مأساة بلا دموع ...9 - القصص الطويلة , القصص و الروايات story
 |
 |
 |
 |
|
 |
تابع حالة الطقس في اكبر و اشهر مدن المملكة العربية السعودية | منتديات | مقاطع فيديو تحميل افلام موقع يوتيوب youtube العاب بنات hguhf fkhj | تحميل صور jpldg w,v | بلاك بيري | بنات السعودية | قصص بنات
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (261,995 مشاهدات)
فتاة تستأذن امها فى ممارسة الجنس (167,723 مشاهدات) قصة واقعية حدثت في ليلة الدخلة (111,869 مشاهدات) الملائكة تنقذ فتاة من الإغتصاب ... سبحان الله (72,910 مشاهدات) دخلت الفتاه الشاليه قصه يقف لها شعر الراس (71,362 مشاهدات) اغتصاب بنت ميته (71,037 مشاهدات) ركبت عبير مع خالد اللكزس وطلعو الشقه (53,895 مشاهدات) قصة حب محزنة عبر الانترنيت والله تبكى الحجر (47,637 مشاهدات)
جديد مواد مع عشوائي
زوج نجاه الله من الغرق (8,846 مشاهدات)
ضحت بذراعها لتنقذ شقيقها (10,399 مشاهدات) خرجت رائحته بعد موته (14,063 مشاهدات) آهٍ........ لو أعود (5,257 مشاهدات) توبة اشهر عارضة ازياء (10,110 مشاهدات) توبة الشيخ سعيد بن مسفر (8,117 مشاهدات) توبة أب على يد ابنه (5,205 مشاهدات) توبه فتاه ادمنت الشات (9,995 مشاهدات) |
القصص و الروايات story > القصص الطويلة > مأساة بلا دموع ...9
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية مأساة بلا دموع ...9
الجزء التاسع
باليوم الثاني.. عائلة ابو يوسف كانو في طريقهم لبيت جدتهم اللي بيظلون عندها يومين.. بالبدايه طلع يوسف.. وطلعت معه عفاف وغاده.. على اساس ان البقيه بيطلعون مع مهند.. كانو ماشين في الطريق وسوالف وضحك... ويوسف من داخله كان وده يسأل عن البنت اللي كانت عندهم امس... لكن مستحيل يقوله مباشره.. البنت اللي اسهرته ليلته... وكان كل ما جى يغمض عينه ارتسمت صورتها قدامه... حاول يطرد خيالها من باله.. لكنه ما قدر... غاده كانت منتبهه لسرحان يوسف وهو يسوق.. وهي ما تعرف تجلس بمكان بدون سوالف.. او حتى تفتح فمها... وعفاف الثانيه لاهيه بعالمها.. لكنها من داخلها تحس بوناسه.. من زمان ما حست فيها... يمكن لانها بتروح لجدتها الحنونه العطوفه.. وبتنهل من نبع نصايحها وحكمها.. وصلو قبل الكل... ودخلو لبيت الجده.. اللي اول ما وصلو كانت مجهزه القهوه... ومستعده لهم... وعلى وجهها اللي عفا عليه الزمن.. رسمت احلى ابتسامه.. ما منعتها التجاعيد من اظهارها.. يوسف داخل يسلم : السلام عليكم.. حيا الله ذا البنت..!!! ام خالد : وعليكم السلام ورحمة الله... امكر..!!!!!! يوسف : ههههههههههههه.. والله اني صادق... ما شاء الله عليك يايمه..ازين من بنات ذا الزمن ماعندهن الا المساحيق..وبس..!!! ام خالد : صدقت يا وليدي.. ياالله تحييهم... عفاف : الله يسلمك يمه.. شخبارك..؟؟ ام خالد تجلس : بخير وعافيه.. يالله لك الحمد والشكر.. وشلونكم يالبنات..؟؟ عساكم طيبين..؟؟ غاده بابتسامه : تماااااموووو الحمد لله... ام خالد تلتفت على غاده : يالله الثبات... بدينا...؟؟؟!!!! الكل ضحك على ام خالد اللي رجعت تسأل : وينهم اهلك يا ابوي..؟؟ يوسف : جايين بالطريق... ام خالد : وابوك هالقاطع ما هو بجاي معكم..؟؟ يوسف : لا والله عنده شغل هالايام... ام خالد : الله ييسر له اموره.. ويوفقه.. يوسف : آمين... . . بعد نصف ساعه تقريبا.. كانت ام يوسف عند الباب معها بعض الاغراض.. وتنتظر الخدامه تجي تاخذ الباقي... كانو جايين مع السواق.. دخلو كلهم لداخل... وسلمو على جدتهم.. وجلسو يتقهون ويسولفون... ام خالد تسأل بنتها : وين عيالك..؟؟ ام يوسف : منهم..؟؟ هذا هم جالسين.. ام خالد : لا.. وين مهند.. وبسام...؟؟ ام يوسف : الله يسلمك.. مهند طلع مع سعد للشركه ابوهم يبيهم.. وبيلحقونا اذا انتهو ان شاء الله... ام خالد : أها وبسام..؟؟ ام يوسف : بسام.. يا ميمتي.. وراه دراسه... وما يبي يتركها.. فجلس مع ابوه بالبيت... ام خالد : كل مرة يقول شئ.. مرة دراسه.. ومرة رحله... والله اعلم المرة الجايه وين بيكون..؟؟!!!!! يوسف : افا يا يمه.. وانا ما اكفي..؟؟ والا ناقصني شئ عنهم..؟؟ ام خالد : لا والله يا ابوي.. الله لا يخليني منك.. انت نورهم كلهم.. وش يبغى بهم بلياك..؟؟ يوسف كبر راسه بمدح جدته.. وغاده ما تبي تفوت الفرصه على نفسها : احم احم.. نحن هنا..!!!! ام خالد : اها ولين صرتي فيه...؟؟ زاد في ملك الله شئ..؟؟؟!!! غاده تفشلت... وامل تأشر عليها من بعيد وهي تضحك.. وساره وعفاف يتلامزون عليها.. ام يوسف حبت تغير السالفه : عفاف كلمي خالتك شوفي متى بيجون..؟؟ عفاف : ان شاء الله.. وطلعت من الصاله عشان تتكلم على راحتها... . . . جالسين في الشركه لهم تقريبا نصف ساعه او اكثر.. سعد : الحين ما تقولي وش جايبنا هنا..؟؟ لو طالعين ابرك لنا..!! مهند : يا اخوي اصبر شوي... سعد : الين متى..؟؟ مهند : ما ابغى ابوي ينتبه لنا واحنا طالعين.. اذا طلع اهو طلعنا بعده.. وكأننا بنلحق اهلي.. وعلى طريقنا نطلع لمشوارنا.. ونخلص امورنا.. سعد : يعني انت الحين متأكد ان سعود ما راح... اخاف بس راح.. واحنا جالسين ننتظر.. مهند : لا والله توني مكلمه.. يقول اول ما يوصل بيدق لي.. سعد : انا باروح اشوف اذا عمي طلع.. بصراحه ما فيني على القعده...مـــلللللل... وطلع ومهند يضحك عليه... صحيح ان سعد مرح وراعي وناسه.. لكنه في نفس الوقت ما يرتاح بمكان... لازم يتحرك.. ويطلع ويدخل.. ويرفع الضغط شـــوي..!!! . . بعدما اتصلت عفاف بخالتها... رجعت للصاله وقالتلهم انهم في الطريق... وكلها ربع ساعه... وام سعود داخله... ومعهم فيصل اللي فرحت جدتهم به ما توصف...صارت له فتره ما يجي لها... ما تشوفه الا اذا كانت جالسه عند احد من عيالها... بعد السلام والسؤال عن الحال... انسحبت غاده بهدووووء... ومسكت معها يد مي.. اللي كانت داخله بلثامها داخل... ولا استحت من يوسف... ولا خافت من جدتها اللي ما انتبهت لها.. والا كان راحت في خبر كان.. غاده وهي ماسكه يد مي ومستغربه ان سعود ما دخل معهم : من جايبكم..؟؟ ليــكـــون......؟؟ مي وحبت تضايقها شوي : لا ما جاء... يقول عنده شغل... ومرتبط بمواعيـــد.. غاده وهي تأشر بيدها : ما هو جاي ابدا ابدا...؟؟!!! مي وتهز راسها : لا...للاسف.. ( وتقولها بتلحين ) غاده شوي وتصيح كانت راسمه في بالها آماااااال انها بتشوفه... وهي لو الود ودها تكلمه...!!! غاده تدف مي : قولي انك تكذبين..!!! مي : لا تدفّين.. وما هو جاااااااي... زين ارتحتي...!!! غاده كنت تناظرها بأمل.. مي لفت بتروح : اللي سمعته... انه المغرب بيكون هنــا.....!!!! وراحت لبرى الغرفه.. وغاده عيونها للحين على الفراغ اللي تركته مي قدامها.. تحس بداخلها بوناسه... لكنها في نفس الوقت تحس باحساااااس قوي.. بانه اكيد راح يصير لها شئ... وما تدري وش هو.....؟؟؟؟!!! . . . مهند كان يكلم بالجوال وقت ما دخل عليه سعد... وبيده كأس كابتشينو... بعدما انهى مهند مكالمته... قام واقف... سعد : هااه... اتصل... مهند : ايه تو اتصل.. وقال انه في الصاله الرياضيه... سعد : ووشهو له الصاله.. كان واعدته في المقهى او أي مكان ثاني...؟؟ مهند وهو يمشي بيطلع : لا يا اخوي.. المقهى ما ينفع لان الربع هناك.. وماراح ناخذ راحتنا بالكلام.. هذا اولا.. وثانيا.. الصاله على طريقنا.. فاول ما ننتهي من حل هالمشكله.. نطلع على طول لبيت جدتي.. حلووو..؟؟ سعد : حلووو... يا قمييييل...هههههههه مهند : هههههههههه يقطع سوالفك.. سعد : لحظه لحظه... خذت الملف معك... ولا نسيته كالعاده..!! مهند : الحين بمر اخذه نسيت انه عند ابوي...؟؟!! وطلعو من الشركه بعدما اخذو الملفوالاراق..متجهين للصاله الرياضيه اللي كان سعود ينتظرهم فيها.. اول ما وصلو.. كان سعود يلعب بلياردو مع واحد من الشباب.. اول ما شافهم.. وقف اللعبه وجا لهم.. سعود : هلا والله... هلا وغلا... مهند : هلا فيك حبيبي.. وشلونك.. وش علومكم..؟؟ سعود : الحمد لله... وشلونك سعد..وشلون الاهل...؟؟ سعد بطرف عينه : وشلك بالاهل انت..؟؟ ليش تسأل..؟؟ مهند يضحك على شكل سعود اللي ارتاع من كلام سعد : ههههههههه.. والله انك.. حتى سعود ما سلم منك..!!! سعود يضحك : هههههه.. وانا مصدق.. يالله تفضلو.. نجلس...؟؟!! مهند : يكون افضل...!!! . . . هند كانت تطالع عفاف بفضول... وودها تقول لها عن الموضوع اللي في بالها... بس تخاف انها ما تفهمها... كانت الجلسه عاديه وروتينيه.. سوالف ما تنتهي.. سالفه تجر سالفه... زهقت هند من القعده وقامت تطلع من الصاله...اول ما طلعت حصلت غاده جالسه على الدرج وشكلها سرحانه... وتفكر بعمق... قربت منها.. جلست جنبها... وغاده ولا حست فيها... هند استغربت تعمق غاده في التفكير اللي خلاها ما تحس باللي حولها... هند وتضرب خد غاده : الووووو... غاده التفت مفزوعه : هاااه..؟؟ هند : هههههه... وش فيك جالسه وسرحانه...؟؟ غاده : افكر..!!! هند : وهالتفكير يخليك ما تحسين بشئ من حولك....؟؟!!! غاده : الموضوع اكبر من كذا..!!! هند : لهالدرجه..؟؟ غاده بملل : خليك مني الحين... وقولي لي وش اخبارك..؟؟!!! هند استغربت من غاده تغييرها للكلام.. لكنها جاوبتها بصمت.. غاده : وش فيك..؟؟ هند قايمه : ما فيني شئ.... عن اذنك... غاده مسكت يدها ورجعت جلستها : هند... اعذريني... الموضوع اكبر مني... وما اقدر اقوله.. على الاقل في الوقت الحالي... هند كانت متفهمه غاده.. بس في نفس الوقت ما حبت تشوفها تعبانه.. وتعاني لوحدها.. هند بابتسامه : لا عادي.. انا كنت خايفه عليك بس...!!! غاده : الله يسلمك ما حبيبتي تقصرين... هند ابتسمت لها.. بعدين قامت ترجع للجلسه.. والروتين المعتاااد... وتترك غاده في عالمها... ونسيجها اللي غزلته لنفسها... وما احد حاااااس فيها....!!!!!!!! . . . " لا مستحيل... اسمح لي عاد " مهند ويحاول يهدي اعصابه : يعني تكذبني ياسعود..؟؟ والله ما هقيتها منك..!!! سعود باحراج : لا ما هو القصد يامهند.. لكن انت تعرف خطوره الكلام اللي قاعد تقوله...؟؟!!! مهند : لاني واثق منه.. جيت اقوله لك..!! لكن الظاهر اني ما عرفت اختار...!!! سعد بتدخل : يا جماعة الخير هدو شوي... المسائل ما تنحل بهالشكل.. سعود يلتفت على مهند : طيب يا اخي فهموني حبه حبه.. مو معقول اللي قاعد يصير.. سعد : لا معقول ونص... انت لو شايف حالة عمي.. ما كنت قلت كذا... ترى ما هو سهل انك تكتشف خيانه من اقرب الناس لك..!! مهند : وما دمت منت مصدقنا.. يا اخي هذي الاوراق قدامك.. شفها وقل رايك...!!! سعود اخذ الملف من يد مهند.. وبدى يتصفحها.. كان مع كل كلمه يقراها.. يزيد توتره واستغرابه في نفس الوقت... بعد فتره.. سعود : يعني الكلام صحيح... بس من اللي له مصلحه عشان يفسد العلاقه بيننا...ويفشي اسرار شركاتنا...؟؟!!! مهند : والله هالسؤال.. لازم تبحث عن اجابته هنا في شركتكم.. ومثل ما احنا تصرفنا لازم انتو بعد تتصرفون... سعود : طيب الموظف اللي عندكم.. ما قال من اللي دزه عشان ياخذ الاوراق...؟؟!!! مهند : والله كل اللي قاله انه واحد من شركتكم.. اسمه حمود بن سلمان...!! وهالشئ صدم سعود..!! لان هالشخص بالذات لا يمكن يخونهم... لانه هو المستشار الخاص لابوه.. ومستحيل يغلط غلطه فضيعه مثل هذي...!!! سعود بتفكير : خلاص خلي المسأله علي وانا باذن الله احاول احلها بدون شوشره ولا مشاكل... مهند قام واقف : مشكوور ما تقصر.. اسمح لنا عاد.. ورانا مشوار.. سعود : على وين...؟؟ سعد بمزح : يا اخي قالك مشوار... ما يبغى يقولك.. غصب هو.. يا حبك للقافه..؟؟!!!!! وما كمل كلامه الا وخبطه عنيفه على ظهره... سعد يلتفت على مهند ووده يذبحه على اللي سواه... مهند هرب لبرى الصاله وسعد وراه... وسعود يضحك على خبالهم... ***************** كانت واصله حدها من زوجها وتطنيشه لكلامها... من متى وهي تحاول معه يقولها وش صار معهم... لكنه ما عطاها جواب يبرد القلب على قولها... طلعت من غرفتهم وهي تشتد غيض... تخاف ان الامور تفلت من يدها...وراحت على طول لغرفة ولدها.. فتحت الباب.. وشافته يكلم بالجوال... اول ما شاف امه حاول ينهي المكالمه بسرعه.. من وجهها يبين انه وراها مصيبه من المصايب.. جت وجلست جنبه... ام معاذ : وشلونك ياوليدي اليوم..؟؟ معاذ باستغراب : الحمد لله.. ام معاذ ما حبت تطول بالسالفه فدخلت في الموضوع على طول.. ام معاذ : هااه.. رحت مع ابوك امس..؟؟ معاذ ببلاده : وين له..؟؟ ام معاذ : وين يعني..؟؟ لعمك... كلمتوه.. قلتو له عن الوظيفه... ولا مثل عادة ابوك كسر كلامي...!!!!!! معاذ : لا... رحنا لهم.. بس ما لقينا عمي... ام معاذ بفضول : ما لقيتوه...؟؟!!!! وين راح...؟؟ معاذ : ما ادري عنه... ام معاذ : ورجعتو...؟؟ يعني ما استفدنا شئ..؟؟ معاذ : الا.. ام معاذ : وشـّـو..؟؟ معاذ : اقول الا لقينا يوسف.. ام معاذ : وقلتو له... ولا بعد ما علمتوه...؟؟ معاذ : قاله ابوي... وهو يقول بيتصرف... ام معاذ :ايه زين... بعد على بالي.. لان ابوك ما يجي منه الا الهم... ووجع القلب... والفقر...!! معاذ سكت وما علق.. صعبه ان الانسان ينهان ابوه قدامه.. والاصعب اذا كانت الاهانه من امه...!!! ففضل السكوت.. ارحم له من الكلام بلا فائده...!!!! رن تلفون الصاله... وقامت ام معاذ ترد.. اما معاذ فتنفس بعمق.. ورجع يكمل مكالمته اللي انهاها... . . . من جانب ثاني.. كانت هدى واقفه في الممر.. ومنصدمه من الكلام اللي تسمعه من امها... وفي مكالمتها اللي تحاول تهدم فيها بيت من البيوت العامره بالحب والموده... كانت تحاول قدر ما تستطيع انها تغير من طبع امها شوي... هدى بطبيعتها انسانه مسالمه.. ما عليها من احد... عايشه حياتها من دون روح الاسره... وتحاول تعيش واقعها الاليم... وتدخلات امها اللي لاتطـــاق.....!!!!!! **************** بعد ما طلعو من الصاله الرياضيه... طلب سعد من مهند يمر فيه للبيت... اول ما وقفت السياره... نزل سعد منها.... اما مهند... فحس ان المشاعر والاحاسيس كلها رجعت تنبض في شرايينه... بعد ما كان في قمة غضبه... صار في اعلى درجات انبساطه... مو اهو واقف عند بيت الحبيبه.. وما يفصل بينه وبينها الا جدار... اما وفاء... فبعد الموقف اللي كانت فيه.. يوم ركبت مع مهند في سيارته... ما عرفت كيف تبرمج احساسها.. وتضبط مشاعرها... في هالوقت كانت واقفه عند الممر.. بعد ما دخل سعد لداخل عند امه... كان ودها تطلع بس تلقي نظره... مع انها توها امس شايفته... بس ما شبعت منه... تقدمت كذا خطوه... واول ما وصلت لباب المدخل..وفي اخر لحظه.. انسحبت بهدوء... ورجعت لداخل لعند امها واخوها....!!!!!! **************** كانت واقفه في المطبخ... تسوي العشاء لعيالها ولها... ومن دون وجود زوجها.. اللي بدت تدريجيا تفقد الامان معه... دخلت عليها بنتها... ريم : ماما... جوعانه.. ام فارس : يا قلب ماما.. حبيبتي دقايق بس وتاكلين احلى عشاء... ريم بدلع تكمل : من احلى ماما...!!! ام فارس تضحك : هههههه... يالله حبيبتي...نادي فارس... وانا الحين اجهز العشاء... اليوم بالذات تحس براحه نسبيه... زوجها للحين برى... واهي تحاول تعوض عيالها عن حنان الام والاب مع بعض... وتعطيهم من العطف والامان اللي ممكن يبحثون عنه عند غيرها... وهي ما عندها ادنى استعداد انها تفقد احد ثاني... يكفيها فقدان الزوج والحبيب.. ولا يمكن انها تكرر الغلط مره ثانيه... بعد دقايق... كانو عيالها ملتمين على السفره... وتشوف على وجوههم ارتسامه لاحلى ابتسامه... يمكن تكون ابتسامه شكر.. على جهدها المبذول في سبيل راحتهم واستقرارهم... فارس : ماما.. ام فارس : هلا حبيبي.. فارس : وين ابوي..؟؟ ما اشوفه مثل اول.. يجلس معنا ويسولف لنا...!!! ام فارس بحنان : حبيبي الحين بابا مشغول شوي... واول ما ينتهي شغله اكيد بيرجع يجلس معكم.. ويسولف لكم.. وكل شئ...!! ريم : ويطلع معنا مثل قبل..؟؟!!! ام فارس : ايه كل شئ.. كل اللي تتمنونه راح يصير..!! مو انتو تحبون بابا..؟؟!! فارس وريم بصوت واحد : اكــــيـــــــد....!!! ام فارس : اهو بعد يحبكم كثير... ولا في يوم نساكم... بس شغله شوي مبعده عنا... ابوفارس على الباب : وهذا انا اليوم فضيت لكم... ام فارس التفت بصدمه.. وما قدرت تحط عينها في عينه.. من متى وهو هنا...؟؟ يمكن سمع كلامي...؟؟ يا ربي وش هالموقف المحرج..!!! مع انها ما كانت تقولهم الا اللي هي تحس فيه... جا وجلس جنبها على الارض... ما كان بينهم مسافه فاصله.. اجسادهم بجنب بعض... مجرد قربه منها.. خلى كل خلاياها النايمه تستيقظ من سباتها... كان ودها لو ترتمي على صدره.. وتقوله كل الالام والعذاب اللي مرت فيها من دونه... كان ياكل بشهيه وبنفس مفتوحه.. وكل ما رفعت راسها حصلته يطالعها بحب.. كانت خجلانه منه... مو طبيعي اليوم.. اول ما انتهو من العشاء... كانو فارس وريم قامو يغسلون... وما بقى الا اهو... ما كان عندها الجرأه اللي تخليها ترفع راسها له.. او حتى تنتظر تجلس معه... فقامت على طول.. اول ما وقف.. حست بيد تمسكها.. يد يــامـــا حسستها بقيمتها... ومقدارها... سحبها بهدوء وجلسها بجنبه... كانت مو مصدقه اللي قاعد يصير.. كانت تضغط على ايده بقوه عشان بس تصدق انها مو بحلم... وان هذا واقع هي عايشته... هي وهو وبس....!!!!! ابو فارس : حبيبتي... اول ما سمعت الكلمه... رفعت راسها بدهشه.. وما امداها طاحت عينها بعينه الا رجعت لحياءها.. ونزلت راسها لتحت.. ونظرها بحضنها... ابو فارس ويرفع راسها بيده : نوف... سامحيني...!!!! ام فارس كان بتطير من الفرحه... مو لانه طلب السماح... لا.. لانه نطق باسمها... ظلت فتره ساكته... ما عرفت ترد عليه ماكانت عندها القدره عشان ترد بحرف واحد.. من دخل وهي ساكته... اخر شئ قام واقف وسحب يدها معه... ابو فارس : اعرف قلبك اكثر من نفسي... لا يمكن في يوم تغلطين بحقي... مثل ما انا غلطت عليك... ارجوووك سامحيني... بس بكلمه... سامحيني... ام فارس كان بودها تقوله انها اصلا ما زعلت منه.. وهو ما غلط عشان تسامحه.. قلبها الكبير بلحظـه ضعف.. نساها كيف كان قاسي عليها.. ابو فارس : تسامحيني...؟؟!!! ام فارس اكتفت بهزه من راسها عشان تثبت له طيبة قلبها.. وصفاء نيتها... وحبها الكبير له... ابو فارس اكتفى بانه رفع يدها لفمه وباسها... وكأنه بهاللحظه يعتذر عن الاف الالام والاحزان اللي تسبب فيها... وبطبيعة المرأه.. تنسى كل لحظـــات العـــذاب... بلحظــه حــب....!!!!!!! قصة مأساة بلا دموع ...9
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
