في مكـان اخــر..
كــان جالــس ونيران الشوق تحرقه حــرق..اشتاق لها كلمه لو قلتها ماتوصف لو قطره من بحر شعوره..
مايقدر يوصل لها..يحبها ويموت فيها ويبغاها له اليوم قبل بكـره..لكن حوااااجز كثيره تمنعه انه يوصل لها..كل ماصرخ في الليل باسمـها دمعته تنـزل..وكل مالمح حرف من حروف اسمهـا..قلبه يتـألم..يتمنـى اللحظه اللي يكونوا فيها مع بعـض..بسسسسسس....
......:ماااااجد ايش بك ياواد ليه مسررح؟؟
ماجد وهوا يفوق من سرحانه يقول بدون نفس:مافيا شي
نواف:المهم تقولك الوالده روح لـ روان مايصير صارلك اسبوعين مارحت لها
تنهيــده كبيـره طلعت من صدر ماجد وهوا يسمع اسم رواان..آآه ياروان ياقدري اللي ماقدرت اتخطاه..مالك ذنب ولا ليا ذنب والله يعينني على الجاي..
ماجد وهوا يوقف:خلاص طيب حاروح لها بعـد المغـرب..
نواف بإستغراب من حاله:براحتك
وطلع ماجد من البيت وهوا حزييييين...وصل لدرجة فظيعه من اليأس من بعد اخر مره شاف فيها رهف وراحت وخصرته..كيف يقولها قدر هالزمن معاه..وكيف يوصف لها الشوق للحبيب الاول والاخير...واللي مخليـه واقف ومايسوي شي...اصعب شعور..لمن يكون حبيبك موجود قدامك ومنتظرك تجيه وتكملوا الطريق مع بعض..بس في شي يمنعك توصله..حاجز كبيـر زجاجي شفاف بس قووي ومايلاحظه حبيبك ولايشوفه لكنـه في الواقع موجود..ويمكن لو حاولت تجتازه تطيح وتفشـل فشل اكبر من اللي انت فيه..لانك وقتها ممكن تخسر حب حبيبك..واملـه وثقتـه فيك..وتخسر نفسك وروحك ببعـدك عنه وبفشـلك الذريـع بمحاولة اجتياز هالحاجز..
وصـل ماجد للبحر وعلى الكورنيش بالتحديد وقف سياارته بطريقه عصبيـه..تركت اثر للكفرات على الارض..نزل من السياره وجلس على طرف السياره من قدام..يراقب غروب الشمس بكل حزن وتفكير..وفجئــه خطرت في بالـه فكـره..يتصــل عليها ولو لمره وحده يسمع صوتها ولو للحظه..يمكن ترد عليه..يمكن تعطف عليه وتحــن...طلع جواله من جيبه بتردد..وقال في نفسه..بس انا اخذت عهد على نفسي اني ما اكلمها ولا اتقرب منها عشان اخوها....ياررررربيه ايش هالحيره..اتصل ولالا...؟؟..وفجئه...
ماجد:لالالا بتصل مالي دخل انا بموت لو ماسمعت صوتها اليوم..وحده كلمه على الاقل ومن بعدها خليها تسوي فيا اللي تباه..تقفل السماعه تسبني تسوي اللي تسوي..
دور على الرقم اللي سجله في جواله بإسم ليلة البحـر...<<<لو تفتكرو ديك المره لمن كان ماجد مع اصحابه واتصل عليه شخص مايتكلم...سجل الرقم بدا الاسم..
اتصل ماجد على الرقم وجسمه كله يرتجف يارب ترد يارب ترد....وبعد فتره..
الو............................................... .................................................. .................................................. .................................................. ......
تتوقعوا هالالو كانت من ميـن..
ماجد بإستغراب:الووو
........:نعـم؟؟
ماجد بصدمه:مين معايا؟؟
......:...............
ماجد...وقف قلبــه وقال في نفسه الصـوت...وقاطع تفكيره..
.......:انا روان
ماجد.................................انصدم ماجد ووقف من الصدمه..
ماجد:رواااااااااااااااااااااان؟!!!!!!!!!!!
روان بصوت واطي:ايه انا
ماجد......فتح عيونه على وسعهن..يعني كل الكلام اللي قاله داك اليـوم...رواااان سمعتـه..كانت روان مو رهف...زي ماهوا اتوقع..خاااانه قلبه ودق للمتصل..وماكاان اللي دق له رهــف..آآآآآخخخخخخ..بس آآخ...من جد الدنيااا توريك اللي ماعمرك اتوقعت في يوم انك تشوفه..جلس ليااااالي طواااااال وهوا يحلم في هالرقم وصاحبته...طول الوقت وهوا يعتقد انه رهـف صاحبة هالرقـــم...وفي الاخيــر تطلع روااااااااااان..
روان:ماجد ماجد
ماجد وهوا لساته مافاق من الصدمه:كيف انتي ياروااان كيف دا رقمك فهميني؟؟؟
روان:.........تعال لي اليوم البيت وبنتفاهم
ماجد وهوا يتحرك من مكانه:اكيييييييد انا دحين جيك...وقفل بدون ماينتظر منها رد...وشخط بالسياره على طريق بيـت روان.....وبعد ماوصل بسرعه جنونيه...نزل من السياره وساب المفاتيح فيها..يبغا يوصل لروان بسرعه مستحيل تكون هيا صاحبة هالرقم...ورهف ورهففف...معقوله يعني ماكااانت رهف..لالالا كيف كدااا..وصل عند الاصنصير ووقف..افتكر شـي..سـامي و هــلا بيزعلوا لو راح لهم بدون مايشتري لهم الحلاوه اللي وعدهم فيها..بس قال في نفسه..دحين مو وقته خليني اطلع اشوف ايش الحكايه رهف اهم...بس صوت صرخ في باله..لا سامي وهلا بيزعلووا وحرام يكسر بخاطرهم...رخا راسه ورجع لورا بخطوات بطيئه..رجع لسيارته وركبها..كان بيسوق السياره بهدوء على عكس ماكان سايقها قبل شويه وكان بيفكر بالموضوع بشكل اهدأ...اذا كانت روان اللي سمعتني فمعناته عرفت انه في حياتي وحده غيرها...واذا هالرقم طلع مو رقم رهف..معناته رهف ماحاولت تكلمني ولامررره...والامل الوحيد اللي كنت بانيه على الاتصال اللي كنت مفكر انه منهااا..انقتــل..وصل للسوبر ماركت..ونزل اشترى الحلويااات..وطلع وركب السياره وسمع جواله يدق طلعه وشاف الرقم واكتئب اكثــر كان الرقم ليلة البحـر..رد بحزن..
ماجد بصوت رجولي قوي:الووو
روان بصوت باين عليه الخوف:ماجد فينك؟
ماجد بإستغراب:هنا في السوبرماركت خير في شي؟؟ا
روان:لابس قلي سامي انه شافك من الطاقه وقفت السياره ونزلت منها بسرعه بعدين رجعت رحت مره تانيه صار شي؟؟
ماجد وهوا يحاول يخلي نبرته عاديه:لا ماصار شي بس افتكرت اني وعدت سامي وهلا اجيب لهم حلاوه وماجبتها معايا فرحت السوبرماركت
روان:طيب الحمدلله اهم شي انك بخير
ماجد:اوكي تبي شي من السوبرماركت ناقصكم شي؟
روان:لاسلامتك
ماجد:اوكي مع السلامه
روان:في امان الله
قفل ماجد وبعد مده قصيره وصل للبيت..نزل من السياره وطلع عتبات البيت وهوا يتأمل في ملامح هالبيت اللي قدامه..البيت عباره عن فيلاً من دورين..ديكورها من بره مصمم بطريقـه حلوه وملفتـه للانظار..مبني من حجر المرمر وباين كأنه من بيوت الطراز القديمه...اتنهـد ماجد قد ماحاول انه مايجي هالبيت ويمنع نفسه انه يتواجد فيـه تحكمه الظرووف ويرجع له تاني...وقف قدام الباب ودق الجرس وماسرع ماشافهـا قدامـه بطلتها الحلوه وابتسامتها الناعمـه..
روان:هلا والله
ماجد وهوا يدخل:هلا فيكي
سامي وهوا يجري لجهة ماجد:مااااجد ماااجد
ماجد وهوا يشيل سامي ويبوسه:هلا حبيبي
سامي:ماجد جبت لي الحلاااوه اللي قلت لك عليهااا
ماجد وهوا يوريه الكيس اللي في يده:ايوه حتى شوف
سامي بفرح: هيييييييي هييييييييي حلاااوه..ومن المكان اللي جا منه سامي طلعت بنت صغنونه باين عليها انها ما اتجاوزت السنه ونص من عمرها..
ماجد وهوا ينزل سامي ويفتح يده للزائره الجديده:هلاااااااااااا بحبيبة قلبي هلاا هلوله
هلا وهيا تجري لجهة ماجد:مااااااااازد
اخدها ماجد في حضنه وباسها واعطاها الحلاوه اللي اشترى لها هيا..
هلا:ثكراً
ماجد:العفو ياقلبي
روان:سامي خد الحلاوه وخد اختك وروح غرفتك
سامي بإعتراض:لالا انا ابغا اقعد مع ماااجد
روان بحزم:سامي
سامي وهوا يرخي راسه بحزن:تيب
نزل ماجد هلا على الارض وهوا مستغرب..من تصرف رواااان.. واخدها سامي ومسكها من يدها وراحوا لجوة البيت..
روان بصوت هادئ:اتفضل ايش بك واقف عند الباب؟؟
ماجد وهوا يدخل لجوة البيت:زاد فضلك
دخل ماجد مع روان غرفة الجلسه وقعد وهوا ينتظر ردة فعـل روان واللي بتسويه..
هوا اول ماسمع صوتها كان مقرر يقول كلام كتير وفي باله تساؤلات كتير..لكن بعد مافكر بالموضوع بشكل هادئ.. قرر انه بيجلس ساكت ولا بيسوي شي..خلاص هوا اعتزل هالدنيا واعتزل التصرف فيها..اتعود على الدنيا انها هيا اللي تفاجئه وهوا اللي عليه يستقبل مفاجئاتها وبس...حتى في ابسط المواقف صار جامد ومايتحرك..وفي هالمره بالذات وقدام وحده زي روان..بيتحمل هالصمت وللابـد..لانها انسانه تستحق الصمت تقديراً لها..ولانه في الاساس مايعرف ايش يقول الموقف صعـب...
جلست روان وهيا ترجـع خصلـه من شعرها ورى اذنها..جلست بهدوء..وهيا مبتسمه ابتسامتها الطيبه الحنونه اللي تبعث في نفس اي انسان الراحه والامان..
ارتاح ماجد جزئياً لمن شاف ابتسامتها لكن ظل مصاحب للصمت..بدأت هيا..
روان:اول شي انا اسفه اني ماقلت لك لكن ماجات فرصه مناسبـه
ماجد:.......
روان:انا طلعت هالرقم من فـتره بعيـده او بالاصح من قبل يومين من الاتصال اللي جاك....انا كنت سايبه الجوال عى الطاوله وجات هلا واخدت الجوال وقعدت تخربط فيه واتصلت على رقمك بالغلط..وانا لمن جيت واخدته منها انصدمت انها متصله عليك من فتره فرفعت السماعه اشوف ايش اللي بيصير وسمعتك تقول اللي تقوله ووووووو...على طول قفلت الخط
ماجد......قعد يفكر في نفسه ايش اخر جمله قالها قبل ماينقفل الخط وافتكــر.انه قال احبــك..آآآخ ماجات ترفع السماعه اللي على دي الجمله.....وقعد ساكت وراخي راسه..
روان بصوت هادئ:مين هيا؟
ماجد رفع راسه بصدمه:مين؟
روان:اللي قااالبه كيانك بدا الشكـل؟؟
ماجد وهوا يتصنع الاستغراب:قالبه كياني كيف يعني؟؟
روان وهيا تغمز له:عليااااا يعني تبا تفهمني انه مافي هالوحده
ماجد حاول انه يبتسم عشان يثبت لها انه مو خايف ولا مرتبك لكن ماقدر..انسانه زي روان حرام تنجرح وكلامها دحين وطريقة كلامها العاديه تدل على حزنها اللي تحاول تخفيـه..
روان بعد فترة صمت استنت فيها ماجد يتكلم:..........صار لك فتره طويله منت على بعضك اشوفك دايماً حزين ومكتئب خيررر ايش المشكله؟؟
ماجد:مافيا شي والله بس الدراسه والشغل هاد حيلي
روان:متأكد؟؟
ماجد:ايووه
روان:طيب ماتبا تقولي مين هيا؟؟ يلا قولي بسرعه ولا بزعل منك؟؟
ماجد بحيره:ايش اقلك؟؟
روان:ميين البنت اللي تحبهاااا؟؟
ماجد انصـدم منها بالفعل قووويه كيف تقدر تقول له هالكلام..
ماجد:روااان انتي من جدك تتكلمي؟؟
روان بمرح:ايوه طبعاً ليه؟
ماجد وهوا مازال على صدمته من صمودها وكلامها:الكل ممكن يقول اللي تقوليه الا انتي ياروان الا انتي
روان:وليـه يعنـي؟
ماجد اندهش منها..تستهبل عليه..ولاهيا هبلـه من جد..
روان بعد فتره بسيطه من الصمت:.........لاتقولي عشان انا انا..ورخت راسها..خطيبتـك...!!!!
ماجد بسرعه:شي اكيـد
روان:بس هادا ماينفي انه ممكن يكون في حياتك وحده غيري ويمكن هيا موجوده من قبل وجودي
ماجد:ايش تقصدي ولإيش تبي توصلي؟؟
روان:هلـ احبـك اللي سمعتها كانت موجهه لوحده انتا كنت تعتقد انها المتصله ودا شي انتا أكدت لي هوا اليوم.. فإذا كان في حياتك حـب ابغا اعرف ليـه خطبتنـي؟؟وبتعذبنـي وتعـذب نفسـك؟؟ليــــه؟؟؟
ماجد....سكت و ماعرف ايش يقولها روان فاهمه كل شي وعارفته من زمااان وما اتكلمت كيف قدرت تتحمله كل الفتره اللي راحت وهيا عارفه انه في حياتي وحده غيرها..بس ايش يقولها يقولها انتي شي فرضه الزمن عليـا...واني لو ماخطبتك كان امي غضبت عليااا واتبرت منـي..لأنه ابوكي متوفي وصرتي يتيمه وانتي بنت اختها وخايفه عليكي من الحياه وتبغا تضمنك لواحد هيا متأكده منه وواثقه من اخلاقه فما لقت احد الا انااا...ولدهااااا اللي حكمت عليه بالتعاسه ببعده وشقاه عن رهف وقالت انه الاحق ببنت خالته اليتيمه..آآآآآآه روان صدقيني ما اقدر اجرح مشاعرك..ارجوكي اعفيني من الكلاااام..
رواااان واللي كأنها سمعت وفهمت اللي بيدور في باله:لاتقولي لي انجبرت عليـا؟؟؟؟؟
ماجد رفع راسه عليها..يبي ينفي يبا يقول اي شيء بس ما اسعفه لساااانه...خاف يكذب وتكشفه وخاف يقول الحقيقه ويجرحهااااا..لكن روان اتأكدت من اللي قالته وفهمته..من نظراته الخايفه والمرتبـكه.؟
روان وهيا توقف بصدمه:معقوووله كل هالفتره وانتا مجبور عليا وانــا مدري وفوووق كل دا قلبك ينشـد لوحده غيـري
ماجد وقف معاها وهوا يحاول يبرر:لا ياروان لاتفهميني غلط الله يخليكي
روان........سكتت وماقالت شي..هيا كانت حاسه من يوم ماخطبها ماجد انه فيه شي..ماهو زي ماعرفت عنه الولد المرح الطيوب الاجتماعي..كان دايماً ساكت ومايتكلم وحزين بعض الشيء..هيا فسرت في نفسها حاله هادا على انه صار له من بعد الحادث..وانه لازال يعاني من تأثيره..بس طلع الموضوع غير كدا..
ماجد بصوت هادئ وقوي:روااان صدقيني انك غاليـه وعزيزه وقبل ماتكوني خطيبتي كنتي اختي قبل كدااا..بس..((يرخي راسه))..القلوب مفاتيحها مو بيدنا...ولو في يوم انكتب لي اني اغير المكتوب وامحي ماضيا كان محيته..لكن ربنا كتب وقرر وعلينا نرضا بالقدر والمقسووم لنا من هالحياه..
روان:ايش اللي تقصده؟وايش هوا ماضيـك؟؟؟
ماجد وهوا يحاول يلاقي اي شي يقولها هوا الا انه انجبر عليها لانها يتيمه لانه هالجمله بتكون اقسى من كل جروح الدنيا على قلبها الرقيق:بقـولك كل شي بس انتي اجلسي وأهـدأي..
روان وهيا تجلس بهدوء:انا هاديه قولي اللي عندك
ماجد وهوا يجلس:طيب اسمعيني في يوم من االايام قبل ثلاث سنين تقريباً...وحكاها حكايته مع رهف من يوم ماشافها في بيـت خالد في المجلس..ومن المسجات اللي كانت بينهـم..ومن حادثه..وسفره..وبعد كدا محاولته انه يلاقيها ويوصل لها..ويوم ما اتعرف على مازن وشافها في السياره واللي صار لها..والمستشفى والكلام اللي دار بينهم..وبعد كدا لقائاتهم المتعدده في اكثر من مناسبـه..واخرها صدها وجفاها لـه....قال لها كل شي وبالتفصيل ماخبا عنها حاجه..حاول يحنن قلبها عليه..من خلال الالام والاحزان اللي لقاها في حياته..وبعـد كـل البعـد عن موضوعها هيا وعن ضغط امه وجبرها على زواجه منهااا..
ماجد بعد ماخلص:ودااا كل اللي صار معايا كنت اعتقد انه رقمهاااا لكن....انتي ادرى باللي صار
روان...........................................سكت ت وقعدت تتأمل وجه ماجد الضعيف..مسكيـن باين عليـه مدى الالآم اللي لقاها في حياته..عرفت انه الدنيا قست على غيرها كتير ومو بس هيا اللي بتتألم...
ابتســـــــــــــــمت..وكسرت كل توقعات واحتمالات ماجد..
ماجد انصدم من ابتسامتها..اتوقعها تثور وتعصب عليه..معقوووله بعد كل اللي عرفته تبتســـم...
روان وهيا توقف: تصدق نسيت اضيفك ايش تحب تشرب؟؟
ماجد بصدمه:نعـم؟؟
روان بطريقه مضحكه:ايش نعــم ماعندنا عصير اسمه نعـم
ماجد جاوب على سؤالها وتجاهل مزحها اللي فسره في باله على انه ابداً مو في وقته:الموجود وحبذا لو كانت كاسة مويه لإني عطشان
روان:اوووكي
راحت روان وجلس ماجد مستغرب منها هالبنت..من جد انسانه غريبه مستحيل تتكهن بردود افعالها او تتوقعها...
فـي مكـان تـاني وفي زمـن تـاني وفي عـالم تانــي...
السـاعه 10.00 الصبح كـانوا قـاعدين يمشووا بشـارع Orchard Road اشهـر الشوارع بمدينة سنغافوره..وهما مبسوطيـن..
.....:خلاص يلاااا خلينا نرجع الفندق
منى:لاااا مزوووني بش شويه بلييييز..تعال شوف هناك في محل شكله فيه اشياء حلووه
مازن وهوا يرفع يدينه المحملـه بالاكيااس الكتيره:مااايكفي كل دي الاشياء الحلوووه
منى وهيا تجره من يده:لاءءء تعاااااااااال
اتحرك معاها مازن وهوا يضحك..اكتشف في منى شي في هالكم يوم..طلعت اكبـر مسرفه في الدنيا ماتخلي شي الا وتشتريـه..اشترت كل اللي بباريس وناويه تخلص على اللي في سنغافوره برغم انه مو احسن من اللي اشترته من باريس بس ايش تسوووووي في المسرفين لاااااازم يشتروا كل شي تطيح عليه عينهم<<<ترى انا وحده منهم هههههههههههههه,,,
وبعـد نـص سـاعه..
مازن بتعب:قلبـي والله تعبـت ايش رايج نروح الفنـدق نستريح شويتين
منى بنعوومه:سوري حبيبي تعبتك معايااا اليوم
مازن استغل تعاطفها معاه فمسكها من يدها ومشاها قبل ماترجع تدخل محل من المحلات:تعبك عسل على قلبـي بس لاتكتري من العسـل عشان لا يجيني السكرر
منى:هههههههههههه بعيد الشر عنك طيب بنروح بتكسي ولااا برجلنااا زي امـس
مازن:لا بالتكسيي مافيااا حيل مررره
منى:اووووكي
وبعد مارجعوا الفندق بسـاعه..
مازن:قلبـي وينج؟؟
منى من بعيد:اناااااااا هناااا
مازن يروح لمكان الصوت..يشوفهااا قاعـده في البلكووونه وبتتفرج على العـالم..
مازن وهوا يجي لجهتها ويمسد بيده بحنيه على شعرها:مبسوطه قلبي؟؟
منى وهيا تلتفت له وتبتسم بحب:مدام انا معاك اكيييد بكون مبسوطه
مازن يبتسم:الله يقدرني واسعدج كمان وكمان
منى:والله يقدرني انا كمااان
مازن ابتسم وماعلق وقعد يتأمل معاها المنظر..وبعد ثواني من الصمت..
مازن بإبتسامه حلوه:عجبج موقع الفنـدق؟؟
منى:اييووووه مررره خطيررر غير كدا الفندق نفسه مرره فخـم وحلوو احس كأني في قصر من القصور الملكيه البريطانيه
مازن:طبعاً اصلاً فندق رافلز مشهوور انه افخم فندق في سنغافورة
منى:طيب بنقعد هنا كتيررر؟؟
مازن:لا كمان يومين وبنروح مكان تاني
منى:مزوووني لا خلينا نقعد اسبوع ولا شي خلاص تعبت كل شويه نتنقل من مكـان لـ مكان
مازن بإستنكار:يااابكاااشه فين من مكـان لـ مكان مارحنا الا باريس وهادا تاني مكاااان وبعدييييين لسه ماشفتي شي انا مرتب اموري على تنقـل خطيررر في اجمل مدن العالم لمدة شهررر
منى بدلع:صراحه اقدر لك هالمبادره الحلوه بس انا معااااارضه
مازن بإستغراب:لييييييييييه هادا وانا متوقع انج بتنسبطي؟؟
منى:صراحه السفررر والتنقل تعبببببب وفرق التوقيت بين بلده وبلده يتعب اكثرررر
مازن:معليـه هادا كله يهون في سبيل سعادتنا
منى:طيب سعادتنا ماتجي الا بالتنقل من مكان لمكان خلاص خلينا بسنغافورة ونروح الجزر اللي حولينها
مازن بتفكير:اممممممم مدري بنشوف بعدين المهم دحين جهزي نفسج رايحيين لمكااان خطييييييييييير وبيعجبج
منى:بالله فين بنرروح؟؟؟
مازن:رايحين Sentosa
منى:ايش؟؟
مازن:جزيررره خطيررره وبتعجبج اكيد
منى:اهاااا طيب متى بنروح مارينااا باااي؟؟
مازن:هههههههههههه ايش عرفج بدا المكان مو تقولي ماجيتي هنا قبل كدا
منى: ايوه بس وحده حرمه عربيه شفتها اليوم في السوق نصحتني اروحها تقول انه هادي المنطقه مركز التجاره وفيها اشياء حلوه ومدري ايش؟؟
مازن:ههههههههههههههه هوا انتي لسه ماشبعتي من الاسواااق الين دحين خلاص ماكفاكي اللي اشترتيه جينا بشنطتين ودحين صاروا خمسه ماشاء الله
منى:ههههههههههه لا مو عشان كدا والله بس الادميه قالت لي انه في هناك اكبر نافورة في العالم مساحة فحابه اشوووفها
مازن وهوا يدفها ويدخلها جوة الغرفه:اففففففففف والله انتي مررره كلامج كتيرررر امشي اللبسي وبعدييين نتفاهم على موضوع مارينا باي هادي
منى وهيا تضحك:هههههههههههههههه طيب طيب لاااااتدف
وبعــد سـاعتيـن يعني ع الساعه 3..كانوا منى ومازن موجودين على جزيرة Sentosa..اللي هيا عباره عن غابة من الاشجار يجوبها قطار يوقف في محطاات مختلفه وكل محطه تأخذك لعااالم ساااااحر..
منى بصدمه:مااااازن بتركبني هالشي؟؟
مازن وهوا يكتم ضحكته:هههههههههه ايوه ليه ايش به؟؟
منى وهيا تطالع في القطاار العالي..اللي يمشي في مسار علوووي ومو على الارض:لالالالالا مستحييييييييل فرضاً طاح فينا لالالا محا اركبه
مازن:ههههههههههههههههههه والله انك وحده خوافه والله رووووووووعه القطااار بتشوفي الجزيره من فوق مرره شي حلوو
منى بعناد:لالالا مستحيل محا اركبه
مازن وهوا يحاول يقنعها:منى بلا هبل عارفه هالقطار يوقفج في محطات خطيررره منها محطة متحف الاحياء المائيه وعروض الدلفين ومملكة الفراشات والله اشياء بتجننننك لاتفوووتيها

منى بعناد اكبر واكبر:مايهمني ماني مفرطه في حياتي مااااني راااكبته يعني ماااني راااكبه
مازن وهوا يطالع فيها بقهر:بتركبيييييييه غصبً عنج
منى:والله ما اركبه
مازن:تتحديني؟؟
منى:ايوه اتحداااك
مازن:طيب باااي..واتحرك مازن قدامها ورااااح وسابها..واختفا بين الجموع..وهيا واقفه مستغربه منه بس ماعبرته..وتقول في نفسها..ايش بيسوي يعني..ماني راكبه يعني ماني راكبه..وشويه الا ورجع مازن وهوا يبتسم ابتسامه شاقه الوجه<<اللي تسميها رهف اللابتسامه الصفرا ههههههههههههه...
منى وهيا ترجع على ورى بصدمه:ماااااااااااااااازن ايش داااا؟؟؟
مازن وهوا يوريها الحيـه الكبيره اللي في يده:ثعبااااان ايش رايك اصورج معاااه
منى برعب:وااااااااااه يممممممممممممممممه بعددددددددددهااا عني ماااااااااااااااازن روووح بعيييييييييييييد
مازن وهوا يقرب ويعانده:لالا خدي امسكيها مررره حلووو ملمس جلدها
منى وهيا تنقز وتبعد:مازن الله يخليك لاتسوي فيني كداااا
مازن وهوا يوجه راس الحيه على جهة منى:شووفي كيف تطلع لسااااااانه
..كانت الحيه تطلع لسانها وتطلع صوت مخيف رعب قلب منى..
منى وهيا تغمض عينها من الخوف وبقوووه:حاركببببببببببب والله حاركببببببببببببببببببببببب
مازن وهوا يبتسم ابتسامة النصر:قلت لج غصبً عنج
ركبت منى مع مازن القطار..واكتشفت انه مايخوف وبالعكس مررره حلووو وانبسطت مرررررررره بالمحطات اللي كل شويه يوقف عندها القطااار..ونسيت خوفها اللي ماكان له داعي...
وفي هالوقت دحين هما في محطة الاسد..اللي كانت على شكل رأس اسد وجسم سمكه..واللي دخلوا جوته وشافوا الجزيره من خلال فمـه..واللي كانت في داك الوقت بتمطرررر..كانوا منى ومازن واقفين يتفرجوا وهما مبسوطين..كانت منـى لابسـه جاكيت طوويل كحلـي يوصل لنص ساقها..ولابسه من تحته بنطلون كحلي واسع شوي...وعليها طرحه بيج مخططه بخطوط رفيعه بالكحلي..ولابسه بوووت بيـج..ونظاره شمسيه حلوووه..
ومازن كان لابس بنطلون جينزز وعليه بلوزه بيضه وجاكيت اسود بس مو لابسه حاطه على ضهره ورابطه حول رقبته...ونظاره شمسيه حاطها على راسها ورافعه شويه من شعره الطويل نوعا ما ومخليه خصلتين من الطرف نازله على وجهه..
منى:اللللللللله رووووووعه المنظررر
مازن وهوا يضمها له بيده بشكل خفيف:هادا المنظر يسمى منظر بانورامي
منى وهيا تلتفت له:حبيبي
مازن:هلا
منى:اطلب منك طلب؟؟
مازن:اكيد حبي امري
منى بتردد:لو قلت لك عشان خاطرري اااا...وسكتت
مازن وهوا يحثها على الكلام:عشانك خاطرج ايش؟
منى وهيا تبتسم فجئه بخبث:ارمي نفسك من هنااا هههههههههههه تسويها ولالا؟؟
مازن بصدمه:وي تبي تموتيني افااااااااااااا واهووون عليييييج ماهقيتهااااااا وربي
منى:ههههههههههههههههههههههههه لاااا ما اتهون وربي بس خليني اشوف ليا خاطر عندك ولالا؟؟
مازن وهوا يبتسم:ههههههههههههه طيب لو رميت نفسي عشان خاطرج ياختي ايش بتسوي انتي من بعدي هااا قوليلي اذا حيه ومتي رعب منها وقطار قعدتي ترتجفي ساعتين بس عشان تركبيه هههههههه كيف بتقدري ترجعي لاهلج وتدبري امورج في هالبلد
منى وهيا ترفع حاجبينها بدهشه:ولييييه مين قلك اني برجع لأهلي!!
مازن:وووووي ليه ان شاء الله لا تقوليلي انك بتعيشي هناااا من بعدي((ويمد شفايفه زي الاطفال))اهئ اهئ كيف راح تقدري تتحملي ذكرياتنا في هالمكااان
منى وهيا تمسكه بيدينها من اياقة القميص حقه وتقربه من وجهها وتتكلم بصوت هادئ بس بقوة عاصفه على قلب مازن:اصلاً انا محا استنى ولا لحظه من بعدك برمي نفسي من بعدك على طوووول كيف تتوقع اعيش في دنيا انتا مووو فيهااااااا
مازن قعد ساكت ويطالع في عيونها بعدم تصديق...
منى بإستغراب:ايش بك؟
مازن والفرح باين في عيونه:.......من جد يامنى انا غالي عندك كدا؟؟
منى انصدمت من رده:لييييييييييه تقول كدا؟؟عندك شك في غلاااك في قلبي مصييبه لو ما اتأكدت الين دحين
مازن بفرح:لاحياتي لاتفهميني خطأ بس لإني..وتاه الكلام منه..((وبعد صمت ثواني..مر على منى الحايره من كلامه سنين))..تصدقي لو قلت لج اني الين دحين ماني مصدق انج معاياااا وبتقوليلي هالكلاااام احس اني في حلـم من احلااامي اللي كنت اتمناها طوول عمررري واتمنى انها تتحقق ماااااااني مصدق انها اتحققت مااااني مصدق
منى ابتسمت له بحب بعد ما ارتاح قلبها كانت خايفه انه يكون يشك في غلااه في قلبها ودا شي مستحيل ترضاااه:ياربييييي عليييييك حبيبي لااا صدق انا لك ومعاااك طول العمررر ومن اليوم ورايح احلاااامنا بنبنيها ونحققها مع بعض
مازن وهاو يمسك يدينها:امووووووووووووووت فيج حياتي
منى وهيا تبتسم بخجل:وانا اموت فيك اكثررر
مازن ابتسم لها بحب:الله يخليج ليا ولايحرمني منج
منى:ولا منك حبيبي
ابتسموا لبعض ورجع مازن ضم منى له وقعدوا يتفرجوا على المنظر...وبعد فتره بسيطه..
مازن وهوا يلف حول نفسه ويأشر لها على مكان:شووفي هناك في اماكن فيها اشياء تذكاريه حلووه تعالي خلينا نروح نلحق نشوفها لانه القطار حايتحرك بعد شويه حانروح محطة تانيه
منى:اوووووكي يلااا
وبعـد ما جا الليل..وقضوا مازن ومنى احلى الاوقات على الجزيره.. على الساعه 8.30..
منى وهيا تنهد:آآآآه ياربي يجنن المكااااااان
مازن يبتسم:لانج فيه
منى ما استوعبت:ايش؟
مازن وهوا يقرب من اذنها قال بهمس:قلت يجنن المكاان لانج فيييه
منى ابتسمت بخجل:عيونك اللي تجنن حبيبي
مازن وهوا يقرصها في خدها المتورد:الييييييييين دحين تستحي مني آآه منج انتي بس
منى وهيا تضيع الموضوع:طيب ودحين على فين؟؟
مازن وهوا يحط يده على بطنه:على المطعمممممممممم انا جيعااااااااان بمووووت من الجوووع
منى:هههههههههههههههه اي والله ما اكلنا شي من الصبح
مازن:انتي السبب اقولج خلينا نتغدى تقولي لالالا مانبغاااا
منى:خطأ ماقلت مانبغا قلت ما ابغااااا
مازن:مافرقت
منى:الا تفرق كيف ماتفرق
مازن وهوا يقرصها في يدها:لإني انا وانتي واحد ياهبله
منى وهيا تحط يدها محل ماقرصها:آآآآآآآآي ماااااااااازن كم مررره اقولك ما احب هادي الحركه
مازن وهوا يرجع يقرصها مره تانيه:ايت حركه تقصدي؟؟ هااادي
منى بقهر:ماااااااااااازن
مازن وهوا يمسكها من يدها:هههههههههههههه اقول امشي بس امشي
وبعـدما رجعوا امجد ورندا بيتهـم..راحت رندا للغرفتها وهيا تفكر ايش تسووي وكيف تتصرف رامي تعبااان وراحته بيـدها..مستحيل تخليه يعاني اكثر من كداااا...


*&*الجــــــــــزء الاخيـــــــــــر*&*
اليـوم الاربعـاء...
كانت جالسـه في غرفتها ترتب نفسها وتتزين عشان تطلع بأحلى شكل قدام اهلها..برغم انها كانت مندمجه وهيا تخط الكحل على عينها بكل تفنن الا انه بالها وتفكيرها مو معاها..كان كل تفكريها..فيـه وفي اللي بتسويـه عشـانه..لاازم تلاقي حل لوضعها خلاص هيا عارفه من زمان تبغا ميـن ومتأكده من مشاعرها..ودحين اتأكدت من مشاعره..ومابقي لها شي غير انها توصل له وتوضح له كل شي...ودااا اللي لاازم يصيـر اليـوم....
......:بنــــت كفشتك ايش بتسـوي؟؟
رندا:بسم الله الرحمن الرحيم فجعتيني يادبـه
مي:هههههههههههههه ايش اسوي انعديت من زوجي هههههههههه
رندا وهيا تقوم وتسلم عليها:والله وحشتيني ياوحشه فينك ماتسألي عني ولاتعبريني اللي يشوفك ويشوف افعالك مايقول اني اختك وولاكأنك تعرفيني
مي وهيا تحضنهاا:ياقلبووووووو حرام عليكي لاتظلميني بس والله تدري جوانا والبزوره هالكينني ما بالاقي وقت اسأل عن احد حتى امي زعلانه مني
رندا وهيا تبعد عنها:الله يعينك خلاص حزنتيني بسامحك
مي وهيا تضربها على كتفها بشويش:دبببببه مين قلك اني ابغاكي تسامحيني
رندا:ههههههههههههههههههههه غصبً عنك مو برضاكي اصلاً
مي:وي وي اشوف الناس صاروا يشوفوا نفسهم علينا
رندا:ههههههههههههههه والله انك دبببه المهم بلا خرابيط فين جوجو وحشتني ؟؟
مي:تحت عند ستهااا
رندا:اهاا طيب بنزلهااا...ومشيت ووصلت عند الباب بعدين وقفت...
رندا:الا اقول
مي:ايش بك؟
رندا:اممم جا احد ولالسه؟؟
مي:الا كلهم جوو ياختي انا عشان كدا طلعت اشوف ايش تسوي ست الحسن والجمال متربعه على عرشها وماتنزل تسلم على احد
رندا:هههههههههههههه والله محد قلي ايش اسوي؟
مي وهيا تجي لجهتها:طيب يلا امشي خلينا ننزل نسلم على الناس
وفي مجلس الرجال...
امجد:والله يارامي الموضوع يبغاله تفكير انا انصحك انه لاتتسرع واستفسر اكثر عن الموضوع
رامي:انا استفسرت ولقيت انه المشروع ناجح ميه بالميه ومكسبه ماهو قليل
رائد:عن ايش تتكلموا انتو الاتنين شاركونا معاكم؟؟
امجد وهوا يلتفت لرائد ويوجه له الكلام:هادا ياسيدي ولد عمك المصون رامي يبغا يسوي مشروع تجاري بحت
خالد وهوا يدخل في وسط الحوار:ايش طبيعة هالمشروع؟؟
رامي بحماس:مركز تجاري
رائد بصدمه:مركز تجاااااااري مرررره وحده!!؟ بسس ياشيخ انا اتوقعت تقول محل شركه بالكتير تقوم تقولي مركز تجاااري
رامي:لااا انتووا فاهمين خطأ بنت الاميـر........آل سعود هيا اللي حاتسوي هالمركز بس تبغا واحد يصمم لها المبنـى وتبغاه يكون بمستوى راقي وصاحبي عبدالله ال.....كلفوه بي هالمهمه يشتغل مع ابوها الامير.....فرشحنـي بما اني تخصصي هندسه معماريـه..وهوا يقول انه واثق من كفاءتي
خالد:والله شي كوووويس مررره
رائد:اهاااااا
رامي:ايش رايكم؟؟؟اوافق؟؟
خالد ياشيخ وافق وخلي عندك ثقه بنفسك ايش بك متردد انا واثق انك قدها وقدود
رامي:الموضوع مو مسألة ثقه بس اممم كيف اقولك؟؟
رائد:شوف اذا انتا شايف نفسك ماتقدر تمشي في الموضوع فلا توافق
رامي:لا بالعكس انا في امريكا شفت كثيـر من المراكز التجاريـه وشفت تصاميم رووعه غير كدا دراستي في امريكاا اعطتني شوية ثقـه بنفسي بس المشكله انهم يبغووو التصميم يكون جاهز في مده مرره قصيـره
خالد:كم يعنـي؟؟
رامي:شهـرين بسس
رائد:طيب كويس ليه مايمديك؟؟
رامي:ايش بك ياشيخ هادا مركز تجاري يحتاج له وقــت وهما يبغووه شي مررره كبير وفخممم وشي ماتقل مساحته عن 10 الآف متر مربع
امجد واللي كان يرسل رسايل للمى ويتفق معاها انه يشوفها عند المسبح ومو منتبه لهم سمع اخر الحوار:والله انا اقتررح عليك ترفض الموضوع وياشيخ بلا هم بلا قرف انتا دوبك في بداية المشاور لاتنط كدا بسررعه وتشتغل في الجد على طوول
رائد:اممممم والله حتى انا رأيي من رأي امجد فرضاً تعبت وسويت التصميم وكل شي وماعجبهم وقتها محد بيكون خسران الا انتا
خالد:لالالا انا مو معاااكم مرررره انا اقولك وافـق صدقني فررصه مررره حلوه ومو دايماً تتكرر وصدقني حتفتح لك ابواب كتيررر
رامي:افففففففففف والله حيرتوني خلاص بفكر في الموضوع بعدين
ابوخالد كان يتابع الحوار بصمت..ويطالع في رامي اللي يحس انه متلوم منه..ويحس بندم لانه رفضه وقال له اللي قاله...هوا اكيد مابيلقى احد احسن من رامي لبنته بس رامي حطه بموقف محرررج وماجا يتكلم الا بعد ما ارتبط مع الناس واعطاهم الموافقه...
ابو خالد:رامي ياولدي سيبك منهم انتا صلي ركعتين استخاره واسأل ناس عندهم خبره ولو تحب تعال لي الشركه بكره بعرفك على واحد عنـده خبره في هالاشياء وبيساعدك
رامي طالع في عمه واللي كان شايل في قلبه عليه وقاله بصوت باين فيه الزعل:بشوف بعـدين
امجد وهوا يوقف:خليكم انتوا في مواضيعكم هادي انا بروووح اشوف لمى وارجع لكم
رامي وهوا يوقف معاه:بالله طيب خدني معاك
امجد:على فين؟؟؟؟
رامي وهوا يجره:انتا رايح فين؟
امجد:عند المسبح
رامي وهوا يمشي:خلاص تعااال انا بوريك شي
وراحوا امجد ورامي لجهة المسبح...وشافوا لمى قاعده على المرجيحه الكبيره اللي تطل على المسبح وبتتمرجح بكل هدوء وشكلها يجنن كأنها طفله مخمليه من زمن الخيال...شعرها الاسود منثور على اكتافها بطريقه حلوه من بعـد ماقصتـه قصـه حلوه مخليـته متدرج من قداام وهبوب..وعيوونها راسمـه عليها نظررره خطيـره..وكانت سرحانه وبتفكر وبتلعب في خصلات من شعرها..كان شكلها كأنها لوحه فنيـه رسمها احسن وابدع فناااان...ومن غير الله عز وجل يملك كل هالابـداع..اللي صور لمى في احسن صوره...
وقف قلب امجد لمن شافها وابتسم بكل حـب..على شكلها الطفوولي اللي خلاا كل ذره في جسمه تنتفض..
رامي بخبث:امشي ايش بك وقفت؟؟؟
امجد وهوا يطالع في رامي بإستغراب ويستوعب الوضع:انتا ماتقولي ايش تبغاا؟؟
رامي:ولا شي بس جي اسلم على لمى معااك
امجد:لاا والله
رامي:ههههههههه اي والله ليه في شي لمن اسلم على اختي وبنت عمي المصونه
امجد بعصبيه:رامي بلا هبل ابغا اقعد مع لمى لوحدي شويه في موضوع ابغا اكلمها فيه
رامي:عااادي طيب ايش فيها لمن اجلس معاكم
لمى انتبهت لهم وقعدت تطالع فيهم بإستغراب ايش بهم جالسين يتكلموا وواقفين بعيد عنها؟؟..!!
لمى:امجـد رااامي ايش بتسووا؟؟؟
امجد وهوا يأشر للمى تستنى شويه:رامي رووح انقلع بسرررررعه ابغا اقعد مع حرمتي لوحدي
رامي وهوا يمشي لجهة لمى:لموووو حبيبتي ابغا منك طلب؟؟
لمى بإستغراب من حالهم:خيرر امرر؟؟
رامي وهوا يجلس جمبها ويتكلم بصوت واطي عشان لايسمعه امجد اللي واقف يطالع فيه بقهرر:فشلي امجد وقوليله انك تبغي تقعدي معايا لوحدي شويه بليييييز لموي اوووكي
لمى وهيا تبتسم:ههههههه لا ماحزرت مو انا اللي افشل امجد حبيب قلبي
رامي بقهر:مااااالت عليكي هادا وانا متوسم فيكي الخير تطلعي كدا
امجد جا لجهتهم ومسك رامي من ثوبه من جهة كتفه:رمووووي فاااااااااارق بالطيب
رامي طالع في امجد بإحتقار من فوق لتحت واخر شي ثبت نظره على يد امجد اللي على كتفه:لو سمحت يدك
امجد وهوا يشيل يده:يالطييييييف على النظرااات اكلتنــي هههههههههههههه
رامي وهوا ينفض بيده مكان مامسكه امجد:والله انا ماني وحش زيك عشان اكل الناس ومره تانيه احترم اعمامك حبيبي لاتتصرف زي البزوره
امجد بصدمه:اعمامي في عينك قوم بس قوووم وبعدين ليه تنفض ايش شايفني احمد ربك الف مره انه يدي لامست كتفك ومسكت ثوبك
هههههههههههههههههههههههههههههههههههههههههههههههههه ههههههههههه
التفتوا امجد ورامي للمى..ولقوها فاااطسه من كثر الضحك..
امجد ورامي...؟!!!!!!!
رامي:بنــت ايش بك تضحكي اتجننتي؟؟؟
لمى:هههههههههههههههههاااااااااااي بطنيييييييييي ماني قادره اشكاااااااالكم ههههههههههههههههههههههههااااااااايي
امجد وهوا يطالع في نفسه وفي رامي:ايش بها اشكالنا؟؟؟
لمى:تضحكككككك هههههههههههههههههههههههههههههههههههههه
رامي وامجد...؟!؟!!
رامي:لمى وبعدين معاكي ايش بها اشكالنا مافيها شي؟؟
لمى:آآه بطني ما اقدر ما اقدررر ههههههههههههههههههههااااااااايييييييييي
امجد بعصبيه:لمــــى وبعدين يعني؟؟
لمى وهيا تحاول انها ماتضحك:ههههههههههه ايش في ايش سويت انا دحين؟؟
رامي بقهر:سلامتك ماسويتي شي بس قاعده تتمصخري علينااا وتضحكي على ما ادري ايش!!
لمى:هههههههههههههههههههههههههه انا اللي قاعده اتمصخر ولا انتوا اللي زي الاطفااال تتضاربوا وتتناقروا واللي يشوفكم مايقول اعماركم عشرين ومافوق
رامي بتريقه:لالا احترمي نفسك انا رجال مايصير تساويني بي هالنونو انا عمري 24 وهوا لساته قبل كم شهر كمل العشرين
امجد بقهر:لا ياحبيبي الرجال مو بعمره باخلاقه وصفاته والعمر مجرد ارقااام تنحط على البطاقه الشخصيه ويتداولها الناس
رامي بإستهزاء:هيا اتفلسف على راسنا دحين
لمى:باااااااااااس طفشتوني ترى والله لو قعدتوا زي كدا بروح واسيبكم
امجد وهوا يقعد جمبها ويكلمها بحنيـه:افااا حبيبتي واهووون عليكي تروحي وتسيبيني
لمى بنعومه:لااا حبيبي والله ماتهوون اسيب روحي ولا اسيبك
امجد وهوا يمد يـده ويرجع خصله من شعرها ورى اذنهااا:ياعمري انتي امووت فيكي
لمى.....اكتفت بإبتسامه والتفت لرامي اللي كان مو منتبـه لهم لانه شاف رنـدا بتطالع عليهم من غرفتها..سرح وبهت..كانت حلووووه بشكل وماهي لابسه طرحه ولاشي..كان شكلها ملااائكي ويجنن..بس مالحق يتمتع بيها لانها من يوم مالمحته شافها راحت...وقعد هوا يفكر وحزيـن..ويقول في نفسه..آآه يارندا..ليييه تكرهيني لييـه ماتطيقي تشوفيني حرام عليكي انا ايش سويت لك اييييششش؟؟؟!!..
لمى بصوت واطي:ايش به رامي؟؟
امجد واللي نسي وجود رامي من يوم ماقعد جمب لمى:ايش به؟؟
لمى:مدري عنه سرحان وبيفكر وشكله حزين وهوا راخي راسه كدا
امجد طالع فيه وشاف الانكسار اللي في وجه وعوره قلبه على ولد عمـه ايش به دوبه كان يضحك ويمزح..؟؟!!
امجد:رامـي ايش بك ياواد؟؟
رامي وهوا ينتبه لهم:هااا مافيا شي..ووقف ببطئ..
رامي:عن اذنكم...وراااح يمشي لجهة مجلس الرجال..
وهوا في الطريق بيمشي مرر بالحديقه الخلفيـه وفكـر انه يقعـد فيها شويـه..وراح قعد على كرسي وقعد يدخـن..ويفكر بحزن في حاله وحال رندا...
.....:ماكنت اعرف انك تدخن
التفت رامي بصدمه لمكان الصوت:رنداا؟؟
رندا وهيا تبتسم:ايوه اناا ايش بك مفجوع؟؟
رامي بإرتباك:هاا لا عااادي
مشيت رندا من قدامه وهوا يتابعها بعينـه..وراحت اخذت كرسي وجابته وقعدت جمب رامي..
رامي عقد حاجبينه بإستغراب...وقال في نفسه..غريبـه ايش بتسوي هادي البنت.؟؟؟!!..
رندا:هههههههههه ايش بك؟؟
رامي وهوا يخرج دخان السيجاره من فمه:مافيني شي
رندا وهيا تطالع في دخان السيجاره:من متى وانتا تدخن؟؟
رامي:من زماااان من قبل ما اسافر امريكا
رندا:اهااا...بس مضره عشان صحتك؟
رامي بلا مباله:ومين يهتم؟؟
رندا بصدمه:كيف مين يهتم معقول انتا ماتهمك صحتك
رامي وهوا يتنهد:كنت اهتم زماااان بس دحين فقدت الاهتمام بكل شي حتى نفسي
رندا....سكتت وقالت في نفسها..هادا ليه يتكلم معايا كدا والله انه مايستحي مايقدر اني جيه عشانه وقاعده احاول بكل الطرق اراضيه..
رامي وهوا يلتفت لها باهتمام:خيـر ايش عنـدك احس عندك كلام تبي تقوليه؟؟
رندا ابتسمت لانه كشفها:وليـه يعني؟؟
رامي:لانه بصراحه غريبه انك تجي وتعبريني وتقعدي معايا وانتي ماتطيقي تشوفي وجهي
رندا بصدمه:انااا حرام علييييك؟؟
رامي بضيقه:لا انااا..وقام وقف يبغااا يروح....خلااص مايستحمل برودها وعدم احساسها بحبه....واكثر اللي مايقدر يستحمله هيا عيونهاااا اللي تحاول تلعب بيها دور البريئـه...
رندا:دقيقه رامي فين رايح؟؟
رامي وهوا يطفي السيجاره:رايح للرجال فين بروح يعني؟؟
رندا وهيا توقف:طيب وانااا؟؟
رامي طالع فيها بإستغراب:وانتي ايش؟؟
رندا وهيا ترخي راسها وتتكلم بخجل:تسيبني لوحدي!؟
رامي طالع فيها بإستحقار:دحين جيه تتكلمي عن الوحده..ميين اللي ساب التاني أول؟؟؟
رندا وهيا متضايقه وفرحانه في نفس الوقت لاانه فتح الموضوع:انتـا طبعاً
رامي بإستغراب:انااا؟؟؟
رندا:ايوه طبعاً انتا
رامي......قعد يفكر في نفسه..هادي جيه تتريق على راسي ولا ايش...انا احسن لي اروح قبل لا اخرج حرتي فيها...ومشـي باتجاه المجلس..
رندا وهيا تجري وراه وتوقف قدامه:فييين رااايح؟؟
رامي طالع فيها من فوق لتحت ومشي وخصرهاا..
رندا بقهر:رامي ايش داا والله ماتستحي يعني تباني اجري وراك عشان تكلمني؟؟
رامي بصوت عالي:يقولولك كلن يرى الناس بعين طبعه
رندا...وقفت من القهر:ايش دااا والله انه زففففففففت حمااااااار كلب اكرهه..يبغاني اتوسل له عشان يقعد يكلمني..قلعته اصلاً انا الغلطانه اللي فكرت فيه...وجــــــــع في شكل الشيطااان...وراااحت جوة البيت وهيا تتحرطم من القهر..
رامي وقف من بعيـد وشافها وهيا تدخل البيت وتتمتم بقهررر..وقال في نفسه..ايش اللي سويته رندا جات لحدي وخليتها ترروووح...يمكن كانت تبا تقولي شي مهم..ياربيييييييييييييييي مني ايش اللي سويته معقول ضيعت هالفرصه عليااا...والله انييييييي اهبببببببببببببببل...افففففففففففففففففففففف.....و دخل مجلس الرجال هوا التاني وقاعد يسب نفسه بكل قهررر..وفي هالاثنـاء وصـل زائـر محـد يتوقع مجيئــه..
لمى واللي كانت لساتها مع امجد في الحديقه لمحت سياره تدخل الحوش:امجد في سياره دخلت شوف مين؟؟
امجد:اووكي...وبعد ماوصل امجد قدام السياره شاف رجالين ينزلوا منها وحرمتين..
.......:سلاااااام عليكممممم
امجد بفرح:هلااااااااا والله نوووووور البيت اسفرت وانورت يامرحبا والله
ابو جابر وهوا يسلم على امجد:كيفك ياولدي؟؟
امجد:بخييييير الله يسلمك ياخالي انتوا كيفكم وايش اخباركم؟؟
ابو جابر:احنا بخير ولله الحمد
جابر وهوا يسلم على امجد:ايش اخبااارك يالدب اللي ماتسأل ولاتتصل؟؟
امجد:هههههههههههههههه والله بخير الحمدلله انتا كيفك
جابر:تماام ميه الميـه
امجد وهوا يرحب بهم:اتفضلوووا اقلطووا..وهوا يلتفت لأم جابر...هلا خالتي ام جاابر
ام جابر:كيفك ياامجد؟؟
امجد:بخير عساكي بخير نورتو جده والله
ام جابر:الله يسلمك ياولدي النور نوركم
امجد:اتفضلوا من هنااا
ودخلوا الحريم للبيت والرجال في المجلس...
وبعد ماسلموا الحريم على بعض..جاتهم لمى اللي طفشت وهيا قاعـده بره...
لمى:هلااااااااااااااا والله لالالالالا مو معقوول منوووله عندنا يامرررررررحبا يامرحبااا
منال وهيا تحضن لمى:وحشتينيييييي يا وحشـه وش اخبااارك؟؟
لمى:وانتي الاكثرررر ياقلبي والله انا تمام بشوفتك فينك ياقاطعه ماعاد صرنا نشوفك؟؟
منال:ههههههههه انتي ناسيه اني خلاص رجعت الرياض
لمى:هههههههههههه اي والله نسيييت خسااره يعني ماعاد حنشوفك كتير زي اول
منال:لا ان شاء الله محا اقطعكم ياقلبي بس من جد احس انه لكم وحشه برغم اني بس اسبوع ماشفتكم هههههههههههه
رندا:لا خطأ اكثر من اسبوع اسبوع واربعه اياام
منال:هههههههههههه حاسبتهااا ماشاء الله ليه قد كدا تموتين فيني ولا ادري
رندا:ايييه تصدقي حتى الدقايق في بعدك اعدهااا
لمى ومنال:هههههههههههههههههه
رندا:اقووول عاد لاتصدقي نفسك انا عاده الايام من يوم ماسافرت منى لانه صار لها بالظبط متزوجه من اسبوع وخمسه ايااام وانتي رحتي الرياض بعد الزواج بيوم
لمى:ياااا اللله بس والله انا احس انه شهرر مو بس اسبوع وكم يوم
رندا:منننن جد والله صراحه وحشتني موووت ماني قادره استحمل البيت من دونهااا
منال:يلا ياختي كلهااا شهر وشويه وانتي لاحقتهاا
رندا............
لمى وهيا تبتسم ابتسامتها الحلوه:الا فيـن خالتي بسمه ماسلمت عليها
منال:في مجلس الحريم عندهم ضيوف
لمى:ضيووف؟؟
رندا:ايوووه بيت جيراننا اهل فاطمه ال....تفتكريهاا؟؟
لمى:ايووووه افتكرتها خلاص اجل بروح اسلم يلا عن اذنكم..وراحت...
رندا:الا كيف الرياض معاكي؟؟
منال:تمام والله
منال وهيا تطالع في جوانا:ماشاء الله كم صار عمرها؟؟
رندا واللي كانت شايله جوانا في يدها:سبعه شهور تقريباً
منال:الله يحفظها لكم ماشاء الله تزنن...وجا في بالها محمد فينـه مختفـي وحشهااا مررره...وجات تبا تسأل عنه..
منال:الا فين .. وماكملت سؤال الا جاها هالصوت..
ماماااااااااااا مناااااااااااااال
التفت منال بفرحه لجهة الصوت وشافت محمد يجري لجهتها...
منال وهيا تحضنها بكل قوتهاااا:حمووووووووووووووودي حبيبي وحشتنيييييييييييي موووووووووووووت
محمد وهوا زعلان:ماماااا مناااااال فيييييينك ليه ماصرتي تزي عندنااا انا ما اهبببك
منال وعينها تدمع:حرام عليك حمووودي بس انا احبببك والله
محمد وهوا يبعد عنها:لااااء كدااابه انا ما اسدقك لو تحبيني تتثلي عليا زي أول
منال:معليه حبيبي اسفه
رندا وكأنها انتهبت لحاجه:اييوه صح ليه ماصرتي تتصلي علينا اول كنتي تتصلي كل يومين تكلمينا وتسألي عن محمد
منال ارتبكت ايش تقولها:هااا لا عادي تعرفين انشغلت بترتيب وضعي في الرياض
رندا واللي حست انه في شي غلط بالموضوع مشتها:اهاااا
منال وهيا تبتسم لمحمد:لاتزعل حبيبي شوف وش جبت لك..وطلعت حلاوه من شنطتها..اتفضل
محمد وهوا ياخد الحلاوه:ثكرن

قصة عمق القلوب باللهجة السعودية ... 35