علمني حبك .. أن أحزن ...33 - القصص الطويلة , القصص و الروايات story
 |
 |
 |
 |
|
 |
تابع حالة الطقس في اكبر و اشهر مدن المملكة العربية السعودية | منتديات | مقاطع فيديو تحميل افلام موقع يوتيوب youtube العاب بنات hguhf fkhj | تحميل صور jpldg w,v | بلاك بيري | بنات السعودية | قصص بنات
|
اقسام على الموقع
قصص بوليسية | قصص الأقلام المبدعه | قصص نسائية | محمد صلى الله عليه وسلم | أول الخلق | القصص الطويلة | القصص القصيرة | قصص مؤثرة | قصص الجن والسحر | قصص الحكماء مواعظ وعبر | قصص الشهداء العرب | قصص الغزوات | قصص اسلامية متنوعة | قصص تاريخية | قصص الانبياء و الصحابه والصالحين وقصص في الدين | قصص واقعيه في الزمن المعاصر | قصص غريبه وعجيبه | قصص ذكاء وسرعة بديهه وحنكه وحكمه | قصص الظلم وعواقب الظالمين | قصص ادبيه | قصص الشهامه والنبل والوفاء بالعهد | قصص الجرائم والحوادث والكوارث | قصص الاطفال والصغار | قصص الاغبياء والبلهاء والحمقى | قصص مضحكه ساخره هزليه طريفة ومواقف محرجه | قصة و قصيدة من البادية | قصص منوعه | الحب والرومانسية و الغرام | روايات مأثوره | قصص التوبه تائبون وعائدون الى الله
البحث في المواد
اكثر المحتويات زيارة
فضائح جنسية في المشاغل النسائيه وصالونات التجميل وتصوير النساء (261,949 مشاهدات)
فتاة تستأذن امها فى ممارسة الجنس (167,697 مشاهدات) قصة واقعية حدثت في ليلة الدخلة (111,849 مشاهدات) الملائكة تنقذ فتاة من الإغتصاب ... سبحان الله (72,894 مشاهدات) دخلت الفتاه الشاليه قصه يقف لها شعر الراس (71,353 مشاهدات) اغتصاب بنت ميته (71,025 مشاهدات) ركبت عبير مع خالد اللكزس وطلعو الشقه (53,887 مشاهدات) قصة حب محزنة عبر الانترنيت والله تبكى الحجر (47,631 مشاهدات)
جديد مواد مع عشوائي
زوج نجاه الله من الغرق (8,844 مشاهدات)
ضحت بذراعها لتنقذ شقيقها (10,397 مشاهدات) خرجت رائحته بعد موته (14,059 مشاهدات) آهٍ........ لو أعود (5,256 مشاهدات) توبة اشهر عارضة ازياء (10,108 مشاهدات) توبة الشيخ سعيد بن مسفر (8,116 مشاهدات) توبة أب على يد ابنه (5,204 مشاهدات) توبه فتاه ادمنت الشات (9,994 مشاهدات) |
القصص و الروايات story > القصص الطويلة > علمني حبك .. أن أحزن ...33
كيف اعلن ماهو او ماهي طريقة الاعلانات في الموقع فوق و اسفل الصفحات ؟ كل التفاصيل من الاعلانات داخل الصفحات يوجد شرح لها برابط الاتصال بنا
رواية علمني حبك .. أن أحزن ...33
انتبه نواف لأريج اللي تطل براسها وكأنها تقول شي لكنه مايسمعها لأنه مسكر درايش السيارة ... طفى سيارته ونزل وهو عاقد حواجبه ..
نواف ::/ خير .. وش صاير ؟؟ أريج وهي تصيح ::/ نواف بسرعة مافيه وقت تراه بيذبح عبير الله يخليك أركض مافيه وقت اشرح لك ... اسودت الدنيا بعيون نواف من انطرى اسمها ودرى انها في خطر يهدد حياتها ... سكر باب السيارة بقوة وركض لداخل البيت ... نادته أريج ::/ نواف تراها في الملحق من هنا تعال أقرب .. ومشت أريج وهي تركض ومعها أمها ونواف سبقهم ... وصل للباب حاول يفتحه لكنه مقفل ومستحيل بينفتح ... كان يسمع أنين خفيف جاي من الملحق ... هذا أكيد صوتها ... يارب احفظها .. يارب انها ما تتألم من شي أياً كان .. حاول يكسر الباب دفه بكتوفه ضربه برجله لكن مافيه أمل يتلحلح من مكانه .. لف على أريج بصوت رجولي شرس ::/ روحي جيبي لي المفتاح الإحتياطي ركض .. هزت أريج راسها وراحت تركض .. ام راكان قربت للباب وهي تصيح ::/ عبير يمه تسمعيني ... عبيــــــــــــــر؟؟ ما جاهم رد .. لكن صوت الأنين والنحيب الخفيف موجود .. وهذا اللي معطيهم امل .. ماقدر نواف يتحمل أكثر فصرخ بقوة زلزلت المكان ::/ راكـــــــــــــــــــــــــــان والله لو لمست شعرة منها ليكون آخر يوم بحياتك تراني قلت لك وكلمتي كلمة رجال .. فــاهم ؟؟ وضرب الباب برجله .. وصلت أريج ومعها المفتاح الإحتياطي تركض ... سحبه نواف من يدها ولف على الباب ودخله فيه .. لفه يمين يسار وحمد ربه أن المفتاح الداخلي مو موجود ... يعني يقدرون يفتحونه ... وهم عند الباب سمعوا شي كأنه أحد طاح أو ضرب في شي لكنهم ما اهتموا له لأن الأهم هو عبير ولازم يشوفون وش فيها ... فتح نواف الباب واندفع للداخل بجنون لكنه قال ::/ اصبروا هنا ياخالة لا يكون عليكم خطر .. دخل وفتح الأنوار وهو محتاط لا يباغته احد .. أو يكون فيه أحد ... أول شي سمعه هو همسها ... عبير بصوت هامس ضعيف ::/ نـ ـ ـ ـ و ا فـ ـ ـ ـ لف للزاوية اللي على يمينه وهاله المنظر اللي شافه ... تجمدت أطرافه ... وقف نفسه ... حتى ضربات قلبه زادت وصوتها أعتلى لدرجة ان الواحد يسمعها ... تاهت الحروف وضاعت الكلمات ... ماعرف وش يقول أو وش يسوي ... مايدري يتقدم لها ..؟؟ أو يطلع ويتركها ؟؟؟ مايدري يصيح على حالها والا على حاله من بعدها ؟؟؟ مايدري يلعن نفسه لأن له يد في اللي صار لها ؟؟؟ والا يلعنها هي لأنها راحت للنار برجولها ... التفت بصدمة شلت أطرافه وطالع في ام راكان اللي تنتظره يعطيها الإشارة علشان تدخل .. هز راسه بدون شعور ... لكن ما قدر يمنع نفسه انه يتقدم شوي لها ... بس شوي ..............!! شال شماغه من على راسه ورماه عليها وهو منزل راسه... نواف والدمعة دلت طريقها بتنزل::/ حطيه عليك ... عطاها ظهره بيطلع .. شاف ام راكان ووراها أريج متخوفين يدخلون وواقفين عند الباب ... يمكن لأنهم خايفين من المنظر اللي ممكن يشوفونه ... ماعطاهم نواف أي تعبير أو إشارة .. كان ساكت ومصدوم .... تشجعت ام راكان ودخلت بقوتها ووراها أريج محتمية بظهرها ... شهقت بصوت عالي لما شافت ضناها وبنتها على هالحال ... كانت عبير مستندة بكتفها على الزاوية وماده رجولها جنبها ... كانت تصيح وتصيح وتصيح لحد ماغرقت بالدموع .. كان الدم نازل من فمها ... وفيه آثار أشبه بالضرب قريب من عند عينها وفمها ... بلوزتها الحمراء اختلط معها لون الدم وامتزجوا مع بعض لدرجة ما قدروا يفرقون بين لون البلوزة الأصلي من لون دم ... أزاريرها مو مفتوحة .. لا .......!! الأزراير كانت مشلوعة من مكانها شلع ... وكأن اللي معتدي عليها واحد مجرم وسفاح ... وخريج سجون بعد في قضايا قتل وإرهاب وتفجير ... صرخت عبير من قدرت تلمح أمها من بين الضباب المتكتل قدام عيونها ... عبير وهي مادة يدها وتحضن امها ::/ يمه هو الحيوان .. هو سواها .. قلت لك انه متأكد من كلامه ... قلت لكـ ـ ـ حضنتها ام راكان بقوة لصدرها ::/ الله لايوفقه حسبي الله عليه ... الله ينتقم منه الله لايذوقه ريحة الجنة ... جلست أريج قدام أختها ومسكت يديها وهي تصيح ::/ عبير وش سوى لك ؟؟؟ وشلون لقيتيه ؟؟ ووين جاء معه ومن وين دخل ؟؟ رفعت عبير عيونها للشباك و في وسط شهقاتها ::/ انحاش يمه مع الشباك ... راح و طلع ليتكم مسكتوه علشان أشرب من دمه ... غاصت عبير أكثر في صدر امها تبيها تحسسها بالأمان وانه لايمكن أحد يتعرض لها مادامت في حضنها ... نواف اللي كان واقف ويسمعهم لكن معطيهم ظهره .. لف على جنب شوي وهو منزل راسه وعيونه ... نواف ::/ من تقصدين ؟؟ وقفت أريج على رجولها وراحت له ::/ نواف تكفى ألحقه أكيد بتلاقيه وراء البيت او طلع للشارع .. تكفى الحق عليه .. نواف ::/ طيب من هو اللي الحقه . أريج بقل صبر ::/ انت رح الحين دوره وبعدين أقول لك السالفة .. هو واحد من زملاء راكان ... هز نواف راسه بعد ماتأكدت شكوكه ،، من شاف وضعها تأكد مليون بالمية ان اللي كان معها في الملحق مو راكان ... لأنه مستحيل أخ يسوي هالسوات بأخته ... وبعدين هو عارف ولد عمه زين ... ممكن انه يتهور ويذبح ... لكن يعتدي على أخته مستحيل ... و حال عبير اللي شافها عليه يأكد له ان اللي معها حاول أو يمكن اعتدى عليها ...!! طلع من الملحق و هو خالص .. دمعته ما يقدر يمسكها أكثر ... لاتلومونه وهو شايف البنت اللي كان يحلم فيها كل يوم انها تكون زوجته وام عياله ،، البنت اللي ماكان يشوف في هالعالم غيرها واللي خلاص تعلق قلبه فيها على هالوضع المزري... مسح دمعته بظهر كفه وهو يمشي بخطوات سريعة لمكان الشباك علشان يشوف إذا هالحيوان موجود او لا .. علشان يشفي غليله منه ... أول ما وصل شاف باب الشارع مفتوح على مصراعيه .... عرف انه فر بجلده . لكن هيهات نواف بيتركه ... طلع للشارع على أمل انه يلقاه .. بس لقى الشارع فاضي وما فيه أي سيارة .. نزل ودار شوي عل وعسى يلقاه .. لكن نفس النتيجة مالقى أحد ... شاف مجموعة عيال جالسين عند واحد من البيوت ... مشى لهم نواف والألم يعتصر قلبه بين أصابعه .. مسك واحد منهم وهو يحاول يسيطر على اعصابه .. نواف ::/ لو سمحت انت ماشفت سيارة كانت واقفة قريب من هنا أو حول هالبيت ؟؟ طالعه الولد بنظرات غريبة وكأنه يفكر وبعدين قال ::/ كان فيه سيارة فضية موقفة من شوي هنا ... بس راحت مسح نواف على وجهه بعصبية ومشى من دون حتى ما يشكر الولد ... صار هو ... صار النذل اللي استغفلتني واستغفلت اهلها علشانه ... لكن انا اوريه .. دواه عندي ... دخل لبيت عمه و سكر الباب وراه بقوة .. راح للملحق بس ما لقى فيه أحد .. توقع انهم دخلوا للبيت ... راح لباب الصالة ودقه قبل لا يدخل ... جته أريج تركض ووقفت وراء الباب تكلمه .. أريج ::/ هاه نواف بشر لقيته ....؟؟ نواف ::/ لا ما امداني ألحق عليه ... لكني عرفت من هو ...؟ بلعت أريج ريقها ::/ مؤيد عبدالكريم صح ؟؟ انصدم نواف ان اريج عندها علم باللي كانت تسويه اختها وساكتة عنها ... نواف بصدمة ::/ وانتي وش عرفك ؟؟ حاربت اريج غصتها علشان تقول لنواف السالفة ::/ لأنه هو كان يتصل علينا بالبيت ومزعجنا .. وبعد فترة عرف رقم جوال عبير وبدأ يزعجها هي بروحها لكن هي ماكانت تعطيه وجه .. وآخر مرة هددها انه يا ترضخ وتصير تكلمه والا بيسوي لها شي عمرها ماشافته وبتندم عليه طول عمرها ... وهذا هو صار ونفذ تهديده .. ضحك نواف بسخرية::/ وأختك أكيد ماكانت تطلع معه ؟؟ شهقت أريج من كلامه ::/ مستحيــــــــــــــــــــل .. انت وش قاعد تقول نواف ؟؟؟ أقول لك هددها وانت تقول لي تطلع معه ؟؟؟ وش هالتفكير اللي عندك ... تنهد نواف ::/ عموما .. يصير خير .. انا بروح الحين وابخلي عمر أخوي يجي ينام عندكم ... واسمعيني .. اول مايجي راكان أخوك اتصلي علي بلغيني فاهمه .. أريج بصوت خفيف::/ زين .. نواف وهو ماشي ::/ يالله توصون شي ..؟؟ أريج ::/ لا سلامتك ... طلع نواف من عندهم والهم يآكل قلبه من جذوره عليها وعلى نفسه ... ليه كل هذا يصير ... ليه مكتوب علي انحرم منها على طول ...........................!! ركب سيارته والحسرة ماليه جوفه .. والبؤس والشقاء هو الشي اللي يشوفه في مستقبله المجهول .. وصل لبيتهم ودخل للصالة على طول ومن دون سلام ولا كلام ... انتبه لعمر أخوه اللي بثالث ثانوي نازل من الدرج ووقفه لما مسك كتفه ... نواف وكأنه مخدر ::/ اسمعني،،، الحين تآخذ بنات عمي الصغار وتوديهم لبيتهم وتنام عندهم اليوم ؟؟ استغرب عمر طلب أخوه ::/ ليه وش حاصل ؟؟ تنهد نواف ::/ اليوم دخل عليهم حرامي وانحاسوا والحمدلله اني كنت موجود ... عاد لازم يكون أحد في البيت عندهم هاليومين .. عمر ::/ أفااا .. طيب صار لهم شي أنسرق من البيت شي ؟؟ طاالعه نواف بتملل ::/ لا ما صار لهم شي .. بس انت رح الحين وخلاص ... تركه نواف وهو مو طايق نفسه وطلع الدرج متوجه لغرفته اللي يحس انها ملاذه في مثل هالحالة النفسية علشان يقدر يعاقب نفسه او يلومها ... دخل الغرفة وسكر الباب وراه بالمفتاح .. ومن دون ما يشغل النور مشى للسرير ورمى نفسه عليه بإرهاق... كان يتمنى ان كل اللي صار حلم ... وده يغمض ويفتح ويلقى شي من اللي شافه ما صار ولا كان ... ليته يسمع صوت امه الحين تقومه من النوم تقول له يروح يجيب عبير من الكلية لأن الباص فاتها ... ليت اللي صار ماصار ليت ... (((((( وليت ما تبني بيت ... ))))))) سمح لنفسه يصيح علشان يخفف عن قلبه المسكين عذابه ... سمح لدموعه تنزل في خلوته عساها تغسل صورتها البشعة اللي قدام عيونه ... غمض وفتح مليون مرة ... ولازال يحس بعروق راسه وكأنها بتنفجر ... لأن الصورة راسخة في عيونه لكن مخه مو راضي يترجمها له ... فصار عنده ها لألم اللي يحس به ....حط راسه بين يديه واطلق العنان لدموعه ... ++ أنا الحيوان ... أنا اللي مامنعت هالشي قبل لايصير ،،،، أنا اللي اكتفيت بالمراقبة وبس وسكت ... كنت شايف السيارة تدور في الحارة .. ليه ما وقفت لها ومنعتها ... ليه مارحت فب نفس اللحظة ووضحت لها اني انا عارف باللي هي تسويه من وراي ووراء اهلها ... ليه ما تحركت قبل لايطيح الفااس بالراس ؟؟؟ ليه أجلت المواجهة ؟؟؟ انا اللي خليتها تدخل البيت وانا حتى مااعرف من هو له ؟؟؟ لكنهم أكدوا لي ان اللي ساكن فيه عائلة مو بيت عزوبية ؟؟؟؟ قالوا لي أنهم عائلة تجار وهالحيوان النذل ولد تجار وولد نعمة ؟؟ ليه ماربطت الخيوط ليه ؟؟ ليه طلعت غبي وضيعتها من يدي ليه ؟؟... رجعت به الذاكرة لما رجع هذاك اليوم وما سمحت له نفسه وغيرته انه يروح كذا من دون ما يشوف من هالعالم اللي هي داخلة لهم نص الليل ...؟ وقف وشاف واحد من الجيران يوقف سيارته عند باب بيته .. نزل له نواف وهو يحاول انه مايضطرب ولا يوضح شي من ملامحه .. نواف ::/ السلام عليكم اخوي .. ... ::/ هلا والله وعليكم السلام .. التفت نواف لنفس البيت أو القصر ان صح التعبير ::/ أخوي هذا البيت تعرف من صاحبه ؟؟؟ استغرب الرجال سؤال نواف ::/ ليه ؟؟ جايكم شي منه ؟؟ تنهد نواف ::/ لا سلامتك ،،، لكن أمور أمنية عاد ليتك ماتستفسر كثير لأني ما اقدر أجاوبك ... خاف الرجال من كلام نواف ::/ هذا البيت لـ ـ ـ ـ سكت نواف شوي وكأنه يحاول يحفظ الإسم ...! وعقبها سأل ::/ انت تعرف عيالهم ؟؟؟ ابتسم الرجال ::/ اللي اعرفه ولدهم الكبير اسمه ناصر ... وهو اللي دائما اشوفه في المسجد ومعنا في اجتماعات الحارة .. متزوج وساكن مع اهله ... لكن عياله الباقين ما اعرفهم بصراحة ولا عمري قابلتهم .. نواف ::/ اهاااااا .. انت من زمان ساكن هنا ؟؟ ... ::/ ايه من ما يقارب 20 سنة لكن هم توهم منتقلين من قريب يعني حول سنة ... ابتسم نواف بامتنان :/ زين مشكور يالطيب ... يعطيك العافية .. ابتسم له الرجال وصافحه يودعه .. ومشى نوف بعد ما شبه تطمن ان هالبيت يسكنه عائلة ومو عزابية ... لكن الحين رجعت له الظنون السيئة والشكوك اللعينة ... طيب عادي وإذا صار بيت عائلة ؟؟؟ يمكن هو جابها للبيت في وقت مافيه أحد ...؟؟ لكن تذكر انه ضرب عليهم الجرس وردت عليه حرمة ؟؟؟ طيب يمكن كان عندهم ملحق خارجي أو هالمؤيد نفسه له غرفة خاصة برا البيت ؟؟؟ لكن هو راقب البيت يومين على التوالي وما شاف هالمؤيد يجيه ولا يدخله ولاحتى قرب ناحيته ... وفوق هذا ماعاد شافه نواف يجي لبيت عمه عقب هذاك اليوم ؟؟؟ يعني وش ممكن يكون تفسير هالكلام كله ؟؟؟!!! لكن يضل هو الغلطان ؟؟ ليه ما كلمها وصارحها ؟؟ ليه ما وقف في وجهها وكسر راسها على هالطلعات المشبوهة ... لكن يالله إذا فات الفوت ما ينفع الصوت ... وانت يا نواف اللي ماكنت تبي تواجهها ولا كنت تبي تسألها لأنك خايف من ردها ؟؟؟ أو يمكن لأنك ما تبي تصدق اللي شفته ...!! ذبحته الشكوك والتفاكير وما انتبه للوقت ولا انتبه لنفسه ... حس ان النوم بدء يغزي جفونه الحمراء ... نام من دون وعي ..لكنه مقرر في خاطره انه من يصحى بكرة لازم يروح لهذاك البيت نفسه ويسأل عن هالمؤيد اللعين .. ويذوقه الويل . وبيشوف وشلون يتجرأ مرة ثانية ويدوس له على طرف ... - طلعت سحر للدور الثاني علشان تشوف ندى وتقول لها آخر المستجدات ... دخلت عليها الغرفة ولقتها منسدحة على بطنها وقدامها رواية تقرأ فيها ومشغلة المسجل ... دقت سحر الباب وكأنها تطلع الحان طقاقات عليه ... سحر وهي تغني وتطبل ::/ زفوا العروس زفوها .... ابتسمت ندى بخجل واضح ::/ خلاص وقفي طق ... ترى انتي مشروع طقاقة فاشل .. ضحكت سحر ومشت وجلست جنبها ::/ والله وكبرتي ياندوش وبتصيرين مرت أخوي .. تنهدت ندى وهي تعدل جلستها ::/ شفتي القرادة اللي صابتني ؟؟ ضربتها سحر ::/ أقول يحصل لك أصلا تصيرين حرم مشاري بن ابراهيم ؟؟ ضحكت ندى ::/ تدرين احلى شي اني بسيطر على هذيك المنطقة اللي تقولين انها ملك مشاري .. بس ؟ طالعتها سحر وهي ماسكة ضحكتها وحاولت تكون جدية ::/ هذا بدل ماتقولين علشان أحبه ويحبني ونجيب درزن عيال وبنات ونفرّح عمتهم سحر ... لوت ندى بوزها ::/ ايه ان شاء الله بنجيب درزن وبنحطهم عندك ما يربيهم الا انتي ؟؟ ترى احنا مو مسؤولين عنهم ؟؟ ضحكت سحر ::/ ههههههههه الله يالدنيا يا ندى وصرتي بعد تربطين اسمه باسمك وتقولين احنا ؟؟ سبحان اللي يحول الكره لمحبة وجنون ... عطتها ندى نظرة احتقار وقالت ::/ انتي وش تبين جاية تخربين علي ؟؟ سحر ::/ أبد بس بقول لك لا تتعبين نفسك .. ترى الملكة والزواج بيكونون في يوم واحد ؟؟؟ سكتت ندى مصدومة شوي وبعدين ردت ::/ يا سلام ؟؟؟ على كيفكم هو ؟؟ تنهدت سحر ::/ هذا الكلام من مشاري .. ويقول مافيه شي الا في الصيفية الجاية ... زادت صدمة ندى ::/ اقول لايكون اخوك مغصوب علي يوم انه يمدد فترة خطوبنا ويماطل ؟؟ سحر باندفاعية ::/ أكيد لا ... وش هالخرابيط ندى .. وبعدين هو يقول علشان ما اشغلها عن دراستها ولأنه مايحتاج يملك عليك قبل لأنه عارفك وعارف أهلك واطباعك .. قاطعتها ندى ::/ بس أنا ما اعرف عنه شي .. ما اعرف الا انه واحد شيطان ومتسلط .. سحر ::/ حرام عليك تقولين عنه شيطان .. والله ان اخوي حبوب وبتشوفين بنفسك .. وبتقولين الحمدلله انه صار من نصيبي ولا خذته وحده غيري ... ندى وهي تتكتف ::/ وان ماعجبني ؟؟ سحر بنبرة تفكير ::/ ساعتها بنقول له يطلقك ويتزوج غيرك .. عادي محلولة .. ضربتها ندى بالمخدة ::/ انتي وفالك اللي زي وجهك .. انتي ان شاء الله اللي تطلقين مو انا ... شهقت سحر وما تكلمت ,,, وسكتت ندى تنتظرها تعقب او تقول شي لكن مافيه استجابة ... سكتوا الثنتين وبعد دقائق ابتسمت سحر وطالعت في ندى اللي رجعت لروايتها ,, سحر ::/ ندى ......!! ندى وعيونها في الكتاب ::/ هممممممممم سحر ::/ تتذكرين يوم اقول لك بقول لأبوي يرفض طلال ويزوجك مشاري ؟؟ شهقت ندى ورفعت عيونها تناظر سحر ::/ لا تكونين سويتيها ... ترى أقتلك واحرمك من حلم حياتك ... ضحكت سحر ::/ لا وش دعوى .. ما بعد صرت بهالنذالة ,, لكن اقول شوفي وشلون قال ربي وجبت .. وهذا انتي ما خذتي طلال وبتآخذين مشاري ... سكتت ندى ورجعت تقرأ الكتاب ... مع انها ماتدري وش الي مكتوب بين يديها ... لأنه بمجرد ما انذكر طلال وسيرة زواجها من مشاري تعكر صفو مزاجها ورجعت لها الأحزان من جد وجديد ........... على الظهر وقريب من وقت الآذان من اليوم الثاني قام نواف من نومه وهو يحس انه تعبان وعظامه تعوره .. حاول يرفع راسه من على المخده لكن ماقدر من شدة الألم في مقدمة راسه .. ضغط على جبهته وهو يسترجع ذاكرته في أمس واللي صار لهم وقلب كيانهم مرة وحده .... طالع الساعة جنبه وهو معزم على مخططه ... شافها حول الـ 11 فز من السرير بسرعة وكأنه مقروص .. دخل الحمام وخذ له دش سريع ينشطه .. بعدها طلع من الحمام لبس هدومه وخذ أغراضه الشخصية وطلع وهو يسرع من خطواته ... لقى أمه وابوه المقعد جالسين بالصالة عند التلفزيون ... سلّم عليهم وهو مستعجل ... لكن وقفته أمه .. ام نواف ::/ تعال نواف وين بتروح ؟؟ تنهد نواف وهو يلف لأمه ::/ عندي موعد مهم ... تبون شي قبل لاأطلع ؟؟ ام نواف ::/ وش اللي صاير في بيت عمك ؟؟؟ نواف ::/ من قايل لك عنهم ؟؟ ابو نواف ::/ اخوك عمر أمس اتصلنا عليه نشوف وينه وقال لنا السالفة ... نواف ::/ إيه المهم إن ما عليهم شر الحين ... ابو انواف ::/ بلغت عنه طيب ؟؟ ارتبك نواف وهو ناسي سالفة تبليغ الشرطة نهائيا واضطر انه يكذب::/ إيه بلغت أمس وانتظر ردهم .. يالله عاد انا بمشي تبون شي ؟؟ ام نواف ::/ سلامتك بس انتبه لدربك .. هز نواف راسه مبتسم وطلع من البيت وهو متوتر وقلبه يمغصه من الخوف و الإرتباك ... وده ان كل شي يطلع كذبة وان عبير تصير بريئة من اللي شافه او تصير خدعه منهم .... ركب سيارته وانطلق من بيتهم لنفس الحارة اللي فيها هذاك البيت .. أول ما وصل هناك زاد توتره وعرق جبينه ... كان طول الطريق وهو يفكر في الكلام اللي راح يقوله وفي الطريقة اللي بيستخدمها وتخليه يوصل للي يبيه بدون لا احد يشك فيه ... دخل الحارة وأقبل على البيت ,,, ومن حسن حظه ودعواته اللي الظاهر انها اُستجيبت .. لقى شاب واقف عند باب البيت نفسه وكان شاب في مقتبل عمره يعني ما كمل الـ 27... وقف نواف سيارته جنبه وهو يضرب له بوري ينبهه إنه يبيه ... نزل نواف وهو مبتسم ظاهريا .. لكن داخليا مكتأب ولا أحد يعلم بالنار اللي في قلبه الا ربه ... نواف مبتسم ::/ السلام عليكم أخوي .. ...../ هلا والله وعليكم والسلام والرحمة ... عقد نواف حواجبه في تساءل ::/ انت ناصر ؟؟ ابتسم له الشاب ::/ لا والله انا اخوه اللي تحته .... عبدالرحمن... تقدم له نواف وسلم عليه ::/ معليش اخوي اعذرني بس تراني أعرفكم بالإسم ولا عمري قد شفت ولا واحد منكم .. سلم عليه عبدالرحمن ::/ ما عليك يا الطيب لكن ماعرفتني عليك ..؟ نواف ::/ انا نواف بن علي ... عقد عبدالرحمن حواجبه وكأنه يقول لنواف (( آسف لكن ما عرفتك )) ابتسم نواف ::/ والله يا عبدالرحمن انت لاتعرفني وانا ما أعرفك لكن هالبيت مذكور لي وموصوف لي أنه يسكن فيه شاب أسمه مؤيد ... عاد يوم سألت الجيران عنه قالوا لي ان صاحبه يقال له ابو ناصر ,,, ومنها توقعتك ناصر .. ابتسم عبدالرحمن::/ هلا بك ... بس هالمؤيد ما اعرف عنه شي والله... ؟؟ نواف ::/ غريبة ...؟ طيب عيال عمومتك او خوالك ..؟ سكت عبدالرحمن شوي وكأنه يسترجع ذاكرته ونواف يرتقب رده ::/ والله يا نواف للأسف يعني اللي اعرفه انه مافيه احد قريب لنا مرة ويمون يجي لنا في بيتنا يقال له مؤيد ..؟؟ بس عاد وش عائلته يمكن انه ساكن في نفس الحارة بس انت غلطان في البيت ؟؟؟ نواف بعد ماتذكر ::/ اسمه مؤيد عبدالكريم ؟؟ عبدالرحمن مبتسم ::/ لا والله ما اعرف أحد بهالإسم ؟؟؟ سكت نواف شوي وبعدين قال ::/ طيب ربعكم وزملاؤكم ؟؟ عبدالرحمن::/ ايه صح جايز انه من ربع ناصر اخوي ... لكن انا ما اعرف احد بهالإسم ؟؟ نواف باندفاع ::/ طيب يعطيك العافية ليتك تسأل أخوك ... هز عبدالرحمن راسه ::/ ابسأله بس انت عاد اقلط في المجلس ونتكلم على راحتنا مو في الشارع ؟؟ نواف مبتسم ::/ مشكور وخيرك سابق ... لكني والله مستعجل وياليتك تخلص لي طلبي جعلك تسلم ... طلع عبدالرحمن جواله وهو يبتسم لنواف واتصل على ناصر اخوه يسأله ... وبعد دقائق سكر التليفون ولف لنواف .. عبدالرحمن::/ والله يقول ما اعرفه شخصيا ... تنهد نواف ::/ طيب يمكن من ربع أخوانك االباقين ..؟ عبدالرحمن::/ والله مالي اخوان غير ناصر والثاني مسافر يدرس برا ... سكت نواف وخيبة الأمل تسللت لقلبه ... إذا هذا مو بيت مؤيد ؟؟ أجل وشلون سيارته جت ودخلت فيه ومعه عبير ؟؟؟ معقولة يكون أحد ثاني غير مؤيد ؟؟؟؟ (( انصدم من هالفكرة اللي راودته ))) ابتسم على مضض وهو يودع عبدالرحمن ومشى من عنده وركب سيارته ... طالع في جواله لقى حوالي عشر مكالمات من بيت عمه ... خاف لايكون صاير لهم شي ثاني بعد ... اتصل عليهم واصابعه ترتجف من الرهبه .. ومن اول رنة ردت عليه أريج ... أريج بصوت واطي ::/ صباح الخير نواف .. نواف ::/ هلا صباح النور ... خير وش صاير عليكم عسى ما شر ؟؟ انحرجت أريج من كلامه وحست انها ثقلت عليه ::/ معليش أزعجتك نواف .. لكن راكان أخوي عندنا بالبيت ... اشتعلت اعصاب نواف من الغضب على هالهايت ولد عمه وضاقت ضلوعه عليه لدرجة انه ماعاد قدر يتنفس ::/ متى وصل لكم ؟؟ أريج ::/ من دقائق جاء .. والحين هو بالمجلس عند أمي وعمر ... هز نواف راسه ::/ زين ربع ساعة بالكثير وانا عندكم ... اغلق نواف تليفونه وبسرعة جنونية مشى بسيارته رايح لبيت عمه يشوف وش آخرتها مع هالمستهتر اللي مضيع اخواته معه .... - في هالوقت رن تليفون البيت وام عبدالله ما كانت حوله في المطبخ تجهز غداهم ... رن للمرة الثانية وأخيرا هي انتبهت له ... طلعت من المطبخ وراحت للصالة ترد عليه ... شافت الرقم ولقته غريب وماتعرفه .. استغربت لكن قالت بترد يمكن احد يبيهم ضروري .. ام عبدالله ::/ مرحبــا ... ....::/ يمـــــــــــــــــــــــــــه ؟؟؟ وينكم ؟؟ ابتسمت ام عبدالله ::/عذا ...! وين تتصلين منه ؟؟ عذا والعبرة خانقتها ::/ وين اكلمك منه ؟؟ إيه أكيد انا مو اكبر همك تشوفين اذا انا جيت للبيت والا لا ؟؟؟ شهقت ام عبدالله وهي تطالع الساعة ::/ للحين وانتي في المدرسة ؟؟؟ عذا ودمعتها عند الباب ::/ حلو انك تذكرتي اني ادرس .. ضحكت ام عبدالله ::/ وش دعوى حبيبتي .. طيب وين هو ابوك ليه ماجاك للحين ؟؟ عذا ::/ هذا اللي مخليني اتصل عليكم انا لي الحين ساعتين مخلصة ولا أحد جاء يآخذني ؟؟؟ وساروة الدوبا أخذها أسامة من فتح الباب قبل لاأطلع انا ..حتى ما انتظروني ؟؟ ام عبدالله ::/ سارة قايله لأسامة أمس يمرها لأنها ماعندها استعداد تنتظرك .. بس عاد خليني اتصل على ابوك اشوف وينه .. والا جيت انا وسوراج نآخذك .. زين ؟؟ تنهدت عذا ::/ مو اسكر منك الحين وعقب تنسيني وما كأني اتصلت ؟؟؟ ابتسمت ام عبدالله ::/ لا عاد ما توصل لهالدرجة .. ويالله علشان اتصل على ابوك .. سكرت عذا من امها وهي معصبة ومنرفزة خصوصا ان بكره عليها مادة صعبة وهي منبهه على أهلها انهم يآخذونها بدري من المدرسة علشان يمديها تريح وتقوم تذاكر .. اما ام عبدالله فـ على طول اتصلت على محمد علشان يروح يجيب بنته اللي الظاهر انه نساها مع زحمة الدوام .. ام عبدالله مبتسمة ::/ هلا والله باللي نسى عياله في المدرسة ... ابو عبدالله بابتسامة واهنة وصوت ضعيف ::/ الله يذكرك الشهادة من جد كنت ناسيها .. خافت ام عبدالله من نبرة صوته المتغيرة ::/ محمد سلامات وش فيك ؟؟ وانت وينك ؟؟ تنهد ابو عبدالله ::/ مصيبة يا الجوهرة ونزلت على راسي ... مصيبة شهقت ام عبدالله ::/ وش مصيبته .. قل لي محمد الله يخليك لاتخوفني ؟؟ ابو عبدالله بصوت مكسور ::/ ما اقدر اقول لك شي الحين لأني عند المدير .. بستأذن منه واطلع للبيت وأقول لك كل شي ... بلعت ام عبدالله غصتها ::/ طيب براحتك ... يعني أروح انا اجيب عذا ؟؟ ابو عبدالله ::/ يكون أفضل لأني ما ابيها تكتشف ان فيني شي .. بنتك تعرفينها تعرف ادق الأمور من تعابير وجهي ... ابتسمت ام عبدالله ::/ خلاص يالغالي .. ترى انتظرك وانتبه لدربك ... ابتسم ابو عبدالله ::/ لا تخافين علي ... يالله مع السلامة ... ام عبدالله ::/ مع السلامة .. سكرت الجوهرة من محمد وحطت يدها على قلبها ... دعت ربها في سرها والوحيد اللي متعوده انها تلتجئ له في سراءها وضرائها أنه يهون مصيبتهم ويجعل لهم من كل هم فرج ... رفعت السماعة واتصلت على سوراج خلته يجهز السيارة ولبست عبايتها وطلعت معه يجيبون عذا من المدرسة ..................................!! قصة علمني حبك .. أن أحزن ...33
أضف في موقعك:
قصص مشابهه :
|
||||||||||||||||||||||
مرات المشاهدة: < مرة/مرات
