البخت والمقسوم ...33 - القصص الطويلة , القصص و الروايات story
 |
 |
 |
 |
|
 |
تابع حالة الطقس في اكبر و اشهر مدن المملكة العربية السعودية | منتديات | مقاطع فيديو تحميل افلام موقع يوتيوب youtube العاب بنات hguhf fkhj | تحميل صور jpldg w,v | بلاك بيري | بنات السعودية | قصص بنات
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (261,995 مشاهدات)
فتاة تستأذن امها فى ممارسة الجنس (167,723 مشاهدات) قصة واقعية حدثت في ليلة الدخلة (111,869 مشاهدات) الملائكة تنقذ فتاة من الإغتصاب ... سبحان الله (72,910 مشاهدات) دخلت الفتاه الشاليه قصه يقف لها شعر الراس (71,362 مشاهدات) اغتصاب بنت ميته (71,037 مشاهدات) ركبت عبير مع خالد اللكزس وطلعو الشقه (53,895 مشاهدات) قصة حب محزنة عبر الانترنيت والله تبكى الحجر (47,637 مشاهدات)
جديد مواد مع عشوائي
زوج نجاه الله من الغرق (8,846 مشاهدات)
ضحت بذراعها لتنقذ شقيقها (10,399 مشاهدات) خرجت رائحته بعد موته (14,063 مشاهدات) آهٍ........ لو أعود (5,257 مشاهدات) توبة اشهر عارضة ازياء (10,110 مشاهدات) توبة الشيخ سعيد بن مسفر (8,117 مشاهدات) توبة أب على يد ابنه (5,205 مشاهدات) توبه فتاه ادمنت الشات (9,995 مشاهدات) |
القصص و الروايات story > القصص الطويلة > البخت والمقسوم ...33
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية البخت والمقسوم ...33
الجـــــــــــزء الأخيـــــــــــر :
( أ ) " بديناها محبتنا جميلة ولازم تنتهي مثل البداية ... ما دام السعد لحظاته قليلة وكل ظروفنا عكس النوايا ... حبيبي أدري الفرقا عضيلة وهذا هو سبب رجفة عضايه ... على لساني ترى والله ثقيلة ولكن كل شي وله نهاية .... ألا يا من خذى قلبي بحيله وأنا في غفلة بين البرايا .... أنا لازلت أقول انتي الأصيلة وأفاخر كل ما عد الصبايا .... معك عشت الحياة المستحيلة بلا هم وكدر وبلا وشايا .... ولكن كم لي فارق خليله ولا له بالجفا غبة وغايـــة .... بديناها محبتنا جميلة ولازم تنتهي مثل البدايــة .... ما دام السعد لحظاته قليلة وكل ظروفنا عكس النوايا ..... " بعد ثلاث أيام ... وفي بيت بوصقر : ميثا : صقر ؟؟ صقر : لبيه !! ميثا : لباك قلبي .. ممكن أزور بيت خالي ابراهيم اليوم ؟؟ صقر : حبيبي انا عمري ما منتعج من شي وهذول أهلج وأنا ما ببمنعج منهم ... ميثا : يعلني افدى روحك يا الغالي .... صقر : الله لا يحرمني منج يا الميث .... في الوقن وفي بيت العوش عمة لطيفة : نورة : عمتيه أسلم عليج انا رايحة لبيت أهلي .... العوش والعبرة خانقتنها : خلاص يعني يا نورة بتروحين وما بنشوفج مرة ثانية ؟؟ نورة والعبرة خانقتنها : كان عندي أمل في يوم إنه سلطان يرجع لي بس أنا كنت غلطانة .. سلطان راح وأنا مالي مكان امبينكم .... العوش : فديتج نوار عمري ما تمنيت إنه تروحين عنا ..... نورة : وانا يا عمتيه ما تمنيت هالشي سلطان شاف حياته بعيد عني وهيفاء وولدها محتاجين له الحين اكثر من قبل بالأخص إنه " محمد " بدى يكبر والمرض يكبر وياه سلطان لازم يكون ملازمنهم تعرفين انتي ثقب القلب هب مرض عادي كان الله في عون سلطان وحرمته وولده ... العوش وهي تمسح ادموعها اللي انزلت على خدها : نورة .. بشتاق لج وايد ... نورة : وأنا أكثر يا عمتيه وصدقيني لولا غلاكم عندي ما طلبت الطلاق من سلطان .. أنا يا عمتيه اطلقت من سلطان علشان ما اتم قدام عينكم واعذبكم وتحطين انتي وعمي الأمل الكبير برجعة سلطان لي .. وتخر دمعتها على خدها ... العوش : فديتج يا بنت عبدالله .... تحب نورة عمتها على راسها وتظهر من البيت أبوها كان يترياها في الميلس عند عمها ادش عليهم وتسلم على عمها وتظهر .... الشي الوحيد اللي حز في خاطر نورة إنه سلطان يوم اطلبت منه الطلاق طلقها على طول وبدون تفكير على الرغم من انها ضحت علشانه وايد ... في الموتر وهي رادة سويحان كانت تطالع برع تطالع شوارع الوقن وهي ظاهرة من بيت عمها بو سلطان " آآآآآآآآآآآآه يا سلطان عمري ما تمنيت هالشي عمري ما تمنيت فراقك يا سلطان بس الايام علمتك تقسى على قلبي كان الله في عونك ياسلطان والله يشافي " محمد " ولدك يا رب " .... بو نورة : نورة انا اعرف إنه هب هاين عليج تفارقين الوقن لكن هذي هي الحياة وهذا هو نصيبج يا بنت عبدالله .... نورة وهي تمسح دمعتها اللي خرت على خدها : إللي حاز في خاطريه يا ابويه عمتيه العوش وعمي محمد وإلا سلطان ما عاد يهمني لأنه باعني واختار طريجه ما اقول غير اله يحفظه يا رب .... على الرغم من كلام نورة الا انها كانت تكذب على ابوها لانه سلطان للحين في قلبها ومستحيل تنساه ... بونورة وهو حاس بعذاب بنته : لا حول ولا قوة إلا بالله كل شي بخت ومقسوم يا بنت عبدالله .... نورة وهي تتنهد : صدقت يا ابويه .... أما في ليوا .... طحنون : امايه انتي حاولي تقنعين هند صدقيني اللي قلته لج في مصلحتنا كلنا .... ام المر : بس يا ولديه هند للحين حب المر ما "نكف " من قلبها تباني أقولها تزوجي طحنون ؟؟ مستحيل اقول لها هالرمسة ..... طحنون : امايه الناس ترمس ويقولون ليش هند ساكنة عند أهل ريلها عقب وفاته وطحنون في البيت امايه انا لو ما هند عزيزة عنديه ما قلت هالرمسة انا ما احب حد يرمس على حرمة اخويه المر الله يرحمه .... ام المر : الله يرحمه .... في هاللحظة هند كانت حادرة من فوق وشاله " سالم " وعذابة تمشي احذالها ... وسمعت رمسة طحنون وعمتها : مستحيل يصير اللي تقوله يا طحنون كيف تباني اتزوجك والمر ؟؟ طحنون وهو ينزل راسه : .......................... ام المر : الغالية محد بيغصبج على شي ما تبينه هذا مجرد اقتراح ومحد يقدر يغصبج على طحنون ..... هند وهي تطالع عمتها : امايه ... المر صار له من توفى 7 شهور حتى ما كمل السنة كيف تبوني اتزوج طحنون كل هذا علشان رمسة الناس كيف هان عليكم المر بهالسهولة حرام عليكم .... طحنون : يا ام سالم انا ما قلت هالكلام إلا علشان مصلحتج ومصلحة هاليهال باجر بيكبرون ومحتاجين للي يوقف عدالهم وبالأخص " سالم " لأنه ولد ومحتاي لريال ا يربيه ... هند والعبرة خانقتنها : انته عمه والواجب إنك إنت اللي توقف وياه هب تتزوج أمه طحنون انا عادتنك مثل اخواني والمر بيتم زوجي ولا ببدل به بديل وانا ما اخترت اني اروح بوظبي عند أهلي لاني ابغي اعيالي يتربون عند أهلهم ويتسنعون من سنع عمهم وعماتهم وابوهم الله يرحمه دخيلكم لا تغصبوني على شي ما ابغيه .. واذا انتوا خايفين اني بتزوج من الحين اقولكم ريال غير المر ما ابغي ولا اني في يوم بفكر بالزواج ولا بفكر بعد .... ام المر ودمعتها على خدها : فديتج يا الغالية .... طحنون وهو متلوم من كلام هند : اسمحيلي يا ام سالم جان اني ضايقتج بشي واعتبري اللي قلته ما صار ولا بقوله والله يقدرني على تربية عيال المر الله يرحمه واني بحطهم في عيني قبل قلبي ... هند : الله يسلم لنا عينك وقلبك يا اخوي .... بعد مرور شهر .. فلاح من عقب وفاة المر كان دايما يحس بضيق وإنه الدنيا كارهتنه ما كان متخيل في يوم إنه " المر " بيروح من قدام عينه بلحظة لدرجة انه ييلس بروحه وسلامة كانت وايد تعاني بالأخص من عقب ما ربت ويابت " فطيم " .... فلاح وهو يحط اغراضه في الشنطة : سلامة انا اليوم مسافر .... سلامة : على وين حبيبي ...؟؟ فلاح : ابغي ارتاح واريح نفسي من الهموم اللي اعترتني علشان جذه اخترت اريح نفسي بقرب رب العالمين انا بروح العمرة غناتي .... سلامة : زين والله يا الغالي وهالشي اللي كنت دوم انصحك تسويه ....ويا منوه بتروح ....؟؟؟ فلاح : بسافر ويا شهاب وحمد وربعهم من العين .... سلامة : ربي يحفظك يا فلاح وكان الله في عونك فلاح : قلت بعتمر عني وعن المر الله يرحمه ... سلامة : الله يرحمه يا رب زين ما سويت با بوخالد ..... فلاح : من اليوم ورايح يا قلبي أباج تزقريني بــ " بو المر " هب خالد .... سلامة وهي تبتسم : ان شاء الله يا بو المر ... فلاح وهو يحضن سلامة : الله لا يحرمني منج يا قلبي .... سلامة : ولا يحرمني منك ..... تمر الايام سريعة وفلاح سافر السعودية واعتمر عنه وعن المر اربيعه الله يرحمه وهند قدرت إنها تتقرب من أهل المر أكثر عن قبل وبالاخص انه عم المر وابوها كانوا وايد يقنعونها بزواجها من طحنون لكنها قدرت تشل هالفكرة من راسهم وميثا وصقر بدوا حياة يديدة بالاخص انه صقر وميثا سافروا ألمانيا وهناك ميثا اتقربت من صقر وايد وهي حامل الحين في الشهر الخامس حياتهم وايد حلوووووة استوت ... وفلاح عقب العمرة سافر هو سلامة وبنتهم " فطيم " ألبمانيا عند قوم صقر اخوه وكانوا خماسي رهيب اما مايد كانت كل لحظة تمر عليه وهو بالسجن مثل الدهر كان وايد متندم على اللي صار .... في يوم من الايام مايد كان يالس ويقرى قرآن : بسم الله الرحمن الرحيم " يا أيها الذين آمنوا إنما الخمر والميسر والأنصاب والأزلام رجس من عمل الشيطان فاجتنبوه لعلكم تفلحون (90) إنما يريد الشيطان أن يوقع بينكم العداوة والبغضآء في الخمر والميسر ويصدكم عن ذكر الله وعن الصلاة فهل أنتم منتهون (91) وأطيعوا الله وأطيعوا الرسول واحذروا فإن توليتم فاعلموآ أنما على رسولنا البلاغ المبين (92) ليس الذين ءامنوا وعملوا الصالحات جناح فيما طعموآ إذا ما اتقوا وءامنوا وعملوا الصالحات جناح فيما طعموآ إذا ما اتقوا واءمنوا ثم اتقوا وأحسنوا والله يحب المحسنين (93) ..." صدق الله العظيم .... يسكت مايد فجأة وهو يفكر بالآية وتخر دمعته على خده " آآآآآآآآآآآه يا مايد الشيطان زين لك الحياة الدنيا فخسرت أهلك وقلبك وكل شي وبالأخير صفيت اروحك في زنزانة بين أربع جدران " ايدش عليه عبدالله اربيعه ويشوف مايد وبإيده المصحف ودمعته على خده : مايد اذكر الله هب زين اللي تسويه بعمرك ... مايد وهو يرفع راسه ويطالع عبدالله وعيونه متروسة دموع : خسرت كل شي يا عبدالله ليتني سمعت كلامك من زمان ضاع كل شي كل شي .... عبدالله : بس إنت أحسن من عبيد وحمد ؟؟؟ مايد وهو يمسح دمعته : كيف يعني أحسن ...؟؟ عبدالله : ادعيلهم أنه الله يخفف عليهم عذابه .... مايد وهو خايف ويطالع عبدالله : خوفتني شو صاير لعبيد وحمد ؟؟ عبدالله : عبيد توفى وحمد مسجون ...!! مايد وهو يوطي المصحف على" المرفع " : كيف شو اللي صار لهم ؟؟؟ عبدالله والعبرة خانقتنه : لقينا عبيد متوفي في شقته مع وحدة روسية بجرعة زايدة مخدرات وموته وايد فضيعة لانهم كانوا على فحشاء ... وحمد كان ساير يسوي فحوصات لصندوق الزواج لانه نوى يتزوج خلاص ظهر عنده " الإيدز " ... واحجزوه في المستشفى .... ماد وهو ويهه بإيده : مستحييييل ... هب قادر اتخيل حمد ؟؟ ... لا لا الإيدز وعبيد توفى آآآآآآآآآه وانا انسجنت محد فاز في النهاية غيرك يا عبدالله .. ماشالله عليك ادينت واتزوجت وعندك عيال الله يخليهم لك يا رب .. والله راضي عليك ... في كل شي ... عبدالله : مايد للحين الأمل قدامك وان شاء الله السنين بتمر وبتظهر من السجن و بتعيش حياة ثانية ... مايد : آآآآآآآآآآآآآآآه يا عبدالله العمر ضاع و6 سنين هب شويه ما ادري باجر اذا ظهرت من اهنه ألاقي ابويه حي وإلا ميت ألاقي امايه حية وإلا ميته اشياء وايد بتتغير يا عبدالله ... آآآآآآآآآآآآآآآآآآآآآآآه ............... عبدالله وهو يحط ايده على كتف مايد : حط إيمانك بالله قوي ..... مايد : والنعم بالله .... الجـــــــــــزء الأخيـــــــــــر : ________________________ " بديناها محبتنا جميلة ولازم تنتهي مثل البداية ... ما دام السعد لحظاته قليلة وكل ظروفنا عكس النوايا ... حبيبي أدري الفرقا عضيلة وهذا هو سبب رجفة عضايه ... على لساني ترى والله ثقيلة ولكن كل شي وله نهاية .... ألا يا من خذى قلبي بحيله وأنا في غفلة بين البرايا .... أنا لازلت أقول انتي الأصيلة وأفاخر كل ما عد الصبايا .... معك عشت الحياة المستحيلة بلا هم وكدر وبلا وشايا .... ولكن كم لي فارق خليله ولا له بالجفا غبة وغايـــة .... بديناها محبتنا جميلة ولازم تنتهي مثل البدايــة .... ما دام السعد لحظاته قليلة وكل ظروفنا عكس النوايا ..... " الفصل " ب " _________________________________________ في هاللحظة في المستشفى : وفي غرفة أم كايد بالتحديد : ام كايد مرتفع عندها الضغط من كثر الصياح على فراق مايد واعيالها كلهم حواليها .... مريم : عمتيه اذكري الله صار لج ثلاث أيام ما كلتي شي هب زين لج ... سلامة : امايه علشان خاطريه أكلي ... ام كايد وهي تصيح : خلوني أموت وارتاح مايد وراح من قدام عيني خلوني .... ميثا : امايه عوشه اذكري الله هب زين اللي تسوينه مايد ما عليه شر .... ام كايد وهي تصيح : آآآآآآآآه يا ميثا هذا ضنايه والظنى غالي يا ميثا وباجر بتعرفين هالشي ... حمدة : امايه لا تصيحين قطعتي قلبنا ... كايد : امايه مايد ما عليه شر السنين بتركض بسرعة وبتشوفينيه قدامج ... ام كايد : الله العالم اذا شفته وإلا لا ؟؟ حمدة وهي تصيح : امايه لا تقولين هالكلام .... ام كايد : آآآآآآآآآآه يا حرقة افوادي على ولديه عاش دومه وحيد والحين غريب بين المساجين ... مسجون وياهم مثل الغريب ... آآآآآآآآآآآآآآآآآآآآآآآه .................. ايتمون يهدونها بس هي وايد تمت تصيح لدرجة انها من كثر ما تصيح ارتفع الضغط عندها واحدروا الدكاترة عندها الغرفة وللأسف هالشي سبب لها جلطة لأنه الكر بعد ارتفع عندها الكل تموا ايصيحون وبالذات سلامة وميثا اللي حالتهم كانت وايد تقطع القلب .... حمدة وهي تصيح : فديتج يا امايه الله يعافيج يا رب ... ميثا وهي تلوي على سلامة : كله مني لو اني رضيت بمايد ما كان صار اللي صار .... سلامة وهي تصيح : كل شي قسمة ونصيب يا ميثا لا تلومين عمرج كلنا السبب في اللي صار هذا كله .... تمت ام كايد في غيبوبة لمدة عشرة ايام وكانوا كل يوم ايزورونها سلامة وحمدة ما فارقن أمهن دقيقة وحمدة كانت وايد تعبانة لأنها في أول شهور الحمل وخلفان ولدها كانت تخليه عند خوات شاهين ايمان والريم ... في مستشفى الكورنيش : صقر : يا رب .. يا رب .... عقاب : ايلس شو فيك خايلتنا ؟؟ شهاب : لا تلومه منوه قده صقر اليوم بيصير ابو ....!! صقر : فايقين انتوا ؟؟ انا احاتي ميثا كانت وايد تعبانه .. اتأخرت .. وايد ... بوصقر : لازم تتأخر الولادة لأنه البكر ... ام صقر : صقر يا ولدي اذكر الله .. صقر : لا إله إلا الله محمد رسول الله ....... شوي وتظهر الدكتورة من غرفة العمليات ومن شافوها راحوا صوبها ... صقر وبلهفة : طمنينا دكتورة شلحال على ميثا ؟؟ الدكتورة : انته جوزها ؟؟ صقر : هيه شو فيها ميثا ...؟؟؟ الدكتورة : مبرووووك جالك ولد زي القمر ... بوصقر : الله يبارك فيك ابويه .. دكتورة اقدر اشوف ميثا . الدكتورة : هي تحت تأثير البنج الحين استنى عليها شوي حالتها الحمدلله بخير والولد كمان صحته زي البومب ... شهاب : عنبوج اذكري الله ... الدكتورة : لا إله إلا الله انا ما احسدش حد ... من عقب ما صحت ميثا من البنج راحوا علشان يشوفونها ... ميثا : شفت ولدك يا صقر ؟؟ صقر : هيه فديتج شفته مبرووك .. يا الغالية مبروك يا ام زايد ... ميثا في هاللحظة اذكرت مايد يوم كان يقولها " انتي الوحيدة يا نور دنيايه بتكونين ام سلطان ومحد غيرج " خرت دمعتها : الله يبارك فيك ... صقر : رب ما شر حبيبتي ؟؟ ميثا وهي تمسح دمعتها : ماشي يا الغالي ذكرت امايه الله يرحمها ... الكل : الله يرحمها ........... يباركون لها ومن عقبها يخبرون اهلها وايوون ياركون لها من عقب ولادة ميثا واظهرت من المستشفى حالة ام كايد كانت تسوء كل مرة والكل كان خايف عليها .. في يوم من الايام .... بوكايد كان يالس ويقرى قرآن في استراحة الريايل في المستشفى ما وعى إلا كايد يمشي ياي صوبه ودمعته على خده : ابويه .. بوكايد وهو يطالع ولده : رب ما شر ؟؟ كايد وهو يصيح : الوالدة عطتك عمرها .... بوكايد وهو مصدوم : لا حول ولا قوة الا بالله العلي العظيم إنا لله وإنا إليه راجعون ..... كايد : قوم يا ابويه .... بوكايد وهو يمسح دمعته : الله يرحمج يا عوشه .... من عقب ما خلصوا اجراءات المستشفى ارجعوا البيت حمدة وسلامة كانن شالات البيت على راسهن من كثر ما يصيحن لدرجة انه مريم يلست تهدي فيهن بس ما قدرت .... سلامة وهي تصارخ : امااااااااااااااايه فديتج ليش خليتينا .... امااااااااااااااااايه .... حمدة وهي تصيح : آآآآآآآآآآآآآآآآآه يا امايه ..... رحتي وخليتينا .... اما ميثا اللي من سمعت الخبر راحت على طول لبيت خالها وخلت " زايد " ولدها عند عمتها ام صقر وطول الدرب كانت تصيح اليوم صدق حست باليتم افقدت امها الثانية وافقدت مايد للأبد وقبل كانت فاقدة امها فاطمة " آآآآآآآآآآآآآآآآآه يا ميثا صرتي اليوم وحيدة في هالدنيا امج وراحت وحبج راح خلااااااااااااص قلبج صار وحيد ...." صقر : ميثا ادعيلها بالرحمة لا تصيحين ... ميثا وهي تصيح : هذي امايه يا بوزايد هي اللي ربتني وعلمتني وكانت دوووووم ادافع عني آآآآآآآآآآه " أول ما وصلت ميثا بيت خالها ودشت الصالة شافت سلامة ومن شافت سلامة لوت عليها ووقفن في نص الصالة يتصايحن واتقربت منهن حمدة وتمت تصيح " مسكينة يا ام كايد ماتت حسرة على ولدها " ........... تمر الايام واطوف ايام العزاء ، محمد وسيف وكايد اتقربوا من مايد وايد وقاموا ايزورونه بس ما خبروه انه امه توفت علشان ما يضايق وكان كل ما نشدهم عن امه وابوه يقولون بخير .... تمر السنة الأولى على وفاة ام كايد ومايد كان يحسب الايام والدقايق والثواني والساعات كان ضاربنه احفوز على الطلعة مايد تغير وايد قام ما يفارق الصلاة ولا فرض ايطوفه وهالشي يعود لعبدالله اللي وقف وياه وعلمه كل شي لدرجة انه مايد في هالسنة اللي طافت عليه وهو مسجون ختم القرآن مرتين وجسمه كان يستجيب للعلاج لدرجة انه نفسيته بقرب رب العالمين صارت وايد أحسن من قبل لكنه ما قدر ينسى ميثا اللي طول عمره كان يحبها .... ميثا وصقر عاشوا حياتهم حلوة وبالذات إنه ميثا كرست حياتها " لــ زايد " ولدها وصقر وسلامة قدرت إنها تتقرب من فلاح اكثر وحسسته إنها نصفه الثاني وبالذات انه فقدان المر كان مأثر عليه وايد لكنه اتقرب من سلامة اكثر وفتح لها قلبه لأنه ما شاف حد وقف وياه غير سلامة ... أما هند عاشت عند أهل المر وعاشت تربي " سالم " ولدها و " عذابة " كانت وايد مستانسة لهالشي إنها قدرت تتقرب من أهل المر وصارت وحدة منهم وطحنون ما كان مقصر على اهله في شي على الرغم من صغر سنة لانه عمره 22 سنة الا انه شل مسوؤلية البيت على راسه .... وعقب ثلاث اسنين في ليلة عيد الفطر سنة 2003 م ..... وفي السجن : مايد يالس على السرير : ياه طافن عليه ثلاث اسنين وانا في هالمكان يا ترى بعدج يا ميثا ذاكرتي وإلا لا ... آآآآآآآآآآآآآآآه .......... ايدش عليه عبدالله وهو يبتسم : مايد اشحالك اليوم ... عيدك مبارك ؟؟ مايد وهو يتنهد : انا بخير .. شو يعني العيد .. طافن عليه اكثر من عيد وانا اقضيهم في هالمكان يعني هالعيد بيكون احسن من الاعياد اللي طافت .... عبدالله : هيه بيكون احسن ... مايد وهو مستغرب : كيف يعني بيكون احسن ....؟؟؟ عبدالله : الله يسلمك يا مايد يا إعفاء من الشيخ للمساجين واسمك موجود ويا المعفاي عنهم .... مايد وهو يفز من يلسته وقلبه يدق بقو : قول والله يا عبدالله ... عبدالله : والله وتوني قارئ اسمك وياهم وباجر من الصبح بتكون برع السجن .... مايد وهو يرفع ايده شكر لرب العالمين : الحمدلله رب العالمين الحمدلله ... عبدالله لا تخبر كايد ولا حد من أهلي اني بظهر ابغي اسوي لهم مفاجأة .... عبدالله : اصلا كايد في العمرة وما يعرف ... مايد وهو يبتسم : صح والله نسيت آآآآآآآآآآآآه واخيرا الحمدلله يعني باجر بكون بحضن الوالدة .... عبدالله وهو ينزل راسه وتخنقه العبرة " مسكين يا مايد ما تدري انه والدتك صار لها سنتين من توفت .." .... ان شالله .... هذيج الليلة مايد ما بات وكان ضاربنه احفوز " واخيرا بشوف امايه ... فديتها والله اشتقت لها ... واخيرا بشوفج يا ميثا اشتقت لج وايد ولابتسامتج الحلووووووووة " ......... في بيت بوصقر : صقر : ميثاني جهزتي اثيابي ... حق الصبح .... ميثا وهي تيود ظهرها : هيه فديتك .... صقر : فديت عمرج يا الغالية .... يروح صقر علشان يسبح وميثا يلست على الكنبة واسرحت " الله يرحمج يا امايه عوشه يا ترى كيف هي دنياك يا مايد 3 اسنين ولا اعرف كيف هي دنياك آآآآآآآآآآآه يا مايد ليت الزمن يرجع علشان كل واحد منا يعيد حساباته ..." اليوم الثاني ... أول يوم من أيام عيد الفطر المبارك .... ومن عقب صلاة العيد الكل كانوا مرتبشين لانه اليوم هو اول يوم لعيد الفطر والكل كانوا فرحانين ميثا وسلامة من عقب ما عيدوا في بيت بوصقر شلوا اعيالهم وراحوا لبيت بوكايد علشان يسلمون على بوكايد ... وكلهم كانوا متيمعين اهناك ويلسوا مع بعض مايد ومن عقب ما ظهر من السجن راح ويا عبدالله الحلاق وتحلق وغير ملابسه وعلى الساعة 8 ونص كان في بيتهم ... أول ما دش الميلس الكل وقف وتموا يطالعونه ... بوكايد وهو اينش من مكانه ...: مايد ؟؟ يتقرب مايد من ابوه ويحبه على ايده : هيه نعم يا ابويه ... مايد ... امبارك انعيدك يا ابويه .... بوكايد وهو يصيح : وإنت من العايدين يا ولدي كيف ظهرت من السجن ...؟؟ مايد وهو يبتسم : ياني إهفاء من الشيوخ يا ابويه ... بوكايد : الحمدلله الحمد لله ..... يسلم مايد على بوشاهين وعلى شاهين وخالد وعلى اخوانه سيف ومحمد وييلس وياهم ... بوكايد : الحمدلله على سلامتك يا ولدي ... مايد : الله يسلمك من كل شر يا ابويه ... بوشاهين : الحمدلله انه الله عطانا عمر وشفناك يا مايد ... مايد : الله يطول لنا بعمرك يا عمي ... عيل بروح اشوف امايه واعايد عليها وخلاف برد لكم ... ومن قال مايد هالكلام الكل سكت ... حس انه امه فيها شي : بلاكم سكتوا امايه فيها شي .. الكل التزموا بالصمت ... مايد / ابويه امايه مريضة فيها شي ....؟؟؟ بوكايد وهو ينزل راسه : مايد .... مايد : لا لا اكيد فيها شي انا بروح اشوفها .... يظهر مايد من الميلس ويروح صوب الفلة ومن دش الصالة ما شاف حد تم يزاقر ... : امايه ... امايه انت وين ... شوي والا يشوف ياهل حادر من فوق : منوه انته ؟؟؟ مايد وهو يبتسم : انته اللي منوه ؟؟ هيه اكيد انته خلفان ...؟ صح ؟؟ يتقرب منه ويشله : فديتك خلفان ماشالله كبرت ...؟؟ الياهل وهو يضحك : هههه انا هب خلفان ....!! مايد وهو يبتسم : عيل انته منوه هيه اكيد " المر " امك وينها وين ماما سلامة وينها ؟؟ الياهل وهو يضحك : هههههههه لا لا انا هب " المل " " المل " اهناك يلعب فوق .. انا " ذايد " .... مايد وهو مستغرب ويطالعه : زايد .. غريبة ما احيد محمد خبرني انه حمدة يابت ولد غير خلفان واحيد عندها بنتين وسلامة عندها " فطيم " منوه زايد ؟؟ زايد : انا ذايد بن ثقر بن خالد امايه ميثا بنت خلفان ... ومن قال زايد هالكلام ميثا كانت حادرة من فوق ومن شافت مايد شال ولدها انصدمت ما كانت تتوقع انها تشوف مايد قدامها تم قلبها يدق بقو ... : مايد معقووووولة ؟؟ مايد وهو يوطي زايد : ميثا ؟؟ زايد وهو يركض عند امه : ماما منوه هذا ؟؟ ميثا والدمعه في وسط عينها والعبرة خانقتنها : هذا خالي مايد يا زايد ... مايد وهو مصدوم : امبارك انعيدج يا ميثا ...؟؟ ميثا والعبرة خانقتنها : الله يبارك فيك ... معقولة مايد انته اهنه غريبة ؟؟ مايد والدمعة في وسط عينه : ادري ما كنتوا متوقعين اني اكون اهنه اليوم ياني إعفاء من الشيوخ يا الغالية مبروك على زايد ولو انها متأخرة ... تصدقين ما شالله عليه وايد يشبهج ... يطالعها وكانت ميثا حامل وحاطه ايدها ورى ظهرها " ياه صدق الدنيا صغيرة ..." في هاللحظة تحدر سلامة : ميثا ...... ومن شافت مايد قدامها انصدمت وصخت واتقربت ولوت عليه : ميووووووووووووود الحمدلله على السلامة يا اخوي .... مايد : الله يسلمج يا نظر عيني .... سلامة : فديت روحك يا اخويه ... مايد وهو يطالع ميثا : ميثا انتي في أي شهر الحين ..؟؟ ميثا : في الخامس ...!! مايد : مبروووووك ... سلااااااااااااااااامي وين " فطيم والمر اعيالج ؟؟ " ... سلامة : بروح اييبهم لك بخبر حمدة بعد ... مايد : قبل لا اتيبينهم سلامة امايه وينها ؟؟ في هالحزة ميثا خرت دمعتها وسلامة نفس الشي ومايد حس انه فيه شي صاير ... مايد وهو مستغرب : بلاها امايه ... ؟؟ فيها شي ؟؟ سلامة وهي تصيح : امايه عطتك عمرها من سنتين يا مايد ..... مايد وهو مصدوم : مستحيل لا لا امايه فديتها وانا اللي كنت انتظر اليوم اللي أظهر فيه واشوفها لا لا امايه الله يرحمج يا ام كايد ... ميثا وهي تتقرب من مايد : مايد لا تصيح وادعيلها بالرحمة .... مايد وهو يصيح : كيف ما تبيني اصيح يا ميثا هذي امايه اللي ربتني ماتت وهي زعلانة مني انا أذيتها وايد آآآآآآآآآآآآآآآآآآآآآآه ......................... سلامة : لا تسوي بعمرك جذه يا مايد امايه ماتت وهي راضية عنك ماتت وهي هب شاله شي في خاطرها عليك ..... لا تسوي بعمرك جذه ... ميثا : اذكر الله يا مايد ... مايد وهو يصيح : انا خسرت كل شي .. خسرت دنيايه ومستقبلي وخسرتج يا ميثا والحين خسرت امايه اللي كنت دوم أعد الليالي والايام والساعات والدقايق علشان اظهرمن السجن وارتمي في حضنها واقولها سامحيني يا الغالية ... اشوفها الحين تحت التراب آآآآآآآآآآآآآآآه يا ميثا الزمن عذبني وايد والايام عذبتني .... ميثا وهي تصيح : كلنا السبب في عذابك يا مايد ..... مايد وهو يصيح : لا يا ام زايد انا اللي سببت لكم كل المآسي .. انا سبب نفسي بنفسي انا اللي وصلت نفسي لهالشي .... .... انا رايح .... عسى ربي يسمح لي دروبي ويغفر خطاياي .... من عقبها يظهر مايد بهدوء من الصالة ولا اهتم بميثا وسلامة اللي كانوا يزاقرونه ظهر من البيت وتم يتمشى في الحارة ويدمعته على خده والعبرة خانقتنه كل اهموم الدنيا على راسه ما توقع في اول يوم يظهر فيه من السجن يصير كل هذا وهو اللي كان متفائل دووووم بظهرته من السجن وانه بشوف امه اللي حضنته دوم بين اضلوعها وربته كل هالسنين تستقبله بالاحضان وتضمه لصدرها وتخفف عنه هموم العالم هذا كله وتنسيه سنين الضيم اللي عاشها في السجن ... اليوم بس حس انه وحيد في هالعالم وانه وجوده مثل عدمه تمنى لو انه كان ميت قبل لا يشوف الدنيا كيف صارت في الثلاث اسنين اللي مرت عليه .. وهو محبوس شاف كل شي من حواليه تغير يتم يمشي وهو ضايج هب عارف وين يروح لا أرض اقبلت فيه ولا حب ولا سما حتى امه اللي عاش سنينه ينتظر ظهرته من السجن علشان بس يشوف ابتسامه ثغرها الحلوة ويسمع دعوتها اللي دووووووووم كانت تدعيها له " انه الله يوفقه في كل شي " ..... مايد وهو يرمس عمره ودمعته على خده " آآآآآآآآآآآآآآآآه يا ام كايد ... ولدج وحيد بدونج وهب عارف وين يروح .... " في هاللحظة مايد كان يتمشى في الشارع وهب عارف وين يروح وكانت دمعته على خده ايتم ايشل : خلقنـــي ربي بدنيا أنا فيها شخص ملعون فقدت الغالي والأغلى وأعيش اليوم حرماني شفتج فالحلم يمه مسا البارح وأنا مسجــون تقوليلي هلا والله يا ريحة دار خــــلانــــــي بكيتج اليوم أنا يمه وقبلج فالقبر مدفــــــون أعاهد تربتج والله أصير اليوم شخص ثــاني تألمتي وأنا سارح وكل منشد علي يخفـــــون رحلتي اليوم يا يمه وبقت لي اليوم احــــزاني رحمـــج الله يا أغلى جوهر بالحسن مكنون عسى ربي يسامحني على لعبي فالأزمــــاني وحب ميثا أنا منساه واعيشه بقصة المجنون ونذرت بدنيتي وربي اعيش العمر وحدانـــي ...".............................................. .... النهايــــــــــــة بقلم غنـــــــــ البــحــار ــــــــــوة أشعار : الوسنــــــــــــــــــــــــــى خلاااااااااااااااااصة القصة والدروس المستفادة والقيم اللي احتوت عليها هذه القصة : في البداية الخلاصة : .................................................. ....... • شهاب تخرج من الجامعة واشتغل في أدنوك محاسب وخطب عذبة بنت عمه حمدان وزواجهم عقب 3 اشهور .... • حمد اتزوج العنود بنت عمه وسافروا قبرص شهر العسل .... • هند كرست حياتها في تربية ولدها " سالم " و " عذابة " بنتها إللي كانت وايد تحبهم وأهل زوجها ما قصروا وياها وطحنون كان وايد متحمل منهم وما كان يخلي اعيال اخوه المر الله يرحمه محتاجين شي .... • فلاح وسلامة حياتهم كانت وايد حلوة لدرجة إنه فلاح ما كان يشوف حد في دنياه غير سلامة .. و " فطيم والمر " اعياله ........ • صقر وميثا زاد حبهم لبعض من عقب ما ميثا ربت ويابت توأم بنتين سمتهم " فاطمة وعوشه " كانت حياتهم وايد حلوة لكن ميثا على الرغم من حب صقر لها وحبها لــ صقر إلا إنها ما قدرت تنسى مايد اللي ذكراه تمت عايشه داخلها .... • نورة اتزوجت من سعيد واحد من أهالي غياثي من أهلهم من بعيد وكان عنده ولدين " راشد وسيف " أمهم متوفية وربتهم وكانت لهم نعم الأم وعقب سنة من زواجها بــ سعيد احملت عقب ما يأست من سالفة الحمال ويابت ولد سمته " زايد " على ابونا زايد الله يرحمه ويغمد روحه الجنة ... وعاشت وياه في خير ونعمة ... • سلطان ولده " محمد " تم طول عمره عايش على تغير صمامات القلب والله رزقه ببنت سماها " نورة " وولد سماه " حمدان " وعاش حياته كلها متنقل بين الامارات وألمانيا لعلاج " محمد " ولده ........ • الريم عقب ما خلصت ثانوية اتزوجت من حمدان ولد عمها سيف وراحت عاشت في العين وكملت تعليمها في جامعة الامارات ...... • بطي ولطيفة استوى عندهم " حامد وعوشه وعمير " حياتهم كانت وايد حلوة ولطيفة عقب ما يابت عوشه قررت انها تكمل تعليمها وسنة 2004 م شهر 6 اتخرجت من الجامعة بتقدير جيد جدا .... • اما حمدة وشاهين كانت حياتهم مستقرة وايد واتخرجوا من الجامعة وشاهين اشتغل مهندس في أدنوك وصار عنده " خلفان وعوشه وفاطمة وابراهيم " ... • كايد ومريم حياتهم بعد كانت مستقرة وايد والله رزقهم ببنتين وحدة سموها " عوشة والثانية موزة " .. مريم اترقت وصارت وكيلة مدرسة وكايد بعد اترقى في دوامه .... • أما بطل قصتنا مايد ..... عاش على ذكرى ميثا ... وتدين اتقرب من عبدالله اربيعه وايد وراح العمرة مرتين والحج مرة وحدة اشتغل في وزارة العدل في بوظبي إلتزم مايد وايد وكان ما يفارق المسيد ولا يطوف فرض في يومه وعبدالله عرض عليه يتزوج بس مايد في البداية كان رافض فكرة الزواج ولكن في الاخير اتزوج من " سمية " اخت عبدالله اربيعه وهي مدرسة تربية اسلامية والله رزقه منها ببنت سماها " عوشه " على امه ... والحين حرمته حامل .... وعاش حياة مستقرة لكن رغم كل اللي صار مايد ما قدر ينسى ميثا وميثا بعد ما قدرت تنسى مايد .... لكن في النهاية ما نقدر نقول الا كل اللي صار ما هو الا " بخت ومقسوم " الدروس المستفادة : ................................. اما بخصوص الدروس المستفادة من هذي القصة اتركها لكم واترك لكم حرية الكتابة وابغي اعرف من كل قارئ لقصة غنوة البحار " البخت والمقسوم شو استفاد منها ؟؟؟ وهذي حرية شخصية للجميع ........................... القيـــــــــــــم : .......................................... اما بخصوص القيم فنلاحظ فيه هذه القصة اكثر من قيمة انسانية ذكرت * الحب ليس كل شي في الحياة ......... وانما راحة البال هي كل شي * التضحية هي أصل العطاء للانسان فالانسان لابد ان يضحي كي يكسب في النهاية ... * إن غياب الوازع الديني والبعد عن الصلاة تجعل للشيطان طريقا الى قلب الانسان ويجبره على فعل المحرمات والعياذ بالله .... * المتعة ليست كل شي لذلك لابد من شباب هذا اليوم أن يثقف نفسه بقرائه الكتب الهادفة والابتعاد عن الشهوات ونزوات الشيطان ... * لابد ان يعرف المرء ان كل شي في هذه الدنيا قدر ومكتوب فلا يتعالى على قدرة رب العالمين ..... * لابد لشبابنا اليوم ان يحذروا طرق المعاكسات كي لا يقعون في اخطاء و شكوك لا لها أول ولا آخر فكما يقال " كما تدين تدان " فاحذر الحذر ......... وفي النهاية اترك لكم ايضا حرية كتابة القيم المستفادة من القصة لجميع القراء \\ خويتكم غنوة البحار قصة البخت والمقسوم ...33
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
