احمد: بلا اسئلة زايدة اوردي متأخرين احنا لا تأخرون زيادة
حمدان: بدش داخل بشوف امنة
احمد: وليي دشيت راضيت امنة يالله عبدالله بسرعة ركبوو
وعبدالله وحمدان ركبوو
حمدان: طلعة بايخة بدون امنة
عبدالله: لكن صج اول مرة اشوف منيرة جذي معصبة من وجهة نظرك من الي غلطانة منيرة ولا امنة
حمدان: ما ادري بس حركاات يهاال
وامنة قالت بتاخذ سيارة ابوها في البداية احمد ما وافق لكن امنة خلته يقتنع وقالت انها بتكون بضبط ورى سيارة او جدام سيارة احمد فلذا ما يحتاي يخاف وووو بعد ما وافق لكن امنة خلت احمد يوافق
وهما في السيارة وحمدان قاعد يتحرطم وطلعتهم اختربت اصلا هو يبي امنة وياهم لانه محد يقدر يتحمله غير امنة ومحد يشجعه على حركاته غير امنة
وفي سيارة أحمد سكووت غير طبيعي لكن احمد في نفسه قعد يفكر صج يا امنة انج اختي واصيلة يا رب اشكرك على كل شئ وخصوصا اخواتي وشاف منى من خلال المنظرة انها قاعدة تتأمل برع وزوجته ساكتة
احمد : سمعتو نشيدة طموحي
منيرة ومنى: لا
احمد: بصراحة هالنشيدة رائعة
منى: من المنشد
احمد: حمد الجابري
منيرة: مرة سمعت عن هالنشيدة
منى: اي الي نشدوه في الانشاد الكويتي وانا سمعت بس نشيدة حسو ولو مرة عشاني على ما اعتقد للمنشد مشاري ... امممم نسيت شنو اسم عائلته
احمد: ههههتي انزين سمعو الحين نشيدة طموحي
http://is.uae88.net/sounds.php?mqtaa=33
منى: احمد امنة قالت ما بتيي
احمد : بالله عليج اختج تفوت هالاماكن
منيرة: يعني بتيي
احمد: اي وتتشرط انها ما تبي تروح مجمعات لا وخاطرها في كورنيش ونادي البحري
منى: ههههههههههتي امنة عاد وراها حركات

وعند
حمدان: على وين رايحين احنا
عبدالله: اصدق نسيت اسال احمد
حمدان: لا هاي الي كان ناقص



واحمد شاف اخته لين حين ما تبان وين راحت هذي
فقال اتصل واشوفها وين
امنة: احمد وينك وين وصلتو الحين
احمد: امنة انتي لازم تكونين ورانا مباشرة تسالين وينا
منيرة ومنى استغربو قالو بنسمع وبنشوف شنو سالفة
امنة: تاخرت اشوية
احمد:: انزين بنوقف لج عند هالمكاان وانتي تعالي بشوفين سيارتين واقفتين وبتعرفين هاي أحناا
امنة: اوكي ان شاء الله
واحمد وقف سيارته وقال حق عبدالله علشان يوقفون وعبدالله وحمدان ما يعرفون السبب حتى عبدالله تحسف ليش ياء وياهم جان مو وياهم يقدرون ياخذون راحتهم اكثر لكن قلبي الي خدعني
وعبدالله قام بروح لاحمد بشوف ليش وقف
وعبدالله طلع وحمدان استولى على القياة
حمدان: اوووف مللني عبدالله مع قيادته عاد اذا أحد يشوفه يقول شريف مكة بنات يعطونه ويه بعد يحقر
وعبدالله : احمد خير ليش واقف
احمد: اقول عبدالله جان اتصلت فيني وخبرتك يالله بسرعة روح لسيارتك الحين بنطلع
وعبدالله راح بسرعة لسيارته وما قال شئ عاد مزاجه كان لا شئ وحمدان قال ما يصير عبدالله ما يقول شئ
والا امنة تعطي رنة حق احمد علشان اتبين انها شافتهم
احمد: امنة طالعة على من بخيلة وبخيلة مسكول ومسكول
وحرك سيارته احمد علشان امنة تكون ورى سيارته أو ورى سيارة عبدالله وامنة ما خذت سيارة ابوها قصت على اخوها كانت ماخذة اسبورت كاار والا هي سيارة حمدان هههههتي يعني في حركات ولو احد شافه يعرف ان هالسيارة مال واحد وامنة كانت ورى سيارة عبدالله بضبط وحمدان وهو يسوق السيارة الا عن طريق المنظرة الي جدامه شاف السيارة
حمدان: قلادين شوف عبدالله وراك سيارة بضبط مثل سيارتي ومقلدين سيارتي اشكره يبي
وعبدالله التفت الى ورى بالفعل شاف السيارة ولكن ما عرفو من في السيارة
عبدالله: وحمدان بعد وحدة قاعدة اتسوق السيارة
حمدان: ههههتي والله ما يناسب البناات لكن شنقول عن هالبناات عبدالله ايش رايك ازعجها
عبدالله: حمدان يوز عن حركاتك صدقني بقطك من الدريشة
وامنة غيرت مسارها وبسرعة فائقة جاوزت سيارة أحمد
احمد عصب : شووف امنة خذت سيارة حمدان وقاعدة تمشيها بسرعة منى اتصلي عليها قولي اخوج يقول لج قللي من سرعتج
وامنة قللت من سرعتها لانها في وقت المناسب عرفت بانها ما تعرف الطريج
ومنى اتصلت ولكن ما شالت تلفون لانها خافت لو تكون مشغولة مع تلفون ويصير حادث وسبة تلفون واحمد راح جدام سيارة امنة وحمدان بحيث صار ورى سيارة امنة
عبدالله: فشلتنا يا حمدان شوف الابنية صارت جدامك
حمدان: عبدالله صدقني بدعمها
عبدالله: حمدان اسكن
حمدان: سيارتي هاي
عبدالله: اي وششوف امنة الي قاعدة تمشيها
حمدان: اذا امنة عادي
عبدلله: لكن ما يناسب هالسيارة للبنات
حمدان: لكن يناسب امنة
عبدالله: عشتوو
عبدالله: بتصل على احمد وبشوف وين رايحين
احمدان: قال وين
عبدالله: على كورنيش الحين


منى: اففففف من امنة شنو احنا يهاال يايين اهني الله يهدي اختي
وشلة احمد طلعو من السيارة
وعبدالله واحمد بعد طلعو من السيارة
والا سيارة امنة اتيي وامنة توقف سيارتها
حمدان: ياااااه يا فرحتي امنة ويانا
وامنة راحت لعند شلتها ولانه كلهم وقفو مع بعض
منيرة اتصاصر منى: ممنوي مساعة كنت معصبة قلت بدون ما أحس الي قلته لا تخبرين امنة اوكي
منى: لا بخبر امنة خلها تزعل منج يزعم انتي رفيجتها الحبيبة وفي نهاية اتقولين وتتمنين عدم رجوع امنة
منيرة: بعطيج الي تبنيه بس سدي بوزج
منى فرحت الاخت: حلفي
منيرة: والله
منى: بفكر وبرد عليج
امنة يات عندهم بضبط
احمد: هاا امنة الحين قولي اشعنددج في الكورنيش
امنة: بالله عليك الكورنيش الانسان يقدر ياخذ راحته انتو امشو جدامنا واحنا وراكم بدون ما تخافون علينا لو قلنا انروح مكان ما تمنعونا اتعرفون كورنيش مافي زحمة وشباب هالسوالف
حمدان: شاطرة بنت عمي
امنة: احم احم
امنة: عيل احمد شلة بنات بيمشون مع بعضهم وانتو شباب اخذو راحتكم
احمد: نعم نعم عيدي الي قلتي
امنة راحت الى اخوها تهمس في اذون اخوها: احمد أصلا خاطري العب لعبة السيايير لو انت مع اعيال اعمامك ييتو معانا ما اقدر العب لذا بس بروح عند الالعااب
واحمد ضحك
احمد: هههههههههههههتي
امنة: احمد فشلتني
احمد: اوكي روحو
وامنة مع منيرة ومنى راحوو
حمدان: وين راحوو
عاد الاخ يبي يروح وياهم
احمد: امنة قالت تتمشى بروحها وما ادري عنها
حمدان: عيل شاسوي عندكم يالله بروح وياهم
احمد : تعال
لكن حمدان حقر احمد
حمدان: بوووه
منيرة: بسم الله خرعتنا
حمدان: هااا وين شاردين
امنة: احد يقدر يشرد منكم
منى: حمدان ايش رايك تلعب معانا
حمدان: ياهل انا مثلكم
امنة: اكبر مني سننة بس لا غير
حمدان: انزين قصدت منى ومنيرة
منيرة: لا
منى : والله
امنة: حمدان بنلعب لعبة سيايير
حمددان: ليكون ناويين االعب معاكم نو سوري
امنة: يااه عاد انت وكيفك
حمدان: حطو في بالكم لو كان في اصبي واحد ما تلعبون
امنة: يا اخي هالمكان مخصص لعائلات اذا في كلهم متزوجين

وراحوو وعلى حساب حمدان لعبو الهندي الي كان اهناك في البداية تخرع اشكبرهم ويلعبوون وخصوصا حمدان لانه اكثر النسوان الي يلعبون كله اجانب وقليل ما بحرينيين
ولعبو وحمدان خاطره يستولي على مكان بكبره في البداية جم من ياهل كان معاهم وحمدان طايح وراهم طيحة زعجهم عدل ولكن بعدين ثلاثتهم التفتو حقحمدان وحمدان حاول يطلع لكن ما قدر
احمد: عبدالله ايش رايك ننلعب معاهم
عبدالله: ليكون رايحين يلعبون ولكن يلعبون شنو على اقل راحو حديقة المائية مو كورنيش
احمد: يالله
واحمد راح ولما كملو لعبة احمد شرالهم تذاكر على حسابه ومرة ثانية بداو يلعبون وهالمرة استولو على مكان لانه يهال خافو يلعبون معاهم هههههتي وعبدالله يزعم ما يعجبه هالحركات
وقعد يطالعهم يضحكون عاد عبالهم قاعدين في سوق السمج سوالف واصرااخ
وخصوصا الحين مع حمدان انضم احمد
واستانسو وايد
وتعبو وطلعو
امنة: احمد بروح ويا منى اشوية بتمشى وانت اخذ زوجتك معااك اوكي
احمد: ما يحتاي اتقولين ترى الحين بهدج انتي مع اختج
منة: وايد عليك
احمد: يالله منيرة نمشي وامنة بنرجع بسرعة
امنة: تيك يور تايم brother
احمد: حمدان وعبدالله انتو بعد دورو اهني واهناك لين ما تتمللون وادعو على امنة لان هي الي يابتنا اهني واخواتي أقول امنة انتي مع منى قعدو على هالصخرة ولا تتحركون واذا تبون شئ يعني تاكلون اكا وراكم روحو
امنة؟: لا والله
احمد: اي تحملو محد قال لج اتيين معانا
امنة: حكم الضعيف على القوي
واحمد مع منيرة راحوو لكن قبل ما يروحون تأكدو بأن حمدان وعبدالله بعد راحو يتمشوون
منى: امنة بروح بشتري لي
امنة: اشتري لي وياج
منى: شنو
امنة: اي شئ انتي تشترينه
منى: على حسابي ولا على حسابج
امنمة: اكيد على حسابج على بالج بقول لالا انا الي بدفع يالله روحي ودفعي عني وعنج
منى : طلب رخيص وطالب غالي
امنة: غلط اصلا ما يقولون جذي
منى: مهم فهمتي
وراحت منى
وامنة غمضت عيونها أأه ما اجمل صوتك يا البحر ما احلى امواجك كم اشتقت لك يا البحر يا بحر اخذني معااك لعبني مع أمواجك ضحكني مع رياحك يا بحر لماذا العالم ليس ساكن وهادئ مثلك لماذا ان غضبت لا ترى من أمامك يا بحر هل يا ترى يوم من الايام حياتي سيكون هادئ مثلك هل يا ترى سأعرف مصيري هل يا ترى سأنام في الليل وانا مرتاحة البال الى متى يا بحر وانا تايهة في هذه الدنيا لا أعرف أيهما أخير الي انني أسعد انسانة على هذه اللارض وفضل لربي واللهم لك الحمد وشكر ولكن لماذا حالتي كحالتك لماذا برغم كل سعادة الدنيا لدي أحس بأن شيئا ما ينقصني والان يا بحر ماهي مصيري لماذا بعض الأحيان أحس أحسن لي الموت لقد تعبت من هذه الحياة أضحك وأبتسم لكني مقطوعة من الداخل كيف أفرح وأمي وأبي بعيدين عني كيف أفرح ان كان خوالي بعيدين عني كيف يا رب ليش ما اموت وافتك من هالسالفة الي من يوم ما عرفتها وحياتي أصبحت كجحيم
لكن سرعان ما تداركت أعوذ بالله من الشيطان الريجم قص علي الشيطان وفكرت في موت ونسيت رسولنا عليه الصلاة وسلام نهاناننا نتمنى الموت ويمكن هاي بلاء من ربي ولازم أصبر ياما الناس تحملو أكثر مني وأنا ليش ما أقدر اتحمل ( وبينما تكلم نفسها دموعها يتساقط ) ليكون هما أحسن مني لالالالا مستحيل يكونون احسن مني سأصبر يا الهي وصبر مفتاح الفرج ( وقالت حق روحها ) ايوة جذي انتي حلوة يا امونتي الغالية مو اتفكرين في الموت ( وابتسمت لنفسها ) يا ربي الحمدلله على كل حال
وارتاحت وايد
وخذت نفس عميق وبطلت عيونها ولكن جدام عيونها كان واقف عبدالله عبدالله الي استغرب ليش امنة تبجي واستغرب لما ابتسمت لنفسها
امنة آه عليك يا ولد عمي واقف جدامي وانا ولا ادري: ماذا تعمل هنا يا وليدي
عبدالله غصبا عنه ابتسم قالت وليدي قالت وليدي: هههههتي اذا قلتي يبه قلنا اي لكن وليدي
امنة: انزين فيها شئ لو أشوفك بنظرة كأنك ولدي
عبدالله: اي مافيها شئ يا العياارة
امنة: يوعانة وينها منى
وشافت منى واقفة بعيدة عنهم وفي يدها الاكل
امنة اشرت لمنى انها اتيي
منى: شنو كنتو سولفون
امنة: انتي شكوو
منى: ساعة حرام عليكم واقفة
امنة: وليش وقفتي يا حظي جان زين ييتي لي
منى: اشلون ايي لج وعبدالله كان واقف عندج عبالي تتكلمون اسرار
امنة: أنا وعبدالله يكون عندنا اسرار اخر زمن
عبدالله: اشفيها يعني مالي رب
امنة: ههههتي اي تذكرت أعرف شئ عنك محد يدريه
منى: وشنو هالشئ
امنة: أسرار
منى: بالله عليج توج قلتي ما عندكم أسرار
امنة: يااااه وينه احمد تأخر
حمدان: عبدالله انت اهني وياهم وتاركني أنا
عبدالله: لا اصلا شفت امنة بروحها واقفة استغربت وين راحت عنها منى علشان جذي ييت لها
حمدان: واشعندك ويا امنة لو كانت بروحها واقفة انت شكوو
منى: حمدان بزيدك بيت شعر ساعة وهم واقفين ويتكلمون
حمدان: حلفي انتي بس
ياااااااااااه ( صارخ )
امنة: بلاك حمداان فضحتنا
حمدان: صج عبدالله
عبدالله: اشفيك حمدان
حمدان: يعني جريب برقص ( يقصد يرقص في عرسه )
عبدالله: ان شاء الله جريب
حمدان باس راس اخو وخدوده : صج أنك اخوي احبك واموت فيك
عبدالله يبعد حمدان عنه: وخر وخر
حمدان: عبدالله والله ما تدري مدى فرحتي
امنة: فرحونا معاكم
حمدان: امووووووووووووو ( وقاله بشكل يمددد في حرف الواو)وووونة دومج بريئة وخلج في برائج ترى في ناس يموتون في هالبراءة
امنة: حممداان بتقول شنو السالفة ولا اشلون
حممدان: اقول امنة برب بتاكد السالفة من اخوي
حمدان سحب عبدالله معااه وابتعدو عن امنة
وهاللحظة احمد ومنيرة وصلو
احمد: اشعندهم
منى: اسرار
حمدان: صج عبدالله الي قاعد أفكر فيه صح
عبدالله: اي صح تفكيرك
حمدان: يعني جريب عرسك
عبدالله: اي في ويهك نور
حمدان الاخ يبي يتأكد: وعروسة امنة
عبدالله : اي
وراح عند شلته
وحمدان بطل عيونه يا ربي أكيد انا في حلم لالالالا أقط روحي في بحر أول شئ خلني أتاكد اني مو في حلم فكفخ روحه
حمدان: اووووووج
تشقق الرياال
احمد: اشفيك حمدان
حمدان ما يقدر يخش ابتسامته: اه لو تدري الي فيني جان تشققت معاي
عبدالله خاف لا اخوه يفضحه وبعيونه فهم حمدان بسكوت
لكن حمداان حس بطنه بينتفخ اذا ما قال لاحد
حمدان: احمد ممكن منيرة اشوية
وعبدالله اشوية بيذبح حمدان يا ربي ما لقيت احد ثاني اشارك فرحتي معاه غير حمدان
منيرة: اشفيك حمدان مستانس زيادة عن اللزوم
حمدان : دريتي عبدالله بيتزوج
منيرة: صج هالساعة مباركة لكن بياخذ من
حمدان: قولي انتي
منيرة: على حسب تعابير ويهك امنة
حمدان يسوي روحه حزين:/ لالالا
منيرة: صدقني لو ما خذ امنة ما بحضر عرسه
حمدان: تطمني عيل امنة
منيرة: حمدان انت تتغشمر
حمدان وهو يشد خدود منيرة: لالالا يا حياتي
وعبدالله ياء لهم: اشعندكم
منيرة: صج الي قاعدة اسمعه
عبدالله: وشنو الي قاعدة تسمعينه
منيرة: انك ناوي تتزوج وبعد بتاخذ امنة
عبدالله: يس عندكم مانع
وكف الى حمدان عبدالله: انت ما تقدر اسد بوزك
منيرة الحين هي الي بدت تبوس اخوها: اه لو تدري اشكثر فرحتني الله يسعدك يا اخوي ويحقق كل امانيك
عبدالله: احم احم اشفيكم اليوم
امنة تموت وتعرف اشسالفتهم واشفيهم الاخوة الافاضل
امنة: فرحونا معاكم
حمدان: عاد لو قلنا لج شنو الي يفرحنا جان بصيبج جلطة قلبية
عبدالله: فضول اقول لكم هالبنت فضولية وامنة ممكن دقيقة
امنة: اقول ترى اليوم الخبر بفلوس باجر بصير بلاش
وتذكرت شئ امنة ومرة ثانية رجعت : ليكون عبدالله الي قلت لي
عبدالله: اي
امنة: صج هي وافقت
عبدالله: ما ادري بس ناوي اتقدم لها
امنة: اها
وراحت عنهم
حمدان: شنو كانت امنة تقول
عبدالله: لاني قلت لها باني احب وحدة لكن ما تدري هي الي احبها
امنة ما تدري ليش غارت يوم عبدالله قال انه بيتقدم للهبنت حست بغيرة ليش يا رب لكن ترجمت هالشئ بسبب كله حمدانو يقول اني باخذ عبدالله والله يهنيك يا عبدالله وخاطري أشوف من هالبنت الي تبي تاخذه صج انها محظوظة
احمد: هاا امنة دريتي شئ
امنة: لا لين حين ولا شئ
احمد: معليه الليلة بقص على زوجتي وبشوف اشسالفتهم
منى يتها ضحكة: هههههتي
ولكن امنة حاولت تضحك ما قدرت حاولت اتكون طبيعية ما قدرت ليش يا ربي وليش
احمد: كملتو
و3 متشققين
عبدالله: اي
احمد: يالله انروح
وحمدان: امنة يالله نتسابق ويا السيايير
امنة: مافيني شدة
حمدان: امنة شنو صار حق مزاجج
امنة: عادي
حمدان: ليكون امنة
امنة: لا تطمن
وتعال اخذ مفاتيح سيارتك القرمبعة
حمدان: ههههتي حدج على سيارتي توه طالع من الوكالة واتقولين قرمبعة
امنة: يا سلام
امنة: احمد وين بنرووح الحين
احمد:مجمع البحرين وعقب بنتعشى
امنة: وين بنتعشى
احمد: أحلى مطعم في البحرين طهراااااان
امنة: ابدا ما جربت اكله
احمد: اقول امنة ترى كنا لما نطلع كنت كله اوديج اهناك
امنة: ههههتي صج انا اشدراني
ولما طلعو من سيارة وهم داخلين مجمع البحرين
منى: افف مجمع البحرين عاد ما لقو مجمع ثاني
امنة غمزت لمنى : تبين اوديج مجمع السيف
منى قربت من أختها : اي امشي نروح
امنة: هههههتي صدقتي عمرج علشان اخوي يتبرا مني
حمدان: وانا بقص ريولكم
امنة: ياااه من وين طلعت انت وحضرتك قاعد تسمع كلامنا
حمدان: شاسوي احمد مع زوجته وانا مع عبدالله لكن اتعرفين عبدالله طبعه والله يساعدج على عبدالله
امنة: هههههههتي قول الله يساعد زوجته عليه مو أنا
حمدان: هذا هو
عبدالله: تحشون فيني
امنة: ا حمدان عبدالله قاعد يدور معانا لكن بيي وقت ما بيعطينا ويه
حمدان: صدقتي يا اختي لكن انتي الي الوحيدة الي بيعطيج ويه
عبدالله: افا امنة عاد كل شئ والا انتي
وامنة قالت اشبلاهم اليوم علي اكيد ناويين علي
والا احمد: اشبلاكم مع اختي
حمدان: احمد ههههتي اصلا انت اشبلاك مع زوجتك تعال ريال تكلم معانا موتهدنا مع اخواتك
احمد حس بغلطته : انزين تعال
فصار هم جدام وبنات ورى واشترو بعض الاغراض
وراحو وتعشو واحمد تم مع عبدالله وحمدان بحيث ما عطاهم الفرصة علشان يتكلمون مع اخواته
وفي السيارة
احمد: اقول امنة
امنة: هلا
احمد : بقولج انتي شئ بس لا تزعلين
امنة: قول ما بزعل
( امنة حست انه اخوها بقول لها شئ وسالفة فيها اعيال اعمامها)
ومنيرة في هاللحظة اتصلت على احمد بحيث احمد لما شاف رقم استغرب وطالع منيرة ومنيرة حركت راسها بنفي
امنة: احمد قلت بتقول لي شئ
احمد: مرة ثانية ان شاء الله
وصلو البيت
احمد: منيرة ليش ما خليتيني اقول لامنة
منيرة: لاني بخبرك خبر وعقب قرر بتقول حق امنة ولالا
احمد: قولي
منيرة : تدري عبدالله ناوي يخطب اختك
احمد: أي اخت
منيرة: امنة بعد من
احمد: صج الله أحلى خبر سمعته
وباس مرته

ولما وصلو حمدان وعبدالله حمدان سيدة راح لابوه ما يقدر يصبر ولكن خسارة الوالد كان راقد
حمدان ما قدر يرقد اذا أحد يشوفه يقول هو الي بعرس
حمدان: عبدالله لا تهتم انا الي بكلم ابوي وانا الي بخليه يوافق لووووو
عبدالله حس براحة قال ما علي سوى انام وباجر اسمع الخبر حلوو مادام حمدان يقول شئ يسويها
وحمدان بزوور رقد وقام لصلاة الفير نزل بسرعة لكن ابوه سبق حمدان كان رايح مع اخووه المسيد راح صلى وكمل الصلاة شاف احمد وعبدالله ويبي يكلم ابوه لكن ابوه كان مع بواحمد فلذا ما قدر ورجعو البيت
وبو حمدان يبي يرقد
حمدان: يبه ابي اكلمك في شئ
بوعبدالله استغرب ولدي اشعنده ويقدر يكلمي بعدين ليش بالذات الحين: عسى ما شر
حمدان: يبه ما تحس عبدالله كبر
بوعبدالله: اي صحيح
حمدان: يعني مو ناوي اتعرسه
بوعبدالله: امبلا لكن هو لازم يكون مستعد ما يصير نغصبه
حمدان: انزين لو قلت لك مستعد
بوعبدالله: هالساعة مباركة وبياخذ من
حمدان: امنة
بوعبدالله: عبدالله بياخذ امنة
حمدان: اي اشفيك يا ييبه
بوعبدالله: امنة بنت اخوي
عبدالله الا يدش: اي يا يبه امنة بنت اخوك
بوعبدالله وايد ووايد يفرح : بارك الله فيك يا ولدي صج ربيناك احسن تربية دوم كنت فخور فيك بس اليوم فخري فيك غير
حمدان: احم احم يبه انا وين رحت
بوعبدالله: عبدالله ما قلت لي سبب اختيارك امنة بذات ليكون فقط رضانا
عبدالله: لا يا يبه امنة ابنية ونعم فيها وكل واحد يتمنىوحدة مثل امنة وانا طلعت واحد من الي يتمنون امنة
بوعبدالله فرحته زااد



لكن تظنون هل عبدالله بعرس امنة
ولو عرس امنة القصة بتكمل هههههههتي
يعني بس خلاص بعرس وقصة بتكمل
ولكن الزمن مخبي عنهم وايد اشياء

الجزء24
وفي السعودية
يوسف: يالله يمه بسرعة
ام فيصل:اشفيك مستعجل أنتظر اختك جنان
يوسف: أوهووو وجنان شكو
ام فيصل: يا يبه ايش رايك اتروح لوحدك وتتقدم للبنت
يوسف: هههههههتي يمه حتى انتي تتطنزين علي
يمه: لا ابد عبالك بس انت الي تتطنز
يوسف: يمه صدقيني لو رفضوني لا ادوسهم بالسيارة
بوفيصل تدخل: مادام هذا كلامك أكيد بيرفضونك
فيصل: بالله علي قول لي شولا يوافقون عليك من حلاتك لا ومن شغلك شوف نفسك في البداية
يوسف: لالا لا لا تنسى يا فيصل أني أحلى منك وأحسن منك بعد شغلي أريح وأكسب من شغلك
فيصل: بنشووف انا أول ما تقدمت وافقو علي واذا وافقو عليك وردو عليك الخبر قبل اسبوعين يعني احسن مني
يوسف : بنشووف
بوفيصل: يالله ام فيصل تأخرتي ولدج لا يطيح علينا الحين
يوسف: يبه حرام عليكم كل من قاعد يطنز علي أصلا محد حاس بحالتي اول مرة أتقدم بحياتي ويرفضوني بنتحر ترى
جنان: مدام أنك اخوي مستحيل تنرفض
يوسف: يا سلام اصلا هالشئ الي انا خايف منه اخاف لا يرفضوني وسبب انتي
جنان: هههههههههتي
بوفيصل: يالله
وفي السيارة يوسف مو في حالته لو رفضوني أصلا ما يهمني لا ابنية ولا حد ثاني قوية كلمة رفضوني يا رب عساهم يوافقون اول مرة أتقدم بحياتي وأنرفض جان زين الحين ماخذ وحدة من العائلة مستحيل في سالفة رفض لكن اأنا غبي يبت على روحي
بوفيصل: يوسف وصلناا
وطلع بوفيصل ويوسف وجنان وأم فيصل و بويعقوب هو الي دخلهم داخل
ونسوان الصالة ورياييل الميلس خسارة يعقوب كان مسافر وبيرجع بعد فترة طافته شوفة جنان ولو ورى البرقع
بو فيصل بدأ يتكلم عنه وعن اعماله وعن اعياله وخصوصا يوسف : وانا اليوم جيت اطلب منك بنتك لولدي يوسف
بويعقوب ما يعرف عن بوفيصل أي شئ غير ان سارة اليوم قالت ان رفيجتها بتيي وهالمرة ويا ابوها وامها بعد بيوون والي يعرفه انه ريال مشهور له مكانة الحين فما أعرف شنو يرد عليهم وطبعا قال له بنسال بنتي وبنرد عليكم ان شاء الله
وعند الحريم
ام يعقوب اتعرف التفاصيل المملة عن حياة اهل جنان
وأم يعقوب: الشمس من وين طالعة اليوم ام فيصل عندنا منورة فريجنا بكبره يا ام فيصل
ام فيصل: النور بوجودج يا اخويتي لكن اليوم جيت لكم وعندي هدف
ام يعقوب : وشو هالهدف
ام فيصل: سلمج الله يايين اليوم نطلب ايد بنتج حق ولدي يوسف ( وبدأت تمدح يوسف وعن اعماله وأشغاله ووو)
ام يعقوب : عاد انا من طرفي موافقة وموافقة بس اتعرفين لازم نسأل البنت واخوها وانشوف رأي ابوها ولكن الي اقدر اقول لج تطمني
ام فيصل : تسلمين
وجنان مع سارة كانو في حجرة سارة وجنان ما خبرت سارة وبعد فترة أهل جنان طلعو من بيت سارة
بويعقوب: ام يعقوب تدرين ليه رفيجة بنتج مع اهلها يايين لنا
ام يعقوب: ايه قالت لي ام فيصل
بويعقوب: وانتي ايش رايج فيهم
ام يعقوب: بصراحة ناس ونعم فيهم اذا تسال أي مكان ما بتسمع عنهم الا المدح اذا تاخذ رايي وافق انت وبنسأل البنت وبنشوف رايها
بويعقوب: ان شاء الله بس خليني في البداية أسأل عنهم زين ما زين
وخذ السالفة يومين وبويعقوب يسال عنهم وما لقى غير الزين
ام يعقوب: سارونة قال لج جنان ليش ياية بيتنا قبل اول أمس
سارة: لا يمه زيارة عادية اصلا هما يايين
ام يعقوب: لا يا بنتي
سارة اشفيها أمي : امبلا يمه
ام يعقوب : سمعي يا بنتي القرار النهائي بكون قرارج اخو جنان تقدم لج وابوج ما قصر سال عن هالولد وطلع خوش اصبي لذا أنا كأمج وكأبوج ننصحج اتوافقين الحين بخليج وفكري عدل وهذي حياتج وتأكدي لا ااحد سيغصبك على اتخاذ قرار ما
ولا تنسين صلاة الاستخارة
وراحت أم يعقوب وسارة ما قالت شئ
بسرعة نفس اللحظة صلت صلاة الاستخارة وقعدت اتفكر وليش أرفض ما عندي سبب لرفض دام أمي وأبوي موافقين من انا علشان ارفض يا يابوي ويا امي انتو الي ربيتوني مستحيل أعصي شوركم ولو كان القرار النهائي راجع الي
واتصلت على جنان
سارة: يا الخايسة يا السخيفة
جنان:هههههتي وأخيرا دريتي
سارة: يومين وأنا اكلمج ما تقولين لي زين جيه أنصدم مرة وحدة
جنان: وحلوة الصدمة
سارة: تعالي قولي اي اخو
جنان: وانتي اشدراج باخواني المهم انج بتاخذين واحد منهم
سارة: وليكون اخوج ما عنده اسم وانا ما ادري
جنان: اي ما عنده اسم
سارة : صدقيني لو ما علمتيني برفض
جنان: لاا يا المعودة صلي على النبي اسم ريلج السمتقبلي يوووووسف
سارة: انزين بسالج تتذكرين لما ييت بيتكم اي واحد من اخوانج كان في البيت وانا اهناك وطبخت لكم
جنان: يوسف رجع بعد ما طلعتي وتعالي ليكون بينكم شئ
سارة قالت اشوية بقهر جنان
سارة: جنان بقول لج شئ لكن لا تزعلين ترى أنا ويوسف انحب بعض من زماان وتعرفي عليج كان بسبة يوسف علشان بس اهلج يعرفوني ويوافقون علي
جنان ما صدقت الي سمعته وسارة صكت التلفون وسيدة مغلق عرفت جنان بتقعد وبسوي تحقيق
وجنان قالت مستحيل لا مستحيل اخوي يكلم ابنية ويحب من ورانا فقالت أحسن شئ اسال اخوي
راحت شافت اخوها في الصالة يالس صار هادئ الحين يحاول كد ما يقدر ما يفكر عن السالفة رفض
جنان: يوسف
يوسف انتبه: هااا بشري جنان البنت وافقت
جنان: ممسوي روحك ما تعرف واتحاول اتخش علينا
يوسف استغرب اشفيها اختي
يوسف: جنان توج قايمة من النوم
جنان: اي قمت من نوم انا كنت غافلة عنه
يوسف: اقول يا اختي الظاهر استخفيتي بلا لف ولا دوران تكلمي عدل
جنان: تتكلم ويا سارة من ورانا وتحب سارة من ورانا وهي تعرفت علي بس علشان تتقرب مني واتيي بيتنا والوالدة اشوفها وبعدين لو قلت بانها بتتقدم لها ما نرفض
يوسف يااااه عاد مصختها اختي شنو قاعدة اتهرر: ومن قال لج
جنان بعصبية اكثر مسوي روحه برئ ويا هالويه :سارة الي قالت لي
يوسف ياااه عاد سارة ما طلعت هينة ههههتي تستاهل اتكون حرمتي : حلفي سارة قالت لج كل هالكلام
جنان: اقول يوسف مو حلوو عليك اشلخ علينا ببراءة
ويوسف ضحك بصوت عالي ههههههههتي
وراح عن جنان
واهل سارة ما باقي لهم غير مجئ يعقوب ويخبرونه السالفة ويشوفون راييه
وسارة طبعا قالت لهم انا اذا هما ما عندهم مانع هي ما عندها
سارة: يمه يعقوب بعد كبر ليه ما يعرس
ام يعقوب:والله يا بنتي انتي بنفسج شايفة هالزمن الاصبي الي ييي ويقول يمه روحي تقدمي لي فلانة واحنا امهات وابهات صارت ما عندنا دور في هالشئ
سارة: اشدعوة يا يمه مو كلن الناس نفس الشئ
انزين يا يمه ايش رايج بجنان حق يعقوب ( الاخت تبي تتوسط لاخوها بما انه فرصة حلوة)
ام يعقوب: جنان والله ما يات في بالي لكن تهقين يعقوب بوافق
سارة: بوافق النص
وام يعقوب : وعلى فكرة لو يعقوب يبي يتزوج بنت اختي اروى موجودة
سارة اوووف ما لقيتي غير هالاورى الدليعة : يمه الاروى صدقيني ثاني يوم يعقوب بكفخها وبيرجعها البيت
ام يعقوب علامات العصبية على بشرتها: فال الله ولا فالها
سارة: يمه يعقوب أصلا ما بيستحمل اروى اروى امها وابوها وايد مدلعينها واتعرفين يعقوب اشلون شخصيته
ام يعقوب : اعرفج اصلا حاطة عينج على جنان
سارة يااه ييت اساعد اخوي لكن انقلب السالفة علي : يمه مو أنا الي حاطة عيني على جنان هاي ولدج يعقوب الي حاط عينه على جنان
ام يعقوب شنو يعقوب ويعقوب اشدراه بجنان: ايش
سارة ارتبكت يا ربي شنو قلت اناااا امي بتذبحني مع اسئلتها لكن بعد يعقوب مسكين : يمه شوفي يعقوب خاطره في جنان لانه مرة هو شاف جنان اتعرفين هي صديقتي ووايد اتييني واروح لها
ام يعقوب: وتوج اتخبريني
سارة ما قالت شئ
ام يعقوب: مادام يعقوب يبي جنان عيل معليه بياخذ جنان
سارة تلوي على امها : عرفتج يا يمه قلبج ابيض
ام يعقوب: لكن لو رفضوو او اذا جنان كانت محيرينها لاحد بعدين انتي الي بتقنعين يعقوب بانه ياخذ اروى
سارة: اصلا ما يقدرون يمه ايش رايج نتشرط عليهم بنوافق اذا وافقو يعقوب لجنان

وفي الصباح المشرق عند عبدالله كلهم على طاولة الطعام للريوق
ام عبدالله استغربت اشعندهم اليوم فكل من ياء وسلم وقعد
بو عبدلله: دريتي يا ام عبدالله ولدج عبدالله ناوي يعرس
ام عبدالله شنو انا من فترة وراه عرس وعرس يقول لي رافض هالفكرة والحين بعرس: هالساعة المباركة لو دريت ان عبدالله بياخذ كلام ابوه جان من زمان قلت لك كلم ولدك علشان يعرس
بوعبدالله: هههتي يا ام عبدالله الزمن تغير ترى ولدج بنفسه ياءي لي ومختار البنت وحدد تاريخ العرس بعد الباقي بس الموافقة الاهل البنت
عبدالله: افا لو ما تبوني اعرس صدقوني بهون
ام عبدالله: شنو بتهون على كيفك متى يدق في راسك سالفة العرس اتقول بعرس ومتى ما تبي تهون
حمدان: يمه انتي بس سمعي البنت الي اختاراه عبدالله بيدوخ راسج
ام عبدالله: وليش بيدوخ راسي اصلا لو قال لي البنت وبشوفها اذا داشة مزاجي بوافق واذا لا ما بوافق
حمدان: يمه عاد وليش الرفض عبدالله قول لامك اختاريت من من بد كل البناات الديرة
عبدالله :......
حمدان: يزعم تستحي (مالت عليك بصوت واطي)
بوعبدالله: ولدج اختار امنة بنت اخوي
ام عبدالله شهقت : لالالالا بعدين وياكم
توجهت الانظار الى ام عبدالله بوعبدالله: ووليش لالالا اشفيها بنت اخوي ناقصها شئ
ام عبدالله: لا مو ناقصها شئ بس انا ماني موافقة على امنة
حمدان: يمه عاد ولدك ولا بحصل مثل امنة في هالعالم كله
ام عبدالله: ما ابي مثل امنة
عبدالله: يمه ممكن أعرف سبب الرفض




وعند امنة قامت من وقت شافت يومين ولاهي دارية عن اخوالها بدلت ونزلت تحت بتتريق وشافت ابوها وامها وسلمت عليهم
وامنة كانت تبي اتقول شئ لكن ما هي قادرة فتريقت وياهم
امنة: يبه
ابو احمد : هلا
امنة طالعت امها : يبه ؟؟؟؟
ممكن اليوم اروح لاخوالي
بواحمد: امنة هالشئ ما يبيله سؤال ترى هم اخوالج وحاولي دائما اتفرقين بين اخوالج وابوج وتذكري دائما ان بيتج الحين هو بيت أبوج لو مهما كنتي فرحانة عند اخوالج لكن أبدا ما بتحصلين السعادة وراحة الي عند ابوج لو مهما اخوالج يحبونج لكن أنا ابوج ايحبج اكثر منهم وهذي الي قاعد ة اهني هي الي ربتج وابدا ما فرقت بينج وبين منى ومثل ما انتي شايفة اخوج احمد اشكثر يحبج بما أنج اكبر من منى دائما يعزج ويحترمج ويحبج اكثر من منى لانج اكبر اخواته
وانا ما أقول لج هالكلام علشان أبين مدى حبنا لج لان حبنا ظاهر وواضح مثل وضوح الشمس ولكن انتي الحين عاقلة تقدرين اتقررين اي البيت الي بتعيشين فيه امنة خذي نصيحة مني لا ادورين في هالحياة فرح دوري العزة وكرامة لو كنتي ببيت ابوج كل من بعزج وبكرمج اكثر من بيت اخوالج وأعرف انج الحين ضايعة بين هالقرار ولكن تطمني محد بيغصبج على شئ ما تبينه
ام احمد: يا بواحمد استهدي بالله كليت بنتي اشوي اشوي عليها خذيت البنت بالميداف ومجراف اشكبر محاضرتك
بواحمد: ههههههتي شاسوي طالعة على بنتي لو اتكلم ما اسكت مو جذي يا امنة
امنة ابتسمت صدقت يا يبه مافي أحلى من الام والابو في هالعالم الام والاب يعوضون الانسان بكل ما عنده يا حظي انه عندي امو وابو مثلكم بعد اشأبي أكثر من جذي اللهم لك ألف الحمد والشكر
بواحمد: امنة في شنو سرحاانة
ام احمد: واشلون ما تسرح بعد محاضرتك
امنة: ههههتي لا بالعكس احلى محاضرة عاد
ام احمد: اي ترفعين معنويات ابوج واتقولين احلى محاضرة
امنة:يمه ليكون اتغارين من ابوي
ام احمد: ايا يا اموون من مساعة ادافع عنج والحين صرتي ويا ابووج
وامنة راحت عند ابوها : انا من زماان ويا ه
ام احمد : هين ان ما خليت ابوج يقول لج محاضرة ثانية ما اكون ام احمد
راحت امنة عند امها : لا يمه تكفين
بواحمد: هههههتي معليه يا ام احمد لكن بنتي اتحبني اكثر منج
ويالله تأخرت انا بوعبدالله ينتظرني
في امان الله
2: في امان الكريم
امنة: يالله يمه انا بعد برووح
ام احمد: ياه امنة بعدين روحي لهم مو من الصبح
امنة: ابي اسوي لهم فزعةةةةة
ام احمد: من بوديج
امنة: بسيارة
ام احمد: والسايق من
امنة: وليش اتعب الاوادم وانا عندي رخصة قيااد ة
ام احمد: لا صبري لين ما احمد يقوم يوصلج
امنة: يمه الله يخليج بتأخر ترى انا
ام احمد:لالالالالالا
امنة: يمه صبح وشوارع فاضية
ام احمد:لالالالا
امنة: ما يصير اقول للسايق يوصلني لاني بروحي والبيت جريب
ام احمد: لا يا امنة
امنة قعدت على راس امها خلتها اتوافق
وراحت حجرتها ولبست عبايتها والشيلة ونزلت وراحت لكن وين السيايير شافت مافي ولا سيااارة امنة: قحط ولا سياارة وين كل هالسيايير
ومايصير ادش داخل لو دشت امها ما بترضى ولكن هل تاخذ تاكسي علشان يجتلونها
اممممم بيت عمي بروح بطخ سيارة حمدان
ووبيت مجابلين بعض وراحت يا حظها الهندي السايق مال بيت بوعبدالله كان ينظف سيارة عبدالله
امنة: السلام عليكم
الهندي(راجو):وليكم السلام
امنة : كيسيهو راجو(شخبارك راجو)
راجو: اجاا واجد اجا (زين وايد زين )
امنة : وين مفاتيح السيارة
راجو يطلع المفاتيح
امنة: عطني اياهم
راجو على نياته يعطيهم لامنة
امنة: بعدين نظف السيارة اوكي
راجو: بابا واجد هاوش انا
امنة: لو بابا واجد هاوش انته انا بفنشك
راجو: حرام انا رجال وايد اعياال
امنة: اوكي ما بفنشك بس فكني بس خلاص قول لعبدالله انا الي خذيت السيارة بنت عمه اوكي
راجو: بس ما ينظف انا كامل
امنة: انا الي بنظفه كامل
وطلعت بسيارة قبل ما راجو يتكلم زياددة


وعبدالله: يمه ممكن أعرف سبب رفضج
ام عبدالله: لانكم مللتوني من كثر ما تاخذون من العائلة يا ولدي نبي انوسع العائلة اخذ لك وحدة من براا العائلة
بوعبدالله: هههههههتي الله يغربل ابليسج عبالي سبب مقنع ا
حمدان: يمه اشوية ويصيدني جلطة قلبية قبل سكتة قلبية عاد ولا يهمج انا الي باخذ وحدة من برا العائلة
ام عبدالله: أنت بالذات ما ينوثق فيك اخاف لا تييب لي وحدة المانية
عبدالله: يمه اصلا مستحيل اسوي شئ من دون رضى والديني
وحمدان كان قاعد يشرب شاي في هاللحظة وطشر الي في بوزه : مالت مستوي لنا ولد مطيع
عبدالله : شوف اشسويت ما تعرف تشرب عدل
ام عبدالله: بصراحة موافقة واختيار رائع يا ولدي واعرف ان ابوك واخوك من زمان قاعدين يفكرون بهالسالفة وانا مستحيل بمشي ضدهم وامنة كلنا انعرفها زين ما زين لكن ما عرفت يوم من ايام بنفسك بتقول ابي اخطب امنة
حمدان: يمه اصلا لا تشوفين عبدالله من تحت دواهي سواهي عليه سوالف من تحت لين تحته مستوي عندكم شريف مكة وانا يحليلي على نياتي مستوي شريف ديسكوو
عبدالله: اسكت انت الله يخليك خلنا نسمع القرار النهائي لهم
بوعبدالله: موافقين يا ولدي متى ما تبي بنتقدم للبنت
حمدان: يبه ايش رايك بعد شهرين
عبدالله: شنو بعد شهرين اذا بالكثير تتأخرون باجر وبما انه اليوم احسن لو كلمت عمي
حمدان: ههههتي شفتو قلت لكم ولدكم هاي خطير
بوعبدالله: معليه ما بصير خاطرك الا الطيب اليوم بكلم اخوي بهالسالفة
ولما عبدالله طلع ما شاف سيارته وين سيارتي
عبدالله: راجووو وصمخ
راجو: ها بابا
عبدالله: بابا راجو وين سيارتي
راجو يتذكر امنة شنو قالت ( كانت قايلة بنت عمه ) فنسى يحليلي وبدأ يفكر
عبدالله: راجوو جاوب وين سيارتي
راجو: واحد خذاه
عبدالله: ومن هالواحد
راحو: لبس دفة وشيلة وقال برووح ويبي سيارة نسيت الاسم
عبدالله: قول وحدة مو واحد ليكون منيرة
راجو يعرف منيرة: لالا مو منيرة
عبدالله: عيل من
راجو: ur sister who come from emirates
عبدالله: امنة ويا هالويه امنة مو اختي
راجو: كأخت يو
عبدالله: راجو بديت تتكلم وايد وهاي مو اختي هاي جريب بصير زوجتي
راجو: بعرس انت
عبدالله: اي بعرس
راجو: واجد زين الله bless u
عبدالله خذ سيارة ثانية وراح دوامه
ووامنة عند خوالها
محمد: امنة ما قلتي امس بتيين
امنة: ياه محمد عاد لو امس ييت بقعد بس اشوية وبمشي واليوم من الصبح الى الليل بكون عندكم وعقب برد البيت
محمد: بتردين البيت
امنة:اي
محمد: وليكون لابد
امنة: يس افكوورس
محمد: امنة شالكلام
امنة تبي تغير الموضوع الاخت: وينهم مريم وحمد
وضحى: راقدين انتي من صبح الله بالخير ياية رازة ويهج اهني
امنة: افا يعني غير مرغوبة اطس يعني
محمد: امنة جاوبي على كلامي
امنة اصلا من كلام ابوها فكرت عدل وشافت بالفعل ابوها صااج: محمد أنت خالي وبتبقى خالي ولكن أكيد يوم من الايام بتتزوج وتبي راحتك بالله عليك تبي طوول عمرك اكون وراك وزوجتك تدعي علي
محمد: ما بتزوج
امنة: شفت ما بتزوج وسبة أنا كل من بلومني
محمد: محد يا امنة
نواف: يا محمد مثل ما أنت اتحب امك وابوك امنة اكيد بعد اتحبهم
محمد: انت ليش ما تبي امنة (بصوت عالي قليلا ما )
نواف عصب اول مرة اخوه يكلم بهالطريقة : لا مسوي روحك كلش اقول يا الاخ محمد لو تزوجت بتنسى امنة والحين اتقول ما بتتزوج وما ادري شنو بعدين بتتزوج واصلا في هالدنيا محد يحب حب الوالدين ومحد يهتم بمصلحة احد غير الوالدين وانا من حبي لامنة اقول لها احسن لج عند امج وابوج الحب مو معناته تاخذ وبس في الحب في شئ اسمه تضحيه يا اخي
محمد ما قال شئ اول مرة اخوه يكلمه جذي
وامنة قامت احم احم الاخت بتتكلم: شفتو بسبتي تهاوشتو وانتو عمركم ما تهاوشتو ولو تميت وياكم اكثر بزيد الخلافات والمعارك
محمد راح حجرته بينما سعيد نازل
سعيد: اشفيه محمد
وامنة: يالله انا بمشي
سعيد: لالالا بتمشين وانا توني ياي لين حين ما سلمت عليج بعد
نواف /: عن اذنكم
وضحى طلعت ويا ريلها
وضحى: نواف طريقتك لما تكلمت مع محمد ما عجبني
نواف: شفتي يعلي صوته علي اول مرة بحياته يسويه
وضحى: يا نواف انت اكبر الاخوان لازم تفهم محمد بطريقة يفهمه
وضحى: والحين روح بطريقة سنعة فهم اخوك
وامنة خبرت السعيد كل السالفة
سعيد: متى بنشوفج كل عطلة
امنة: اذا كان عندي عطلة
ونواف فهم اخوه وغصبا عنه خلاه يقتنع
نواف: يالله بتنزل تحت ولا اشلون
محمد: اشوية بقعد لحالي
نواف:طيب على راحتك
ونواف نزل تحت :
امنة: وينه محمد
نواف: في حجرته
سعيد: في حجرته
نواف: اي
سعيد : في حجرته
نواف: اشبلاك سعيد
وسعيد شاف الى امنة: يالله امنة انروح الى محمد
امنة عرفت سعيد ناوي على شئ
والاخ سعيد فعلا كان ناوي شئ
امنة: اشناوي عليه يا سعيد
سعيد: بصراحة في حركة وايد يبط جبدي وكل ما تشوفين فلم هندي يسوون هالحركة قلت اليوم بجربه على محمد
وشالحركة
سعيد الحركةةجذي وجذاك
امنة: هههههههتي
طق طق
محمد: من
سعيد بطل الباب

قصة مهما كرهتك فأني اموت في هواك ... 11