سعيد: من صجها امنة الحين
محمد: اي من صوتها يبين زعلانة
سعيد: وليي مشغول مع الشغل اناا
محمد: علينا مع الشغل
سعيد: شاسوي العرس جريب بعد 3 اشهور
محمد: واكا انا عرسي عقب اسبوعين
سعيد: شنوو
محمد: شنو بعد ليكون ما سمعت
سعيد: من صجك انت
محمد: اي
سعيد: وابنية متى تتجهز
محمد: عبالك حرمتك اتقص عليك واطول المدة ترى يحبوني انا ويسوون أي شئ لراحتي
وسعيد اهني بعد فكر يااه لما قلت لنورة قالت لي بعد 3 شهور وهيا وافقت بكل سهولة
: يا حظك يا اخوي
محمد: ماني مثلك يا اخي




في البحرين وفي الشركة

وعبدالله : اي بكلم عمي
خالد: متأكد انت
عبدالله: اي
خالد: اوكي انا قاعد في المكتب روح كلم عمك وارجع

وعبدالله راح لعمه
عبدالله: عمي بغيتك في موضوع
بواحمد هد الي في ايده: خير ان شاء الله
عبدالله: عمي ما أبي سارة
بواحمد: انزين
عبدالله: ابي امنة يا عمي
بو احمد فصخ نظارته الطبية: تأخرت يا ولدي
عبدالله ما فهم
عبدالله: اشلون
بواحمد: اشصار فيك لو ذاك اليوم قلت جذي وقفت جدام عمتك ليش خليت كل الامور علي وعلى بنتي امنة
عبدالله: لكن
بواحمد قاطع عبدالله: لا يا ولدي تأخرت انا لو رفضت تدري اختي احتمال بتقول وايد اشياء لكن لو انت رفضت وقفت في ويهي وفي ويه عمتك جان ما صار
كل هاي
عبدالله: يا عمي كنت ابي رضااك
بواحمد: يا ولدي يزاك الله كل خير نصيحة مني فكر زين ما زين قبل ما تتخذ قرارك صجج لو كنت بزعل لكن سرعان ما بتراضا معاكم لانكم اعيالي احد يقدر
يزعل من اعياله
عبدالله: عمي ما اعرف شاسوي لكن ما أقدر اعيش بدون امنة
بواحمد: يا ولدي انا بعد تحسفت عقب ما اتخذت القرار لكن بسبتك فقدت امنة وانا احب بنتي وابي مصلحتها وفرحها وسعادتها واعرف سعادتها معاك
لذا الحين انت بايدك سارة وامنة وتقدر بكل سهولة تختار الي تبيه لكن عمتك تكون راضية
عبدالله: عمي هاي حياتنا
بواحمد: يا ولدي انا اشأقدر اسوي
عبدالله: وانا شنو اقدر اسوي
بواحمد: وايد اشياء خل عمتك ترفض تاخذك لبنتهاا
عبدالله: واشلون
بواحمد: فكر وبتعرف
عبدالله: لكن توعدني ان لين ذاك وقت امنة تحجزه لي
بواحمد: وعد مني لك لكن لا تتأخر وايد
عبدالله فرح على أقل ضمن شئ واحد

وراح خبر خالد
خالد: سهلة
عبدالله: اشلون
خالد: شوف اليوم انا بروح لبو سارة بقول لها ان ولد عبدالله راعي سوالف ومخدراتي ويشرب خمر ما بخليه عيب ما بقول له
عبدالله: ههههههتي رفيجي يشوه سمعتي
خالد: يااه يا يبه تبي بنت عمك ولالا
عبدالله: امبلا
خالد: عيل بس خلاص
عبدالله: عجبني الفكرة بس لا تبالغ وايد ترى بشك فيك
خالد: تطمن
عبدالله: يالله عيل
خالد: اشفيك مستعيل
عبدالله: يا يبه ما أقدر اصبر
خالد: ياااه
عبدالله: يالله خلودي
خالد: لكن من وين بنحصل ابوها الحين
عبدلله: انت امش في البداية
راحو لعند بيت سارة
عبدالله: هاي بيت سارة
خالد: انزين شاسوي
عبدالله: روح دق الباب وشوف ابوها اهني ولالا
خالد" يا ريال اشبلاك مستعيل
عبدالله: يالله
خالد: ولييي شالبلوة
وراح طق الباب ويا حظه بو سارة كان اهنااك
فخالد ما قصر قال انه فاعل خير يعرف عبدالله ريال ماهو زين عنده سوالف ويشرب الخمر ووو
بوسارة: يزاك الله كل خير
خالد: افا عليك حاضرين
بوسارة: ما ادري اشلون اشكرك
خالد: هذا من واجبي
واستاذن وطلع
خهالد: كله منك لاول مرة اجذب اناا
عبدالله/: شنو قال
خادل: يزاك الله كل خير
عبدالله: ننتظر النتيجة وبس

وبوسارة راح قال لمرته لكن وين الي بيسمع كلام
شالت البيت على راسها لالا ولد اخوي مو جذي
وبوخالد قال بيتأكد
تأكد لكن لاسف الشديد سمع العكس

ام سارة: قلت لك
بوسارة: عيل ليش كان ياءي
ام سارة: ما ادري والله


وام سارة اتصلت على عبدالله
عبدالله بكل قوته صكاه ايده اانقهر وايد خطته الاولية كانت فاشلة
وقبل ما تكمل ام سارة: ومو ناوي على خططوبة
عبدالله: عطوني مهلةوبصير خير
ام سارة: ولا يهمك



وعند البحر
خالد: تفاءلو بالخير تجدوه
عبدالله: الحين شنو نقدر انسوي
خالد: سهلة بنقول حق وحدة تتصل على أم سارة هالمرة
عبدالله: انزين وبعدين
خالد: تعال عندي فكرة حلوة
عبدالله : شنو
خالد: شووف في بلادنا في وايد اجانب عاد وحدة منهم بندفع لها مبلغ من المال علشان اتمثل ويانا هي بتقول انك زوجهاا وبس وخلاص
واكيد ما بيرضون يعطون بنتهم حق واحد متزوج
عبدالله: يا الذكي لو كلهم صدقو هالحرمة بعدين اتقول من صج هاي زوجي واهني امنة بعد بتروح من ايدي وسارة بعد
خالد: عيل الحل
عبدالله: عندي حل خطير
خالد: شنو
عبدالله: بتزوج مع سارة لكن بعاملها بطريقة قسوة بخليها لين ما هي تطلب من طلاق
خالد: احنا مو في فيلم هندي لو حبيت بنت عمتك انت اهني بتخرب حياة بنت عمك
عبدالله: لا مستحيل
خالد: وايد ناس قالوها قبل لكن لما تزوجو حبو زوجاتهم
عبدالله: انا غير عنهم
خالد: لا في ناس ينسون حتى امهم
عبدالله: ولييي شاسوي الحين
خالد: اقول لك شئ يا عبدالله
عبدالله: تفضل
خالد: انسى امنة
عبدالله: ما أقدر
خالد: لو كنت اتحب امنة انسى امنة علشان مصلحتها مافي طريج ثاني جدامنا غير زواجك ببنت عمتك
عبدالله: لا مستحيل
خالد:أقول يا عبود انت بتتزوج مع بنت عمتك بتعيش حياتك بسعادة الوحيدة بنت عمك الي بتعاني من حياتها وبس وسبة بكون انت
عبدالله: مستحيل
خالد: يا عبدالله كثير من الناس مرة ثانية اقول لك قالوها قبلك تتذكر رفيجنا علي كان يحب لكن لما تزوج الحين نسى حبه يقول زوجتي وزوجتي
عبدالله: خالد بس خلاص ما ابي اسمع شئ
خالد: عبود لا تكون اناني فكر في بنت عمك وبنت عمتك
عبدالله: مو اناني انا
خالد: عبدالله اانا رفيجك نصيحتي لك انسى بنت عمك وابدأ حياة يديدة مع بنت عمتك
عبدالله: مو سهل مثل ما اتقول
خالد: اعرف يا عبدالله لكن ما بيدك حيلة
فترة سكوووووووووووووووووووووووووووت

عبدالله: ايش رايك اسافر بعيد عن كلهم
خالد: بنت عمك بزوجونها وبنت عمتك بتتزوج الخسران انت
عبدالله: الحين مافي حلول ثانية
خالد: في
عبدالله: شنو
خالد: تزوج امنة وسارة
عبدالله: شنو
خالد: حل النهائي
عبدالله فكر بامنة لا لا مستحيل يكون لامنة ضرة مستحيل : مستحيل
خالد: تزوج بنت عمتك
عبدالله: خلود شنو اتقول انت
خالد: عبدالله انت بس اخطب سارةبشوف حياتك بتتغير وبتحب سارة
عبدالله: وامنة
خالد: قول حق امنة انك ما كنت اتحبها
عبدالله: اقولها وهي حياتي
خالد: علشان مصلحتهاا
عبدالله: ما أقدر اتخيل وحدة ثانية في حياتي غير امنة
خالد: لو فشلت في هالشئ طلق سارة وبكل سهولة تقدر
عبدالله فكر صج ما عنده حل ثاني لكن عبدالله نسى شئ انه لو امنة تزوجت في هالحين نسى هالنقطة
عبدالله: الحل النهائي شنو
خالد: انسى امنة
عبدالله: ما اقدر
خالد: تزوج سارة
عبدالله : هم ما اقدر
خالد: انا اقول لك لو تزوجت سارة بتنسى امة
عبدالله: ولو ما صار
خالد: لابصير
عبدالله: خلنا من هالشئ كل حل أعقد من حل الثاني

رجع البيت عبدالله تعباان حده تعبان من تفكير يفكر في كلام رفيجه اصلا لو كان يحب امنة جان يبي مصلحتها ومصلحتها انه هو يتزوج

محمد خبر نواف ان امنة رفضت فما قال شئ يعرف ان هو مو ابوه ما يقدر يسوي شئ
محمد وصل علشان ياخذ امنة امنة سالت ابوها وابوها وافق
ورجعت الامارات
لما عبدالله درى فكر حبنا نفس الشئ انا احب امنة اكثر من حبي لها قبل لكن لو كانت محيرينها لي الحين جان اتصلت وزفيتها ليش راحت قبل ما اشوفها لكن الحين
من انا علشان اتصل

وصلو مانة كانت زعلانة من سعيد
سعيد: اموون تزعلين مني
امنة: يالله محمد تأخرناا( حقرت سعيد)
سعيد: امووووووون
امنة: .....
محمد: يالله
سعيد:بيي معاكم
محمد: لاسف الشديد ابي اطلع بس مع امنة
سعيد: يااه محمد
امنة: يالله محمد تاخرنا
سعيد: امنة الحين منص جج انتي زعلانة معاي
امنة: بزيدك بيت شعر عرسك ما بيي
محمد: مادام انتي ما بتروحين عيل انا بعد سجلني في القائمة
سعيدد: وليي منكم اذا انتو ما بتيون من بيي في عرسي
امنة: نورة يكفيك
سعيد: نورة غير وانتو غير
امنة: الي يبينا عيت النفس تبغيه الي نبيه عيا البخت لا يجيبه
سعيد:اموووون
وطلعو وسعيد انقهر وااه منهم وصج حس بغبائه طول هالمدة ولا سال عنهم نورة وبس وعرف ان حياته مع نورة وبس ماهي كاملة لازم امنة ومحمد والاهل

واصلا امنة كانت رايحة مع محمد لاثاث البيت
امنة: أقول احسن لو هيأ تختار
محمد: لا أبي انتي
امنة: ممحمد
محمد: عن كلام زايد
وراحو واختارو
وامنة رجعت
وفي يوم ثاني راحت لهيأ
الي كان هادئة لاخر حد ونورة معاهم
نورة: اشلون وافقتي
هيأ: لاني احب محمد
نورة: ولو تحبين محمد
اصلا هيأ غارت هي بعد تحب سعيد لكن أجلت عرسهاا

الجزء43
غريبة الدنيا بناسها , ساعة بفرحة ووناسة , وساعة بحزن وتعاسة


الحياة حلوة بس يهمها الفرحة
كنت أعيش احلى حياتي لا هم ولا غم ابي أي شئ احققه كل شئ عندي ولله الحمد عندي اخلاق عندي مال عندي جمال عندي احسن ام وابو عندي اخوات واخوان لكن
ليش يا امنة كلما ابي اتقرب اليج تبتعدين عني ليش ليش ليش
عبدالله حس كأنه عمره 50 سنة وكل هم وغم دنيا عليه اه ما يقدر يفكر انه يعيش من دون امنة امنة هي انفاسه امنة هي كل شئ بنسبة لعبدالله لكن ليش يا امنة
كل الطرق في ويهي مسدودة اشلون اشلون اوصل اليج خاطري اسمع صوتج خاطري اشوفج اشتقت لضحكتج اشتقت لعنادج اشتقت لج بكبرج

وآمنة من بعد ذاك الليلة وهي مطمئنة على الاخر عرفت بس خلاص عبدالله لي ولي انا وبس



وعند سارة
رن تليفون نفس الرقم سارة ما كانت تبي اشيله لكن ما تدري ليش شئ خلاها وغصبها انها اشيل
........: الو السلام عليكم
سارة: عليكم السلام
...: شخبارج سارة
سارة: الحمدلله بخير باحسن حال
...: دوم ان شاء الله
سارة: دام نبض قلبج
...: نبض قلبي أنتي
سارة اه حست بشئ في قلبهاا ما ردت
...: سارة انتي معاي
سارة: اي معاك
...: أحبج يا سارة
سارة ما تدري ليش فرحت في أحد يحبهاا : لكن انا احب عبدالله
...: لكن أنا احبج
سارة: اشلون تحب وحدة تحب واحد ثاني
...: لو ما كنتي تحسين بأي مشاعر تجاهي جان ما شلتي تلفوني لو كنتي تحبين صج عبدالله ومن قلبج ما تجرأتي اشيلين تلفوني وتتكلمين معاي يا سارة سأليني
انا عن الحب صدقيني احس كل بنات العالم لا شئ جدامج ما اطيق اتكلم ويا وحدة ثانية ما اطيق افكر في وحدة ثانية غيرج

سارة صح كلامه : لكن انا ما اعرف شئ عنك
.....: يعني تبين اتعرفين عني شئ
سارة استغربت ليش سالت هالسؤال ليش تبي اتعرف عنه : لا ما اقصد
....:اه يا سارة لو تدرين شنو يعني لي انتي جان ركضتي لي
سارة: ما أظن
...: تدرين يا سارة وايد فرحان انا
سارة: ليش
....: ما ادري ليش بس احس انج لي
سارة سكتت
وما قالت شئ
...: سماع صوتج حتى يعني لي وايد
سارة: اي تبي تغازلني
...: ههههههههتي حتى مغازلتج ماهوب بسهل
سارة: هههههههتي
...: فديت هالضحكة والله
سارة: وليييي ما يعجبني في كل كلمة وفي كل كلام قلت لي فديت وما ادري شنو
...: طيب طيب توبة توبة
سارة: تعال تراك قلت طيب وسعوديين اكثر ششئ يقولون طيب طيب ليكون انت سعودي
...: لا بحريني
سارة: اهاا


وتم بينهم كلام فترة قصيرة

وفي الامارات لما نورة كانت ويا هيأ بروحها مرة ثانية بطلت معاها الموضوع
نورة: ليش وافقتي يا هيأ
هيأ كانت تبي تقهر نورة اكثر فاكثر: لاني احب محمد
نورة: حتى انا احب سعيد
هيأ: لكن يا نورة انا غير وغير حبي لمحمد غير يمكن احب محمد اكثر من حبج لسعيد
واهني نورة احترت واصلا هيأ قالت جذي بس علشان نورة تنقهر : لا
هيأ: صج ما تشوفيني وافقت
نورة: أهاا ( وهي تفكر هل فعلا هيأ هالكثر تحب محمد بحيث أي شئ يقول الاخت توافق)

ومحمد مع امنة مقاطعين سعيد
سعيد: بعدين معاكم
ومحمد ساكت وامنة ساكتة
سعيد: يالله عاد ما أقدر اعيش بدونكم
امنة: محمد ما بنطلع
محمد: امبلا الحين
سعيد: يااااااااااه
امنة: اووووف راسي عورني
سعيد راح لامنة: امنة الله يخليج
امنة: الي نسانا نسيناااااااه
سعيد: مالت عليج الحين يعني انا نسيتج
امنة: خل نورة تنفعك
سعيد: اوهووووووو
محمد: بشرط بنتكلم معااك ما تتصل على نورة يومين
سعيد بطل عيونه: شنووووووووووو
امنة: 3 ايام
سعيد: اشفيكم انتو
محمد: 4 ايام
سعيد: لا حول ولا قوة الا بالله يا جماعة الخير اشفيكم
محمد: يا احنا يا مرتك نورة
سعيد:يوم واحد وبس
امنة: 5 اياام
سعيد: شنووو
امنة: 6 ايام
سعيد: بس خلالالالالالالالاص موافق
امنة: زين والا صار شهر
سعيد: لو مرتي زعلت براويكم
محمد: اكيد بتزعل ما بتكلمها لمدة 6 ايام وعبالك ما بتزعل
سعيد: انزين بس يوم واحد
امنة: تبي انسويه شهر
سعيد: لالالالالالالا صلي على النبي
محمد: تستاهل علشان مرة ثانية ما تكرر هالشئ
سعيد: وعلى فكرة بطلع لي رقم اليديد لاني اعرف لو نورة اتصلت ما اقدر اقاوم وما اشيل اتصالهاا لذا رقمي بس بكون عندكم وبس
امنة: فكرة رائعة
سعيد: صدقونيي براويكم ان صار شئ
امنة: هههههههتي تستاهل تستاهل
سعيد: افا يا امونتي شوفيني فقيرو مسيجين انا ما أقدر بدون نورة الله يخليج سحبي كلامج
محمد: امونة لا يقص عليج سعود
امنة: ولا يهمك واقول سعيد ترى وقعنا وختمنا يعني تأخرت ماكو فائدة تترجى
سعيد: ويالله ما تبون الحين نطلع
محمد: ليش بتيي معانا
سعيد: لالا وافقت على عقابكم بعد اتقول بقعد في البيت
امنة: يالله محمد
وامنة طلعت مع خوالها
يحليله سعيد لكن يستاهل شاف مرته نسى كل من حوالينه
وفي الليل نورة حاولت تتصل وتتتصل لكن محد يشيل الاتصاااال
فلذا خافت ليكون سعيد زعلان او شئ مثيله وهي تفكر في هيونة ومحمد اشلون هيأ وافقت وهي لين حين مو مستعدة اشلون واشلون




وفي البحرين
منى ردت عليهم قرارها بموافقة وبو منى قال لمرته يقول لمنى ان اذا تبي تكمل دراستها عادي
وام احمد الوان ويها تغير لانها كانت تبي عرس منى اليوم قبل باجر فقالت لمنى ولكن انصدمت ان منى موافقة
ام احمد: ما شاء الله عليج يا منى تفكيرج رائع وعقلج اكبر من سنج
منى اونه تستحي
ام احمد: بخبر ابووج

وام احمد: منى موافقة أي يوم يحددون موافقة اتقول مصير بنت بيت ريلهاا
بواحمد: ما ادري بس احس اشوية انأجل ما يصير امنة لين حين قاعدة وهي تتزوج
ام احمد: انا معاك لكن كل شئ قسمه ونصيب والله كريم ان شاء الله جريب امنة وامنة بروحها الحين رافضة هالفكرة ولو درت انا احنا بسبتهاا اجلنا زواج منى
بتاخذ بخاطرها ما بيعجبها هالشئ
بواحمد: متحير انا وايد احس اني انا الي خربت حياة بنتي
وام احمد قامت راحت قعدت بضبط يم ريلها: لا يا بواحمد شالكلام
بواحمد: احس بذنب كل ما اشوف امنة تغيرت وايد ضحكها قل فرحتها قل وكله بسبتي
ام احمد: لا غغلطان انت امنة احنا الي ربيناها اتعرف ان احنا ادرى بمصلحتها

وما رد بو احم


وفي السعودية بو فيصل كان فرحان حده اول ما وصل البيت
وكلهم كانو قاعدين ماعدا فيصل ورويض( رويض لو نسيتي زوجة فيصل)
وكلهم سلمو على ابوهم
بوفيصل: عندي لكم خبر حلوو
ام فيصل: بشر
بوفيصل: عبدالرحمن اتقولهم ولا انا الي اقول لهم
عبدالرحمن: انت احسن يا يبه
بوفيصل: طيب اليوم رحنا بيت اختي وخطبنا بنتهم منى لعبدالرحمن
كلهم فرحو
جنان: الله الله يعني منى بصير مرت أخوي
ام فيصل: لكن كلمت اختي انا
وكل الانظار عليها
بوفيصل: شنو كلمتيها
امفيصل: انت بنفسك وافقت عبدالرحمن ياخذ بنت اختي فكلمتها بخصوص هالسالفة
بوفيصل وعلامات العصبية: لكن ما قلت لج قراري نهائي
مهم انا كلمت اختي ومن كلامها يبين انها بتوافق
وقام
وام فيصل عصبت صج الرياييل ساعات يسوون اشياء يبط الجبد
وما عرفت الحين شتسوي
ووالا اتصال ياء
واهني اختها اتخبر ان بنتها اتقول تبي تكمل دراستها وتتخرج واهني ام فيصل طارت من الفرح الحمدلله يا رب طلعتني من هالمأزق الخطير


وبعد 3 ايام ردو عليهم بموافقة منى
وكلهم وايد فرحو
يوسف: من الحين اقول لكم ما ابي يكون زواجي مع زواج حماني نفس اليوم
عبدالرحمن: يا سلام انا بروحي ما ابيه
فيصل: العرس وينه اذا قرب بعدين قررو وبعدين تعالو من بياخذ رايكم الي ابوي بقوله بس خلاص

وعبدالرحمن كان مستعد ليدخل ويحب منى

نورة كانت مستغربة من سعيد ليش ما يتصل وعبالها ان بسبة تأجيلها للعرس احتمال زعلان
وامنة رجعت من بعد ما شرو كل الاثاث بيت وفرشو بيت محمد
والي وصلهاا خالها محمد لكن ما قعد لهم وصل امنة لين بيت وراح لبيت بوايمان يسلم عليهم وبعدين سيدة مطار وبيرجع

وامنة اول ما رجعت قالت لسعيد انه يقدر يتصل على نورة بس خلاص هونو هي ومحمد
وسعيد فكر صج شفت نورة نسيت كل من حواليني وفكر ياما كنت أفكر اشلون الريال يقدر يقط امه وابوه في دار العجزة بسبة وحدة وبس والحين حس بهالشئ
صج المرأة خطيرة


وامنة دشت عليهم وحمدان كان عندهم
امنة: السلام عليكم
وراحت سلمت على الكل
وحمدان كان زعلان حده من امنة
امنة: شخبارك حمدان
حمدان: الحمدلله توج تذكرتينا شفتي خوالج ونسيتينا
امنة: افا ما عاش الي ينسااك
حمدان: يبين
امنة: حمداني يالله عاد
حمدان: جربي مرة أخرى
امنة: يبت لك هدية
حمدان: صج شنو
امنة:اي بعدين براويك
امنة: يمه وينها منى
ام احمد: توها الحين راحت مطبخ الخارجي
امنة: حمدان بروح برجع لا تطلع
حمدان: تطمني العشى عندكم انا
امنة: اوكي ترى يا ويلك ان نزلت ما شفتك
حمدان: تطمني
وراحت لعند منى
منى: اموووووووني
امنة: شخبارج منى
منى: الحمدلله باحسن حال
امنة: وهااا اشصار
منى: محد خبرج
امنة: لا
منى:وافقت
امنة: صج
منى: اي
امنة لوت على اختها : مبرووووووووووك يا منووووووووووووووووي
منى: الله يبارك فيج وعقبالج ان شاء الله
وراحت منى ما تدري ليش بس امنة حست بشئ داخلها اختها الاصغيرة تتزوج قبلهاا امي وابوي ما فكرو فيني هل يعني يحبون منى اكثر مني
هل امي اتفرق بيني وبين منى ليش محد فكر فيني وصاحت
يحليلها حتى امنة كسرت خاطر خدامتهم لانها كانت في المطبخ

بس بعد ثواني لين ما تعبت من الصياح قالت صج غبية انا شالتفكير لازم أفرح لاختي منى
وعرفت شيطان حاول يولد الحقد وكراهية في قلبها لاختها وامهاا
واه تذكرت عبدالله احبك يا عبدالله وينك اشتقت لك خاطري اشوفك
وطلعت ودشت عليهم
حمدان: جان زين بعد تأخرتي
امنة: شاسوي يعجبني المطبخ وايد
اماحمد: روحي امنة ارتاحي في حجرتج
امنة:لا يمه احمد قال الحين بيي بنتظره وعقب برووح
ام احمد: على راحتج
حمدان: اقول منى صج بتتزوجين
منى: اي عندك مانع
حمدان: اي عندي مانع
حمدان: اشلون وافقتي على واحد غيري
وطبعا حمدان كان يتكلم مع بنات عمه وبحيث ام وابو احمد ما يسمعون
منى: شنو
حمدان: حرام عليج يا منى
امنة : منى بتهدين حمدان وبتاخذ عبدالرحمن( وعرفت حمدان يتغشمر)
حمدان: شفتي يا امنة انتو اتحبون اعيال خيلانكم اكثر من اعيال عمكم
امنة: لا بس ولا يهمك منى بترفض ما بتاخذ عبدالرحمن
منى يحليلها ضايعة بينهم : شنو اتقولون انتو
امنة: منى حمدان يحبج
حمدان حرك راسه
منى: شنوووووو
حمدان: لا صدقين ويا هالويه اتغشمر معاج اخاف اصدقين
امنة: خخخخخخخخني
منى: حماني يكفيني
حمدان: يا سلام من الحين وبعد ادلعينه حماني
منى: اي ادلعه لازم
حمدان: اصغر اعيالج
منى: لاريلي
حمدان: ايا جليلة حيا لين حين ما صار ريلج
منى: ولييي محد يتغشمر وياكم
وقامت عنهم
حمدان: ههههههههتي يحليلها بتتزوج ما أصدق
امنة: كل شئ جايز بهالزمن
حمدان: الفال لنا
امنة: ان شاء الله
واهني احمد دش مع عبدالله ومنيرة
واحمد: ياهلالا وغلالا بامونة منورة البحرين بكبرها
امنة ما تدري ليش بس كلما شافت احمد تحس بحب غير حقيقي لاخوهااااااا ابتسمت ونست كل همومها وغمومها: هلا احمد شخبارك
احمد: بدونج لا تسالين عن حالي
امنة : اه يا احمد اشتقت لك
احمد: عيل انا شنو اكثر منج
حمدان: اقول احمد ترى زوجتك تغاار
احمد: زوجتي مكانها واختي مكانها منيرة غالية كزوجة وامنة غالية كأخت
منى اووووووه لازم تسمع كل شئ : واناا
امنة: اتعرفين يا منى انا انا
منى: ما عليه
منيرة: عطونا مجال نسلم عليكم
امنة: هلا بمرت اخوي شخبارج
منيرة: حمدلله انتي شخبارج
امنة: الحمدلله
وشافت عبدالله اه وأخيرا يا عبدالله شفتك جان زين قدرت استقبلك بالاحضان لكن لا ما أقدر
عبدالله: شعلومج يا امنة
امنة اه صوتك حتى عذاب: الحمدلله انت شخبارك
عبدالله: الحمدلله بخير الله يسلمج الله يعافيج
عبدالله اوف يا امنة ليش بيناا هالفروقات متى بصيرين مرتي متى
ويلسو وهالمرة شباب بروحهم وبنات بروحهم لانه احمد دش فحمدان ما يقدر ياخذ راحته يتكلم مع بنات اعمامه
وعم امنة ياء وسلم عليهاا
منى: عيل امنة كل شئ جاهز لعرس خالج
امنة: يس
منى: ومتى ملجة عيل
امنة: محمد قال قبل العرس بيووم
منى: شنوووووو
امنة: اي
منى: اشلون جذي
امنة: ما ادري عنه يبي يكون اسبيشل ويكون غير عن الباقي
منيرة: وشخبار خالج سعيد
امنة: يحليله كسر خاطري
منيرة: ليش
امنة: اصدقين عاقبناه ما يتكلم ويا مرته 6 ايام
منيرة :حرام
امنة: هههههتي بس لانه ما اتصل علي
منى: وسمع كلامكم
امنة: اكيد
منى: جان انا منه حقرتكم
امنة: لكن انتي غير وهو غير
منى: مالت عليج
امنة: اغصان الجنة


ونورة يحليلها هالمرة حاولت تتصل على سعيد وصار
وسعيد مشتاق لنورة وايد وخاف لا تكون نورة زعلانة

نورة: الو سعيد
سعيد فديت هالصوت والله بس خايف لا يكون ورى هالصوت بركان غير صوته اونه فيه كحه مصخن: الوو
نورة: زعلان مني انت
سعيد فرح وزاد فرحه واخيرا يقدر يتغلى: واذا ازعل يهمج
نورة: اي اكيد يهمني ( يحليلج يا نورة على نياتج)

سعيد: الله يخليج لي
نورة: اعرف يا سعيد انك زعلان
سعيد : واذا اتعرفين زعلان قولي ليش زعلان
نورة: لاني أجلت العرس
سعيد ياااااااااااه : امممممممم ومن حبي لج وافقت
نورة: اي ( وقالت في نفسها وانا من حبي لك ما وافقت)
سعيد: بس خلاص الي فات مات اهم اني احبج
نورة ياحظج: انا بعد احبك واااااااااااايد وامووووووووووت فيك
سعيد: بس انا اكثر
نورة: لا انا اكثر
سعيد:اختلفنا من يحب الثاني اكثر لكن في نهاية ثبتو اني انا احبج اكثر
نورة: هههههههههتي اقول اشلون قدرت ترقد بدون ما تسمع صوتي
سعيد: ما رقدت كنت سهراااااان
نورة: اي يا شلاخ اعرف انك رقدت
سعيد: رقدت لكن انتي اتخليني ارقد كله اتيين في الاحمي
نورة: هههههههتي اقول سعيد الحين كل من يقرأ شنو قاعد اتقول لي
سعيد: اي زين ذكرتيني يالله ابي اشوية خصوصية لو سمحتو



وتكلمووو



وهيأ مشغولة مع استعددادت العرس
وابراهيم كل ما يشوف سعيد يتكلم ويا نورة يتذكر مروة
ويشوف امحمد كيف متحمس للعرس يبي يعرس


والا ابراهيم اتصل على مروة
مروة فز قلبها لما شافت رقم ابراهيم
مروة: الو
ابراهيم: السلام عليكم
مروة: عليكم السلام
ابراهيم: شحالج مروة
مروة: الحمدلله بخير
ابراهيم: انا بعد الحمدلله بخير
مروة: هههتي الحين انا سالتك
ابراهيم: ما احب اتعبج حتى بالكلام
مروة: هههههتي الله يغربل ابليسك
ابراهيم: وياج ان شاء الله
مروة: وليش متصل
ابراهيم: اشتقت
مروة: اشتاقت لك العافية واحنا لين حين ننتظرك متى بدش من الباب
ابراهيم: جريب بس حبيت اسالج بتيين عرس اختي
مروة:لا ما أقدر
ابراهيم: لا تعالي
مروة: عندي جامعة وما اظن اهلي بيوافقون
ابراهيم: علشان خاطري وافقي
مروة: ما اقدر
ابراهيم: افا مالي خاطر عندج
مروة: ما قلت جذي بس ما اقدر
ابراهيم: على راحتج في امان الله
مروة: زعلت
ابراهيم: ولو زعلت يهمج
مروة ما عرفت شنو ترد : في امان الكريم
ابراهيم: من الله تبينها
مروة: هههههههتي انت الي قلت
ابراهيم: يالله ما بطول عليج مع السلامة
مروة: الله يسلمك
طووووووط



وعند عبدالله: خلود
خالد: هلا
عبدالله: بتتزوج قبلي
خالد: اكيد
عبدالله: اه تتذكر لما كنا يهال كنا دائما انقول نفس اليوم
خالد: اي بس اسمحلي انا ما ابي
عبدالله بكف على خالد: انا بروحي ما ابي
خالد: اي علينا
عبدالله : ما احلى معنى الطفولة
خالد: احلى شئ طفوولة
عبدالله: ليش كبرناا
خالد: علشان نتزوج
عبدالله مات من الضحك: ههههههههههههتي متفرغ انت
خالد: فرحان بتزوج وباخذ وحدة من ذوقي
عبدالله: الله يهنيك
خالد: وياك ان شاء الله وتعال ما فكرت بخطة ثانية
عبدالله/ تعبت لكن دون جدوى
خالد: الله يسهل لك
عبدالله: ان شاء الله
خالد: لكن الحل
عبدالله: ما ادري والله
خالد: على حسب وجهة نظري انسى امنة
عبدالله: عبالك بكل سهولة اقدر
خالد: لو تزوجت بنت عمتك بتنسى كل شئ
عبدالله: اقول اسكت الله يخليك ترى بكرهك
خالد: هههههههههتي اكرهني بطقاق شاسوي بحبك عندي من يموت فيني
عبدالله: مالت عليك
خالد: اغصان الجنة
عبدالله: يالله نطلع
خالد: يالله


والا حمدان في بيت عمه وتلفون امنة يرن امنة كانت تحت فحطت تلفونها مهم رن وعقب تبند مرة ثانية بدأ
حمدان اوووف منكم يا بنات
الا شال التلفون
حمدان: الوووووووووو
ناجية: الووووووو
حمدان: نعم خير اشتبين
ناجية: اقول اخوي هاي مو تلفون امنة
حمدان: لا يا الشيخة امنة غيرت رقمها
ناجية: رقمها اها ممكن رقمها
حمدان: اي نعم 396...... ( رقمه )
ناجية: مشكور
حمدان: حاضرين

والا ناجية تتصل على رقم الثاني
حمدان مرة ثانية يشيله : الو
ناجية: رقم من
حمدان: كان رقم امنة لكن غيرته امنة
ناجية: شنوو
حمدان: امنة خذت رقمها القديم
ناجية: اها مشكور
واتصلت على رقم الثاني
نفس معاناة
لين ما تعبت
ناجية اووووووف ليكون امنة تلعب معاي
وامنة ولا تدري
وحمدان ماات من الضحك
ولما امنة يات : ضحكنا معاك يا حمدان
وحمدان خبر كل السالفة لامنة
امنة: تدري انك بايخ وسخيف
حمدان: طالع عليج هههههههتي
امنة: ويي بنت لا تفهمني غلط
حمدان: على كيفها تفهمج غلط لا اقص راسها
امنة: يا سلام على كيفك انت
حمدان: لكن صج عجبني السالفة هههههههتي
امنة: لا بعد عجبك السالفة
حمدان: صوتها بعد
امنة: هين براويك
حمدان: اه صج حلو صوتها اخذ رقمها
امنة: حمدان
حمدان: عبالج من صجي باخذ رقمها الحين
امنة: لو عطيتك بتاخذ رقم
حمدان: في بنات احلى واحسن منها بمليون مرة
امنة: يالله حمدان عاد لا تغلط على البنت
حمدان: اتغشمر معاج انتي بس صج صوتها حلو
امنة: ماعليه بخبر امك
حمدان: لا تكفين
امنة:لا بخبرها
حمدان: مرة ثانية بتعور راسي مع زواج
امنة: يا اخي صرت شايب تزوج
حمدان: يا اختي اول شئ انتي وعقب اناا
الا عبدالله يتصل على حمدان وسال حمدان سؤال عن الشركة
حمدان: اصبر دقيقة

هد تلفون وراح لامنة: ها امنة اشقلتي
امنة: لالا اول شئ انت
حمدان: ايش رايج انا وانتي نفس اليوم
امنة: حلوو والله
والاخ عبدالله مستانس قاعد يسمع امنة
حمدان: بس انا اكون المعرس
امنة: شنو
حمدان: اي بس خلاص وافقتي ويالله الحين انا طالع بعدين اشوفج
امنة: الله معاك

حمدان: الو عبدالله
عبدالله: شنو كنت اسولف مع امنة مساعة
حمدان: ولا شئ ب سوافقت تاخذني
عبدالله: شنو
حمدان: ليش فيها شئ باخذ بنت عمي
عبدالله: حمدان
حمدان: هلا عبدالله وانا ياءي الشركة
عبدالله: والحين انت من صجك
حمدان: لو انا من صجي انت شكوو
عبدالله: وشنو بعد شكوو
حمدان: بس خلاص باخذ بنت عمي امنة
وعبدالله اشوي ويذبح حمدان لكن حمدان يحليله يتغشمر: حمدان بعدين معاااااك
حمدان: عبدالله ليش انت اناني تبي بس انت تتزوج
عبدالله: اوووف
حمدان: اسولف معاك
عبدالله: بايخ
وصك تلفون
ومات حمدان من ضحك

قصة مهما كرهتك فأني اموت في هواك ...26