ماجد وهوا متحطم:افاااااااا خلاص يعني ماعاد صرنا ننفع يالله لنا الله
رهف ضحكت بدلع على شكله الكسير:ههههههههههههههه
ماجد فز قلبه من هالضحكه:ياوووووويلي حرام عليكي رهووف ارحميني
رهف كانت حاسه نفسها بتموت من الفرررح ماجد حبيبها قدام عيونها ويكلمهاااا....
ماجد انتبه للي بيصير انا ايش بسوي صحيح اني احبها ومشتاق لها بس انا وعدت نفسي اني ما اكلمها عشان اخوها واهلها مايصيررررر اخون عهدي وصداقتي لأخوها اعوذ بالله منك يالشيطان..خلاص انا كلمتها بما فيه الكفايه..
رهف سكتت كانت تتأمل في وجهه من زماااان ماشافته تبا تحفظ شكله وصورته في بالهاااا..مشتاااقه له موووت بس ماتقدر تفضح شوقها ولاتقوله عليه..صحيح هما احباب وكل واحد فيهم عارف مقدار حبه عند الثاني...بس لكل شيء حدود...
ماجد:خلاص يارهف روحي ادخلي جوا
رهف فاقت من سراحانها على كلامه معقوول مايبا يشوفني ويباني اروح...
رهف:ليييييييه؟
ماجد:مو دوبك كنتي تبي تروحي خلاص يلا روحي
رهف بزعل:خلاص طفشت مني
ماجد بتريقه:صراحه ماعرفنا لك دوبك ماتبي تكلميني ودحين ماتبي تروحي
رهف ضحكت:هههههههههههههههه اوكي خلاص بروح
ماجد حس قلبه وروحه هيا اللي بتروح مو رهف جا بيقولها لاااا..بس لسانه خانه...
ورهف اتحركت قدامه وراحت وقبل ماتدخل البيت طالعت فيه وابتسمت ابتساااامه تذوووب ماجد وتخليه يموووت فيها اكثر واكثر...
ماجد في نفسه ياربييييييييييييييييي عليها احبهاااااا ياناس لو اصرخ في كل هالكون اني احبها مايكفيني....
لمن دخلت رهف البيت كانت رجولها ماهي شايلتها من الفرح تحس نفسها تطير مو بتشمي شافت كرسي قريب من الباب راحت و قعدت عليه ومن الفرحه ماقدرت تسوي ولاشي بس قعدت سااااكته وتفكرر وتسترجع كل لحظه صارت قبل شويه...
رندا وهيا تقرب من رهف وتلاحظ الفرحه اللي في عيونها:بووووووو
رهف وهيا تمسك قلبها:بسم الله الرحمن الرحيم شو فيج رندا؟
رندا وهيا تضحك:هههههههههههههههه ولا شي ها لقيتي الجوال؟
رهف وهيا تتذكر ناصر:يووووه نسيت اكلم ناصر دقيقه معليه حبيبتي ماكلمته
رندا طالعت في رهف بإستغراب مين ناصر هادا انا اعرف انه رهف ماعندها اخوان الا مازن وعبد الرزاق...**
رهف وهيا تكلم ناصر:الوووو ايوه ناصر شو تبي؟
ناصر وهوا مستغرب من الرقم:رقم مين هادا؟
رهف وهيا تطالع في رندا وتتكلم بخبث:بعدييين اقولك
رندا استغربت نظرات رهف بس سكتت وراحت عنها يمكن في امور خاصه بينهم مايصير تقعد تسمع..
رهف وهيا تطالع في رندا اللي رايحه:هههههههههههههههههه
ناصر:بنت ايش بك؟
رهف:ولا شي ها شو تبي خلصني مشغوله؟
ناصر:بقولك انه ماااازن يبا يدخل يشوف حبيبة قلبه جننااااا هالرجال ماعنده لاذوق ولا احترام لأحد
رهف:ههههههههههه فديته اخويا موب قادر يصبر خلاص ولايهمك قله اني برمسهم وارد لك خبر
ناصر:طيب بسرعه لاني اخاف ياكلني اخوكي دا شرير مايندري ايش ممكن يسوي
رهف:ههههههههههه حرام عليك خلاص صبر خمس دقايق واتصل عليك
ناصر:اوكي باي
وراحت رهف كلمت ام خالد وامها انه مازن مستعجل ويبا يدخل يشوف العروسه...
ام خالد:اوكي بس خليه يصبر كمان ساعه لان المصوره قبل شوي جات وتبا تصور منى كم صوره لحالها بعدين نبا نزفها وبعد كدا يصير خير
رهف وهيا تكلم امها:هههههههههه اسميه اخويا بيموت على بال مايتريا هالساعه
ام مازن بصوت واطي:قوليله يصبر مسود الويه شنو ذا
رهف:ههههههههههه اوكي بقله بقله بس انتي هدي اعصابج
ام مازن:يلا سيري عني انتي واخوج طيحتو ويوهنا قدام العرب
رهف بدلع:امااياا انا شنو ذنبي هذا مازن اللي مستعيل هب انا
ام مازن:ظكي عني رهوف
رهف وهيا تروح:ههههههههههه طيب طيب
مازن واللي وصله الخبر:ايش ساااااعه حرام عليهم
ناصر:ههههههههههههههه مسكييين ياعمي
مازن وهوا يطالع في ناصر بقهر:احر ماعندي ابرد ماعندك
رائـد وهوا يقرب من مازن:ههههههههههه اشوف العريس معصب خير ان شاء الله
مازن وهوا يحال يبين انه مافيه شي:لالا سلامتك مافي شي
رائد:اوكي يلا قووم معانا
مازن:على فين؟
رائد:ههههههههههههههه قوم ارقص او ارزف على قولتكم ولاما ادري ايش تقولو عنها المهم قوووم
مازن وهوا يوقف بفرح:طبعاً انا اللي برقص مو غيري
وقام مازن ورائد وطلعو على الحوش اللي كان فيه الشباب مشغلين اغنية اهمه لعيضه المنهالي((http://song4.6rb.com/uae/3aithah/3aithah-ahmmah.ram)) بعدين شغلو اغنيه في حضورك لراشد الماجد((http://song1.6rb.com/ksa/rashed/ras...gd-fy-7dwrk.ram)) ومسويين الرجه.. وبيرقصو وكل واحد يتفنن في الحركات..رائد اول مادخل بدء يتفنن ويسوي حركاات خطيررره بالعصايا...ومازن من كثر فرحته قام يتفنن اكثر منه ..والكل يصفق لهم وكثيرين شدهم الحماس وقامو يشاركوهم الرقصه..وكان امجد هوا المسؤل عن الكاميرا وكان يصور كل شي تقريباً..وكان الجو مره فلله وخطيررر..
جو داخل الفيلا اللي من الافضل انه نسميها قصر من كثر الفخامه اللي فيها...
كانت منال بتنوم محمد في غرفته...وتغني له...
محمد بدء ينااام ومنال حست انه احسن لها تطلع وتخليه ينام...
اتحركت منال بهدووووء والتفت وخرجت من الغرفه... في هادا الوقت في الصاله الصغيره اللي قدام غرفة محمد..كان خالد داخل يغير ملابسه اللي اتوسخت عشان يبغا يشارك الشباب في الفلله اللي مسوينها..واتفاجئ وانصدم بوجود منااال اللي بتخرج من غرفة محمد وتقفل الباب بكل هدوء كانت مو منتبه لوجوده..خالد ماكان مصدق اللي يشوفه منااال هادي البنت اللي اقتحمت جزء من تفكير من كم شهر وحاول ينساها عشان ذكرى زوجته ترجع له بي هالطريقه وفي بيتـــه..وبي هالمنظــر...كان خالد مسحور بجمالها ورقتها الغريبه اللي تخفيها داخل هالوجه الجميل الهادئ..
منال كانت تمشي بهدوء لان فستانها طويل وله ذييل من ورا وكانت بتطالع في الارض وفجئه لمحت شي ابيض قدامها رفعت نظرها... وانصدمت من اللي قدامها ... خالــــد...مو معقوووووووووووووووووووووووووول............
خالد حس على نفسه واتحرك بسرعه ودخل غرفته وقفل الباب...
منال حست انها اتصنمت اخيراًاً شفته ياربييي احس انه وحشني يا الله شافني كدا بي هالمنظر..استغفر الله يارب سامحني..واتحركت بسرعه هيا كمان وطلعت من قسم خالد ومن الدور كله...وكانت خطواتها مرتبكه وسريعه...
خالد دخل غرفته وقفل الباب وراه وسند نفسه عليها..يا الله عليها من بنت شو هالجمال اللي فيها مو طبيعي ابـــداً...
منال لمن نزلت كانت ترتجف من الموقف اللي صار لها ياربي...تحس كل ماتفكر بخالد او تشوفه انها تخون ذكرى صحبتها وصديقتها الغاليه نهــــال...ماتقدر تبعده من بالها تعترف انها تحبببه وتعزه وتتمنى شوفه لكن ذكرى نهال ومكانتها في قلبها ماتسمح لها بي هالشي...
بعد كدا مشي الوقت بسرعه وصارت الاحداث بسرعه وجا وقت زفة منــى...
منى كانت خايفه وترتجف نزلت من الدرج اللي في وسط البيت واللي كان مزين بالورود ونوع من انواع الاوراق غريب الشكل كأنه فيه شعر ولا قش ولا شي غريب كدا محطوط على الجدار..وبما انه كان فستان منى بيج وفيه بنفسجي...فكان الطريق كله من غرفتها للغرفه الكبيره اللي فيها الحريم مفرووووش ورد بنفسجي وبيجي وكان شكله روعه..وكان الجدار اللي جمب الدرج فيه الورق اللي قلت لكم عليه مكرمش ومجعد بطريقه حلووه وعليه اكلين بنفسجي وقلوب بنفسجي صغيره منثره في كل مكان..مطلعه الطريقه والمكان كله روووعه..وكانت الانوار في كل البيت مظلمـــه..لمى ومنال ومي ورندا كانو واقفين في نهاية الدرج..وكانت منى تتزف على موسيقى كلاسيك رائعه...بعدها حطو اغنية محمد عبده مذهله((http://song1.6rb.com/ksa/abdo/abdo-mathhla.ram)) وعلى موسيقتها وصلت منى بخطوات خايفه وبطيئه للغرفه اللي فيها الحريم ومشية ببطء واضواء مسلطه عليها اللين وصلت للكوشه البسيطه اللي اتفننت فيها رندا..كانت تقريباً من نفس الاشياء اللي كانت موجوده على الدرج بس الفرق انه هنا في قلب بنفسجي كبيرر ويخترقه سهم بيجي بطريقه حلوه وخلفه الورق البيجي المجعد واللي عليه الاكلين البنفسجي ... وكانت في اجهزه بسيطه على الاطراف تطلع فقاعات الصابون ودخان ومعطي الجو روعه...منى لمن كانت تمشي كانت تمشي على مقدمة اغنيه مذهله ولمن وصلت الكوشه بدأت الكلمات...فكانت واقفه والكل يطالع فيها..
مذهله ماهي بس قصة حسن رغم انه الحسن فيها بحد ذاته مشكله..
مذهله ماهي بس قصة حسن رغم انه الحسن فيها بحد ذاته مشكله..
مذهله كل شي فيها طبيعي ومو طبيعي اجمل من الاخيله..
طيبها قسوة جفاها ضحكها هيبة بكاها...روحها حدة ذكاها تملئك بالاسأله..
طيبها قسوة جفاها ضحكها هيبة بكاها...روحها حدة ذكاها تملئك بالاسأله..
مذهلــه مذهلـــه مذهلـــه..مذهلـــه...الخ
وبعد فتره قصيره تعبت من الوقوف وحست نفسها ماتقدر تقعد فأضطرو يخلوها تجلس..
وبدءو يشغلو الاغاني والبنات يرقصو والجووو ربشه...وبعد شوويه مازن بهدلهم وقال انه بيدخل ومايبا يصبر اكثر من كدا..
دخل مازن بعدها على كلمات اغنية عيضه المنهالي تدري ((http://song1.6rb.com/uae/3aithah/3ai...y.ram))...وكان معاه خالد وامجد وابو خالد..
مازن كان يمشي وعيونه على منى مو مصدق من هالملااااااااااااااااااااااك اللي قدامه..هوا صح انه يعرف انه منى حلوووه بس مو لهدرجه منى كانت في نظر مااااازن احلى من القمر وشي كان من المستحيل انه يوصل له..وصل مازن لعند منى ووقف جمبها ومسك يدها وفي هاللحظه شغلو اغنية الجنون لفيصل الراشد((http://www.kuwait7ob.com/alrashed/a.....al-jenoon.ram))
يارب وش هالجنون اللي سكن دمي خلاص مافي طاري غير طاريها...
هالادميه اضيع ان شفتها يمي واتوه في كلمتي وافقد معانيها...بعد كدا وقفوها وشغلو اغنية عبد العزيز المنصور الجو روعه...((http://gulf.salmiya.net/songs/abdul.../abdulaziz3.ram))
...وسلم ابو خالد على منى بهدوء وبارك لها على اجوار اغنية الجو روعه..بعد كدا سلمو امجد وخالد عليها وطلعوو مع ابوهم...
الجو روعه كل شي صاير جناااان..وانا معك ياصاحبي اروع اثنين...
منا البشر والنااس والكون غيرااان..الله يحفظنا حبيبي من العيـن..الخ
لمى كانت تتابع امجد بعيونها ياربيييييييييييييي عليه يجنننننننننننننننننننننننننننننننننننننن كان امجد يمشي بيهبته وطلته المعروف عنها وكان يمشي بغرور ولا غرور القمر...لمى ابتسمت وقالت في نفسها اموووت فيها مهما يسوي فيني....
رندا لمن سمعت الاغنيه افتكرت رامي و افتكرت داك اليوم اللي رجعت معاه في السياره..وقالت في نفسها يا الله قد ايش اشتقت لك يارامي وانتي بعيد عني وماتدري بحالي..
منال كانت تتحاشا تطالع في خالد بس عيونها كانت تخونها وتروح لجهته..المهم طلعو الرجال والكل كان مستني من مازن انه يسلم على منى..منى كانت ترتجف وماهي قادره ترفع عيونها من على الارض..ومازن كان حاس انه مو قادر يتحرك ولا يسوي شي كان بس يبغا يقعد سااكت ويطالع فيها لكن رهف اللي جاته وقالت له يلا سلم عليهااا..خلته يتحرك ويمد يده ويسلم على راسها بين عيونها بوسه طوووويله تبين مدى حبه وشوقه لها...منى غمضت عيونها بقووووووه من الاحراج...وكانت حاسه انه وجهها شاب نار..وبعد مابعد عنها مازن قال لها وهوا مبتسم..
مازن:مبروووك حبيبتي
منى حاولت تستجمع حبالها الصوتيه وقالت بصوت وااااااطي:الله يبارك فيك
وبدأت الزغاريط والصلاه على النبي من كل مكاااان..
رهف قربت من صديقة عمرها وسلمت عليها وحضنتها:مبرووووووووووووووووك حبيبتي
منى بصوت واااطي:يبارك في عمرك
رهف وهيا تسلم على مازن:واخيراااا تحقق مناك يلا الله يسعدكم ويوفقكم
مازن وهوا يغمز لها:عقبااالك
رهف انحرق وجهها وقالت له بخجل:في حياتك
بعد فتره قصيره راحو الحريم على البوفيه..وخلو مازن ومنى قاعدين لحالهم..
مازن كان ماسك يد منى:منى ماني مصدق عيوني اخيراً انتي قدامي وملكي اشوفج واكلمج براحتي
منى حست بفرحته الكبيره وماعرفت ايش تقول حست انه فجئه وبدون مقدمات صار ماعندها اي صوت...
مازن بفرح:ربي يقدرني واسعدج
منى كانت راخيه راسها وماهي قادره تطالع في عيونه برغم انه نفسها ترفع عيونها وتشوفه بس مااهي قادره..فجئه جات رهف وكلمت مازن في اذنه بشويش كم كلمه...استغلت منى هاللحظه ورفعت عيونها وطالعت في مازن..انصدمت من وسامته هيا ماعمرها انتبهت انه وسيم او حلوو طول عمرها وهيا تتجاهله وتصده ماكانت تعرف انه حلووو ووسيم كدا..ابتسمت بينها وبين نفسها ورخت راسها بخجل..مازن انتبه لي هالابتسامه الطايره وقال لرهف تروح..وقعد يكلم منى...
بعدها جابو الكيكه حقت العرسان وخلوهم يقطعوها ويأكلو بعض...
مازن وهوا يمد يده لمنى بالشوكه عشان تاكل طاحت الملعقه ووسخت فستان منى...
مازن ارتبك وماعرف ايش يسوي بس ام مازن اسعفت الموضوع ومسحت لها والحمدلله انه الكريمه ماتركت اي اثر على الفستان...ولا مازن كان بيقتل نفسه...مازن كان محرج مررره من اللي سواه وماعرف ايش يقول..منى حزنت عليه مسكين انحرج فقربت منه وقالت في اذنه...
منى:ولايهمك ماصار شي
مازن اتقشعرت كل خليه بجسمه من هالتقرب وحس بالفرح ومسك يدها وباسها...والمصوره كانت بتصورهم فصورة هاللقطه وكانت من اروع اللقطات..
بعد هالموقف بساعات راحو كل المعااازيم تقريباً ومابقي احد..الا مازن اللي كان قاعد مع منى في غرفه من الغرف وياخد ويدي معاه في الكلام وهوا مو مصدق نفسه...منى رغم حرجها وخجلها منه الا انها حاولت تسمتع بكل لحظه معاه لانه حبيب قلبها المنتظر من سنين...
عند المسبح كانت ام خالد مع منال بيرتبو في البوفيه..ولان اهل منال باتو اليوم في بيت ابو خالد فمنال حبت تساعد في الترتيب..
ام خالد:خلاص حبيبتي روحي نامي الشغالات بيرتبو لوحدهم
منال:اوكي بس اظبط هالطاوله واروح
ام خالد:اوكي براحتك..وراحت ام خالد غرفتها ترتاح بعد هاليوم المتعب والشااااااق لكل اهل البيت...
منال فجئه سمعت صوت من وراها..ولفت نفسها شافت محمد اللي صحي قبل شويه قاعد يلعب عند المسبح بالمويه..
منال:حبيبي محمد رووح نام خلاص الفجر بيأذن بعد شويه
محمد وهوا يطالع فيها:بابا قلي ااذا ماتبا تنام لوح عند ماما منال
منال ابتسمت بإستغراب خالد يقول لمحمد يجيني ليه...؟؟
وفجئه تسمع منال صرخه جااات من مكان مجهول...


*&*تابع الجزء التاسع والثلاثون*&*
كان قاعد جمب البحرر يبتسم بحزن وبوهن...
قاعد على مقدمة سيارته ويطالع في القمرر ويقول في نفسه..
زي هاليوم قبل عشره سنين كان هاليوم اسعد ايام حياتي...
يومها ابتدا قلبي ينبض بالحب لأول مره..ويومها ماعرفت عيوني طعم

النوم لأول مره..
يومها بس عرفت ايش معنى الحــب..وياااااااريتيني ماعرفت..
آآآه ياقلبي وينك عني الحين يا مي ووين اراضيكي..
في هاليوم قبل عشره سنين..
مي:جاااابر دقيقه
جابر وهوا يلتفت لها:هلا
مي وهيا تقدم له ورده:كل سنه وانت طيب
جابر وهوا يعقد حواجبه:وانا طيب ليه هوا العيد جا وانا ما ادري؟
مي وهيا تبتسم:اليوم عيد ميلادك ايش بك نسيت؟
جابر بصدمه:وانتي وش دراك؟
مي بدلع:اللي يسأل مايتوه
جابر وهوا يبتسم لها بإمتنان ويشم الورده بطريقه رومانسيه:على العموم

مشكوره على الاهتمام وتسلمين على هالورده الحلوه
مي ابتسمت بخجل وراحت بدون ماترد عليه...
جابر وقف مكانه مستغرب..غريبه هالبنت لساتها قبل يومين سبتني

وبهدلتني وماخلت لي كلمه ماقالتها بس عشان قلت لها بمزح انها هبله

وسخيفه ...
في نفس الوقت وقفت مي قبل ماتدخل البيت وطالعت فيه وأتأملت

ملامحه عشان تشوف ردة فعله على اللي سوته...
مي وهيا بتشوفه قالت في نفسها..يووووه دحين يروح يصدق نفسه..والله

اني بس حبيت اكفر عن اللي قلته له قبل يومين صح انه سبني وقالي

هبله وسخيفه وبمزح كمان بس انا كنت معصبه من شي تاني فندرت

حرتي فيه وماخليت كلمه ماقلتها له وصراحه باااالغت مرره في طريقة

كلامي الاندفاعيه..و اليوم بالصدفه سمعت منال تتكلم عن ميلاده فحبيت

اعتذر بطريقه مو مباشره عن تصرفي البايخ معاه...
مي كانت تبرر لنفسها الموقف عشان لاتحس انها خانت حبيبها الاول

والاخير رائد..وقالت في نفسها والله لو دري روودي((رائد))كان

قتلنـــي..وابتسمت بينها وبين نفسها قالت لالالا ما اهوووووون عليه..

ودخلت البيت وهيا فرحانه...
مي كانت تحب رائد من يوم عمرها 15 سنه وهوا كمان كان يبادلها

الشعور..
كانووو دايماً يتبادلو النظرات والنغزات ورسائل الحب والغرام...وكان

الحب بينهم قوي وسااكن في "اعمــاق قلووبهـم"..
ومن يوم ماوعو على هالدنيا وهما الاتنين وعدو بعض بالحب الابدي

والاخلاص...
في كل هالدوامه محد كان الضحيه الا جابر المسكين اللي اتعلق قلبه

بمـي من بعد هالموقف..جابر كان طول الوقت يتضارب معاها ويحاول

يغيظها وكان يحمل لها في نفسه شعوور دفين ماعمره اكتشفه الا لمن

اهدته الورده وعيدت عليه في يوم ميلاده..كانت هالورده البسيطه

والرقيقه اغلى شي في حياته وكان يحافظ عليها بشكل غريب ويحب

يخليها قدام نظره طوال الوقت..وقتها بس عرف غلاة مي عنده وعرف

سر شعوره الدفين اللي ماعمره فكر فيه..جابر حب مي حب هادئ

وغريب..حب بينه وبين نفسه...ماصرح فيه لـ مي ولا لأحد غيرها...
كان جابر مقرر في نفسه انه بيجي اليوم واللي يخطب فيه مي حبه

العذري والكبيرر...
وكان دايماً يحط الامال ويبني الاحلام على حياته مع مي..كان يتخيلها

زوجته وحبيبته وكل شي في حياته...كانت هيا الهوا اللي يتنفسه والروح

اللي تسكن جسده..صبر ثلاث سنين الين وصل عمره عشرين سنه وكلم

امه وقلها انه يبا مي له ووعدته انها تكلم عمته وتقولها عن

الموضوع...ووقتها كان جابر لسه ماكون نفسه فقال لها انا بس ابغاها ليا

وابغاهم يصبرو الين ما اكون نفسي سنه ولا اتنين وان شاء الله اكون

وقتها عند حسن ظنهم..وام خالد ردت عليهم قالت لهم انا فين القا ولد

زي جابر لبنتي مي واللي فيه الخير ربنا يقدموو ان شاء الله..وكان دا

الكلام سر بين ام خالد وام جابر وجابر..وظل الموضوع على هالحال

وجابر يسعى ويشتغل ويكون نفسه بكل الطرق عشان يكون بالمستوى

اللي يليق بمـي حبيبة قلبه..وفجئه يجيه خبرررر صعقه اللي هوا انه

رائد خطب مــي..جابر وقتها انصدم صدمة عمره..هوا كان ضامن انه

مي له وله وحده كيف جا رائد بالموضوع...في هاللحظه جابر نزلت

دمعــه حااااره على خده وهوا يتذكر صدمته وافتكر كلام امه له وهيا

تخبره بالخبر...
ام جابر:خلاص ياولدي البنت جاها نصيبها وعمك ابو خالد ماقدر

يرفض ولد اخوه
جابر والدموع تخونه وتنزل على خده:طيب وكلام عمتي والوعد اللي

وعدتوني هوا
ام جابر بحزن على حال ولدها:والله ياجابر ما اعرف وش اقلك عمتك

اتصلت عليا محرجه وتقول انه ابو خالد ماشاورها بالموضوع وقرب

ابو محمد وولده بدون ما يقولها اي شي عن الموضوع وهيا اتفاجئت

مثلها مثلنا بالموضوع
جابر بحزن:طيب وانــا
ام جابر بإبتسامه حلوه وتقعد جمبه وتمسك يده:انت ولد حلوو ولك

مكانتك بين الناس واي بنت في الدنيا تتمناااااك
جابر:بس انا ما ابي اي بنت
ام جابر:ربي يسخر لك البنت اللي تقدر تسعدك وتهنيك يارب
جابر بألم:يعني خلاااص انتهـى كل شي
ام جابر بأسف:لاتسوي في نفسك كذا ياولدي هذا نصيب البنت وربنا مو

كاتب لك نصيب فيها انساها وخليها تشوف حياتها وادعي لها بالسعاده

والتوفيق
جابر وقتها اتقطع قلبه وانهدمت احلامه...فقد الحياه ونسي طعم

الوجود...
ايامه كلها قلبت جحيم بعد ماكانت كلها ورود واحلام...
افتكر جابر كل هالاحداث وهلت دمعته من الحزن..كان اسوء يوم في

حياته...
دموعه يومتها من كثرها صارت انهار وبحااار..كان داك اليوم بداية

معاناته...ويوم احتضار حبه وقلبه الحزين...
ضحى جابر بحبه لمي وتركها لولد عمها واللي اكتشف بعد كدا انه

يحبها وتحبه..
ضحى بحبه وقلبه وحاول ينساها لانه مؤمن بقضاء ربه...ولانه يبغا لها

السعاده ولانه مايبا يبعد قلبين حبو بعض عن بعض..
جابر عاش حياته على ذكرى حب مي..وماقدر بعد كدا يقتنع بفكرة انه

يتزوج وحده تانيه غيرها..صحيح انه كل مايشوف رائد يحس بالسكاكين

تطعن قلبه بس خلاص..اتعود هوا على الالم واتعود على الجراح

والوحده في نفس الوقت..
اتذكر جابر اليوم في ملكة منى لمن جاه رائد وحط يده على كتفه وقال

له...عقباااالك...حط جابر يده على المحل اللي حط رائد يده عليه وبيده

التانيه لم فيها نفسه بكل حزن...
حس انه هالكلمه تقيييله عليه وثقلها بوزن الجبال...وخصوصاً انها جات

من رائد..وقال في نفسه ايش اقلك يا رائد اقلك اني عفت الزواج والحياه

من بعد مي من بعد زوجـتك..عفت الدنيا من بعد ما اخذت مني احلى

حب واحلى حلم عشت له طول حياتي..آآآه يارائد...وآآه ياقلبي..
وقتها حس جابر بمدى المه وشوقه لاحلامه الصغيره اللي كان يبنيها

على اساس حياته مع مي...
قعد جابر على هالحال مده طويله وهوا يبكي حبه وقلبه اللي ماتوو

للمره الالف...
وفجئه اتفاجئ بجواله يدق بإسم...
منـوله العسـوله
ابتسم في غمرة احزانه وقال في نفسه هادي منوله اختي حبيبتي اللي

دومها تحس فيني وتتصل عليا لمن اكون حزين وزعلان وتشيلني من

همومي واحزاني للحيـاه وبسماتها..كأنها تحس اني محتاج لها..
رد بشوق وهوا منتظر كلمة منوله المعتاااده اللي تقولها بكل دلع

الوووووووووه...
بس اتفاجئ بمنال تقول بصوت حزين ويبكي:الووو جابرررر تعاااال

اللحق علي
جابر وقف من الخوف والصدمه:خير منال وش فيه؟
منال:جابرر تعال مستشفى... بسرعه انا بستناك...وقفلت الخط ما اعطته

فرصه يفهم اللي صار..
في منطقة تانيه بجده مع احلى قلبين...
رائد حس بالغيره لمن شاف فرحة مازن وافتكر يوم ملكته على مي

وحس بشوووق فظيع لها لانه ما شافها مظبوط من كم يوم لانها كانت

طول الوقت مشغوله مع اهلها..فقرر في نفسه انه يعمل لها مفاجئه

ويبسطها..
رائد وقف قدام بيتهم:يلا بابا فهد خد اخوك وادخلو البيت
احمد:ليه بابا فين رايحين؟
رائد:مشوار قريب ونجي
مي وهيا مستغربه:اي مشوار في دي الساعه انتا عارف الساعه كم؟
رائد يطالع فيها بنظره خلتها تسكت وقال:يلا فهد خد اخوك وادخلو

البيت ابا ارجع الاقيكم نايمين وياويلكم لو شفت احد صاحي منكم
فهد بانصياع لأوامر ابوه:طيب يلا احمد
احمد:لاااااء ما ابا ابا اروح معاكم
رائد في نفسه ياربييييييييي..
رائد:بابا احمد لو سمعت الكلام بكره اوديك ايس لاند واي مكان تبا

تروحه اوكي
احمد وهوا يفكر:من زد ماتضحك عليا يعني
رائد:افاااا انا اضحك عليك يابابا تؤ تؤ مايصير حمودي تقول كدا بابا

لمن يقول شي لازم تسمع كلامه وتصدقه طيب
احمد وهوا يتقدم من كرسيه ويبوس ابوه على خده:طييييييييب بابا
رائد وهوا يبتسم بسعاده:يلا روحو وخلي لبابه تغطيك مظبوط<<<لبابه

خدامتهم..
فهد خرج من السياره:يلااااا احمد
وراحو احمد وفهد..وقعدت مي بحيره من اللي بيسويه زوجها وهيا مو

فاهمه شي..
رائد طالع فيها وهوا نفسه يضحك:ايش بك ميويه؟
مي تطالع في جوانا اللي في عبها وتقول:فين تبا تودينا؟
رائد:اممممممم دحين تشوفي
مي..........
واخد رائد مي وودها لمكان حلو على البحر..
مي تطالع في رائد بإستغراب:رائد دا وقته؟
رائد يبتسم وينزل من السياره ويفتح لها الباب ويعمل حركه بيده عشان

تنزل:اتفضلي برنسيستي
مي وهيا تبتسم على حركات رائد:ههههههههه اوكي حبيبي بس جوانا

نااايمه
رائد: حطيها في كرسيها اللي ورا كلها كم دقيقه محا نطول
مي:اووكي
ونزلت مي من السياره وحطت جوانا في الكرسي المخصص لها في

السياره وبعد كدا مشيت للبحر هيا ورائد وهما ماسكين يد بعض...
وقفو عند البحرر ومي صارت تطالع في البحر ونور القمر المكتمل

عليه...كان المنظرر روووعه..وفي هوا خفيف يهزز عباية مي وهيا

ماسكه يد رائد والمنظر كان اثيري..
رائد وهوا يقرب من مي:حبيبتي وحشتيني
مي بخجل بس مستخبي:متى لحقت اوحشك انا طول الوقت معاك
رائد وهوا يمسك يدها بحنيه:انا وانا معاكي دحين وانا مشتاق لك
مي رفعت عيونها عليه وطالعت فيه بحب وقالت:ربي يخليك ليا

ولايحرمني منك يارب
رائد بإبتسامه عذبه:من متى ما قلتلك اني احبــــك وامووووووت فيكي
مي حست خدودها ولعت نااار كل مايقول لها رائد هالكلمه تحس

بالحراره داخلها برغم انه مايقصر ويقولها هيا دايماً طالعت فيه بخجل

وبحب وقالت بدلع:من زمااااااااااااان
رائد وهوا يبتسم:يعني من متى؟
مي وهيا تحاول تفتكر:اممممممممم من اسبووووع

هههههههههههههههههه كتير مووو؟
رائد وهوا يقرب منها ويمسك يدها:الا من قرن الا من عشرين سنه انا

كل ثانيه في نفسي اقول اني احبـك بس مالاقيكي عشان اقولك هيا ليييه

يامي انشغلتي عني كل هالفتره اللي راحت كدا هنت عليكي لاتسألي عليا

ولاتهتمي فيني...ويسوي نفسه زعلان...
مي بحنيه:اسفه حبيبي بس انشغلت في ترتيبات ملكة منى
رائد وهوا يتدلع عليها:برضوو ولووو المفروض مافي شي يشغلك عني
مي:ياسلم طيبب انت كمان كنت طول الوقت مشغول عني بشغلك وولا

عمري زعلت منك ولااتذمرت
رائد:لالالا انا غيرررر
مي وهيا ترفع حاجب واحد بغرور واستنكار:واشمعنى يعني؟
رائد وهوا يقرب منها اكثر:لانه انا مهما انشغلت عنك ومهما سويت

انتي في قلبي وفي كل لحظه ارسل روحي تتطمئن عليكي اما انتي((

وهوا يحوس بفمه))لو انشغلتي بشي واحد بس تنسيني ولا تعبريني
مي وهيا تبعد عنه وتتكلم بشووية زعل:بس بلا بكش والله طول الشهر

اللي فات وانا ساكته انتا طول الوقت مشغول وترجع البيت بس عشان

تاكل وتنام وانا ما ااقولك شي ولا في يوم زعلت بلييز رائد لاتقعد

تلومني على هاليومين اللي قضيتها في بيت اهلي هادا واجب عليا ولازم

اسوية
رائد انصدم من ردة فعلها ماكان يقصد يزعلها هوا بس حب يبين لها انه

مشتااق لها وزعلان لبعدها..
رائد كانت في ورده في جيبه اخدها من محل ورود شافه على الطريق

وهوا جي من مكه...فقال اعطيها هيا دحين يمكن ترضا..وراح لجهتها

وهيا كانت تطالع في البحر بصمت وتأمل..
رائد بصوت حنون وعميـق لأبعد درجه:مـي
مي غمضت عينها حست برجفه في قلبها من صوته ماتقدر تقاومه

ولاتقاوم حبه لها مهما قهرها وسوا فيها..
رائد شافها وضحك في نفسه ياربي عليها امووووت فيها وفي

عنادها...قرب منها ووقف قدامها
رائد بنفس درجة الصوت:مي ممكن تطالعي فيا
مي ابتسمت ابتسامه صغيره وحاولت تخفيها وقالت:لا ما ابا بعد عني
رائد ركع على وحده رجل ومسك الورده بيده بطريقه سنمائيه وقال لها

بصوت حلو واحساس صادق((http://arabic.salmiya.net/songs/wael...foory90.ram)): بدي حنان اعطيني عطيني حب

ونسيني حد عيونك خليني وحسسني بالامان
انتا عمري وحياتي انتا عشقي واهاتي بقضي معك حياااتي لأخر

الزمااااااان ((في هاللحظه فتحت مي عينها وطالعت فيه بكـل حــب

وعشق وهياام))
رائد:جـن الهوى ورماني طيرني انا وياك قلبك بعدو بيهواني وقلبي

بعدو بيهوااك..((ابتسمت مي له بحب ومسكت يده وخلته يوقف

قدامها))..
رائد:حبك حدي خلني انا بعيوني بخبيك لاتحلفني ولاتسألني انا مافيا

انساك...((وقدم رائد لها الورده وهيا اخدتها وشمتها وهيا تبتسم له

برقه))
مسك رائد يدها ولفها مع يده وقعد يغني لها ويطالع فيها كل شويه

وشوية يطالع البحر ويغني..وكان الجو بينهم من احلى مايكون...
ياحبيب الروح اسمعني من قلبك ماتضيعني ياما بحبك لوعني وحرمني

من الحنان..
من قلبي ومن احساسي ليتك حبي واخلاصي كن قلبك قلبي ناسي رجعنا

من زماان..
جـن الهوى ورماني طيرني انا ويااااك قلبك بعدو بيهواني وقلبي بعدو

بيهواااك..
احياناً تكون في قلوب تستاهل السعاده والراحه وانا مالقيت في قصتي

قلبين يستاهلو هالسعاده كثر مي ورائد..الله يسعدهم كمان وكمان...
لمى كانت في غرفتها فرحانه وزعلانه في نفس الوقت..امجد رجع من

السفر ولا كلمها ولا عبرها ولا حتى كان باين عليه انه مشتاق لها...

ليييييه يا امجد تسوي فيني كدا..
امجد في نفس الوقت كان قاعد في غرفته نفسه يتصل عليييها

ماااااااايقدر يستحمل اكثر من كدا مايقدر..وفي لحظة ضعف ماقدر

يسيطر على مشاعره واتصل..
لمى شافت الاسم على الجوال ((قلبـــــي))ماقدرت ترد..قلبها وجسمها

كله صار يرجف امجد امجد اتصلللللللل ياربي ماااااااا اصدق...
امجد ماصدق لقاها حجه انها ماردت وقفل الخط بسرعه...لمى شهقت

بحزن ليه قفل الخط بسرعه..
امجد كان يبغا يسمع صوتها ماااايقدر ينام يحس لمى قريبه منه وفي

نفس الوقت بعيده..يحس روحها معاه.. يحس بسمتها ترتسم قدامه يحس

بعيوونها تطالع فيه..لكن كل مايتذكر انها ماتحبه يحس قلبه ينطعن الف

مرره...قام امجد من سريره كعادته لمن يحس بالضيق يحب يسمع اي

شي يحب يحس انه في احد معاه يواسيه ويمسح دمعته شغل الاستريو

وكان فيه كست منوعات..وطلعت له بالصدفه اغنية للحين احبها((http://gulf.salmiya.net/songs/nabeel/ram/nabeel101.ram))..
للحين احبها ولاني قادر انساها صورتها دايم في بالي ماتفارقني..
كل شي حولي يذكرني بذكراها خلتلي في كل شي ذكرى تذكرني..
امجد عوووره قلبه لمن سمع هالكلمات وقلب الكست على طول وحط

الوجه التاني..وطلعت اغنية تافهه من الاغاني التافهه اللي بتطلع هالايام

وما اهتم لها المهم انه يسمع صوت معاه في الغرفه..
كلمات اغنيه للحين احبها جاته على الجرح..وحس نفسه يبغا يبكي..يبا

يبكي حبه ..وقلبه اللي مشتااق للمى بس مايقدر يوصل لها..
امجد كان قاااسي على قلبه وعلى نفسه..يحبها بكل جوارحه لكن كرامته

وغروره مسيطر عليه وعلى كل تفكيره..مسك امجد قلبه اللي حس انه

بيتمزع من شدة الالم ورجع انسدح على سريره..
في هاللحظة سمع جواله يدق شاله وشاف الاسم احلـى نظـره..ارتبك

ونبضات قلبه زااادت..اتصلت عليا يعني صااحيه ياربي اكلمها ولالا..
في الجهه التانيه لمى كانت حتقفل بس سمعت صووت جي من بعييييد..
الووووووو
لمى بصوت مرررتجف والدموع في عيونها:الووه
امجد وهوا يحاول يمسك نفسه ويحاول يتكلم بجفا:هلا
لمى نزلت دموعها من كلمته الصغيره هادي ذكرتها بالايام اللي كان

يكلمها امجد فيها بكل حب وعطف ماكان يسيب كلمه في الكون الا

ويقولها لها..دحين بس هلا..هادا اللي قدرت عليه يا امجد...لهدرجه ما

صرت اعني لك شي..
امجد حس انها زعلانه وحزيينه وقلبه عوره حس بالدموع اللي تنزل

على خدها النااعم ..كان نفسه يقتل نفسه الف مررره على انه تنزل

دمعه من عيون لمى..وماكان يدري انه لمى ياما ذرفت دموع اكثر

بسببــه..
لمى بصوت يبين شوقها وحبها له:امجـد
امجد.....
لمى فجئه بصوت يقطع القلب: امجد ليــــش يا امجد ليشششش؟
امجد مافهم قصدها؟؟!!..
امجد بإستغراب:نعم ليش على شو؟
لمى ماعرفت ايش تقول وسكتت وصارت تبكي..
امجد حس نفسه خلاااااص ماااات..لمى بتبكي ليييييييييه يالمى ليه تبكي

الا انتي يالمى سيبي الدموع ليا سيبي الحزن ليا انتي افرحي وعيشي

حياتك..ليه يالمى تعذبي عيونك الحلوه بي هالدموع لييييه يالمى..انا

مستعد اموت في اليوم الف مره ولا انك تتعذبي دقيقه يالمى..خلي

الحزن ليا..خلي الدموع ليا..خليني انا اللي اتعذب وانتي افرحي

وابتسمي..مايهمني بشيل الهموم عنك..بشيل الجروح..والعذاب

والنوح..بشيل كل اللي تبيه لو حتى للزمان نوووح بس لاتتعبي

ولاتحزني قلبك يالمــــى..
حس امجد انه لمى تحبــه وحس بشوقهااا الواضح له من طريقة

بكاها..وقال في نفسه طيييييييييب ليه يالمى قلتي داك الكلام لو تحبيني

ليه سويتي فيني كدا..تروحي للرجال اللي المفروض انه هوا غريب

عنك وتقولي له انك مغصووبه عليااا ليييه يالمى..ليه تجرحي قلبي من

بعد ماحبك ليه تخليه قاسي لهدرجه..قسى قلبي عليا وعليكي يالمى..

بعدتي بين قلبينا..وكتبتي علينا الفراق..طعنتي قلبي بكلامك

وبتصرفك..خلاص يالمى ماعاد صار ينفع خلااااااص حكمتي يالمى

وانتهى الموضوع...
امجد..يعتبر في نفسه شخصية خالد اللي هوا اصلاً امجد..غريبه عن

لمى..لانه بنظره لمى ماتعرف عن خالد هادا شيء والمفروض هيا

تعتبره غريب عليها..فكيف تسمح لها نفسه انها تقول عن الشخص اللي

يحبها او اللي على الاقل مرتبط فيها مدى العمر انها مغصووبه عليه

وماتباه كييييف هان عليها انها تدنيه لهالمستوى..
امجد في لحظة ضعــف وهوا يسمع صوت بكاها اللي يقطع القلب قال

بكل حب وبصووت بااااااااين فيه الشوق والاهتمام:لمى الا دموعك

يالمى الا دمووعك انا استحمل الموت ولا دموعك
لمى نزلت دموعها اكثر وجات تبا تقوله احبــــك والله احبـــــك

لاتعـذبني بجفاااك وبعدك عني..مدام تحبني واحبك ليه كدا يا امجد ليه

تبا تفرق بيننا ليييييه يا امجد ليييييه كل هالعذاااب اللي معيشنا فيه...
وامجد كان حاس بكلامها وحاس بأفكارها..ويبا يقولها هوا كمان اناااا

اللي احبــك يالمى انــا..انا اللي ماتعرفي قد ايش مقدار حبك في قلبـي

وكيانـي..
وفي الوقت اللي كل واحد فيهم يبكي حبه ونفسه يشكي عذابه للتاني..

طلعت اغنيه من استريو امجد جاات على جرحهم هما الاتنين((http://gulf.salmiya.net/songs/rashed/ram/rashed214.ram))
امجد لمن سمع موسيقى الاغنيه وعرفها قال بصوت هادئ ومتعذب:

لمـى
لمـى....
اتحرك امجد من مكانه بهدوء وراح للاستريو ورفع الصوت عشان لمى

تسمع معاه..
امجد وهوا يقعد على كرسي قريب من الاستريو:لمـى اسمعـي
غلطة الايام احنا ماغلطنا كنا مشتاقين يوم انا افترقنا..
كلنا ملهوف واحزانه كبيره العيون تشوف وايدينا قصيره..((لمى لمن

سمعت هالمقطع وحست انه امجد يعني علاقتهم بكيييت بكا يقطع القلب

بكاا بس بصمت لانها تبا تكمل وتسمع باقي كلمات الاغنيه..وامجد حس

لدموعها فمسك الجوال وحطه قريب من فمه وبدء يغني مع الاغنيه

بصووت يقطع القلب ولمى تسمعه وتبكـي اكثـر واكثــر))
امجد:لعبة الاقدار تلعب في هوانا والزمن غداار مايحفظ امااانه..
هذا شي معروف من يملك مصيره..العيون تشوف وايدينا قصيره..((

امجد غنا هالمقطع باحساااس وبعذاب واضح ولمــى ساااكته تسمع

والدموع تنزل على خدها زي الانهااار وتقول في نفسها ايش اللي

يقصده امجد ايش؟؟؟))

قصة عمق القلوب باللهجة السعودية ... 26