ما كنت اصدق في دموع الرجاجيل ...7 - القصص القصيرة , القصص و الروايات story
 |
 |
 |
 |
|
 |
تابع حالة الطقس في اكبر و اشهر مدن المملكة العربية السعودية | منتديات | مقاطع فيديو تحميل افلام موقع يوتيوب youtube العاب بنات hguhf fkhj | تحميل صور jpldg w,v | بلاك بيري | بنات السعودية | قصص بنات
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (262,000 مشاهدات)
فتاة تستأذن امها فى ممارسة الجنس (167,727 مشاهدات) قصة واقعية حدثت في ليلة الدخلة (111,872 مشاهدات) الملائكة تنقذ فتاة من الإغتصاب ... سبحان الله (72,910 مشاهدات) دخلت الفتاه الشاليه قصه يقف لها شعر الراس (71,363 مشاهدات) اغتصاب بنت ميته (71,038 مشاهدات) ركبت عبير مع خالد اللكزس وطلعو الشقه (53,897 مشاهدات) قصة حب محزنة عبر الانترنيت والله تبكى الحجر (47,637 مشاهدات)
جديد مواد مع عشوائي
زوج نجاه الله من الغرق (8,846 مشاهدات)
ضحت بذراعها لتنقذ شقيقها (10,399 مشاهدات) خرجت رائحته بعد موته (14,063 مشاهدات) آهٍ........ لو أعود (5,257 مشاهدات) توبة اشهر عارضة ازياء (10,110 مشاهدات) توبة الشيخ سعيد بن مسفر (8,117 مشاهدات) توبة أب على يد ابنه (5,205 مشاهدات) توبه فتاه ادمنت الشات (9,995 مشاهدات) |
القصص و الروايات story > القصص القصيرة > ما كنت اصدق في دموع الرجاجيل ...7
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية ما كنت اصدق في دموع الرجاجيل ...7
الــــــجــــــزء السابع
اليوم أنا قررت أبلغك وداعي اليوم نعم اليوم انقطع منك رجائي وماراح يعميني عن قراري حبي ولا بكائي ولا راح يعميني عن حقيقتك غبائي انت الوحيد اللي دخل مع مجرى هوائي ووصل لقلبي اللي وزعك داخلي مع مجرى دماءي لكن اليوم بتنزف وانتهى وهذا قراري ادري ان اطلالتك ما تفارق دياري لكني بحلي فيها مراري واليوم انتهى عهد التلاقي سمعت حد يدق الباب مصيفه: منوه ضاعن: أنا مصيفه: أقوب يا خويه حياك دخل ضاعن فغرفتها وقعد عدّالها وهو مبين عليه بانه مستانس ضاعن: هذي هديتج وكانت عباره عن ساعة ثمينه من كونكورد مصيفه: شكرا يا خويه ضاعن: هاتيها بلبسج اياها مصيفه: الله تجنن روعه ولوت على خوها ضاعن: مصوف شوفي قوم عمج بيسافرون ماليزيا شرايج مصيفه: رايه في شوه هو بيسافرون انا شخصنيه! ضاعن: قلت انج بتسافرين معايه و عايشه جنيف بس قالو بانهم يبون يكونون معانا مصيفه بعد ما فكرت: ما نبا انسير معاهم ضاعن: اممممم هب حلوه,,يعني انردهو عنديه اقتراح شرايج انسير جنيف وخلاف انسير صوبهم في ماليزيا مصيفه: فكره لاباس فيها ضاعن: يالله قمنا انسير نتقهوى مصيفه تغمزله: تتقهوى ولا تبى اتسير عند ست الحسن والجمال ههههههه ضاعن يحك شعره: ههههااي يالله طوفي جداميه ضاعن حط يده على كتف خته وتم يسولف معاها ويضحكون قبل لا يسيرون صوب عايشه في العين تحديدا في الصاله الكل مجتمع ما عدا خليفه وحارب معضد: ابويه أبو معضد: لبيه معضد: لبيت حايه ,, بس بغيت أشاورك بسفره برى تغيير جو و البنات بعد في خاطرهن يتفريّن أم معضد: هيه يا وليديه راي طيب أبو معضد: ماشي مشكله توكلوا على الله بس اسمحولنا معضد: لا يا بويه هب ساييرين بلياك وانتي بعد يا اميه ,,,أشهد أنها سفره بلا طعم ميثا: هيه يا عميه بنسير رباعه نتكشت ,,,واذا كنت خايف على الحلال فالبشاكير ما بيقصرون ان شاء الله راكان الصغير: يديه سير معانا بنلعب هناك البنات يسمعن الحوار بس بدون ما يعلقن على كلامهم أبو معضد: يصير خير بس متى نويتو معضد كان بيقوله متى بس قاطعهم خليفه وحارب اللي دخلوا خليفه و حارب: السلام عليكم الكل: وعليكم السلام والرحمه خليفه: تونيه مرمس ضاعن وقال انه بيسافر جينيف بس بيخطف علينا في ماليزيا حارب: يا عوينج يا مصوف بين معاريس يدد محد بيعطيها فيس هههههههه خليفه: ابويه خلها تي معانا عيل أبو معضد: يا وليديه خلهم على راحتهو اذا ضاعن بيرضى كان شاور علينا بنتشاوف هناك ها معضد ما رديت على سؤاليه معضد: والله نتريا اجازه عتيج ,,,ها عتيج عطوك الاجازه ولا فكر عتيج قبل لا يجاوب الجيش عطوه اجازه شهر واحد بس الرحله أصلن شهرين و يوم عرف أن ضاعن ما بيي إلا أول الشهر الثاني يعني ما بيشوف مصيفه الا في آخر الشهر عتيج: انا ما بسير معاكو بسيرفي الشهر الياي يعني على ييت ضاعن ان شاء الله معضد: خلاص عيل قمنا خليفه نقطع التذاكر استانسن البنات وخذن من ابوهن فلوس عشان ياخذن ملابس للسفره بخيته: حارب قم ودنا السوق أم معضد: لا تغربلنه سيرن مع معضد دامهو بيظهرون وانتي بعد ميثا خلصن حاياتكن مره وحده ميثا: خلاص عيل برخصتكم وفي السياره دقت بخيته لبنت عمها بختيه: السلام عليج يا بنت العم ألتفت خليفه صوب بخيته وهو يقول في خاطره ليتج اتسافرين معانا بس ماشي مشكله بنتشاوف هناك ان شاء الله مصيفه: وعليكو السلام هلا وغلا اشحالج بخوت بخيته: يسرج حاليه ,,,سايرين السوق بنتشرالنا كمن بدله للسفر مصيفه وبفضول: منو ساير معاج بخيته: محد غير شموس و ميثا مع معضد وخليفه معضد: منيه هاي بخيته: بنت عمك مصيفه ,,,أشر معضد لبخيته عشان تعطيه التلفون عشان يسلم عليها معضد: السلام عليج اشحالج مصيفه مصيفه: وعليك السلام الحمدلله انا بخير معضد: هيه سمعنا انج بتسيرين جنيف ,,إلا ضاعن خذ لكم التذاكر أدقله ومشغول مصيفه: ما اعرف والله بتخبره معضد: هيه عيل خبريه ليستعيل اخاف تستوي زحمه وما بتلاقون شي مصيفه: خلاص بدق عليه معضد: خلاص عيل بعطيج بخوت ,,,,,, خلوف ما تبى ترمس مصيفه زاد نبضات قلب مصيفه من سمعت معضد شو قال,,, اما خليفه تذكر كلام مصيفه و حز في خاطره خليفه: سلم عليها معضد: برايك ,,, يسلم عليج خليفه هاج بخوت وطول الطريق بخوت ترمس مصيفه و خليفه يتذكر آخر مكالمه مع مصيفه وكيف كانت ترد عليه بس عذرها وقال اكيد ما تقصد او امبونها معصبه واتصاليه كان في وقت غلط مرن 4 أيام والكل مرتبش بالسفر قوم أبو معضد و ضاعن لانه كان اليوم في غرفه بخيته شمسه: لا ما اتخيل انيه بقطع النت شهرين بخيته: تعالي انتي وبعدين معاج ,,هب حاله هاي شعدج في النت معقوله المنتدى يسويبج جيه شمسه متردده: هيه هيه ما اتحمل فرقاه والله بخيته: اف منج يا المدمنه يعلج بريل ابدوي عشان تحرمين تشوفين او تدخلين النت شمسه: ههههههه لا لا اخاف الله يستجيب لج فديتج لا تقولين جيه يالله بكتب موضوع اخبرهم بأنيه بغيب شهرين رتبن البنات سمانهن وعقب فتره بسيطه ركبو السياره ,,ظهرو بسيارتين معضد مع حرمته وعياله و حارب والسياره الثانيه خليفه مع امه وابوه والبنات سايرن صوب مطار بوظبي ونفس الحاله في بوظبي ضاعن خذ حرمته وخته وروحو المطار يتريون عمهم والكل,,,اتريوهم فتره ولا شويه يايين و كل واحد يسلم على الثاني و باقي على رحلة أبو معضد نص ساعه أما ضاعن ساعه ,,الشباب في الكراسي والبنات والحريم في طرف الثاني ام ضاعن: ها يا عويش هالله هالله في بنتيه مصيفه ديري بالج عليها عدل الحين تراج شرات ختها مصيفه: فديتها والله يا عمتيه ما تخلينيه في حاليه كل شويه تسالنيه اذا يوعانه او عطشانه كأنيه ياهل عايشه: ههههههههه هيه ما بخليج في حالج لين ما تغدين دبه شمسه: هيه يا مصوف بتغدين شرات التنكر اتحذري سوي رجيم ام معضد: شو ها بعد شيطان الرجيم لا لا لا تسمعين رمستها باجر ان عرستي لا تخلين ريلج يلومج على ضعفج لا لا خليه ينبهر بعودج مصيفه حست كأن حد سطرها بكف على ويهها و يالله يا عمتيه ما ظنتيه بتشوفينيه كعروس لولدج او غيره نادوا على رحله ابو معضد والكل قام صوب المدخل حارب سار يزقر الحريم عشان يسيرن حارب: يالله يا مصيفه مع السلامه ,,,مع السلامه يا حرمه ضاعن مصيفه و عايشه : الله يحفظكم مصيفه سارت صوب ثلاجه الماي وهي تلوح بيدها تودعهم بس لاحظت ان خليفه هب معاهم خليفه كان عند الثلاجه يشرب الماي صب له كوب وقعد تحت وشرب الماء ثم قام ما انتبه ان القلب كانت عدّاله خليفه: مصووووووف مصيفه: خليفه سارو عنك خليفه مبتسم: بتوله عليج مصيفه وهي مشبكه يدها ومبين عليها التوتر: انزين يالله بسرعه عن يسيرون عنك خليفه: انزين ما رديتي عليه مصيفه موخيه راسها: والله انك دب بتوله عليك والله خليفه: فديت اللي يستحي والله يالله مع السلامه وسار عنها بخطوات سريعه ,,,اما مصيفه أول ما قالت له بتوله عليك ضربت ثمها بيدها :أنا كيف قلتله اللي في خاطريه كيف هذا وانا قلت اباه يبتعد عنيه قلبها عورها ما طاوعها قلبها بأنه يقسى على خليفه مرت نص الساعه وحان موعد رحيل ضاعن وهله الى جنيف قوم بو معضد مسأجرين شقتين الصغيره لمعضد وحرمته وعياله اما الكبيره للشباب و والديهم وكان الفندق عدال البحر مرت الأيام بسرعه محد حس بها كانت الأيام حلوه الكل كان مستانس بالسفره مر شهر على السفر وياهم عتيج في ماليزيا و ايضا استانس وعقب جيت عتيج بيومين ياهم ضاعن بس مالقى شقه في نفس الدور كلهن محجوزات فخذ شقه في الطابق اللي فوقهم وما يمر يوم الا والكل يظهر ويتكشت وضاعن ما فج من حرمته 24 ساعه معاها حتى انه همل خته و ايضا معضد عق عياله عند امه وخذ ميثا ويحوطون وكل مره على هاي الحاله الساعه 8 الصبح قامت مصيفه و كالعاده لقت ورقه مكتوب فيها: مصوف صباح الخير انا سرت مع عواشي تمي عن قوم عمج مع السلامه مصيفه: ههههههه الله يهنيك عنبوه توها الساعه 8 تلبست مصيفه وظهرت تبى تسير صوب شقة عمهم : يالله هاي اول مره يسير ويخلينيه بروحيه قبل على الاقل يوصلنيه عندهم وهي بعدها في الطابق الفوقي شافت محل يبيع أشياء منحوته دخلت المحل وتمت اطالع خذت لها لعبتين لركان الصغير و فاطمه سارت عند الاصانصير كان كبير وايد لدرجه انه يسد 3 عائلات اقتربت من الاصانصير وكان فيه اجانب وكانو يقولون لها ادخلي و هي متردده فدخلت الاجانب كانو يبتسمون لها وهي بعد كانوا يكلمونها بالانجليزي تلعثمت مصيفه ما عرفت شوه تقول وتسمع صوت واحد: يا الشيخه يقولون لج تبين فوق ولا تحت مصيفه من خوفها ما التفتت صوب الريال اللي رمس وهي ترمس الانجليزي:as you like كان الريال هو جاسم من الامارات كان طويل وايد ريال رزين ابيض وعيونه مايلات على اللون الرصاصي اللي بيشوفهن بيقول سود بس اللي بيدقق بيعرف أنهن رصاصيات يلبس نظارات طبيه مستطيله لحيته شويه خفيفه وقفل في غمازه من صوب واحد بس و الاصانصير يروح فوق وتحت الانجليز ما عبروهم ما عبرو العرب كل واحد يسير وين يبا وجاسم لهى بقرايه الجريده و مصيفه ما عندها الجرأه بان تتكلم و عقب فتره الأصانصير ما بقى فيه غيره ومصيفه مصيفه توهقت ما عرفت وين تسير ما عرفت شقة عمهم وين أي طابق بس اللي تعرفه أن شقتها فوق شقة عمها لأنها متعوده تنزل مع اخوها جاسم التفت استغرب مالقى حد وهو يضحك على عمره لهاي الدرجه الجريد ه نسته هو وين طالع مصيفه ولاحظ بأنها مرتبكه وما وطرقع بصبوعها جاسم: ها يا الشيخه أي طابق بغيتي مصيفه توهقت ما عرفت شوه تقول وشويه وبتصيح: ما اعرف جاسم يطوي الجريده: كيف !!!!!! ماتعرفين شقتكم وين مصيفه وهي تتلعثم : ما عرف والله كنت بسير شقت عميه اللي كانت تحت شقتنا والله ضيعت ما اعرف وتمت تصيح جاسم يهديها: خلاص يا الشيخه لا تصيحين وهو يقول في خاطره ياهي بلشه جاسم وهو يقترب منها: انزين شو رقم الغرفه مصيفه: 120 لا 12 لا 02 ماااااااااااا اعرف جاسم وهو يضحك في خاطره: انزين لا تصيحين حد ما يعرف كم رقم شقته !!!ماعليه الحين بوديج الطابق الثاني وبنطالع وان هب في الطابق الثاني بنسير الثالث وهكذا مصيفه وهي خايفه و وقفت من صياحها: انزين ضغط جاسم على رقم 2 وكان الاصانصير فوق عند الطابق العشرين فكان ينزل بسرعه ومصيفه متمسكه بالحديده وهي خايفه وفجأه وقف الاصانصير مره وحده و بقوه ومن القوه مصيفه ما قدرت توقف على طول طاحت من طولها وصرخت من الألم اما جاسم فقدر يمسك عمره ,,,,كانت الوقفه بقوه فضيعه قلبه عوره على مصيفه يوم طاحت مصيفه وهي بعدها طايحه على الارض وتصيح:ضاعن وينك يا ضاعن جاسم ارتبك ما عرف شوه يسوي مسك يدها و قعدها كان جسمها ضئيل يعني كان يتوقع بانها في 15 او 16 فعشان جيه تجرأ ومسك يدها عشان تقعد وقعد على ريوله بعيد عنها شويه جاسم: لا تخافين الاصانصير علق تستوي هاي الحالات نص ساعه و بيصلحونه يعني لين ما يعرفون بأنه مخترب مصيفه وتفز من كانها: شوووووووووه اخترب جاسم وهو خايف انها تعاود على الصياح مره ثانيه: يماما نص ساعه لا تخافين ما باكلج مصيفه ردت تصيح كانت البنيه ضعيفه في نفس هذي المواقف و ما تقهرها حطت راسها على الحديده وهي واقفه وتصيح جاسم تضايق من حشرتها كل شويه تصيح و قال بصوت عالي: بسج يا بنيه بسج من الصياح خافت مصيفه من كلامه وهدت شويه جاسم: آسف والله ,,,قعدي بتتعبين من الوقفه مصيفه وهي تقول في خاطرها هذا أكيد جرب كمن مره عشان جيه هب خايف ولا همه شي وانا شوهبيصبرنيه اجابل ويهه نص ساعه مشت مصيفه لين عند الباب وقعدت حاولت بأنها تقعد ابعد مساحه عنه وجاسم لاحظها وابتسم وهو يقول في خاطره ما احيد بانيه آكل لحوم البشر مصيفه حاطه يدها على خدها تتريا متى بيبطلون الباب و جاسم كان يطالعها وفجأه ألتفتت عليه,,, ارتبك استحى من اللي كان يسويه مصيفه: خير جاسم بل مقواها: ها لا ماشي انتي من الامارات صح مصيفه :هيه جاسم: حيالله هل بلادي مصيفه متفيج والله:................. جاسم كان فيه فضول يبى يسألها كمن سؤال بس عرف بأنها ما تسوي سالفه و يمكن بأنها تقفطه ولا ترد على سؤاله فكان يسأل بذكاء جاسم: انتي عمرج 15 صح مصيفه معصبه : شوه 15 والله العظيم على كيفكم تصغرونيه انا 18 جاسم ههههههههه زين زين وقالت كم عمرها: انتي من دبي مصيفه وهي تأفف: لا بوظبي جاسم: والله انا بعد مصيفه وهي تقول في خاطرها يعني اشتبانيه اسويلك؟؟ ارقصلك يعني !!والله حاله وبعد فتره من الهدوء مصيفه منزله راسها تفكر وشويه يفز جاسم من مكانه ويسير صوبها ألتفتت مصيفه وهي خايفه و جاسم يقترب منها وهي ميته من الخوف ومغمضه عيونها وهي تقول يالله شو يبى هذا ليش يقترب يالله احفظنيه يالله احفظنيه واول ما فتحت عيونها شافته عدالها مصيفه:شو تسوي جاسم: الله يهديج شوفي ريلج شكلج دستي على الفخار المكسور اللي يبتيه معاج مصيفه أول ما شافت ريلها حست بالألم : آآآي جاسم: دلع بنات قبل ما حسيتي والحين يوم قلت لج قلتي آي ههههااي مصيفه طالعته وهي معصبه : مالك خص ظهر جاسم من كيسته قطعه قماش وهي عباره عن قميصه كان بيوديه للدوبي طر القميص وعطاها: دوج لفي بها ريلج ولا تبينيه ألف لج عادي مصيفه: لااااا هب عادي هات جاسم ولا بعد ضربينيه اف منها هاي العنيده طبعا كان ها الرد عباره عن شي من خواطره قوم عمها اتحسبو بأن مصيفه راحت مع ضاعن لانها ما يتهم و سار حارب عند شقتهم عشان يتأكد وتاكد بانها محد يعني راحت معاهم فرد لهم حارب: يالله يا بنات سرنا مصوف ما بتي روحت مع ضاعن يالله خليفه وعتيج سرنا خليفه يالله ليش رحتي اففففف شو ها الحظ : ماليه بارض الحين انتوا سيرو وبيكم عقب شويه ,,,وين بتكونون حارب: بنسير الحديقه اللي وصلنا ابويه واميه صوبها خليفه: برايكم عيل بييكم وعقب ربع ساعه تلبس خليفه شورت وقميص بدون اكمام صحيح خليفه هب معضل بس كان عريض وكانت الملابس تلائمه ظهر برى الشقه وسار صوب الأصانصير تم يترياه بس تأخر :أف يعني لازم انزل من الدري شاف رياييل الصيانه اقتربو من الاصانصير وكانو يتعبلون بالوايرات و ياييبين حديده يحاولون يفجون الباب سار خليفه يبا يفازعهم ويمسك الحديده وبقوه يحاول يفتح الباب بس ماطاع ينفتح التفت خليفه للصوب الثاني عقب ما عيز يبى يسير صوب الدري بس فجأه انفتح الباب وصد ويوم طالع ما صدق باللي يطالعه ربع صوب الاصانصير شاف مصيفه طايحه تحت ما حس بان حد في الاصانصير وزقرها بصوت عالي ولا انتبه بوجود جاسم خليفه: مصوووووووووووف انتي هنيه وكنا بنسير عنج مصيفه اول ما طالعت خليفه ردت لنوبه من الصياح جاسم طالعها وهو يضحك في خاطره والله انكن يالبنات مثل ما قلت الدموع سلاحكن وهب فالحات في شي غير الدموع و السوق ههههااي اقترب خليفه يبا يساعدها في الوقوف بس تفاجا بانها مجروحه بجرح شوي عميق بريلها بسبت الفخار المكسور خليفه: شو ها مصيفه وهي اطالعه: دم قعد خليفه عدالها ومسكن القماش ولفها عدل على ريول مصيفه ومصيفه كانت اطالعه واطالع الخوف في عيونه تمت تتفداه في خاطرها ساعدها خليفه في الوقوف و ودها شقه ابو معضد خليفه ما شاف جاسم في المصعد ولا حس به دخلوا الشقه وجاسم كان يراقب تصرفات خليفه من دخل المصعد لين ما ظهر منه وفي الشقه خليفه: طيحتي قلبيه مصيفه: ترانيه امشي عدل ها شوف خليفه: كنا نتحسبج مع ضاعن زين انيه تأخرت عن الجماعه ولا جان بقيتي بروحج مصيفه: الحمدلله انزين وين عميه وعمتيه خليفه: الله يسلمج ظهرو من الغبشه صوب الحديقه مع ركانوه وفطامي مصيفه : هيه قعد خليفه في الكرسي اللي عداّل مصيفه و الكل ساكت خليفه: يالله متى أعرس وأفتك مصيفه:..................................... خليفه: اول ما ارد البلاد على طول بتوظف وبعد الشغل بشهرين او ثلاث باخذج شو قلتي انصدمت مصيفه كانت تتوقع بأن ها الكلام ينقال مسكت عمرها من الصياح وهي تفكر بشوه ترد خليفه: ها فديتج شوه قلتي موافقه على الزواج دخل عتيج الشقه وسمع جمله خليفه" ها فديتج شوه قلتي موافقه على الزواج" بس محد حس به وعلى طول ظهر مصيفه: ليش مستعيل اصبر اصبر على رزقك خليفه مبتسم: ان شاء الله شرايج نظهر برى مصيفه : وين خليفه: اممممم شرايج نركب قارب مصيفه : هيه هيه ابا خليفه شافها متمسكه برايها: مابا خلاص غيرت رايه مصيفه: فديتك خليفه دخيلك خليفه شاق الحلج: لا خلاص دامج تفديتينيه بوديج وفرت عليه المخده مالت الكرسي خليفه: ههههه يالله قومي بنسير عتيج تحطمت أخر آماله هو ظن بأن مصيفه ابتعدت من خليفه الى الابد بسبة السالفه اللي استوت فكان مقرر أنه يقترب أكثر من مصيفه ويحسسها بأنه شاريها و بياخذها على سنه الله ورسوله في هذه السفره بس تراجع عن قراره وقرر بأن يواجه مصيفه وفي اليوم التالي الكل رايح البحر عتيج شاف مصيفه راحت عنهم شويه بعيد فقرر انه يسير صوبها ويقولها بالشي اللي هب مريحنه في الأمارات تحديدا في العين حارب زرع في راس سطان فكرة دنيئه ,,,سلطان كان خايف من التنفيذ ولكن حارب ما قصّر في التشجيع ومن هذا الكلام ,,, سلطان يبى يبدا في الخطه بس خوفه كان مسيطر عليه أما مها ما فكرت بأنها يوم كانت ترمّس سلطان بأنها غلطت في حق أهلها وفوقهم الله كانت تعشق سلطان عشق مب طبيعي ما تتريق إلا اذا تريق ما تتغدى إلها يوم عرفت بأنه تغذي وهكذا كل يوم تتعلق فيه أكثر من اليوم السابق وهذا اللي مخوف سلطان حارب كان يتصل بسلطان وكل ما يرمّسه كان يقول سو السالفه واخلص وبتشوفها تربع وراك أخيرا سلطان قرر بأن ينفذّ الخطه وهو مسيطر على خوفه وبعد أيام قليله مها: أوكي حبيبي ريلي على ريلك انا أثق فيك سلطان قلبه يعوره على مها :............... مها: تدري سلطاني انت أغلى ما املك والله ان قلت لي ابا روحج والله تفديك سلطان: متى نتلاقى مها: الحين ولا اقولك عقب صلاة العصر ألاقيك في الكوفي شوب سلطان: اوكي حبيبي ومن هناك نسير شرايج مها: رايي من راي حبيبي وبعد 3 ساعات "بعد صلاة العصر" التقى سلطان بمها وقعدوا يسولفون في الكوفي شوب مها مستانسه: ها حبيبي متى بترويني الشقه اللي بتحجزها عقب ما نتزوج بسوي مثل ما قلت آخذ أحسن و أفضل الديكورات و الاثاث سلطان زاد توتره: ليش مستعيله مهوي مها: اخاف أتاخر ومب زين يعني نظهر في الليل سلطان:ولا يهمج دقايق واييج عنديه اتصال حارب كان متصل بسلطان سلطان: بخير يا الغالي وانت علومك حارب: اييييييييييه مستانس يا سلطون وناسه ,,ها شوه آخر الاخبار سلطان: اليوم نويت حارب: في ذمتك ,, اليوم اليوم سلطان: هيه والله انيه خايف ومب عارف شو اسوي من التفكير قلت ما اروم اتريا لين ما تيي اخاف تتعقد الامور حارب: أفا أفا يعني انا يوم بيي بتتعقد الامور امممممممم ماشي مشكله معى اني قلت يعني بخاويك واستفيد ههههههههههه سلطان: يالله انا بسير برايك وفي السياره مها: سلطوني خفف السرعه شوي اتروع انا سلطان: ماعليج حبيبي تراني سويق بنوصل بالسلامه هههههه لا تخافين مها تجرأت ومدت يدها ومسكت يد سلطان ,,,أما سلطان فكان جدا متوتر وخايف لدرجه أن يده تنتفض مها:سلطون شبلاك ليش متوتر سلطان يهدي الجو: هههههههه ياخي تسألينيه وانتي قابضه يديه مها:ههههههههه سلطان كان مخطط بان ياخذها مها الشقه وهي لا حول لها ولا قوه ,,,كان يبى يسوي منكر الرب حرمه على عباده ,,,ومها على نياتها عبالها الشقه الزوجيه وان سلطان يباها تاخذ رأيها وتنسقها وتختار الديكور اللي يناسب ذوقها مها كانت تفكر كيف تسوي الصاله والغرف وهي غارقه بالتفكير وما درت بخبث سلطان سلطان كان يسرع سيارته كانت بي ام سبورت أزرق غامج ومخفي شامل وكامل وكان سرعته جنونيه سلطان حريف في السواقه ,,,, عادي يتجاوز السيايير في هذه السرعه وفي هذه السرعه مع توتره تجمعت سايير تسبق سياره سلطان تجمع فجائي سلطان يدوس البريك يبى يخفف السرعه ولكنه فقد السيطره ,,,يدوس بريك بس ما يستجاب له ولف بكل قوته على الرصيف ,,,في لحظه تفكير قال بأنه ما يبى يصطدم بالسيايير اللي جدام يعني على الجوانب الدعمه بتكون أخف لانه متأكد مليون بالميه بان الحادث بيستوي بيستوي ولكن للاسف نسى وجود النخيل وحدث ما لم يتوقعه الناس السرعه كانت 260 كيف تتوقعون تكون الضربه ,,السياره جت بكل سرعتها وخبطت النخله ,,,النخله لصرمتها ما استوابها أي شي ولكن السياره تهشمت انقسمت نصفين ,,مها من الضربه طارت من الجامه الجداميه من عقب تكسر الزجاج ,,,أما سلطان فكان في السياره سياره الاسعاف وصلت عقب ما استوى الحادث بدقايق قليله وعلى طول نقلوهم الى الطوارىء مها كان فيها رضوض بسيطه وخاصه على الراس ولكن جلبت العار لأهلها ,, ما تحملوا اللي سوته وأقل شي سووه انهم ضربوها في المستشفى والأطباء يحاولون يبعدوهم عنها ,,,وكان مصيرها السجن في البيت لا طلعه ولا دراسه ولا شغل اما سلطان كانت حالته صعبه جدا وهو مرقد في غرفه الإنعاش ما عرفو شو التشخيص لحالته الا بعد مرور ساعات كطويله ولكن التشخيص كان صعب أن سلطان يتقبله ,, وهو انكسار ثلاث من الفقرات في وتمزق في الحبل الشوكي يعني من المستحيل بان يوقف على ريوله مره ثانيه وهو الآن في غيبوبه كان وقع المصيبه على اهله شي عصيب ,,,امه ما هدت من الصياح ودومها تي عنده في المستشفى وتقلبها مناحه ,,,وعتيج في غيبوبه مرن يومين وحارب يدق على تلفونه ومغلق وما يعرف بسالفة الحادث سلطان أغلى واحد من ربع حارب,,,صحيح خططهم بعض المرات شيطانيه ولكن يحسون بعت الضمير ويردون على الشيخطه وفي ماليزيا بجانب البحر وامواجه الهادئه,,, يدور حوار بين عتيج و مصيفه عتيج: مصيفه اباج في سالفه مصيفه طالعته بإشمئزاز: خير عتيج عتيج: بخبرج بشي خاشنّه عنج خلينا نمشي ونحن نسولف مصيفه ترد عليه بكل ما تعنيه من كلمه القساوه: على أمرك يا ترى عتيج بشوه بيصرّح لمصيفه,,,و كيف حارب بيتلقى خبر اعاقه سلطان و الحادث المروع انتظروا الجزء الثامن!!!! قصة ما كنت اصدق في دموع الرجاجيل ...7
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
