بوعبدالله وبو احمد كانو متشققين من الفرحة يحسون الدنيا مو شايلتهم من الفرحة
بوعبدالله: والله يا اخوي ماني مصدق أحس روحي بحلم امنة اصير زوجة ولدي
بواحمد: حتى أنا بس الحمدلله حلمنا اعيالنا حققوه
بوعبدالله: الحمدلله تدري يا اخوي دائما كنت خايف من هالشئ ما أدري ليش بس كنت احس اني ما استحمل امنة تبتعد عناا
امنة غلاتها غير عندي وايد غالية عندي ووايد
بواحمد: أقول ليكون بنتي اغلى عندك مني
بوعبدالله: أفا غالي انت وبو الغالي
بواحمد: الله يديم محبتنا ان شاء الله
بوعبدالله: امين وولو حدث الي يحدث يا أخوي لكن ابدا ما بفترق عنك
بواحمد: اصلا انا الي ما بخليك حتى حياتي ما أقدر اعيشه بدونك


والله على محبتهم عسى كل اخون جذي


هيأ: الله يخليج يا امنة وافقي
امنة: لو وافقت اتعرفين احمد اشبسوي فيني بيذبحني
ناججية: امنة تأخرت ابي اروح البيت واتعرفين حلفت اني ما برجع الا معاج انتي وعبدالله لكن اذا ماصار لازم اصوم 3 ايام
( اصلاا ما حلفت بس اشلخ علشان امنة تقتنع)
امنة: تستاهلين محد يقول لج على كل سالفة تحلفين وصومي 3 ايام اشبصير فيج
وقامت عنهم مرة ثانية عورو راسها من الحنة
وطلعت الحوش على أمل تلتقي بعبدالله ما تدري ليش بس هي بعد حست باشتياق لعبدالله ولكن فكرت اشيايب عبدالله اهني يعني مستحيل اشوفه خساارة قالت نفس الوقت اشوف احمد بقول له علشان يوصلنا لانه تقريبا ما يخلون امنة اتسوق في ليل واتصلت على تلفون احمد
وفي ميلس عبدالله مع احمد ومحمد وباقي الرياييل لكن احمد هالحزة كان مو في ميلس ونسى نقاله فعبدالله ومحمد كانو



الجزء31


رن تلفون أحمد
فمحد كان اهناك قريب وله حق يشيل تلفون غير عبدالله
فقام وخذ تلفونه وطلع برع كان يبي يغلقه نهائيا لكن شاف الاسم مكتوب اختي الغالية
وتمنى انها اتكون امنة لكن احمد بعد عنده اخت ثانية وقال اذا شلته يا ويلي من أحمد
لكن اشلون يقدر يقنع القلب فتجرأ وتذكر كلام حمدان الي يصير بعدين بصير لازم افكر في الحين
مو في بعدين
وامنة كانت متصلة وقالت بكل دلع : الووو احمد قبل السلام ممكن طلب اصغيرون
عبدالله طار من الفرح : يا ربي ما أقدر بموت وبموت حرام الي تسوينه فيني
امنة انصدمت: عبدالله
عبدالله: حياة عبدالله
امنة: وينه احمد
عبدالله: يا يبه حبيبج يكلمج وتسألين عن اخوج ليكون تبين اتخوفيني
امنة: ههههههتي يعني اتخاف من أخوي
عبدالله: حبيبتي انتي أنا بس اخاف من ربي
امنة :انزين كل من يخاف من ربه ممكن الحين اكلم احمد
عبدالله: لا مش ممكن شنو بتسوين
امنة: عبدالله شئ ضروري الله يخليك
عبدالله: يااه اشفيج انتي مع أخوج انزين اشتبين من اخوج
امنة: شئ ضروري عقب بخبرك
عبدالله: لو ما قلتي ما بعطي موبايل لاخوج
امنة فكرت شلة بنات من مساعة عليها اتعرف انهم يعرفون هالشئ مستحيل ومستحيل أسويه انا
لكن اذا سويته وخليت عبدلله يوصلها واحنا وياها اشبكون توبة اذا مرة ثانية ييبون سيرة
عبدالله عندي: اوككي يا عبدالله بدال اخوي بطلب منك انت طلب ممكن
عبدالله: عفية عليج
امنة خبرتها بان رفيجتها ياية وتبي أحد يوصلها واحمد مانعها اتسوق في الليل ومافي احد يوصلهم
عبدالله: لا والله تبيني أنا اوصل اقول امنة تحلمين أنا ما ارضى حتى اختي وبنات اعمامي
يركبون مع واحد غريب حتى لو كانو جماعة من النسوان ياية اتقولين لي أني انا اوصل
امنة: على راحتك بس لا تعصب علينا ولو انت ما وصلتنا بوصلنا السايق يعني نفس الشئ
ما بيفترق
ويالله مع السلامة
صكت التلفون
وقبل ما ادش داخل وصل لها مسج (تعالي انتظركم في السيارة انا )
وعبدالله راح وحط تلفون احمد واغلقه وقال لمحمد بانه طالع وبيرجع
امنة ابتسمت ابتسامة خبيثة الحين براويكمم
وراحت لهم
امنة: يالله ناجية تعالي بنوصلج
ناجية: تعالي تعالي من بوصلنا
امنة: انتي شكو مهم بنوصلج
ناجية: شوفي يا امنة لا ابي اخوج يوصلني ولا عبدالله اذا وحدة بتوصلنا عادي لكن واحد لا
امنة: يااه عبالج الحين بركبج مع واحد
ونورة وجنان وهيأ وياهم ناجية اول ما شافت عبدالله تراجعت
امنة: تعالي الحين لا تفشليني
هيا: شنو امنة عبدالله بوصلنا
وامنة: مثل ما قلتو
جنان: امنة كنا نتغشمر
امنة: يبين مرة ثانية حتى جذي لازم ما تتغشمرون
نورة عجبها السالفة تذكرت ايامها مع سعيد من الله يدورون لقاءات وكانت تبي اتشوف
ان عبدالله اشلون بيتصرف
نورة: شوفو يا بنات اذا احد شافنا كل ووحدة تتهم الثانية وبس خلاص بيكتمل السالفة
هيأ: لا والله
امنة: اقول احسن لكم يالله لا تفشلوني الحين
نورة: يالله يالله
نورة مع امنة راحو امنة قعدت جدام ونورة ورى مما خلا البنات يضطرون يروحون
وامنة اول ما يلست حست بخوف لو احمد او احد من البيت شافوها شنو بقولون
وبالاصح الصحيح كلهم خافو الوحيد كان مبسوط الاخ عبدالله
وامنة ما تحب تقعد بدون ما تحوس وما شافت جدامها الا الراديو
فتبي اشغلها اول ما شغلتها الصوت كان عالي فتخرعت مما خلت الجميع يضحكون
وعيداللع حاول يكتم ضحكته لكن ما قدر
فامنة انقهرت منهم كلهم
امنة: وليش مطول على الصوت
عبدالله حب يقهرها اكثر : شفت شلة من البنات ماشيين فرفعت صوت الراديو
امنة : اها
عبدالله: وعندهم جمال يخلي ايد بغير قصد يرفع صوت الراديو
امنة: الحمدلله ما سويت حادث
عبدالله: لا اسم الله علي تراني حذر
امنة: اي الا عندك خبرة في هالامور
عبدالله: اشدراج
امنة : بنات الي شفتهم ياءو اشتكو عندي
عبدالله: اشتكو عندج ولا عطوج ارقام نقالهم
امنة سكتت اتعرف شنو اترد عليه لكن بنات وياها عرفت انهم بيعلقون عقب على كل كلمة
وصلو منطقة بيت ناجية امنة: لف صوب اليمين
وعبدالله اتبع توصيات امنة لين ما وصلو
امنة: عبدالله دقيقة وبنرد
عبدالله: لا انتي ما قلتي لي انج بدشين داخل بيت رفيجتج
امنة: بس دقيقة ما بتأخر
عبدالله:انتي قعدي خلي الباقي يروحون
امنة: شنو شنو
اصلا نورة كانت تبي تاخذ مجلة من عند ناجية فناجية قالت في فساتين وايد حلوة فهي كانت تبي تاخذها
جنان حبت اتورط امنة اكثر: امنة انتي قعدي واحنا بنروح وبنيي
وامنة ما صدقت عرفت ان جنان عليها حركاات فراحو عنها
وامنة طلعت من السيارة وقفت برع فعبدالله بعد طلع
عبدالله: عسى ما شر ليش واقفة برع
امنة: ما اجتمع اثنان الا ثالثهما الشيطان
عبدالله وليي منج يا امنة : انزين دشي داخل وانا بتم برع
امنة ياهوو اقدر اادبك يا عبودي
فراحت امنة قعدت في السيارة
عبدالله واقف برع تملل تعب فقال ياه بدش داخل السيارة غصبا عنها
فدش داخل وهو قليلا ما معصب
امنة: سرعان ما غيرت قرارك
عبدالله ما رد
امنة: اقول عبدالله
بعد ما رد
امنة: فكرت اني بتم في الامارات حتى عرسي بكون في الامارات وعقب برد البحرين
عبدالله: لا اقول وايد مسختيها ان مرة ثانية قلتي شئ مثيله بقص ريولج قبل راسج
امنة: وليش ان شاء الله
عبدالله : كيفي وانا حر فيج (واشر على مخه لما قال كيفي )
امنة: لا والله اصلا اعترف لو ابتعدت بتشتاق لي
عبدالله: يا بعد عمري كل من يرى الناس بعين طبعه
وامنة وايد تنقهر لما عبدالله يقول حبيبتي حياتي او شئ مثيله: انزين اشفيها لو اشتقت لك
عبدالله: وليش بتشتاقين لي ان شاء الله وي امنة هاي معناته انج تموتين فيني
امنة ويحك يا عبدالله ولفت ويهها صوب دريشة اونه اطالع برع
عبدالله: ههههههههههتي امنة اصدقين ويهج صار أحمر
امنة ما ردت عليه
عبدالله: انزين لفي ويهج
عبدالله: صدقيني لو ما لفيتي الحين بلفه بنفسي
لفته امنة بسرعة عرفت عبدالله خطير: خير
عبدالله: اقول لفي ويهج صج ويهج مو ويه رومانسي
سكتت امنة وما قالت شئ
والا سرعان ما موبايل امنة يرن ومتصل احمد اوه امنة حست بارتجاف

وقررت ما بشيله
عبدلله: ردي على تلفون
امنة : احمد المتصل
عبدالله: راحت عليج يا امنة انزين شيليه وقولي انج مشغولة مع رفيجاتي وبعدين انا بكلمه
امنة؟: ما اجذب على اخوي
عبدالله: عشتوو
والا بنات دشوو
وسكوتت مرة ثانية وصلو وامنة شردت داخل البيت علشان احمد لا يشوفها لكن اكيد
الحين وصل خبر لاحمد
زدشت داخل شافت منيرة
امنة: منيرة انتي قلتي شئ لاحمد
منيرة: اي كل شئ
امنة: يعني يدري اني كنت طالعة مع عبدالله
منيرة: لاسف الشديد اي حاولت الف السالفة اهني واهناك لكن دون فائدة والله يستر
الحين اشبسوي شكله معصب
امنة: الله يعين
نورة: كله منا احنا الي قلنا
امنة: يالله امشو انشوف
وراحت من حجرتها اتشوف شافت عبدالله مع احمد واقفين
احمد: اقول عبدالله بأي حق طالع انت مع اختي
عبدالله : بنت عمي
احمد: شوف يا احمد ابدا ما توقعت هالشئ منك بيطلع انت اخوي قبل ما اتكون ولد عمي وعلى عيني
وراسي واتمنى مرة ثانية حتى سلام ما اسلم على امنة
عبدالله: احمد انت كاخوي عود دائما كنت ووولذا ما بزعل من كلامك بس احب اقول لك شئ
امنة كانت متصلة على تلفونك لذا اضطريت انا اشيله وقالت تبيك انت وانت ما كنت اهني
وفلذا لما دريت ان امنة تبي احد يوصل رفيجتها قلت ليش مو انا وفرضا لو انا ما وصلتههم
السايق بوصلهم يعني نفس الشئ فانا كنت معاهم كسايق واختك كاختي لينما اصير زوجتي
ولا تتوقع بيطلع مني شئ لط وذا تبي ببتعد عن ديرة لين ما ملجة
وراح عبدالله
احمد حس عبدالله زعل
فراح وراه : عبدالله يا اخي اشفيك
ليكون زعلت
عبدالله ابتسم: لا ابد ازعل منك
احمد: انزين انسى اني كلمتك في هالسالفة اوكي
عبدالله: جان زين نقدر ننسى
احمد: توك اتقول اخوك عود اناا
يالله عبادي
عبدالله: نسيته وانت اخوي العود
واحمد: وسالفة انك ما اسلم على امنة بعد انساه
عبدالله:لالا عاد اخاف لا تكفخني مرة ثانية ان صار شئ مثيله
احمد: ما عاش الي يكفخك
عبدالله ابتسم ابتسامة نصر ياهوو محد يقدر علي
وشلة البنات استغربو وعرفو تنهم مو زعلانين لما احمد حضن عبدالله
منيرة: يالله يا هيأ يبونكم الظاهر رايحين
هيأ: اي بنروح باجر صبح بنطلع
نورة: واحلى بنروح ويا سيارة
امنة: صج الله يا حظكم عيل انا بعد بحاول مع خوالي انيي لكم بالسيارة
عائشة دشت لهم علشان تاخذ شلتها وتمشي: اقول امنة ترى حتى اخوالج بيوون معانا
امنة: لالالالالالالا بيون وما خبرني


وعند حمدان
حمدان: بذبح عبدالله اليوم انا
سعيد: يالله انا تعبت ترى بمشي
حمدان: يعني اقعد بروحي
سعيد: تصرف اتصل على عبدالله
حمدان: اي والله الحين بتصل عليه بشوف حضرته وينه
ووعبدالله دش
عبدالله: السلام
حمدان+سعيد: عليكم السلام
عبدالله: ها شخبار رفيجي
حمدان: سلم عليك واييييييد
عبدالله: لا اشلخ علي ترى قال لي ما بيي
حمدان: لا وحضرتك ليش ما قلت لناا
عبدالله: بس كنت اباكم تحرسون على البيت
حمدان: ما حصلت احد ثاني غيرنا
عبدالله: اي لانه وصل لي من خلال مصادري الخاصة انكم ناويين بتسوون شئ
قلت ليش ما اخرب عليكم
حمدان: يعني بالعمد سويته
عبدالله: يس بيبي
حمدان: هين يا عبدالله ان ما راويتك في عرس ما اكون انا اخوك
عبدالله: والحين عبالك بعزمك في عرسي
حمدان: لا
عبدالله : اي ونص
سعيد: يالله بمشي انا



نواف: احمد ممكن اتنادون لنا امنة اشوية
احمد: اكيد
نواف: محمد وينه سعيد تعالو لا تروحون بعيد ترى الحين بنودع امنة
لانه بكرة صبح من وقت طالعين

وشلة هيأ راحو
وامنة نزلت علشان اسلم على اخوالها
نواف: امنة ترى بكرة الصبح بنسافر
امنة: ليش مستعيلين كنا مقررين بنروح ويا بعض الحين اشلون بتهدوني
محمد حب يدخل: مثل ما هديتينا
امنة: عاد ما هديتكم انااااا
نواف: انزين انتي عقب يومين لاحقتنا واذا تبين شئ او اشتقتي لنا اتصل
سعيد: اي امنة اعرفج بتشتاقين لي وايد لذا اتصلي لا تستحين
وامنة: انزين لو قلت الحين ابي ايي معاكم
محمد : صج والله
نواف: لكن لو ابوج ما رضى
امنة: بخبر احمد الي ما بيرفض ووهو الي بخبر ابوي


الجزء32
امنة راحت مع خوالها وخبرت أحمد علشان لا اطول السالفة
وهيأ ونورة وعائشة ووعد وايد فرحو حتى عائشة قالت لمنى الي صارت رفيجتها انها اتيي وياهم لكن منى رفضت وصلو البيت وشلة الباقية بعد كانو وياهم والي يابهم من الامارات الى بحرين بسيارته هو ابراهيم والحين في رجعة جماعة مع بعض بروحون
هيأ: امنة ما قلتي لنا شنو تكلمتي انتي وعبدالله في السيارة
امنة: اقول سكتي الله يخليج كله بسبتكم اليوم اشوية ويروح علي وبعد لج ويه اتيين وتسألين
هيأ: يا حبيبتي انا قلت لج ما نركب احسن لكن انتي ونورة
نورة: لالالا الحين اتحطين السالفة علي
هيأ: ما احط السالفة عليج لكن هاي الحقيقة
امنة: هاي الحقيقة لكن انا الي كنت بتورط
وعد: اشسالفتكم قاعدين اصاصرون
هيأ: سالفة خطيرة يا بنت عمي
عائشة: وشسالفة الخطيرة
نورة: سر
عائشة: امون سممعت انكم بتيون في الامارات صج
امنة: ان شاء الله اذا الله أحيانا
عائشة: منى بتيي معاكم
امنة: عووش اشوف نسيتيني ورحتي حق منى
عائشة: شاسوي احبها اكثر منج
امنة: حبتج القرادة
عائشة: وياج ان شاء الله
امنة: وايش رايج في أختي منى
عائشة: أحسن وأحلى منج
امنة: الا اخت من
عائشة: امون ما قلتي بتيي معاكم منى
امنة: ان شاء الله
عائشة: الله وأخيرا بحصل وحدة في سني وما بتملل هالعطلة
هيأ: لو أحد يشوفج يقول ما عندج ربع
عائشة: يا أختي الانسان ما يكتفي لا بصديق ولا بصديقين
هيأ: بنشوف نهايتج مع ملايين من اصدقاءج
نورة: احنا حدنا على وحدة و2
وعد: اي اصلا صعب اتكونين لج اصدقاء وايد زملاء اي تقدرين لكن اصدقاء وايد صعب
امنة: ومن أي ناحية صعب
وعد: مثلا مجرد مثال خطوبتج وعندج 5 رفيجات خلنا انقول خمس وبس بتعزمين منهم 3 وانشغلتي بعدين وقلتي مثلا لاختج تعزمهم او احد ثاني بياخذون بخاطرهم وبقولون انج ما تحبينهم ما ادري شنو وشنو يعني لازم دائما اتكونين حريصة حتى في تصرفاتج علشان ما اتيبين تحبين من أكثر وهالشئ وايد صعب
هيأ: اي ولذا دائما يا اختي عائشة لازم يكون عندج بحدود خمس وست صديقات
عائشة: لا ما أظن
وعد: سمعي يا عووش مثلا الحين بصير ملجت نورة ومنى أكيد بتيي ورفيجاتج الباقيين اكيد بتعزمينهم ولو منى ما قدرت تنسجم مع رفيجاتج وراحت قعدت ويانا مثلا وشافتج انج وايد مشغولة مع باقي رفيجات وما تعطينها ويه بتفكر انج مصلحجية لما ما تكون وياج ربعج اتروحين لها ولما اتشوفينهم تنسينهم
عائشةة: أقول احسن لي اقوم من عندكم كلامكم يفر راس وفي نهاية بشوفون ولا عندي رفيجة وحدة
الكل: هههههههههتي
امنة: لو كبرتي بتعرفين
وعد: يالله رقدو باجر الصبح من وقت بتقومون
وكلهم رقدو ماعدا امنة اول ما طلعت من الحجرة شافت وضحى طالعة مع خالها
وضحى: امون مو ناوية ترقدين
امنة: لالا مافيني نوم
وضحى: زين عيل شفتج امون اليهال في حجرة محمد ومممكن اتروحين لخالج واتشوفين اليهال واحنا بنروح السوق وبنرجع
امنة طالعت الساعة: الحين بتروحون السوق
نواف: اي وضحى تبي تشتري هدايا حق اهل الامارات تبين اتيين معانا
امنة: اي علشان وضحى تذبحني وتدعي علي
نواف: هههههههههتي اشدراج
وضحى بكف طبعا على خفيف على ظهر نواف: واشدعوة يا امنة اذا تبين تعالي
امنة: لا اخذو راحتكم وتطمنو ترى اليهال عندنا ما يحتاي تقلقون باتجاهم
نواف: يالله عيل بنروح
امنة: الله معاكم
وامنة راحت لحجرة محمد دقت الباب
محمد: تفضل
امنة دشت: هلا محمد
محمد: ياهلافيج
ومحمد كان قاعد يلم اغراضه ويحطه في جنطته
امنة: وينه سعيد
محمد: الاخ راقد في سابع نومه
امنة: اشعنده اليوم راقد من وقت
محمد: الحب وما فعل بكرة يبي يقوم من وقت علشان يتيح له فرصة يشوف حبيبة القلب ولو بنظرة
امنة: الله يعينهم
محمد: وانتي امنة مستانسة
امنة: وليش أحزن
محمد: من فراقنا
امنة: لا بالعكس مستانسة من الفراق علشان تشتاقون لي
محمد: افا احنا اربع عشرين ساعة نشتاق لج
امنة: اي يبين اشوف اربع عشرين ساعة ادقون علي
محمد: ويوم الاحد بتيون لنا ولا يوم الاثنين
امنة: علمي علمك
محمد: بتيون مع الطيارة
امنة: اي اكيد بس بنحاول بنغير قرارهم وبنيي بسيارة
محمد: ايش رايج اتيين معانا
امنة: من الله أبيها لكن توك تعزمني جان مساعة قلت لي ييت وياكم لكن الحين تأخرت
محمد: لو قلت لج بعد ما يتيين
امنة: لا والله
محمد: يالله امنة رقدي باجر لازم اتقومين من وقت
امنة: اشفيكم كل ما رحت عند أحد قال لي رقدو ورقدو
محمد: ليش من قال لج بعد
امنة قالت بتقول هيأ علشان يقيس نبض قلبه اصلا مساعة وعد قالت مو هيأ: الاخت هيأ
محمد مسوي روحه ما يعرف: هيأ اخت ابراهيم
امنة : لا أختي
محمد: ههههههههتي ضحكتيني
امنة: عبالي صيحتك
محمد:هع هع هع
امنة: أقول محمد
محمد: هلا
امنة: مو ناوي اتعرس
محمد: دوري لي وحدة وانا جاهز
امنة: صج
محمد: من الصج يبين انج حاطة وحدة تحت عينج
امنة ما ردت خافت اتقول اي او لا
محمد: أمي الله يرحمها مرة من مرات قالت لي ان هي ناوية اني اخذ وحدة من العائلة
امنة خافت ليكون تطلع وحدة ثانية ومسكينة هيأ: من هالوحدة
محمد: هيأ بنت عمي
امنة ما صدقت يااااه اشقاعد يصير هل فعلا دائما الي يحب يحصل على الي يحبه : احلف يا محمد
محمد: اشفيج عبالج اجذب عليج
امنة: لابس ماني مصدقة
محمد:اها يالله رقدي الحين ترى وقت متأخر
امنة: انزين ليش لين حين ما تقدمت لهيأ
محمد: ما أدري ليش بس متردد
امنة: وليش
محمد: أخاف ترفضني
امنة: يخسي ما عاش الي يرفضك جرب وشوف
محمد: وانتي شولا متاكدة جذي
امنة: لاني اعرف انك واحد من الملايين ومستحيل أحد يرفضك انزين محمد انت اتحب هيأ ولالا
محمد: بصراحة ما أدري مرة من مرات واحد من ربيع ابراهيم قال لابراهيم انه هو ناوي ياخذ وحدة من اخواته عاد ما أدري أي اخت وانا كنت وياهم وابراهيم وايد فرح لانه شاب ونعم فيه لما سالني انا قلت له وين رحنا أحنا حسيت بازعاج وما قدرت اتحمل ان هيأ اتكون لواحد ثاني حتى تحسفت على الي قلته لابراهيم
امنة: وابراهيم عقب شنو رد على الاصبي
محمد: ما سألته لكن اكيد رفضه لانه عقب ما سمعت أي شئ عن هالسالفة وابراهيم مرة من مرات فتح معاي هالموضوع وقال انه يبي يعرف هل فعلا اني ناوي اخذ هيأ ولالا
امنة: وانت شنو رديت عليه
محمد: قلت له عطني مهلة فترة معينة و أرد عليك ومن ذاك اليوم الى يومنا هذا ما رديت عليه
امنة: وليش ما رديت عليه
محمد ما قال شئ ؟؟؟؟؟
امنة: لاني انا دخلت حياتك وخلتيك تنسى هالموضوع صح
محمد: لا مو جذي صج انج يتي حياتي عقب هالسالفة مباشرة لكن هالغلطة مني لاني نسيت هالموضوع ونسيان دليل على عدم حبي لها
امنة: لكن من كلامك يبين انك تحب هيأ
محمد: كنت أحب هيأ لما كنت ياهل وايد كنت متعلق بهيأ الى أن كبرت وبعد كنت أحس أني احبها لكن كل ما كبرت حبها قل ما زاد
امنة: لانك أنت الي سمحت حق هالحب يقل
محمد: ما ادري
امنة: شوف يا محمد عندي لك حل وبما أني كنت عندكم كننت ألاحظ انك ما كنت تلتقي مع هيأ وايد ولو كنت تلتقي بس سلام وبس لذا الحين غير من روحك لو شفت هيأ اقعد وتلكم مع هيأ وفكر فيها وتكلم وياها وعقب اسال نفسك هل انت تحب ولالا
محمد: اذا ما نسيت
امنة: ولييييي شالذاكرة الضعيفة عندك
محمد: شأسوي طالعة عليج
امنة: يا حظك والله
ما شاء الله على مريم وحمد راقدين ولا داريين بدنيا
محمد: يالله أنتي بعد رقدي عقب ساعتين بنقووم
امنة: وانت وين بترقد
محمد: بعدل الاغراض وعقب بصير خير
امنة: اي اصدق احس روحي ماني قادرة أقعد اكثر يالله تصبح على خير
محمد: وانتي من اهله
ورقدت امنة محمد فكر بكلام امنة ليش هو دائما يحاول يهرب من هالسالفة حتى ما يفكر علشان بس يهرب منه
نواف : يالله بسج يا وضحى حرام عليج تعبان أنا
وضحى: بس اشوية وبنرجع
نواف: أفا اقول لج تعبان اتقولين بس اشوية ونرجع
وضحى: مادام أنك تعبان يالله عيل نرجع اهم شئ راحتك
نواف: لا عيل انتي اشتري بتحمل التعب علشانج
وضحى: لا بس خلاص
نواف: قلت لج بتحمل التعب علشانج
وضحى: لا يا عمري اهم شئ راحتك عندي
نواف: حياتي أنتي اشتري الي تبينه
وضحى: علشان خاطرك أوكي وبس بنروح ذاك محل وبنرجع البيت
نواف: يالله عيل بنرجع البيت
وضحى انقهرت: عيل ليش اتقول لي اشتري الي أبيه
نواف: كيفي يا حياتي انتي زوجتي
وضحى: أعرف اني زوجتك
نواف: يالله عيل نمشي
وضحى: اتعرف حياتي أنتي ساعات تقهرني
نواف : اتعرفين حياتي انتي دائما تقهريني
وضحى: افا الحين انا دائما اقهرك
نواف: افا الحين انا ساعات اقهرج
وضحى: اوووووووف منك
نواف: اووووووووووووف ولا اوووووووون
وضحى: الكلام معاك خسارة
نواف: لا صدقيني كلام معاي والله بلاش مجانا ما تخسرين شئ
وضحى: نواااااف
نواف: حياة نواف اه يا وضحى أحبج وأحبج
مزاج وضحى تغير ابتسمت ابتسامة: حتى أنا أحبك
نواف: اعرف انج اتحبيني ماهو شئ يديد
وضحى: نواف يعني ما بتيوز عن سوالفك
نواف: واذا قلت لالا
وضحى: تدري أني اكرهك
نواف: شعور متبادل
وضحى اشوية بصيح ريلها غربلها وايد صج انه نواف ساعات يبط الجبد لكن : تكرهني هين
نواف: انتي بعد تكرهيني توج قايلة
وضحى: يا بعدي مهما كرهتك فأني اموت في هواك
نواف: شو شو يا حبيبتي قولي لي اشلون الانسان يكره ويحب أقول جملة مالها معنى
وضحى: لا لها معنى ونص أبسط مثال أنا أكرهك لكن بعد اموت فيك ما أقدر أعيش بدونك
نواف: يعني تكرهيني
وضحى: وكرهي هو سبب حبي لك
نواف: راسي بدور تكرهيني وتحبيني اقول لا صارت هاي ولا بصير
وهما يتكلمون لينما وصلو البيت
وضحى: بروح بشوف اليهال قامو ولا لين حين
نواف: طيب انا بروح حجرتي وبرقد اشوية
وراحت حجرة محمد دقت الباب قالت يمكن محمد داخل لكن محمد كان رايح ويا سعيد وابراهيم راقد عندهم بطلت الباب شافت امنة واليهال راقدين
وطلعت
وفي الصباح الباكر محمد قام وتكشخ وقوم الباقي
وسعيد قايم من وقت رايح قاعد على طاولة الطعام لانه لازم نورة بتقوم بتيي وبتتريق فيقدر يشوفها
تريق ينتظر تعب لكن لين حين ما يات
محمد : ههههههتي أقول حبيبة القلب لين حين ما يات
سعيد كان متنرفز ما رد
محمد: عنبو أكلمك أنا
محمد: ياااه عاد حبيبة القلب ما يات واحنا شو ذنبنا
فقعد يتريق الا نورة ووعد وهيأ وعائشة يايين
محمد كان يالس جنب سعيد : وصلت
سعيد: شاسوي فيها واصلة مع شلتها
محمد: ما كانت تدري أنك اهني جان يات بروحها
سعيد: عليكم السلام
( هما دشو ما سلمو )
وعد: يا اخي الظاهر اذونك فيها شئ محد سلم منا
سعيد: لا كأني سمعت سلام
محمد: احتمال قلبك قال شئ
سعيد: قلبي وايد يقول اشياء ( وطالع نورة ونورة استحت )
وعد: أقول محمد قاعد تاكل بروحك ما بتعزمنا
محمد: أفاااااا تعالي تعالي هالساعة المباركة انج بتتريقين معاي
سعيد:نورة قعدي الحين بيبون لج ريوق ان شاء الله
هيأ: لا الظاهر تبون تطردونا طردة محترمة
سعيد: جان بايدي طردتكم كلكم الا نورة
نورة اووف ويها كان صاير احمر على أخضر
هيأ: أقول علة على جبدك أحنا وبزيدك بيت شعر ما بنتريق اهني بنروح حجرنا ممكن اتقول للبشكارة اتييب ريوقنا لين حجرة
سعيد: ما تقدرين جربي وشوفي
هيأ: براويك نورة امشي الحجرة
نورة متحيرة كانت تبي تروح لان سعيد وايد قاعد يحرج وكانت تبي تقعد على اقل تسمع صوت حبيب القلب
سعيد: نورة قعدي وتريقي اهني
نورة كانت واقفة تحيرت الحين هذولا شأسوي معاكم
سعيد: أقول الاخت هيأ حصلتي جواب نورة ما تحركت من مكانها يعني ما بتيي يالله روحي حجرتج
هيأ: نورة بتيين ولا اشلون
نورة ما قالت شئ
سعيد: ما بتيي
هيأ: نورة صدقيني لو ما ييتي لا أنا اعرفج ولا انتي اتعرفيني
نورة خافت على صداقتها لذا خطوة اصغيرونة
لكن سرعان ما قال سعيد: نورة لو رحتي وما تريقتي اهني حسابج معاي
هيأ: اختاري سعيد أو هيأ يا نورة
نورة يااااه هيأ بعد غالية وسعيد أغلى الا حبيب القلب وفكرت هيأ أقدر اراضيها لكن سعيد ما أقدر عليه
فقعدت على الكرسي
هيأ ما قدرت تتمالك اعصابها ودها تفقس نورة
حاولت قد ما تقدر ما تقول شئ لنورة لكن ما قدرت
هيأ: تدرين يا نورة انج حماارة
ووعد وعائشة ماتووووو ضحك
سعيد: حدج على نورة
هيا: الحين بفلعك انت مع نورة
وراحت هيأ مطبخ خذت لها ريووق
ونورة من يعلم من حالها
عائشة: نورة سويتي شئ خطير تدرين اختي عمرها ما قالت حمارة حق أحد حتى أنا ما تقول لي حمارة وقالت لج انتي
نورة مسكينة ما قالت شئ
وعد: اي الحمدلله ما قالت شئ ثاني وما فضحتنا
محمد قاعد ياكل ويشوف تصرفات هيأ ومبطل عيونه لانه أول مرة كل هاي يصير
وعد: محمد صبرت وين ريوقي
محمد: الحين ان شاء الله بيبونه
وعد: ها محمد ما قلت لي اشيبت لي من ألمانيا
محمد: كل شئ
وعد: وشنو كل شئ
محمد: قولي شنو تبين وبتشوفينه جدامج
وعد: لا انا ابي الي يبته لي من المانيا على ذوقك
محمد: شاسوي قلت بيييب لج المانيا بكبره ورحت سألت ولكن قالو لي ما يصير
وعد: طريقة حلوة علشان تتهرب
محمد: غالية انتي
وعد: احم احم
والا هيا كانت معاها ريوقها بتروح الحجرة وخدامة وراها يايبة حق الباقي ريووق
سعيد: احم احم أشم ريحة حريجة
هيأ: اتعاني من خشمك الظاهر
سعيد: هيأ يحليلج بتترريقين بروحج
هيأ: لا ومن قال مثل ما قلت لك علة على جبدك ( وقعدت وياهم على طاولة الطعام)
ونورة اول ما كلت بدأت تكح نورة: كح كح كح كح
وهيا اشرت لوعد عائشة علشان ينضمون لهاا يعرفون ان هم جدام سعيد لا شئ اصلا يبون يقهرون سعيد وبس
وعد: اشوي اشوي الاكل ما بكمل يا نورة
نورة استغربت من وعد الحين هاي اشسالفتها
سعيد: اقول وعودة نورة قاعدة تاكل بكل رقة مو بكل دفاشة مثل بعض الناس ( وطالع هيأ)
هيا: دفشة زوجتك يعل ربي يدفشها
سعيد: ههههتي أقول نورة شربي ماءي شربي ماءي
عائشة: توي الناس
هيا: نورة ريوقج حاار لاني حطيت في فلفل وااااااااااااايد
سعيد: لا بعد تعترفين صدقيني ان ما خليتج تاكلين ريوق نورة ما أكون انا سعيد
هيا: شايف نفسك أنت هلتر ولا مايكل جاكسون
سعيد: مايكل جاكسون ريلج
هيأ: ويوووووو وأنت من شو تحتر
سعيد: صايرة لنا ياهل انتي يا هيأ اليوم
هيا: تحتر لاني اصغر من نورة
سعيد: وييييييييي أحتر على شو أحتر وانا عندي نورة
نورة يحليلها ساكتة ما تعرف شنو تقول وشنو لا
هيأ: اقول سعيد وايد تتكلم انت خلني أتريق
وفي هاللحظة ابراهيم ياء لهم
ابراهيم بدأ يتريق معاهم
سعيد: اشبلاكم صرتو سكووت من مساعة حشرة كأنكم قاعدين في سزق السمج ا والحين سكتوو
وأما عائشة وهيأ ساكتين حتى ماكو صوت لنفسهم
وعد: لا بس انت سكت يا سعيد
ابراهيم: أقول محمد في ويهي شئ
محمد: لا جميل كالعادة
ابراهيم: اعرف اني حلو قلت احتمال أني اخوف البنات اول ما يشوفوني يسكتون كأنهم شايفين اسد
محمد: يضيعون وهما يتأملون جمالك
سعيد: ويييي من جمال ابراهيم يضيعون الله يستر من جمالي
محمد: بيغمى عليهم
الكل: هههههههههههههتي
سعيد: اي يبين
ابراهيم: لا عاد يا محمد ( وغمز لمحمد) نسيت ذاك المرة لما كنا في مول
محمد: يا أخي عاد احنا كنا جدام سعيد علشان جذي ما شافونا وعطو ويه لسعيد
سعيد يأشر لهم يسكتون
محمد: سعيد خذيت رقمها ولالا
سعيد: حشى عبالكم انتو يا أخي ما أغازل بنات
ابراهيم: من قال اتغازل انت احنا الي انغازل وانييب لك الارقاام
سعيد: هههههههتي يتغشمر ابراهيم
ووعد وعائشة ووهيأ ميتين من ضحك على شكل سعيد راح عليه وعجبهم الجلسة ونورة لو ما قامت لازم بسوي شئ في سعيد
محمد: سعيد احنا ما نتغشمر نسيت ذاك مرة لما بنت قطت رقمها وانت قلت لابراهيم علشان ياخذ رقم وعقب انت اتكلمه اونك انت ابراهيم الحلو الجميل
سعيد: بعدين معاك يا محمد
ابراهيم : يابو فضايح
ونورة قامت وراحت
سعيد: زين الحين
ابراهيم: تستاهل علشان مرة ثانية ما تاخذ ارقام البنات
سعيد: لا حول يا يبه انا اخذ ارقامهم علشان اادبهم والحين ما اسويها لما كنت مراهق
محمد: انزين واحنا قلنا الحين
نواف دش عليهم: يالله جاهزين بنطلع
وكلهم قامو وراحو ييبون جنطهم وتجمعو
وضحى: عيزت ويا امنة ولا تقووم
نواف: هههههههههتي ولا بتقوم انا بروح بودعها وهي راقدة
ومحمد وسعيد راحو وراها
نواف راح وامنة ما قامت لانها صاير لها ساعتين وهي راقدة مستحيل اتقوم ( ترى لا تقولون هالشئ مستحيل أنا جذي مستحيل اقوم الا اذا كتيتو على ماءي )
ونواف باس راس امنة ولا هي تدري ومحمد وسعيد بعد
وكانو ماخذ سياريتين وبما انه نورة راحت قعدت في سيارة ابراهيم سعيد راح وياه في سيارته اذا تعب في سياقة السيارة هو بسوق ومحمد مع نواف وضحى وعد راحت وياهم ومريم حمد
مريم: عمتي امنة ما بتيي
محمد: لا يا حبيبتي عقب بتيي عمتج امنة
حمد: أبي اروح لعمتي امنة
وضحى: ياه ما تبي تروح البيت حبيبي اهناك في حلاوة والعاب
نواف تدخل: امبلا ابي اروح بيت حبيبتي لكن شاسوي بالحلاوة والعاب
وضحى : ما كلمتك كلمت حمد
نواف: انا اشدراني قلتي حبيبي واتعرفين حبيبج انا
وضحى/: لا ولدي بعد حبيبي
نواف: بس تحبيني اكثر من ولدج
وضحى: لا أول شئ ولدي وبعدين ريلي
نواف: اوكي معليه بتزوج عليج وحدة ثانية بحيث اتقول أول شئ ريلي وبعدين ولدي
وعد: هالمحنة اتركها علي انا الي بدور لك وحدة ياا نواف
نواف: ما تقصرين يا بنت عمي
وضحى: أول شئ تزوجي انتي وعقب زوجي ريلي
( مهما كان الانسان طيب لكن ساعات يطلع من لسانه حجي يتحسف مليون مرة ليش قال جذي وهالشئ كثير يصير لنا لذا يقوولون قبل ما تقولون اي شئ فكرو مليون مرة )
ووعد الانسانة ناجحة في حياتها متخرجة وعندها أعلى شهادات يمكن أكثر من عشرين تقدمو لها لكن رفضتهم وسبب دراستها والحين حست بالحسافة ليش رفضتهم وكل ما زاد العمر قل الخطاطيب والحين تقدم لها واخد واثنين لكن واحد متزوج وثاني اخلاقه مو وايد اوكي وفكرت صج شهادتها الحين ما بتفيدها للمراة ضروري زوج صالح مو شهادة
تقدر تاخذ شهادة وهي متزوجة أو مخطوبة وايد بنات سووها لكن غلطة لو رفضتي واحد ما يستاهل الرفض
تذكرت رفيجتها ريلها قبل تقدم لهاا والحين رفيجتها عايشة في نعيم
ريلها وايد يحبها وهي بعد تخرجت وياهاا لذا يا بنات نصيحة من وعد لو ياء لكم واحد زين لا ترفضونه لانه احتمال هالزين ما تلقونه لو لقيتو شهادة عالية دورو على شيئين زوج صالح وشهادة مو شهادة وبس )
نواف ومحمد ما توقعو هالشئ بيطلع من وضحى ومهما كان وعد بنت عمهم ومثل ما قلت قبل يعزون وعد اكثر شئ اكثر من باقي بنات اعمامهم
نواف بالغشمرة علشان يغير السالفة: ما عليه انا باخذ وعد
محمد: لالالا شووو انت بتاخذ وعد وعد لي انا وبس
وضحى سبت روحها في ساعة الي قالت هالكلام ومن فشيلة لا تقدر تتأسف ولا تتكلم
وعد اتحب وضحى وايد اتعرفها حبوبة ولكن زلة اللسان : ياا نواف شأسوي فيك عندك اعيال وبنسبة لك يا محمد انت بمثابة اخوي خلك اخوي احسن
محمد: لالالالا ما يصير بنتحر
وعد: قط روحك من الدريشة
محمد: لا عاد أحب حياتي أنا
نواف: ما عليه انا بقط روحي من الدريشة لكن بشرط انج توعديني بعد ما اقط روحي واذا الله احياني بتتزوجيني
وعد: لا اسم الله علي ما ابي لي واحد لا عنده ريل ولا ايد
وسوالف طول السيارة
وسعيد يسولف مع ابراهيم ويطالع نورة بالخشية يبي يكلمها لكن ما يقدر


وامنة توها قامت شافت ساعة بسرعة قامت لكن اكتشفت انهم راحو
امنة: اووووووف ما يقدرون ينتظروني
ونزلت تحت شافت ام ايمان قاعدة باست راسها
: صباح خير يمه
ام ايمان: هلا بنتي قعدي والحين بيبون لج ريوق
امنة: متى راحو خوالي
ام ايمان: تعبت وضحى من كثر ما توعيج لكن نومج ثقيل وعقب خوالج ياءو لج لين حجرة وبعد الظاهر ما قمتي وراحو عنه
امنة: اي لاني امس رقدت متأخر
وام ايمان: ويالله تريقي الحين
وبو ايمان انضم اليهم
امنة: ما تتمللون من قعدة البيت
ام ايمان ضحكت : لا يا بنتي الحمدلله كل ما يروح لنا زاير ايي لنا زاير يديد
امنة: أها
وامنة اتصلت في احمد
امنة: احمد تعال لي
احمد: ليش ردي بروحج
امنة: ما عندي سيارة
احمد: اهاا عيل بقول لمنيرة علشان اتيي لج
امنة: وييييي بتقول لمنيرة وين راح الكلام قبل انك ما بتخلي مرتك حتى اسوق السيارة
احمد: بتيي وبتاخذج وبس وبترد البيت
امنة: ان ما خليتها اتحوطني حول ديرة ما اكون انا اختك
احمد: بشووف مرتي تسمع كلامي
امنة :يالله عيل بنتظر الاخت منيرة
احمد: يالله في امان الله

ومنيرة كانت في بيت امها وعبدالله كان عندهم فاحم اتصل لها
منيرة: يالله عيل بروح وبرجع

قصة مهما كرهتك فأني اموت في هواك ... 15