منى:اهئ اهئ احد يسااااااااعدني خرجووووووووووني من المسبح ياهوووووووووووووو يانااااااااس ياعااااااااااااااالممممم
والبنات راحو للغرفه الي تطل على المسبح..وشغلو الاغاني وقعدو يرقصو عشان يقهرو منى الي قاعده في المسبح وتشوفهم...
منى بقهرر:يااااااااااااااااااااااااااااااااانااااااااا اااااااااااااااااااااااااااس
لمى وهيا جيه مفجوعه من صوت صراخ منى:خيررر ايش صااار؟؟
منى:ولاشي بس ساعديني
لمى بصدمه:هههههههههههههههههههه ايش دخلك المسبح يامجنونه؟
منى:اسألي بنت عمك المصونه
لمى:ههههههههههههههه مين رندا
منى:ايووه شفتي كيف
لمى:هههههههههههههههههههههه
منى وهيا ترتجف ومو عارفه تتكلم مظبوط:مو و..وقتك ياختي قوومي رو..حي..جيبيلي منشـ..ـفه..او اي ش..ـي عشـ..ـان اخرج انشف نفسـ..ســي..!
لمى:طيب دحين اروح ادورلك
منى:بسررررررررررعه
وبعد دقيقه رجعت لمى لمنى بروب ومنشفه..
منى وهيا تطلع من المسبح وتترتجف من البرد:شـ..شـ..شكراً
لمى وهيا تعطيها المنشفه والروب:هههههههههههههههههههههههه والله كنت عارفه انه رندا مابتسيبك كدا بدون ماتردلك هيا
منى:دحين مو وقته شوفيلي الطريق بروح لغرفتي ابدل ملابسي
لمى:طيب يلا
ويروحو منى ولمى للدور التاني لغرفة منى...وتتفاجئ منى بأنه باب الغرفه مقفوول وماهي قادره تفتحه...
منى وشويه وتبكي:وااااااااي ياربي ايش دا والله لأوريكي يارندا ياكلبه ياحماره والله لأوريكي يلي ماتستحي على وجهك
لمى:هههههههههههههههههههههههههههااااي كمان قفلتلك غرفتك حلوووووووووووه يارندوي
منى:والله انك ماتستحي دحين انا بموت من البرد وانتي تقولي حلوه والله لأوريكي انتي كمان شكلك متفقه معاهم
لمى وهيا تحاول توقف ضحكها:لالا حرام عليكي والله لاتظلميني؟؟
منى واسنانه تصكك:اوووووف م..م..مـحا اظلمك..ولاتظلميني روو..وحي دبـ..ببريلي اي مصيبه عشان افتـ..ـح البـ..ـا..اب
لمى والي حزنت على حال منى:طيب دحين اروح اشوف
وراحت لمى لعند البنات...ولقت الغرفه مرره ضجه حاطين الاغاني على اعلى صووت..وقفلت الاستريو وقالت...
لمى:بنااااااااااات مين فيكم اخدت مفتاح غرفة منى
رندا وهيا تتصنع البرأه:انا ماااااااالي دخل لا شفت مفتاح ولا غيره
لمى:هههههههه لالا ياحبيبتي مو عليا اكيد المفتاح عندك
رندا:والله العظيم رب العرش الكريم انه المفتاح مو عندي
لمى بحيره:اجل عند مين يعني؟
رهف وهيا تتطالع في منال بتشكك:منااااال
منال وهيا تحاول انها ماتضحك:ها..هلا
رهف:عندج المفتاح؟؟؟؟؟
منال وهيا تسوي نفسها بريئه:ها لالا ماعندي وليه اخده اصلاً انا مالي دخل في الموضوع كله
لمى وهيا تتطالع في منال بنص عين:ايوه ايوه صح مررره واضح حرام عليكم البنت بتموت من البرد هاتو المفتاح
منال وهيا تتطالع في رندا عشان تعرف رأيها:رندا؟؟؟؟
رندا:مالنا دخل خليها تموت من البرد شويه عشان تعرف مين رندا وماتلعب عليا تاني
لمى:رندا والله حرام عليكي حتمرض البنت ماعندك رحمه
رندا والي حزنت على اختها سوت حركه براسها لمنال انه طيب تعطيها المفتاح...
منال وهيا تقوم توقف:تعالي انا اعطيكي هوا
لمى:مو دوبك تقولي ماعندك!!
منال:اوووف تبيه ولالا؟؟
لمى:الا الا...وراحو الاتنين وفتحو الباب لمنى الي كان نفسها تلطش منال ورندا مع بعض لانه عملو فيها هالمقلب الفظيع...وفي الوقت نفسه وصلت مها صحبت رندا ولمى للمزرعه...وبعد ما اجتمعو كل البنات..رندا..ومها..ولمى..ومنى..ورهف...ومنال..ومي الي تجي تقعد معاهم شويه بعدين تروح...
رندا:كيفك مهوووي وحشتيني يالدبه
مها:طيبه الحمدلله..وانتي الاكتر حبيبتي شخباركم بنات؟
الكل:بخير
لمى:وفينك اختفيتي عننا فجئه هاا؟
مها:والله ظروف
رندا والي تطالع في خدود مها المحمره بتشكك:مهااااا
مها:ههههههههههههه هاا خيرر؟
رندا:اعترفي بسرعه
مها وهيا حاسه انه رندا حتعرف حتعرف:هههههههه اعترف على ايش؟
رندا:والله شكلك يامصيبه انتي انك انخطبتي ولا شي
مها:هههههههههههههههههههههه لا مين قال؟!!
رندا:اعرفك انا ماتقدري تخبي عليا شي
مها:اممممممممممم
لمى والبنات:يعني صح
مها بشوية حيا:ايوه صح
البناات:مبرووووووووووك مها
مها:ههههههههه لالالحظه لسه ماصار شي
رندا:كيف يعني ماصار شي؟
مها:يعني بس كلمو الاهل لكن ماصار شي رسمي
رندا:هههههههههههههه مو مشكله المهم اني عرفت
مها:والله ماكدبو يوم قالو انك ساحره
رندا:ههههههههههههه لا والله وهادي كنتي كمان تبغيني ما اعرفها
مها:الا بس كنت ببلغكم يوم يصير شي رسمي
لمى:والله وكبرتي وانخطبتي يامها
مها:هههههههههههههههههه يعني من كبرك انتي ياختي
لمى:انا ايوه طبعا
مها:طيب ياجدتي العجوزه
البنات:هههههههههههههههههه
منال:الا اقول مها مين تعيس الحظ اووه اوه سوري قصدي مين سعيد الحظ ذا؟؟
مها بحيا كبير:ولد عمي
رندا والي ابتسامتها اتوسعت وغمزة لمها:اهاااااااااااااااا قولتيلي طيب مبرووك والله يلا عقبالي يارب
منى:ماني داريه مستعجله على ايش هالبنت!!
رندا:وي كل بنت ومصيرها الزواج ليه تبو تحرموني يعني حلال عليكم وحرام عليا
منال:هههههههههههههههههه اهجدي يابنت عيييب
رندا وهيا تسوي نفسها بريئه:ماقلت شي غلط
منى:الا المفروض البنات الصغار الي زيك مايتكلمو في هالاشياء
رندا:افااااااااااا صرت من البنات الصغار طيب طيب تستقوو عليا لانكم كلكم في الجامعه وانا الوحيد بالمدرسه بس يلا هانت كلها شهر وشويه وافتك من الترم الاول وادخل بالتاني واللحقكم
لمى:ايه صح انتي مارحتي المدرسه امس
رندا:ايوه طبعا غبت عشان جيت المزرعه هادي
رهف:طيب انتو حتطولو هنا ولا كيف؟
رندا:لالا محا نطول السبت عندي مدرسه
لمى:وكمان الكل عنده دوامات وبكره الجمعه ان شاء الله بنمشي
الكل:ان شاء الله
المهم عدا الوقت على البنات واتسلووو وضحكوو...اغاني ورجه ورقص وسوالف وحركاات...
وعند الشباب...
رامي وباسم وناصر وامجد بيلعبو بلووت..ومازن قاعد مع خالد يسولف...ورائد قاعد يتفرج على مبارة كوره في التلفزيون..
مازن:ايه وشخبار صاحبك ماجد؟؟
خالد:بخير الحمدلله امس مكلمني
مازن:والله طب كويس لاني اتعرفت عليه في شبكة اخوك واخدنا على بعض واتواعدنا اننا نكلم بعض بس شكله نسيني يالله موب مشكله
خالد:ايه قلي انه اتعرف عليك ومره مبسوط لانه عرفك
مازن:عيل وينه اختفا؟؟
خالد:والله مدري عنه حتى انا ماكلمني من يوم الشبكه الا امس اتصلت عليه ورد عليا بعد ما اتهلكت وانا اتصل عليه
مازن:ااهاا يمكن مشغول
خالد وهوا يفكر:يمكن لانه قلي اول انه بيرتيب اوراقه عشان يرجع الجامعه
مازن:اهاا والله حلووو الله يوفقه
خالد:امييين...ويقطع كلامهم صوت رامي العالي..
رامي:ياواااااااااااااااد اللعب
امجد:امممم اصبر خليني افكر شويه
رامي:ليك ساعه تفكر مايبغالها تفكير اول مره اشوف احد يفكر زيك
امجد وهوا يلعب:اوووف طيب اهوه لعبنا
باسم:والله انك تشبهو توم وجيري
ناصر:هههههههههههههههههههههههه ايه صح صدقت
رامي:وعاد ماشاء الله انتو العاقلين يعني مافيكم عيب ماشاء الله عليكم حبايبي
ناصر:يابووووويه ترانا فلللله مو زيكم ماعندنا لعب البزروه هادا توم وجيري ومدري ايش هههههههههههههه
باسم:اقووووووووووووووووول شباب تراكم زهقتونا اللعبو عدل...ويتفجعو كلهم بصووت رائد الي قاعد يصرخ.....
رائد:هييييييييييييييييييييييييييي قووووووووووووووووول ياهووووووووووووووو فزنا فزنا قوووول
خالد بفرحه:كم النتيجه؟
رائد:3 للاتحاااد 2 للهلال
ناصر والي يشجع الهلال:يخس بس يخس مايستاهلو هالمتخلفين الفوز
رامي الاتحادي:المتخلفين تاج راسك حبيبي
ناصر:لا والله يخسو الا هما يكونو تاج راسي
باسم والي مايشجع ولا واحد في الفريقين:شوفو تراكم بطلعولي روحي اليوم بتلعبو ولا نقوم انا وامجد نلعب لنا كيرم احسن
رامي:اللعبووو انا قايم بروح اسوي مسيره مع الشباب اكيد دحين بيقلبو الدنيا بره
رائد:خدني معاااك رمووي
باسم:لا والله احنا جيين عشانكم وانتو تروحو وتخصرونا
امجد:هههههههههههههههههه صح رامي اركد واقعد محلك خلينا نخلص اللعبه بعدين قوم سوي الي تبغاه
رامي بأحباط:طيب يالله نكمل
مازن والي يضحك عليهم:هههههههههههههه الله يرجهم من شباب ماعندهم الا الاتحاد والهلال والله النصر احسن منهم هالاتنين
خالد:لالالالا الاتحاد سيد كل الفرق
رائد والي يجي يقعد مع خالد ومازن:صدقت خلوووووود
خالد:وبعدين معاك ياخي كم مره اقولك اسمي خااااااالد مو خلووود<<<ويقلد طريقة رائد في الكلام...
رائد وهوا يحط يده على كتف خالد:مو مشكله كله سوا
خالد والي يبعد يده:اقوول بعد يدك عني ماني اصغر عيالك حبيبي
مازن:ههههههههههههههه اسميكم شقايل شو دا ماخليتو شي للصغار
خالد و رائد مافهمو شي وبققو عيونهم ودا الشي خلا مازن يزيد من ضحكه...
مازن:ههههههههههههههههههههههههههههههههههههه
خالد:ايه ايه انتا بس اتشطر علينا في كلامك عشان مانفهم هيا اعترف سبيتنا ولا ايش؟؟
مازن:هههههههههههههههههههههههه لا يابو الشباب ووالله انا احاول قد ما اقدر اني ما ادخل الكلام الامارتي فرمستيه وياكم بس ايش اسوي لازم يدخل شوي بعض الاحيان بالغلط
رائد:برضك تستخف فينا وايش رمستيه هادي ها؟؟؟؟؟
مازن:هههههههههههههههههههههههههه
وباسم وناصر الي سمعو الحوار شاركوه بالضحك...
ولمن صارت الساعه1.00 اتصل مازن على رهف عشان تخرج لانهم خلاص رايحين...
دق على جوالها كم مره بس ماترد...لانه رهف دخلت جوة الفيلا ونسيت جوالها على الكرسي الي جمب المسبح وبالصدفه كانت منى بترتب الاشياء قبل ماتدخل وشافت جوال رهف يدق وشافت الاسم مــازن...دق قلبها وكان شويه ويخرج من صدرها تبغا ترد عليه تبغا تسمع صوووته بس مستحيل ترد على جوال رهف...فكرت وفكرت ولقت الجوال يوقف رن..وحست قلبها الي وقفت نبضاته..ومسكت الجوال بشوق تباه يدق..بس مادق..وبعد ما يئست حطت الجوال على الكرسي تاني وقررت تدخل لرهف وتقولها انها شافت جوالها على الكرسي بره وفضلت انها ماتوديه لها عشان لاتعرف انها شافت المكالمات..وهيا تمشي عشان تروح للفيلا سمعت صوت الجوال مره تانيه ورجعت تجري..ولاشعورياً ضغطت على زر الاوكي..
مازن:الووووو رهوف وينج ياقليلة الحيا لي ساعه ادق عليج
منى..............
مازن:رهف
منى.......
مازن:بنت وينج؟
منى بإرتبااك: اا..انـ..ـا ..مو رهف
مازن ارتجف لمن سمع الصوت..
مازن:منـــى
منى:.............
مازن وهوا يتنهد لانه عرف انها منى لانها ما اتكلمت:وينج انتي عني كل هالفتره اتولهت عليج قسم بالله
منى..........
مازن:والله وحشتيني والله
منى ماتبا تتكلم مكفيها انها تسمع صوته...........
مازن:والله اشتقت لج اقطع ملابسي عسب تصدقيني
منى بصوت واطي:...مايحتاج مصدقتك
مازن:فديت هالحس ياربي
منى.........
مازن بشوق:طيب لاتخليني اتكلم زي المجنون لحالي قوليلي كيفك؟
منى برقه:لا سلامتك....بخير
مازن:دوووم مهوب يوووم
منى:..........
مازن وهوا يحاول يتكلم بطريقه تضحك:نفسي اعرف متى بتحني عليا
منى:ههههه
مازن:ياويل حالي انا على هالضحكه ليه تضحكي؟
منى:ولا شي
مازن سكت واكتفا بس انه يسمع صوت انفاسها الي واضحه..لانها كانت تجري عشان ترد على الجوال..
منى استغربت سكوته وقالت:باي
مازن:لالالالا وين وين بدري ما شبعت منج
منى:سوري ما اقدر
مازن والي عارف انه منى عنيده وماتسمع الكلام اتنهد وقال بصوت باين عليه الحزن والتعب:اااه..طيب براحتج الغلا
منى:باي...وقفلت الجوال وهيا ترتجف وتقول في نفسها..شو الي سويته انا المفروض اني ما ارد عليه بس يلا شو اسوي في نفسي اشتقت لصوته والله...
وفجئه لقت رهف جيه عليها ورجعت الجوال لمحله ومسحت المكالمات المستلمه قبل ماتوصل لعندها
رهف وهيا تتطالع في منى بإستغراب:ايش بتسوي؟؟
منى:ها لالا ولاشي بس بشوف دا جوال مين ماني عارفه مين نسيه هنا
رهف وهيا تشوف الجوال:دا جوالي فين لقتيه؟
منى بإرتباك:هـ..هنـا
رهف:طيب يلا تعالي ندخل جوه عند البنات
منى:الا تعالي انتي ليه دايما كدا تنسي جوالك في كل مكان؟؟
رهف:ههههههههههه شو اسوي في نفسي نسايه
منى:طيب يلا مشينا
ولمن دخلو منى ورهف...
رندا:منى تعالي دوري معايا على كاسيت فضل شاكر ماني داريه فينه
منى والي خلاص نسيت الي صار:لالا خلاص تعبنا من الاغاني خلونا نروق شويه
رهف وهيا تشوف جوالها:اوف اوف 15 ميس كول من مازن حيقتلني ياويلي اكيد يبغاني اطلع له
منى وهيا تبتسم برقه:خليكي شويه
رهف وهيا تطالع فيها بإستغراب:وي طيب بس انتبي لايسيح نصج!!
منى:هههههههههههههه ايش؟
رهف:لالا ولاشي يلا عن اذنكم اكيد هوا بيستناني في السياره
منى:اوكي اوصلك لعند الباب
رهف:اوكي هاتيلي عبايتي
وبعد مالبست رهف عبايتها وسلمت على البنات...راحت مع منى لعند باب الفيلا وقالت لها:بعدين اقولج على التطوارات؟<<<وغمزت لها...
منى والي تتذكر انه رهف كانت تبغا تقولها شي:ايوه صح طيب ليه ماقولتيلي هوا اول؟؟
رهف:ماجا وقت مناسب
منى:خلاص اوكي اكلمك بكره وتقوليلي
رهف وهيا تسلم على منى:اوكي يلا اشوفج على خير
منى:ان شاء الله الله معاكي حبيبتي
وطلعت رهف لقت مازن في وجهها وشكله انه مو زعلان ولا شي..
رهف:مرحبا
مازن بهدوء:اهلين يلا مشينا رهف
رهف:غريبه مو زعلان؟
مازن:وليه ازعل؟
رهف:امم لاني مارديت على اتصالاتك بس والله لاني نسيت الجوال عند المسبح واحنا دخلنا جوة الفيلا ونسيته بره
مازن وهوا يتذكر انه منى ردت عليه:لا عادي يلا مشينا
رهف بإستغراب:اوكي


*&*الجزء الثالث والثلاثون*&*
عدا اليوم بسرعه واليوم الي بعده وبعد المغرب وكل العوائل ركبت سياراتها...
رندا وهيا في سيارة امجد:امجد دقيقه نسيت جوالي بروح اجيبه
امجد:رووحي مع خالد لمن ترجعي...وللاسف رندا راحت بدون ماتسمع امجد وامجد يحسبها سمعته...
رندا راحت لقت جوالها في الصاله وخرجت تجري لمحل السياره ولقت مافي ولا سياره لا سيارة السواق..ولا امجد..ولا خالد..خافت وخصوصاً انه الكل راح ومابقي الا هيا...وفجئه شافت سيارة فورد سوده رهيبه تجي وتوقف قدامها خاافت لانها مضلله ومو باين الي فيها وقررت تروح ترجع للفيلا وتتصل من هناك على اي احد لانه جوالها مافيه بطاريه...
وهيا رايحه لقت احد يزهمها...
......:رنــــــــدا
رندا لفت نفسها بفرح في احد من اهلها لسه...لمن طالعت في الي بيزهمها لقت انه رامي.. وانصدمت..
رامي بإستغراب:رندا ايش بتسوي هنا واهلك كلهم راحو؟؟؟!!
رندا بحزن وخوف:راحو وسابوني
رامي بصدمه:ايش ليـــــــــه؟؟؟؟
رندا:مدري عنهم انا نسيت جوالي ورحت اجيبه رجعت مالقيت احد
رامي عصب من الاستهتار حق امجد وخالد وقال بدون مايفكر في الي يقوله:طيب اركبي يالله انا بوصلك
رندا استحت وماعرفت ايش تسوي كيف تركب مع رامي وتمشي مشوار طويل لوحدها معاه مايصير ولو عرف ابوها حيزعل...
رامي حس بأفكارها ومسك جواله واتصل على امجد......
رامي:الوووووووووو
امجد:هلا رموي ايش تبغا دوبي مفتك من وجهك
رامي:وجع في شكلك احد يسيب اخته في المزرعه لحالها بين العمال والسواقيين
رندا استغربت من عصبية رامي بس سكتت......
امجد:شو؟؟
رامي:ايش الي شو ارجع تعال خدها
امجد:انا والله قلتلها ترجع مع خالد بس شكلها ماسمعتني وحسبتها راحت مع خالد
رامي:طيب المهم ارجع وخلاص
امجد:فين ارجع يابويه انا رحت مرره بعيد اتصل على خالد هوا مشي بعدي تلاقيه قريب خليه يرجع لها
رامي:اوووف طيب مع السلامه...وقفل الخط بوجهه...واتصل على خالد..
خالد:هلا وغلا
رامي:فينك خالد؟
خالد:ايش الي فينك هادي في الطريق فين يعني؟
رامي:تقدر ترجع تاخد اختك رندا لانه اخوك المصون امجد نسيها في المزرعه
خالد والي ما انتبه لكلام رامي قعد يسكت محمد الي عامل ضجه:محمد حبيبي اسكت ماني سامع
محمد:تيب
خالد:ايوه رامي ايش تقول
رامي وهوا يعيد كلامه بعصبيه:تقدر ترجع تااخد اختك رندا لانه اخوك امجد نسيها في المزرعه
خالد والي انصدم:ايش؟؟؟كيف نسيها الغبي دا!!
رامي:انا ادري عنه يقول يحسبها معاك
خالد:وانا كمان احسبها معاه
رامي:والحل معاكم يعني
خالد:امممم والله يارامي اني انا برضو رحت بعيد وما اقدر ارجع
رامي بعصبيه:والحللللللللللل؟؟؟؟؟؟؟؟؟؟؟
خالد والي مالقي غير هالحل:خلاص رجعها انتا؟؟
رامي بإستغراب:ايش؟؟
خالد:يالله يارامي مافيها شي انتا زي اخوها وانا اثق فيك جيبها معاك ووصلها لبيتنا وروح في حال سبيلك
رامي يفكر........
خالد:هااااا ايش قلت
رامي بقلة حيله:اصلاً مافي غير دا الحل مدام انتو اخوانها مافيكم خير
خالد وهوا يضحك:هههههههههههههههه هدي ابو الشباب ايش بك معصب
رامي:باي...وقفل في وجهه خالد هوا كمان...
رندا...........
رامي بهدوء:اسف رندا معليه مافي غير دا الحل اتفضلي اركبي معايا وانا اوصلك
رندا:اوكي...ومشيت للسياره بشويش وركبت بحيا قدام جمب رامي..لانه سيارته مافيها غير باب واحد..
رامي وهوا يركب:عندك مويه؟
رندا:لاء
رامي ويرجع يخرج من السياره:معليه اصبري عطشان بروح اجيب لي مويه واجيكي طيب
رندا:طيب خد راحتك...وراح رامي لغرفة البواب..
رندا وهيا تمد نظرها لكل شي في السياره..وتشوف كيف هيا مرتبه وريحتها حلوه من ريحة عطر رامي..والقلب الاحمر الي مكتوب عليه حرف ((R)) والكاسيتات الي كانت مرتبيه ومنسقه بشكل حلوو..شافت اغلب كاسيتاته منوعه وحلووه..واختارت كاسيت منوعات وطلعت اغنيه حلوه تحبها رندا مره...اغنية عبدالعزيز المنصور الجور روعه(())...وفجئه دخل رامي السياره وسمع الاغنيه وابتسم...وانحرجت رندا لانه لعبت في اشيائه بدون اذنه..ودخل السياره وحرك بدون مايقول ولا كلمه..وبعد مدة ربع ساعه كلها كانت صمت اتكلم رامي..
رامي:ايوه وايش مسويه في دراستك؟
رندا:والله الحمدلله ماشي الحال
رامي:يالله شدي حيلك امتحانات الفصل الاول مابقيلها شي
رندا:اكييد ان شاء الله
رامي.......ماعرف ايش يقول وسكت....
رندا:اممم الا كم بقيلك وتخلص دراستك بره؟؟
رامي وهوا يفكر:حوالي شهرين وبما اني اتأخرت هنا فيمكن شهرين واسبوع شي زي كدا
رندا:اها الله يوفقك
رامي:امييين..وفجئه دق جوال رامي وشاف الرقم دولي وغريب..
رامي بحيره:الوووووووووو
........:هلا حبيبي شحالك؟
رامي والي ما عرف صاحب الصوت:مين معايا؟
.........:خسك الله يالسبال بعدت عنك كم يوم تقوم تنساني افا بس
رامي والي فرح مره:اووووه اووووه تمووووووووور القاطع هلا حبيبي هلا وغلا
تامر:هلا بدري تو الناس كان ماعرفتني احسن
رامي:لا ولو كم تمور عندنا السموحه يالغالي
تامر:بالحل شخبارك رامي وشو علومك؟
رامي:بخير يعلك بخير انت شحالك؟؟
رندا طالعت في رامي بإستغراب ولاحظت طريقة كلامه الغريبه..والي تشبه طريقة كلام رهف نوعا ما..
تامر:بخير دامك بخير
رامي:بشرني شخبار الاهل؟
تامر:بخير ويسلمو عليك
رامي:الله يسلمهم من كل شر
تامر:وها متى موعد رحلتك؟
رامي:بكره الساعه 1 الليل
تامر:اها اوكي انا بمشي من الامارات بعد بكره
رامي:بالسلامه ان شاء الله
تامر:الله يسلمك
رامي:وها كيف الامارات واهلها؟؟
تامر:فديتها ارض زايد بخير هي واهلها
رامي:ههههههههههههههه طب كويس دوووم موب يووووم
تامر:اووكي رامي مابطول تخسرني وايد تراك
رامي:هههههههههههه اوكي انا بتصل فيك بعدين الله معاك يالغالي
تامر:فوداعة الرحمن
رامي وهوا مبسوط:هادا صاحبي من الامارات
رندا:اهاااا ههههههه صرت تتكلم زيه
رامي وهوا يتكلم بالامارتي:ايه طبعا شو هالرمسه ربيعي وماتبيني ارمس شراته
رندا:هههههههههههههههههههههه والله مافهمت شي
رامي:ههههههههههههههه احسن برضه
وفجئه سكتو الاتنين..
رندا تفكر وتقول في نفسها..نفسي اعرف ليه مايحس فيني ليه مايحس ويعرف اني احبه واموت فيه واموت على ثرى الارض الي يمشي عليها...رامي والي يستغرب من هالبنت يحس فيها شي غريب ماهو قادر يعرفه...وفجئه اتكلمت رندا وقالت..
رندا:سوري رامي بتعبك معايا اليوم
رامي:لا ولايهمك...وفجئه طلعت اغنية عبدالمجيد عبدالله مكانك هنا...((http://www.7oob.com/Music/klege/abdelmajid/1/23.ram))
لايهمك حبيبي شف مكانك هنا بين ضلعين قلبي ياحبيب العيون..
كل ماقلت احبك قال قلبي وانا....الخ
وضحكو رامي ورندا لمن سمعو كلمة لايهمك لانها جات في نفس الوقت الي قال فيه رامي لا ولايهمك....
رامي:صدفه عجيبه ههههههههههههههه
رندا:هههههههههه ايوه صح...وسكتت رندا وهيا تسمع كلمات الاغنيه وتقول في نفسها والله لو كنت تحس فيني كان عرفت انه كل كلمه في هالاغنيه طالعه من قلبي انا مو من هالكاسيت...
رامي بإستغراب:رندا؟
رندا......
رامي:رندا
رندا بإرتباك:ها..خير
رامي:ههههههههههه فين سرحتي
رندا:لا ولاشي
رامي:في شي مضايقك؟
رندا:لالا مافي شي
رامي:شوفي اذا كنتي زعلانه لانهم راحو وسابوكي فلاتزعلي لانه امجد يقول انه قلك انك تروحي مع خالد وشكلك انتي ماسمعتيه وخالد يحسبك مع امجد فما كان قصدهم يسيبوكي طبعا
رندا:لالا والله عادي ماني زعلانه ولاشي
رامي:اجل ايش بك؟
رندا:مافيا شي
رامي بعد ماعجز منها:اوف طيب براحتك
رندا:ههههههههههههه لاتزعل بس والله مافيا شي
رامي بمزح:ماكنت اعرف انك مره عنيده لي هالدرجه هههههههههههه
رندا:لا والله ماني عنيده بس مافيا شي يعني اكذب عليك واقولك فيا شي
رامي:طيب بس لاتدفي
رندا بإستغراب:وي مادفيت
رامي:الا
رندا بإستغراب:والله مادفيت
رامي:كنتي حتدفي
رندا:وي هههههههههههههههههههههه وانتا ايش دراك؟
رامي:اعرفك باين عليكي واصلاً شكله الود ودك ترميني من هالطاقه
رندا وتقول في قلبها عساني الموت لو اسوي كدا بس قالت بمزح:هههههههههههه ايه صح مين قلك
رامي:شفتي يعني تبي ترميني لالا يا امي روحي بعدي عني ماني مفادي في عمري لسه ابغا اعيش
رندا:ههههههههههههههههههههه امزح معاك
رامي:هههههههههههههه وانا كمان
وقضو رامي ورندا الطريق كله مزح وضحك وهباله...ورندا كانت مره مبسوطه ورامي زيها.. وبعد كدا لمن وصلت للبيت..ووقف رامي السياره ويطالع فيها وهوا نفسه انها ماتروح بس سكت وصار يطالع فيها وفي جمالها الاخاذ ويقول في نفسه الله يحفظك يارندا..
رندا وهيا تطالع فيه بإستغراب ايش به دا يطالعني كدا قالت بشوية حيا بسبب نظراته:اوكي شكراً رامي ومعليه تعبتك معايا
رامي بهدوء:لا عادي ولو لو تبي تعالي كل يوم
رندا:هههههههههههههه لا في احلامك كفايه عليك اليوم
رامي:هههههههههههههههه اوكي الشيخه رندا
رندا:ههههههههههه
وسكتو الاتنين لثانيه..بعدين رندا فتحت الباب وكانت تبغا تطلع...
رامي فجئه:رندا
رندا وهيا تطالع فيه:خيرر
رامي:اممم لا ولاشي
رندا:ههههههههه طيب باي
رامي:بايات...وراحت رندا وجلس رامي مستغرب من هالبنت المرحه والحبوبه..اول مره يقعد معاها كدا ويتكلم معاه كل هالوقت واول مره يتمنى انها ماتروح من قدام عينه..بس بعد شويه نفض هالافكار البايخه من راسه وقال اخوانها أأتمنوني عليها وانا افكر بي هالطريقه الله يلعنك ياشيطان..وحرك سيارته وراح لبيته عشان ينام بدري لانه بكره حيكون يوم سفره لأمريكا بلاد الشؤم مره تانيه...
رجعت رندا للغرفتها ورمت نفسها على سريرها..وتقول في نفسها..من بكره محا اشوف رامي الا بعد شهرين..هييييييييه الله يعينني على فراقه..وبدون ماتحس على نفسها نااامت وراحت في سابع نومه..
واليوم الي بعده الساعه 10.00 الصبح...في بيت ابو خالد...
ام خالد:امجددد فك الباب يابني قوووم
امجد وهوا يفتح الباب:هلا امي صباح الخير
ام خالد:صباح النور حبيبي يلا قووم ماعندك محاضرات اليوم
امجد وهوا يطالع في ساعته:ليه ماصحتيني من اول؟؟
ام خالد:المفروض انك تصحا لوحدك شو هيدا ولد قد ايش كبرك اصحيك
امجد:طيب يلا عن اذنك ماعندي وقت
ام خالد:اذنك معك حبيبي...وتروح ام خالد وامجد ياخد له شاور ويلبس ويتشيك..وينزل للصاله..يلاقي ابوه وخالد جالسيين يفطرو...
خالد:بدري ياخي كان اتأخرت شويه في النوم حتروح عليك المحاضرات
امجد:والله ماقدرت انام امس بدري
ابو خالد وهوا يوقف:يالله عن اذنكم بروح للعمل
ام خالد وهيا تجي عليهم:خد يا ابو خالد حط من هالعوده ريحتها اكتير حلوه
ابو خالد وهوا يحط في يده:يلا امجد وخالد افطرو وروحو على اشغالكم
خالد + امجد:ان شاء الله
وام خالد راحت تصحي منى الي لساتها نايمه...
ام خالد:منى حبيبتي قووومي يالله
منى:امممممممم
ام خالد:منى قوومي ماعندك محاضرات انتي كمان
منى وهيا تفك عينها وتبتسم:صباح الخيررر
ام خالد:صباح النور يلا قوومي
منى:لييييييييه؟
ام خالد:ايش الي ليه مابتروحي الجامعه
منى:امممم لا ما ابا اليوم ماعندي شي مهم
ام خالد: لا والله
منى وهيا تحط اللحاف على وجهها:ههههههههههه ماما بليييييز بدي نام
ام خالد:على راحتك يابنتي...وتروح ام خالد وتسيب منى في غرفتها..
منى وهيا في السرير تفكر تقوم وتروح الجامعه ولالا...اليوم ماعندي شي مهم ليه اروح ايش اسوي...يووه والله نعساااانه خليني اكمل نومي احسن لي..وفجئه يدق الجوال..منى تقعد وتاخد جوالها وتشوف الرقم وتبتسم..
منى بصوت ناااعم وكله نوووم:الووووووووووووووووو
..........:ايش دا ساعه عشان تردي؟
منى:مييين معايا؟
...........:والله انك نايمه بنت ليه ماجيتي الجامعه الين دحين؟
منى:ميييييييين؟
...........:انا لجين يالدوبه
منى:هههههههههههه ادري ايش تبغي؟
لجين:ليه ماجيتي الجامعه الين دحين؟
منى:انتي عارفه انو اليوم ماعندي غير وحده محاضره وكمان ماهي مره مهمه عشان كدا((وتتاوب))قلت خليني اكمل نومي
لجين:ماشاء الله عليكي شطووووره طيب باي
منى:ههههههههههههه فين فين؟
لجين:على محاضرتي ايش فين هادي تحسبي كل الناس كسلانه زيك
منى:ههههههههههههه
لجين:باااااي
منى:بايات
وبعد مارجع ابو خالد ومن العمل وامجد وخالد من اشغالهم ورندا من مدرستها...
رندا:اوووف ياربي متى افتك من هالمدرسه وهالحوسه؟؟
منى:اصبري زي ماصبرنا احنا ولا بس انتي الي الوحيده الي في المدرسه كلنا كنا
رندا:اهئ اهئ الله يعينني يارب
ابوخالد:ام خالد اعطيني التلفون
ام خالد وهيا تعطيه:اتفضل
ابوخالد:شكراً
ام خالد:العفوو بتتصل على مين في هالوقت؟
ابوخالد:على ابو رامي
ام خالد:اها
واتصل ابو خالد على ابو رامي..
ابوخالد:السلام عليكم
امجد بصوت عالي:خااالد اعطيني الرموت لو سمحت حيروح عليا المسلسل
ابوخالد:اسسس يا امجد بكلم عمك ماني سامع شي
ابورامي:هههههههههه هلا والله وعليكم السلام ورحمة الله وبركاته
ابوخالد:كيفك ياجمال؟
ابورامي:بخير الحمدلله كيفك انتا؟
ابوخالد:الحمدلله طيب..الا اقولك ايش قررت على روحة مكه حتروح ولالا؟
ابورامي:الا ان شاء الله رامي قال يبغا يروح يودع ويسوي عمره قبل مايسافر وانا حروح معاه
ابوخالد:طيب والله والاهل حيروحو معاك ولالا؟
ابورامي:والله مدري بس ما اعتقد ليه تسأل؟
ابوخالد:لاني انا كمان من زمان مارحت الحرم وقلت لو اهلك مو رايحين يصير اجي معاكم لو مافيه ازعاج عليكم ولاشي
ابورامي:اها حياك الله تعال مافيها شي ولو ماتشيلك السياره تشيلك عيوننا
ابوخالد:تسلم والله ودا العشم فيك
ابورامي:الله يسلمك خلاص بعد صلاة العصر احنا عندك
ابوخالد:خلاص صار ان شاء الله يالله عن اذنك ومعليه اتصلت في هالوقت
ابورامي:لا ولو عادي مرحبابك في اي وقت
ابوخالد:مشكور يالله مع السلامه
ابورامي:في حفظ الله
ام خالد:بتروح مكه يامنصور؟
امجد:خاااااااااالد هااات بالطيب
ابوخالد:ايوه ان شاء الله
ام خالد:اها اجل بالسلامه ان شاء الله
خالد:بعد عني يالدب<<<بيتضاربو على الرموت كنترول...
منى ورندا:ههههههههههههههههههههه
ابو خالد وهوا يحرك راسه بعدم رضا:لاحول ولاقوة بالله ايش دا بزران صغار انتو؟
خالد سكت واستحى على وجهه وساب الرموت لي امجد....
امجد:هاهاها اخدته غصبً عنك كاكاكاكا
خالد بقهر:اسكت بس
ابوخالد وهوا يتجاهلهم:ها يارندا كيفك اليوم حبيبتي؟
منى والي تدخل في النص:بس رندا حبيبتك مو وانا لاء؟
ابوخالد:معليه يابنتي ماانتبهتلك ليه قاعده في الطرف كدا؟
رندا وهيا تقوم وتحضن ابوها وتبوسه:حبيبي ابويه يحبني اكتر من بعض النااااس<<وتقول كدا وهيا تطالع في منى عشان تقهرها..
ابوخالد:كلكم معزتكم وحده
منى:هه فشلوها فشلوها
رندا:هيهيهي ما فشلوها مافشلوها<<<وتمد لسانها لمنى..
الكل:ههههههههههههههههههههه
خالد:نفسي اعرف متى بتكبرو؟
امجد:في المشمش ان شاء الله
منى وهيا تطالع في رندا وخالد وامجد بنص عين:والله انا كبرت وعقلت الدور والباقي على بعض النااااااس
خالد وامجد ورندا:مين قصدك؟
منى وام خالد وابو خالد:هههههههههههههههههههههههه
منى:الي على راسه بطحه يحسس عليها
ابوخالد الي يبغا يوقف هالحوار:خلاااص فضوها من سيره...ويلا قومو حطولنا الغدا جيعانين
ام خالد وهيا توقف:يلا بنات قومو ساعدوني....ويقومو منى ورندا ويروحو مع امهم ويحطو الغـدا...
وبعد العصــر...
رامــي:يا اهل البيت ياهوووو ياناااس ياربي هوا انا كل ما اجي هالبيت ما الاقي فيه احد
منى الي سمعت صوت احد يصرخ جات تشوف مين...راحت للصاله الي قدام الباب وشافت رامي وانصدمت ورجعت على ورا وقفلت الباب..قبل مايلحق يشوفها وهيا بدون طرحه ولاشي..وراحت لبسة طرحتها وظبطت نفسها وطلعت له..
منى:هلا رامي
رامي:اهلين كيفك؟
رندا:الحمدلله كيفك انتا؟
رامي:تمامو وي ايش دا بيتكم مافيه احد كل ما اجي لازم اصرخ وابح صوتي الين احد يجيني
منى:ههههههههههههه لابس عشان الكل مشغول في حاله وبابا كالعاده في هالوقت جالس في الصاله الي فوق يتفرج على الاخبار
رامي:اها طيب اذا ممكن تزهميلي هوا وتزهمي اهل البيت عشان اسلم عليهم قبل ما اسافر
منى بإستغراب:هوا انتا حتسافر اليوم؟
رامي:ايوه ان شاء الله
منى:اها والساعه كم رحلتك؟
رامي:الساعه وحده ويلا بليز ازهميلي هما عشان ورانا مشوار لمكه
منى:اوووووكي ثواني بس...وراحت منى وزهمت ابوها وخالد وامجد وام خالد عشان يسلمو على رامي وقالت لرندا بس رندا مارضيت تسلم عليه وقفلت الباب على نفسها في غرفتها وقعدت تبكي..
ام خالد:تروح وترجع بالسلامه ياولدي
رامي:تسلمي ياخاله
امجد:انا مايحتاج اسلم عليك لاني حجي معاك المطار
رامي:اوف كمان بتلحقني للمطار يعني مافي فكه من وجهك مره
امجد:انتا احمد ربك اني حجي واضرب مشوار للمطار عشان خاطر سواد عيونك المعفنه هادي
رامي:هيهيهي مره تضحك ياخي
ابو خالد:يالله يارامي حنتأخر
رامي كان يدور بعيونه على رندا فينها ماجات تسلم عليا معقوله ماتجي تسلم عليا قبل ما اسافر يلا شكلها نايمه ولا مشغوله ولاحاجه...
ابوخالد:راااامي
رامي والي فاق على صوت عمه:ها..هلا
ابوخالد:الي اخد عقلك يتهنابه امشي ياولدي ابوك مو في السياره
رامي:ايوه صح نسيت يالله عن اذنكم جميعا واشوفكم ياخالد وامجد في المطار بااي
الكل:الله معاك
رامي وهوا خارج من الباب كانت منى واقفه قريب منه قرب منها وقلها بهمس:سلمي على رندا باي
منى استغربت من كلامه بس سكتت....
طلعت منى لغرفة رندا..ودقت الباب...
طق طق...
رندا...........
منى:رنداااا فكي االباب
رندا وهيا تحاول تخلي صوتها عادي:نعم شو تبغي ابغاا انام
منى:فكي الباب وانا اقلك
رندا:ما ابا
منى:رندا بلا دلع فكي الباب في عندي لك مفاجئه حلووه
رندا:مفاجئة ايش؟
منى:فكي عشان اقلك
رندا وهيا تمسح دموعها وتوقف عشان تفك لمنى الباب:اهوه قايمه...وفتحت لها الباب...
منى شافت شكل رندا والي باين انها كانت بتبكي...
منى:رندا شوفيه وجهك هيك؟
رندا:مافيه شي بس كنت نايمه على وجهي ها شو المفاجئه؟
منى وهيا تدخل الغرفه وتقعد على السرير:مافي مفاجئه الا لمن تقوليلي ليه كنتي بتبكي؟؟
رندا:ماااكنت ببكي ماتفهمي
منى:ماتقدري تكدبي عليا انا اختك واعرفك اكتر من اي احد في الدنيا
رندا وهيا تجلس على السرير:اوووف ايش تبغي مني؟
منى وهيا تقرب من اختها وتمسك يدها:ممكن تقوليلي ايش الي مضايقك؟
رندا طالعت في اختها بإستغراب وقالت في نفسها معقوله مشاعري قد كدا باينه على وجهي وانا الي ما احب حد يعرف عني شي كيف عرفت اني متضايقه...
منى لاحظت شرود اختها فضغطت على يدها بقوه اكبر عشان تحسسها بوجودها وقالت لها:انا ادري اصلاً بلي مضايقك
رندا انصعقت بلي قالته منى ايش تدري معقوله تعرف اني احب رامي لالالا مستحيييل انا ماعمري بينت لها ولا بينت لغيرها..
منى كانت تطالع في كل ملامح رندا وتشوف تأثير كلامها عليها..ورندا كانت ساكته ماتتكلم...
منى:رندا
رندا......
منى:طيب ليه ماتصارحيني مو انا اختك؟
رندا:اصارحك بأيش؟
منى:صحيح اننا نضارب ونتريق دايماً بس كل دا طبعا مزح ولعب لكن مستحييل تقدري تخبي عني شي لاني اعرفك اكتر من نفسي والمفروض انك تعرفيني اكتر من نفسك
رندا.......هيا واثقه بأختها وعلاقتهم قويه ببعض برغم كل الي يصير بينهم بس ماتقدر تقولها هالشي بالذات ماااتقدر..
منى فجئه:تحبيه؟؟؟
رندا بصدمه:مين هوا؟
منى:بلا بياخه انتي فاهمتني
رندا:مين تقصدي؟
منى:رندا مو عليا يلا بسرعه قوليلي
رندا:ما ادري ماني فاهمتك
منى سكتت وقعدت تطالع في عيوون رندا بأصرار وتبغاها تتكلم...
رندا مستغربه اصرار منى انها تعرف ورخت راسها لانه نظرات منى حتكشفها حتى لو ما اتكلمت...
منى وهيا تسحب يدها من يد رندا وتبغا توقف:طيب براحتك...واتفاجئت بيد رندا ماسكه على يدها بقوه وماخلتها تروح..
منى ابتسمت ورجعت جلست:ها بتقوليلي يعني؟
رندا بتردد:اي..ايوه
منى وهيا مبسوطه:طيب يلا
رندا وهيا ترفع راسها وتطالع في اختها:ايش تبغيني اقلك يعني؟
منى:كل شي تبغي تقوليه
رندا وهيا ترجع ترخي راسها:اممم ايوه احبه واموت فيه كمان بس
منى وهيا مبتسمه:بس ايش؟
رندا والي شويه وتنزل دموعها رجعت ضهرها على السرير وانسدحت:هوا مايحبني
منى بإستغراب:وشو عرفك؟
رندا:باااين مرره
منى:كيف يعني؟
رندا:يعني لو يحبني يبان من عيونه يبان من كلامه من تصرفاته لكن احس من تصرفاته وكلامه انه يعتبرني مجرد اخت او بنت عم لا اكثر
منى وهيا تبتسم:طيب ايش رايك لو اقلك انه وصلك سلام مني لمن ماشافك جيتي سلمتي عليه
رندا وهيا ترفع عيونها بدهشه وترجع ترخيهم تاني بخيبه كأنها اتذكرت شي:مايهمني لاني ادري انه يهتم فيا بس مجرد اهتمام بسيط وبايخ مايجي شي قدام حبي واهتمامي ليه
منى...............سكتت وحست بعذاب اختها وقالت في نفسها مسكينه يا اختي مستحمله وساكته وتاكلي في نفسك...
رندا وهيا ترفع عيونها تاني لمنى:بس خلاص
منى بإستغراب:خلاص خلاص شو؟
رندا بأصرار:انا قررت شي ينهي كل هالعذاب
منى بخوف على اختها:شو هالقرار؟
رندا وهيا تطالع في سقف الغرفه:قررت اني انسى شي اسمه رامي وانسى حبه وانسى وجوده في حياتي اصلاً
منى:لاتتسرعي يارندا حرام عليكي تهدمي وتعذبي قلبك بي هالقرار يمكن هوا يحبك بس ماحب يبين لك
رندا:لو كان يحبني كان حبني من زمان لكن لا يامنى انا قدامه دايماً ولا مره فكر فيني او فكر في مشاعره تجاهي كل الي يهمه نفسه وبس انا قررت خلاص مدام حبي ماله معنى عنده ليه انا اتعب نفسي على الفاضي راح ادعس على قلبي وامشي وما راح اسمح لأي احد انه يذلني او يزعلني
منى:بس يارندا
رندا وهيا تقاطعها:لا بس ولا غيره انا قررت
منى:طيب اسمعيني انتي ولا مره بينتي له كيف تبيه يعرف؟
رندا:المفروض يحس ولو ماحس يعني مايستاهل هالحب لانه ماعنده قلب
منى:طيب اعطيه فرصه اخيره الادمي مسافر وماهو اربعه وعشرين ساعه معاكي عشان يعرف او يحس على قولتك
رندا:مدري والله
منى:لاتستعجلي ودحين سيبي هالموضوع واهتمي بدراستك وترى محا ينفعك شي غيرها
رندا وهيا تتنهد:ادري
منى وهيا تبوس رندا على خدها:ياربووو على الي تعرف تتنهد خلاص لاتزعلي ولاتشيلي في بالك وزي ماقلتي مو اي احد يستاهل انك تزعلي نفسك عشانه خليكي رندوده الحلوه الي اعرفها
رندا وهيا تبتسم لاختها:ان شاء الله
منى:يلا عن اذنك انا بروح اكلم رهف قالت تبغاني في موضوع
رندا وهيا تتوسع ابتسامتها اكتر:طيب لحظه انتي كمان ماقولتيلي؟
منى بإستغراب:اقلك ايِش؟
رندا وهيا تسوي نفسها تفكر:اممممم مين الشخص الي مسجل في جوالك بأسم عذابي؟؟؟
منى استغربت كلام رندا وقالت معقوله رندا شافت الرسايل اللي بيرسلها مازن...
رندا:ههههههههههههه وحده بوحده كشفتيني لازم اكشفك
منى:هههههههههههههههه لا ياحبيبتي لاتفهمي خطأ مافي شي من الي في بالك
رندا بإستغراب:كيف يعني؟
منى:يعني اممممممم كيف اقولك
رندا:مالي دخل زي ماقولتلك لازم تقوليلي
منى:اممم تعرفي رهف طبعاً
رندا:ايوه اكيد
منى:قد سمعتي بأخوها مازن؟؟
رندا:ايوه سمعتها كم مره تتكلم عنه
منى:طيب هادا الادمي يحبني من زمااااان من يوم عمري 15 سنه ودايماً مسكين يتذللي ويتوسلي عشان اعطيه وجه وانا مررررره ولا كأنه موجود في الحياه اصلاً
رندا:اووه وبعدين
منى:مره لمن كان عمري 16 سنه قلي بشكل غير مباشر انه يحبني وانا صرخت عليه وبهدلته وماخليت كلمه ماقولتله عليها
وبعد كدا لمن كبرنا مدري من فين جاب رقم جوال واتصل عليا ووقتها كان يوم ما ماتت نهال وانا حطيت كل حرتي فيه وقتها
رندا:ياحراااااااام وبعدين
منى:المهم اتوالت الاحداث بيننا وهوا للحين يحبني بس انا امممم
رندا وهيا ترفع حواجبها بشكل مستغرب:وانتي؟؟؟؟؟؟؟؟؟؟؟؟؟؟؟؟
منى:ما ادري صراحه
رندا بمكر: امممممم والله شكلك تحبيه
منى بشوية حيا تحاول تخبيه:مو على احبه بس هوا فرض وجوده في حياتي بالقوه يعني غصبً عني لازم افكر فيه
رندا:اهاااااا قولتيلي
منى انحرجت من اختها مره وقامت عشان تروح لغرفتها:طيب انا بروح غرفتي افتح النت تبي بشي
رندا:تتهربي يالدوبه اوريكي روحي روووووحي بس خلاص اصلاً عرفت
منى:ههههههههههههههههههههه ...وراحت منى لغرفتها لقت اربعه ميس كول من رهف...وقررتتتصل عليها وتكلمها......
منى بدلع:الووووووووووووو
رهف وهيا تسوي صوتها رجالي:احم احم
منى انفجعت وخافت لايكون مازن وكانت حتسك السماعه بس رهف قالت...
رهف:هههههههههههه يالدوبه خليج انا رهف
منى:اوووووف الله يقطع ابليسك خوفتيني وربي
رهف:ههههههههه شحالج؟
منى:بخير انتي كيفك؟
رهف:تمامووو
منى:ههههههههههه
رهف:وليه ماييتي اليوم المحاضره ماشفتج
منى:والله كنت مرررره نعسانه وقلت في عندي صحبتي حبيبة قلبي رهوووف بتعطيني دفترها وانا اخد الملخص منه
رهف:اهاااااااااا طيب طيب يالكسوله اوريج
منى:ههههههههههه حرام عليكي والله اني مو كسوله بس كنت تعبانه من حكاية المزرعه ولخبطة النوم الي كانت فيها
رهف:طيب مو مشكله بعطيج الدفتر لمن اشوفج بكره
منى:تسلميلي يا احلى رهوووووووووف بالدنيا

قصة عمق القلوب باللهجة السعودية ...21