علمني حبك .. أن أحزن ... 61 - القصص الطويلة , القصص و الروايات story
 |
 |
 |
 |
 |
 |
 |
 |
 |
 |
 |
|
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (149,050 مشاهدات)
فتاة تستأذن امها فى ممارسة الجنس (93,720 مشاهدات) قصة واقعية حدثت في ليلة الدخلة (71,554 مشاهدات) اغتصاب بنت ميته (48,414 مشاهدات) دخلت الفتاه الشاليه قصه يقف لها شعر الراس (46,455 مشاهدات) الملائكة تنقذ فتاة من الإغتصاب ... سبحان الله (42,197 مشاهدات) ركبت عبير مع خالد اللكزس وطلعو الشقه (32,415 مشاهدات) قصة حب محزنة عبر الانترنيت والله تبكى الحجر (31,118 مشاهدات)
جديد مواد مع عشوائي
زوج نجاه الله من الغرق (4,713 مشاهدات)
ضحت بذراعها لتنقذ شقيقها (5,357 مشاهدات) خرجت رائحته بعد موته (7,103 مشاهدات) آهٍ........ لو أعود (2,647 مشاهدات) توبة اشهر عارضة ازياء (5,444 مشاهدات) توبة الشيخ سعيد بن مسفر (4,541 مشاهدات) توبة أب على يد ابنه (2,636 مشاهدات) توبه فتاه ادمنت الشات (5,609 مشاهدات)
روابط ذات صلة
روابط دليل وصلات
خطوط منتديات مدرسة المشاغبين افلام مقاطع يوتيوب بروكسي proxy ماسنجر مسنجر العاب فلاش اغاني اناشيد مسجات رسائل sms جوال موبايل بلوتوث صور جديدة برامج جديدة خطوط بث مباشر مشاهدة قنوات فضائية على النت تلفزيون راديو television radio tv live منتديات فراشة حواء - للبنات للنساء للستات للحريم |
القصص و الروايات story > القصص الطويلة > علمني حبك .. أن أحزن ... 61
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية علمني حبك .. أن أحزن ... 61
في اليوم الثاني ...
كانت عذا تطلع الدرج بهدوء وخفة وروية متمسكة في الترابزين وتعد خطواتها خوفا منها لا يرجع الضباب الأسود أو حتى ينخفض ضغطها فجأة وهي تطلع الدرج وتطيح وتكون العواقب وخيمة ... أول ما وصلت بالسلامة للدور الثاني شافت ندى طالعة من دورة المياه اللي في الصالة وهي تمسح عيونها بالمنديل ... ما اعطت الموقف بال وابتسمت وراحت لها .. لكنها شهقت لما شافت ندى تصيح ... ومسكتها مع يديها :: خير ندى وش فيك تصيحين ؟؟ شهقت ندى وزاد نحيبها ... وخافت عذا عليها لايكون صاير لهم شي وهي ماتدري .. عذا بصوت عالي :: ندى لا تصيرين سخيفة ،،، خوفتيني تراك قولي وش صاير ؟؟؟ رفعت ندى عينها وهي تمسح دموعها :: صار اللي توقعته يا عذا.. وياليتني ماكشفت؟ طالعتها عذا بنظرات وهي مو فاهمة شي من الخرابيط اللي تتكلمها ندى ... وحست ندى ان عذا مو فاهمة شي :: طلعت حامل ؟؟ سكتت عذا متفاجأة وثواني بعدها ابتسمت :: مبرووووووووووك ندوش ألف مبروك ؟؟ بس عاد ليش تصيحين ؟؟ بالعكس المفروض تستانسين ؟؟يعني وحده يحصل لها تصير أم وتصيح بهالقوة ؟ ندى وهي تدمع :: إذا كانت هالأم علاقتها مع زوجها سوية من حقها تفرح لكن وحده مثلي المفروض تندب حظها الشين اللي رماها مع واحد مثل مشاري لا وفوق هذا تحمل منه ؟؟؟.. عذا : استغفري ربك ندى لايبلاك بالشين ... وبعدين بالعكس يمكن الحمل هذا يكون فاتحة خير عليك ؟؟ يمكن أول ما يدري مشاري عنه يغير رايه ويحس بالمسؤولية أكثر ... تنهدت ندى وطالعت في عذا ::: لكن مشاري مايرضيه الا شي واحد .. وحتى لو قلت له اني حامل يمكن مايهتم كثير ...؟؟ عقدت عذا حواجبها :: مستحيل ما أتوقع ان فيه أب ما يبي عياله ..؟ رجعت ندى تصيح مرة ثانية وهي عارفة ان هالموضوع ممكن مايكون له تأثير على مشاري كثر ما الموضوع الأساسي ممكن يأثر عليه ... لكن وش تقول لعذا ؟؟ والله مشاري ماراح يقتنع ويحس بحبه ناحيتي الا اذا انتي تخليتي عن زياد ؟؟؟ والا وشلون بتشرح لها موقف مشاري وسبب مخاصمتهم ... انكسر خاطر عذا على بنت خالها وابتسمت له :: اسمعي ترى شريط التحليل ممكن مايكون صادق ... انا اليوم عندي موعد روحي معي وخلي الدكتورة تكشف عليك أضمن ؟؟ رفعت ندى عينها لعذا متشككة من الموضوع وخايفة من التأكيد ... خايفة لا تروح وتقول لها الدكتورة ايه انتي حامل .. اصرت عليها عذا :: لازم تروحين .. كذا والا كذا لازم تتأكدين ؟؟ يا فعلا تصيرين حامل وتهتمين من نفسك وتتركين عنك الخرابيط ... أو ما تصيرين حامل وساعتها دموعك وفريها لوقتها .. ( وابتسمت )) تنهدت ندى وهزت راسها :: متى بتروحين انتي ؟؟ عذا وهي تطالع الساعة :: بعد المغرب ان شاء الله بياخذنا زياد .. ندى :: خلاص اجل اروح معك .. ابتسمت لها عذا تواسيها وهي حاسة بالألم اللي في قلبها ... ومشت ندى رايحة لغرفتها وتاركة عذا وراها تطالعها بنظرات ألم وعذاب على بنت خالها ... ماتحب تشوف مثل هالمشاهد المأساوية أبد .. تكره الحزن والمضاربات وتحب السلام والهدوء والحب ... تنهدت ولفت رايحة لجناحها ترتب عمرها واوراقها علشان الموعد .. وتوها داخلة غرفتها سمعت التليفون يرن .. راحت تركض ترد عليه وبغت تموت من الوناسة من شافته رقم خارجي يعني أهلها اكيد ومن غيرهم ؟؟ رفعت السماعة بلهفة :: هلا وغلا بأحلى ناس في قارة أوروبا كلها .. ضحكت سارة :: عارفين عارفين انك اكبر منافقة في الجزيرة العربية .. ضحكت عذا :: لو ادري ان انتي المتصلة كان ماقلت هالكلام على بالي أمي ... سارة :: لا أمك عندها اليوم عزيمة من الصبح وهي تتعدل .. عذا :: صرتوا تنعزمون بعد ؟؟ سارة بتأكيد :: اجل ... اصلا الكومبلكس اللي احنا فيه اغلبه خليجين وعرب يعني وناسة ماكأننا في ديرة غير السعودية .. ابتسمت عذا :: الحمدلله ربي عوضكم .. المهم كيف حالكم وش اخباركم ..؟ سارة :: عم نشقح وننطح ... نسأل عنك وعن البيبي ؟؟ وش اخباره ؟ نزلت يد عذا لبطنها :: ماعليه مشتاق لجدته وخواله ... واليوم عندي موعد علشانه شهقت سارة :: ياويلك ان علموك وش جنسه وماتقولين لي ترى والله ماجيب لك هدية ؟ ضحكت عذا :: مابعد صار وقت الكشف وبعدين انا ما ودي اعرف عنه ابخليها مفاجأة .. المهم ماقررتوا ترجعون ؟؟ تنهدت سارة :: قسم بالله مليت ودي ارجع لكن وش اسوي بـ أبوك ؟؟ لكن أسامة ياحظه بيرجع هاليومين علشان يضبط اموره للترم الجاي .. شهقت عذا مبسوطة :: من جدك والا مقلب وخرابيطك اللي ماتخلص ..؟ سارة بنقمة :: أشوفك مستانسة برجعته .. يا حرام وحنا عندنا هنا وحده لو تدري انه بيرجع كان انجلطت وماتت .. مسكينة .. عقدت عذا حواجبها :: مين ؟؟ أمي ؟؟ ضحكت سارة :: لا أي أمي انتي بعد ؟؟ هذي وحده جت نتيجة لبطولات اخوك ومغامراته العاطفية ؟؟ والله أسامة طلع مو سهل ياعذا وصار عنده معجبات ؟ ضحكت عذا موت :: والله ؟؟ لاتقولين ألمانية ؟؟ ضحكت سارة : لالا .. هذي وحده إنما ايه تحفة ؟؟ خليجية طال عمرك وهم جيرانا .. صرخ أسامة علشان تسمعه عذا :: عذا لا تصدقينها تراها أكبر نصابة على وجه البسيطة عذا :: سويرة تنصبين ؟؟ شهقت سارة :: الحين انا متصلة عليك من آخر الدنيا ومخسرة ابوي علشان أكذب؟؟ بس هو اخوك صاير ستبنه ويستحي ؟؟ عقدت عذا حواجبها :: صاير ايش ؟؟ سارة :: استبنة ؟؟ عذا :: وش هذي بعد ؟؟ يعني انا ماظن ان عيال المانيا يعرفونها ؟؟ ضحكت سارة :: لا هذي تربية المعهد اللي نروح له ؟؟ خليطي كله عيال وبنات ... خليجيين أغلبهم بس لايفوتك كلامهم تحفة وانا عاد تعرفيني ما يعوقني شي واتعلم .. وآخر كلمتين ستبنة و سبال ... عذا :: طيب وش سالفة اخوك بعد ؟؟ تحمست سارة :: ايه والله ذكرتيني .. من جد انا ماقلت لكم عنها ؟؟ عذا بقل صبر :: لا ماقلتي .. ويالله عاد تكلمي .. تنحنحت سارة :: ترجيني طيب .. تنهدت عذا بقهر :: سويــــــــــــــــرة ..!! ابتسمت سارة :: ايوه شوي بعد ..؟ ضحكت عذا غصب عنها :: زين يالله سارة يا حلوة بليز تكلمي ...! تربعت سارة :: زين اسمعي اللي يجيك ... الله يسلمك هذي وحده خليجية هي واختها يدرسون معنا في نفس المعهد اللي اروح له انا واسامة وابوهم تعرف على ابوي في مسجد اللي في نهاية الكومبلكس المهم باختصار صرنا ربع .. عذا بحماس :: طيب كملي .. سارة :: ادري اني بكمل لاتقاطعيني ؟؟ شوفي البنت مو شينة يعني مملوحة وشكلها مقبول ومرتب .. بس أخوك زياد أسر لبها من أول نظرة ...... ضحكت عذا :: وش اسر لبها ذي بعد ؟؟ شكلك تروحين بارات يا سويرة شهقت سارة :: أنا اروح بارات آخر عمري .. بس شوفي هو ودي لكن سي العمدة يقول لا.. صرخ أسامة :: انتي ما تحملناك ومارحتي لبار بعد تبينا نتحملك وانتي بتروحين سارة :: اقول اسكت انت .. اسمعيني عذا اكمل لك .. عذا وهي تجلس على السرير بتعب :: هاه كملي .. سارة بحماس :: عاد اقولك أسامة طالع شي .... مو هو ابيض وشعره شوي أشقر ومسوي لحية خفيفة ولايفوتك قصة شعره ؟؟ خلاص عذا اخونا انحرف عن الطريق السوي وصار بدعة زمانه .. ضحكت عذا :: انا مادري من وين تجيبين اسلوبك ؟؟ سارة :: أقولك سام طالع حلو بس انه نحيف لكن والله نحفه صار يتلاعب فيه مرة يلبس جنزات وتي شيرتات كأنها برميل زبالة عليه لكن مايخالف المهم ان شكله آآسر يعني لو هو مو اخوي كان حبيته .. تدرين الأستاذة حقت اللغة تقول له انت وسيم ؟؟ وصلها صوت أسامة :: حبيبتي معك أسامة بن محمد مو حيا الله ؟؟ عذا :: ماقلتي لي بعد انه صار شايف روحه ؟؟ سارة : ياحليلك من زمان ... المهم أكمل لك .. البنت ذي غرقانة لشوشتها معه ... عذا :: وش اسمها ؟؟ سارة :: شوفي هم اختين وحده كبرك وكأنها انتي نلعب في حسبتها غبية وساذجة صرخت عذا :: سويررةةةةة ترى بتهور واسكر السماعة في وجهك .. كملت سارة :: طيب آسفة ... المهم اللي كبرك هي اللي تحب سام اسمها عفراء واختها مريم كبري .. عذ :: وااو كشخة بعد أسمائهم .. سارة :: مو شي .. المهم مرة مريم غابت عن المعهد هي واختها وكان عندنا حفل ختامي للأنشطة عاد استغربت غيابهم والله وهم كانوا متأكدين انهم بيجون .. عاد يوم وصلت العصر قلت لأمي بروح أشوف وش فيهم ما حضروا .. ويوم جيت بطلع وقف في وجهي روميو زمانه وقال أبد انا بوصلك .. عاد انتي عارفة هو ليش بيوصلني علشان يقعد يتدلع عندها ... ضحكت عذا موت وصرخ أسامة :: عذا لاتصدقينها تراها تقول أشياء خياليه من عقلها .. سارة :: لاوالله مسكين تنكر اني اشوفك تستحي منها .. عذا وسط ضحكاتها :: من جد يستحي ؟؟ سارة : ايه ابشرك انه للحين مؤدب مايطالع فيها ولا يقول لها شي عاقل .. عذا :: الحمدلله ماراحت االتربية ؟؟ سارة :: عاد أقول لك .. يوم طلعنا ومشينا لبيتهم لمحناها هي الحبيبة عفراء جالسة في الحديقة اللي في نهاية الكومبلكس ومعها اخوانها الصغار يلعبون .. عاد والعفاريت قامت تتنطط من قدامنا ... وتذكرناك وتذكرنا أيامنا الخوالي وحسينا اننا من زمان مالعبنا على أحد .. المهم وبعد التخطيطات الجهنمية ... تلفعت انا بالحجاب وحطيته لثمة وأخوك الكريم وقف بعيد شوي .. وتقدمت انا وحطيت يدي على فمها والقلم قربته لرقبتها يقال انه مسدس ... وصرخ عليها أسامة بالإنجليزي قال لها لاتتحركين عذا منصدمة :: يا حيوانات يا مجرمين ؟؟ ضحكت سارة :: اصبري شوفي وش صار لها ؟؟ مسكينة بغت تموت مكانها حاولت تقوم وتتحرك بس هيهات وانا ماسكتها لكن اخوانها الصعاليك الصغار ماعرفوني وراحوا ينادون ابوهم ... ويا فشيلتاه .. المهم حسينا ان البنت ممكن تنهار وعلى بالها بنخطفها فتقدم سام وقال خلاص اتركيها عاد هي من قامت جت بتنحاش بس مسكتها وحاولت افهمها انه انا اللي كنت من شوي ؟؟؟ مسكينة كفرت فيني وبس تضربني ونست تواجد سام .. تنهدت عذا :: حسبي الله عليكم طيرتوا عقلها ؟؟ سارة بصوت حزين :: بس جاء من هو أقوى منا وطلع لنا اخوها يركض والله يخوف اول مرة نشوفه اثاريه جايهم زيارة ؟؟ تقدم لسام وبغى يطحن عظامه بس اشوى تقدمت هي وقالت له اننا جيرانهم ونلعب معها والحمدلله طلع ابوهم وعرفنا والا كان الحين حنا في عداد الموتى .. عذا :: اعتذرتوا لها ؟؟ سارة : لا هي رضت من نفسها ؟؟ بس ماهانت على سام واعتذر لها وقال انا آسف ماقصدت يا روح قلب أسامة انتي .. ضحكت عذا وسمعت اسامة يتهاوش مع سارة على التليفون وعقبها وصلها صوته عذا وسط الضحك :: اجل روح قلبك ؟؟ أسامة بصوت يصارخ :: اختك هذي مادري من وين تجيب كلامها ؟؟ المهم كيفك وكيفه زياد ؟ عذا :: الحمدلله تمام انت كيفك مع هالمغامرات اللي ماندري عنها ؟؟ أسامة :: لاتصدقين كلام سارة ...!! كل مافي الموضوع ان البنت احسها تميل لي بس انا هالشي مايرضيني علشان كذا مااعطيها وجه .. عذا مبتسمة بحب :: بعدي والله الثقيل ؟؟ أسامة :: تعرفين اخوك وتربيته ... بس احاول اوضح لها اني مو مهتم ؟؟ مرة ارسلت لنا هدايا لعيد الكرسمس بس رحت انا وسارة ورجعناها لهم ؟؟ استحت وقالت انه مو قصدها الكرسمس بس قلنا خليها عندك لمناسبتها ؟؟ عذا :: هذولا اخواني اللي اعرفهم ؟؟ ضحك اسامة :: اسكتي والله سارة فضحتني عند الكل حتى امي صرت استحي من نظراتها ؟؟ كأن مافي الحياة الا هالبنت وانا .. عذا :: زين خل امي تخطبها لك ؟؟ أسامة باندفاعية :: مستحيـــــــــــــــــــل ... أنا غير السعودية ما اقبل ؟؟ صرخت سارة :: قصده لميس ؟؟ رماها اسامة بالمخده وطالعها بعيونه الغاضبة ... وسفهها ضحكت عذا :: أخافها تنجرح اذا رجعت سام ؟؟ ضحك اسامة :: انا اللي قايل لها حبي سعودي متعصب ؟؟ هي حبتني من نفسها فـ تتحمل ؟؟؟ ماعلينا وأنا متأكد اني من اسافر اكيد بتنسى ؟ تنهدت عذا :: اتمنى .. اسامة :: مع ان امها قريبة لأمي بقوة وخذت العنوان من امي ،، وامي كذلك لكن الله يستر .. عذا :: ياخوفي تخرب عليك يوم عرسك ؟؟ أسامة يضحك بعنف :: انتي مأثر عليك اللي تقرينه ... المهم انا ان شاء الله برجع عما قريب يعني اسبوعين ثلاثة بالكثير وان شاء الله أهلي مايبطون عقبي .. وسلمي على زياد ولمياء و تكفين تحفظي على السالفة تراني مو ناقص فضايح ؟؟ ضحكت عذا :: والا تخاف يسمعون عنك ناس ؟؟ مارد اسامة على سؤالها :: وعلى فكرة ابرسل لك صوري الجديدة بالإيميل شوفي وشلون صاير حلو ووسيم ؟؟ عذا :: زين انتظرك .. تنهد اسامة :: يالله عاد نسمع صوتكم بخير .. ابتسمت عذا بحزن وودعته وسكرت منه ... تنهدت بألم وانرسمت على شفايفها ابتسامة حلوة ؟؟ ليتها كانت عندهم هناك كان حضرت هالمغامرات الأنتيكة اللي يسوونها اخوانها وكان جلست مع هالعفراء وشافت وش مشاعرها تجاه سام ؟؟؟ من تذكرت سام ضحكت صدق اخوها مملوح من قبل بس ياترى وش مسوي بشكله وطلع بهالجمال اللي حتى سارة الغيارة مدحته عليه ؟؟؟ خافت لما هز كتفها والتفتت بعد ماشهقت ... غمضت عيونها مرتاحة لما عرفت انه زياد .. زياد :: وش عندك تضحكين مع نفسك ؟؟ ابتسمت له :: اهلي تو مكلميني ويعلموني عن مغامراتهم ؟؟ عطاه زياد ظهره :: اكيد سام و السوري صح ؟؟ هزت عذا راسها وهي تقوم .. :: ومن غيرهم ؟؟ المهم متذكر ان عندي موعد اليوم والا نسيت ؟؟ زياد من الحمام :: لا مانسيت بعد الصلاة خلك جاهزة ؟؟ فتحت عذا الدولاب تجهز لها لبس :: ان شاء الله وترى ندى بتروح معنا ؟؟ طلع زياد من الحمام وهو يمسح بالفوطة :: وش عندها ؟؟ يعني مايكفيك تواجدي ؟ ابتسمت له :: لا وش دعوى ؟؟ بس هي بتروح تتأكد من نفسها ؟؟ وقف زياد مصدوم ومتفاجأ ؟؟ ورفع حاجبه وعيونه طارت في وجه عذا :: تتأكد من ايش ؟؟ عذا :: من انها حامل ؟؟ سكت زياد وفي وجهه مرسومة معالم الصدمة والمفاجأة .. كان بـ ندى وتأنيب الضمير عليها ,,؟؟ والحين صرنا بـ ندى وولدها ؟؟؟ أي كارثة يا زياد قاعده تطاردك وتقض مضجعك ؟؟؟ ليه الأيام عيت تزين معك ؟؟ ليه الأقدرا أقسمت انها تكون ضدك ؟؟ يعني ذنب هالولد في رقبتك لو ماعاش مع ابوه وحرمته منه ؟؟؟ بكره لو قالوا له الحقيقة قال خالي زياد المذنب الأول ؟؟؟؟ غمض عيونه وسحب شماغه ومن دون ما ينطق بأي حرف طلع من الغرفة وعذا تطالعه مستغربته ومستغربة صدمته ؟؟ وش قصته هالزياد كلما قلنا له أحد حامل سبل عيونه و انصدم ؟؟؟ معقولة عنده حساسية من الحمل ؟؟ دخلوا مع بوابة المستشفى وندى كانت ماسكة دموعها واعصابها بالقوة ... خايفة من التأكيد انها حامل ؟؟ خايفة لايقولون لها انتي في بطنك ولد مشاري ؟؟؟ وش بتسوي ساعتها ؟؟ وش بتقول ووشلون بتكون ردة فعل مشاري ؟؟ هل بيرضى ويرجع لها والا بيتركها ويقول لها مايهمني اللي في بطنك ؟؟؟ التفتت عذا للإستراحة وهي حاسة انها تسمع صوت مألوف ... ابتسمت لما شافت مهند جالس ويخربط على امه اللي تحوس في اوراقها ؟؟ أكيد جايين موعد للمياء ..؟ وقفت عذا والتفتت لزياد :: هذولا لمياء أختي .. التفت لها زياد ووجه اسود :: ايه شوفي فهد عند كاونتر المواعيد .. عذا :: زين روح دخل ملفي على الدكتورة لحد ما اسلم على لمياء واشوف وش صار عليها ... هز زياد راسه وراح ... ولفت عذا وندى وتوجهوا للمياء ... بسم الله عليه مهند من شاف عذا مقبله عليهم عرفها بالعباية ... يمكن من كثر مايحب خالته ..؟ رفعت لمياء راسها وشافت البنتين الي متوجهين لها وعرفتهم وابتسمت غصب عنها برغم الهم اللي في قلبها ... عذا :: مساء الخير ..؟ ونزلت تحب مهند على خده .. لمياء :: اهلين مساء الأنوار ... وقفت عذا وتقدمت لمياء وسلمت على ندى واختها :: وش عندكم في المستشفى ؟؟ ندى :: نتكشت شوي .. ضحكت لمياء :: يعني عذا وفهمناها ممكن مراجعة بس انتي ياندى والا تآزرينها ؟؟ تنهدت ندى بألم والخنجر يطعن صدرها :: ياليت هذي هي نواياي .. لكن للأسف جاية اكشف انا بعد .. شهقت لمياء مبسوطة :: من جدك حاسة نفسك حامل ؟؟ ابتسمت عذا :: هي كشفت في البيت بس جاية تتأكد .. ضربت لمياء ندى على كتفها :: عاد وش فيك تتنهدين وأنك ماتبين ؟؟ حبيبتي احمدي ربك انه انعم عليك بالحمل ؟؟ مو قاعده تطاردين من مستشفى لثاني علشان تحملين ؟؟ تنهدت ندى وابتسمت :: الحمدلله على كل حال ... المهم ماقلتي لنا وش صار عليك انتي ؟ حاولت لمياء تمسك نفسها عن لاتنزل دموعها :: مثل ماتوقعت ما استجبت للعلاج وبترجع تعيده لكن تقول بعد فترة .. خلالها بتعطيني أدوية منشطة وعقبها تسوي لي الكورس الثاني من العلاج عذا بفرحة :: يعني ماقطعت الأمل .. تنهدت لمياء :: كل يوم عذا يقولون نفس الكلام .. بس هم يقولونه علشان مايجرحوني ويقولون والله انتي ماراح تحملين ؟؟ قرصتها عذا على يدها :: وش هالتشاؤم هذا وانتي تهاوشين ندى .. ضحكوا كلهم وشافوا زياد وفهد متوجهين لهم .. تقدم فهد وسلم على عذا وبرسمية شديدة القى التحية على ندىوشال ولده وتوادعوا لمياء والبنات وبعدها طلعوا .. أما زياد وندى ومعهم عذا فطلعوا لعيادة الطبيبة بعد ما أخذ زياد الاوراق اللازمة علشان تحاليل ندى ... . . . . كشفوا ... وتطمنوا ... وارتاح بالها عذا ان الجنين بصحة وسلامة .. لكن خوفتها الدكتورة من نقص الحديد اللي فيها .. وأكد زياد على الطبيبة ان عذا مهملة لأدويتها وخصوصا حبوب الحديد ... يعني تخليها آخر اهتماماتها .. وبختهاا الطبيبة بعنف وقالت لها ان تأثيرها ممكن يكون سلبي وعكسي على الجنين ... وفقر الدم اللي زاد والضغط كلهم لازم تحاول انها تضبطهم والا ممكن يأثرون على صحتها وصحة اللي في بطنها ... ... عقب ما وصل زياد ندى لمختبر التحاليل ماعاد عرف وش صار عليها لأنه خذ عذا لعيادة الدكتورة وندى أكدت له انها بتكون تمام وهي تعرف تصرف امورها ... ركبوا كلهم السيارة وحرك زياد بيمشي ... لكن اعصابه ارتجفت لما التفتت عذا لندى بحماس :: هاه بشري وش طلعت نتايجك ؟؟ تنهدت ندى وهي تلعب بـ سير الشنطة اللي في يدها :: مثل ماقلت لك في البيت ؟؟ ابتسمت عذا فرحانة من قلبها :: مبروك ندى ألف مبروك .. وخلاص عاد تشير اب والتفتت لزياد :: يالله لازم تعزمنا بهالمناسبة ,, ندى ماقصرت معنا يوم عرفت اني حامل وانك بتصير اب سوت لنا حفلة ماصارت ولا استوت ..! غمض زياد عينه لدقيقة وهو متوتر ومتنرفز ؟؟ يبارك لها وهو اللي يحس نفسه انه السبب ... والا يسكت ؟؟ حامل ياندى .. حامل؟؟ ليه ؟؟ والله حرام عليكم اللي تسوونه والله حرام ؟؟ الدنيا لعبت فيني لحد ماقلت وا ويلاه ...!!! والحين بعد بتضغط علي وتدمرني ؟؟؟ ابتسم زياد غصب عنه ... وماخفى هالشي عن عذا :: ولا يهمكم علموني وش تبون اي مكان تروحون له وانا جاهز ؟؟؟ ندى والعبرة خانقتها :: خلونا نروح البيت ..أحسن تنهدت عذا وهي ماتدري وش سالفت هالثنين ؟؟ صاروا غريبين وحركاتهم غريبة ؟؟؟ وش معنى كل الثنين مايبون هالحمل ؟؟؟ معقولة ندى اتطلقت وانا مادري ؟؟؟ طيب خلونا نقول زياد وبكيفه يعني هو حساس من هالخبر ؟؟ بس عاد ندى معقولة مافرحت لأنها بتكون أم ؟؟ أنا من قالوا لي انتي حامل وانا مااقدرانام الليل اعد الأيام متى ولادتي وهي هذا ردة فعلها ؟؟؟ الموضوع فيه إن وغريب ؟؟؟ سكتت وخلتهم على راحتهم ... والصمت كان سيد المكان ... ولا احد منهم تكلم .... دخل زياد الشركة بعد اسبوع من الهم والتوتر وقلة النوم ... اخته رافضة تبلغ مشاري بحملها لأنها ماتبي تضغط عليه يرجعها بدون رضاه ... وهو ضاع معها ومايدري هل من حقهم يخبون على مشاري مثل هالخبر والا لازم يقولون له ؟؟؟ وصل مكتب السكرتارية وبصوت آمر وبنفس خايسة :: ياسر جب لي ملف الوفد الصيني علشان اطلع عليه قبل لاالتقي معهم ؟؟ ومشى تاركهم ودخل مكتبه ... رمى اغراضه على الكنب وراح هو يرمي كتلة جسمه على الكرسي ... صار ماعاد يقدر حتى يشيل هدومه ؟؟ ولا حتى يستمتع بالضحك او مغازلة عذا ؟؟ كل شي حلو صار طعمه مر وعلقم ؟؟؟ الله يعينك زياد على اللي انت فيه .. دخل عليه ياسر وهو متردد .. لكن زياد عقد حواجبه :: وش فيك ياسر وش حاصل ؟؟ تلعثم ياسر و ما عرف وش يقول بس بعد ثواني استجمع قوته : الأستاذ مشاري جاء اليوم الصباح وأخذ الملف وهذا صار بأمر الشيخ ابو مشاري و مشاري بنفسه هو اللي بيتسقبل الوفد لأن توقيعات حضرتك صارت غير معتمدة ؟؟ عقد زياد حواجبه وتقدم ياسر ومعه ورقه فيها تعميم .. بلع ريقه زياد بقهر وأخذ الورقة وقرا المكتوب حرف حرف وكلمة كلمة ؟؟؟ توقيعك يا زياد صار غير نافذ من اليوم وطالع ... وزيك زي باقي الموظفين ؟؟ معليش بتضغطون علي بهالطريقة علشان تجبروني اسوي شي انا ما أبغاه ولا يريحني اسمحوا لي ماراح تقدرون ... والفلوس للجحيم عمرها ما قدمت لي السعادة هالفلوس ولو كانت تغني والا تسمن من جوع كان حميت بها امي من السرطان والا ابوي من السكتة ... رفع راسه وحاول يبتسم لياسر .. لكن ياسر عقب :: بس الأستاذ مشاري طلب منك ترافقه لمقر الغداء علشان تكون معه وقت استقبال الوفد ... هز زياد راسه وهو مو قادر حتى ينطق بحرف ... استأذن ياسر وطلع من المكتب ... أما زياد فحط راسه بين يديه من الصدمة ومن المشاكل اللي قامت تتحذف عليه يمين ويسار ... . . . . أول ما طلعوا من الفور سيزنز منتهين من مناقشة الأمور الخاصة بالشركة مع الوفد الصيني راح مشاري متوجه لسيارته و وراه زياد .. لكن الأخير ما قدر يصبر ولازم يسوي الأمر ... خلاص هو راضي باللي صار وبمكانته في الشركة لكن ندى اخته مالها دخل ولازم مشاري يشوف له حل .. زياد :: مشاري ..................!! وقف مشاري ولف له وهو يبتسم ... تنهد زياد وتلخبط ومايدري وش بيقول ؟؟ هل يعلمه عن خبر حمل ندى والا اخته ممكن تعصب عليه وبدل لا يكحلها يعميها ؟؟؟ سكت شوي وبعدين قال :: مشاري انا عندي موضوع مهم ولازم نتكلم فيه ابتسم مشاري :: وانا عارف وش بتقول وماله داعي تتكلم ... انت انتظر فترة وان شاء الله بتعرف وش بيصير على الموضوع ... زياد :: ايه بـ ـ قاطعه مشاري :: لابس ولاشي ؟؟ خلني اعيد حساباتي وغيري يعيد حساباته وعقبها انا بيكون ردي ... تآمر بشي قبل لااروح ؟؟ سكت زياد وهو فاهم كلام مشاري .. وهز راسه انه مايبي شي خلاص اللي وصله يكفيه و زود ... عطاه ظهره مشاري وراح يركب سيارته ... بينما زياد وقف ومعالم الصدمة مرسومة بحذافيرها على وجهه اللي أرهقه التفكير والقلق ،،، مصدوم ان مشاري يطلب منه مثل هالطلب بطريق مباشر ... سحب نفس عميق ينعش تنفسه اللي وقف من شوي و دار على نفسه بيروح لسيارته .. وما يدري هل هو فهم مشاري صح والا غلط ... لكن الأيام كفيلة تكشف لنا اذا زياد فهم صح او غلط ؟؟؟ ---------------------------------------------------------------------------- كانت جالسة هي واختها يلفون ورق عنب في الصالة عند التلفزيون وأمهم جالسة معهم وتكلم بالتليفون ... عبير صارت حادة في طباعها شوي مع اخوها واختها عقب اللي صار ... ماعاد تطيق منهم ولا حرف ولاكلمة ... ومن عرفت بأن أمها كانت عارفة باللي يصير انهارت زود وصارت تقول مستحيل ان الكل متفق علي وانا مادري يستحيل هالشي ... لكن بحكم انها امها فـ ماتقدر ماتكلمها او تصبح عليها كل يوم .. بس اخوانها يستاهلون ،، وعادي عندها لو تقاطعهم لحد مايحسون بغلطهم ؟؟؟ بس وبعدين واذا حسوا وش بتستفيدين انتي ؟؟؟ توقيع و وقعتي ؟؟ وزوجة وصرتي ... وش بعد بتأدبينهم عليه ؟؟ خلاص انتهى الموضوع حبيبتي والفاس طاح في الراس... كانت تلف وهي ساكتة .. تحس بنظرات أريج الي تلف عليها كل شوي ؟؟ مو بالعادة تجلس هي واياها يسوون شغل واحد من دون لايسولفون ويعلقون ... سكرت امهم الخط ،، ومباشرة رفعت أريج راسها لأمها :: من اللي بـ يزورنا؟؟؟ تنهدت ام راكان وعينها راحت لعبير اللي متحمسة وما رفعت عينها عن الصحن ::/ نواف ولد عمك ... ابتسمت أريج بخبث أما عبير فاضطرب تنفسها وحست بالتوتر ينتقل لـ يديها وماعاد عرفت تضبط اللف .. حاولت تسيطر على نفسها علشان هالأريجوه ماتنتبه ... أريج :: وش عنده بيزورنا ؟؟ ماقال لك ؟؟ ام راكان :: يقول بيسلم علينا .. وعلى عبير (( قالتها بعد تردد )) ضحكت عبير باستهزاء :: بليز لاتضحكوني وانا اشتغل علشان اقدر اضبط اللي في يدي ...؟؟ معليش يمه بس وش قال لك ؟؟ بيسلم على مين ؟؟ تنهدت ام راكان :: لاحول ولاقوة الا بالله .. انتي وش صاير لك على هالولد ؟؟؟ وش مسوي فيك يخليك تحقدين عليه لهالدرجة ؟؟ التفتت عبير لأمها وعيونها مصطلية نار وجوفها مشتعل :: ليش احقد عليه ؟؟؟ شوفي مواقفي معه والظرف اللي تزوجته فيه وبعدين احكمي ؟؟؟ استغفلني وانتم معاونينه كأنه هو ولدكم وانا لا ... قاطعتها اريج :: يكون بعلمك الملعوب كله كان من وراء راس إيمان هو ماله دخل المسكين ... وبعدين بنت عمك هي اللي شاورتني وكنا خايفين مايضبط وتزيد العلاقة سوء .. لكن لما قالت إيمان لنواف قال هي وحده من الثنتين يا نواصل اللعبة وتصير زوجتي يا إما ننكشف ويتكنسل كل شي ... وهو على العموم ما عنده شي يضحي به لأنك كذا والا كذا كنتي رافضته ... قاطعتها عبير :: إلا بالخش والدس والإستغفال ...!!!انا كنت مستعده اقبل اي شي الا هالطريقة الصهيونية .. شهقت أريج :: صهيونية مرة وحده ... المفروض تشكرينا لأننا خططنا هالمخطط والا كان انتي واياه الحين كل واحد يندب حظه وعايش مع ماضيه .. كشرت عبير بوجهها :: اسكتي يا أريج خلاص ما ابي اسمع شي ... أم راكان :: اذكروا الله ولا تتهاوشون قدامي ... وانتي عبير ترى ولد عمك بيجي ولازم تسلمين عليه ... تنهدت عبير وبحاجب مرفوع بكبر :: لا ...!! معليش يمه اسمحي لي على هالكلمة لكن انا ماراح اطلع له ومستحيل هالشي بيصير .. عصبت اريج من اختها ورمت اللي في يدها على الصينية والتفتت لها :: انا بسألك سؤال انتي على ايش شايفة عمرك وتتغلين ؟؟؟ يعني والله من الجمال والا الدلال والا النعمة اللي عايشة فيها ؟؟؟ حبيبتي اصحي لنفسك واعرفي مصلحتك وين ؟؟؟ والا وحده يحصل لها واحد مثل نواف رجال ويعتمد عليه وفوق هذا يحبها ولآخر للحظة ما فرط فيها وبالعكس غلاها في قلبه يزيد وترفضه علشان أوهام هي خلقتها من نفسها ... ؟؟؟ وبعدين لاحظي انك انتي البنت وهو الشاب .. هو اللي رافع عمره وشايل نفسه وألف من تتمناه يكون زوجها وابو عيالها اللي تعتمد عليها ويعينها على مصايب الدنيا .. وانتي بعد تتوقعين الف من يتمناك وانتي بهالوضع ..؟؟؟؟؟ صرخت ام راكان :: بنتي ألف من يتمناه ومو بس هالنواف .. طالعت أريج في امها وهي تحس انها قست على عبير :: لا يمه الحين صاروا 998 لأن اثنين منهم كانوا نواف وعبدالرحمن .. وبنتك خسرتهم ... وما تدرين يمكن الباقي يكون مصيرهم مثل عبدالرحمن او نواف .. قامت من عندهم وراحت للحمام تغسل يديها وعقبها طلعت وصعدت للدور الثاني من دون ما تلتفت وراها تشوف وش خلفت عقبها من دمار نفسي والم روحي لأختها.. تنهدت ام راكان ونزلت عينها تشوف عبير وحصلتها سرحانة وتلعب بالملعقة اللي في يدها وان ماخاب ظنها ام راكان فـ الدمعة تدق الأبواب بتنزل .. ام راكان بصوت حنون :: عبير يمه علشاني .. هالمرة بس حكمي عقلك .. ترى نواف خلاص صار زوجك وهو يستاهل انك تصيرين زوجته .. والله انكم لايقين لبعض وانتي الله يهديك حاولي تلقين له عذر على اللي سواه .. على الأقل اقنعي نفسك انه سوا هالسوات لأنه متمسك فيك وما يبي يخسرك ... وهذا هو الأكيد ... تنفست عبير بعمق ورفعت يدها تمسح الرذاذ النازل من عيونها بهدوء .. حاولت تبتسم والتفتت لأمها :: انتي شوري علي ؟؟ وش اسوي ؟؟ ام راكان وقلبها يتقطع :: شوري عليك تعرفينه ... نواف كلنا نعزه ونغليه وكلنا نعرف طيبته ورجولته .. وهو اختارك انتي من بد بنات العالم كلهم علشان تصيرين زوجته على كثر مارديتيه وقسيتي عليه ...! مع انه كان يقدر يأشر على اللي يبيها وهو متأكد وواثق انهم مستحيل يرفضونه ؟؟... وأقل شي تعوضينه به انك تقومين الحين تتحممين وتبدلين ملابسك وتنزلين تسلمين عليه ... تراه يستاهل ولد عمك انك ترضين تصيرين زوجته بعد هالملعوب ... سكتت عبير شوي ونزلت عيونها للأرض وكأنها تفكر ... وعقب ثواني رفعت عينها لأمها تبتسم وهزت راسها ..:: ولايهمك يالغلا ... الحين اروح ابدل وانزل اسلم عليه ابتسمت ام راكان بحب وسعادة لبنتها الغالية :: الله يوفقك حبيبتي ويهنيك ويسعدكم انتم الأثنين لأنكم غالين عندي وتستاهلون كل خير ... قامت عبير بعد مانفضت اللي في يدها وحبت راس امها وهي مرتاحة نفسيا وشبه مقتنعة ... وتوجهت للدرج طالعة للدور الثاني تجهز نفسها ... ومايخفى عليكم ان ضربات قلبها سبقتها وتوترها زاد وبدايات الرعشة قربت تجيها ... قصة علمني حبك .. أن أحزن ... 61
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
