناظر ويدعيلهم ضاعن كان يبا يرد مكان الاستراحه في مكان الكراسي لكن فجأه حس بشعور غريب كان حد يقوله انتظر شويه,,,, شاف الاسعاف تظهر اشخاص مصابيين انتظر في مكانه لين ما مروا عدّاله بس المصيبه انه شاف شخص يعرف ملامحه ,, لونه ,,هيئته اقترب شويه للاسف كانت حرمته عايشه اسودت الدنيا في عينه وصار مثل الخبل يلحقهم وين بيحطونها ,,,كان شكله يعور القلب وهو يتبع النيرس حطوها في غرفه خاصه لحالتها ضاعن ماسك عمره وهو يطالع منظر حبيبة قلبه وهيه مغطيه بالدم ,,,اقترب منها بس المسافه كانت بعيده شويه وهو يتأملها دخل عليه الدكتور: من انت ضاعن: ريلها الدكتور: معليش لو تنتظر بالخارج شوي ضاعن ما قدر يتحرك ,,مسكه الدكتور وتم يقوله كلمات مهديه وهو يوديه صوب خارج الغرف دكتور: ادعي لمراتك يا خويه ضاعن قعد على الكرسي اللي عدّال الغرفه ينتظر الدكتور وتشخيصه لحاله عايشه ظهر الدكتور وقعد عدّال ضاعن: البقيه في حياتك يا خويه ضاعن طالع الدكتور وعينه احمرت من الألم اللي يحس فيه ,,, ضاعن: دختور حرمتيه بخير صدقنيه بخير وهي حامل هههههههه دختور بيغادي عندنا صبي انا فرحان يا دختور ضاعن يجر الدكتور صوب الغرفه عشان يعيد النظر في تشخيص حالتها: دختور ارجوك لا تحاول تمزح معايه الدكتور ما قدر يمسك عمره عينه تدمع حس بمدى تعلق الريال بحرمته الدكتور اقترب من ضاعن وحط يده على كتفه: الحرمه ماتت وعلى طول الدكتور ظهر برى ما تحمل يقعد مع ضاعن,,,ضاعن طاح من طوله وكان يهذي بكلمات ويصيح بصمت مؤلم ,,, ,, , °ღ°خساره يا بعد عمري خساره° توادعنا بعد حب طويل° بنينا الحب وأسسنا جداره° وفجأءه روح الحب الجميل°ღ° بعد 3 أيام من العزى وبعد انتهاء من الدفن بأسبوع الكل يدعي بان الله يصبر ضاعن على بلواه ويصبر مصيفه على فقدانهم عايشه صاحبه القلب الحنون مصيفه عانت الكثير من الدنيا و موت عايشه اثر عليها كثير ولكن كانت كل ما تذكرها تدعيلها بالرحمه و الغفران ضاعن صابه اكتئاب فضيع وكان ما يظهر من حيرته,,هذاي حالته من تركته عايشه ,,فراغ شديد يحس فيه بعد فراقها °°° نادره ما عرفت الدنيا قدرها يوم راحت ما بقى في الناس طيب جسدت كل العواطف في صورها وارحلت عني على دموع ونحيب والله اني كنت واقف وانتظرها مالها عاده على وقتي تغيب طحت من طولي على لحظه خبرها وانكسر عمري ولا لي من يثيب ليت أمر الموت ياني ولا امرها لكن الاقدار في الدنيا نصيب حكمه الله خالق الارض وبشرها في شروق الشمس يا مر والمغيب وقفت قلبي وهي وقف عمرها وارتجف من الحزن والموقف صعيب آه ويلي يوم نزلت في قبرها شاب عقلي من قبل قلبي يشيب كأن روحي خنجرن ياها ونحرها هل دمع العين على ثيابي صبيب صرت اخايلها على ميله خصرها راح ذاك الزين والحزن العجيب يعلها في جنة الخلد في قصرها تقطف الاثمار من عودن قريب °°° وبعد مرور شهر كامل أشيا كثيره ماتخليني انساك اعيشها واطرد بقايا سرابك لك ذكريات باقيه لو فقدناك صوتك وضحكتك وكلمة >>>>هلا بك<<<< ضاعن تحسنت اوضاعه و اصبح احسن من اول وكل يوم تتحسن حالته ,,,أستسلم للواقع المرير ورد لضاعن الاولي ومثل ما ذكرت ضاعن أنسان حساس جدا في وقت الغدى ضاعن: مصوف كلي عدل مصيفه: ان شاء الله يا خويه ضاعن يبتسم لها ويحاول يخفي حزنه العميق: يالله باجر بتكون ملجتج مصيفه: ما ابى حفله ولا خربطان ضاعن: على ها الخشم ,,, مصوف مصيفه: لبيه ياخويه ضاعن: لا تسيرين عنيه انا اباج دوم معايه مصيفه: من قال انيه بخليك بروحك طز في خلوف ضاعن: خليه يسمعج هههههههههههههههه مصيفه: اباك جيه دوم مستانس ,,ترى المرحومه ما ترضى اتشوف ها الحزن فيك اوعدنيه يا خويه ضاعن: انا اوعدج ,,,سبحان لله ناس تقتحم حياتك وتغيرها ,,,ترى الحزن ماله فايده يا مصوف بس ما بنساها أحلى قصة حب عشتها مع أحلى حرمه عشت وياها حتى ولو تزوجت عقبها عشرين وحده مصيفه مبتسمه وتغمز له: انزين يعني عادي لو تزوجت من عقبها ضاعن: ليش لا الحياه بعدها مستمره وبس سكري السالفه مصيفه: هههههههههه خلاص شرايك عرسيه مع عرسك ضاعن: لا احلفي بس ,,,يالله انا بسير ارقد شويه مصيفه: احببببببببببببك ضاعن ضاعن ساير صوب غرفته و يضحك عليها وعلى سوالفها ,,, ,, , الملجه "في بوظبي" كان الجو هادي خالي من الاغاني والطرب عزيمه بسيطه بين الاهل ,,والكل استانس لخليفه ومصيفه خليفه كان سعيد وأخيرا تحققت أمنيته واصبحت مصيفه حرمته على سنه الله ورسوله وكل مره كان يحمد ربه على هذا الارتباط ,,,ومصيفه بعد مستانسه ضاعن فرح لمصيفه وتمنى لها كل الخير ضاعن: خلوف شرايك عقب العرس تقعد معانا خليفه: افا عليك يا ضاعن أنت تامر أمر أصلن انا بروحيه كنت أدور ملجأ لنا ههههههههههه ضاعن: هاهاهاهااي ,,,انا برتب لكم قسم فوق خليفه : خلاص على أمرك يا بن عميه ,,,يالله قم عنيه بسير عند المدام ضاعن يغمز له : برايك ضاعن قعد عدّال عمه ضاعن: طالبنّك بطلبه ياعميه ابو معضد حس باللي يدور في خاطره: لالالا لا وليديه ضاعن اليوم بنسير صوب العين ضاعن: والله انك ما بتسير وهاي حلفتيه أو معضد: يا وليديه ليه الحلفان ,,, كل واحد يرتاح في بيته ضاعن: وهذا بيتك غرفتك زاهبه والحجر مشاء الله تسد الكل وتزيد ابو معضد: خلاص ضاعن ابشر قام ضاعن ويحبه على راسه: الله يخليك ليه يا عميه خليفه مرتز بين البنات وقاعد عدّال مصيفه والبنات يسولفن وهب عاطياتنّه فيس ومصيفه تضحك في خاطرها بس سوت عمرها مندمجه في السوالف تبا تقهره بخيته وشمسه رقدن في غرفه وحارب وعتيج في غرفه اما خليفه مع ضاعن عتيج جاه اتصال راح برى البيت عتيج: مررررررررررحبا جاسم: هلا عتيج اشحالك عتيج :يسرك الحال ,,,جاسم؟ جاسم: هيه خويك جاسم, عتيج: حي الله النقيب جسوم اشحالك وعلومك شوه يوم حولت في بوظبي نسيتنا جاسم: والله انا نسيت عمريه لو تبا الصراحه ,,, وبعدين انا شفتك في ماليزيا بس كنت مع هلك مالقيت الوقت المناسب عشان اسلم عليك عتيج: هيه ما عليه بنشوفك قريب الا علوم الشغل جاسم: طلبت تحويل الى مكانيه القبلي في العين ياخي تغربلت من الشقه كرهت عيشتيه ياحيها الحياه مع الاهل واكلهم عتيج: هيه ,,قصدق الأكل بس جاسم: ههههههه,,,شوه شكلك مشغول عتيج: تراه ملجت خليفه اليوم على بنت عمه جاسم: بالمبارك يالله عيل اخليك يا الغالي من 4 سنوات تقريبا عتيج توظف في الجيش ,, وكانت علاقته مع جاسم علاقه عمليه كونهم زملاء في الشغل ,,ولكن يوم بعد يوم توثقت علاقتهم و صاروا كأخوه,, وكانوا يتزاورون ويتعازمون ,, ولكن تغيرت أطباع جاسم فجأه أصبح معظم وقته في البيت ونفسيته تعبت بعد وفاة ابوه ولهكذا أصر انه يداوم في العين عنده خمس خوات كلهن معرسات غير عنود وهو الصبي الوحيد اللي بينهم في غرفه ضاعن خليفه: شفت من زود حبيه لك ما اروم استغنى عنك و برقد معاك ضاعن: انخمد احسلك بلا الهذربان ههههههههههههههه خليفه: بسوي مكالمه بسير وبيي ضاعن: عندك عشر دقايق وأقفل الباب خليفه: اييييييييه ما يكفنيه عشر دقايق اهون عليك ارقد في الصاله ضاعن يضحك عليه: خذ وقتك انا برقد في الصاله خليفه دق لمصيفه يبا يسولف معاها مصيفه: انت متفيج ابا ارقد خليفه: حرام عليج ابا اسولف معاج مصيفه: متتتتتتتتتتفيج يالله برقد خليفه مسكين كان يتريا ان يكلم مصيفه من وقت طول بس مصيفه كانت صدق تعبانه دخل الغرفه و ويهه ومعتفس ضاعن: ها الحبيبه سوتلك طاف ههههههههههههههههههههههههه خليفه: جب جب انا قلتلها ترقد من وقت احسن لها ضاعن: هههههههههه صحيح صدقتك خليفه: ارقد ارقد بلا الهذربان >>يقلد ضاعن ,,, ,, , 4:00 الفجر بخيته قامت وماياها رقاد بطلت الدريشه وقعدت عدّالها وهي اطالع السماء زهقت من القعده سارت صوب مصيفه توعيها ,,,بس مصيفه من التعب اللي فيها ماقدرت تقوم مصيفه: فديتج بخوت سوي جاهي وقهوه وحطيهن في الصاله خويه ما يشربها من الخدامه بخيته: انزين قومي اباج تكونين معايه مصيفه: بخوت فديتج والله انيه تعبانه ظهرت بخيته برى صوب المطبخ العود ونست ان في الفله مطبخ تحضيري وحطت الغوري مال الجاهي و القهوه ويلست تتريا لين يفور ضاعن شاف باب الفله مبطل استغرب من بيظهر من الشباب في هذا الوقت بس شاف ليت المطبخ مشغل ودخل ضاعن: مصوف شو تسوين بخيته خافت :امييييييييييه اللهم سكنهم في مساكنهم ضاعن: ههههههه اسمحيلنا بس شيايبنج هنيه بخيته: اسوي القهوه ضاعن: الله يهديج جان سرتي المطبخ التحضيري بدال لا اتعبين عمرج بخيته انحرجت نست ان شي مطبخ تحضيري وسار ضاعن حطت الدلال في الصاله ويلست تتريا حد يظهر ويقعد معاها أذن المأذن سارت توعي خاونها للصلاه و شموس ومصيفه ,,مصيفه وشمسه صلن وردن يرقدن ,,ابو معضد بعد كان تعبان شويه صل في الغرفه ورد يرقد اما خليفه و عتيج صلوا وقعدوا مع ختهم شويه وتقهوو معاها وردوا يرقدون بخيته مسكت المجله وتقراها ظهر ضاعن من غرفته ولقى كل شي زاهب القهوه والجاهي تذكر عايشه حبيبة قلبه ,,,كان يتمنى أن يشوفها ولو لحظه ثانيه ,,تمنى ها الشي من كل قلبه وكان دوم يتخيلها في أحلامه و اليقظه بدمعتي سأخط عمري وببسمتي سأسعد من حولي ..وبصمتي سأقهر عدوي..ومابينهم سأكون أنا سلَّم عليها وقعد يتقهوى,,, وقام حارب من النوم صل صلاته وقعد يسولف مع ضاعن وبخيته عدّ اليوم على خير وتوجه ابو معضد واللي معه الى العين بسلامه ,,, ,, , في بيت سلطان حارب: هذا الكتاب اللي خذته منك صراحه طرر سلطان: مليت يا حارب أبا أظهر من البيت أنا ما تعودت اتم محبوس أبا اغير جو وين هاذيج الايام اللي كنا دوم نتحوط حارب اتعاطف على سلطان : اوكيه شرايك نسير امممممممم بوظبي مول سلطان: تنكت حظرتك ههههههههه حارب يمسك الكرسي المتحرك: يالله بوديك بقعه ترد الروح سلطان يبتسم لحارب الوحيد من بعد هله وقف معاه ,,كان نعم الصديق ,,اما حارب فوعد نفسه انه ما يفارق ربيعه ولو شو ماكان في المبزره حارب فرش الحصير وقعدوا عليه وتموا يسولفون مع بعض ,,حارب خبره بأن زوجة ضاعن توفت سلطان حزن على الخبر لانه شاف ضاعن عقب العرس ما تمر نص ساعه إلا وهو مستأذن عشان يدق لها حس بأنه متعلق فيها سلطان: الله يعينك يا ضاعن حارب تذكر مها الي كانت تحب سلطان بس ما حب انه يعكر الجو الصافي والحلو بذكراها فضل أنه يقوله في وقت ثاني سلطان: حويرب هب كن هذاك عتيج حارب: ههههههههههه الريال لابس بدله رياضه اونه والله انه حركات سلطان: هههههههههههههه ازقره ولا اقولك أشوف حد من ربعه عنده برايه عيل حارب :بدقله وبشوفه ,, حارب: عتيج انت وينك عتيج: انا مع جاسم ليش شصاير حارب: انزين أنا في المبزره وعنديه سلطان حياك عتيج: أوووووووووهوووو أنا بعيد عنك حارب: ياالهرم ترانيه أشوفك ويا بدلتك الحمرا ههههههههههه عتيج: ههههههههههه الله يقطع ابليس شموس ما يابتليه من البدل غير هاي ,,,يالله بنييك ,, وقعدو الشباب رباعه وسلمو على بعض,,,وقعدوا يسولفون جاسم فجأه ضحك بصوت عالي والكل مستغرب ويطالعونه وهو من كثر ما يضحك ما قدر يرمس إلا أنه أشر لهم السالفه وما فيها أن بنيه مع خوها الصغير ,,جاسم كان يراقب الصغير وهو ملزم يركب النقا(الجبل) وحليلها البنيه رقته لين نص النقا فبالغلط داست على عباتها وطاحت من فوق لين تحت ادحرجت وكانت الطيحه شويه مؤلمه و في النفس الوقت مضحكه,,,مسكينه أفتشلت سلطان: أففففففففف سر سر عتيج يالفارس انقذها جاسم : ههههههههههه حليلها قلبيه عونيه عليها سلطان: أفا يا خوان شما وين الفزعه حارب: الفزعه ها شوف خوها العود ياي صوبها هههههههههه مسكينه كان حادث مؤلم جاسم: أقول شباب العشا عليه أشتبون حارب: تكه وكباب ,,,لا تنسى المتبل عتيج: اللي ايي منك حياه الله سلطان: أبا كيما وبراتا جاسم: مشاء الله هب بطون عليكو هههههههه عتيج: هب هب هباك الله جاسم: ههههههه دقايق وا رد مرت الدقايق والساعات والشباب تعشوا و مستانسين في القعده جاسم كان يطالع حارب و كان يتامل بوصايفه ,,,هيه حارب يشبهها كان يقصد شمسه ما يدري ليش يت على باله اول ما شاف حارب تذكرها ,,ويتذكر الحركه اللي سوها بالغلط وهو يعض شفاته أول ما تذكر لأنه ندم بالحركه الغبيه ,,, ,, , مرت الأيام وبدت موسم الدراسه شمسه مستانسه أنها بتسير ثالث ثنوي ,,وعدت نفسها بأن تدرس عدل وتشد على عمرها شويه عشان تفرح أمها وأبوها وكان اليوم أول يوم لدراستها وهي متحمسه,, التقت بكل ربيعاتها و احلى شي بانهم في نفس صفها ,,كانت قبل معروفه بأنها شويه تشاغب وتسوي مشاكل بين المعلمات بسبت الشردات,,, لكن الحين بدت تهتم بدراستها أول بأول مصيفه كانت تشعر بوحده فضيعه خاصه أخوها يدوام من الصبح و يرد الظهر و أيام العصر,,, فجأءه سمعت التلوفون يرن ,,, استغربت من بيدق لها عندها موبايل اللي تعرفهم تتواصل معاهم في المبايل قالت أكيد غلطانين في الرقم مصيفه: ألووه مزنه: السلام عليكم مصيفه حست بأن الصوت هب غريب عليها: وعليكم السلام مزنه عرفت بأنها مصيفه : مصوووووووووووووووووف فديتج والله انيه تولهت عليج مصيفه حست بفرحه : مزووووووون فديتج والله ,,الله يعلم بأنيه ما نسيتج والله مزنه: أشحالج و علومج وشوه دنياج مصيفه: والله الحمدلله بخير وسهاله ابشرج خلوف ملج عليه مزنه: مبروووووك مبروووووووك فرحتلج والله هذا اللي كنتي تخبرينيه عنه مصيفه: هههههههه بسج عن الاحراج ,,, وانتي علومج مزنه: اممممم مرن اسبوعين وانا ارس في جامعه بوظبي وبسسسسسس افففففف ما عرست مصيفه: هههههه ما عليه بطرش لج اللي تبينه مزنه: والله مصيفه: هيه ما عندنا غير الطباخ أو الدريول اختاري اللي يعيبج مزنه: جب جب دبببببببببه ,,,بعطيج رقم موبايله و بنتواصل اوكيه مصيفه: اوكيه مرن ساعتين والبنات يسولفن ما حسن بالوقف ,,أشتاقن لبعض بعد الفراق الطويل ,, كل وحده تخبر الثانيه عن اللي استوى لهم من فرح أو حزن ××××××××× بيت جاسم يدخل جاسم البيت وكان فاضي الكل في غرفته امه وخته ,, توجه الى غرفته وقبل لا يدخل شاف باب غرفه عنود مبطل والليت شغّال جاسم: ها العنود اشوفج ما رقتي عنود: قاعده أفكر باللي استوى اليوم في المدرسه شي غريب جاسم: اها اليوم أول يوم وشو الغريب عنود: تحيد هاذيج البنيه اللي شفناها في محل النعلان في ماليزيا يوم تحسبتها ختك جاسم: هيه عنود: شو رايك انيه لقيتها في صفيه جاسم: هيه تدرين خوانها ربعيه عنود مستغربه : صدق والله جاسم مبتسم: هيه الا عنود البنيه شو اسمها عنود معقده حياتها: مالك خص شدخلك بالبنيه جاسم وهو يعق نظارته وينظفها: ابا اخطبها عنود: شووووووووووووووووووووه جاسم: شفيج مستغربه ,,,أصلن أنا من أمس قاعد أفكر وقلت دامني اعرف هلها وخاوانها اتكل على الله وبعدين أنا ما ابى آخذ حد يقربليه عنود: والله انيه مستغربه منك يا خويه ,, يعني بس لأنك شفتها قلت تبا تخطبها جاسم: لا والله هب جيه السالفه ,,,السالفه انيه يوم فكرت انيه بعرس محد يا في باليه الا هيه عنود بعدها متفاجأه من الموضوع: اوكيه خبر أميه تخطبها لك ××× مصيفه قالت أنها بتحاول تفتح سالفت الزواج لضاعن يمكن يتزوج و ينسى عايشه مصيفه شافته قاعد في الميلس وحبت انها تفتح السالفه مصيفه: هلا ضاعن ليش قاعد برويحاتك هنيه ضاعن: حد من ربعيه بيي فقلت اترياه ,,,خير مصوف قولي اللي عندج بسرعه قل لا حد ايي مصيفه: ضاعن اباك اتعرس ضاعن: مصوف انا قلت لج ها السالفه لا تطرينها مره ثانيه مصيفه: فديتك يا خويه لا تعصب ,,,فكر في السالفه,,,الصراحه الصراحه انا اباك تاخذ بخوت ضاعن يطالعها بنظره استغراب:................... مصيفه: انا سمعت حد من الخطاطيب بيون صوب بيت عميه فقلت أنت أحق لها ضاعن حس بغيره بس ما عرف ليش اجتاحه هذا الاحساس الغريب: بيخطبون بخوت مصيفه: ما اعرف بالضبط منوه ,,,ليش لا هيه اكبر وحده يعني أكيد هي ضاعن: ماعرف والله يا مصوف انتي برايج سيري الحين وبعدين بخبرج مصيفه حست بأن ضاعن أستقبل الخبر وهو مستغرب وحست بأنه حس بالغيره اول ما سمع الخبر وهذي بشاره في نفس اليوم ضاعن صابه ارق كان يفكر بــ بخيته ,,تذكر ايامه معاها و تذكر نظراته لها في السياره ,,ويوم ابتسمت له ,, قرر انه يخبر مصيفه عن قراره ,,ما فكر ان الوقت متاخر قام ودق باب مصيفه ولحسن حظه مصيفه كانت تقرى القرآءن و تمنت ان ضاعن يوافق دخل ضاعن وفي ويهه ابتسامه ساحره مصيفه تغمز له: ها ضاعن شكلك فكرت في السالفه عدل ضاعن: تبين الصراحه ,,,فكرت وااايد وقررت انيه مصيفه مافيها صبر: قررت شوه قول ضاعن: قررت بانيه مصيفه قامت وسارت صوبه وهي معصبه من حركاته: بتقول ولا شووووووه قلبيه ياكلنيه ضاعن: هههههههههه انزين انيه ادق لعميه باجر واقوله لا حد يقترب من بخيته لانيه باخذها مصيفه أول ما سمعت اللي قاله صارخت من الفرحه و لوت عليه وهي مستانسه حست ضاعن بأنه مستانس بعد وهذا اللي يثبت لها ان ضاعن بيرد نفس اول والبسمه على ويهه دوم وما تفارجه ضاعن شاف مدى سعادة مصيفه للخبر ,, ويوم لوى على خته مصيفه غمض عينه ونزلت دمعه من عينه تذكر عايشه و لكنه قرر أنه ما بيتذكر عايشه الا في كل شي يوسع الصدر بيحاول ينسى اللي حصل بعد الحادث وعواقبه مرت الأيام والشهور و السنين تزوج ضاعن من بخيته وانجب منها 4 أولاد و أبنه واحده ,,, وأيضا تحققت أمنية خليفه وتوج من مصيفه عندها ولد والحين حامل وجاسم رزق من زوجته شمسه بنتين و ولدين عتيج تزوج من صديقة بخيته حمده ولم يرزق بأطفال ولكن الأمل ليس مفقود ولكن سلطان لم يكن له نصيب في الزواج فلم يرضون به 4 فتيات فيأس ولم يحاول البحث بعدها وأنا أقول لسلطان لا يأس مع الحياه فالإعاقه ليست نهاية العالم فربما هناك واحده ترضى بك فأبحث عنها أما حارب مازال يعاني بحبه من شما و مازال متعلق بأمل وهو الزواج بها وهـــنا تـــنـــتهــــي القصه راجيه بأنها نالت على اعجابكم والسلام عليكم ورحمه الله وبركاته قصة ما كنت اصدق في دموع الرجاجيل ...9
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
